ᱯᱩᱨᱤ ᱵᱤᱪᱽ

ᱯᱩᱨᱤ ᱵᱤᱪ ᱫᱚ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱯᱩᱨᱤ ᱦᱚᱱᱚᱛ ᱟᱲᱮ ᱵᱚᱝᱜᱚᱯ ᱫᱚᱨᱭᱟ (Bay of Bengal) ᱰᱷᱤᱯ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱳᱰᱤᱥᱟ ᱟᱹᱨᱤᱪᱟᱹᱞᱤ ᱟᱨ ᱴᱩᱨᱤᱡᱤᱢ ᱛᱷᱚᱱᱚᱛ ᱦᱚᱛᱮᱛᱮ ᱢᱟᱱᱚᱛ ᱟᱠᱟᱱ ᱢᱤᱫ ᱧᱮᱞᱡᱚᱝ ᱴᱷᱟᱶ ᱠᱟᱱᱟ ᱾ ᱱᱚᱶᱟ ᱨᱮᱱᱮᱜ ᱧᱮᱞ ᱟᱨ ᱡᱚᱛᱚᱱ ᱵᱷᱟᱹᱨᱭᱟᱹ ᱫᱚ ᱯᱩᱨᱤ ᱢᱩᱱᱤᱥᱤᱯᱟᱞᱤᱴᱤ ᱟᱨ ᱳᱰᱤᱥᱟ ᱥᱚᱨᱠᱟᱨ ᱴᱩᱨᱤᱡᱤᱢ ᱛᱷᱚᱱᱚᱛ ᱦᱚᱛᱮ ᱛᱮ ᱦᱩᱭᱩᱜ ᱠᱟᱱᱟ ᱾ ᱡᱚᱜᱚᱱᱱᱟᱷ ᱵᱳᱸᱜᱟ ᱫᱚᱨᱥᱚᱱ ᱞᱟᱹᱜᱤᱫ ᱱᱚᱸᱰᱮ ᱫᱤᱥᱚᱢ ᱫᱤᱥᱚᱢ ᱠᱷᱚᱱ ᱦᱤᱡᱩᱜ ᱥᱟᱶᱛᱮ ᱱᱚᱶᱟ ᱚᱩᱨᱤ ᱵᱤᱪ ᱦᱳᱸ ᱠᱚ ᱦᱤᱨᱤ ᱛᱚᱨᱟᱭᱮᱫᱼᱟ ᱾

ᱯᱩᱨᱤ ᱵᱤᱪᱽ

Location	ᱯᱩᱨᱤ, ᱳᱰᱤᱥᱟ, ᱥᱤᱧᱚᱛ
Coast	ᱵᱮᱻ ᱚᱯ ᱵᱮᱝᱜᱚᱞ
Type	natural sandy beach
Governing authority	OTDC

ᱴᱷᱟᱶ

ᱯᱩᱨᱤ ᱵᱤᱪ ᱫᱚ ᱵᱩᱨᱤ ᱱᱟᱜᱟᱨ ᱨᱮᱱᱟᱜ ᱪᱚᱠᱨᱚᱛᱤᱨᱛᱷᱚ ᱰᱟᱦᱟᱨ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱳᱰᱤᱥᱟ ᱯᱚᱱᱚᱛ ᱨᱟᱡᱽᱜᱟᱲ ᱠᱷᱚᱱ ᱖᱐ ᱠᱤᱞᱚᱢᱤᱴᱚᱨ ᱟᱨ ᱠᱚᱬᱟᱨᱠ ᱠᱷᱚᱱ ᱓᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾

ᱦᱮᱡ ᱥᱮᱱ ᱥᱩᱵᱤᱫᱷᱟ

ᱯᱩᱨᱤ ᱵᱤᱪ ᱨᱮᱱᱟᱜ ᱥᱩᱨ ᱨᱮᱞ ᱥᱴᱮᱥᱚᱱ ᱫᱚ ᱦᱩᱭᱩᱜ ᱠᱟᱱᱟ ᱯᱩᱨᱤ ᱨᱮᱞ ᱥᱴᱮᱥᱚᱱ, ᱡᱟᱦᱟᱸ ᱫᱚ ᱚᱸᱰᱮ ᱠᱷᱚᱱ ᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱥᱩᱨ ᱨᱮᱱᱟᱜ ᱦᱚᱭᱰᱟᱦᱟᱨ (ᱩᱰᱟᱹᱱ ᱜᱷᱟᱹᱴᱤ) ᱫᱚ ᱖᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱵᱤᱡᱩ ᱯᱚᱴᱴᱱᱟᱭᱮᱠ ᱮᱭᱟᱨᱯᱚᱨᱴ ᱢᱮᱱᱟᱜᱼᱟ ᱾ ᱱᱚᱶᱟ ᱵᱮᱜᱚᱨ ᱚᱛ ᱰᱟᱦᱟᱨ ᱛᱮᱦᱚᱸ ᱥᱮᱱᱚᱜ ᱨᱮᱱᱟᱜ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾

ᱥᱚᱨᱮᱥ

• ᱥᱩᱫᱚᱨᱥᱚᱱ ᱯᱚᱴᱴᱱᱟᱭᱮᱠ ᱥᱟᱶᱛᱮ ᱮᱴᱟᱜ ᱵᱟᱹᱞᱤ ᱪᱤᱛᱟᱹᱨ ᱵᱟᱰᱚᱦᱚᱦᱤ ᱦᱚᱛᱮ ᱵᱮᱱᱟᱣᱜ ᱠᱟᱱ ᱱᱟᱱᱟᱦᱩᱱᱟᱹᱨ ᱵᱟᱹᱞᱤ ᱜᱚᱲᱦᱚᱱ (Sand art) ᱾
• ᱧᱮᱧᱮᱞᱤᱭᱟᱹ ᱠᱚᱣᱟᱜ ᱪᱟᱸᱫᱳ-ᱩᱢ ᱟᱨ ᱥᱟᱹᱢᱩᱸᱫᱽ ᱢᱚᱱᱮ ᱵᱷᱩᱞᱟᱹᱣ ᱩᱢᱩᱜ ᱾
• ᱠᱟᱴ ᱨᱮᱱᱟᱜ ᱰᱷᱚᱝᱜᱟ ᱛᱮ ᱫᱚᱨᱭᱟ ᱵᱷᱤᱛᱤ ᱥᱮ ᱥᱮᱱᱚᱜ ᱾
• ᱢᱚᱱᱮ ᱵᱷᱩᱞᱟᱹᱣ ᱫᱟᱬᱟ ᱵᱟᱬᱟᱭ ᱞᱮᱠᱟᱱ ᱴᱷᱟᱶ ᱾
• ᱫᱷᱤᱯ ᱨᱮᱱᱟᱜ ᱵᱟᱹᱞᱤ ᱨᱮ ᱧᱮᱧᱮᱞᱤᱭᱟᱹ ᱠᱚ ᱠᱚ ᱫᱟᱬᱟ ᱵᱟᱲᱟᱭ ᱾

ᱪᱤᱛᱟᱹᱨ

• 
  ᱯᱩᱨᱤ ᱵᱤᱪ ᱫᱟᱬᱟᱱ ᱴᱷᱟᱶ
• 
  ᱯᱩᱨᱤ ᱵᱤᱧ ᱧᱮᱞᱡᱚᱝ
• 
  ᱡᱚᱢᱟᱜ ᱴᱷᱟᱶ
• 
  ᱯᱩᱨᱤ ᱵᱤᱪ ᱢᱟᱨᱟᱝ ᱯᱟᱨᱟᱵᱽ
• 
  ᱵᱟᱹᱞᱤ ᱛᱮᱭᱟᱜ ᱜᱚᱲᱦᱚᱱ
• 
  ᱵᱤᱪ ᱑
• 
  ᱵᱤᱪ ᱒
• 
  ᱯᱮ ᱠᱚᱬ ᱩᱢᱩᱞ ᱴᱷᱟᱶ
• 
  ᱵᱤᱪ ᱓
• 
  ᱥᱟᱹᱢᱩᱫᱽ ᱰᱷᱮᱣ
• 
  ᱫᱤᱜᱚᱵᱟᱨᱮᱬᱤ ᱪᱷᱚᱠ