ᱱᱚᱛᱨᱮ ᱫᱟᱢᱮ ᱫᱮ ᱯᱮᱨᱤᱥ

ᱱᱚᱛᱨᱮ ᱫᱟᱢᱮ ᱫᱮ ᱯᱮᱨᱤᱥ (ᱤᱝᱨᱟ.ᱡᱤ: Notre Dame de Paris) ᱫᱚ ᱯᱷᱨᱟᱱᱥ ᱨᱮᱭᱟᱜ ᱨᱟᱡᱽᱜᱟᱲ ᱨᱮ ᱢᱮᱱᱟᱜ-ᱟ৷ ᱱᱟᱯᱟᱭ ᱱᱟᱯᱟᱭ ᱜᱚᱲᱦᱚᱱ ᱢᱩᱴᱷᱟ.ᱱ ᱨᱮᱭᱟᱜ ᱴᱷᱟ.ᱭ ᱢᱮᱱᱛᱮ ᱱᱚᱣᱟ ᱫᱚ ᱞᱮᱠᱷᱟᱜ ᱠᱟᱱᱟ৷ ᱑᱙᱙᱑ ᱥᱮᱨᱢᱟ ᱨᱮ ᱭᱩᱱᱤᱥᱠᱚ ᱫᱚ ᱱᱚᱣᱟ ᱡᱟᱭᱜᱟ ᱫᱷᱟ.ᱨᱛᱤ ᱱᱟᱜᱟᱢᱤᱭᱟ. ᱴᱚᱴᱷᱟ ᱢᱮᱱᱛᱮ ᱰᱟᱢ ᱰᱟᱦᱮ ᱠᱮᱫᱟ৷ ᱱᱚᱣᱟ ᱜᱤᱨᱡᱟ. ᱚᱲᱟᱜ ᱫᱚ ᱯᱮᱨᱤᱥ ᱨᱮᱱᱟᱜ ᱧᱮᱧᱮᱞ ᱡᱟᱭᱜᱟ ᱠᱚ ᱢᱩᱫᱽ ᱨᱮ ᱢᱤᱫ ᱴᱮᱱ ᱠᱟᱱᱟ৷

ᱴᱷᱟ.ᱭ

ᱢᱤᱫ ᱴᱮᱱ ᱟᱰᱤ ᱱᱟᱯᱟᱭ ᱴᱷᱟ.ᱭ ᱨᱮ ᱱᱚᱣᱟ ᱜᱤᱨᱡᱟ. ᱚᱲᱟᱜ ᱫᱚ ᱢᱮᱱᱟᱜ-ᱟ৷ ᱯᱮᱨᱤᱥ ᱨᱮᱭᱟᱜ ᱥᱤᱱ(Seine) ᱜᱟᱰᱟ ᱱᱚᱣᱟ ᱴᱷᱟ.ᱭ ᱨᱮ ᱜᱮ ᱵᱟᱨ ᱴᱷᱮᱱ ᱪᱟᱝᱜᱽᱲᱮ ᱟᱠᱟᱱᱟ৷ ᱫᱟᱜ ᱛᱷᱚᱲᱟ ᱡᱷᱟ.ᱞ ᱵᱟᱨᱭᱟ ᱪᱟᱝᱜᱽᱲᱮ ᱠᱟᱛᱮ ᱟᱨᱦᱚ ᱢᱤᱫ ᱴᱷᱮᱱ ᱜᱮ ᱫᱩᱞ ᱢᱤᱫ ᱟᱠᱟᱱᱟ৷ ᱵᱟᱨᱭᱟ ᱪᱟᱝᱜᱽᱲᱟ ᱛᱟᱞᱟ ᱨᱮ ᱥᱤᱨᱡᱟ.ᱣ ᱟᱠᱟᱱᱟ ᱢᱤᱫᱴᱮᱱ ᱜᱟᱰᱟ ᱴᱟ.ᱯᱩ৷ ᱱᱚᱣᱟ ᱴᱟ.ᱯᱩ ᱪᱮᱨᱟᱱ ᱨᱮ ᱜᱮ ᱱᱚᱛᱨᱮ ᱫᱟᱢᱮ ᱫᱮ ᱯᱮᱨᱤᱥ ᱫᱚ ᱢᱮᱱᱟᱜ-ᱟ৷

ᱵᱮᱱᱟᱣ

ᱢᱚᱨᱤᱥ ᱫᱟ ᱥᱟᱞᱤ ᱧᱩᱛᱩᱢᱟᱱ ᱢᱤᱫᱴᱮᱱ ᱵᱤᱥᱚᱯ ᱑᱑᱖᱓ ᱥᱮᱨᱢᱟ ᱨᱮ ᱱᱚᱣᱟ ᱜᱤᱨᱡᱟ. ᱚᱲᱟᱜ-ᱮ ᱵᱮᱱᱟᱣᱮ ᱮᱦᱚᱵ ᱞᱮᱫᱟ৷ ᱟᱢᱫᱟᱡᱽ ᱑᱘᱗ ᱥᱮᱨᱢᱟ ᱛᱟᱭᱚᱢ ᱑᱓᱕᱐ ᱥᱮᱨᱢᱟ ᱛᱟᱭᱚᱢ ᱨᱮ ᱱᱚᱣᱟ ᱠᱟ.ᱢᱤ ᱯᱩᱨᱟ.ᱣ ᱟᱠᱟᱱᱟ ৷ ᱜᱤᱨᱡᱟ.ᱚᱲᱟᱜ ᱨᱮᱭᱟᱜ ᱡᱤᱞᱤᱧ ᱟᱢᱫᱟᱡᱽ ᱔᱕0 ᱯᱷᱩᱴ ᱟᱨ ᱚᱥᱟᱨ ᱟᱢᱫᱟᱡᱽ ᱑᱗᱕ ᱯᱷᱩᱴ ᱠᱟᱱᱟ৷ ᱢᱤᱫᱴᱮᱱ ᱟ.ᱰᱤ ᱢᱟᱨᱟᱝ ᱨᱟᱪᱟ ᱨᱮᱛᱟᱜ ᱥᱟᱢᱟᱝ ᱵᱷᱟᱜᱽ ᱫᱚ ᱧᱮᱞᱚᱜ ᱞᱮᱠ ᱠᱟᱱᱟ৷ ᱱᱚᱣᱟ ᱦᱤᱥ ᱫᱚ ᱯᱮᱭᱟ ᱥᱚᱢᱟᱱ ᱵᱷᱟᱜᱽ ᱦᱟ.ᱴᱤᱧ ᱟᱠᱟᱱᱟ৷ ᱞᱟᱛᱟᱨ ᱩᱛᱟ.ᱨ ᱠᱷᱚᱱ ᱢᱤᱫ ᱴᱮᱱ ᱛᱟᱭᱯᱢ ᱢᱤᱫᱴᱮᱱ ᱫᱩᱣᱟ.ᱨ ᱢᱮᱱᱟᱜ-ᱟ৷ ᱛᱟᱞᱟ ᱨᱮᱭᱟᱜ ᱫᱩᱣᱟ.ᱨ ᱫᱚ ᱞᱟ.ᱴᱩ ᱩᱛᱟ.ᱨ ᱜᱮᱭᱟ৷ ᱱᱚᱣᱟ ᱛᱟᱞᱟ ᱨᱮ ᱡᱤᱥᱩ ᱢᱟ.ᱥᱤ ᱟᱜ ᱢᱩᱴᱷᱟ.ᱱ ᱢᱮᱱᱟᱜ-ᱟ৷ ᱥᱩᱨ ᱨᱮᱱᱟᱜ ᱵᱟᱨᱭᱟ ᱫᱩᱣᱟ.ᱨ ᱫᱚ ᱱᱟᱥᱮ ᱠᱟ.ᱴᱤᱡ ᱧᱚᱜ ᱜᱮᱭᱟ৷ ᱯᱮᱭᱟ ᱫᱩᱣᱟ.ᱨ ᱪᱮᱛᱟᱱ ᱨᱮ ᱟ.ᱰᱤ ᱢᱚᱡᱽ ᱢᱚᱡᱽ ᱪᱤᱛᱟ.ᱨ ᱥᱟᱶ ᱯᱮᱭᱟ ᱠᱷᱤᱲᱠᱤ ᱢᱮᱱᱟᱜ-ᱟ৷ ᱜᱚᱛᱷᱤᱠ ᱢᱚᱰᱮᱞ ᱵᱟᱨᱭᱟ ᱟ.ᱰᱤ ᱢᱚᱡᱽ ᱵᱩᱨᱩᱧᱡᱽ ᱢᱮᱱᱟᱜ-ᱟ৷ ᱜᱟ.ᱨᱡᱟ. ᱚᱲᱟᱜ ᱪᱷᱟᱫᱽ ᱛᱟᱞᱟ ᱠᱷᱚᱱ ᱥᱤᱭᱟ ᱦᱩᱭ ᱡᱟᱛᱮ ᱥᱮᱨᱢᱟ ᱴᱩᱱᱰᱩ ᱢᱤᱫᱴᱮᱱ ᱪᱩᱲᱟ. ᱢᱮᱱᱟᱜ-ᱟ৷