ᱣᱤᱠᱤᱯᱤᱰᱤᱭᱟ

ᱱᱚᱴᱚᱨᱟᱡᱚᱱ ᱪᱚᱸᱫᱽᱨᱚᱥᱮᱠᱷᱚᱨᱚᱱ

ᱥᱤᱧᱚᱛᱤᱭᱟᱹ ᱵᱮᱯᱟᱨᱤᱭᱟᱹ

ᱱᱚᱴᱚᱨᱟᱡᱚᱱ ᱪᱚᱸᱫᱽᱨᱚᱥᱮᱠᱷᱚᱨᱚᱱ (ᱡᱟᱱᱟᱢ ᱒ ᱡᱩᱱ ᱑᱙᱖᱓) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱵᱮᱯᱟᱨᱤᱭᱟᱹ ᱟᱨ ᱴᱟᱴᱟ ᱥᱚᱱᱥ ᱟᱨ ᱴᱟᱴᱟ ᱜᱩᱴ ᱨᱤᱱᱤᱡ ᱯᱟᱨᱥᱮᱛ ᱠᱟᱱᱟᱭ ᱾[᱑][᱒] ᱒᱐᱐᱙ ᱥᱟᱞ ᱨᱮ ᱩᱱᱤ ᱫᱚ ᱴᱟᱴᱟ ᱠᱚᱱᱥᱚᱞᱴᱮᱱᱥᱤ ᱥᱚᱨᱵᱤᱥᱤᱡᱽ (ᱴᱤ.ᱥᱤ.ᱮᱥ.) ᱨᱤᱱᱤᱡ ᱪᱤᱯᱷᱤ ᱠᱚᱱᱥᱚᱞᱴᱮᱱᱥᱤ ᱚᱯᱷᱤᱥᱚᱨ (ᱥᱤ.ᱳ.ᱳ.) ᱟᱨ ᱠᱟᱹᱢᱤᱭᱟᱹ ᱰᱟᱭᱨᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟ ᱾[᱓][᱔] ᱩᱱᱤ ᱫᱚ ᱴᱟᱴᱟ ᱢᱳᱴᱚᱨᱥ ᱟᱨ ᱴᱟᱴᱟ ᱜᱞᱳᱵᱟᱞ ᱵᱤᱵᱷᱚᱨᱮᱡᱽ (TGB) ᱨᱤᱱᱤᱡ ᱯᱟᱨᱥᱮᱛ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱴᱟᱴᱟ ᱜᱨᱩᱯ ᱨᱤᱱᱤᱡ ᱯᱩᱭᱞᱩ ᱵᱮ-ᱯᱟᱨᱥᱤ ᱟᱨ ᱯᱨᱚᱯᱷᱮᱥᱚᱱᱟᱞ ᱠᱟᱹᱢᱤᱭᱟᱹᱭ ᱵᱮᱱᱟᱣ ᱮᱱᱟ ᱾[᱕] ᱱᱩᱭ ᱫᱚ B20 ᱤᱱᱰᱤᱭᱟ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱟᱨ G20 ᱨᱮ ᱥᱤᱧᱚᱛ ᱨᱤᱱᱤᱡ ᱯᱟᱨᱥᱮᱛ ᱚᱠᱛᱚ ᱨᱮ ᱴᱨᱮᱰ ᱮᱡᱮᱱᱰᱟ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱾[᱖]

ᱱᱚᱴᱚᱨᱟᱡᱚᱱ ᱪᱚᱸᱫᱽᱨᱚᱥᱮᱠᱷᱚᱨᱚᱱ
ᱪᱚᱱᱫᱽᱨᱚᱥᱮᱠᱚᱨᱚᱱ, ᱥᱤ. ᱒᱐᱑᱓
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ᱒ ᱡᱩᱱ ᱑᱙᱖᱓ (1963-06-02) (᱖᱑ ᱥᱮᱨᱢᱟ)
ᱢᱳᱦᱚᱱᱩᱨ, ᱢᱚᱫᱽᱨᱟᱥ ᱯᱚᱱᱚᱛ
(ᱱᱤᱛᱚᱜ ᱫᱚ ᱱᱟᱢᱚᱠᱠᱚᱞ, ᱛᱟᱢᱤᱞᱱᱟᱰᱩ), ᱥᱤᱧᱚᱛ
ᱥᱮᱪᱮᱫ ᱟᱠᱷᱲᱟ
ᱥᱟᱧᱩᱢᱴᱟᱴᱟ ᱥᱚᱸᱥ ᱟᱨ ᱴᱟᱴᱟ ᱜᱩᱴ ᱨᱤᱱᱤᱡ ᱯᱟᱨᱥᱮᱛ
ᱠᱟᱹᱢᱤᱭᱟᱹ ᱥᱚᱦᱚᱫ ᱢᱮᱱᱟᱭ ᱜᱟᱶᱛᱟ
ᱡᱤᱭᱚᱱ ᱥᱚᱦᱮᱫᱞᱚᱞᱤᱛᱤᱛᱷᱟ ᱪᱚᱸᱫᱽᱨᱚᱥᱮᱠᱷᱚᱨᱚᱱ
ᱥᱤᱨᱯᱷᱟᱹᱯᱚᱫᱽᱢᱚ ᱵᱷᱩᱥᱚᱱ (᱒᱐᱒᱒)

ᱥᱮᱪᱮᱫ ᱟᱨ ᱠᱟᱹᱢᱤ

ᱥᱟᱯᱲᱟᱣ

ᱪᱚᱸᱫᱽᱨᱚᱥᱮᱠᱷᱚᱨᱚᱱ ᱫᱚ ᱢᱳᱦᱚᱱᱩᱨ ᱨᱮᱱᱟᱜ ᱢᱤᱫ ᱛᱟᱢᱤᱞ ᱥᱚᱨᱠᱟᱨᱤ ᱟᱥᱲᱟ ᱨᱮᱭ ᱯᱟᱲᱦᱟᱣ ᱞᱮᱱᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱠᱚᱭᱚᱢᱵᱚᱴᱩᱨ ᱤᱱᱥᱴᱤᱴᱭᱩᱴ ᱚᱯᱷ ᱴᱮᱠᱱᱚᱞᱚᱡᱤ ᱠᱷᱚᱱ ᱮᱯᱞᱟᱭᱤᱰ ᱥᱟᱭᱤᱱᱥ ᱨᱮ ᱵᱮᱪᱞᱳᱨ ᱰᱤᱜᱽᱨᱤ ᱧᱟᱢ ᱠᱮᱫᱼᱟ ᱾[᱗] ᱩᱱᱤ ᱫᱚ ᱑᱙᱘᱖ ᱥᱟᱞ ᱨᱮ ᱥᱤᱧᱚᱛ ᱨᱮᱱᱟᱜ ᱛᱟᱢᱤᱞᱱᱟᱰᱩ ᱨᱮ ᱴᱚᱴᱷᱟᱠᱤᱭᱟᱹ ᱤᱸᱡᱤᱱᱤᱭᱟᱨᱤᱝ ᱠᱚᱞᱮᱡᱽ, ᱛᱤᱨᱩᱪᱤᱨᱟᱯᱚᱞᱞᱤ (ᱱᱤᱛᱚᱜ ᱡᱟᱹᱛᱤᱭᱟᱹᱨᱤ ᱴᱮᱠᱱᱚᱞᱚᱡᱤ ᱤᱱᱥᱴᱤᱴᱭᱩᱴ, ᱛᱤᱨᱩᱪᱤᱨᱟᱯᱚᱞᱞᱤ) ᱠᱷᱚᱱ ᱠᱚᱢᱯᱩᱴᱚᱨ ᱮᱯᱞᱤᱠᱮᱥᱚᱱ ᱨᱮ ᱢᱟᱥᱴᱚᱨ ᱮ ᱧᱟᱢ ᱞᱮᱫᱼᱟ ᱾[᱘] ᱑᱙᱘᱗ ᱨᱮ ᱴᱤ.ᱥᱤ.ᱮᱥ. ᱨᱮ ᱥᱮᱞᱮᱫ ᱮᱱ ᱛᱟᱭᱚᱢ, ᱪᱚᱸᱫᱽᱨᱚᱥᱮᱠᱷᱚᱨᱚᱱ ᱖ ᱚᱠᱴᱚᱵᱚᱨ ᱒᱐᱐᱙ ᱨᱮ ᱥᱤ.ᱤ.ᱳ. ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱢᱟᱬᱟᱝ ᱨᱮ ᱩᱱᱤ ᱫᱚ ᱴᱤ.ᱥᱤ.ᱮᱥ. ᱨᱮ ᱥᱤ.ᱳ.ᱳ. ᱟᱨ ᱠᱟᱹᱢᱤᱭᱟᱹ ᱰᱤᱨᱮᱠᱴᱚᱨ ᱛᱟᱦᱮᱸ ᱠᱟᱱᱟᱭ ᱾[᱑] ᱪᱚᱸᱫᱽᱨᱚᱥᱮᱠᱷᱚᱨᱚᱱ ᱫᱚ ᱤᱱᱥᱴᱤᱴᱭᱩᱴ ᱚᱯᱷ ᱤᱞᱮᱠᱴᱨᱤᱠᱚᱞ ᱮᱸᱰ ᱤᱞᱮᱠᱴᱨᱚᱱᱤᱠᱥ ᱤᱱᱡᱤᱱᱤᱭᱚᱨᱥ (IEEE) ᱨᱤᱱᱤᱡ ᱥᱤᱱᱤᱭᱚᱨ ᱢᱮᱢᱵᱟᱨ ᱟᱨ ᱠᱚᱢᱯᱩᱴᱚᱨ ᱥᱳᱥᱟᱭᱤᱴᱤ ᱚᱯᱷ ᱤᱱᱰᱤᱭᱟ ᱟᱨ ᱵᱨᱤᱴᱤᱥ ᱠᱚᱢᱯᱩᱴᱚᱨ ᱥᱳᱥᱟᱭᱤᱴᱤ ᱨᱤᱱᱤᱡ ᱟᱠᱴᱤᱵᱽ ᱢᱮᱢᱵᱟᱨ ᱠᱟᱱᱟᱭ ᱾ ᱩᱱᱤ ᱫᱚ ᱮᱯᱨᱤᱞ ᱒᱐᱑᱕ ᱨᱮ ᱥᱤᱧᱚᱛᱤᱭᱟᱹ ᱤᱴᱤ ᱤᱱᱰᱟᱥᱴᱨᱤ ᱵᱤᱨᱩᱫᱷ NASSCOM ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]

ᱠᱮᱨᱤᱭᱟᱨ

ᱥᱟᱯᱲᱟᱣ

ᱪᱚᱸᱫᱽᱨᱚᱥᱮᱠᱷᱚᱨᱚᱱ ᱫᱚ ᱟᱡᱟᱜ ᱠᱮᱨᱤᱭᱚᱨ ᱫᱚ ᱴᱤ.ᱥᱤ.ᱮᱥ. ᱨᱮᱭ ᱦᱟᱛᱟᱣ ᱟᱠᱟᱫᱼᱟ ᱾ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱛᱨᱤᱪᱤ ᱨᱮ ᱢᱮᱱᱟᱜ ᱨᱤᱡᱚᱱᱚᱞ ᱤᱱᱡᱤᱱᱤᱭᱚᱨᱤᱝ ᱠᱚᱞᱮᱡᱽ ᱠᱷᱚᱱ ᱠᱚᱢᱯᱩᱴᱚᱨ ᱮᱯᱞᱤᱠᱮᱥᱚᱱ ᱨᱮ ᱢᱟᱥᱴᱟᱨ ᱰᱤᱜᱽᱨᱤ ᱯᱩᱨᱟᱹᱣ ᱠᱟᱛᱮ ᱑᱙᱘᱗ ᱥᱟᱞ ᱨᱮ ᱩᱱᱤ ᱫᱚ ᱠᱚᱢᱯᱟᱹᱱᱤ ᱨᱮᱭ ᱥᱮᱞᱮᱫ ᱞᱮᱱᱟ ᱾[᱙]

ᱩᱱᱤᱭᱟᱜ ᱟᱹᱭᱩᱨ ᱛᱮ ᱴᱤ.ᱥᱤ.ᱮᱥ. ᱫᱚ ᱒᱐᱑᱕-᱑᱖ ᱨᱮ ᱑᱖.᱕ ᱵᱤᱞᱤᱭᱚᱱ ᱟᱢᱮᱨᱤᱠᱟ ᱰᱚᱞᱟᱨ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾[᱑᱐] ᱕᱕᱖,᱐᱐᱐ ᱠᱷᱚᱱ ᱰᱮᱦᱮᱨ ᱠᱟᱹᱢᱤᱭᱟᱹ ᱥᱟᱶᱛᱮ, ᱴᱤ.ᱥᱤ.ᱮᱥ. ᱫᱚ ᱥᱤᱧᱚᱛ ᱨᱮ ᱯᱨᱟᱭᱵᱷᱮᱴ ᱥᱮᱠᱴᱚᱨ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱟᱹᱢᱤᱭᱟᱹ ᱵᱮᱱᱟᱣ ᱟᱠᱟᱱᱟ ᱾ ᱒᱐᱑᱕-᱑᱖ ᱨᱮᱱᱟᱜ ᱢᱩᱪᱟᱹᱫ ᱫᱷᱟᱹᱨᱤᱡ ᱴᱤ.ᱥᱤ.ᱮᱥ. ᱗᱐ ᱵᱤᱞᱤᱭᱚᱱ ᱟᱢᱮᱨᱤᱠᱟ ᱰᱚᱞᱟᱨ ᱠᱷᱚᱱ ᱰᱮᱦᱮᱨ ᱨᱮᱱᱟᱜ ᱵᱮᱵᱚᱥᱛᱟ ᱠᱮᱯᱤᱴᱚᱞ ᱥᱟᱶᱛᱮ ᱥᱤᱧᱚᱛ ᱨᱤᱱᱤᱡ ᱡᱚᱛᱚ ᱠᱷᱚᱱ ᱫᱟᱢ ᱟᱱᱤᱡ ᱠᱚᱢᱯᱟᱹᱱᱤ ᱞᱮᱠᱟᱛᱮ ᱵᱮᱱᱟᱣ ᱮᱱᱟ ᱾ ᱒᱐᱑᱕ ᱥᱮᱨᱢᱟ ᱨᱮ ᱴᱤ.ᱥᱤ.ᱮᱥ. ᱫᱚ ᱟᱭᱤ.ᱴᱤ. ᱥᱮᱵᱟ ᱨᱮ ᱡᱮᱜᱮᱛ ᱨᱮᱱᱟᱜ ᱟᱹᱰᱤ ᱫᱟᱲᱮᱭᱟᱱ ᱵᱨᱟᱱᱰ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱᱟ ᱟᱨ ᱒᱔ ᱜᱚᱴᱟᱝ ᱫᱤᱥᱚᱢ ᱨᱮ ᱴᱤ.ᱥᱤ.ᱮᱥ. ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱢᱟᱹᱱ ᱮ ᱧᱟᱢ ᱞᱮᱫᱼᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]

᱒᱕ ᱚᱠᱴᱚᱵᱚᱨ ᱒᱐᱑᱖ ᱨᱮ, ᱴᱟᱴᱟ ᱠᱚᱱᱥᱚᱞᱴᱮᱱᱥᱤ ᱥᱟᱨᱵᱤᱥᱤᱥ (ᱴᱤ.ᱥᱤ.ᱮᱥ.) ᱨᱤᱱᱤᱡ ᱥᱤ.ᱤ.ᱳ. ᱟᱨ ᱢᱟᱱᱮᱡᱤᱝ ᱰᱟᱭᱨᱮᱠᱴᱚᱨ, ᱪᱚᱸᱫᱽᱨᱚᱥᱮᱠᱷᱚᱨᱚᱱ ᱫᱚ ᱴᱟᱴᱟ ᱥᱚᱱᱥ ᱵᱳᱨᱰ ᱨᱮ ᱢᱤᱫ ᱮᱰᱤᱥᱚᱱᱟᱞ ᱰᱟᱭᱨᱮᱠᱴᱚᱨ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾

᱒᱐᱑᱘-᱒᱐᱑᱙ NCLAT ᱴᱷᱟᱹᱣᱠᱟᱹ

ᱥᱟᱯᱲᱟᱣ

ᱴᱟᱴᱟ ᱥᱚᱱᱥ ᱵᱳᱨᱰ ᱫᱚ ᱒᱔ ᱚᱠᱴᱚᱵᱚᱨ ᱒᱐᱑᱖ ᱨᱮ ᱴᱟᱴᱟ ᱥᱚᱱᱥ ᱨᱤᱱᱤᱡ ᱪᱮᱭᱟᱨᱢᱮᱱ ᱯᱚᱫᱽ ᱠᱷᱚᱱ ᱥᱟᱭᱨᱚᱥ ᱢᱤᱥᱛᱨᱤ ᱟᱜ ᱵᱚᱫᱚᱞ ᱞᱟᱹᱜᱤᱫ ᱵᱟᱪᱷᱱᱟᱣ ᱠᱮᱫᱼᱟ ᱾[᱑᱑][᱑᱒]

ᱱᱤᱡᱮᱨᱟᱜ ᱡᱤᱭᱚᱱ

ᱥᱟᱯᱲᱟᱣ

ᱪᱚᱸᱫᱽᱨᱚᱥᱮᱠᱷᱚᱨᱚᱱ ᱟᱜ ᱡᱟᱱᱟᱢ ᱫᱚ ᱥᱤᱧᱚᱛ ᱨᱮᱱᱟᱜ ᱛᱟᱢᱤᱞᱱᱟᱰᱩ ᱨᱮ ᱱᱟᱢᱚᱠᱠᱚᱞ ᱥᱩᱨ ᱨᱮ ᱢᱳᱦᱚᱱᱩᱨ ᱨᱮ ᱢᱤᱫ ᱛᱟᱢᱤᱞ, ᱦᱤᱱᱫᱩ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱑᱓][᱑᱔] ᱩᱱᱤ ᱟᱡᱤᱜ ᱵᱟᱦᱩ ᱞᱚᱞᱤᱛᱟ ᱥᱟᱶ ᱢᱩᱢᱵᱟᱭ ᱨᱮᱭ ᱛᱟᱦᱮᱸᱱᱟᱭ ᱾ ᱪᱚᱸᱫᱽᱨᱚᱥᱮᱠᱷᱚᱨᱚᱱ ᱫᱚ ᱢᱤᱫ ᱪᱤᱛᱟᱹᱨᱤᱭᱟᱹ, ᱥᱮᱨᱮᱧ ᱜᱟᱵᱟᱱᱤᱭᱟᱹ ᱟᱨ ᱟᱹᱰᱤ ᱥᱩᱨ ᱫᱩᱯᱩᱲᱩᱵ ᱨᱮ ᱡᱟᱦᱟᱸᱭ ᱮᱢᱥᱴᱟᱨᱰᱟᱢ, ᱵᱚᱥᱴᱚᱱ, ᱪᱤᱠᱟᱜᱳ, ᱵᱚᱨᱞᱤᱱ, ᱢᱩᱢᱵᱟᱭ, ᱭᱩᱱᱟᱭᱚᱨᱠ ᱟᱨ ᱴᱳᱠᱤᱭᱳ ᱨᱮ ᱢᱟᱨᱟᱴᱷᱚᱱ ᱯᱩᱨᱟᱹᱣ ᱟᱠᱟᱫᱟ ᱾ ᱩᱱᱤ ᱫᱚ ᱴᱤ.ᱥᱤ.ᱮᱥ. ᱱᱤᱭᱩ ᱭᱚᱨᱠ ᱥᱤᱴᱤ ᱢᱟᱨᱟᱴᱷᱚᱱ (᱒᱐᱑᱔) ᱨᱮ ᱕ ᱴᱟᱲᱟᱝ ᱐᱐ ᱴᱤᱯᱤᱡ ᱕᱒ ᱴᱤᱡ ᱨᱮᱭᱟᱜ ᱢᱩᱪᱟᱹᱫ ᱚᱠᱛᱚ ᱥᱟᱶᱛᱮ ᱟᱡᱟᱜ ᱡᱚᱛᱚ ᱠᱷᱚᱱ ᱦᱩᱰᱤᱧ ᱢᱟᱨᱟᱴᱷᱚᱱ ᱥᱮ ᱯᱨᱮᱥᱚᱱᱟᱞ ᱨᱮᱠᱳᱨᱰ (PR) ᱯᱩᱨᱟᱹᱣ ᱞᱮᱫᱼᱟ ᱾[᱑᱕][᱑᱖]

ᱥᱤᱨᱯᱷᱟᱹ ᱟᱨ ᱥᱟᱨᱦᱟᱣ

ᱥᱟᱯᱲᱟᱣ

ᱪᱚᱸᱫᱽᱨᱚᱥᱮᱠᱷᱚᱨᱚᱱ ᱫᱚ ᱵᱮᱯᱟᱨᱤ ᱡᱟᱹᱛ ᱨᱮ ᱟᱭᱢᱟ ᱥᱤᱨᱯᱷᱟᱹ ᱟᱨ ᱢᱟᱱᱚᱛ ᱮ ᱧᱟᱢ ᱟᱠᱟᱫᱼᱟ, ᱡᱟᱦᱟᱸ ᱨᱮ ᱱᱟᱭᱡᱮᱨᱳᱰ ᱵᱮᱯᱟᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ (᱒᱐᱑᱓), ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱴᱮᱠᱱᱚᱞᱚᱡᱤᱠᱟᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱦᱟᱭᱫᱨᱟᱵᱟᱫᱽ (᱒᱐᱑᱔),[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ] ᱱᱮᱥᱱᱟᱞ ᱤᱱᱥᱴᱤᱴᱭᱩᱴ ᱚᱯᱷ ᱴᱮᱠᱱᱚᱞᱚᱡᱤ, ᱛᱤᱨᱩᱪᱤᱨᱟᱯᱚᱞᱞᱤ (᱒᱐᱑᱗),[᱑᱗] ᱠᱷᱚᱱ ᱢᱟᱱᱚᱫᱽ ᱰᱚᱠᱴᱚᱨᱮᱴ ᱢᱮᱱᱟᱜᱼᱟ ᱾ ᱟᱨ ᱟᱞᱤᱜᱚᱲ ᱢᱩᱥᱞᱤᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ (᱒᱐᱒᱑),[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ] ᱥᱟᱶᱛᱮ ᱮᱥ.ᱟᱨ.ᱮᱢ. ᱤᱱᱥᱴᱤᱴᱭᱩᱴ ᱚᱯᱷ ᱥᱟᱭᱤᱱᱥ ᱮᱸᱰ ᱴᱮᱠᱱᱚᱞᱚᱡᱤ (᱒᱐᱑᱐), ᱠᱮ.ᱟᱭᱤ.ᱟᱭᱤ.ᱴᱤ. ᱡᱮᱜᱮᱛ ᱵᱤᱨᱫᱟᱹᱜᱟᱲ (᱒᱐᱑᱒), ᱜᱤᱛᱟᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ (᱒᱐᱑᱓) ᱠᱷᱚᱱ ᱮᱴᱟᱜ ᱢᱟᱱᱚᱫᱽ ᱰᱤᱜᱽᱨᱤ ᱠᱚ ᱾[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]

ᱩᱱᱤ ᱫᱚ ᱤᱱᱥᱴᱤᱴᱭᱩᱥᱱᱟᱞ ᱤᱱᱵᱷᱮᱥᱴᱚᱨᱥ ᱨᱮᱱᱟᱜ ᱥᱮᱨᱢᱟᱠᱤᱭᱟᱹ ᱚᱞ ᱮᱥᱤᱭᱟ ᱠᱟᱹᱢᱤᱭᱟᱹ ᱫᱚᱞ ᱨᱮᱠᱤᱝ (᱒᱐᱑᱐-᱒᱐᱑᱕)[᱑᱘] ᱟᱨ ᱵᱤᱡᱤᱱᱮᱥ ᱴᱩᱰᱮ (᱒᱐᱑᱓-᱒᱐᱑᱕) ᱦᱚᱛᱮᱛᱮ ᱥᱮᱨᱢᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱱᱟᱯᱟᱭ ᱥᱤ.ᱤ.ᱳ. ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱧᱩᱛᱩᱢ ᱮ ᱧᱟᱢ ᱟᱠᱟᱫᱟ ᱾[᱑᱙] ᱒᱐᱑᱔ ᱥᱟᱞ ᱨᱮ, ᱩᱱᱤ ᱫᱚ ᱵᱤᱡᱽᱱᱮᱥ ᱛᱷᱚᱠ ᱨᱮ ᱥᱤ.ᱮᱱ.ᱮᱱ.-ᱱᱤᱭᱩᱡᱽ᱑᱘ ᱤᱱᱰᱤᱭᱟᱱ ᱚᱯᱷ ᱫᱟ ᱤᱭᱟᱨ ᱧᱩᱛᱩᱢ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱟᱨ ᱩᱱᱤ ᱫᱚ ᱥᱤ.ᱮᱱ.ᱵᱤ.ᱥᱤ. ᱴᱤᱵᱷᱤ ᱑᱘ - 'ᱤᱱᱰᱤᱭᱟᱱ ᱵᱤᱡᱽᱱᱮᱥ ᱟᱭᱤᱠᱚᱱ' ᱨᱮ ᱢᱤᱫᱴᱟᱹᱝ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱᱟ ᱛᱟᱦᱮᱸᱫ ᱾[᱒᱐] ᱒᱐᱑᱕ ᱨᱮ, ᱩᱱᱤ ᱫᱚ ᱠᱤᱢᱯᱨᱳ ᱯᱞᱮᱴᱤᱱᱚᱢ ᱥᱴᱟᱱᱰᱟᱨᱰ ᱟᱣᱟᱰ ᱒᱐᱑᱕ ᱮ ᱧᱟᱢ ᱞᱮᱫᱼᱟ ᱾[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ] ᱒᱐᱑᱗ ᱨᱮ, ᱤᱱᱰᱤᱭᱟ ᱴᱩᱰᱮ ᱫᱚ "ᱥᱤᱧᱚᱛ ᱨᱤᱱ ᱕᱐ ᱟᱹᱰᱤ ᱫᱟᱲᱮᱭᱟᱱ ᱦᱚᱲ ᱠᱚ" ᱨᱮᱱᱟᱜ ᱛᱟᱹᱞᱠᱟᱹ ᱨᱮ ᱟᱡᱟᱜ ᱧᱩᱛᱩᱢ ᱮ ᱚᱞ ᱞᱮᱫᱼᱟ ᱾[᱒᱑]

᱒᱐᱑᱖ ᱥᱟᱞ ᱨᱮ ᱪᱚᱸᱫᱽᱨᱚᱥᱮᱠᱷᱚᱨᱚᱱ ᱫᱚ ᱥᱤᱧᱚᱛᱤᱭᱟᱹ ᱨᱤᱡᱟᱨᱵᱽ ᱵᱮᱸᱠ ᱨᱤᱱᱤᱡ ᱵᱳᱨᱰ ᱰᱟᱭᱨᱮᱠᱴᱚᱨ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾[᱒᱒] ᱩᱱᱤ ᱫᱚ NASSCOM (᱒᱐᱑᱒-᱒᱐᱑᱓) ᱟᱨ WEF, ᱫᱟᱵᱳᱥ (᱒᱐᱑᱕-᱒᱐᱑᱖) ᱨᱮ ᱟᱭᱤ.ᱴᱤ. ᱤᱱᱰᱚᱥᱴᱨᱤ ᱜᱚᱵᱷᱚᱨᱱᱚᱨᱥ ᱥᱟᱶᱛᱮ ᱵᱷᱮᱜᱟᱨ ᱵᱷᱮᱜᱟᱨ ᱵᱳᱨᱰ ᱨᱮ ᱯᱟᱨᱥᱮᱛ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱼᱟ ᱾[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]

ᱢᱟᱨᱪ ᱒᱐᱒᱒ ᱨᱮ, ᱥᱤᱧᱚᱛ ᱥᱚᱨᱠᱟᱨ ᱫᱚ ᱟᱡᱟᱜ ᱵᱮᱯᱟᱨ ᱟᱨ ᱤᱱᱰᱟᱥᱴᱨᱤ ᱨᱮ ᱥᱚᱨᱮᱥ ᱠᱟᱹᱢᱤ ᱞᱟᱹᱜᱤᱫ ᱛᱮ ᱯᱚᱫᱽᱢᱚ ᱵᱷᱩᱥᱚᱱ ᱮ ᱥᱟᱨᱦᱟᱣ ᱞᱮᱫᱼᱟ ᱾[᱒᱓] ᱑᱖ ᱢᱮ ᱒᱐᱒᱓ ᱦᱤᱞᱚᱜ, ᱩᱱᱤ ᱫᱚ ᱯᱷᱨᱟᱱᱥ ᱨᱤᱱᱤᱡ ᱯᱟᱨᱥᱮᱛ ᱮᱢᱟᱱᱩᱭᱮᱞ ᱢᱮᱠᱨᱳᱱ ᱦᱚᱛᱮᱛᱮ ᱱᱟᱭᱤᱴ ᱚᱯᱷ ᱫᱟ ᱞᱤᱜᱤᱭᱚᱱ ᱰᱤ' ᱦᱳᱱᱩᱨ   ᱯᱷᱨᱟᱱᱥ ᱠᱷᱚᱱ ᱥᱤᱨᱯᱷᱟᱹᱭ ᱧᱟᱢ ᱞᱮᱫᱼᱟ ᱾[᱒᱔][᱒᱕] ᱩᱱᱤ ᱫᱚ ᱥᱤᱴᱤ ᱚᱯᱷ ᱮᱢᱥᱴᱟᱨᱰᱟᱢ ᱯᱷᱨᱟᱱᱥ ᱵᱮᱱᱤᱠ ᱠᱚᱠ ᱨᱮᱱᱟᱜ ᱢᱮᱰᱟᱞ ᱦᱚᱸᱭ ᱧᱟᱢ ᱟᱠᱟᱫᱟ ᱾[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]

ᱥᱟᱹᱠᱷᱭᱟᱹᱛ

ᱥᱟᱯᱲᱟᱣ
  1. ↑ ᱑.᱐ ᱑.᱑ "N Chandrasekaran takes over as TCS CEO". Business-standard.com. Retrieved 2010-11-18.
  2. ↑ "N Chandrasekaran takes over as CEO of TCS". The Times Of India. 7 October 2009.
  3. ↑ Vijayraghavan, Kala; Philip, Lijee (14 January 2017). "Tata Sons chairman N Chandrasekaran may follow leadership style of JRD Tata". The Economic Times.
  4. ↑ Mandavia, Megha; Kalesh, Baiju (18 February 2017). "Post Mistry feud, Tatas putting their house in order as N Chandrasekaran gets cracking as new chief". The Economic Times.
  5. ↑ "Livemint- N Chandrasekaran will assume the chair of B20 India". 7 December 2022.
  6. ↑ "Livemint- N Chandrasekaran will assume the chair of B20 India". 7 December 2022.
  7. ↑ "'Wasn't academically brilliant, but would put mind and heart into duty', says Natarajan Chandrasekaran elder brother". Rajesh Chandramouli. The Times of India. 13 January 2017. Retrieved 30 May 2018.
  8. ↑ "Sundowner with N Chandrasekaran". The Economic Times. 16 February 2008. Retrieved 4 October 2009.
  9. ↑ "TCS Intern to Tata Sons Chairman: N Chandrasekaran Honoured With Padma Bhushan". News18. 21 March 2022. Retrieved January 27, 2023.
  10. ↑ "TCS News & Events: Press Release: Annual revenues cross trillion rupees in 2015-16". www.tcs.com. Retrieved 2016-08-03.
  11. ↑ "Tata Sons Board replaces Mr. Cyrus P. Mistry as Chairman, Selection Committee set up for new Chairman". 24 October 2016. Archived from the original on 24 October 2016. Retrieved 24 October 2016.
  12. ↑ "Ratan Tata to replace Cyrus Mistry as Tata Sons chairman – The Economic Times". The Economic Times. Retrieved 24 October 2016.
  13. ↑ "Archived copy". The Times of India. Archived from the original on 17 March 2023. Retrieved 18 September 2023.{{cite web}}: CS1 maint: archived copy as title (link)
  14. ↑ "Meet N Chandrasekaran, the man from Namakkal appointed as Chairman of Tata Sons". The News Minute. 12 January 2017. Retrieved 2017-01-13.
  15. ↑ "Search at Athlinks.com at Athlinks.com". www.athlinks.com. Retrieved 2017-01-13.
  16. ↑ "Home". NYRR. Retrieved 2017-01-13.[permanent dead link]
  17. ↑ "Doctor of Letters conferred on Tata Sons Chairman". The Hindu (in Indian English). 2017-08-13. ISSN 0971-751X. Retrieved 2018-01-11.
  18. ↑ "2015 All-Asia Executive Team Pays Tribute to Trailblazers". www.institutionalinvestor.com. 6 July 2015. Archived from the original on 15 August 2016. Retrieved 2016-08-03.
  19. ↑ "India's Best CEOs 2014". www.businesstoday.in. 28 November 2014. Retrieved 2016-08-03.
  20. ↑ "List of winners of Indian of the Year 2014". News18.com. 2015-03-17. Retrieved 2016-08-03.
  21. ↑ "India's 50 powerful people". India Today. 14 April 2017.
  22. ↑ "TCS chief N Chandrasekaran appointed to board of Reserve Bank". www.businesstoday.in. 5 March 2016. Retrieved 2016-08-03.
  23. ↑ Bureau, The Hindu (2022-03-21). "Gen. Rawat, Ghulam Nabi Azad, N. Chandrasekharan conferred Padma awards". The Hindu (in Indian English). ISSN 0971-751X. Retrieved 2022-03-22.
  24. ↑ Lua error in package.lua at line 80: module 'Module:TwitterSnowflake' not found.
  25. ↑ "'You are a friend of France': Tata Sons' N Chandrasekaran conferred with France's highest order of merit". 17 May 2023.

ᱵᱟᱦᱨᱮ ᱡᱚᱱᱚᱲ

ᱥᱟᱯᱲᱟᱣ
ᱞᱟᱦᱟ ᱛᱮᱱᱤᱡ
ᱨᱚᱛᱚᱱ ᱴᱟᱴᱟ 		ᱴᱟᱴᱟ ᱜᱩᱴ ᱨᱤᱱᱤᱡ ᱯᱟᱨᱥᱮᱛ
᱒᱐᱑᱗ ᱠᱷᱚᱱ ᱱᱤᱛ ᱫᱷᱟᱹᱨᱤᱡ 		ᱵᱟᱪᱷᱟᱣ ᱵᱟᱝ ᱦᱩᱭᱟᱠᱟᱱᱟ
"https://sat.wikipedia.org/w/index.php?title=ᱱᱚᱴᱚᱨᱟᱡᱚᱱ_ᱪᱚᱸᱫᱽᱨᱚᱥᱮᱠᱷᱚᱨᱚᱱ&oldid=158701" ᱠᱷᱚᱱ ᱧᱟᱢ ᱟᱹᱜᱩᱭ