ᱱᱟᱨᱟᱭᱚᱱ ᱥᱚᱨᱮᱱ
ᱱᱟᱨᱟᱭᱚᱱ ᱥᱚᱨᱮᱱ (ᱛᱚᱲᱮ ᱥᱩᱛᱟᱹᱢ) ᱥᱮ ᱱᱟᱨᱟᱭᱟᱱ ᱥᱚᱨᱮᱱ ᱥᱮ ᱱᱟᱨᱟᱭᱟᱬ ᱥᱚᱨᱮᱱ ᱥᱮ ᱱᱟᱨᱟᱭᱚᱬ ᱥᱚᱨᱮᱱ ᱥᱟᱱᱛᱟᱲᱤ ᱥᱟᱶᱦᱮᱫ ᱥᱟᱹᱲᱤᱢ ᱨᱤᱱᱤᱡ ᱥᱤᱧ ᱪᱟᱸᱫᱚ ᱧᱩᱛᱩᱢᱟᱱ ᱜᱟᱹᱠᱷᱩᱲ ᱚᱱᱚᱞᱤᱭᱟᱹ ᱟᱨᱵᱟᱝ ᱥᱚᱢᱟᱡᱽ ᱥᱩᱥᱟᱹᱨᱤᱭᱟᱹ ᱢᱟᱹᱱ ᱠᱟᱱᱟᱭ ᱾ ᱟᱡᱟᱜ ᱠᱟᱹᱢᱤ ᱟᱨ ᱚᱞ ᱵᱮᱞ ᱫᱚ ᱡᱚᱛᱚ ᱠᱷᱚᱱ ᱡᱩᱫᱟᱹ ᱜᱮ ᱛᱟᱭᱟ ᱾ ᱟᱡ ᱚᱠᱚᱭ ᱠᱚ ᱠᱩᱥᱤ ᱟᱭ ᱠᱟᱱᱟ ᱥᱮ ᱵᱟᱠᱚ ᱠᱩᱥᱤ ᱟᱭ ᱠᱟᱱᱟ, ᱚᱱᱟ ᱥᱮᱫ ᱫᱚ ᱢᱚᱴᱷᱮ ᱜᱮ ᱵᱟᱭ ᱢᱮᱫ ᱞᱩᱛᱩᱨᱟᱜ ᱠᱟᱱ ᱛᱟᱦᱮᱸᱫ ᱾ ᱥᱟᱶᱦᱮᱫᱤᱭᱟᱹ ᱯᱮᱱᱥᱚᱱ ᱧᱟᱢᱤᱡ (ᱡᱤᱭᱚᱱ ᱵᱷᱩᱨ) ᱯᱟᱹᱦᱤᱞ ᱩᱛᱟᱹᱨ ᱟᱹᱫᱤᱵᱟᱹᱥᱤ ᱫᱚ ᱱᱟᱨᱟᱭᱚᱱ ᱥᱚᱨᱮᱱ ᱜᱮᱭ ᱛᱟᱦᱮᱸ ᱠᱟᱱᱟ ᱾
ᱡᱟᱱᱟᱢ ᱥᱟᱯᱲᱟᱣ
᱒᱘ ᱚᱠᱴᱳᱵᱚᱨ ᱑᱙᱒᱓ ᱥᱟᱞᱮᱨᱮ ᱩᱱ ᱚᱠᱛᱚ ᱵᱤᱦᱟᱨ ᱯᱚᱱᱚᱛ ᱨᱟᱡᱽᱢᱚᱦᱚᱞ ᱥᱟᱵᱽᱰᱤᱵᱷᱤᱥᱟᱱ, ᱥᱟᱱᱛᱟᱲ ᱯᱟᱨᱜᱟᱱᱟ ᱡᱤᱞᱟᱹ (ᱱᱟᱦᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱯᱟᱠᱩᱲ ᱦᱚᱱᱚᱛ) ᱨᱮᱭᱟᱜ ᱪᱷᱳᱴᱳ ᱟᱥᱤᱞᱟ ᱟᱹᱛᱩᱨᱮᱭ ᱡᱟᱱᱟᱢ ᱞᱮᱱᱟ ᱢᱟᱹᱱ ᱱᱟᱨᱟᱭᱚᱱ ᱥᱚᱨᱮᱱ ᱫᱚ ᱾ ᱟᱡᱤᱡ ᱡᱟᱱᱟᱢ ᱵᱟᱵᱟ ᱫᱚ ᱨᱚᱜᱷᱩᱵᱤᱨ ᱥᱚᱨᱮᱱ ᱟᱨ ᱟᱭᱳ ᱫᱚ ᱥᱤᱛᱟᱹ ᱥᱚᱨᱮᱱ (ᱦᱮᱸᱵᱽᱨᱚᱢ) ᱾ ᱡᱟᱱᱟᱢ ᱛᱟᱨᱟ ᱠᱷᱚᱱ ᱜᱮ ᱥᱤᱧᱚᱛᱤᱭᱟ ᱟᱹᱱ ᱟᱹᱨᱤᱪᱟᱹᱞᱤ ᱨᱮᱭᱟᱜ ᱦᱚᱭ ᱦᱤᱥᱤᱫ ᱮ ᱥᱟᱶᱦᱮᱫ ᱟᱠᱟᱣᱟᱱᱟ ᱾ ᱟᱡ ᱴᱷᱮᱱ ᱮᱴᱟᱜ ᱯᱟᱹᱨᱥᱤ ᱭᱟᱜ ᱫᱷᱚᱨᱚᱢ ᱯᱩᱛᱷᱤ, ᱢᱟᱦᱟ ᱠᱟᱵᱽᱭᱚ ᱠᱚ ᱨᱮᱭᱟᱜ ᱚᱨᱥᱚᱝ ᱯᱟᱲᱟᱣ ᱞᱮᱱᱛᱮ ᱟᱡᱟᱜ ᱚᱞ ᱠᱚᱨᱮ ᱫᱚ ᱚᱱᱟ ᱠᱚ ᱨᱮᱭᱟᱜ ᱡᱷᱚᱞᱚᱠ ᱧᱮᱞ ᱧᱟᱢᱚᱜᱼᱟ ᱾
ᱚᱞᱚᱜ ᱯᱟᱲᱦᱟᱣ ᱥᱟᱯᱲᱟᱣ
ᱱᱟᱨᱟᱭᱚᱱ ᱥᱚᱨᱮᱱ ᱫᱚ ᱑᱙᱔᱒ ᱥᱟᱞᱮᱨᱮ ᱢᱮᱴᱨᱤᱠ ᱮ ᱯᱟᱥ ᱞᱮᱜᱼᱟ ᱾ ᱩᱱᱤᱭᱟᱜ ᱚᱞᱚᱜ ᱡᱤᱭᱚᱱ ᱫᱚ ᱯᱟᱠᱩᱲ ᱱᱟᱜᱟᱨ ᱨᱮ ᱵᱤᱛᱟᱹᱣ ᱞᱮᱱᱟ ᱾ ᱵᱤ. ᱮ. ᱨᱮ ᱟᱡᱟᱜ ᱚᱱᱚᱨᱥ ᱫᱚ ᱤᱸᱜᱽᱞᱤᱥ ᱛᱟᱦᱮᱸ ᱠᱟᱱᱟ ᱾
ᱚᱞᱼᱵᱮᱞ ᱥᱟᱯᱲᱟᱣ
ᱱᱟᱨᱟᱭᱚᱱ ᱥᱚᱨᱮᱱ ᱫᱚ ᱛᱤᱱ ᱡᱚᱦᱚᱜ ᱠᱟᱲᱤᱫᱟᱥ ᱱᱮᱢᱚᱨᱤᱭᱟᱞ ᱩᱱᱩᱥᱩᱞ ᱟᱥᱲᱟ ᱨᱮᱭ ᱯᱟᱲᱦᱟᱣᱜ ᱠᱟᱱ ᱛᱟᱦᱮᱸᱫ ᱩᱱ ᱡᱚᱦᱚᱜ ᱛᱤᱱᱟᱹᱝ ᱜᱟᱱ ᱜᱟᱛᱮᱭ ᱧᱟᱢ ᱞᱮᱫ ᱠᱚᱣᱟ ᱾ ᱩᱱᱠᱩ ᱠᱚ ᱢᱩᱸᱫᱽᱨᱮ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱥᱩᱥᱤᱞ ᱡᱟᱨᱡᱮᱥ ᱥᱚᱨᱮᱱ (ᱯᱟᱣᱞ ᱡᱩᱡᱷᱟᱨ ᱥᱚᱨᱮᱱ ᱤᱡ ᱛᱟᱞᱟ ᱵᱚᱭᱦᱟ) ᱩᱱᱤ ᱦᱚᱸ ᱱᱚᱝᱠᱟ ᱜᱮ ᱱᱟᱯᱟᱭ ᱚᱞᱚᱜ ᱥᱮᱫ ᱜᱮᱭ ᱢᱚᱦᱰᱟ ᱞᱮᱱ ᱛᱟᱦᱮᱸᱫ ᱾ ᱩᱱ ᱠᱷᱚᱱ ᱜᱮ ᱱᱚᱝᱠᱟᱱ ᱠᱟᱛᱷᱟ ᱫᱚ ᱠᱤᱱ ᱮᱛᱚᱦᱚᱵ ᱞᱮᱜᱼᱟ ᱟᱨ ᱟᱥᱲᱟ ᱯᱟᱛᱷᱟᱢ ᱠᱚᱨᱮ ᱟᱹᱠᱤᱱᱟᱜ ᱚᱱᱚᱞ ᱠᱚ ᱪᱷᱟᱯᱟ ᱞᱟᱹᱜᱤᱫ ᱠᱤᱱ ᱮᱢ ᱞᱮᱜᱼᱟ ᱾
ᱪᱷᱟᱯᱟ ᱟᱠᱟᱱ ᱯᱩᱛᱷᱤ ᱥᱟᱯᱲᱟᱣ
- ᱜᱤᱨᱟᱹ (ᱚᱱᱚᱬᱦᱮᱸ ᱯᱩᱛᱷᱤ) ᱑᱙᱕᱔
- ᱟᱥᱟᱲ ᱵᱤᱱᱛᱤ (ᱚᱱᱚᱬᱦᱮ ᱯᱩᱛᱷᱤ) ᱑᱙᱗᱗
- ᱠᱤᱨᱛᱟᱱ ᱠᱟᱞᱤ (ᱚᱱᱚᱬᱦᱮ ᱯᱩᱛᱷᱤ) ᱑᱙᱘᱑
- ᱢᱟᱭᱟᱡᱟᱞ (ᱥᱟᱥᱟᱯᱲᱟᱣ ᱠᱟᱹᱦᱱᱤ ᱯᱩᱛᱷᱤ)
- ᱰᱟᱦᱟᱨ ᱫᱷᱩᱲᱤ (ᱠᱟᱹᱦᱱᱤ ᱯᱩᱛᱷᱤ)
- ᱪᱩᱨᱩᱡ ᱪᱟᱣᱞᱮ (ᱠᱟᱹᱦᱱᱤ ᱯᱩᱛᱷᱤ)
- ᱵᱤᱱ ᱥᱟᱨ ᱢᱟᱭᱟᱢ (ᱜᱟᱭᱟᱱ ᱯᱩᱛᱷᱤ)
- ᱪᱟᱢᱯᱟ ᱵᱟᱦᱟ (ᱜᱟᱭᱟᱱ ᱯᱩᱛᱷᱤ)
- ᱢᱟᱴᱷᱟ ᱥᱩᱲᱟ (ᱜᱟᱢ ᱠᱟᱹᱦᱱᱤ ᱯᱩᱛᱷᱤ)
- ᱦᱟᱯᱲᱟᱢ ᱠᱟᱛᱷᱟ ᱮᱢᱟᱱ ᱾
ᱯᱟᱛᱷᱟᱢ ᱥᱟᱯᱲᱟᱣ
ᱱᱟᱨᱟᱭᱚᱱ ᱥᱚᱨᱮᱱ ᱛᱚᱲᱮ ᱥᱩᱛᱟᱹᱢ ᱫᱚ ᱢᱳᱞᱳᱜ ᱧᱩᱛᱩᱢᱟᱱ ᱢᱤᱫ ᱥᱟᱶᱦᱮᱫ ᱯᱟᱛᱷᱟᱢ ᱥᱟᱱᱛᱟᱞ ᱯᱟᱨᱜᱟᱱᱟ ᱨᱮᱭᱟᱜ ᱡᱟᱢᱵᱟᱫᱽ, ᱟᱥᱤᱞᱟ ᱠᱷᱚᱱ ᱮ ᱥᱟᱥᱟᱯᱲᱟᱣᱮᱫ ᱛᱟᱦᱮᱱᱟ᱾