ᱱᱟᱶᱟ ᱫᱤᱞᱞᱤ
ᱱᱟᱶᱟ ᱫᱤᱞᱞᱤ ᱫᱚ ᱥᱤᱧᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱟᱦᱟᱱᱟᱜᱟᱨ ᱠᱟᱱᱟ ᱾ ᱑᱙᱓᱑ ᱥᱟᱞᱮ ᱯᱷᱮᱵᱽᱨᱩᱣᱟᱨᱤ ᱑᱓ ᱨᱮ ᱱᱟᱶᱟ ᱫᱤᱞᱞᱤ ᱫᱚ ᱥᱤᱧᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱢᱮᱱᱛᱮ ᱵᱤᱠᱱᱟᱹᱣ ᱞᱮᱱᱟ ᱾ ᱑᱙᱑᱑ ᱰᱤᱥᱮᱢᱮᱵᱚᱨ ᱑᱕ ᱨᱮ ᱱᱟᱶᱟ ᱨᱟᱡᱽᱜᱟᱲ ᱨᱮᱱᱟᱜ ᱩᱰᱷᱟᱹᱣ ᱦᱩᱭ ᱞᱮᱱ ᱛᱟᱦᱮᱸᱫ ᱾ [᱑] ᱵᱨᱤᱴᱤᱥ ᱥᱟᱦᱮᱵᱽ ᱥᱟᱨ ᱦᱚᱵᱚᱨᱴ ᱵᱨᱮᱠᱚᱨ ᱱᱚᱶᱟ ᱨᱮᱱᱟᱜ ᱵᱩᱱᱤᱭᱟᱹᱫᱽ ᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ ᱑᱙᱒᱗ ᱥᱟᱞᱮ ᱨᱮ ᱱᱚᱶᱟ ᱨᱮᱱᱟᱜ ᱧᱩᱛᱩᱢ ᱱᱟᱶᱟ ᱫᱤᱞᱞᱤ ᱢᱮᱱᱛᱮ ᱠᱚ ᱫᱚᱦᱚ ᱠᱮᱜ-ᱟ ᱾ ᱩᱱ ᱚᱠᱛᱚ ᱨᱤᱱᱤᱡ ᱵᱨᱤᱴᱤᱥ ᱥᱤᱧᱚᱛ ᱵᱷᱟᱭᱮᱥᱨᱚᱭ ᱞᱚᱨᱰ ᱤᱨᱣᱤᱱ ᱱᱟᱶᱟ ᱨᱟᱡᱽᱜᱟᱲ ᱩᱰᱷᱟᱹᱣ ᱥᱚᱫᱚᱨ ᱞᱮᱫ ᱛᱟᱦᱮᱸᱫ ᱮ ᱾ [᱒]
ᱱᱟᱜᱟᱢ ᱥᱟᱯᱲᱟᱣ
ᱵᱨᱤᱴᱤᱥ ᱠᱚᱣᱟᱜ ᱥᱟᱥᱮᱛ ᱚᱠᱛᱚ ᱨᱮ ᱰᱤᱥᱮᱢᱵᱚᱨ ᱑᱙᱑᱑ ᱥᱟᱞᱮ ᱦᱟᱹᱵᱤᱡ ᱠᱚᱞᱠᱟᱛᱟ ᱫᱚ ᱨᱟᱡᱽᱜᱟᱲ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱫᱤᱞᱞᱤ ᱫᱚ ᱛᱤᱢᱤᱱ ᱢᱟᱨᱮ ᱦᱟᱯᱲᱟᱢ ᱠᱚᱣᱟᱜ ᱨᱟᱡᱽᱟᱹᱨᱤ ᱟᱨ ᱠᱟᱹᱣᱰᱤ ᱟᱹᱨᱤ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾ ᱚᱸᱰᱮ ᱫᱚ ᱑᱖᱔᱙ ᱠᱷᱚᱱ ᱑᱘᱕᱗ ᱦᱟᱹᱵᱤᱡ ᱢᱚᱜᱚᱞ ᱥᱟᱢᱨᱟᱡᱽᱭᱚ ᱛᱟᱦᱮᱸ ᱠᱟᱱᱟ ᱾ ᱑᱙᱐᱐ ᱨᱮᱱᱟᱜ ᱮᱦᱚᱵ ᱥᱮᱫ ᱨᱮ ᱵᱨᱤᱴᱤᱥ ᱥᱚᱨᱠᱟᱨ ᱫᱚ ᱠᱚᱞᱠᱟᱛᱟ ᱠᱷᱚᱱ ᱨᱟᱡᱽᱜᱟᱲ ᱫᱚ ᱫᱤᱞᱞᱤ ᱛᱮ ᱩᱪᱟᱹᱲ ᱞᱟᱹᱜᱤᱫ ᱮ ᱢᱚᱱᱮ ᱠᱮᱜ-ᱟ ᱾ ᱥᱚᱨᱠᱟᱨᱮ ᱵᱷᱟᱹᱵᱤ ᱠᱮᱫᱟ ᱪᱤ ᱚᱸᱰᱮ ᱠᱷᱚᱱ ᱫᱚ ᱜᱚᱴᱟᱯᱟᱲᱟᱭ ᱥᱩᱵᱤᱫᱷᱟ ᱟ ᱢᱮᱱᱛᱮ ᱡᱚᱛᱚᱞᱮᱠᱟᱱ ᱛᱷᱚᱠ ᱨᱮ ᱾ ᱢᱟᱨᱮ ᱧᱩᱛᱩᱢ ᱫᱚ ᱦᱚᱥᱛᱤᱱᱟᱯᱩᱨ ᱛᱟᱸᱦᱮᱭᱟ ᱾
ᱚᱛᱱᱚ ᱥᱟᱯᱲᱟᱣ
ᱚᱥᱟᱨᱵᱤᱥᱟᱹᱨ ᱔᱒.᱗ ᱠᱤᱞᱚᱢᱤᱴᱚᱨ2 ᱢᱮᱥᱟᱠᱟᱛᱮ ᱱᱟᱶᱟ ᱫᱤᱞᱞᱤ ᱫᱚ ᱫᱤᱞᱞᱤ ᱢᱟᱦᱟᱸ ᱱᱟᱜᱟᱨ ᱨᱮᱱᱟᱜ ᱢᱤᱫ ᱠᱮᱛᱟᱜ ᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱫᱚ ᱤᱱᱰᱚ-ᱜᱟᱝ ᱚᱛ ᱨᱮ ᱢᱮᱱᱟᱜ-ᱟ, ᱜᱚᱴᱟ ᱵᱟᱡᱟᱨ ᱨᱮᱱᱟᱜ ᱚᱛ ᱫᱚ ᱩᱥᱩᱞ ᱨᱮ ᱵᱷᱮᱯᱮᱜᱮᱜ ᱢᱮᱱᱟᱜ-ᱟ ᱾ ᱱᱟᱶᱟ ᱜᱤᱞᱞᱤ ᱟᱨ ᱚᱱᱟ ᱥᱩᱯᱩᱨ ᱴᱷᱟᱶ ᱠᱚ ᱫᱚ ᱟᱨᱟᱵᱚᱲᱤ ᱨᱮᱱᱟᱜ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱥᱩᱯᱩᱨ ᱵᱩᱨᱩ ᱠᱚ ᱫᱚ ᱫᱤᱞᱞᱤ ᱨᱤᱡᱽ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ , ᱡᱟᱦᱟᱸ ᱫᱚ ᱫᱤᱞᱞᱤ ᱨᱮᱱᱟᱜ Lungs ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱢᱤᱫ ᱫᱷᱟᱣ ᱡᱚᱢᱩᱱᱟ ᱜᱟᱰᱟ ᱨᱮᱱᱟᱜ ᱵᱟᱱ ᱞᱮᱱ ᱠᱷᱚᱱ ᱱᱚᱶᱟ ᱱᱟᱜᱟᱨ ᱫᱚ ᱜᱚᱴᱟ ᱯᱟᱲᱟ ᱜᱷᱮᱨᱟᱣ ᱮᱥᱮᱫ ᱩᱛᱟᱹᱨ ᱞᱮᱱᱟ ᱾ ᱜᱟᱰᱟ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱫᱚ ᱥᱚᱦᱚᱫᱚᱨᱟ ᱨᱮᱱᱟᱜ ᱱᱟᱜᱟᱨ ᱠᱟᱱᱟ ᱾ ᱱᱟᱶᱟ ᱫᱤᱞᱞᱤ ᱫᱚ ᱥᱮᱥᱢᱤᱠ ᱡᱚᱱ-IV ᱠᱟᱱᱟ, ᱢᱤᱢᱤᱫ ᱫᱷᱟᱣ ᱚᱛ ᱞᱟᱲᱟᱣ ᱦᱚᱸ ᱦᱩᱭ ᱵᱟᱲᱟᱜ ᱜᱮᱭᱟ ᱾
ᱨᱮᱞ ᱥᱟᱯᱲᱟᱣ
ᱱᱟᱶᱟ ᱫᱤᱞᱞᱤ ᱫᱚ ᱥᱤᱧᱚᱛ ᱨᱮᱞ ᱨᱮᱱᱟᱜ ᱛᱚᱱᱚᱝ ᱠᱟᱱᱟ ᱟᱨ ᱮᱛᱚᱢ ᱨᱮᱞ ᱨᱮᱱᱟᱜ ᱢᱩᱬᱩᱛ ᱵᱟᱥᱟ ᱢᱮᱱᱟᱜ-ᱟ ᱾ ᱱᱚᱸᱰᱮ ᱟᱹᱰᱤ ᱜᱚᱴᱟᱝ ᱢᱩᱬᱩᱛ ᱨᱮᱞ ᱥᱴᱮᱥᱚᱱ ᱢᱮᱱᱟᱜ-ᱟ, ᱚᱱᱟ ᱠᱚ ᱫᱚ:-
- ᱱᱟᱶᱟ ᱫᱤᱞᱞᱤ ᱨᱮᱞ ᱥᱴᱮᱥᱚᱱ
- ᱢᱟᱨᱮ ᱫᱤᱞᱞᱤ
- ᱱᱤᱡᱟᱢᱩᱫᱩᱱ ᱨᱮᱞ ᱥᱴᱮᱥᱚᱱ
- ᱟᱱᱚᱱᱫᱽ ᱵᱤᱦᱟᱨ ᱨᱮᱞ ᱥᱴᱮᱥᱚᱱ
- ᱥᱚᱨᱟᱭ ᱨᱟᱦᱤᱞᱟ
- ᱫᱤᱞᱞᱤ ᱢᱮᱴᱨᱚ
| ᱥᱴᱮᱥᱚᱱ ᱧᱩᱛᱩᱢ | ᱥᱴᱮᱥᱚᱱ ᱠᱳᱰ | ᱨᱮᱞᱦᱚᱨ ᱴᱚᱴᱷᱟ | ᱯᱞᱟᱴᱯᱷᱚᱨ ᱮᱞ |
|---|---|---|---|
| ᱱᱟᱶᱟ ᱫᱤᱞᱞᱤ | NDLS | ᱮᱛᱚᱢ ᱨᱮᱞᱦᱚᱨ | ᱑᱖ |
| ᱢᱟᱨᱮ ᱫᱤᱞᱞᱤ | DLI | ᱮᱛᱚᱢ ᱨᱮᱞᱦᱚᱨ | ᱑᱖ |
| ᱦᱟᱡᱟᱨᱟᱛ ᱱᱤᱡᱟᱢᱩᱫᱽᱫᱤᱱ | NZM | ᱮᱛᱚᱢ ᱨᱮᱞᱦᱚᱨ | ᱗ |
| ᱟᱱᱚᱱᱫᱽ ᱵᱤᱦᱟᱨ ᱴᱚᱨᱢᱤᱱᱟᱞ | ANVT | ᱮᱛᱚᱢ ᱨᱮᱞᱦᱚᱨ | ᱗ |
| ᱫᱤᱞᱞᱤ ᱥᱚᱨᱟᱭ ᱨᱚᱦᱤᱞᱟ | DEE | ᱮᱛᱚᱢ ᱨᱮᱞᱦᱚᱨ | ᱗ |
ᱯᱷᱮᱰᱟᱛ ᱥᱟᱯᱲᱟᱣ
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
| ᱣᱤᱠᱤᱠᱩᱣᱚᱴ ᱨᱮ ᱱᱟᱶᱟ ᱫᱤᱞᱞᱤ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |
| Wikimedia Commons has media related to: |
Script error: No such module "navboxes". ᱪᱷᱟᱸᱪ:ᱫᱤᱞᱞᱤ ᱪᱷᱟᱸᱪ:ᱫᱤᱞᱞᱤ ᱨᱮᱱᱟᱜ ᱯᱩᱲᱥᱤ ᱠᱚScript error: No such module "navboxes".