ᱴᱤᱠᱟᱢᱜᱚᱲ ᱦᱚᱱᱚᱛ
ᱴᱤᱠᱟᱢᱜᱚᱲ ᱦᱚᱱᱚᱛ ᱫᱚ ᱛᱟᱞᱢᱟ ᱥᱤᱧᱚᱛ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱕᱒ ᱦᱚᱱᱚᱛ ᱠᱷᱚᱱ ᱫᱚ ᱢᱤᱫᱴᱟᱹᱝ ᱜᱮᱭᱟ ᱾ ᱴᱤᱠᱟᱢᱜᱚᱲ ᱥᱚᱦᱚᱨ ᱫᱚ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱦᱚᱱᱚᱛ ᱫᱚ ᱥᱚᱜᱚᱨ ᱰᱤᱵᱤᱡᱚᱱ ᱨᱮᱱᱟᱜ ᱴᱷᱟᱶ ᱠᱟᱱᱟ ᱾
| ᱴᱤᱠᱟᱢᱜᱚᱲ ᱦᱚᱱᱚᱛ | |
|---|---|
| ᱴᱤᱠᱟᱢᱜᱚᱲ ᱦᱚᱱᱚᱛ | |
 ᱴᱤᱠᱟᱢᱜᱚᱲ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱢᱚᱫᱷᱭᱚ ᱯᱨᱚᱫᱮᱥ ᱨᱮ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱢᱚᱫᱷᱭᱚ ᱯᱨᱚᱫᱮᱥ |
| ᱦᱟᱹᱴᱤᱧ | ᱥᱚᱜᱚᱨ |
| ᱦᱮᱰᱠᱩᱣᱟᱴᱚᱨ | ᱴᱤᱠᱟᱢᱜᱚᱲ |
| ᱛᱟᱦᱥᱤᱞ | ᱑. ᱴᱤᱠᱟᱢᱜᱚᱲ, ᱒. ᱡᱟᱛᱟᱨᱟ, ᱓. ᱵᱟᱞᱫᱮᱣᱜᱚᱲ, ᱔. ᱯᱟᱞᱮᱨᱟ, ᱕. ᱞᱤᱫᱷᱚᱨᱟᱠᱷᱟᱥ, ᱖. ᱠᱷᱟᱨᱜᱟᱯᱩᱨ, ᱗. ᱵᱟᱲᱟᱜᱟᱶ |
| ᱥᱚᱨᱠᱟᱨ | |
| • ᱫᱤᱥᱚᱢ ᱫᱚᱨᱵᱟᱨ ᱵᱟᱪᱷᱱᱟᱣ | ᱴᱤᱠᱟᱢᱜᱚᱲ |
| • ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ | ᱑. ᱴᱤᱠᱟᱢᱜᱚᱲ, ᱒. ᱡᱟᱛᱟᱨᱟ ᱟᱨ ᱓. ᱠᱷᱟᱨᱜᱟᱯᱩᱨ |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱜᱩᱴ | ᱑,᱔᱔᱕,᱑᱖᱖ |
| IST (ᱭᱩᱴᱤᱥᱤ+05:30) | |
| ᱢᱟᱨᱟᱝ ᱰᱟᱦᱟᱨ | NH-12A, SH10 |
| ᱣᱮᱵᱽᱥᱟᱭᱤᱴ | http://www.tikamgarh.nic.in/ |
ᱱᱚᱣᱟ ᱥᱟᱢᱟᱝ ᱟᱨ ᱮᱛᱚᱢᱼᱥᱟᱢᱟᱝ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱪᱷᱟᱛᱟᱨᱯᱩᱨ ᱦᱚᱱᱚᱛ ᱟᱨ ᱠᱚᱧᱮ ᱨᱮ ᱞᱟᱞᱤᱛᱯᱩᱨ ᱨᱮᱱᱟᱜ ᱩᱛᱛᱚᱨ ᱯᱨᱚᱫᱮᱥ ᱟᱨ ᱠᱚᱧᱮ ᱨᱮ ᱱᱤᱣᱟᱲᱤ ᱦᱚᱱᱚᱛ ᱠᱷᱚᱱ ᱮᱥᱮᱫ ᱟᱠᱟᱱᱟ ᱾ ᱴᱤᱠᱟᱢᱜᱚᱲ ᱦᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱕᱐᱔᱘ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾
ᱮᱦᱚᱵ ᱧᱩᱛᱩᱢ
ᱥᱟᱯᱲᱟᱣᱦᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱱᱚᱣᱟ ᱨᱮᱱᱟᱜ ᱦᱳᱰᱠᱩᱣᱟᱴᱚᱨ ᱴᱤᱠᱟᱢᱜᱚᱲ ᱧᱩᱛᱩᱢ ᱨᱮ ᱫᱚᱦᱚ ᱟᱠᱟᱱᱟ ᱾ ᱥᱚᱦᱚᱨ ᱨᱮᱱᱟᱜ ᱢᱟᱬᱟᱝ ᱧᱩᱛᱩᱢ ᱴᱤᱦᱨᱤ ᱛᱟᱦᱮᱸ ᱠᱟᱱᱟ ᱾ ᱑᱗᱘᱓ ᱥᱟᱞ ᱨᱮ, ᱚᱨᱪᱷᱟ ᱟᱜ ᱥᱟᱥᱚᱱ ᱵᱤᱠᱨᱟᱢᱟᱡᱤᱛ (᱑᱗᱗᱖-᱑᱘᱑᱗) ᱫᱚ ᱤᱧᱟᱜ ᱨᱟᱡᱽᱜᱟᱲ ᱫᱚ ᱚᱨᱪᱷᱟ ᱠᱷᱚᱱ ᱴᱤᱦᱨᱤ ᱤᱫᱤ ᱠᱮᱜᱼᱟ ᱟᱨ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱵᱚᱰᱚᱞ ᱠᱟᱛᱮ ᱴᱤᱠᱟᱢᱜᱚᱲ (ᱴᱤᱠᱟᱢ ᱠᱨᱤᱥᱟᱱ ᱟᱜ ᱧᱩᱛᱩᱢ ᱠᱷᱚᱱ ᱫᱚ ᱢᱤᱫᱴᱟᱹᱝ ᱜᱮ ᱢᱮᱱᱟᱜᱼᱟ) ᱫᱚᱦᱚ ᱠᱮᱜᱼᱟ ᱾
ᱱᱟᱜᱟᱢ
ᱥᱟᱯᱲᱟᱣᱱᱚᱣᱟ ᱦᱚᱱᱚᱛ ᱨᱮ ᱥᱮᱞᱮᱫ ᱴᱚᱴᱷᱟ ᱚᱨᱪᱷᱟ ᱚᱲᱟᱜ ᱤᱞᱟᱠᱟ ᱨᱮᱱᱟᱜ ᱴᱷᱟᱶ ᱛᱟᱦᱮᱸ ᱠᱟᱱᱟ, ᱛᱤᱥ ᱫᱷᱟᱹᱨᱤᱡ ᱩᱱᱤᱭᱟᱜ ᱥᱤᱧᱚᱛᱤᱭᱟᱹ ᱩᱱᱤᱭᱚᱱ ᱨᱮ ᱯᱷᱭᱩᱡᱟᱱ (Fusion) ᱵᱟᱝ ᱦᱩᱭ ᱞᱮᱱᱟ ᱾ ᱚᱨᱪᱷᱟ ᱨᱟᱡᱟ ᱟᱜ ᱯᱚᱱᱚᱛ ᱴᱷᱟᱯᱚᱱ ᱨᱩᱫᱨᱟ ᱯᱨᱚᱛᱟᱯ ᱥᱤᱝ ᱫᱚ ᱑᱕᱐᱑ ᱨᱮ ᱪᱮᱠᱟ ᱞᱮ ᱟ ᱾ ᱯᱷᱭᱩᱡᱟᱱ ᱛᱟᱭᱚᱢ, ᱱᱚᱣᱟ ᱑᱙᱔᱘ ᱨᱮ ᱵᱤᱸᱫᱷᱭᱟ ᱯᱨᱟᱫᱮᱥ ᱯᱚᱱᱚᱛ ᱨᱮᱱᱟᱜ ᱤᱨᱟᱹᱞ ᱦᱚᱱᱚᱛ ᱠᱷᱚᱱ ᱢᱤᱫᱴᱟᱹᱝ ᱵᱮᱱᱟᱣ ᱮᱱᱟ ᱾ ᱑ ᱱᱚᱵᱷᱮᱢᱵᱚᱨ ᱑᱙᱕᱖ ᱨᱮ ᱯᱚᱱᱚᱛ ᱦᱟᱴᱤᱧ ᱛᱟᱭᱚᱢ ᱱᱚᱣᱟ ᱱᱟᱣᱟ ᱢᱚᱫᱷᱭᱚ ᱯᱨᱟᱫᱮᱥ ᱨᱮᱱᱟᱜ ᱢᱤᱫ ᱦᱚᱱᱚᱛ ᱵᱮᱱᱟᱣ ᱮᱱᱟ ᱾
ᱚᱛᱱᱚᱜ
ᱥᱟᱯᱲᱟᱣᱵᱮᱛᱣᱟ ᱜᱟᱰᱟ ᱦᱚᱱᱚᱛ ᱨᱮᱱᱟᱜ ᱠᱚᱧᱮᱼᱯᱟᱪᱮ ᱥᱤᱢᱟᱹ ᱞᱮᱠᱟᱛᱮ ᱞᱤᱸᱡᱤᱱᱟ ᱟᱨ ᱵᱟᱲᱜᱟᱸᱣ ᱫᱷᱟᱨᱮ ᱫᱷᱚᱥᱟᱱ ᱜᱟᱰᱟ, ᱱᱚᱣᱟ ᱢᱤᱫᱴᱟᱹᱝ ᱮᱴᱟᱜ ᱜᱟᱰᱟ ᱠᱟᱱᱟ ᱦᱚᱱᱚᱛ ᱨᱮᱱᱟᱜ ᱥᱟᱢᱟᱝ ᱥᱤᱢᱟᱹ ᱞᱮᱠᱟᱛᱮ ᱞᱤᱸᱡᱤᱱᱟ ᱾ ᱱᱚᱣᱟ ᱵᱟᱱᱟᱨ ᱜᱟᱰᱟ ᱠᱚᱧᱮ ᱥᱟᱢᱟᱝ ᱥᱮᱫ ᱞᱤᱸᱡᱤᱱᱟ ᱾ ᱱᱚᱣᱟ ᱦᱚᱱᱚᱛ ᱠᱷᱚᱱ ᱞᱤᱸᱡᱤᱱᱟᱜ ᱵᱮᱛᱣᱟ ᱨᱮᱱᱟᱜ ᱮᱴᱟᱜ ᱜᱟᱰᱟ ᱡᱟᱢᱱᱤ, ᱵᱟᱜᱽᱲᱤ ᱟᱨ ᱵᱟᱨᱩᱣᱟ ᱢᱮᱱᱟᱜᱼᱟ ᱾
ᱠᱟᱹᱣᱰᱤ ᱟᱹᱨᱤ
ᱥᱟᱯᱲᱟᱣᱥᱤᱧᱚᱛ ᱥᱚᱨᱠᱟᱨ ᱒᱐᱐᱖ ᱥᱟᱞᱮ ᱨᱮ ᱥᱤᱧᱚᱛ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱒᱕᱐ ᱦᱚᱱᱚᱛ ᱥᱟᱶᱛᱮ ᱱᱚᱶᱟ ᱦᱚᱸ ᱟᱹᱰᱤ ᱯᱟᱹᱪᱷᱞᱟᱹ ᱦᱚᱱᱚᱛ (most backward districts) ᱞᱮᱠᱟᱛᱮ ᱥᱮᱞᱮᱫ ᱟᱠᱟᱫᱼᱟᱭ ᱾[᱑] ᱱᱚᱶᱟ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱒᱔ ᱟᱱᱟᱜ ᱦᱚᱱᱚᱛ ᱞᱮᱠᱟᱛᱮ ᱯᱟᱹᱪᱷᱞᱟᱹ ᱮᱞᱟᱠᱟ ᱜᱨᱟᱱᱴ (Backward Regions Grant Fund) ᱯᱷᱚᱸᱰ ᱮ ᱧᱟᱢ ᱮᱫᱟ ᱾[᱑]
ᱰᱤᱵᱤᱡᱚᱱ
ᱥᱟᱯᱲᱟᱣᱴᱤᱠᱟᱢᱜᱚᱲ ᱦᱚᱱᱚᱛ ᱫᱚ ᱯᱮᱭᱟ ᱥᱟᱵᱼᱰᱤᱵᱤᱡᱚᱱ ᱨᱮ ᱦᱟᱴᱤᱧ ᱟᱠᱟᱱᱟ, ᱟᱫᱚ ᱢᱟᱬᱟᱝ ᱛᱩᱨᱩᱭ ᱛᱟᱦᱥᱤᱞ ᱨᱮ ᱦᱟᱴᱤᱧ ᱟᱠᱟᱱᱟ ᱾ ᱴᱤᱠᱟᱢᱜᱚᱲ ᱥᱟᱵᱼᱰᱤᱵᱤᱡᱚᱱ ᱨᱮ ᱴᱤᱠᱟᱢᱜᱚᱲ ᱟᱨ ᱵᱟᱞᱫᱮᱣᱜᱚᱲ ᱛᱟᱦᱥᱤᱞ ᱥᱮᱞᱮᱫ ᱟᱠᱟᱱᱟ ᱾ ᱱᱤᱣᱟᱲᱤ ᱟᱨ ᱯᱨᱤᱛᱷᱵᱤᱯᱩᱨ ᱛᱟᱦᱥᱤᱞ ᱱᱤᱣᱟᱲᱤ ᱥᱟᱵᱼᱰᱤᱵᱤᱡᱚᱱ ᱵᱮᱱᱟᱜᱼᱟ ᱟᱫᱚ ᱡᱟᱛᱟᱨᱟ ᱥᱟᱵᱼᱰᱤᱵᱤᱡᱚᱱ ᱨᱮ ᱡᱟᱛᱨᱟ ᱟᱨ ᱯᱟᱞᱮᱨᱟ ᱛᱟᱦᱥᱤᱞ ᱥᱮᱞᱮᱫ ᱟᱠᱟᱱᱟ ᱾ ᱦᱚᱱᱚᱛ ᱨᱮ ᱴᱤᱠᱟᱢᱜᱚᱲ, ᱵᱟᱞᱫᱮᱣᱜᱚᱲ, ᱡᱟᱛᱟᱨᱟ, ᱯᱟᱞᱮᱨᱟ, ᱱᱤᱣᱟᱲᱤ ᱟᱨ ᱯᱨᱤᱛᱷᱵᱤᱯᱩᱨ ᱛᱩᱨᱩᱭ ᱰᱮᱵᱞᱚᱯ ᱵᱚᱱᱚᱛ ᱥᱮᱞᱮᱫ ᱟᱠᱟᱱᱟ ᱾
ᱱᱚᱣᱟ ᱦᱚᱱᱚᱛ ᱨᱮ ᱕ ᱢᱚᱫᱷᱭᱚ ᱯᱨᱟᱫᱮᱥ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱢᱮᱱᱟᱜᱼᱟ : ᱴᱤᱠᱟᱢᱜᱚᱲ, ᱯᱨᱤᱛᱷᱵᱤᱯᱩᱨ, ᱡᱟᱛᱟᱨᱟ, ᱠᱷᱨᱜᱟᱯᱩᱨ ᱟᱨ ᱱᱤᱣᱟᱲᱤ ᱾ ᱱᱚᱣᱟ ᱡᱚᱛᱚ ᱴᱤᱠᱟᱢᱜᱚᱲ ᱞᱳᱠᱥᱚᱵᱷᱟ ᱴᱚᱴᱷᱟ ᱨᱮᱱᱟᱜ ᱴᱷᱟᱶ ᱠᱟᱱᱟ ᱾
ᱱᱚᱸᱰᱮ ᱓ ᱛᱟᱦᱥᱤᱞ ᱚᱨᱪᱷᱟ, ᱯᱨᱤᱛᱷᱵᱤᱯᱩᱨ ᱟᱨ ᱱᱤᱣᱟᱲᱤ ᱢᱮᱥᱟ ᱠᱟᱛᱮ ᱢᱤᱫᱴᱟᱹᱝ ᱱᱟᱣᱟ ᱱᱤᱣᱟᱲᱤ ᱦᱚᱱᱚᱛ ᱵᱮᱱᱟᱣ ᱟᱠᱟᱱᱟ ᱾
ᱦᱚᱲ ᱮᱞ
ᱥᱟᱯᱲᱟᱣ| ᱦᱚᱲ ᱮᱞᱥᱚᱝ ᱱᱟᱜᱟᱢ | ||
|---|---|---|
| ᱥᱮᱨᱢᱟ | ᱦᱚᱲ. | ±% ᱥᱮ.ᱯᱤ. |
| ᱑᱙᱐᱑ | ᱓᱒᱖,᱑᱓᱙ | — |
| ᱑᱙᱑᱑ | ᱓᱓᱔,᱖᱐᱙ | +0.26% |
| ᱑᱙᱒᱑ | ᱒᱘᱘,᱙᱐᱑ | −1.46% |
| ᱑᱙᱓᱑ | ᱓᱑᱗,᱐᱕᱙ | +0.93% |
| ᱑᱙᱔᱑ | ᱓᱕᱔,᱙᱙᱒ | +1.14% |
| ᱑᱙᱕᱑ | ᱓᱖᱖,᱑᱖᱕ | +0.31% |
| ᱑᱙᱖᱑ | ᱔᱕᱕,᱖᱖᱒ | +2.21% |
| ᱑᱙᱗᱑ | ᱕᱖᱘,᱘᱘᱕ | +2.24% |
| ᱑᱙᱘᱑ | ᱗᱓᱖,᱙᱘᱑ | +2.62% |
| ᱑᱙᱙᱑ | ᱙᱔᱐,᱘᱒᱙ | +2.47% |
| ᱒᱐᱐᱑ | ᱑,᱒᱐᱒,᱙᱙᱘ | +2.49% |
| ᱒᱐᱑᱑ | ᱑,᱔᱔᱕,᱑᱖᱖ | +1.85% |
| source:[᱒] | ||
᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱴᱤᱠᱟᱢᱜᱚᱲ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱑᱔,᱔᱕,᱑᱖᱖ ᱦᱚᱲ ᱢᱮᱱᱟᱜ ᱠᱚᱣᱟ,[᱓] ᱱᱚᱣᱟ ᱥᱣᱟᱡᱤᱞᱮᱸᱰ[᱔] ᱟᱨᱵᱟᱝ ᱟᱢᱮᱨᱤᱠᱟ ᱨᱮᱱᱟᱜ ᱦᱟᱣᱟᱭ ᱯᱚᱱᱚᱛ[᱕] ᱨᱮᱱᱟᱜ ᱥᱚᱢᱟᱱ ᱢᱮᱱᱟᱜ ᱠᱚᱣᱟ ᱾ ᱱᱚᱣᱟ ᱱᱤᱭᱟᱹ ᱥᱤᱧᱚᱛ ᱨᱮ ᱓᱔᱓ ᱟᱱᱟᱜ (ᱜᱩᱴ ᱖᱔᱐ ᱠᱷᱚᱱ ᱫᱚ) ᱨᱮᱱᱟᱜ ᱨᱮᱸᱠᱤᱝ ᱨᱮ ᱯᱟᱲᱟᱜ ᱟ ᱾[᱓] ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱒᱘᱖ ᱛᱟᱦᱮᱸᱱ ᱦᱚᱲ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ (᱗᱔᱐ ᱜᱟᱺᱴ ᱢᱟᱭᱤᱞ) ᱢᱮᱱᱟᱜᱼᱟ ᱾[᱓] ᱒᱐᱐᱑-᱒᱐᱑᱑ ᱨᱮᱱᱟᱜ ᱜᱮᱞ ᱥᱮᱨᱢᱟ ᱨᱮ ᱱᱚᱣᱟ ᱨᱮᱱᱟᱜ ᱦᱚᱲ ᱮᱞ ᱜᱨᱚᱛᱷ ᱫᱚᱨ ᱒᱐.᱑᱑% ᱛᱟᱦᱮᱸ ᱠᱟᱱᱟ ᱾[᱓] ᱴᱤᱠᱟᱢᱜᱚᱲ ᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱙᱐᱑ ᱛᱤᱨᱞᱟᱹ ᱟᱜ ᱡᱟᱱᱟᱝ ᱡᱟᱹᱱᱤ ᱢᱮᱱᱟᱜᱼᱟ[᱓], ᱟᱨ ᱥᱮᱪᱮᱫ ᱫᱚᱨ ᱫᱚ ᱖᱒.᱕᱗% ᱢᱮᱱᱟᱜᱼᱟ ᱾[᱓]
ᱯᱟᱹᱨᱥᱤ
ᱥᱟᱯᱲᱟᱣᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ, ᱦᱚᱱᱚᱛ ᱨᱮᱱᱟᱜ ᱙᱙.᱗᱔% ᱦᱚᱲ ᱮᱞ ᱫᱚ ᱤᱧᱟᱜ ᱢᱟᱬᱟᱝ ᱯᱟᱹᱨᱥᱤ ᱞᱮᱠᱟᱛᱮ ᱦᱤᱱᱫᱤ ᱠᱚ ᱨᱚᱲᱟ ᱾[᱖]
ᱴᱤᱠᱟᱢᱜᱚᱲ ᱨᱮ ᱨᱚᱨᱚᱲ ᱞᱟᱹᱜᱤᱫ ᱜᱚ ᱯᱟᱹᱨᱥᱤ ᱫᱚ ᱵᱷᱟᱨᱤᱭᱟ ᱦᱚᱸ ᱥᱮᱞᱮᱫ ᱟᱠᱟᱱᱟ, ᱱᱚᱣᱟ ᱢᱤᱫ ᱫᱨᱟᱵᱤᱲ ᱯᱟᱹᱨᱥᱤ ᱠᱟᱱᱟ ᱚᱠᱚᱭ ᱵᱷᱟᱨᱤᱭᱟ ᱟᱹᱫᱤᱵᱟᱹᱥᱤ ᱟᱜ ᱠᱚᱢ ᱠᱷᱚᱱ ᱠᱚᱢ ᱒᱐᱐,᱐᱐᱐ ᱢᱮᱢᱵᱟᱨ ᱤᱫᱤ ᱛᱮ ᱨᱚᱲ ᱟᱠᱚ ᱟᱨ ᱫᱮᱣᱱᱟᱜᱽᱨᱤ ᱪᱤᱠᱤ ᱛᱮ ᱚᱞ ᱞᱟᱠᱚ ᱾[᱗]
ᱦᱚᱨ ᱰᱟᱦᱟᱨ
ᱥᱟᱯᱲᱟᱣ
- ᱰᱟᱦᱟᱨ
ᱴᱤᱠᱟᱢᱜᱚᱲ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱵᱟᱥ ᱰᱮᱨᱟ ᱢᱮᱱᱟᱜᱼᱟ ᱾ ᱴᱤᱠᱟᱢᱜᱚᱲ ᱠᱷᱚᱱ ᱥᱮᱱᱟᱜ ᱜᱟᱦ ᱨᱟᱡᱽᱰᱟᱦᱟᱨ NH-12A, SH-10 ᱢᱮᱱᱟᱜᱼᱟ ᱾ ᱯᱚᱱᱚᱛ ᱨᱮᱱᱟᱜ ᱜᱚᱴᱟ ᱴᱷᱟᱶ ᱞᱟᱹᱜᱤᱫ ᱵᱟᱥ ᱫᱤᱱᱮᱢ ᱦᱤᱞᱚᱜ ᱥᱮᱱᱟᱜ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾
- ᱨᱮᱞᱜᱟᱰᱤ
ᱴᱤᱠᱟᱢᱜᱚᱲ ᱫᱷᱟᱹᱨᱤᱡ ᱨᱮᱞᱣᱮ ᱰᱟᱦᱟᱨ ᱵᱮᱱᱟᱣ ᱒᱐᱑᱒ ᱨᱮ ᱯᱩᱨᱟᱹ ᱦᱩᱭ ᱟᱠᱟᱱᱟ ᱾ ᱒᱖ ᱟᱯᱨᱮᱞ ᱒᱐᱑᱓ ᱨᱮ ᱨᱮᱞᱣᱮ ᱥᱮᱵᱟ ᱠᱷᱚᱱ ᱡᱚᱲᱟᱣ ᱞᱮᱱᱟ ᱛᱟᱦᱮᱸᱫ ᱾ ᱞᱟᱞᱤᱛᱯᱩᱨ (ᱩᱛᱚᱨ ᱯᱨᱚᱫᱮᱥ) ᱠᱷᱚᱱ ᱴᱤᱠᱟᱢᱜᱚᱲ ᱫᱷᱟᱹᱨᱤᱡ ᱨᱮᱞ ᱥᱮᱵᱟ ᱮᱦᱚᱵ ᱟᱠᱟᱱᱟ ᱟᱨ ᱞᱟᱞᱤᱛᱯᱩᱨᱼᱥᱤᱜᱨᱚᱞᱤ ᱨᱮᱞ ᱯᱨᱚᱡᱮᱠᱴ ᱞᱮᱠᱟᱛᱮ ᱮᱦᱚᱵ ᱟᱠᱟᱱᱟ ᱾ ᱵᱟᱨᱭᱟ ᱥᱴᱮᱥᱚᱱ ᱛᱟᱞᱟ ᱥᱮᱱᱚᱜ ᱞᱟᱹᱜᱤᱫ ᱢᱟᱬᱟᱝ ᱴᱨᱮᱱ ᱴᱤᱠᱟᱢᱜᱚᱲᱼᱡᱷᱟᱸᱥᱤ (ᱩᱛᱚᱨ ᱯᱨᱚᱫᱮᱥ) ᱥᱮᱱᱚᱜ ᱴᱨᱮᱱ ᱛᱟᱦᱮᱸ ᱠᱟᱱᱟ ᱾ ᱴᱨᱮᱱ ᱫᱚ ᱒᱐᱑᱒-᱑᱓ ᱨᱮ ᱨᱮᱞ ᱵᱟᱡᱤᱛ ᱨᱮ ᱵᱟᱨᱭᱟ ᱥᱴᱮᱥᱚᱱ ᱛᱟᱞᱟ ᱯᱷᱩᱨᱪᱟᱹᱭ ᱮᱢ ᱞᱮᱱᱟ ᱛᱟᱦᱮᱸᱫ ᱾ ᱴᱤᱠᱟᱢᱜᱚᱲ ᱟᱨ ᱞᱟᱞᱤᱛᱯᱩᱨ ᱨᱮᱞ ᱰᱟᱦᱟᱨ ᱛᱟᱞᱟ ᱨᱮᱞᱣᱮ ᱞᱟᱭᱤᱱ ᱔᱐ ᱠᱤᱞᱚᱢᱤᱴᱚᱨ᱾ᱡᱤᱞᱤᱧᱟ ᱾ ᱞᱟᱞᱤᱛᱯᱩᱨ ᱥᱴᱮᱥᱚᱱ ᱨᱮ ᱛᱟᱞᱢᱟ ᱢᱚᱱᱛᱨᱤ ᱯᱨᱟᱫᱤᱯ ᱡᱮᱱ ᱫᱚ ᱴᱨᱮᱱ ᱫᱚ ᱦᱟᱹᱨᱭᱟᱹᱲ ᱡᱷᱟᱱᱰᱟ ᱫᱮᱠᱷᱟᱣ ᱞᱮ ᱟ ᱛᱟᱦᱮᱸᱫ ᱾
- ᱩᱰᱟᱹᱱ ᱰᱟᱦᱟᱨ
ᱠᱷᱟᱡᱩᱨᱟᱦᱚ ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ (᱑᱒᱕ ᱠᱤᱞᱚᱢᱤᱴᱚᱨ) ᱢᱮᱱᱟᱜᱼᱟ, ᱡᱟᱦᱟᱸ ᱠᱷᱚᱱ ᱫᱤᱞᱞᱤ ᱟᱨ ᱟᱜᱽᱨᱟ ᱞᱟᱹᱜᱤᱫ ᱛᱮ ᱫᱤᱱᱮᱢ ᱦᱤᱞᱚᱜ ᱩᱰᱟᱹᱜ ᱟ ᱾ ᱟᱫᱚ ᱪᱷᱟᱛᱟᱨᱯᱩᱨ ᱦᱚᱱᱚᱛ ᱴᱚᱴᱷᱟ ᱨᱮ ᱦᱤᱡᱩᱜᱼᱟ ᱾
ᱧᱮᱞ ᱡᱚᱝ ᱴᱷᱟᱶ
ᱥᱟᱯᱲᱟᱣ
ᱴᱤᱠᱟᱢᱜᱚᱲ ᱦᱚᱱᱚᱛ ᱨᱮ ᱟᱹᱰᱤ ᱜᱟᱱ ᱧᱮᱧᱮᱞ ᱴᱷᱟᱶ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱥᱮᱞᱮᱫ ᱢᱮᱱᱟᱜᱼᱟ :
- ᱳᱨᱪᱷᱟ - ᱨᱟᱢᱨᱟᱡᱟ ᱢᱚᱱᱫᱤᱨ ᱞᱟᱹᱜᱤᱫ ᱛᱮ ᱥᱮᱱᱚᱜ ᱟᱠᱚ ᱾
- ᱠᱩᱸᱰᱮᱥᱚᱨ - ᱱᱚᱣᱟ ᱛᱷᱟᱱ ᱠᱩᱸᱰᱫᱮᱣ ᱢᱚᱦᱟᱫᱮᱵ ᱢᱚᱱᱫᱤᱨ ᱞᱟᱹᱜᱤᱫ ᱛᱮ ᱯᱷᱮᱢᱚᱥ ᱟᱠᱟᱱᱟ ᱾
- ᱟᱦᱟᱨ ᱡᱤ
- ᱵᱟᱞᱫᱮᱵᱜᱚᱲ: -ᱵᱟᱞᱫᱮᱜᱚᱲ ᱨᱮᱱᱟᱜ ᱴᱤᱳᱯᱤ (ᱛᱚᱯ) ᱵᱮᱸᱫᱮᱞᱠᱷᱚᱸᱰ ᱨᱮ ᱯᱷᱮᱢᱚᱥ ᱟᱠᱟᱱᱟ ᱾
- ᱯᱟᱯᱚᱨᱟ ᱡᱤ: - ᱯᱷᱮᱢᱚᱥ ᱡᱮᱭᱱ ᱢᱚᱱᱫᱤᱨ
- ᱵᱟᱲᱜᱟᱸᱣ: - ᱯᱷᱮᱢᱚᱥ ᱡᱮᱭᱱ ᱢᱚᱱᱫᱤᱨ, ᱦᱟᱱᱩᱢᱟᱱ ᱢᱚᱱᱫᱤᱨ, ᱥᱤᱵ ᱢᱚᱱᱫᱤᱨ ᱟᱨ ᱫᱷᱚᱥᱟᱱ ᱜᱟᱰᱟ ᱾
- ᱢᱚᱲᱠᱷᱮᱨᱟ:
- ᱩᱢᱨᱤ:
- ᱦᱚᱨᱤᱫᱟᱥ ᱢᱚᱱᱫᱤᱨ: - ᱟᱜᱨᱟᱣᱟᱞ ᱫᱷᱚᱨᱢᱥᱟᱞᱟ ᱥᱩᱨ, ᱵᱷᱚᱜᱣᱟᱱ ᱨᱟᱢ ᱟᱜ ᱯᱷᱮᱢᱚᱥ ᱦᱤᱱᱫᱩ ᱢᱚᱱᱫᱤᱨ ᱾
- ᱯᱨᱚᱛᱟᱯᱮᱥᱚᱨ ᱢᱚᱦᱟᱫᱮᱵ : - ᱢᱤᱫᱴᱟᱹᱝ ᱢᱟᱨᱮ ᱟᱦᱟᱨ ᱨᱮ ᱯᱷᱮᱢᱚᱥ ᱥᱤᱵ ᱢᱚᱱᱫᱤᱨ, ᱢᱚᱦᱮᱱᱫᱨᱚ ᱥᱚᱜᱚᱨ ᱟᱦᱟᱨ ᱾
- ᱫᱷᱟᱱᱩᱫᱷᱟᱨᱤ ᱢᱚᱱᱫᱤᱨ : - ᱯᱷᱮᱢᱚᱥ ᱨᱟᱢ ᱢᱚᱱᱫᱤᱨ
- ᱵᱮᱜᱟᱡ ᱢᱟᱛᱟ ᱢᱚᱱᱫᱤᱨ : - ᱯᱷᱮᱢᱚᱥ ᱢᱚᱱᱫᱤᱨ
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱑.᱐ ᱑.᱑ Ministry of Panchayati Raj (September 8, 2009). "A Note on the Backward Regions Grant Fund Programme" (PDF). National Institute of Rural Development. Archived from the original (PDF) on April 5, 2012. Retrieved September 27, 2011.
- ↑ Decadal Variation In Population Since 1901
- ↑ ᱓.᱐ ᱓.᱑ ᱓.᱒ ᱓.᱓ ᱓.᱔ ᱓.᱕ "District Census 2011". Census2011.co.in. 2011. Retrieved 2011-09-30.
- ↑ US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01.
Swaziland 1,370,424
- ↑ "2010 Resident Population Data". U. S. Census Bureau. Archived from the original on 2010-12-27. Retrieved 2011-09-30.
Hawaii 1,360,301
- ↑ 2011 Census of India, Population By Mother Tongue
- ↑ M. Paul Lewis, ed. (2009). "Bharia: A language of India". Ethnologue: Languages of the World (16th ed.). Dallas, Texas: SIL International. Retrieved 2011-09-28.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ- Tikamgarh District website Archived ᱒᱐᱐᱙-᱐᱑-᱒᱙ at the Wayback Machine.
- Bundelkhand Website
Coordinates: 24°44′24″N 78°49′48″E / 24.74000°N 78.83000°E
sachendra singh parhar