ᱴᱮᱢᱥᱩᱞᱟ ᱮᱣ

ᱴᱮᱢᱥᱩᱞᱟ ᱮᱣ
ᱴᱮᱢᱥᱩᱞᱟ ᱮᱣ
	ᱴᱮᱢᱥᱩᱞᱟ ᱮᱣ ᱒᱐᱑᱐ ᱥᱟᱞᱮᱨᱮ ᱱᱟᱣᱟ ᱫᱤᱞᱤ ᱡᱮᱜᱮᱛ ᱯᱚᱛᱚᱵ ᱩᱫᱮᱞᱟ ᱨᱮ
ᱡᱟᱱᱟᱢ	1945 (age 78–79)
ᱠᱟᱹᱢᱤ	ᱚᱱᱚᱬᱦᱤᱭᱟ., Ethnographer
ᱡᱟᱹᱛᱤᱭᱟᱹᱛ	ᱥᱤᱧᱚᱛᱤᱭᱟᱹ
ᱥᱤᱨᱯᱷᱟᱹ	ᱯᱚᱫᱽᱢᱚ ᱥᱨᱤ (᱒᱐᱐᱗); ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟᱹ (᱒᱐᱑᱓)

ᱴᱮᱢᱥᱩᱞᱟ ᱮᱣ ᱟᱨᱵᱟᱝ ᱛᱮᱢᱥᱩᱞᱟ ᱟᱣᱳ ᱫᱚ ᱤᱸᱜᱽᱞᱤᱥ ᱯᱟ.ᱨᱥᱤ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱚᱱᱚᱬᱦᱤᱭᱟᱹ, ᱚᱱᱚᱞᱤᱭᱟ. ᱟᱨ (ethnographer) ᱠᱟᱱᱟᱭ ᱾ ᱩᱱᱤ ᱫᱚ ᱱᱚᱨᱛᱷ ᱤᱥᱴᱚᱨᱱ ᱦᱤᱞ ᱭᱩᱱᱤᱵᱷᱚᱨᱥᱤᱴᱤ (NEHU) ᱠᱷᱚᱱ ᱤᱸᱜᱽᱞᱤᱥ ᱯᱟ.ᱨᱥᱤ ᱠᱷᱚᱱ ᱮ ᱡᱤᱨᱟᱹᱣ ᱟᱠᱟᱱ ᱯᱨᱳᱯᱷᱮᱥᱚᱨ ᱠᱟᱱᱟᱭ ᱾ ᱡᱟᱦᱟᱸ ᱨᱮ ᱩᱱᱤ ᱫᱚ ᱑᱙᱗᱕ ᱥᱟᱞᱮᱨᱮ ᱢᱟᱪᱮᱛᱤᱭᱟᱹ ᱡᱤᱭᱚᱱ ᱮ ᱮᱛᱮᱦᱮᱵ ᱞᱮᱫ ᱛᱟᱦᱮᱸᱫ ᱾ ᱒᱐᱑᱓ ᱥᱟᱞᱮᱨᱮ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱫᱚ ᱟᱡᱟᱜ ᱛᱩᱢᱟ.ᱞ ᱟᱠᱟᱫ ᱤᱸᱜᱽᱞᱤᱥ ᱠᱟᱹᱦᱱᱤ 'ᱞᱤᱵᱚᱨᱱᱚᱢ ᱯᱷᱳᱨ ᱢᱟᱭ ᱦᱮᱰ' ^[᱑]ᱫᱚ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱛᱮ ᱢᱟᱹᱱ ᱦᱟᱞᱟᱝ ᱦᱩᱭ ᱟᱠᱟᱱᱟ ᱾ ᱱᱤᱛᱚᱜ ᱫᱚ ᱩᱱᱤ ᱱᱟᱜᱟᱞᱮᱸᱰ ᱯᱚᱱᱚᱛ ᱛᱤᱨᱞᱟᱹ ᱠᱚᱢᱤᱥᱚᱱ ᱨᱤᱣᱤᱡ ᱯᱟᱨᱥᱮᱛ/ᱪᱮᱨᱢᱮᱱ ᱦᱚᱸ ᱠᱟᱱᱟᱭ ᱾

ᱡᱤᱭᱚᱱ ᱩᱯᱨᱩᱢ ᱥᱟᱯᱲᱟᱣ

ᱴᱮᱢᱥᱩᱞᱟ ᱮᱣ ᱟᱜ ᱡᱟᱱᱟᱢ ᱫᱚ ᱚᱠᱴᱳᱵᱚᱨ ᱑᱙᱔᱕ ᱥᱟᱞᱮ ᱨᱮ ᱟᱥᱟᱢ ᱨᱮᱭᱟᱜ ᱡᱳᱨᱦᱟᱴ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱤᱱᱟᱢᱚᱦᱛᱷᱳᱸᱜᱽᱵᱟ ᱪᱟᱸᱜᱽᱠᱤᱨᱤ ᱡᱳᱨᱦᱟᱴ ᱨᱮ ᱢᱮᱱᱟᱜ ᱵᱚᱰᱵᱷᱤᱴᱴᱟ ᱤᱥᱥᱟᱭ ᱰᱟᱠᱛᱚᱨᱠᱷᱟᱱᱟ ᱨᱮ ᱥᱩᱯᱚᱨᱣᱟᱭᱡᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱟᱭᱳ ᱱᱚᱠᱥᱤᱸᱴᱮᱢᱞᱟ ᱞᱚᱝᱠᱚᱢᱯᱟᱨ ᱫᱚ ᱢᱤᱫ ᱚᱲᱟᱜ ᱜᱤᱨᱱᱤᱭ ᱛᱟᱦᱮᱸ ᱠᱟᱱᱟ ᱾ ᱦᱩᱰᱤᱧ ᱵᱚᱭᱦᱟᱭ ᱡᱟᱱᱟᱢ ᱮᱱ ᱱᱟᱥᱮ ᱫᱤᱱ ᱛᱟᱭᱚᱢ ᱠᱷᱟᱱ ᱜᱮ ᱛᱤᱱᱟ.ᱜ ᱪᱟᱸᱫᱚ ᱵᱷᱤᱛᱨᱤ ᱨᱮ ᱠᱷᱟᱱ ᱜᱮ ᱟᱡ ᱨᱤᱱ ᱟᱭᱳ ᱵᱟᱵᱟ ᱫᱚ ᱠᱤᱱ ᱵᱚᱸᱜᱟ ᱫᱤᱥᱚᱢ ᱮᱱᱟ ᱾ ᱢᱮᱴᱨᱤᱠ ᱮ ᱯᱟᱲᱦᱟᱣᱜ ᱠᱟᱱ ᱚᱠᱛᱚ ᱨᱮ ᱰᱨᱹ ᱮᱣ ᱫᱚᱭ ᱵᱟᱯᱞᱟ ᱦᱩᱭ ᱟᱠᱟᱱ ᱛᱟᱦᱮᱫ ᱤᱠᱷᱟᱹᱱ ᱞᱟᱦᱟ ᱪᱟᱞᱟᱣ ᱠᱟᱛᱮ ᱵᱟᱯᱟᱜᱽ ᱮᱱᱟ ᱠᱤᱱ ᱾^[᱒]

ᱮᱛᱚᱦᱚᱵ ᱥᱮᱪᱮᱫ ᱛᱟᱭᱚᱢ ᱫᱚ ᱨᱤᱜᱽᱣᱮ ᱜᱟᱞᱥ ᱦᱟᱭᱤᱥᱠᱞᱩᱞ , ᱜᱳᱞᱟᱜᱷᱟᱴ ᱟᱥᱟᱢ ᱠᱷᱚᱱ ᱟᱡ ᱫᱚ ᱢᱮᱴᱨᱤᱨ ᱫᱷᱟ.ᱫᱤᱡ ᱮ ᱯᱟᱲᱦᱟᱣ ᱮᱱᱟ ᱟᱨ ᱯᱷᱚᱡᱚᱞ ᱚᱞᱤ ᱵᱤᱨᱫᱟ.ᱜᱟᱲ ᱢᱚᱠᱚᱪᱩᱝ, ᱱᱟᱜᱟᱞᱮᱸᱰ ᱠᱷᱚᱱ ᱵᱤᱹᱮᱹ ᱯᱟᱲᱦᱟᱣᱜ ᱮ ᱥᱟᱹᱛ ᱠᱮᱫ-ᱟ ᱾ ᱜᱩᱣᱟᱦᱟᱴᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱟᱥᱟᱢ ᱠᱷᱚᱱ ᱤᱸᱜᱽᱞᱤᱥ ᱛᱮᱭ ᱮᱢᱹᱮᱹ ᱠᱮᱜ ᱛᱟᱭᱚᱢ ᱟᱡ ᱫᱚ ᱥᱮᱱᱴᱨᱟᱞ ᱤᱱᱥᱴᱤᱪᱩᱴ ᱳᱯᱷ ᱤᱸᱜᱽᱞᱤᱥ ᱮᱸᱰ ᱯᱚᱨᱮᱱ ᱞᱮᱸᱜᱩᱣᱮᱡᱽ (ᱱᱤᱛᱚᱜ ᱫᱚ ᱤᱸᱜᱽᱞᱤᱥ ᱟᱨ ᱵᱤᱫᱮᱥ ᱯᱟᱹᱨᱥᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ) ᱯᱟᱭᱫᱨᱟᱵᱟᱫᱽ ᱠᱷᱚᱱ ᱤᱸᱜᱽᱞᱤᱥ ᱥᱮᱪᱮᱫ ᱨᱮ ᱯᱚᱥᱴ ᱜᱨᱟᱡᱩᱣᱮᱴ ᱰᱤᱯᱞᱚᱢᱟ ᱠᱮᱜ ᱟᱭ ᱟᱨ ᱯᱤᱦᱮᱪᱰᱤ ᱫᱚ ᱱᱚᱨᱛᱷ ᱤᱥᱴᱚᱨᱱ ᱦᱤᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮ ᱥᱟ.ᱛ ᱠᱮᱫ-ᱟ ᱾ ᱑᱙᱘᱕-᱘᱖ ᱨᱮ ᱟᱡ ᱫᱚ ᱯᱷᱩᱞᱵᱨᱟᱭᱤᱴ ᱯᱷᱮᱞᱳ ᱞᱮᱠᱟᱛᱮ ᱢᱤᱱᱮᱥᱳᱴᱟ ᱡᱮᱜᱮᱛ ᱵᱤᱨᱫᱟᱹᱜᱟᱧ ᱨᱮᱭ ᱛᱟᱦᱮᱸ ᱮᱱᱟ ᱾^[᱓]

᱒᱑ ᱰᱤᱥᱮᱢᱵᱚᱨ ᱒᱐᱑᱒ ᱨᱮᱫᱚ ᱱᱟᱜᱟᱞᱮᱸᱰ ᱥᱚᱨᱠᱟᱨ ᱫᱚ ᱩᱱᱤ ᱫᱚ ᱯᱚᱱᱚᱛ ᱛᱤᱨᱞᱟᱹ ᱠᱚᱢᱤᱥᱳᱱ ᱨᱤᱱᱤᱡ ᱯᱟᱨᱥᱮᱛ ᱮ ᱵᱮᱱᱟᱣ ᱠᱮᱫᱮᱭᱟ ᱾ ᱩᱱ ᱠᱷᱚᱱ ᱱᱤᱛ ᱫᱷᱟᱹᱵᱤᱡ ᱩᱱᱤ ᱫᱚ ᱚᱱᱟ ᱯᱚᱫᱽ ᱨᱮ ᱛᱟᱦᱮᱸ ᱠᱟᱛᱮ ᱜᱮᱭ ᱠᱟᱹᱢᱤ ᱠᱟᱱᱟ ᱾

᱒᱐᱐᱗ ᱨᱮ ᱩᱱᱤ ᱫᱚ ᱯᱚᱫᱽᱢᱚ ᱥᱨᱤ ^[᱔]ᱨᱮᱭᱟᱜ ᱥᱚᱱᱢᱟᱱ ᱮ ᱧᱟᱢ ᱠᱮᱫ-ᱟ ᱾ ᱢᱮᱜᱷᱟᱞᱚᱭ ᱥᱚᱨᱠᱟᱨ ᱦᱚᱛᱮᱛᱮ ᱒᱐᱐᱙ ᱥᱟᱞᱮᱨᱮ ᱟᱡ ᱫᱚ ᱨᱟᱡᱽᱯᱟᱞ ᱥᱚᱱᱟ ᱦᱤᱥᱤᱨ ᱛᱮᱭ ᱢᱟ.ᱱ ᱥᱟᱡᱟᱣ ᱮᱱᱟ ᱾ ᱴᱮᱢᱥᱩᱞᱟ ᱮᱣ ᱫᱚ ᱤᱸᱜᱽᱞᱤᱥ ᱯᱟ.ᱨᱥᱤ ᱨᱮ ᱥᱤᱧᱚᱛ ᱨᱤᱱᱤᱡ ᱢᱤᱫ ᱢᱟᱨᱟᱝ ᱟᱹᱫᱤᱢ ᱟᱲᱟᱝ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱾

ᱟᱡᱟᱜ ᱚᱱᱚᱞ ᱨᱮᱭᱟᱜ ᱛᱚᱨᱡᱚᱢᱟ ᱫᱚ ᱡᱚᱨᱢᱟᱱ, ᱯᱷᱨᱮᱸᱪ, ᱟᱥᱟᱢᱤᱭᱟ., ᱵᱟᱸᱜᱟᱞᱤ ᱟᱨ ᱦᱤᱱᱫᱤ ᱛᱮᱦᱚᱸ ᱦᱩᱭ ᱥᱟᱹᱛ ᱟᱠᱟᱱᱟ ᱾^[᱕]

ᱥᱟᱶᱦᱮᱫ ᱥᱤᱨᱡᱚᱱ ᱥᱟᱯᱲᱟᱣ

ᱴᱮᱢᱥᱩᱞᱟ ᱮᱣ ᱚᱱᱠᱟ ᱫᱚ ᱥᱟᱶᱦᱮᱫ ᱨᱮ ᱡᱚᱛᱚ ᱞᱮᱠᱟᱱᱟᱜ ᱜᱮᱭ ᱚᱞ ᱥᱮᱴᱮᱨ ᱟᱠᱟᱜ-ᱟ ᱾ ᱚᱱᱚᱬᱦᱮ, ᱠᱟ.ᱦᱱᱤ, ᱩᱱᱩᱭᱦᱟᱹᱨ , ᱮᱢᱟᱱ ᱾ ᱟᱡᱟᱜ ᱡᱚᱛᱚ ᱠᱷᱚᱱ ᱯᱩᱭᱞᱩ ᱨᱮᱭᱟᱜ ᱯᱟᱨᱥᱟᱞ ᱯᱩᱛᱷᱤ ᱫᱚ 'ᱥᱚᱝᱥ ᱫᱮᱴ ᱴᱮᱞ' (ᱚᱱᱚᱬᱦᱮ ᱛᱩᱢᱟ.ᱞ) ᱡᱟᱦᱟᱸ ᱫᱚ ᱑᱙᱘᱘ ᱨᱮ ᱪᱷᱟᱯᱟ ᱞᱮᱱᱟ ᱾ ᱱᱤᱛᱚᱜ ᱫᱷᱟ.ᱵᱤᱡ ᱟᱡᱟᱜ ᱢᱚᱬᱮ ᱜᱚᱴᱟᱝ ᱚᱱᱚᱬᱦᱮ ᱛᱩᱢᱟᱹᱞ, ᱵᱟᱨᱭᱟ ᱠᱟᱹᱦᱱᱤ ᱛᱩᱢᱟᱹᱞ, ᱢᱤᱫᱴᱟᱹᱝ ᱮᱛᱷᱱᱳᱜᱨᱟᱯᱷᱤ ᱟᱨ ᱢᱤᱫ ᱫᱚ ᱡᱤᱭᱚᱱᱤ ᱪᱮᱛᱟᱱ ᱨᱮ ᱯᱩᱛᱷᱤ ᱯᱟᱨᱥᱟᱞ ᱟᱠᱟᱱᱟ ᱾ ᱰᱨᱹ ᱮᱣ ᱫᱚ ᱢᱤᱫ ᱜᱟᱢᱟᱢ ᱦᱚᱸ ᱒᱐᱑᱗ ᱨᱮᱭ ᱚᱞ ᱟᱠᱟᱫ-ᱟ ᱾

ᱢᱟ.ᱱ ᱦᱟᱞᱟᱝ ᱥᱟᱯᱲᱟᱣ

ᱯᱚᱫᱽᱢᱚ ᱥᱨᱤ ᱒᱐᱐᱗

ᱨᱟᱡᱽᱯᱟᱞ ᱜᱚᱞᱰ ᱢᱮᱰᱟᱞ ᱒᱐᱐᱙

ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱒᱐᱑᱓

ᱠᱩᱥᱩᱢᱟᱜᱨᱚᱡᱽ ᱡᱟ.ᱛᱤᱭᱟ.ᱨᱤ ᱥᱟᱶᱦᱮᱫ ᱥᱚᱱᱢᱟᱱ ᱒᱐᱑᱕^[᱖]

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

↑ "Poets dominate Sahitya Akademi Awards 2013". Sahitya Akademi. 18 December 2013. Retrieved 18 December 2013.
↑ "Temsula Ao talks about her life, books and society". Archived from the original on 2017-08-23. Retrieved 4 जुलाई 2017. {{cite web}}: Check date values in: |accessdate= (help)
↑ Women's Writing
↑ "Padma Awards" (PDF). Ministry of Home Affairs, Government of India. 2015. Archived from the original (PDF) on 15 October 2015. Retrieved 21 July 2015.
↑ "Five artistes to receive Governor's Award 2009". Archived from the original on 2011-07-14. Retrieved 2019-03-12.
↑ "Temsula Ao to receive Kusumagraja National Literature Award". Archived from the original on 2017-08-23. Retrieved 4 जुलाई 2017. {{cite web}}: Check date values in: |accessdate= (help)

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ

[1] "Poets dominate Sahitya Akademi Awards 2013". Sahitya Akademi. 18 December 2013. Retrieved 18 December 2013.

[2] "Temsula Ao talks about her life, books and society". Archived from the original on 2017-08-23. Retrieved 4 जुलाई 2017. {{cite web}}: Check date values in: |accessdate= (help)

[3] Women's Writing

[Padma_Awards-4] "Padma Awards" (PDF). Ministry of Home Affairs, Government of India. 2015. Archived from the original (PDF) on 15 October 2015. Retrieved 21 July 2015.

[5] "Five artistes to receive Governor's Award 2009". Archived from the original on 2011-07-14. Retrieved 2019-03-12.

[6] "Temsula Ao to receive Kusumagraja National Literature Award". Archived from the original on 2017-08-23. Retrieved 4 जुलाई 2017. {{cite web}}: Check date values in: |accessdate= (help)

[᱑]

[᱒]

[᱓]

[᱔]

[᱕]

[᱖]