ᱵᱚᱨᱞᱤᱱ

ᱵᱚᱨᱞᱤᱱ ᱫᱚ ᱡᱚᱨᱢᱟᱱ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱱᱚᱣᱟ ᱫᱚ ᱡᱚᱨᱸᱟᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾ ᱱᱚᱸᱰᱮ ᱓,᱗᱐᱐,᱐᱐᱐ ᱜᱟᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱱᱚᱣᱟ ᱱᱟᱜᱟᱨ ᱫᱚ ᱡᱚᱨᱢᱟᱱ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱯᱟᱦᱴᱟ ᱨᱮ ᱢᱮᱱᱟᱜ-ᱟ ᱾ ᱯᱚᱞᱟᱸᱰ ᱱᱟᱜᱟᱨ ᱠᱷᱚᱱ ᱱᱚᱣᱟ ᱫᱚ ᱯᱟᱪᱷᱮ ᱥᱮᱦᱮᱫ ᱗᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱵᱚᱨᱞᱤᱱ ᱨᱮᱱᱟᱜ ᱚᱥᱟᱨ-ᱵᱤᱥᱟᱹᱨ ᱫᱚ ᱘᱙᱑ km² ᱾ ᱦᱟᱵᱮᱞ ᱜᱟᱰᱟ, ᱫᱟᱦᱢᱮ ᱜᱟᱰᱟ, ᱥᱯᱨᱮ ᱧᱩᱛᱩᱢᱟᱱ ᱜᱟᱰᱟ ᱫᱚ ᱵᱚᱨᱞᱤᱱ ᱨᱮ ᱵᱚᱞᱚ ᱠᱟᱛᱮ ᱞᱤᱸᱡᱤᱱ ᱠᱟᱱᱟ ᱾ ᱱᱚᱸᱰᱮ ᱫᱚ ᱢᱟᱦᱟᱸᱫᱚᱨᱭᱟ ᱞᱮᱠᱟ ᱦᱚᱭ-ᱦᱤᱥᱤᱫ ᱛᱟᱦᱮᱸᱱᱟ ᱾ ᱵᱚᱨᱞᱤᱱ ᱫᱚ ᱟᱭᱢᱟ ᱯᱟᱠᱟ ᱚᱲᱟᱜ ᱮᱢᱟᱱ ᱠᱚᱛᱮ ᱧᱩᱛᱩᱢᱟᱱᱟᱜ ᱜᱷᱟᱨᱚᱸᱡᱽ ᱠᱟᱱᱟ , ᱡᱮᱢᱚᱱ ᱥᱤᱜᱮᱥᱟᱣᱞᱤ (Siegessäule), ᱵᱨᱟᱱᱰᱮᱱ-ᱵᱚᱨᱜᱚᱨ ᱴᱚᱨ (Brandenburger_Tor), ᱨᱤᱪᱥᱴᱟᱜᱽ (Reichstag) ᱟᱨ ᱩᱱᱴᱟᱨ ᱰᱮᱱ ᱞᱤᱱᱰᱮᱱ (Unter_den_Linden) ᱾ ᱵᱚᱨᱞᱤᱱ ᱫᱚ ᱞᱟᱠᱪᱟᱨ, ᱨᱟᱡᱽᱨᱤᱛ, ᱢᱮᱰᱤᱭᱟ ᱟᱨ ᱥᱟᱬᱮᱥ ᱨᱮᱱᱟᱜ ᱡᱮᱜᱮᱛ ᱱᱟᱜᱟᱨ ᱠᱟᱱᱟ ᱾ ᱱᱚᱸᱰᱮ ᱟᱭᱢᱟ ᱴᱮᱠᱱᱚᱞᱚᱡᱤ ᱠᱚᱢᱯᱟᱹᱱᱤ ᱢᱮᱱᱟᱜ-ᱟ ᱾ ᱱᱚᱣᱟ ᱠᱚ ᱫᱚ ᱱᱟᱜᱟᱨ ᱠᱟᱹᱣᱰᱤ-ᱟᱹᱨᱤ ᱞᱟᱹᱜᱤᱫ ᱟᱹᱰᱤ ᱞᱟᱹᱠᱛᱤᱭᱟᱱᱟ ᱾ ᱟᱭᱢᱟ ᱩᱰᱟᱹᱱ ᱜᱟᱹᱰᱤ ᱟᱨ ᱨᱮᱞ ᱜᱟᱹᱰᱤ ᱠᱚ ᱦᱤᱡᱩᱜ ᱥᱮᱱᱚᱜ-ᱟ ᱵᱚᱨᱞᱤᱱ ᱨᱮ ᱜᱚ ᱪᱮᱫᱟᱜ ᱥᱮ ᱧᱩᱛᱩᱢᱟᱱ ᱵᱮᱯᱟᱨ ᱟᱨ ᱧᱮᱞᱡᱚᱝ ᱞᱮᱨᱟᱱ ᱫᱟᱬᱟᱱ ᱴᱷᱟᱶ ᱫᱚ ᱱᱚᱸᱰᱮ ᱜᱮ ᱢᱮᱱᱟᱜ-ᱟ ᱾

ᱵᱚᱨᱞᱤᱱ ᱱᱟᱜᱟᱨ

ᱱᱟᱜᱟᱢ

ᱵᱚᱨᱞᱤᱱ ᱫᱚ ᱡᱚᱨᱢᱟᱱ ᱨᱮᱱᱟᱜ ᱱᱟᱜᱟᱢᱟᱱᱟᱜ ᱴᱷᱟᱶ ᱠᱟᱱᱟ ᱾ ᱯᱨᱩᱥᱤᱭᱟ ᱨᱤᱱᱤᱡ ᱨᱟᱡᱟ ᱟᱨ ᱡᱚᱨᱢᱟᱱ ᱨᱤᱱᱤᱡ ᱥᱚᱢᱨᱟᱴ ᱫᱚ ᱵᱚᱨᱞᱤᱱ ᱨᱮ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱡᱚᱨᱢᱟᱱ ᱨᱤᱱᱤᱡ ᱥᱚᱨᱠᱟᱨ ᱫᱚ ᱟᱹᱰᱤ ᱫᱤᱱ ᱦᱟᱹᱵᱤᱡ ᱵᱚᱨᱞᱤᱱ ᱨᱮᱜᱮ ᱛᱟᱦᱮᱸ ᱠᱟᱱᱟ ᱾ ᱫᱚᱥᱟᱨ ᱡᱮᱜᱮᱛ ᱞᱟᱹᱰᱷᱟᱹᱭ ᱨᱮ ᱟᱭᱢᱟ ᱚᱲᱟᱜ ᱨᱟᱹᱯᱩᱫ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱱᱟᱜᱟᱨ ᱫᱚ ᱵᱟᱨ ᱦᱟᱹᱴᱤᱧ ᱞᱮᱱ ᱛᱟᱦᱮᱸᱫ ᱯᱟᱪᱮ ᱵᱚᱨᱞᱤᱱ (West Berlin ) ᱟᱨ ᱥᱟᱢᱟᱝ ᱵᱚᱨᱞᱤᱱ (East Berlin) ᱞᱮᱠᱟᱛᱮ ᱾ ᱡᱚᱠᱷᱚᱱ ᱑᱙᱖᱑ ᱥᱟᱞᱮ ᱨᱮ ᱵᱚᱨᱞᱤᱱ ᱠᱟᱸᱛ ᱵᱮᱱᱟᱣᱮᱱᱟ ᱟᱹᱰᱤ ᱠᱚᱢ ᱦᱚᱲ ᱜᱮ ᱠᱚ ᱯᱟᱨᱚᱢ ᱚᱪᱚᱣᱟᱠᱚ ᱠᱟᱱ ᱛᱟᱦᱮᱸᱫ ᱦᱟᱱᱟ ᱯᱟᱦᱴᱟ ᱠᱷᱚᱱ ᱱᱚᱣᱟ ᱯᱟᱦᱴᱟ ᱾ ᱱᱚᱣᱟ ᱱᱟᱜᱟᱨ ᱫᱚ ᱑᱙᱘᱙ ᱥᱟᱞᱮ ᱫᱷᱟᱹᱵᱤᱡ ᱦᱟᱹᱴᱤᱧ ᱨᱮᱜᱮ ᱛᱟᱦᱮᱸ ᱠᱟᱱᱟ, ᱚᱱᱟ ᱛᱟᱭᱚᱢ ᱚᱱᱟ ᱫᱚ ᱨᱟᱹᱯᱩᱫ ᱞᱟᱹᱜᱤᱫ ᱠᱚ ᱴᱷᱟᱹᱣᱠᱟᱹ ᱞᱮᱫ ᱛᱟᱦᱮᱸᱫ ᱾

ᱱᱟᱜᱟᱢᱟᱱᱟᱜ ᱜᱷᱚᱴᱚᱱ ᱠᱚ

• ᱑᱒᱔᱔ - ᱮᱛᱚᱦᱚᱵ ᱚᱱᱚᱞ ᱵᱚᱨᱞᱤᱱ ᱧᱩᱛᱩᱢ ᱛᱮ ᱾
• ᱑᱔᱕᱑ - ᱦᱚᱦᱮᱱᱡᱚᱨᱞᱮᱱ ᱜᱷᱟᱨᱚᱡᱽ ᱵᱚᱨᱞᱤᱱ ᱛᱮ ᱠᱚ ᱩᱪᱟᱹᱲ ᱠᱮᱫ-ᱟ ᱾
• ᱑᱗᱐᱑ - ᱵᱚᱨᱞᱤᱱ ᱫᱚ ᱯᱨᱩᱥᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱮᱱᱟ ᱾
• ᱑᱘᱐᱖ - ᱱᱮᱯᱚᱞᱤᱭᱚᱱ ᱵᱚᱱᱟᱯᱟᱨᱴ ᱨᱤᱱ ᱯᱷᱟᱹᱫᱽ ᱵᱚᱨᱞᱤᱱ ᱠᱚ ᱩᱪᱟᱹᱲᱮᱱᱟ ᱾
• ᱑᱘᱗᱑ - ᱵᱚᱨᱞᱤᱱ ᱥᱚᱢᱨᱟᱴ ᱟᱡᱟᱜ ᱨᱟᱡᱽᱜᱟᱲ ᱠᱮᱫ-ᱟᱭ ᱾

ᱵᱚᱨᱞᱤᱱ ᱨᱮᱱᱟᱜ ᱢᱩᱱᱥᱤᱯᱟᱞᱴᱤ

map of the berlin boroughs

᱒᱐᱐᱑ ᱥᱟᱞᱮ ᱨᱮ ᱒᱓ ᱠᱷᱚᱱ ᱑᱒ ᱜᱚᱴᱟᱝ ᱛᱮ ᱵᱚᱫᱚᱞᱮᱱᱟ ᱵᱚᱨᱞᱤᱱ ᱨᱮᱱᱟᱜ ᱢᱩᱱᱥᱤᱯᱟᱞᱴᱤ ᱱᱟᱜᱟᱨ ᱫᱚ, ᱚᱱᱟ ᱠᱚ ᱞᱟᱛᱟᱨ ᱨᱮ ᱚᱱ ᱮᱱᱟ :-

• ᱪᱟᱨᱞᱚᱴᱮᱱᱵᱚᱨᱜᱽ
• ᱠᱨᱤᱣᱡᱽᱵᱚᱨᱜᱽ
• ᱞᱤᱪᱮᱱᱥᱵᱚᱨᱜᱽ
• ᱢᱟᱨᱡᱟᱱ- ᱦᱮᱞᱮᱨᱥᱰᱚᱨᱯ
• ᱵᱚᱨᱞᱤᱱ-ᱢᱤᱴᱮ
• ᱱᱤᱣᱠᱚᱞᱤᱱ
• ᱯᱟᱱᱠᱚᱣ
• ᱨᱤᱱᱤᱠᱮᱱᱰᱚᱨᱯ
• ᱥᱯᱟᱱᱰᱟᱣ
• ᱥᱴᱮᱜᱽᱞᱤᱡᱽ-ᱡᱮᱦᱞᱮᱱᱰᱚᱨᱯ
• ᱴᱮᱢᱯᱮᱞᱦᱚᱯ- ᱥᱚᱱᱮᱵᱚᱨᱜᱽ
• ᱴᱨᱮᱯᱴᱚᱣ-ᱠᱳᱯᱮᱱᱤᱠ

ᱪᱤᱛᱟᱹᱨ

• 
  ᱨᱤᱪᱥᱴᱟᱜᱽ
• 
  Potsdamer Platz
• 
  simple:Brandenburg Gate
• 
  The Theatre of the West
• 
  Bellevue Palace
• 
  Victory column
• 
  International Congress Center
• 
  Berlin Zoo, Polar bear cub "Knut" 24.03.2007
• 
  The Buddy Bear has become an unofficial ambassador for Germany and is a symbol of Berlin.
• 
  Berlin Philharmonic
• 
  Technical University Berlin
• 
  Nefertiti at the Egyptian Museum

ᱵᱟᱨᱦᱮ ᱡᱚᱱᱚᱲ

• http://www.berlin.de - German page
• Berlin Sightseeing Tours
• digital Berlin
• EXBERLINER - English City Magazine
• Berlin City Panoramas - Panoramic Views and virtual Tours of Berlin
• WorldFlicks in Berlin: Photos and interesting places on Google Maps Archived ᱒᱐᱐᱙-᱑᱐-᱒᱕ at the Wayback Machine.