ᱵᱟᱜᱟᱞᱠᱚᱴ ᱦᱚᱱᱚᱛ
ᱵᱟᱜᱟᱞᱠᱚᱴ ᱦᱚᱱᱚᱛ (ᱤᱝᱜᱽᱨᱟᱹᱡᱤ:Bagalkot district) ᱫᱚ ᱮᱛᱚᱢ ᱥᱤᱧᱚᱛ ᱠᱟᱨᱱᱟᱴᱟᱠ ᱯᱚᱱᱚᱛ ᱨᱮᱱᱟᱜ ᱓᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ । ᱱᱚᱣᱟ ᱵᱟᱜᱟᱞᱠᱚᱴ ᱦᱚᱱᱚᱛ ᱵᱮᱞᱟᱜᱟᱣᱤ ᱠᱷᱚᱱᱰ ᱨᱮ ᱯᱟᱲᱟᱣ ᱟᱠᱟᱱᱟ । ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱵᱟᱜᱟᱞᱠᱚᱴ ᱱᱟᱝᱜᱽᱨᱟᱦᱟ ᱠᱟᱱ ᱜᱮᱭᱟ। ᱱᱚᱣᱟ ᱦᱚᱱᱚᱛ ᱫᱚ ᱠᱟᱨᱱᱟᱴᱟᱠ ᱯᱚᱱᱚᱛ ᱨᱮᱭᱟᱜ ᱠᱚᱭᱮ ᱯᱟᱥᱴᱟ ᱨᱮ ᱛᱷᱟᱢᱜᱟᱫᱤ ᱟᱨ ᱥᱤᱢᱟ.ᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱵᱮᱞᱜᱩᱣᱟᱢ, ᱜᱟᱰᱟᱜᱽ, ᱠᱚᱯᱯᱟᱞ, ᱨᱟᱭᱪᱩᱨ ᱟᱨ ᱵᱤᱡᱟᱯᱩᱨ। ᱱᱟᱣᱟ ᱵᱮᱜᱟᱞᱠᱚᱴ ᱦᱚᱱᱚᱛ ᱫᱚ ᱑᱙᱙᱗ ᱥᱮᱨᱢᱟ ᱨᱮ ᱵᱤᱡᱟᱯᱩᱨ ᱦᱚᱱᱚᱛ ᱠᱷᱚᱱ ᱜᱮᱫ ᱵᱮᱜᱟᱨ ᱞᱮᱱᱟ। ᱵᱟᱜᱟᱞᱠᱚᱢ ᱦᱚᱱᱚᱛ ᱫᱚ ᱵᱟᱫᱟᱢᱤ, ᱵᱟᱜᱟᱞᱠᱚᱴ, ᱵᱤᱞᱟᱜᱤ ᱛᱟᱞᱩᱠ ᱠᱚᱛᱮ ᱜᱚᱲᱦᱚᱱ ᱟᱠᱟᱱᱟ।
ᱱᱟᱜᱟᱢ ᱥᱟᱯᱲᱟᱣ
ᱱᱟᱜᱟᱢ ᱠᱷᱚᱱ ᱵᱟᱪᱟᱭᱚᱜ ᱠᱟᱱᱟ ᱡᱮ, ᱵᱟᱫᱟᱢᱤ ᱚᱠᱟ ᱫᱚ ᱵᱟᱜᱟᱞᱠᱚᱴ ᱨᱮᱭᱟᱜ ᱦᱤᱥ ᱠᱟᱱ, ᱚᱱᱟ ᱫᱚ ᱪᱟᱞᱩᱠᱤᱭᱟᱱ ᱨᱟᱡᱽ ᱵᱚᱝᱥᱚᱢ ᱨᱮᱱ ᱠᱚᱣᱟᱜ ᱨᱟᱡᱽ ᱜᱟᱲ ᱛᱟᱦᱮ ᱠᱟᱱᱟ, ᱯᱩᱞᱮᱠᱤᱥᱚᱱ ᱨᱟᱡᱽ ᱟᱜ ᱛᱟᱵᱮ ᱨᱮ ᱚᱠᱚᱭ ᱫᱚ ᱕᱕᱐ ᱥᱮᱨᱢᱟ ᱱᱚᱣᱟ ᱴᱚᱴᱷᱟᱭ ᱡᱤᱛᱟᱹᱣ ᱞᱮᱫᱟᱭ ᱩᱱᱤ ᱫᱚ ᱕᱕᱐ ᱠᱷᱚᱱ- ᱗᱕᱓ ᱥᱮᱨᱢᱟ ᱦᱟᱹᱵᱤᱡ ᱪᱟᱞᱩᱠᱭᱟᱱ ᱠᱚ ᱠᱚᱣᱟᱜ ᱨᱟᱡᱽ ᱜᱟᱹᱰᱤ ᱨᱮ ᱛᱷᱟᱢᱜᱟᱹᱫᱤ ᱛᱟᱦᱮᱸ ᱠᱟᱱᱟ ।
ᱯᱟᱹᱨᱥᱤ ᱥᱟᱯᱲᱟᱣ
ᱠᱚᱭᱮ ᱠᱟᱨᱱᱟᱴᱟᱠ ᱨᱮ ᱠᱚᱭᱮ ᱠᱟᱱᱱᱟᱲᱟ ᱦᱩᱰᱤᱧ ᱯᱟᱹᱨᱥᱤ ᱫᱚ ᱱᱤᱭᱟᱹ ᱴᱚᱴᱷᱟ ᱨᱮ ᱨᱚᱲᱚᱜᱚᱜ ᱠᱟᱱᱟ ᱾ ᱠᱟᱱᱱᱟᱲᱟ ᱯᱟᱹᱨᱥᱤ ᱫᱚ ᱫᱨᱟᱵᱤᱲ ᱯᱟᱹᱨᱥᱤ ᱜᱷᱟᱨᱚᱡᱽ ᱨᱮᱭᱟᱜ ᱢᱤᱫᱴᱟᱹᱝ ᱯᱟᱹᱨᱥᱤ ᱠᱟᱱᱟ ᱾ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱠᱚᱠᱚ ᱞᱟᱹᱭ ᱟᱠᱟᱫᱟ ᱵᱟᱝᱢᱟ ᱵᱤᱡᱟᱯᱩᱨ ᱠᱟᱱᱱᱟᱲᱟ ᱦᱩᱰᱤᱧ ᱯᱟᱹᱨᱥᱤ ᱜᱮ ᱵᱟᱜᱟᱞ ᱠᱚᱴ ᱨᱮ ᱦᱚ ᱨᱚᱲᱚᱜᱚᱜ ᱠᱟᱱᱟ ᱾
ᱠᱟᱹᱣᱰᱤ ᱟᱹᱨᱤ ᱥᱟᱯᱲᱟᱣ
ᱪᱟᱥ ᱟᱵᱟᱫᱽ ᱨᱮ ᱜᱮ ᱵᱟᱜᱟᱞᱠᱚᱴ ᱨᱮᱭᱟᱜ ᱠᱟᱹᱣᱰᱤ ᱟᱹᱨᱤ ᱫᱚ ᱴᱮᱦᱟᱱᱰ ᱟᱠᱟᱱᱟ, ᱟᱢᱫᱟᱡᱽ ᱥᱟᱭ ᱠᱟᱲᱟ ᱖᱕% ᱦᱤᱥ ᱵᱟᱜᱟᱞᱠᱚᱢ ᱨᱮᱱ ᱦᱚᱲ ᱜᱮ ᱪᱟᱥ ᱟᱵᱟᱫᱽ ᱨᱮ ᱞᱟᱹᱜᱽᱭᱟᱹ ᱯᱟᱲᱟᱣ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱟᱢᱫᱟᱦᱽ ᱥᱟᱭ ᱠᱟᱲᱟ ᱘᱐% ᱦᱤᱥ ᱜᱮ ᱦᱮᱨᱮᱠ ᱦᱚᱲ ᱠᱟᱱᱟ ᱠᱚ ᱾ ᱠᱚᱭᱮ ᱠᱟᱨᱱᱟᱴᱟᱠ ᱨᱮᱭᱟᱜ ᱮᱴᱟᱜ ᱦᱚᱱᱚᱛ ᱠᱚ ᱞᱮᱠᱟ ᱜᱮ ᱵᱟᱜᱟᱞᱠᱚᱴ ᱦᱚᱱᱚᱛ ᱦᱚ ᱵᱮᱱᱫᱮ ᱦᱟᱥᱟ ᱛᱮ ᱯᱮᱨᱮᱡ ᱯᱩᱨᱚᱱ ᱜᱮᱭᱟ, ᱱᱤᱭᱟᱹ ᱦᱮᱱᱫᱮ ᱦᱟᱥᱟ ᱨᱮ ᱜᱮ ᱠᱟᱥᱠᱚᱢ ᱪᱟᱥ ᱟᱹᱰᱤ ᱵᱟᱹᱲᱤ ᱦᱩᱭᱩᱜᱼᱟ ᱾ ᱵᱟᱜᱟᱞᱠᱚᱴ ᱨᱮᱭᱟᱜ ᱠᱟᱹᱣᱰᱤ ᱟᱹᱨᱤ ᱫᱚ $5.6 ᱵᱤᱞᱤᱭᱚᱱ ᱟᱢᱮᱨᱩᱠᱟᱱ ᱰᱚᱞᱟᱨ ᱠᱟᱱᱟ, ᱚᱠᱟ ᱫᱚ ᱠᱟᱨᱱᱟᱴᱟᱠ ᱯᱚᱱᱚᱛ ᱨᱮᱭᱟᱜ ᱑᱒ ᱮᱞᱟᱱ ᱦᱚᱱᱚᱛ ᱨᱮ ᱢᱮᱱᱟᱜ ᱟᱠᱟᱫ ᱾ ᱱᱤᱭᱟᱹ ᱦᱚᱱᱚᱛ ᱨᱮᱱ ᱢᱤᱫ ᱦᱚᱲᱟᱜ ᱯᱟᱨ ᱠᱮᱯᱤᱴᱟ ᱟᱨᱡᱟᱣ ᱫᱚ ᱦᱩᱭᱩᱜ ᱠᱟᱱᱟ $360 ᱟᱢᱮᱨᱤᱠᱟᱱ ᱰᱚᱞᱟᱨ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱟᱨ ᱮᱴᱟᱜ ᱥᱮᱬᱟ ᱪᱟᱥ ᱠᱚᱫᱚ ᱦᱩᱭᱩᱜ ᱠᱟᱱᱟ, ᱨᱟ.ᱵᱤ, ᱡᱟᱣ, ᱵᱟᱫᱟᱢ, ᱠᱟᱥᱠᱚᱢ, ᱡᱚᱱᱰᱨᱟ, ᱜᱩᱦᱩᱢ, ᱟᱸᱠ ᱟᱨ ᱛᱷᱟᱢᱟᱠᱩᱨ ᱾ ᱡᱟᱣ ᱪᱟᱥ ᱫᱚ ᱟᱹᱰᱤ ᱵᱟᱹᱲᱛᱤ ᱦᱩᱭᱩᱜᱼᱟ, ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱡᱟᱹᱯᱩᱫ ᱚᱠᱛᱮ ᱟᱨ ᱱᱤᱨᱚᱱ ᱚᱠᱛᱮ ᱨᱮᱦᱚ ᱦᱩᱭᱩᱜᱼᱟ ᱾ ᱫᱟ.ᱞ ᱱᱤᱭᱟᱹ ᱴᱚᱴᱷᱟ ᱨᱮ ᱦᱩᱭᱩᱜ ᱜᱮᱭᱟ, ᱟᱥᱠᱟᱭ ᱛᱮ ᱢᱟᱹᱥᱨᱤ, ᱢᱚᱜᱽ, ᱜᱨᱟᱢ, ᱠᱩᱞᱤᱛᱷ, ᱛᱤᱞᱢᱤᱧ ᱮᱢᱟᱱ ᱾
ᱦᱚᱲ ᱞᱮᱠᱷᱟ ᱥᱟᱯᱲᱟᱣ
᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱵᱟᱜᱟᱞᱠᱚᱴ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱑,᱘᱙᱐,᱘᱒᱖ ᱡᱚᱱᱟ[᱑], ᱦᱚᱲ ᱞᱮᱠᱷᱟ ᱦᱤᱥᱟᱹᱵᱽ ᱛᱮ ᱱᱚᱣᱟ ᱦᱚᱱᱚᱛ ᱫᱚ ᱟᱢᱫᱟᱡᱽ ᱞᱮᱥᱚᱛᱷᱚ ᱫᱤᱥᱚᱢ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜᱼᱟ [᱒] ᱟᱨᱵᱟᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱣᱮᱥᱴ ᱵᱟᱨᱡᱤᱱᱤᱭᱟ ᱯᱚᱱᱚᱛ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜᱼᱟ ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱒᱔᱙ ᱮᱞᱟᱱ ᱦᱚᱱᱚᱛ ᱯᱟᱲᱟᱣᱚᱜ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱨᱮ ᱒᱘᱘ ᱡᱚᱱᱟ ᱦᱚᱲ ᱠᱚ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱯᱟᱨᱚᱢᱮᱱ ᱜᱮ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟᱹᱵᱤᱡ ᱱᱚᱣᱟ ᱠᱟᱴᱤᱦᱟᱨ ᱦᱚᱱᱚᱛ ᱨᱮᱭᱟᱜ ᱵᱟᱹᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱑᱔.᱔᱖ ᱾ ᱵᱟᱜᱟᱞᱠᱚᱴ ᱦᱚᱱᱚᱛ ᱨᱮ ᱢᱤᱫ ᱜᱮ- ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱘᱔ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱖᱙.᱓᱙% ᱦᱤᱥ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "District Census 2011". Census2011.co.in. 2011. Retrieved 2011-09-30.
- ↑ US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01.
Lesotho 1,924,886