ᱵᱟᱞᱞᱤᱭᱟ ᱦᱚᱱᱚᱛ (ᱤᱝᱨᱟᱹᱡᱤᱺ Ballia district) ᱥᱤᱧᱚᱛ ᱫᱤᱥᱚᱢ ᱨᱮ ᱢᱮᱱᱟᱜ ᱩᱛᱛᱟᱹᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱮᱱ ᱦᱚᱱᱚᱛ ᱠᱟᱱᱟ| ᱱᱤᱭᱟᱹ ᱦᱚᱱᱚᱛ ᱫᱚ ᱥᱟᱢᱟᱝ ᱩᱛᱛᱟᱹᱨ ᱯᱨᱚᱫᱮᱥ ᱨᱮᱭᱟᱜ ᱟᱡᱟᱢᱜᱟᱲ ᱠᱷᱚᱱᱰ ᱨᱮ ᱯᱟᱲᱟᱣ ᱟᱠᱟᱱᱟ| ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱶ ᱫᱚ ᱵᱟᱞᱞᱤᱭᱟ ᱠᱟᱱ ᱜᱮᱭᱟ| ᱒᱐᱑᱑ ᱥᱮᱨᱢᱟ ᱨᱮᱭᱟᱦ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱱᱤᱭᱟᱹ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱓,᱒᱓᱙,᱗᱗᱔ ᱡᱚᱱᱟ ᱦᱚᱲ ᱵᱤᱨᱟᱹᱵᱟᱥ ᱟᱠᱟᱱ ᱠᱚ ᱛᱟᱦᱮᱸᱠᱟᱱᱟ| ᱱᱤᱭᱟᱹ ᱦᱚᱱᱚᱛ ᱫᱚ ᱒,᱙᱘᱑ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ| ᱱᱚᱣᱟ ᱦᱚᱱᱚᱛ ᱨᱮᱱ ᱦᱚᱲ ᱠᱚᱣᱟᱜ ᱟᱹᱯᱟᱹᱥᱩᱞᱚᱜ ᱨᱮᱭᱟᱜ ᱟᱥᱚᱢ ᱩᱯᱟᱹᱭ ᱫᱚ ᱪᱟᱥ ᱵᱟᱥ ᱠᱟᱱᱟ| ᱵᱟᱞᱞᱤᱭᱟ ᱫᱚ ᱫᱚᱵᱷᱟᱹᱴᱤᱭᱟᱹ ᱱᱟᱝᱜᱽᱨᱟᱦᱟ ᱠᱟᱱᱟ ᱟᱨ ᱵᱮᱯᱟᱨ ᱵᱟᱹᱱᱤᱡᱽ ᱛᱟᱞᱢᱟ ᱠᱟᱱᱟ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ|ᱱᱤᱭᱟᱹ ᱦᱚᱱᱚᱛ ᱨᱮ ᱛᱩᱨᱩᱭ ᱜᱚᱴᱟᱝ ᱛᱟᱦᱥᱤᱞ ᱢᱮᱱᱟᱜ ᱟᱠᱟᱫᱟᱺ ᱵᱟᱞᱞᱤᱭᱟ, ᱵᱟᱱᱥᱰᱤᱦ, ᱨᱟᱥᱨᱟ, ᱵᱟᱭᱨᱤᱭᱟ, ᱥᱤᱠᱟᱱᱫᱟᱨᱯᱩᱨ, ᱟᱨ ᱵᱮᱞᱛᱷᱟᱨᱟ| ᱨᱟᱥᱨᱟ ᱫᱚ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱫᱚᱥᱟᱨ ᱢᱟᱨᱟᱝ ᱵᱟᱹᱱᱤᱡᱽ ᱵᱮᱯᱟᱨ ᱛᱟᱞᱢᱟ ᱠᱟᱱᱟ, ᱱᱚᱱᱰᱮ ᱫᱚ ᱥᱚᱨᱠᱟᱨᱤ ᱪᱤᱱᱤ ᱢᱤᱞ ᱢᱮᱱᱟᱜ-ᱟ ᱟᱨ ᱠᱟᱥᱠᱚᱢ ᱛᱤᱧ ᱵᱤᱨᱤᱛ ᱠᱟᱨᱠᱷᱟᱱᱟ| ᱟᱫᱚ ᱵᱟᱞᱞᱤᱭᱟᱹ ᱨᱮᱭᱟᱜ ᱟᱥᱚᱞ ᱟᱹᱯᱟᱹᱥᱩᱞᱚᱜ ᱨᱮᱭᱟᱜ ᱩᱯᱟᱹᱭ ᱪᱟᱥ ᱵᱟᱥ ᱠᱟᱱ ᱨᱮᱦᱚᱸ ᱟᱨᱦᱚᱸ ᱢᱤᱫᱵᱟᱮᱨ ᱦᱩᱰᱤᱧ ᱦᱩᱰᱤᱧ ᱵᱤᱨᱤᱛ ᱦᱚᱸ ᱢᱮᱱᱟᱜ ᱟᱠᱫ ᱜᱮᱭᱟ| ᱢᱟᱱᱤᱭᱟᱨ ᱫᱚ ᱵᱤᱱᱫᱤ ᱵᱤᱨᱤᱛ ᱧᱩᱛᱩᱢ ᱛᱮ ᱵᱟᱰᱟᱭᱚᱜ-ᱟ ᱟᱨ ᱱᱤᱭᱟᱹ ᱠᱟᱱᱟ ᱢᱟᱨᱟᱝ ᱨᱚᱯᱛᱟᱱᱤ ᱴᱷᱟᱶ|

ᱦᱚᱲ ᱞᱮᱠᱷᱟᱥᱟᱯᱲᱟᱣ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱵᱟᱞᱞᱤᱭᱟ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱓,᱒᱓᱙,᱗᱗᱔ ᱦᱚᱲ ᱞᱮᱠᱷᱟ ᱦᱤᱥᱟᱹᱵᱽ ᱛᱮ ᱱᱤᱭᱟᱹ ᱦᱚᱱᱚᱛ ᱫᱚ ᱢᱚᱣᱨᱤᱴᱤᱱᱤᱭᱟ ᱫᱤᱥᱚᱢ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜ-ᱟ ᱟᱨᱵᱟᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱞᱚᱣᱟ ᱯᱚᱱᱚᱛ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜ-ᱟ| ᱱᱤᱭᱟ. ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱑᱐᱘ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱨᱮ ᱑,᱐᱘᱗ ᱡᱚᱱᱟ ᱦᱚᱲ ᱠᱚ ᱜᱤᱨᱟ.ᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ᱾ ᱯᱟᱨᱚᱢᱮᱱ ᱜᱮ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟ.ᱵᱤᱡ ᱵᱟᱞᱞᱤᱭᱟ ᱦᱚᱱᱚᱛ ᱨᱮᱭᱟᱜ ᱵᱟ.ᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱑᱖ᱹ᱗᱓%᱾ ᱵᱟᱞᱞᱤᱭᱟ ᱦᱚᱱᱚᱛ ᱨᱮ ᱢᱤᱫ ᱜᱮᱞ ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱓᱗ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱ ᱗᱓ᱹ᱙᱔%᱾

ᱯᱟᱹᱨᱥᱤᱥᱟᱯᱲᱟᱣ

᱒᱐᱐᱑ ᱥᱮᱨᱢᱟ ᱨᱮᱭᱟᱜ ᱥᱤᱧᱚᱛ ᱦᱚᱲ ᱞᱮᱠᱟ ᱛᱮ ᱱᱤᱭᱟᱹ ᱦᱚᱱᱚᱛ ᱨᱮᱱ ᱙᱘ᱹ᱙᱗% ᱦᱚᱲ ᱜᱮ ᱦᱤᱱᱫᱤ ᱯᱟᱹᱨᱥᱤ ᱠᱚ ᱞᱟᱲᱪᱟᱲᱮᱫ ᱠᱟᱱ ᱛᱟᱦᱮᱸᱠᱟᱱᱟ ᱟᱨ ᱩᱨᱫᱩ ᱫᱚ ᱥᱩᱢᱩᱝ ᱐ᱹ᱙᱔% ᱟᱠᱚᱣᱟᱜ ᱯᱟᱹᱦᱤᱞ ᱜᱚᱜᱚ ᱯᱟᱹᱨᱥᱤ ᱞᱮᱠᱟᱛᱮ |

ᱦᱤᱱᱫᱤ, ᱩᱨᱫᱩ ᱟᱨ ᱵᱷᱳᱡᱽᱯᱩᱨᱤ ᱡᱚᱛᱚ ᱜᱮ ᱤᱱᱰᱚ ᱟᱨᱭᱟᱱ ᱯᱟᱹᱨᱥᱤ ᱜᱷᱟᱨᱚᱧᱡᱽ ᱨᱮᱭᱟᱜ ᱯᱟᱹᱨᱥᱤ ᱠᱟᱱᱟ| ᱱᱤᱭᱟᱹ ᱠᱚ ᱯᱟᱹᱨᱥᱤ ᱫᱚ ᱫᱮᱣ ᱱᱟᱜᱟᱨᱤ ᱟᱨ ᱞᱠᱟᱭᱛᱷᱤ ᱵᱟᱱᱟᱨ ᱞᱤᱯᱤ ᱛᱮ ᱜᱮ ᱚᱞᱚᱜᱚᱜ ᱠᱟᱱᱟ|

ᱦᱤᱱᱫᱤ ᱯᱟᱹᱨᱥᱤ ᱰᱚ ᱱᱤᱭᱟᱹ ᱦᱚᱱᱚᱛᱛ ᱨᱮᱱ ᱡᱚᱛᱚ ᱦᱚᱲ ᱠᱚ ᱵᱮᱣᱦᱟᱨ ᱮᱫᱟ| ᱮᱱᱨᱮᱸ ᱦᱚᱸ ᱟᱭᱢᱟ ᱦᱚᱲ ᱜᱮ ᱵᱷᱚᱡᱽᱯᱩᱨᱤ ᱟᱠᱚᱣᱟᱜ ᱯᱟᱹᱦᱤᱞ ᱜᱚᱜᱚ ᱯᱟᱹᱨᱥᱤ ᱞᱮᱠᱟᱧ ᱛᱮ ᱠᱚ ᱵᱮᱣᱦᱟᱨ ᱤᱫᱤᱭᱮᱫᱟ|

ᱥᱟ.ᱠᱷᱭᱟ.ᱛᱥᱟᱯᱲᱟᱣ