ᱵᱟᱞᱴᱤᱠ ᱨᱳᱢᱟᱱᱤ ᱨᱚᱲ

ᱵᱟᱞᱴᱤᱠ ᱨᱳᱢᱟᱱᱤ ᱫᱚ ᱵᱟᱞᱴᱤᱠ ᱫᱤᱥᱚᱢ ᱟᱨ ᱯᱳᱞᱮᱱᱰ ᱟᱨ ᱨᱟᱥᱤᱭᱟ ᱨᱮᱱᱟᱜ ᱜᱚᱴᱟ ᱴᱚᱴᱷᱟ ᱠᱚᱨᱮ ᱨᱚᱲᱼᱮᱫ ᱠᱟᱱ ᱨᱳᱢᱟᱱᱤ ᱯᱟᱹᱨᱥᱤ ᱨᱮᱱᱟᱜ ᱨᱚᱲ ᱠᱟᱱᱟ ᱾ ᱡᱟᱦᱟᱸᱱ ᱯᱟᱹᱨᱥᱤ ᱠᱚ ᱨᱚᱲᱼᱟ ᱚᱱᱟ ᱠᱚ ᱢᱩᱫᱽ ᱨᱮ ᱛᱟᱨᱟᱭᱟ ᱫᱚ ᱯᱳᱞᱮᱱᱰ ᱨᱮᱠᱚ ᱛᱟᱦᱮᱸᱱᱟ ᱾ ᱱᱚᱶᱟ ᱫᱚ ᱵᱟᱞᱴ ᱨᱳᱢᱟᱱᱤ, ᱵᱟᱞᱴ ᱥᱞᱟᱵᱷᱤᱠ ᱨᱳᱢᱟᱱᱤ, ᱵᱟᱞᱴᱤᱥ ᱥᱞᱟᱵᱷᱤᱠ ᱨᱳᱢᱟᱱᱤ ᱟᱨ ᱨᱳᱢᱟ ᱦᱚᱸ ᱠᱚ ᱢᱮᱛᱟᱜᱼᱟ ᱾ ᱨᱳᱢᱟᱱᱤ ᱫᱚ ᱢᱤᱫ '''ᱤᱱᱫᱳᱼᱤᱣᱨᱳᱯᱤᱭᱟᱱ ᱯᱟᱹᱨᱥᱤ''' ᱞᱮᱠᱟᱛᱮ ᱮᱛᱚᱦᱚᱵ ᱞᱮᱱᱟ, ᱡᱟᱦᱟᱸ ᱫᱚ ᱢᱤᱫ ᱤᱱᱫᱳᱼᱤᱨᱟᱱᱤᱭᱟᱱ ᱯᱟᱹᱨᱥᱤ, ᱟᱨ ᱚᱱᱟ ᱛᱟᱭᱚᱢ ᱢᱤᱫ ᱤᱱᱫᱳᱼᱟᱨᱡᱚ ᱯᱟᱹᱨᱥᱤ ᱨᱮ ᱦᱮᱡ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱨᱳᱢᱟᱱᱤ ᱯᱟᱹᱨᱥᱤ ᱫᱚ ᱵᱚᱞᱠᱟᱱ ᱨᱳᱢᱟᱱᱤ ᱟᱨ ᱛᱟᱞᱢᱟ ᱨᱳᱢᱟᱱᱤ ᱨᱮ ᱦᱟᱹᱴᱤᱧ ᱮᱱᱟ ᱾ ᱵᱟᱞᱴᱤᱠ ᱨᱳᱢᱟᱱᱤ ᱫᱚ ᱛᱟᱞᱢᱟ ᱨᱳᱢᱟᱱᱤ ᱪᱟᱸᱜᱟ ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ ᱡᱟᱦᱟᱸ ᱫᱚ ᱮᱴᱟᱜ ᱪᱟᱸᱜᱟ ᱯᱟᱹᱨᱥᱤ ᱠᱚᱨᱮ ᱦᱟᱹᱴᱤᱧ ᱟᱠᱟᱱᱟ ᱾ ᱡᱚᱛᱚ ᱫᱤᱥᱚᱢ ᱨᱮ ᱓᱑,᱕᱐᱐ ᱜᱟᱱ ᱵᱮᱵᱷᱟᱨᱤᱭᱟᱹ ᱢᱮᱱᱟᱜ ᱠᱚᱣᱟ ᱾

ᱥᱮᱞᱮᱫ ᱦᱟᱹᱴᱤᱧ

ᱵᱟᱞᱴᱤᱠ ᱨᱳᱢᱟᱱᱤ ᱯᱟᱹᱨᱥᱤ ᱫᱚ ᱤᱱᱫᱳᱼᱤᱣᱨᱳᱯᱤᱭᱟᱱ, ᱤᱱᱫᱳᱼᱤᱨᱟᱱᱤᱭᱟᱱ, ᱤᱱᱫᱳᱼᱟᱨᱡᱚ ᱛᱟᱞᱢᱟ ᱴᱚᱴᱷᱟ, ᱨᱳᱢᱟᱱᱤ ᱟᱨ ᱛᱟᱞᱢᱟ ᱨᱳᱢᱟᱱᱤ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱢᱤᱫ ᱯᱟᱹᱨᱥᱤ ᱠᱟᱱᱟ ᱾

ᱱᱟᱜᱟᱢ

ᱱᱚᱶᱟ ᱯᱟᱹᱨᱥᱤ ᱨᱚᱲ ᱦᱚᱲ ᱠᱚ ᱑᱐ ᱟᱨ ᱑᱓ ᱥᱟᱭ ᱥᱮᱨᱢᱟ ᱨᱮ ᱠᱚᱧᱮᱼᱥᱟᱢᱟᱝ ᱤᱣᱨᱳᱯ ᱨᱮ ᱟᱹᱰᱤ ᱢᱟᱨᱟᱝ ᱴᱚᱴᱷᱟ ᱠᱚᱨᱮ ᱠᱚ ᱵᱟᱥᱟ ᱞᱮᱱᱟ ᱾ ᱑᱔ ᱥᱟᱭ ᱥᱮᱨᱢᱟ ᱠᱷᱚᱱ ᱱᱚᱶᱟ ᱯᱟᱹᱨᱥᱤ ᱛᱟᱞᱢᱟ ᱟᱨ ᱯᱟᱪᱮ ᱤᱣᱨᱳᱯ ᱨᱮᱦᱚᱸ ᱯᱟᱥᱱᱟᱣ ᱮᱱᱟ ᱾ ᱱᱚᱶᱟ ᱯᱟᱹᱨᱥᱤ ᱨᱚᱲᱼᱮᱫ ᱠᱟᱱ ᱟᱹᱭᱫᱟᱹᱨᱤᱭᱟᱹ ᱠᱚᱣᱟᱜ ᱨᱩᱯ ᱫᱚ ᱦᱩᱰᱤᱧ ᱜᱮ ᱛᱟᱦᱮᱸᱱᱟ ᱟᱨ ᱱᱚᱶᱟ ᱠᱚ ᱨᱚᱲᱼᱮᱫ ᱠᱟᱱ ᱟᱹᱰᱤ ᱜᱟᱱ ᱦᱚᱲ ᱜᱮ ᱡᱤᱯᱥᱤ ᱠᱚ ᱢᱮᱛᱟᱜ ᱠᱟᱱᱟ ᱾ ᱤᱱᱟᱹ ᱛᱟᱭᱚᱢ ᱮᱴᱟᱜ ᱯᱟᱹᱨᱥᱤ ᱠᱚ ᱥᱟᱶ ᱥᱚᱢᱵᱷᱚᱸᱫᱷ ᱠᱟᱛᱮ ᱱᱚᱶᱟ ᱯᱟᱹᱨᱥᱤ ᱫᱚ ᱥᱤᱧᱚᱛ ᱩᱯᱚᱡᱮᱞᱟ ᱠᱷᱚᱱ ᱦᱮᱡ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱮᱱᱟ ᱾

ᱡᱟᱛᱤᱭᱟᱹᱨᱤ ᱯᱟᱥᱱᱟᱣ

ᱱᱚᱶᱟ ᱯᱟᱹᱨᱥᱤ ᱫᱚ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱫᱤᱥᱚᱢ ᱠᱚᱨᱮ ᱠᱚ ᱨᱚᱲᱼᱟ ᱾

ᱯᱳᱞᱮᱱᱰ: ᱑᱓,᱖᱐᱐ ᱦᱚᱲ

ᱵᱮᱞᱟᱨᱩᱥ: ᱑᱒,᱐᱐᱐ ᱦᱚᱲ

ᱮᱥᱛᱳᱱᱤᱭᱟ: ᱦᱚᱲ ᱮᱞ ᱓᱖᱐: ᱡᱟᱹᱛᱤᱭᱟᱹᱨᱤ ᱦᱚᱲ ᱮᱞ ᱔᱖᱐

ᱞᱟᱛᱵᱷᱤᱭᱟ: ᱘,᱐᱐᱐ ᱦᱚᱲ

ᱞᱤᱛᱷᱩᱣᱟᱱᱤᱭᱟ: ᱦᱚᱲ ᱮᱞ ᱑᱓᱕᱐

ᱨᱟᱥᱤᱭᱟᱱ ᱯᱷᱮᱰᱟᱨᱮᱥᱚᱱ

ᱵᱟᱦᱨᱮ ᱡᱚᱱᱚᱲ

• "Romani, Baltic". Ethnologue.com. Retrieved 28 December 2017.
• "Did you know Baltic Romani is vulnerable?". Endangered Languages. Retrieved 28 December 2017.
• "Glottolog 3.1 - Baltic Romani". Glottolog.org. Retrieved 28 December 2017.
• "OLAC resources in and about the Baltic Romani language". Language-archives.org. Retrieved 28 December 2017.