ᱵᱤᱞᱟᱥᱯᱩᱨ ᱦᱚᱱᱚᱛ, ᱪᱷᱚᱛᱛᱤᱥᱜᱚᱲ
ᱵᱤᱞᱟᱥᱯᱩᱨ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱦᱮᱰᱠᱩᱟᱴᱚᱨ ᱫᱚ ᱵᱤᱞᱟᱥᱯᱩᱨ ᱱᱟᱜᱽᱨᱟᱦᱟ (ᱥᱤᱴᱤ) ᱨᱮ ᱢᱮᱱᱟᱜᱼᱟ ᱾ ᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱵᱤᱞᱟᱥᱯᱩᱨ ᱦᱚᱱᱚᱛ ᱫᱚ ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮᱱᱟᱜ ᱫᱚᱥᱟᱨ ᱵᱟᱹᱲᱛᱤ ᱦᱚᱲ ᱛᱟᱦᱮᱸᱱ ᱠᱟᱱᱟᱜ ᱦᱚᱱᱚᱛ ᱠᱟᱱᱟ ᱾[᱑]
| ᱵᱤᱞᱟᱥᱯᱩᱨ ᱦᱚᱱᱚᱛ | |
|---|---|
| ᱪᱷᱚᱛᱛᱤᱥᱜᱚᱲ ᱨᱮᱱᱟᱜ ᱦᱚᱱᱚᱛ | |
 ᱵᱷᱤᱢᱟ ᱠᱤᱪᱚᱠ ᱢᱩᱱᱫᱤᱨ, ᱢᱚᱞᱦᱟᱨ | |
.svg) ᱪᱷᱚᱛᱛᱤᱥᱜᱚᱲ ᱱᱚᱠᱥᱟ ᱨᱮ ᱵᱤᱞᱟᱥᱯᱩᱨ ᱦᱚᱱᱚᱛ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱪᱷᱚᱛᱛᱤᱥᱜᱚᱲ |
| ᱦᱮᱰᱠᱩᱣᱟᱴᱚᱨ | ᱵᱤᱞᱟᱥᱯᱩᱨ, ᱪᱷᱚᱛᱛᱤᱥᱜᱚᱲ |
| ᱮᱨᱤᱭᱟ | |
| • ᱜᱩᱴ | 8272 ᱠᱤᱢᱤ২ (3194 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱜᱩᱴ | ᱒,᱖᱖᱓,᱖᱒᱙ |
| • ᱰᱮᱱᱥᱤᱴᱤ | 320/ᱠᱤᱢᱤ2 (830/ᱜᱟᱺᱴ ᱢᱟᱹᱭᱤᱞ) |
| IST (ᱭᱩᱴᱤᱥᱤ+᱐᱕:᱓᱐) | |
| ᱣᱮᱵᱽᱥᱟᱭᱤᱴ | bilaspur |
ᱪᱷᱟᱹᱴᱭᱟᱹᱨ ᱥᱟᱯᱲᱟᱣ
ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱫᱚ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱵᱤᱞᱟᱥᱯᱩᱨ ᱠᱷᱚᱱ ᱮ ᱟᱹᱜᱩ ᱟᱠᱟᱱᱟ ᱾ ᱱᱚᱶᱟ ᱧᱩᱛᱩᱢ ᱨᱮᱱᱟᱜ ᱥᱤᱨᱡᱚᱱ ᱫᱚ ᱵᱤᱞᱟᱥᱚ ᱫᱮᱵᱤ ᱭᱟᱜ ᱧᱩᱛᱩᱢ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱫᱚ ᱢᱤᱫ ᱠᱮᱶᱴᱟ ᱠᱩᱲᱤ (fisherwoman) ᱛᱟᱦᱮᱸ ᱠᱟᱱᱟᱭ ᱟᱨ ᱩᱱᱤ ᱜᱮ ᱱᱚᱶᱟ ᱱᱟᱜᱟᱨ ᱨᱤᱱᱤᱡ ᱵᱩᱱᱤᱭᱟᱹᱫᱤ ᱠᱟᱱᱟᱭ ᱾
ᱠᱟᱹᱣᱰᱤᱭᱟᱹᱨᱤ ᱥᱟᱯᱲᱟᱣ
ᱵᱤᱞᱟᱥᱯᱩᱨ ᱫᱚ ᱠᱚᱧᱮ-ᱥᱟᱢᱟᱝ ᱠᱚᱭᱞᱟ ᱠᱷᱟᱫᱟᱱ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱞᱟᱵᱷ ᱟᱱ ᱠᱚᱭᱞᱟ ᱧᱟᱢᱚᱜᱼᱟ ᱾[᱒] ᱵᱤᱞᱟᱥᱯᱩᱨ ᱦᱚᱱᱚᱛ ᱨᱮ ᱟᱭᱢᱟ ᱜᱚᱴᱟᱝ ᱥᱤᱢᱮᱸᱴ ᱯᱷᱮᱠᱴᱚᱨᱤ (cement factories) ᱦᱚᱸ ᱢᱮᱱᱟᱜᱼᱟ ᱾ ᱵᱤᱞᱟᱥᱯᱩᱨ ᱨᱮᱞᱣᱮ ᱡᱚᱱ ᱫᱚ ᱢᱤᱫ ᱫᱷᱟᱹᱲ ᱛᱮ ᱢᱚᱬᱮ ᱫᱷᱟᱣ ᱞᱟᱵᱷ ᱟᱱ ᱨᱮᱞ ᱥᱴᱮᱥᱚᱱ ᱞᱮᱠᱟᱛᱮ ᱥᱤᱨᱯᱷᱟᱹᱭ ᱧᱟᱢ ᱟᱠᱟᱫᱼᱟ ᱾ ᱦᱚᱱᱚᱛ ᱫᱚ ᱫᱤᱥᱚᱢ ᱨᱮᱱᱟᱜ ᱮᱴᱟᱜ ᱢᱟᱨᱟᱝ ᱴᱚᱴᱷᱟ ᱠᱚ ᱥᱟᱶ ᱨᱮᱞ ᱟᱨ ᱰᱟᱦᱟᱨ ᱛᱮ ᱡᱚᱲᱟᱣ ᱢᱮᱱᱟᱜ ᱜᱮᱭᱟ, ᱡᱟᱦᱟᱸ ᱫᱚ ᱠᱟᱹᱣᱰᱤᱭᱟᱹᱨᱤ ᱞᱟᱦᱟᱱᱛᱤ ᱨᱮ ᱜᱚᱲᱚᱭ ᱮᱢ ᱮᱫᱼᱟ ᱾ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱢᱩᱬ ᱠᱟᱹᱣᱰᱤᱭᱟᱹᱨᱤ ᱜᱷᱟᱨᱚᱡᱽ ᱫᱚ ᱦᱩᱭᱩᱜ ᱠᱟᱱᱟ ᱵᱷᱭᱟᱯᱟᱨ ᱵᱤᱦᱟᱨ, ᱛᱮᱞᱤᱯᱟᱨᱟ, ᱞᱤᱸᱠ ᱨᱚᱰ, ᱥᱮᱯᱟᱛᱷ ᱨᱚᱰ, ᱵᱚᱥ ᱥᱴᱟᱸᱰ ᱨᱚᱰ, ᱨᱟᱡᱤᱵᱽ ᱯᱞᱟᱡᱟ ᱟᱨ ᱜᱳᱞ ᱵᱟᱡᱟᱨ ᱮᱢᱟᱱ ᱠᱚ ᱾
ᱦᱚᱲ ᱮᱞ ᱥᱟᱯᱲᱟᱣ
᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱪᱷᱚᱛᱛᱤᱥᱜᱚᱲ ᱨᱮᱱᱟᱜ ᱵᱤᱞᱟᱥᱯᱩᱨ ᱦᱚᱱᱚᱛ ᱨᱮ ᱒,᱖᱖᱓,᱖᱒᱙ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ[᱑], ᱡᱟᱦᱟᱸ ᱫᱚ ᱠᱩᱣᱮᱛ (Kuwait) ᱫᱤᱥᱚᱢ ᱨᱤᱱ ᱦᱚᱲ [᱓] ᱟᱨᱵᱟᱝ ᱡᱩᱢᱤᱫᱽ ᱫᱤᱥᱚᱢ ᱯᱚᱱᱚᱛ ᱨᱮᱱᱟᱜ ᱱᱮᱵᱮᱫᱟ ᱨᱤᱱ ᱦᱚᱲ ᱥᱟᱶ ᱞᱮᱠᱷᱟ ᱨᱮ ᱠᱚ ᱥᱩᱨᱥᱩᱯᱩᱨᱚᱜᱼᱟ ᱾[᱔] ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱟᱹᱫᱽ ᱠᱷᱚᱱ ᱑᱕᱒ ᱟᱱᱟᱜ ᱨᱮᱸᱠ ᱨᱮ ᱢᱮᱱᱟᱜᱼᱟ ᱾[᱑] ᱱᱚᱸᱰᱮ ᱦᱚᱲ ᱵᱟᱹᱰᱚᱜ ᱠᱟᱱ ᱫᱚᱨ ᱫᱚ ᱓᱓ᱹ᱒᱑% ᱛᱟᱦᱮᱸ ᱠᱟᱱᱟ ᱒᱐᱐᱑ ᱠᱷᱚᱱ ᱒᱐᱑᱑ ᱥᱟᱹᱦᱤᱛ ᱢᱟᱹᱫᱽ ᱨᱮ ᱾[᱑] ᱵᱤᱞᱟᱥᱯᱩᱨ ᱨᱮ ᱡᱟᱱᱟᱝ ᱡᱟᱹᱱᱤ ᱫᱚ ᱙᱗᱒ ᱠᱩᱲᱤ ᱨᱮ ᱑᱐᱐᱐ ᱠᱚᱲᱟ ᱢᱮᱱᱟᱜ ᱠᱚᱣᱟ[᱑] ᱟᱨ ᱥᱮᱪᱮᱫ ᱫᱚᱨ ᱫᱚ ᱗᱑ᱹ᱕᱙% ᱛᱟᱦᱮᱸ ᱠᱟᱱᱟ ᱾[᱑]
ᱯᱟᱹᱨᱥᱤ ᱥᱟᱯᱲᱟᱣ
᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱚᱠᱛᱚ ᱨᱮ ᱵᱤᱞᱟᱥᱯᱩᱨ ᱦᱚᱱᱚᱛ ᱨᱤᱱ ᱙᱖ᱹ᱕᱓% ᱦᱚᱲ ᱫᱚ ᱦᱤᱱᱫᱤ ᱯᱟᱹᱨᱥᱤ, ᱐ᱹ᱗᱐% ᱦᱚᱲ ᱫᱚ ᱥᱤᱱᱫᱷᱤ ᱯᱟᱹᱨᱥᱤ, ᱐ᱹ᱕᱔% ᱦᱚᱲ ᱫᱚ ᱵᱮᱝᱜᱚᱞᱤ ᱯᱟᱹᱨᱥᱤ ᱟᱨ ᱐ᱹ᱔᱒% ᱦᱚᱲ ᱫᱚ ᱛᱮᱞᱩᱜᱩ ᱯᱟᱹᱨᱥᱤ ᱟᱠᱚᱣᱟᱜ ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱨᱚᱲ ᱠᱟᱱᱟ ᱾[᱕]
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ ᱑.᱐ ᱑.᱑ ᱑.᱒ ᱑.᱓ ᱑.᱔ ᱑.᱕ "District Census 2011". Census2011.co.in. 2011. Retrieved 2011-09-30.
- ↑ "Green panel nod to SECL's Rs 11,816 cr expansion project". The Economic Times. Retrieved 2017-12-13.
- ↑ US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01.
Kuwait 2,595,62
- ↑ "2010 Resident Population Data". U. S. Census Bureau. Archived from the original on January 1, 2011. Retrieved 2011-09-30.
Nevada 2,700,551
- ↑ 2011 Census of India, Population By Mother Tongue
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
- ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ
- Bilaspur district gazetteer Hindi बिलासपुर-वैभव Archived ᱒᱐᱑᱙-᱐᱙-᱑᱒ at the Wayback Machine. [᱑] Archived ᱒᱐᱑᱙-᱐᱙-᱑᱒ at the Wayback Machine.
ᱪᱷᱟᱸᱪ:ᱵᱤᱞᱟᱥᱯᱩᱨ ᱦᱚᱱᱚᱛ, ᱪᱷᱚᱛᱛᱤᱥᱜᱚᱲ