ᱵᱤᱥᱥᱚ ᱵᱟᱝᱞᱟ ᱵᱤᱥᱥᱚᱵᱤᱫᱭᱟᱞᱚᱭ
ᱵᱤᱥᱥᱚ ᱵᱟᱝᱞᱟ ᱵᱤᱥᱥᱚᱵᱤᱫᱭᱟᱞᱚᱭ ᱵᱳᱞᱯᱩᱨ ᱨᱮᱭᱟᱜ ᱢᱤᱫ ᱥᱚᱨᱠᱟᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱟᱱᱟ ᱾ ᱒᱐᱒᱐ ᱥᱟᱞ ᱨᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱷᱟᱯᱚᱱ ᱟᱠᱟᱱᱟ ᱾[᱑][᱒] ᱱᱚᱣᱟ ᱫᱚ ᱢᱤᱫ ᱩᱫᱟᱨ (liberal) ᱵᱤᱨᱫᱟᱹᱜᱟᱲ ᱠᱟᱱᱟ, ᱡᱟᱦᱟᱸ ᱨᱮ ᱥᱤᱞᱯᱚ ᱠᱟᱹᱨᱤ ᱨᱮᱭᱟᱜ ᱱᱟᱱᱟ ᱦᱩᱱᱟᱹᱨ ᱛᱷᱚᱠ ᱨᱮᱭᱟᱜ ᱥᱮᱪᱮᱫ ᱠᱚᱸᱭ ᱮᱢᱚᱜᱼᱟ ᱾[᱓] ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱵᱳᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱮ ᱵᱤᱥᱥᱚ ᱵᱟᱝᱞᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱧᱩᱛᱩᱢ ᱛᱮᱦᱚᱸ ᱵᱟᱲᱟᱭᱚᱜᱼᱟ ᱾
| ᱵᱤᱥᱥᱚ ᱵᱟᱝᱞᱟ ᱵᱤᱥᱥᱚᱵᱤᱫᱭᱟᱞᱚᱭ | |
|---|---|
| ᱩᱱᱩᱭᱦᱟᱹᱨ | তমসো মা জ্যোতির্গময়ঃ (ᱵᱟᱝᱞᱟ) ᱛᱚᱢᱥᱳ ᱢᱟ ᱡᱭᱳᱛᱤᱨᱜᱚᱢᱚᱭᱚᱷ |
| ᱩᱱᱩᱭᱦᱟᱹᱨ (ᱥᱟᱱᱛᱟᱲᱤ ᱛᱮ) | ᱟᱞᱮ ᱧᱩᱛ ᱠᱷᱚᱱ ᱢᱟᱨᱥᱟᱞ ᱛᱮ ᱤᱫᱤ ᱞᱮᱢ |
| ᱛᱷᱟᱯᱚᱱ | ᱒᱐᱒᱐; ᱑ ᱥᱮᱨᱢᱟ ᱞᱟᱦᱟ ᱨᱮ |
| ᱞᱮᱠᱟᱱ | ᱥᱚᱨᱠᱟᱨᱤ |
| ᱢᱟᱱᱚᱛ | ᱭᱩ.ᱡᱤ.ᱥᱤ |
| ᱪᱟᱱᱥᱮᱞᱚᱨ | ᱡᱚᱭᱫᱤᱯ ᱫᱷᱚᱱᱠᱷᱚᱲ, (ᱯᱚᱪᱷᱤᱢ ᱵᱟᱝᱞᱟ ᱨᱮᱱ ᱯᱚᱱᱚᱛ ᱜᱚᱢᱠᱮ) |
| ᱵᱷᱟᱭᱤᱥ ᱪᱟᱱᱥᱮᱞᱚᱨ | ᱥᱚᱯᱚᱱ ᱠᱩᱢᱟᱨ ᱫᱚᱛᱛᱚ |
| ᱴᱷᱟᱶ | ᱵᱳᱞᱯᱩᱨ, ᱵᱤᱨᱵᱷᱩᱢ ᱦᱚᱱᱚᱛ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱮᱢᱯᱚᱥ | ᱥᱚᱦᱚᱨ 82,400 m2 (20.37 acres) |
| ᱣᱮᱵᱽᱥᱟᱭᱤᱴ | ᱵᱤᱥᱥᱚᱵᱟᱝᱞᱟᱵᱤᱥᱥᱚᱵᱤᱫᱭᱟᱞᱚᱭ.ᱳᱟᱨᱡᱤ |
ᱱᱟᱜᱟᱢ
ᱥᱟᱯᱲᱟᱣ᱒᱐᱑᱗ ᱥᱮᱨᱢᱟ ᱨᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱟᱱᱟᱨᱡᱤ ᱵᱳᱞᱯᱩᱨ ᱥᱩᱨ ᱥᱤᱵᱽᱯᱩᱨ ᱨᱮ ᱵᱤᱥᱥᱚ ᱵᱟᱝᱞᱟ ᱵᱤᱥᱥᱚᱵᱤᱫᱭᱟᱞᱚᱭ ᱵᱮᱱᱟᱣ ᱨᱮᱭᱟᱜ ᱠᱟᱛᱷᱟᱭ ᱩᱪᱷᱟᱹᱱ ᱞᱮᱫᱟ ᱾ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱯᱚᱲᱦᱚᱱ ᱚᱲᱟᱜ, ᱯᱟᱹᱴᱷᱩᱭᱟᱹ ᱦᱳᱥᱴᱮᱞ, ᱵᱟᱰᱚᱦᱤ ᱵᱤᱵᱷᱟᱜᱽ, ᱥᱟᱬᱮᱥ ᱵᱤᱵᱷᱟᱜᱽ, ᱚᱯᱷᱤᱥ, ᱠᱷᱮᱞᱚᱸᱰ ᱜᱚᱰᱟ ᱥᱮ ᱥᱯᱳᱨᱴ ᱠᱚᱢᱯᱞᱮᱠᱥ ᱥᱟᱶᱛᱮ ᱱᱟᱱᱟ ᱦᱩᱱᱟᱹᱨ ᱵᱮᱱᱟᱣ ᱞᱟᱹᱜᱤᱫ ᱒᱐ ᱮᱠᱚᱨ ᱡᱟᱭᱜᱟ ᱮᱢ ᱦᱩᱭ ᱟᱠᱟᱱᱟ ᱾ ᱯᱚᱱᱚᱛ ᱥᱚᱨᱠᱟᱨ ᱵᱮᱵᱮᱱᱟᱣ ᱞᱟᱹᱜᱤᱫ ᱓᱖᱐ ᱠᱳᱴᱤ ᱠᱷᱚᱱ ᱦᱚᱸ ᱰᱷᱮᱨ ᱠᱟᱹᱣᱰᱤᱭ ᱵᱚᱨᱟᱫ ᱟᱠᱟᱫᱟ ᱾ ᱮᱛᱚᱦᱚᱵ ᱨᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱵᱟᱝᱞᱟ, ᱱᱟᱜᱟᱢ ᱟᱨ ᱤᱝᱞᱤᱥ ᱵᱤᱵᱷᱟᱜᱽ ᱨᱮ ᱮᱢ.ᱮ. ᱯᱟᱲᱦᱟᱣ ᱨᱮᱭᱟᱜ ᱯᱚᱧᱡᱩᱨᱤᱭ ᱧᱟᱢ ᱟᱠᱟᱫᱟ ᱾ ᱒᱐᱒᱐-᱒᱐᱒᱑ ᱥᱮᱪᱮᱫ ᱥᱮᱨᱢᱟ ᱠᱷᱚᱱ ᱯᱩᱭᱞᱩ ᱯᱚᱲᱦᱚᱱ ᱮᱛᱚᱦᱚᱵ ᱟᱠᱟᱱᱟ ᱾[᱔]
ᱥᱮᱪᱮᱫ ᱴᱷᱟᱶ
ᱥᱟᱯᱲᱟᱣᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱵᱳᱞᱯᱩᱨ ᱥᱩᱨ ᱥᱤᱵᱽᱯᱩᱨ ᱮᱞᱟᱠᱟ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱵᱟᱝᱞᱟ, ᱤᱝᱞᱤᱥ ᱟᱨ ᱱᱟᱜᱟᱢ ᱥᱟᱛᱟᱢ ᱪᱮᱛᱟᱱ ᱨᱮ ᱯᱚᱲᱦᱚᱱ ᱟᱨ ᱰᱤᱜᱽᱨᱤ ᱮᱢ ᱨᱮᱭᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾
ᱪᱟᱪᱞᱟᱣ ᱟᱨ ᱵᱤᱵᱷᱟᱜᱽ
ᱥᱟᱯᱲᱟᱣᱪᱟᱪᱞᱟᱣ
ᱥᱟᱯᱲᱟᱣᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱢᱤᱫ ᱪᱟᱪᱞᱟᱣ ᱵᱳᱨᱰ ᱦᱚᱛᱮᱛᱮ ᱪᱟᱪᱞᱟᱣᱚᱜᱼᱟ ᱾ ᱱᱚᱣᱟ ᱵᱳᱨᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱚᱱᱟ ᱥᱟᱶ ᱡᱚᱯᱲᱟᱣ ᱠᱚᱞᱮᱡᱽ ᱠᱚᱨᱮᱱᱟᱜ ᱠᱟᱹᱢᱤᱦᱚᱨᱟ ᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱠᱟᱹᱣᱰᱤ ᱜᱚᱲᱚ ᱵᱟᱵᱚᱛ ᱛᱮᱭ ᱧᱮᱞᱟ ᱾ ᱥᱚᱯᱚᱱ ᱠᱩᱢᱟᱨ ᱫᱚᱛᱛᱚ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱ ᱯᱩᱭᱞᱩ ᱵᱷᱟᱭᱤᱥ ᱪᱟᱱᱥᱮᱞᱚᱨ ᱠᱟᱱᱟᱭ ᱾[᱕]
ᱵᱤᱵᱷᱟᱜᱽ
ᱥᱟᱯᱲᱟᱣᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱮᱭᱟ ᱵᱤᱵᱷᱟᱜᱽ ᱢᱮᱱᱟᱜᱼᱟ ᱾ ᱵᱤᱵᱷᱟᱜᱽ ᱠᱚᱫᱚ ᱦᱩᱭᱩᱜ ᱠᱟᱱᱟ - ᱵᱟᱝᱞᱟ ᱵᱤᱵᱷᱟᱜᱽ, ᱤᱝᱞᱤᱥ ᱵᱤᱵᱷᱟᱜᱽ ᱟᱨ ᱱᱟᱜᱟᱢ ᱵᱤᱵᱷᱟᱜᱽ ᱾
ᱟᱨᱦᱚᱸ ᱧᱮᱞ ᱢᱮ
ᱥᱟᱯᱲᱟᱣᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱥᱟᱹᱠᱷᱟᱹᱭᱟᱹᱛ
ᱥᱟᱯᱲᱟᱣ- ↑ "ᱵᱤᱥᱣᱚ ᱵᱟᱝᱞᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱯᱚᱪᱷᱤᱢ ᱵᱟᱝᱞᱟ".
- ↑ "ᱵᱳᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ".
- ↑ "ᱵᱳᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱯᱚᱪᱷᱤᱢ ᱵᱟᱝᱞᱟ" (PDF).
- ↑ "বিশ্বভারতীর সঙ্গে কি টক্কর নতুন পড়শি বিশ্ববাংলা বিশ্ববিদ্যালয়ের". ᱟᱱᱚᱱᱫᱚ ᱵᱟᱡᱟᱨ ᱯᱚᱛᱨᱤᱠᱟ. 29 December 2020. Retrieved 4 September 2021.
- ↑ "Call for nomination for Vice-Chancellor, Biswa Bangla Biswabidyalaya, West Bengal" (PDF). Retrieved 4 September 2021.