ᱵᱤᱨᱵᱷᱩᱢ ᱦᱚᱱᱚᱛ

ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮᱱᱟᱜ ᱦᱚᱱᱚᱛ

ᱵᱤᱨᱵᱷᱩᱢ ᱦᱚᱱᱚᱛ ᱫᱚ ᱦᱩᱭᱩᱜ ᱠᱟᱱᱟ ᱥᱤᱧᱚᱛ ᱨᱮᱱᱟᱜ ᱯᱩᱪᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱵᱚᱨᱫᱷᱚᱢᱟᱱ ᱵᱤᱵᱷᱟᱜ ᱨᱮ ᱦᱚᱱᱚᱛ। ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱢᱩᱬᱩᱛ ᱠᱟᱹᱢᱤᱭᱟᱹᱢᱮᱞᱟ ᱫᱚ ᱥᱤᱣᱨᱤ ᱥᱟᱦᱟᱨ ᱨᱮ ᱢᱮᱱᱟᱜᱼᱟ। ᱨᱟᱢᱯᱩᱨᱦᱟᱴ ᱟᱨ ᱵᱳᱞᱯᱩᱨ ᱥᱟᱦᱟᱨ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱵᱟᱨᱭᱟ ᱢᱟᱨᱟᱝ ᱥᱟᱦᱟᱨ ᱠᱟᱱᱟ ।

ᱵᱤᱨᱵᱷᱩᱢ ᱦᱚᱱᱚᱛ
ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱦᱚᱱᱚᱛ
ᱯᱩᱪᱪᱷᱤᱢ ᱵᱟᱝᱞᱟ ᱨᱮ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱵᱩᱴᱟ.
ᱯᱩᱪᱪᱷᱤᱢ ᱵᱟᱝᱞᱟ ᱨᱮ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱵᱩᱴᱟ.
ᱫᱤᱥᱟ.ᱢ ᱥᱤᱧᱚᱛ
ᱯᱚᱱᱚᱛ ᱯᱩᱪᱪᱷᱤᱢ ᱵᱟᱝᱞᱟ
ᱰᱤᱵᱷᱤᱥᱚᱱ ᱵᱚᱨᱫᱷᱚᱢᱟᱱ
ᱥᱚᱨᱠᱟᱨ
 • ᱦᱚᱲᱫᱚᱨᱵᱟᱨ ᱢᱟ.ᱪᱤ ᱵᱤᱨᱵᱷᱩᱢ (ᱦᱚᱲᱫᱚᱨᱵᱟᱨ ᱢᱟᱹᱪᱤ, ᱵᱳᱞᱯᱩᱨ (ᱦᱚᱲᱫᱚᱨᱵᱟᱨ ᱢᱟᱹᱪᱤ)
 • ᱵᱤᱫᱷᱟᱱᱥᱚᱵᱷᱟ ᱢᱟᱹᱪᱤ ᱥᱟᱸᱭᱛᱷᱤᱭᱟᱹ
ᱥᱤᱣᱨᱤ
ᱵᱳᱞᱯᱩᱨ
ᱨᱟᱢᱯᱩᱨᱦᱟᱴ
ᱱᱳᱭᱦᱟᱹᱴᱤ
ᱫᱩᱵᱨᱟᱡᱯᱩᱨ
ᱢᱚᱭᱩᱨᱮᱥᱚᱨ
ᱢᱩᱨᱟᱨᱟᱭ
ᱞᱟᱵᱷᱯᱩᱨ
ᱱᱟᱱᱩᱨ
ᱦᱟᱸᱥᱟᱱ
ᱮᱨᱤᱭᱟ
 • Total 4545 ᱠᱤᱢᱤ (1755 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • Total ᱓,᱕᱐᱒,᱔᱐᱔
 • ᱰᱮᱱᱥᱤᱴᱤ 770/ᱠᱤᱢᱤ2 (2000/ᱜᱟᱺᱴ ᱢᱟᱹᱭᱤᱞ)
 • ᱱᱟᱜᱟᱨ ᱔᱔᱙,᱔᱔᱘
Demographics
 • ᱚᱞᱚᱜ ᱞᱚᱲᱦᱚᱱ ᱗᱐.᱖᱘
 • ᱠᱚᱲᱟᱼᱛᱤᱨᱞᱟ ᱦᱟ.ᱴᱤᱝ ᱙᱕᱖
IST (UTC+0᱕:᱓0)
ᱣᱮᱵᱽᱥᱟᱭᱤᱴ http://www.birbhum.gov.in/

ᱧᱩᱛᱩᱢ ᱨᱮᱱᱟᱜ ᱡᱟᱱᱟᱢᱥᱟᱯᱲᱟᱣ

"ᱵᱤᱨᱵᱷᱩᱢ" ᱧᱩᱛᱩᱢ ᱫᱚ "ᱵᱤᱨᱵᱷᱩᱢᱤ" ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱸᱦᱟ ᱨᱮᱱᱟᱜ ᱢᱮᱱᱮᱫ ᱫᱚ ᱦᱩᱭᱩᱜ ᱠᱟᱱᱟ "ᱵᱤᱨ ᱠᱚᱣᱟᱜ ᱫᱤᱥᱟᱹᱢ"। ᱟᱨᱦᱚ ᱚᱠᱚᱭ ᱠᱚᱫᱚ ᱠᱚ ᱞᱟᱹᱭᱼᱟ, ᱵᱟᱹᱜᱫᱤ ᱨᱟᱡᱟ ᱵᱤᱨ ᱢᱚᱞᱞᱚ ᱟᱜ ᱧᱩᱛᱩᱢ ᱛᱮ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱦᱩᱭ ᱟᱠᱟᱱᱟ । ᱵᱤᱨ ᱢᱚᱞᱞᱚ ᱑᱕᱐᱑ ᱠᱷᱚᱱ ᱑᱕᱕᱔ ᱥᱟᱞ ᱦᱟᱹᱵᱤᱫ ᱱᱚᱣᱟ ᱴᱚᱴᱷᱟ ᱨᱮᱱ ᱥᱟᱥᱚᱠᱮ ᱛᱟᱸᱦᱮ ᱠᱟᱱᱟ ।ᱟᱨᱦᱚ ᱠᱚ ᱞᱟᱹᱭᱼᱟ, ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱵᱤᱨ ᱟᱹᱲᱟᱹ ᱨᱮᱱᱟᱜ ᱢᱮᱱᱮᱫ ᱵᱤᱨ; ᱥᱮ, ᱵᱤᱨᱵᱷᱩᱢ ᱨᱮᱱᱟᱜ ᱮᱴᱟᱜ ᱢᱮᱱᱮᱫ ᱵᱤᱨ/ᱜᱟᱡᱟᱲ ᱦᱩᱭ ᱫᱟᱲᱮᱭᱟᱜᱼᱟ ।

ᱵᱟᱝᱞᱟᱛᱮ ᱵᱤᱨᱵᱷᱩᱢ ᱫᱚ "ᱨᱟᱝᱜᱟ ᱢᱟᱴᱤᱨ ᱫᱮᱥ" ᱠᱚ ᱢᱮᱛᱟᱜᱼᱟ। [᱑]

ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱚᱛᱱᱚᱠ ᱯᱟᱥᱱᱟᱣ ᱟᱨ ᱞᱟᱹᱭᱼᱞᱟᱠᱪᱟᱨ ᱮᱴᱟᱜ ᱮᱴᱟᱜ ᱦᱚᱱᱚᱛ ᱠᱷᱚᱱ ᱠᱟᱺᱪᱽ ᱡᱩᱫᱟᱹ ᱜᱮᱭᱟ । ᱪᱷᱳᱴᱽᱱᱟᱜᱯᱩᱨ ᱢᱟᱞᱵᱷᱩᱢᱤ ᱥᱮᱱᱟᱜ ᱯᱩᱪᱪᱷᱤᱢ ᱚᱸᱪᱚᱞ ᱫᱚ ᱵᱤᱨ ᱜᱟᱡᱟᱲᱛᱮ ᱮᱥᱮᱫ ᱜᱮᱭᱟ । ᱱᱚᱣᱟ ᱴᱚᱴᱷᱟ ᱯᱩᱵ ᱱᱟᱠᱷᱟ ᱨᱮ ᱢᱮᱱᱟᱜ ᱯᱚᱞᱤ ᱦᱟᱥᱟ ᱡᱚᱢᱤᱨᱮ ᱦᱮᱡ ᱢᱤᱫ ᱟᱠᱟᱱᱟ ।[᱒]

ᱚᱛᱱᱚᱜᱥᱟᱯᱲᱟᱣ

 
ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱥᱟᱶᱛᱟ ᱩᱛᱷᱱᱟᱹᱣ ᱵᱞᱚᱠ ᱟᱨ ᱢᱤᱭᱩᱱᱤᱥᱤᱯᱟᱞᱤᱴᱤ ᱴᱚᱴᱷᱟ ᱠᱚ

ᱠᱚᱨᱠᱚᱴᱠᱨᱟᱱᱛᱤ ᱨᱮᱠᱷᱟ ᱪᱮᱛᱟᱱ ᱒᱓° ᱓᱒' ᱓᱐" ᱟᱨ ᱒᱔° ᱓᱕' ᱐" ᱩᱛᱛᱚᱨ ᱚᱠᱷᱟᱝᱥᱚ ᱟᱨ ᱘᱗° ᱕' ᱔᱕" ᱟᱨ ᱘᱘° ᱑' ᱔᱐" ᱥᱟᱢᱟᱝ ᱫᱨᱟᱜᱷᱤᱢᱟᱝᱥᱚ ᱦᱟᱹᱵᱤᱫ ᱢᱮᱱᱟᱜᱼᱟ, ᱵᱤᱨᱵᱷᱩᱢ ᱦᱚᱱᱚᱛ ᱜᱩᱴ ᱔᱕᱔᱕ ᱪᱟᱹᱣᱠᱟᱹ ᱠᱤᱞᱳᱢᱤᱴᱟᱨ (᱑,᱗᱕᱕ ᱪᱟᱹᱣᱠᱟᱹ ᱢᱟᱭᱤᱞ) ᱛᱮ ᱯᱟᱥᱱᱟᱣ ᱢᱮᱱᱟᱜᱼᱟ । ᱯᱮ ᱠᱩᱱ ᱟᱠᱟᱨ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱞᱟᱛᱟᱨ ᱥᱮᱫ ᱢᱮᱱᱟᱜᱼᱟ ᱚᱡᱚᱭ ᱜᱟᱰᱟ ᱟᱨ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱫ ᱫᱚ ᱪᱩᱭᱞᱩ ᱢᱟᱪᱷᱟ ᱢᱮᱱᱟᱜᱼᱟ ᱾ ᱚᱡᱚᱭ ᱜᱟᱰᱟ ᱵᱚᱨᱫᱷᱚᱢᱟᱱ ᱟᱨ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱥᱤᱢᱟᱹᱱᱟᱭ ᱦᱟᱹᱴᱤᱧ ᱟᱠᱟᱫᱟ ᱾ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱫᱚ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱟᱨ ᱯᱟᱪᱮ ᱥᱮᱫ ᱯᱟᱥᱱᱟᱣ ᱢᱮᱱᱟᱜᱼᱟ ᱾ ᱥᱟᱢᱟᱝ ᱥᱮᱫ ᱢᱮᱱᱟᱜᱼᱟ ᱢᱩᱨᱥᱤᱫᱟᱵᱟᱫ ᱟᱨ ᱵᱚᱨᱫᱷᱚᱢᱟᱱ ᱨᱮᱱᱟᱜ ᱠᱟᱺᱡᱽ ᱦᱟ.ᱴᱤᱧ ।[᱓][᱔][᱕] ᱚᱛᱱᱚᱜ ᱯᱟᱥᱱᱟᱨ ᱵᱤᱪᱟᱨᱛᱮ ᱱᱚᱣᱟ ᱴᱚᱴᱷᱟ ᱪᱷᱳᱴᱱᱟᱜᱯᱩᱨ ᱢᱟᱞᱵᱷᱩᱢᱤ ᱨᱮᱱᱟᱜ ᱥᱟᱢᱟᱝᱼᱠᱚᱭᱮ ᱥᱮᱫ ᱢᱮᱱᱟᱜᱼᱟ; ᱡᱟᱸᱦᱟ ᱨᱮᱱᱟᱜ ᱰᱷᱟᱞ ᱫᱚ ᱥᱟᱢᱟᱝ ᱥᱮᱫ ᱯᱷᱮᱰ ᱯᱷᱮᱰᱛᱮ ᱜᱚᱝᱜᱟ ᱨᱮᱱᱟᱜ ᱥᱚᱢᱟᱱ ᱴᱚᱴᱷᱟ ᱨᱮ ᱢᱮᱥᱟ ᱢᱤᱫ ᱟᱠᱟᱱᱟ।

 
ᱢᱟᱢᱟ ᱵᱷᱟᱜᱽᱱᱟ ᱵᱩᱨᱩ

ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱯᱩᱪᱪᱷᱤᱢ ᱱᱟᱠᱷᱟ ᱫᱚ ᱥᱮᱫᱟᱭ ᱫᱚ ᱵᱚᱡᱽᱡᱚᱵᱷᱩᱢᱤ ᱥᱮ ᱵᱚᱡᱽᱡᱨᱚᱵᱷᱩᱢᱤ ᱧᱩᱛᱩᱢ ᱛᱮ ᱩᱯᱨᱩᱢ ᱛᱟᱸᱦᱮ ᱠᱟᱱᱟ।[᱒][᱖] ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱢᱤᱫ ᱴᱟᱝ ᱥᱩᱢᱩᱝ ᱵᱩᱨᱩ ᱢᱟᱢᱟ ᱵᱷᱟᱜᱽᱱᱟ ᱵᱩᱨᱩ,ᱫᱩᱵᱽᱨᱟᱡᱯᱩᱨ ᱥᱚᱦᱚᱨ ᱥᱩᱨᱨᱮ ᱢᱮᱱᱟᱜᱼᱟ । ᱱᱟᱦᱟᱜ ᱱᱚᱣᱟ ᱫᱚ ᱢᱤᱫᱴᱟᱝ ᱧᱮᱧᱮᱞ ᱴᱷᱟᱣ ᱞᱮᱠᱟᱛᱮ ᱩᱯᱨᱩᱢᱮ ᱧᱟᱢ ᱟᱠᱟᱫᱟ ।

ᱦᱚᱭ ᱦᱤᱥᱤᱫᱥᱟᱯᱲᱟᱣ

ᱪᱟ.ᱛ ᱵᱟ.ᱭᱥᱟ.ᱠ ᱫᱷᱚᱨᱚᱱ ᱫᱤᱱ ᱫᱚ ᱱᱚᱸᱰᱮᱱᱟᱜ ᱞᱚᱞᱚ ᱔᱐° ᱥᱮᱱᱴᱤᱜᱨᱮᱰ ᱠᱷᱚᱱ ᱪᱮᱛᱟᱱ ᱛᱟᱸᱦᱮᱱᱟ; ᱨᱟᱵᱟᱝ ᱨᱤᱛᱤ ᱫᱚ ᱟᱨᱦᱚ ᱑᱐° ᱥᱮᱱᱴᱤᱜᱨᱮᱰ ᱯᱷᱮᱰᱽ ᱦᱤᱡᱩᱼᱟ।[᱔] ᱧᱮᱞ ᱟᱠᱟᱱᱟ ᱯᱟᱪᱷᱮ ᱴᱚᱴᱷᱟ ᱠᱚᱨᱮ ᱫᱟᱜ ᱡᱟ.ᱨᱤ ᱫᱚ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱡᱟ.ᱥᱛᱤ ᱦᱩᱭᱩᱼᱟ। ᱡᱟ.ᱯᱩᱫ ᱫᱤᱱ (ᱡᱩᱱᱼᱥᱮᱯᱴᱮᱢᱵᱚᱨ) ᱨᱟᱡᱱᱚᱜᱚᱨ ᱟᱨ ᱱᱟᱱᱩᱨ ᱨᱮ ᱥᱮᱨᱢᱟᱠᱤᱭᱟ. ᱫᱟᱜ ᱡᱟ.ᱨᱤ ᱨᱮᱱᱟᱜ ᱮᱞ ᱫᱚ ᱑᱔᱐᱕ ᱢᱤᱞᱤᱢᱤᱴᱟᱨ ᱟᱨ ᱑᱒᱑᱒ ᱢᱤᱞᱤᱢᱤᱴᱟᱨ।[᱒][᱕]

ᱜᱟᱰᱟ ᱠᱚᱥᱟᱯᱲᱟᱣ

ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱟᱭᱢᱟ ᱜᱟᱰᱟ ᱞᱤᱸᱜᱤ ᱟᱠᱟᱱᱟ ᱾ ᱱᱚᱣᱟᱠᱚ ᱢᱩᱫᱨᱮ ᱚᱡᱚᱭ,ᱢᱚᱭᱩᱨᱟᱠᱠᱷᱤ (ᱢᱳᱨ),ᱠᱳᱯᱟᱭ,ᱵᱚᱠᱨᱮᱥᱚᱨ, ᱵᱨᱟᱢᱽᱢᱚᱱᱤ, ᱫᱟᱨᱚᱠᱟ, ᱦᱤᱝᱞᱟ, ᱪᱚᱯᱽᱞᱟ, ᱵᱟᱸᱥᱞᱚᱭ, ᱯᱟᱜᱞᱟ ᱮᱢᱟᱱ ᱮᱢᱟᱱ। [᱓][᱔] ᱥᱤᱭᱩᱲᱤ ᱡᱟᱯᱟᱜ ᱢᱚᱭᱩᱨᱟᱠᱠᱷᱤᱨᱮ ᱛᱤᱞᱯᱟᱲᱟ ᱵᱟᱸᱫᱷᱽ ᱧᱩᱛᱩᱢᱛᱮ ᱢᱤᱫᱴᱟᱝ ᱯᱨᱚᱠᱚᱞᱯᱚ ᱛᱟᱞᱟᱛᱮ ᱦᱚᱱᱚᱛ ᱨᱮᱱᱟᱜ ᱒᱔᱒᱘ ᱵᱚᱨᱜᱚ ᱠᱤᱞᱳᱢᱤᱴᱟᱨ ᱴᱚᱴᱷᱟᱨᱮ ᱫᱟᱜ ᱫᱚᱦᱚ ᱨᱮᱱᱟᱜ ᱵᱮᱵᱚᱥᱛᱟ ᱦᱩᱭ ᱟᱠᱟᱱᱟ ।[᱗] ᱦᱚᱱᱚᱛ ᱨᱮᱱᱟᱜ ᱯᱨᱟᱭ ᱥᱟᱱᱟᱢ ᱜᱟᱰᱟ ᱜᱮ ᱪᱷᱳᱴᱽᱱᱟᱜᱯᱩᱨ ᱢᱟᱞᱵᱷᱩᱢᱤ ᱠᱷᱚᱱ ᱡᱟᱱᱟᱢ ᱠᱟᱛᱮᱜ ᱥᱟᱢᱟᱝ ᱱᱟᱠᱷᱟ ᱥᱮᱫ ᱞᱤᱸᱜᱤ ᱟᱠᱟᱱᱟ ᱾ ᱡᱟᱹᱯᱩᱫ ᱫᱤᱱ ᱱᱚᱣᱟ ᱜᱟᱰᱟ ᱠᱚᱨᱮ ᱟᱭᱢᱟ ᱫᱟᱜ ᱯᱮᱨᱮᱡᱚᱜᱼᱟ; ᱢᱮᱱᱠᱷᱟᱱ ᱥᱤᱛᱩᱝ ᱨᱤᱛᱩ ᱨᱮ ᱱᱚᱣᱟ ᱜᱟᱰᱟᱠᱚ ᱫᱟᱜ ᱟᱸᱡᱮᱫ ᱪᱟᱵᱟᱜᱼᱟ ᱾ ᱢᱤᱫ ᱥᱮᱱ ᱫᱟᱜ ᱯᱮᱨᱮᱪ ᱟᱨ ᱢᱤᱫ ᱥᱮᱱ ᱫᱟᱜ ᱟᱸᱡᱮᱫ ᱦᱤᱡᱩᱜ ᱪᱟᱞᱟᱜᱨᱮ ᱡᱮᱢᱚᱱ ᱦᱚᱲᱼᱟᱜ ᱡᱤᱣᱤ ᱟᱨ ᱡᱤᱱᱤᱥ ᱠᱚ ᱱᱚᱥᱽᱴᱚᱜᱼᱟ ᱾ᱚᱱᱠᱚᱜᱮ ᱱᱚᱣᱟ ᱦᱚᱱᱚᱛ ᱨᱮᱱ ᱦᱚᱲ ᱠᱚᱣᱟᱜ ᱡᱤᱭᱟᱹᱱ ᱟᱹᱲᱤᱥ ᱪᱟᱵᱟᱜᱼᱟ ।[᱒][᱘]

ᱱᱟᱜᱟᱢᱥᱟᱯᱲᱟᱣ

 
ᱥᱩᱨᱩᱞ ᱨᱮᱭᱟᱜ ᱴᱮᱨᱟᱠᱳᱴᱟ ᱛᱮ ᱥᱟᱡᱟᱣ ᱟᱠᱟᱱ ᱥᱤᱵ ᱢᱳᱱᱫᱤᱨ

ᱱᱟᱦᱟᱜ ᱨᱮᱱᱟᱜ ᱵᱤᱨᱵᱷᱩᱢ ᱧᱩᱛᱩᱢ ᱟᱱ ᱴᱚᱴᱷᱟ ᱫᱚ ᱥᱮᱫᱟᱭ ᱠᱷᱚᱱ ᱜᱮ ᱦᱚᱲ ᱛᱮ ᱯᱮᱨᱮᱪ ᱴᱚᱴᱷᱟ ᱠᱟᱱᱟ ᱾ ᱟᱹᱭᱩᱥᱜᱽᱨᱟᱢ ᱨᱮ ᱯᱟᱹᱱᱰᱩᱨᱟᱡᱟ ᱟᱜ ᱰᱷᱤᱵᱤ ᱨᱮᱱᱟᱜ ᱛᱟᱢᱟᱼᱫᱷᱤᱨᱤ ᱡᱩᱜ ᱨᱮᱱᱟᱜ ᱠᱤᱪᱷᱩ ᱪᱤᱠᱷᱽᱱᱟᱹ ᱱᱚᱣᱟ ᱦᱚᱱᱚᱛ ᱨᱮ ᱧᱟᱢ ᱟᱠᱟᱱᱟ ।[᱙] ᱦᱚᱱᱚᱛ ᱨᱮᱱᱟᱜ ᱟᱭᱢᱟ ᱴᱚᱴᱷᱟᱨᱮ ᱫᱷᱤᱨᱤ ᱡᱩᱜ ᱨᱮᱱᱟᱜ ᱟᱭᱢᱟ ᱪᱤᱠᱷᱽᱱᱟᱹ ᱱᱚᱣᱟ ᱦᱚᱱᱚᱛ ᱨᱮ ᱧᱟᱢ ᱟᱠᱟᱱᱟ [᱑᱐]

ᱟᱪᱟᱨᱟᱝᱜᱚ ᱥᱩᱛᱨᱚ ᱧᱩᱛᱩᱢᱟᱱ ᱢᱤᱫᱴᱟᱝ ᱢᱟᱨᱮ ᱡᱚᱹᱭᱱᱚ ᱫᱷᱚᱨᱚᱢ ᱯᱚᱛᱚᱵ ᱨᱮᱱᱟᱜ ᱠᱟᱛᱷᱟ ᱞᱮᱠᱟᱛᱮ,ᱥᱟᱱᱟᱢ ᱠᱷᱚᱱ ᱢᱩᱪᱟᱹᱫ (᱒᱔ ᱟᱱ) ᱛᱤᱨᱛᱷᱚᱝᱠᱚᱨ ᱢᱚᱦᱟᱵᱤᱨ ᱫᱟᱲᱟᱱ ᱫᱟᱲᱟᱱ ᱛᱮ ᱱᱚᱣᱟ ᱦᱚᱱᱚᱛ ᱨᱮᱭ ᱦᱮᱪ ᱥᱮᱴᱮᱨ ᱞᱮᱱᱟ । ᱚᱱᱟ ᱯᱚᱛᱚᱵ ᱨᱮᱠᱷᱨᱤᱥᱴᱟᱵᱽᱫᱚ ᱞᱟᱦᱟ ᱢᱚᱬᱮ ᱥᱟᱭ ᱨᱮᱱᱟᱜ ᱱᱚᱣᱟ ᱴᱚᱴᱷᱟᱵᱚᱡᱽᱡᱚᱵᱷᱩᱢ ᱟᱨ ᱥᱩᱵᱽᱵᱚᱵᱷᱩᱢᱤ (ᱡᱟ.ᱱᱤᱪ ᱪᱚ ᱥᱩᱠᱽᱠᱷᱚ) ᱴᱚᱴᱷᱟ ᱨᱮ ᱢᱮᱱᱟᱜ ᱞᱟᱲᱟᱨ ᱯᱚᱛᱷᱦᱤᱱ ᱫᱮᱥ ᱧᱩᱛᱩᱢ ᱛᱮ ᱩᱯᱨᱩᱢ ᱟᱠᱟᱱᱟ।[᱓][᱖][᱑᱑] ᱚᱠᱚᱭ ᱚᱠᱚᱭ ᱚ.ᱭᱛᱤᱦᱟᱥᱤᱠ ᱠᱚᱫᱚ ᱠᱚ ᱞᱟ.ᱭ-ᱟ ᱨᱟᱲᱷ ᱴᱚᱴᱷᱟ ᱨᱮᱵᱳ.ᱭᱫᱷᱚ ᱟᱨ ᱡᱚ.ᱭᱱᱚ ᱫᱷᱚᱨᱚᱢ ᱨᱮᱱᱟᱜ ᱯᱨᱚᱪᱟᱨ ᱛᱟᱸᱦᱮ ᱠᱟᱱᱟ ᱱᱚᱣᱟ ᱴᱚᱴᱷᱟ ᱟᱨᱡᱤᱠᱚᱨᱚᱱ ᱨᱮᱱᱟᱜ ᱢᱤᱫᱴᱟᱝ ᱚᱝᱥᱚ।[᱑᱒] ᱫᱤᱵᱽᱵᱟᱵᱚᱫᱟᱱ ᱧᱩᱛᱩᱢ ᱟᱱ ᱢᱤᱫᱴᱟᱝ ᱫᱷᱚᱨᱚᱢ ᱯᱚᱛᱚᱵ ᱞᱮᱠᱟᱛᱮ ᱰᱟᱠᱴᱚᱨ ᱚᱛᱩᱞ ᱥᱩᱨ ᱮ ᱞᱟ.ᱭ ᱟᱠᱟᱫᱟ ᱡᱮন ᱜᱳ.ᱭᱛᱚᱢ ᱵᱩᱫᱽᱫᱷᱚ ᱱᱚᱣᱟ ᱴᱚᱴᱷᱟ ᱪᱮᱛᱟᱱ ᱛᱮ ᱥᱟᱸᱜᱷᱟᱲ ᱠᱟᱛᱮᱜ ᱯᱩᱱᱰᱨᱚᱵᱚᱨᱫᱷᱚᱱ ᱟᱨ ᱥᱚᱢᱚᱛᱚᱴ ᱴᱚᱴᱷᱟ ᱨᱮᱭ ᱥᱮᱱ ᱞᱮᱱᱟ।[᱑᱓]

ᱨᱟᱲᱷ ᱴᱚᱴᱷᱟ ᱨᱮ ᱠᱳᱱᱳ ᱢᱤᱫ ᱚᱠᱛᱚ ᱢᱳ.ᱭᱨᱡᱚ ᱥᱟᱢᱨᱟᱡᱽᱡᱚᱨᱮ ᱥᱮᱞᱮᱫ ᱛᱟᱸᱦᱮ ᱠᱟᱱᱟ ᱜᱩᱯᱛᱚ ᱥᱟᱢᱨᱟᱡᱽᱡᱚ, ᱥᱚᱥᱟᱱᱠᱚ ᱟᱨ ᱦᱚᱨᱥᱚᱵᱚᱨᱫᱷᱚᱱ ᱟᱜ ᱥᱟᱢᱨᱟᱡᱽᱡᱚ ᱦᱚᱸ ᱥᱮᱞᱮᱫ ᱞᱮᱱᱟ। ᱦᱚᱨᱥᱚᱵᱚᱨᱫᱷᱚᱱ ᱥᱟᱢᱨᱟᱡᱽᱡᱚ ᱨᱟ.ᱯᱩᱫ ᱛᱟᱭᱚᱢ ᱠᱷᱨᱤᱥᱴᱤᱭᱚ ᱜᱮᱞ ᱵᱟᱨ ᱥᱟᱭ ᱥᱮᱨᱢᱟ ᱦᱟ.ᱵᱤᱪ ᱯᱟᱞ ᱨᱟᱡᱟᱠᱳ ᱱᱚᱣᱟ ᱴᱚᱴᱷᱟ ᱠᱚ ᱥᱟᱥᱚᱱ ᱞᱮᱫᱟ। ᱚᱱᱟ ᱛᱟᱭᱱᱚᱢ ᱱᱚᱣᱟ ᱴᱚᱴᱷᱟ ᱨᱮᱱᱟᱜ ᱥᱟᱥᱚᱱ ᱵᱷᱟ.ᱨ ᱥᱮᱱ ᱨᱟᱡᱟᱠᱳ ᱴᱷᱮᱱ ᱪᱟᱞᱟᱣ ᱮᱱᱟ।[᱓] ᱯᱟᱞ ᱡᱩᱜ ᱨᱮᱱᱟᱜ ᱵᱳ.ᱭᱫᱷᱚ ᱫᱷᱚᱨᱢᱚ ᱵᱤᱥᱮᱥᱠᱟᱭᱛᱨᱮ,ᱵᱤᱥᱮᱥ ᱠᱟᱭᱛᱮ ᱱᱚᱣᱟ ᱴᱚᱴᱷᱟ ᱨᱮ ᱦᱟᱨᱟᱵᱩᱨᱩ ᱞᱮᱱᱟ[᱑᱔] ᱠᱷᱨᱤᱥᱴᱤᱭᱚ ᱮᱭᱟᱭ ᱥᱟᱭ ᱥᱮᱨᱢᱟᱛᱮ ᱪᱤᱱ ᱨᱮᱱ ᱥᱟᱸᱜᱷᱟᱲᱤᱭᱟ. ᱦᱤᱭᱮᱱ ᱥᱟᱝ ᱟᱡᱟᱜ ᱥᱟᱸᱜᱷᱟᱲ ᱚᱞ ᱨᱮ ᱱᱚᱣᱟ ᱴᱚᱴᱷᱟ ᱨᱮᱱᱟᱜ ᱠᱤᱪᱷᱩ ᱴᱚᱴᱷᱟ ᱵᱟᱠᱷᱨᱟ ᱚᱞ ᱟᱠᱟᱫᱟᱭ।[᱖][᱑᱓]

ᱱᱟᱦᱟᱜ ᱡᱩᱜᱥᱟᱯᱲᱟᱣ

᱑᱗᱘᱗ ᱥᱟᱞ ᱨᱮ ᱵᱨᱤᱴᱤᱥ ᱤᱥᱴᱽ ᱤᱸᱰᱤᱭᱟ ᱠᱳᱢᱯᱟ.ᱱᱤ ᱟᱜ ᱥᱟᱥᱚᱱ ᱚᱠᱛᱚ ᱨᱮ ᱵᱤᱨᱵᱷᱩᱢ ᱧᱩᱛᱩᱢ ᱛᱮ ᱱᱚᱣᱟ ᱯᱨᱟᱥᱟᱥᱚᱱᱤᱠ ᱦᱚᱱᱚᱛ ᱨᱮᱱᱟᱜ ᱡᱟᱱᱟᱢ ᱦᱩᱭᱮᱱᱟ। ᱚᱱᱟ ᱢᱟᱲᱟᱝ ᱱᱚᱣᱟ ᱴᱚᱴᱷᱟ ᱫᱚ ᱢᱩᱨᱥᱤᱫᱟᱵᱟᱫ ᱦᱚᱱᱚᱛ ᱨᱮᱱᱟᱜ ᱚᱝᱥᱚ ᱛᱟᱸᱦᱮ ᱠᱟᱱᱟ। ᱑᱗᱘᱗ ᱥᱟᱞ ᱨᱮ ᱦᱟᱞᱮᱜᱮ ᱛᱮᱭᱟᱨ ᱞᱮᱱ "District Beerbhoom" ᱛᱟᱸᱦᱮ ᱠᱟᱱᱟ ᱱᱟᱦᱟᱜ ᱵᱤᱨᱵᱷᱩᱢ ᱠᱷᱚᱱ ᱟᱭᱢᱟ ᱢᱟᱨᱟᱝ ᱢᱤᱫᱴᱟᱝ ᱦᱚᱱᱚᱛ। ᱑᱗᱙᱓ ᱥᱟᱞ ᱦᱟ.ᱵᱤᱪ "Bishenpore" (ᱱᱟᱦᱟᱜ ᱫᱚ ᱵᱤᱥᱱᱩᱯᱩᱨ, ᱵᱟᱺᱠᱩᱲᱟ ᱦᱚᱱᱚᱛ) ᱱᱚᱣᱟ ᱦᱚᱱᱚᱛ ᱨᱮ ᱥᱮᱞᱮᱫ ᱛᱟᱸᱦᱮ ᱠᱟᱱᱟ। ᱑᱘᱕᱗ ᱥᱟᱞ ᱨᱮ ᱢᱚᱦᱟᱵᱤᱫᱨᱳᱦᱚ/ ᱢᱟᱨᱟᱝ ᱞᱟ.ᱲᱦᱟ.ᱭ ᱞᱟᱦᱟ ᱦᱟ.ᱵᱤᱪ ᱥᱟᱱᱛᱟᱲ ᱯᱚᱨᱜᱚᱱᱟ ᱦᱚᱸ ᱱᱚᱣᱟ ᱦᱚᱱᱚᱛ ᱨᱮ ᱥᱮᱞᱮᱫ ᱛᱟᱸᱦᱮ ᱠᱟᱱᱟ। ᱢᱮᱱ ᱫᱚ,ᱩᱱ ᱚᱠᱛᱚ ᱯᱟᱪᱷᱮ ᱥᱮ ᱯᱩᱪᱪᱷᱤᱢ ᱥᱮᱫ ᱱᱚᱣᱟ ᱦᱚᱱᱚᱛ ᱯᱟᱥᱱᱟᱣ ᱛᱟᱸᱦᱮ ᱠᱟᱱᱟ ᱫᱮᱣᱜᱷᱚᱨ ᱦᱟ.ᱵᱤᱪ। ᱑᱘᱕᱕ᱼ᱕᱖ ᱥᱟᱞ ᱨᱮ ᱵᱤᱨᱵᱷᱩᱢ ᱨᱮᱱᱟᱜ ᱯᱟᱪᱷᱮ ᱱᱟᱠᱷᱟ ᱥᱮᱫ ᱛᱮᱭᱟᱨ ᱞᱮᱱ ᱥᱟᱱᱛᱟᱲ ᱦᱩᱞ ᱦᱚᱛᱮᱪᱛᱮ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱱᱚᱣᱟ ᱴᱚᱴᱷᱟ ᱦᱚᱱᱚᱛ ᱠᱷᱚᱱ ᱵᱟᱫ ᱞᱟ.ᱠᱛᱤ ᱛᱟᱸᱦᱮ ᱠᱟᱱᱟ। ᱚᱱᱟᱛᱮ ᱦᱩᱞ ᱟᱴᱽᱠᱟᱣ ᱛᱟᱭᱚᱢ ᱥᱟᱦᱮ ᱠᱚ ᱱᱚᱣᱟ ᱦᱚᱱᱚᱛ ᱠᱚ ᱦᱟ.ᱴᱤᱝ ᱠᱟᱫᱟ। ᱛᱤᱦᱤᱧᱦᱚᱸ ᱵᱤᱨᱵᱷᱩᱢ ᱨᱮ ᱦᱩᱞ ᱨᱮᱱ ᱟ.ᱭᱩᱨ ᱠᱤᱱ ᱵᱤᱨ ᱥᱤᱫᱷᱩ ᱟᱨ ᱠᱟᱱᱦᱩ ᱛᱟ.ᱠᱤᱱ ᱢᱟ.ᱱ ᱟᱛᱮᱜ ᱠᱚ ᱩᱭᱦᱟ.ᱨ ᱠᱤᱱᱟ.।[᱓][᱖]

ᱵᱟᱦᱚᱨᱮ ᱡᱚᱱᱚᱲᱥᱟᱯᱲᱟᱣ

ᱥᱟᱹᱠᱷᱭᱟᱹᱛᱥᱟᱯᱲᱟᱣ

  1. Rahim, Kazi MB, and Sarkar, Debasish, Agriculture, Technology, Products and Markets of Birbhum District, Paschim Banga, Birbhum Special Issue, pp. 157–166, Information and Cultural Department, Government of West Bengal
  2. ᱒.᱐ ᱒.᱑ ᱒.᱒ ᱒.᱓ Mukhopadhyay, Malay, Birbhum Jelar Bhougolik Parichiti, Paschim Banga, Birbhum Special issue (in Bengali), February 2006, pp. 29–32
  3. ᱓.᱐ ᱓.᱑ ᱓.᱒ ᱓.᱓ ᱓.᱔ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named admin
  4. ᱔.᱐ ᱔.᱑ ᱔.᱒ Mondal, Dipanwita, Ek Najare Birbhum Jela, Paschim Banga, Birbhum Special issue (in Bengali),February 2006, pp. 7–10
  5. ᱕.᱐ ᱕.᱑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named gazeteer1
  6. ᱖.᱐ ᱖.᱑ ᱖.᱒ ᱖.᱓ O'Malley, pp. 10-31,
  7. Selim, Mohammad, Irrigation Projects in Birbhum District,Paschim Banga, February 2006, (in Bengali), Birbhum special issue, pp. 168–169
  8. Choudhuri, Tapan, Unnayaner Aloke Birbhum, Paschim Banga, Birbhum Special Issue, pp. 59–74
  9. Amalananda Ghosh (1990). An Encyclopaedia of Indian Archaeology: Volume 1: Subjects. Volume 2: A Gazetteer of Explored and Excavated Sites in India. BRILL. p. 237. ISBN 90-04-09264-1. 
  10. "Prehistoric tools unearthed in Bengal". Stone Pages Archaeo News. 24 ᱰᱤᱥᱮᱢᱵᱚᱨ 2005. Retrieved 4 ᱡᱩᱱ 2009. 
  11. Ray, Nihar Ranajan, Bangalir Itihas - Adi parva, (Bengali), p. 152, Paschim Banga Nirakharata Durikaran Samiti
  12. Ray, Nihar Ranajan, p.283
  13. ᱑᱓.᱐ ᱑᱓.᱑ Bangla O Bangalir Bibartan, (An Ethno-Cultural History of Bengal) by Dr. Atul Sur, (Published by Sahityalok, Kolkata, 1986, 1994)
  14. Ghosh, Binoy, Paschim Banger Sanskriti, 1976 edition, Vol I, p. 287, Prakash Bhawan