ᱵᱮᱱᱟᱡᱤᱨ ᱥᱟᱞᱟᱢ
ᱵᱮᱱᱟᱡᱤᱨ ᱥᱟᱞᱟᱢ ᱫᱚ ᱵᱟᱝᱞᱟᱫᱮᱥ ᱠᱷᱚᱱ ᱥᱤᱧᱚᱛ ᱨᱮᱱ ᱢᱤᱫ ᱮᱱᱮᱡ ᱵᱟᱰᱚᱦᱤ ᱠᱟᱱᱟᱭ᱾
| ᱵᱮᱱᱟᱡᱤᱨ ᱥᱟᱞᱟᱢ Benazir Salam | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱗ ᱡᱟᱱᱩᱣᱟᱨᱤ ᱑᱙᱗᱙ Rajshahi, Bangladesh |
| ᱮᱴᱟᱜ ᱧᱩᱛᱩᱢ | ᱥᱩᱢᱤ |
| ᱠᱟᱹᱢᱤ | Dancer, dance teacher |
| ᱠᱟᱹᱢᱤ ᱚᱠᱛᱚ | 1983 – present |
| ᱡᱤᱭᱚᱱ ᱥᱚᱦᱮᱫ | Dewan Abdullah Zaman (m. 1996) |
| ᱟᱯᱟᱛ ᱮᱸᱜᱟᱛ | Md. Abdus Salam Kohinoor Salam |
ᱮᱛᱦᱚᱵ ᱡᱤᱭᱚᱱ
ᱥᱟᱯᱲᱟᱣᱵᱮᱱᱟᱡᱤᱨ ᱥᱟᱞᱟᱢ ᱫᱚ ᱵᱟᱝᱞᱟᱫᱮᱥ ᱨᱮᱱᱟᱜ ᱨᱟᱡᱽᱥᱟᱦᱤ ᱠᱷᱚᱸᱰ ᱨᱮᱱᱟᱜ ᱨᱟᱡᱽᱥᱟᱦᱤ ᱥᱚᱦᱚᱨ ᱨᱮᱜᱮᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱟᱡ ᱵᱟᱵᱟ ᱫᱚ ᱟᱵᱽᱫᱩᱥ ᱥᱟᱞᱟᱢ ᱟᱨ ᱟᱡ ᱜᱚᱜᱚ ᱟᱜ ᱧᱩᱛᱩᱢ ᱫᱚ ᱠᱳᱦᱤᱱᱩᱨ ᱥᱟᱞᱟᱢ ᱛᱟᱸᱦᱮᱸᱠᱟᱱᱟ᱾ ᱠᱟᱹᱴᱤᱡ ᱠᱷᱚᱱ ᱜᱮ ᱵᱮᱱᱟᱡᱤᱨ ᱥᱟᱞᱟᱢ ᱫᱚ ᱮᱱᱮᱡ ᱥᱮᱨᱮᱧ ᱥᱮᱡ ᱡᱷᱩᱠᱟᱹᱞᱮ ᱛᱟᱸᱦᱮᱠᱟᱱᱟ᱾ ᱚᱱᱟ ᱧᱮᱞ ᱠᱟᱛᱮ ᱟᱡ ᱜᱚᱜᱚ ᱵᱟᱵᱟ ᱛᱟᱹᱠᱤᱱ ᱫᱚ ᱜᱤᱫᱨᱟᱹ ᱨᱮᱜᱮ ᱨᱟᱡᱽᱥᱟᱦᱤ ᱥᱚᱦᱚᱨ ᱨᱮᱱᱟᱜ ᱢᱤᱫᱴᱮᱱ ᱮᱱᱮᱡ ᱥᱮᱨᱮᱧ ᱫᱚᱞ ᱨᱮᱠᱩ ᱵᱷᱳᱨᱛᱤ ᱞᱤᱫᱤᱭᱟᱹ ᱚᱸᱰᱮ ᱠᱷᱚᱱ ᱜᱮ ᱵᱮᱱᱟᱡᱤᱨ ᱫᱚ ᱮᱱᱮᱡ ᱨᱮᱱᱟᱜ ᱯᱟᱹᱦᱤᱞ ᱛᱟᱞᱤᱢ ᱫᱚᱭ ᱪᱮᱫ ᱟᱠᱟᱫᱟ᱾ ᱱᱤᱠᱠᱚᱱ ᱥᱤᱞᱯᱤ ᱜᱳᱥᱴᱷᱤ ᱧᱩᱛᱩᱢᱟᱱ ᱚᱱᱟ ᱫᱚᱞ ᱨᱮᱱ ᱢᱩᱬᱩᱛ ᱟᱵᱫᱩᱥ ᱦᱟᱥᱤᱵᱽ ᱯᱟᱱᱱᱟ ᱜᱮ ᱵᱮᱱᱟᱡᱤᱨ ᱨᱮᱱ ᱯᱟᱹᱦᱤᱞ ᱜᱩᱨᱩ ᱫᱚ ᱛᱟᱸᱦᱮᱸᱠᱟᱱᱟ᱾
ᱠᱟᱹᱢᱤ ᱡᱤᱭᱚᱱ
ᱥᱟᱯᱲᱟᱣᱵᱮᱱᱟᱡᱤᱨ ᱫᱚ ᱟᱵᱫᱩᱥ ᱥᱟᱞᱟᱢ ᱟᱨ ᱠᱳᱦᱤᱱᱩᱨ ᱥᱟᱞᱟᱢ ᱨᱮᱱ ᱠᱩᱲᱤ ᱜᱤᱫᱨᱟᱹ ᱠᱟᱱᱟᱭ᱾ ᱩᱱᱤᱫᱚ ᱑᱙᱘᱓ ᱥᱮᱨᱢᱟ ᱨᱮ ᱨᱟᱡᱽᱥᱟᱦᱤ ᱦᱚᱱᱚᱛ ᱨᱮᱱᱟᱜ ᱱᱤᱠᱠᱚᱱ ᱥᱤᱞᱯᱤ ᱜᱳᱥᱴᱷᱤ ᱧᱩᱛᱩᱢᱟᱱ ᱢᱤᱫᱴᱮᱱ ᱮᱱᱮᱡ ᱫᱚᱞ ᱠᱷᱚᱱ ᱮᱱᱮᱡ ᱠᱟᱹᱢᱤᱭ ᱮᱛᱦᱚᱵ ᱞᱮᱫᱟ᱾ ᱵᱮᱱᱟᱡᱤᱨ ᱫᱚ ᱑᱙᱘᱖, ᱑᱙᱘᱘ ᱟᱨ ᱑᱙᱘᱙ ᱥᱮᱨᱢᱟ ᱨᱮ ᱡᱟᱛᱤᱭᱟᱹᱨᱤ ᱜᱤᱫᱨᱟᱹ ᱦᱤᱥᱟᱵᱛᱮᱭ ᱵᱟᱪᱷᱟᱣ ᱞᱮᱱᱟ ᱡᱟᱸᱦᱟᱸ ᱫᱚ ᱵᱟᱝᱞᱟᱫᱮᱥ ᱨᱮᱱᱟᱜ ᱜᱤᱫᱨᱟᱹ ᱮᱠᱟᱰᱮᱢᱤ ᱠᱷᱚᱱ ᱠᱩ ᱮᱢᱟ ᱞᱤᱫᱤᱭᱟ ᱢᱤᱫᱴᱮᱱ ᱮᱱᱮᱡ ᱦᱮᱯᱨᱟᱣ ᱫᱟᱨᱟᱭᱛᱮ᱾ ᱱᱚᱣᱟ ᱦᱮᱯᱨᱟᱣ ᱨᱮ ᱵᱮᱱᱟᱡᱤᱨ ᱫᱚ ᱠᱚᱛᱷᱚᱠ, ᱵᱷᱚᱨᱚᱛᱱᱟᱴᱴᱚᱢ, ᱟᱫᱷᱩᱱᱤᱠ ᱮᱱᱮᱡ ᱟᱨ Folk ᱮᱱᱮᱡ ᱮ ᱮᱱᱮᱡ ᱞᱮᱱᱟ᱾ ᱵᱨᱤᱴᱤᱥ ᱠᱟᱣᱱᱥᱤᱞ ᱟᱨ ᱮᱹ ᱮᱹᱱ ᱡᱮᱹᱰ ᱜᱨᱤᱱᱰᱚᱞᱥ ᱵᱮᱹᱝᱠ ᱨᱮᱱᱟᱜ ᱟᱹᱭᱩᱨ ᱛᱮ ᱑᱙᱘᱘ ᱥᱮᱨᱢᱟ ᱨᱮ ᱰᱷᱟᱠᱟ ᱡᱩᱱᱤᱭᱚᱨ ᱟᱨᱴ ᱮᱱᱰ ᱥᱮᱨᱮᱧ ᱯᱚᱨᱚᱵᱽ ᱨᱮ ᱢᱚᱱᱤᱯᱩᱨᱤ ᱮᱱᱮᱡ, ᱟᱫᱷᱩᱱᱤᱠ ᱮᱱᱮᱡ ᱟᱨ ᱠᱚᱛᱷᱚᱠ ᱮᱱᱮᱡ ᱪᱮᱛᱟᱱ ᱨᱮ ᱥᱳᱱᱟ ᱨᱮᱱᱟᱜ ᱥᱤᱨᱯᱟᱹ ᱦᱚᱸᱭ ᱧᱟᱢ ᱞᱮᱫᱟ᱾ ᱑᱙᱙᱐ ᱥᱮᱨᱢᱟ ᱨᱮ ᱵᱟᱝᱞᱟᱫᱮᱥ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱥᱤᱠᱷᱱᱟᱹᱛᱷ ᱦᱟᱯᱛᱟ ᱨᱮ ᱠᱚᱛᱷᱚᱠ ᱮᱱᱮᱡ ᱠᱟᱛᱮ ᱯᱟᱹᱦᱤᱞ ᱥᱤᱨᱯᱟᱹᱭ ᱧᱟᱢ ᱞᱮᱫᱟ᱾ ᱚᱱᱟ ᱥᱮᱨᱢᱟ ᱜᱮ ᱩᱱᱤ ᱤᱣᱱᱮᱥᱠᱳ ᱠᱞᱟᱵ ᱨᱮᱱᱟᱜ Cultural ᱥᱤᱨᱯᱟᱹ ᱦᱚᱸᱭ ᱧᱟᱢ ᱞᱮᱫᱟ᱾
ᱵᱮᱱᱟᱡᱤᱨ ᱫᱚ Indian Council for Cultural Relations (ICCR) ᱠᱷᱚᱱ ᱵᱨᱤᱛᱛᱤ ᱧᱟᱢ ᱠᱮᱛᱮ ᱑᱙᱙᱖ ᱥᱮᱨᱢᱟ ᱠᱷᱚᱱ ᱑᱙᱙᱙ ᱥᱮᱨᱢᱟ ᱫᱷᱟᱹᱵᱤᱡ ᱨᱚᱵᱤᱱᱫᱨᱚ ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱳᱲᱤᱥᱤᱛᱮ ᱚᱱᱟᱨᱥ ᱮ ᱯᱟᱥ ᱞᱮᱫᱟ᱾ ᱚᱱᱟᱨᱮ ᱩᱱᱤ ᱯᱟᱹᱦᱤᱞ ᱴᱷᱟᱶᱮ ᱧᱟᱢ ᱞᱮᱫᱟ ᱟᱨ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱳᱱᱟ ᱨᱮᱱᱟᱜ ᱥᱤᱨᱯᱟᱹ ᱠᱩ ᱮᱢᱟᱣᱫᱤ ᱛᱟᱸᱦᱮᱸᱱᱟ᱾ ᱤᱱᱟᱹ ᱛᱟᱭᱚᱢ ᱚᱸᱰᱮ ᱠᱷᱚᱱ ᱜᱮ ᱢᱟᱥᱴᱟᱨᱥ ᱦᱚᱸ ᱯᱟᱹᱦᱤᱞ ᱴᱷᱟᱶᱛᱮᱭ ᱯᱟᱥ ᱠᱮᱫᱟ ᱟᱨ ᱥᱳᱱᱟ ᱨᱮᱱᱟᱜ ᱥᱤᱨᱯᱟᱹᱭ ᱧᱟᱢ ᱠᱮᱫᱟ᱾ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱛᱟᱸᱦᱮ ᱡᱚᱠᱷᱚᱡ ᱩᱱᱤ ᱫᱚ ᱟᱹᱰᱤ ᱢᱟᱨᱟᱝ ᱮᱱᱮᱡ ᱵᱟᱰᱚᱦᱤ ᱢᱩᱨᱟᱞᱤᱫᱷᱟᱨ ᱢᱟᱡᱷᱤ ᱟᱨ ᱯᱩᱥᱞᱤ ᱢᱩᱠᱷᱟᱨᱡᱤ ᱛᱟᱹᱠᱤᱱᱟᱜ ᱟᱹᱭᱩᱨ ᱨᱮᱭ ᱛᱟᱸᱦᱮᱸᱠᱟᱱᱟ᱾
ᱱᱮᱛᱟᱨ ᱫᱚ ᱩᱱᱤ ᱳᱰᱤᱥᱤ ᱮᱱᱮᱡ ᱮ ᱪᱤᱛ ᱟᱹᱠᱩᱣᱟ[᱑] ᱟᱨ ᱵᱟᱝᱞᱟᱫᱮᱥ ᱜᱤᱫᱽᱨᱟᱹ ᱮᱠᱟᱰᱮᱢᱤ ᱨᱮᱱ ᱮᱱᱮᱡ ᱢᱟᱪᱮᱛ ᱠᱟᱱᱟᱭ᱾[᱒]