ᱵᱟᱵᱩᱨᱟᱢ ᱦᱮᱢᱵᱽᱨᱚᱢ

ᱢᱩᱨᱥᱷᱤᱫᱟᱵᱟᱫᱺ-

ᱢᱩᱨᱥᱷᱤᱫᱟᱵᱟᱫ ᱢᱤᱫᱽ ᱴᱟᱝ ᱵᱟᱝᱞᱟ,ᱵᱩᱦᱟᱨ,ᱩᱲᱤᱥᱟᱹ ᱨᱮᱱᱟᱜ ᱟᱹᱫ ᱨᱟᱡᱽᱫᱷᱟᱹᱱᱤ| ᱡᱟᱸᱦᱟ ᱨᱮᱱ ᱵᱮᱱᱟᱣ ᱤᱡᱽ ᱢᱩᱨᱥᱤᱫ ᱠᱩᱞᱤ ᱠᱷᱟᱸ| ᱱᱚᱣᱟ ᱵᱷᱟᱨᱚᱛ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱜᱟᱞ ᱨᱟᱡᱭᱚ ᱨᱮᱱᱟᱜ ᱢᱩᱨᱥᱷᱤᱫᱟᱵᱟᱫ ᱢᱤᱫᱽ ᱱᱟᱜᱟᱨ ᱟᱨ ᱯᱟᱹᱨᱚ ᱥᱚᱵᱷᱟ ᱤᱞᱟᱹᱠᱟ ᱠᱟᱱᱟ| ᱑᱘᱐᱐ ᱥᱷᱚᱛᱟᱵᱫᱤ ᱚᱠᱛᱚ ᱨᱮᱱᱟᱜ ᱢᱩᱨᱥᱷᱤᱫᱟᱵᱟᱫ ᱢᱤᱫᱽ ᱧᱩᱛᱩᱢᱟᱱ ᱱᱟᱜᱟᱨ ᱛᱟᱦᱮᱸ ᱠᱟᱱᱟ|(᱓)(᱔)ᱮᱭᱟᱭ ᱜᱮᱞ ᱥᱮᱨᱢᱟ ᱦᱟᱹᱵᱤᱡᱽ ᱱᱚᱣᱟ ᱢᱩᱜᱷᱚᱞ ᱥᱟᱢᱨᱟᱡᱭᱚ ᱵᱟᱝᱞᱟ ᱥᱩᱵᱟ ᱨᱮᱱᱟᱜ ᱨᱟᱡᱫᱷᱟᱹᱱᱤ ᱛᱟᱦᱮᱸ ᱠᱟᱱᱟ,ᱱᱤᱛᱚᱜ ᱵᱟᱝᱞᱟ ᱫᱤᱥᱚᱢ ᱟᱨ ᱯᱚᱪᱷᱤᱢᱵᱟᱝᱞᱟ,ᱵᱩᱦᱟᱨ ᱟᱨ ᱩᱲᱤᱥᱟᱹ ᱨᱟᱡᱭᱚ ᱨᱮᱱᱟᱜ ᱟᱣᱛᱟ ᱨᱮ ᱱᱚᱣᱟ ᱛᱟᱦᱮᱸ ᱠᱟᱱᱟ| ᱱᱚᱣᱟ ᱛᱟᱦᱮᱸᱠᱟᱱᱟ ᱵᱟᱝᱞᱟ ᱵᱚᱝᱥᱚᱜᱚᱛᱚ ᱱᱚᱵᱟᱵ ᱟᱨ ᱨᱟᱡᱭᱚ ᱨᱮᱱᱟᱜ ᱠᱚᱥᱟᱜᱟᱨ,ᱨᱟᱡᱭᱚ ᱚᱯᱷᱤᱥ ᱟᱨ ᱵᱤᱪᱟᱹᱨ ᱥᱟᱦᱴᱟ ᱨᱮᱱᱟᱜ ᱟᱥᱚᱱ ᱠᱟᱱᱟ| ᱵᱟᱝᱞᱟ ᱛᱟᱦᱮ ᱠᱟᱱᱟ ᱟᱫᱤ ᱠᱤᱥᱟᱹᱲ ᱢᱩᱜᱷᱚᱞ ᱮᱞᱟᱠᱟ| ᱢᱩᱨᱥᱷᱤᱫᱟᱵᱟᱫ ᱛᱟᱦᱮᱸ ᱠᱟᱱᱟ ᱢᱤᱫ ᱠᱟᱨᱵᱟᱨ ᱥᱚᱦᱚᱨ| ᱑᱗᱕᱐ ᱥᱮᱨᱢᱟ ᱨᱮᱱᱟᱜ ᱫᱚᱥᱚᱠ ᱨᱮ ᱡᱚᱱᱚ ᱥᱚᱝᱠᱷᱟ ᱮᱭᱟᱭ ᱞᱟᱠᱷ ᱨᱮ ᱥᱮᱴᱮᱨ ᱟᱠᱟᱱᱟ|ᱱᱚᱣᱟ ᱛᱟᱦᱮᱸ ᱠᱟᱱᱟ ᱡᱚᱜᱚᱛ ᱥᱮᱴᱷ ᱟᱨ ᱟᱨᱢᱮᱱᱤᱭᱳ ᱥᱟᱣ ᱵᱷᱟᱨᱚᱛ ᱩᱯᱚᱢᱟᱦᱟ ᱫᱮᱥᱷ ᱨᱮᱱᱟᱜ ᱟᱭᱢᱟ ᱞᱮᱠᱟᱱ ᱮᱞᱟᱠᱟ ᱟᱨ ᱯᱟᱥᱱᱟᱣ ᱟᱠᱟᱱ ᱠᱤᱥᱟᱹᱲ ᱵᱮᱝᱠᱤᱝ ᱟᱨ ᱠᱟᱨᱵᱟᱨ ᱠᱚᱨᱮᱱ ᱵᱚᱝᱥᱚ ᱠᱚᱣᱟᱜ ᱚᱲᱟᱜ ᱫᱩᱣᱟᱹᱨ|