ᱵᱷᱩᱡᱟᱠᱷᱤᱭᱟ ᱯᱤᱨᱚ

ᱵᱷᱩᱡᱟᱠᱷᱤᱭᱟ ᱯᱤᱨᱟ ᱫᱚ ᱵᱟᱞᱮᱥᱚᱨ ᱡᱤᱞᱞᱟ. ᱨᱮ ᱵᱟᱞᱮᱥᱚᱨ ᱵᱟᱡᱟᱨ ᱨᱮ ᱢᱮᱱᱟᱜ ᱢᱤᱫ ᱢᱩᱥᱞᱤᱢ ᱠᱟᱣᱟᱜ ᱟᱥᱛᱷᱟᱱ ᱠᱟᱱᱟ ᱾ ᱱᱚᱶᱟ ᱫᱚ ᱢᱩᱥᱚᱞᱢᱟᱱ ᱠᱚᱣᱟᱜ ᱠᱟᱱ ᱨᱮᱦᱚᱸ ᱦᱤᱱᱫᱤ, ᱠᱷᱨᱤᱥᱴᱤᱭᱟᱱ ᱠᱚ ᱦᱚᱸ ᱦᱤᱡᱩᱜ ᱜᱮᱭᱟ ।^[᱑] ᱱᱩᱭ ᱯᱤᱨᱚ ᱨᱮᱭᱟᱜ ᱠᱟᱛᱷᱟ ᱫᱚ ᱟᱭᱤᱱ-ᱤ-ᱟᱠᱵᱚᱨᱤ ᱨᱮ ᱚᱞ ᱠᱟᱱᱟ ।^[᱒]

ᱱᱟᱜᱟᱢ

ᱱᱟᱜᱟᱢᱤᱭᱟ. ᱠᱚᱣᱟᱜ ᱠᱟᱛᱷᱟ ᱞᱮᱠᱟᱛᱮ ᱯᱟᱛᱭᱟ.ᱣ ᱢᱮᱱᱟᱜᱻᱟ ᱡᱮᱢᱚᱱ ᱱᱚᱶᱟ ᱴᱷᱟᱶ ᱫᱚ ᱕᱐᱐-᱖᱐᱐ ᱥᱮᱨᱢᱟ ᱥᱮᱫᱟᱭ ᱨᱮᱭᱟᱜ ᱠᱟᱱᱟ ᱾ ᱦᱚᱡᱽᱨᱚᱛ ᱥᱣᱚᱞᱮᱦᱚ ᱢᱚᱦᱚᱢᱢᱚᱫᱽ ᱧᱩᱛᱩᱢ ᱟ.ᱱᱤᱡ ᱢᱤᱫ ᱢᱤᱥᱞᱤᱢ ᱜᱩᱨᱩ ᱵᱟᱵᱟ ᱫᱷᱚᱨᱚᱢ ᱠᱟᱛᱷᱟ ᱦᱟ.ᱴᱤᱧ ᱞᱟ.ᱜᱤᱱ ᱵᱟᱜᱽᱫᱟᱫᱽ ᱠᱷᱚᱱ ᱵᱷᱟᱨᱚᱛ ᱦᱮᱡ ᱠᱟᱛᱮ ᱵᱟᱞᱮᱥᱚᱨ ᱨᱮᱭᱟᱜ 'ᱥᱩᱱᱦᱚᱴ' ᱨᱮ ᱵᱟᱥᱟ ᱞᱮᱱᱟᱭ ᱾ ᱱᱩᱭ ᱜᱮ ᱵᱟᱵᱟ ᱵᱷᱩᱡᱟᱠᱷᱤᱭᱟ ᱯᱤᱨᱚ ᱠᱚ ᱢᱮᱛᱟᱭ ᱠᱟᱱᱟ ᱾ ᱩᱱ ᱚᱠᱛᱚ ᱫᱚ ᱥᱩᱱᱦᱚᱴ ᱨᱮ ᱮᱠᱷᱮᱱ ᱯᱚᱴᱟᱥ ᱫᱟᱨᱮ ᱟᱨ ᱡᱟ.ᱱᱩᱢ ᱞᱟᱴᱟ ᱠᱟ ᱛᱟᱦᱮᱸ ᱠᱟᱱᱟ ᱾ ᱦᱚᱲ ᱠᱚ ᱩᱱᱤᱫᱚ ᱯᱷᱚᱠᱤᱨ ᱵᱟᱵᱟ ᱦᱚᱸ ᱠᱚ ᱧᱩᱛᱩᱢ ᱞᱮᱫᱮᱭᱟ ᱾ ᱱᱩᱭ ᱵᱟᱵᱟ ᱫᱚ ᱠᱚᱭ ᱠᱟᱛᱮ ᱟ.ᱥᱩᱞ ᱞᱮᱱᱟᱭ ᱾ ᱩᱱ ᱚᱠᱛᱚ ᱨᱮ ᱫᱚ ᱡᱷᱚᱛᱚ ᱦᱚᱲ ᱚᱲᱟᱜ ᱨᱮ ᱡᱚᱢᱟᱜ ᱵᱟᱝ ᱧᱟᱢᱚᱜ ᱨᱮᱦᱚᱸ ᱠᱷᱟᱡᱟ.ᱲᱤ(ᱵᱷᱩᱡᱟ/ଭୁଜା/ମୁଢ଼ି) ᱢᱤᱫ ᱪᱩᱯᱩᱫ ᱠᱚᱭ ᱟ.ᱜᱩᱭ ᱛᱟᱦᱮᱸᱫ ᱾ ᱠᱚᱭ ᱟᱜᱩ ᱠᱷᱟ.ᱡᱟ.ᱲᱤ ᱠᱚ ᱜᱤᱫᱽᱨᱟᱭ ᱦᱟ.ᱴᱤᱧ ᱟᱠᱚ ᱛᱟᱦᱮᱸᱫ ᱾ ᱑᱘᱐᱐ ᱥᱟᱞ ᱠᱚᱛᱮ ᱫᱚ ᱱᱩᱭ ᱯᱤᱨᱚ ᱵᱟᱵᱟ ᱟᱭᱢᱟ ᱦᱚᱲ ᱠᱚ‌ᱴᱷᱮᱱ ᱵᱟᱰᱟᱭ ᱧᱟᱢ ᱦᱚᱪᱚ ᱞᱮᱱᱟ ᱾ ᱟᱨ ᱟᱭᱢᱟ ᱦᱚᱲ ᱠᱚ ᱵᱚᱝᱜᱟ ᱵᱩᱨᱩ ᱟᱭ ᱠᱟᱱ ᱛᱟᱦᱮᱸᱫ ᱾ ᱑᱙᱕᱒ ᱨᱮ ᱯᱩᱭᱞᱩ ᱫᱷᱟᱣ ᱫᱷᱟᱢᱱᱚᱜᱚᱨ ᱵᱟᱵᱟ ᱦᱚᱡᱽᱨᱚᱛ ᱢᱚᱣᱩᱞᱟᱱᱟ ᱢᱚᱦᱚᱢᱢᱚᱫᱽ ᱦᱚᱵᱤᱵᱩᱨ ᱨᱮᱦᱢᱟᱱᱻᱟᱜ ᱯᱟᱨᱟᱵᱽ ᱠᱚ ᱢᱟᱱᱟᱣ ᱠᱮᱭᱟ ᱩᱨᱩᱥ ᱾ ᱱᱚᱶᱟ ᱫᱚ ᱢᱤᱫ ᱟᱨᱚᱵᱤᱠ ᱟ.ᱲᱟ. ᱠᱟᱱᱟ ᱾ ᱱᱚᱶᱟ ᱟ.ᱲᱟ. ᱨᱮᱭᱟᱜ ᱢᱮᱱᱮᱛ ᱫᱚ ᱵᱚᱝᱜᱟ ᱵᱩᱨᱩ ᱠᱟᱱᱟ ᱾ ᱵᱚᱪᱷᱚᱨ ᱨᱮ ᱢᱤᱫ ᱢᱟᱦᱟᱸ ᱴᱷᱟᱣᱠᱟ ᱠᱟᱛᱮ ᱦᱤᱱᱫᱩ ᱠᱚ ᱥᱟᱶ ᱱᱚᱶᱟ ᱯᱟᱨᱟᱵᱽ ᱠᱚ ᱢᱟᱱᱟᱣ ᱛᱟᱦᱮᱸᱫ ᱾ ᱑᱙᱕᱒ ᱨᱮ ᱥᱩᱱᱦᱚᱴ ᱨᱮ ᱱᱚᱶᱟ ᱯᱩᱭᱞᱩ ᱫᱷᱟᱣ ᱞᱮᱠᱟᱛᱮ ᱢᱟᱱᱟᱣ ᱮᱦᱚᱵ ᱞᱮᱱᱟ ᱾ ᱧᱩᱛᱩᱢ ᱟᱱ ᱠᱚᱵᱤᱨᱟᱡᱽ ᱞᱚᱢᱵᱳᱫᱚᱨ ᱫᱟᱥ ᱱᱚᱶᱟ ᱨᱤᱱᱤᱡ ᱠᱟ.ᱨᱤᱜᱚᱞ ᱛᱟᱦᱮᱸ ᱞᱮᱱᱟᱭ ᱾ ᱱᱚᱶᱟ ᱵᱟ.ᱜᱤ ᱠᱟᱛᱮ ᱢᱚᱦᱮᱸᱫᱽᱨᱚ ᱫᱟᱥ,ᱥᱤᱵᱚ ᱯᱚᱨᱤᱰᱟ,ᱠᱚᱡᱤ ᱢᱚᱦᱚᱢᱢᱚᱫᱽ ᱮᱢᱟᱱ ᱠᱚ ᱜᱚᱜᱽᱲᱚ ᱞᱮᱠᱟᱛᱮ ᱠᱚ ᱥᱮᱞᱮᱫ ᱞᱮᱱᱟ ᱾ ᱑᱙᱗᱐ ᱠᱷᱚᱱᱟᱜ ᱱᱚᱶᱟ ᱢᱤᱫ ᱥᱮᱨᱢᱟ ᱨᱮ ᱯᱮ ᱢᱟᱦᱟᱸ ᱞᱮᱠᱟ ᱠᱚ ᱴᱟᱱᱟᱣᱻᱫᱟ ᱾ ᱯᱩᱭᱞᱩ ᱦᱤᱞᱚᱜ ᱵᱩᱰᱷᱟᱵᱚᱲᱚᱝᱜᱚ ᱜᱟᱰᱟ ᱠᱷᱚᱱ ᱔᱕ ᱪᱩᱠᱟᱜ ᱫᱟᱜ ᱟᱜᱩ ᱠᱟᱛᱮ ᱪᱚᱱᱫᱚᱱ ᱢᱮᱥᱟ ᱯᱤᱨᱚ ᱵᱟᱵᱟᱻᱟᱜ ᱴᱷᱟᱶ ᱠᱚ ᱟ.ᱨᱩᱵᱽᱻᱟ ᱾ ᱱᱚᱶᱟ ᱫᱚ ᱜᱳᱥᱟᱞ ᱛᱳᱯᱩ ᱠᱚ ᱧᱩᱛᱩᱢᱟᱜ ᱠᱟᱱᱟ ᱾ ᱥᱟ.ᱨᱫᱤ ᱢᱟᱦᱟᱸ ᱦᱤᱞᱚᱜ ᱫᱚ ᱠᱷᱟ.ᱡᱟ.ᱲᱤ ᱠᱚ ᱵᱟᱝᱜᱟ ᱭᱟ ᱟᱨ ᱡᱟ.ᱨᱩᱢ ᱢᱟᱦᱟᱸ ᱦᱤᱞᱚᱜ ᱫᱚ ᱞᱚᱝᱜᱚᱨ ᱟᱨ ᱵᱟᱝ ᱵᱷᱳᱡᱤ ᱦᱩᱭᱩᱜᱻᱟ ᱾ ᱟᱫᱚᱣᱟ ᱪᱟᱣᱞᱮ ᱨᱮᱭᱟᱜ ᱵᱤᱱ ᱟᱸᱭᱥᱚ ᱛᱮ ᱵᱤᱨᱤᱭᱟᱱᱤ ᱠᱚ ᱛᱮᱭᱟᱨᱻᱟ ᱾ ᱱᱚᱶᱟ ᱫᱚ ᱵᱟᱱᱟᱨ ᱦᱤᱱᱫᱩ ᱟᱨ ᱢᱩᱥᱚᱞᱢᱟᱱ ᱦᱚᱸ ᱠᱚ ᱡᱚᱢᱻᱟ ᱾

ᱦᱚᱲ ᱠᱚᱣᱟᱜ ᱯᱟ.ᱛᱭᱟ.ᱣ

ᱯᱷᱚᱠᱤᱨᱢᱳᱦᱚᱱ ᱥᱮᱱᱟᱯᱚᱛᱩᱻᱟᱜ ᱧᱩᱛᱩᱢ ᱫᱚ ᱥᱮᱫᱟᱭ ᱵᱽᱨᱚᱡᱚᱢᱳᱦᱚᱱ ᱥᱮᱱᱟᱯᱚᱛᱤ ᱛᱟᱦᱮᱸ ᱠᱟᱱᱟ ᱾ ᱱᱩᱭ ᱯᱤᱨᱚ ᱥᱮ ᱯᱷᱚᱠᱤᱨᱻᱟᱜ ᱧᱩᱛᱩᱢ ᱤᱫᱤ ᱠᱟᱛᱮ ᱡᱚᱠᱷᱚᱱ ᱠᱚ ᱯᱷᱚᱠᱤᱨᱢᱳᱦᱚᱱ ᱧᱩᱛᱩᱢ ᱟ.ᱨᱩ ᱠᱮᱫᱮᱭᱟ, ᱛᱚᱵᱮ ᱮᱱᱟᱝ ᱱᱩᱭᱟᱜ ᱦᱚᱲᱢᱚ ᱩᱰᱷᱟᱣ ᱠᱟᱱᱟ ।

ᱥᱟ.ᱠᱷᱭᱟ.ᱛ

↑ Mohammed Yamin. Impact of Islam on Orissan Culture. Readworthy. pp. 128–. ISBN 978-93-5018-102-7.
↑ Abū al-Faz̤l ibn Mubārak; Douglas Craven Phillott (2004). The Āʼīn-i Akbarī. Sang-e-Meel Publications. ISBN 978-969-35-1530-5.

[Yamin-1] Mohammed Yamin. Impact of Islam on Orissan Culture. Readworthy. pp. 128–. ISBN 978-93-5018-102-7.

[MubārakPhillott2004-2] Abū al-Faz̤l ibn Mubārak; Douglas Craven Phillott (2004). The Āʼīn-i Akbarī. Sang-e-Meel Publications. ISBN 978-969-35-1530-5.

[᱑]

[᱒]