ᱵᱟᱞᱮᱥᱚᱨ
ᱵᱟᱞᱮᱥᱚᱨ ᱫᱚ ᱳᱰᱤᱥᱟ ᱨᱮᱭᱟᱜ ᱩᱛᱚᱨ ᱱᱟᱠᱷᱟᱨᱮ ᱢᱮᱱᱟᱜ ᱵᱟᱞᱮᱥᱚᱨ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹ ᱵᱟᱡᱟᱨ ᱟᱨ ᱥᱚᱫᱚᱨ ᱢᱚᱦᱠᱩᱢᱟ ᱠᱟᱱᱟ ᱾
| ᱵᱟᱞᱮᱥᱚᱨ ᱵᱟᱞᱮᱥᱚᱨ | |
|---|---|
| ᱵᱟᱡᱟᱨ | |
  ᱵᱟᱞᱮᱥᱚᱨ  ᱵᱟᱞᱮᱥᱚᱨ  ᱵᱟᱞᱮᱥᱚᱨ | |
| Coordinates: 21°29′N 86°56′E / 21.49°N 86.93°ECoordinates: 21°29′N 86°56′E / 21.49°N 86.93°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱦᱚᱱᱚᱛ | ᱵᱟᱞᱮᱥᱚᱨ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱢᱩᱱᱥᱤᱯᱟᱞᱴᱤ |
| • ᱪᱟᱪᱞᱟᱣ | ᱵᱟᱞᱮᱥᱚᱨ ᱢᱩᱱᱥᱤᱯᱟᱞᱴᱤ |
| • ᱯᱟᱨᱞᱤᱭᱟᱢᱮᱴ ᱥᱚᱦᱮᱛ | ᱯᱨᱚᱛᱟᱯ ᱪᱚᱸᱫᱽᱨᱚ ᱥᱟᱨᱚᱝᱜᱤ (BJP) |
| • Member of Legislative Assembly | ᱢᱚᱫᱚᱱ ᱢᱚᱦᱚᱱ ᱫᱩᱛᱟ(BJP) |
| ᱮᱨᱤᱭᱟ | |
| • ᱵᱟᱡᱟᱨ | 88 ᱠᱤᱢᱤ২ (34 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 16 ᱢᱤᱴᱚᱨ (52 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • ᱵᱟᱡᱟᱨ | ᱑᱔᱔,᱓᱗᱓ |
| • ᱰᱮᱱᱥᱤᱴᱤ | 1600/ᱠᱤᱢᱤ2 (4200/ᱜᱟᱺᱴ ᱢᱟᱹᱭᱤᱞ) |
| • ᱢᱟᱦᱟᱱᱟᱜᱟᱨ | ᱑᱗᱗,᱕᱕᱗ |
| Demonym(s) | ᱵᱟᱞᱮᱥᱚᱨᱤᱭᱟ |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱳᱰᱤᱭᱟᱹ[᱑] |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | 756001-756xxx |
| ᱴᱮᱞᱤᱯᱷᱳᱱ ᱠᱳᱰ | 06782 |
| ᱜᱟᱹᱰᱤ ᱨᱤᱡᱤᱥᱴᱨᱤ | OD - 01(Previously OR - 01) |
| UN/LOCODE | IN BLS |
| ᱣᱮᱵᱽᱥᱟᱭᱤᱴ | baleswar |
ᱱᱚᱣᱟ ᱫᱚ ᱳᱰᱤᱥᱟ ᱨᱮᱭᱟᱜ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱚᱨ ᱠᱷᱚᱱ ᱫᱚ ᱑᱙᱔ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱵᱟᱞᱮᱥᱚᱨ ᱵᱟᱡᱟᱨ ᱨᱮᱭᱟᱜ ᱯᱨᱚᱥᱟᱥᱚᱱᱤᱠ ᱢᱩᱠᱷᱤᱭᱟᱹ ᱴᱚᱴᱷᱟ, ᱥᱚᱨᱠᱟᱨᱤ ᱳᱯᱷᱤᱥ, ᱟᱨ ᱵᱮᱥᱚᱨᱠᱟᱨᱤ ᱠᱚᱢᱯᱟᱱᱤ ᱨᱮᱭᱟᱜ ᱢᱩᱠᱷᱤᱭᱟᱹ ᱳᱯᱷᱤᱥ ᱮᱢᱟᱱ ᱢᱮᱱᱟᱜ-ᱟ ᱾ ᱵᱟᱞᱮᱥᱚᱨ ᱨᱮᱭᱟᱜ ᱪᱟᱸᱫᱤᱯᱩᱨ ᱵᱮᱲᱟᱵᱷᱩᱢᱤ, ᱠᱷᱤᱨᱚᱪᱳᱨᱟ ᱜᱳᱯᱤᱱᱟᱛᱷ ᱢᱩᱫᱽᱨᱤ, ᱪᱚᱸᱫᱽᱱᱮᱥᱣᱚᱨ ᱢᱩᱫᱽᱨᱤ, ᱵᱷᱩᱥᱚᱸᱰᱮᱥᱣᱚᱨ ᱢᱩᱫᱽᱨᱤ, ᱛᱟᱲᱚᱥᱟᱨᱤ ᱵᱮᱲᱟᱵᱷᱩᱢᱤ, ᱯᱚᱧᱪᱚᱞᱤᱸᱜᱮᱥᱣᱚᱨ ᱢᱩᱫᱽᱨᱤ, ᱟᱨ ᱦᱚᱸ ᱟᱹᱰᱤᱜᱟᱱ ᱧᱮᱢᱮᱞ ᱴᱚᱴᱷᱟ ᱠᱚ ᱢᱮᱱᱟᱜ-ᱟ ᱾ ᱵᱟᱞᱮᱥᱚᱨ ᱫᱚ ᱳᱰᱤᱥᱟ ᱥᱟᱶᱦᱮᱫ ᱟᱨ ᱵᱟᱰᱚᱦᱤ ᱨᱮᱭᱟᱜ ᱢᱤᱞᱚᱱ ᱴᱚᱴᱷᱟ ᱠᱟᱱᱟ ᱾ ᱳᱰᱤᱥᱟ ᱥᱟᱶᱦᱮᱫ ᱨᱤᱱ ᱟᱹᱰᱤᱜᱟᱱ ᱧᱩᱛᱩᱢᱟᱱ ᱥᱤᱨᱡᱚᱱᱤᱭᱟᱹ, ᱯᱷᱳᱠᱤᱨ ᱢᱳᱦᱚᱱ ᱥᱮᱱᱟᱯᱚᱛᱤ, ᱨᱟᱫᱷᱟᱱᱟᱛᱷ ᱨᱟᱭ, ᱫᱤᱱᱚᱠᱨᱩᱥᱱᱚ ᱫᱟᱥ, ᱢᱚᱱᱳᱡᱽ ᱫᱟᱥ, ᱵᱨᱚᱡᱚᱱᱟᱛᱷ ᱨᱚᱛᱷᱚ, ᱠᱚᱢᱚᱞᱟᱱᱟᱛᱷ ᱞᱮᱝᱠᱟ ᱮᱢᱟᱱ ᱠᱚᱣᱟᱜ ᱱᱚᱣᱟ ᱫᱚ ᱵᱮᱲᱟᱵᱷᱩᱢᱤ ᱾
ᱱᱟᱜᱟᱢ
ᱥᱟᱯᱲᱟᱣ.jpg)
ᱯᱟᱹᱦᱤᱞ ᱫᱚ ᱵᱟᱞᱮᱥᱚᱨ ᱫᱚ ᱛᱟᱦᱮᱸ ᱠᱟᱱᱟ ᱳᱰᱤᱥᱟ ᱨᱮᱭᱟᱜ ᱢᱤᱫ ᱞᱟᱹᱣᱵᱟᱹᱱᱤᱡ ᱜᱷᱟᱴ ᱾ ᱯᱷᱤᱨᱤᱝᱜᱤ,ᱯᱨᱮᱸᱪ, ᱚᱞᱚᱱᱫᱟᱡᱽ ᱠᱚᱣᱟᱜ ᱡᱟᱦᱟᱡᱽ ᱫᱚ ᱡᱚᱛᱚ ᱱᱚᱰᱮ ᱦᱤᱡᱩᱜ ᱠᱟᱱ ᱛᱟᱦᱮᱸᱫ ᱾ ᱤᱠᱷᱟᱹᱱ ᱛᱟᱭᱚᱢ ᱫᱚ ᱵᱟᱞᱮᱥᱚᱨ ᱫᱚ ᱯᱷᱤᱨᱤᱝᱜᱤ ᱠᱚᱣᱟᱜ ᱛᱤᱛᱮ ᱪᱟᱞᱟᱣ ᱮᱱᱟ ᱾
᱑᱗᱖᱓ ᱥᱟᱞᱮᱨᱮ ᱵᱟᱞᱮᱥᱚᱨ ᱫᱚ ᱰᱟᱱᱤᱥ ᱠᱚᱣᱟᱜ ᱚᱫᱷᱤᱠᱟᱨ ᱨᱮ ᱛᱟᱦᱮᱸ ᱠᱟᱱᱟ ᱾ ᱤᱱᱟᱹ ᱛᱟᱭᱚᱢ ᱴᱮᱢᱮᱡ ᱜᱷᱟᱴ ᱠᱷᱟᱹᱛᱤᱨ ᱱᱚᱣᱟ ᱫᱚ ᱟᱨ ᱵᱟᱝ ᱵᱮᱵᱷᱟᱨ ᱨᱮᱭᱟᱜ ᱠᱚ ᱴᱷᱟᱹᱣᱠᱟᱹ ᱠᱮᱫ-ᱟ ᱾ ᱤᱱᱟᱹ ᱛᱟᱭᱚᱢ ᱤᱸᱝᱨᱮᱡᱽ ᱠᱚ ᱱᱚᱰᱮ ᱟᱠᱚᱣᱟᱜ ᱛᱷᱟᱢᱜᱟᱹᱰᱤ ᱞᱟᱹᱜᱤᱫ ᱠᱚ ᱨᱤᱠᱟᱹ ᱠᱮᱫ-ᱟ ᱾
ᱵᱟᱞᱮᱥᱚᱨ ᱫᱚ ᱵᱟᱨ ᱜᱮᱥᱟᱭ ᱥᱮᱨᱢᱟ ᱨᱮᱭᱟᱜ ᱱᱟᱜᱟᱨ ᱾ ᱟᱹᱰᱤ ᱯᱟᱹᱦᱤᱞ ᱠᱷᱚᱱ ᱵᱟᱞᱮᱥᱚᱨ ᱫᱚ ᱢᱤᱫ ᱩᱛᱱᱟᱹᱣ ᱜᱷᱟᱴ ᱛᱟᱦᱮᱸ ᱠᱟᱱᱟ ᱾ ᱢᱟᱨᱮᱱ ᱠᱟᱛᱷᱟ ᱞᱮᱠᱟᱛᱮ ᱚᱥᱩᱨ ᱨᱟᱡᱟ ᱵᱟᱬᱟᱥᱩᱨ ᱟᱜ ᱧᱩᱛᱩᱢ ᱞᱮᱠᱟᱛᱮ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ ᱪᱷᱟᱹᱴᱭᱟᱹᱨ ᱟᱠᱟᱱᱟ ᱢᱮᱱᱛᱮ ᱯᱟᱹᱛᱭᱟᱹᱣ ᱢᱮᱱᱟᱜ-ᱟ ᱾ ᱯᱟᱹᱦᱤᱞ ᱳᱰᱤᱭᱟᱹ ᱚᱱᱚᱬᱦᱤᱭᱟᱹ ᱥᱤᱥᱩ ᱥᱚᱝᱠᱚᱨ ᱫᱟᱥ ᱟᱜ ᱩᱪᱪᱟᱵᱷᱤᱲᱟᱥᱚ ᱚᱱᱚᱬᱦᱮ ᱨᱮ ᱵᱟᱬᱟᱥᱩᱨ ᱤᱡ ᱦᱚᱯᱚᱱ ᱮᱨᱟ ᱟᱨ ᱠᱟᱵᱽᱭᱚ ᱱᱟᱭᱤᱠᱟ 'ᱩᱥᱟ' ᱠᱤᱱᱟᱜ ᱡᱟᱱᱟᱢ ᱴᱚᱴᱷᱟ ᱛᱟᱦᱮᱸ ᱠᱟᱱᱟ ᱵᱟᱞᱮᱥᱚᱨ ᱫᱚ ᱾ ᱵᱟᱬᱟᱥᱩᱨ ᱟᱜ ᱨᱟᱡᱽ ᱫᱚ ᱥᱩᱵᱚᱨᱱᱚᱨᱮᱠᱷᱟ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱵᱚᱭᱛᱚᱨᱚᱬᱤ ᱫᱷᱟᱹᱵᱤᱡ ᱯᱟᱥᱱᱟᱣ ᱠᱟᱛᱮ ᱛᱟᱦᱮᱸ ᱠᱟᱱᱟ ᱟᱨ ᱱᱚᱣᱟ ᱯᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱫᱚ ᱛᱟᱦᱮᱸ ᱠᱟᱱᱟ 'ᱥᱚᱬᱤᱛᱚᱯᱩᱨ' ᱾ ᱥᱨᱤᱠᱨᱩᱥᱱᱚ ᱟᱨ ᱵᱚᱬᱟᱥᱩᱨ ᱛᱟᱞᱟᱨᱮ ᱦᱩᱭ ᱞᱮᱱ ᱞᱟᱹᱰᱷᱟᱹᱭ ᱫᱚ ᱱᱚᱰᱮ ᱜᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ [᱒]ᱳᱰᱤᱭᱟᱹ ᱥᱟᱶᱦᱮᱫ ᱨᱤᱱ ᱟᱹᱰᱤᱜᱟᱱ ᱚᱱᱚᱬᱦᱤᱭᱟᱹ ᱟᱨ ᱚᱱᱚᱞᱤᱭᱟᱹ ᱠᱚᱣᱟᱜ ᱱᱮᱰᱮ ᱜᱮ ᱡᱟᱱᱟᱢ ᱦᱩᱭ ᱟᱠᱟᱱᱟ ᱾ ᱱᱚᱣᱟ ᱨᱮᱭᱟᱫ ᱢᱟᱨᱮ ᱧᱩᱛᱩᱢ ᱫᱚ ᱠᱳᱥᱚᱢᱵᱚ ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱜᱨᱤᱠ ᱚᱛᱱᱚᱜᱤᱭᱟᱹ ᱴᱚᱞᱮᱢᱤ ᱟᱡᱟᱜ ᱯᱚᱛᱚᱵ ᱨᱮᱭ ᱚᱞ ᱟᱠᱟᱫ-ᱟ ᱾ ᱱᱚᱣᱟ ᱪᱷᱟᱰᱟ ᱠᱟᱛᱮ 'ᱯᱤᱯᱤᱞᱤ ᱯᱚᱴ' ᱳᱰᱤᱭᱟᱹ ᱥᱟᱫᱷᱚᱵᱽ ᱦᱚᱯᱚᱱ ᱠᱚᱣᱟᱜ ᱵᱤᱫᱮᱥ ᱵᱮᱯᱟᱨ ᱵᱟ.ᱱᱤᱡ ᱚᱠᱛᱚᱨᱮ ᱢᱤᱫ ᱧᱩᱛᱩᱢᱟᱱ ᱜᱷᱟᱴ ᱛᱟᱦᱮᱸ ᱠᱟᱱᱟ ᱾ ᱠᱷᱚᱨᱤᱫᱚᱯᱤᱯᱯᱚᱞ, ᱡᱷᱟᱵᱯᱤᱯᱯᱚᱞ ᱞᱮᱠᱟᱱ ᱟᱹᱛᱩ ᱠᱚᱫᱚ ᱱᱚᱣᱟ ᱧᱩᱛᱩᱢ ᱠᱷᱚᱱ ᱜᱮ ᱦᱮᱡ ᱟᱠᱟᱱᱟ ᱾ ᱟᱨᱮ ᱠᱷᱚᱱ ᱜᱮᱵᱟᱨ ᱥᱟᱭ ᱥᱚᱛᱟᱵᱽᱫᱷᱤ ᱛᱟᱞᱟᱨᱮ ᱡᱟᱦᱟᱸᱭ ᱚᱱᱚᱬᱦᱤᱭᱟᱹ ᱠᱚ ᱚᱱᱚᱬᱦᱮ ᱠᱚ ᱚᱞ-ᱛᱚᱞ ᱠᱟᱛᱮ ᱳᱰᱤᱭᱟᱹ ᱥᱟᱶᱦᱮᱫ ᱨᱮᱭᱟᱜ ᱨᱮᱦᱮᱫ ᱠᱚ ᱠᱮᱴᱮᱡ ᱞᱮᱫ-ᱟ ᱡᱟᱦᱟᱸ ᱫᱚ ᱛᱟᱭᱚᱢ ᱛᱚ ᱵᱟᱸᱜᱽᱞᱟ, ᱟᱥᱟᱢᱤᱭᱟᱹ ᱯᱟᱹᱨᱥᱤ ᱥᱟᱶᱦᱮᱫ ᱨᱮ ᱴᱷᱟᱶ ᱮ ᱟᱢᱮᱴ ᱞᱮᱫ-ᱟ, ᱩᱱᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱛᱤᱱᱟᱹᱝᱜᱟᱱ ᱟᱜ ᱫᱚ ᱵᱟᱞᱮᱥᱚᱨ ᱨᱮ ᱦᱩᱭ ᱟᱠᱟᱱᱟ ᱾ [᱓] ᱤᱱᱟᱹ ᱛᱟᱭᱚᱢ ᱯᱩᱨᱤ ᱡᱚᱜᱚᱱᱱᱟᱛᱷ ᱢᱚᱴᱷᱳ ᱨᱤᱱᱤᱡ ᱜᱮᱞ ᱟᱹᱱᱤᱡ ᱥᱚᱝᱠᱚᱨᱟᱪᱟᱨᱭᱚ ᱟᱨ ᱵᱷᱟᱜᱽᱵᱚᱛ ᱨᱤᱱᱤᱡ ᱴᱤᱠᱟᱠᱟᱨ ᱥᱨᱤᱫᱷᱚᱨ ᱥᱣᱟᱢᱤ ᱟᱨ ᱧᱩᱛᱩᱢᱟᱱ ᱥᱟᱱᱟᱥᱤᱭᱟᱹ ᱵᱚᱲᱚᱫᱮᱵᱽ ᱵᱤᱫᱭᱟᱵᱷᱩᱥᱚᱬ ᱱᱚᱰᱮ ᱠᱚ ᱡᱟᱱᱟᱢ ᱞᱮᱱᱟ ᱾
ᱚᱛᱱᱚ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "52nd REPORT OF THE COMMISSIONER FOR LINGUISTIC MINORITIES IN INDIA" (PDF). nclm.nic.in. Ministry of Minority Affairs. Archived from the original (PDF) on 25 ᱢᱮ 2017. Retrieved 6 ᱡᱟᱱᱩᱣᱟᱨᱤ 2019.
{{cite web}}: Unknown parameter|deadurl=ignored (help) - ↑ ᱟᱨᱛᱚᱵᱚᱞᱞᱚᱵᱷ ᱢᱚᱦᱟᱱᱛᱤ, ᱢᱩᱠᱷᱚᱵᱚᱱᱫᱷᱚ, ᱩᱪᱪᱟᱵᱷᱤᱲᱟᱥ, ᱥᱤᱥᱩ ᱥᱚᱝᱠᱚᱨ ᱫᱟᱥ
- ↑ ᱯᱨᱚ. ᱯᱨᱚᱦᱞᱟᱫᱽ ᱪᱚᱨᱚᱬ ᱢᱚᱦᱟᱱᱛᱤ
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Balasore ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |