ᱵᱷᱩᱯᱮᱥ ᱵᱟᱜᱷᱮᱞ
ᱵᱷᱩᱯᱮᱥ ᱵᱟᱜᱷᱮᱞ (ᱡᱟᱱᱟᱢᱺ ᱒᱓ ᱟᱜᱚᱥᱴ ᱑᱙᱖᱑) ᱫᱚ ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱢᱤᱫᱴᱟᱹᱝ ᱨᱟᱡᱟᱨᱤᱭᱟᱹ ᱠᱟᱱᱟᱭ ᱟᱨ ᱱᱟᱦᱟᱜ ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱦᱚᱸ ᱠᱟᱱᱟᱭ ᱾[᱑] ᱩᱱᱤ ᱫᱚ ᱪᱷᱚᱛᱛᱤᱥᱜᱚᱲ ᱯᱨᱚᱫᱮᱥ ᱠᱚᱝᱜᱽᱨᱮᱥ ᱠᱚᱢᱤᱴᱤ ᱨᱤᱱᱤᱡ ᱯᱟᱨᱥᱮᱛ ᱠᱟᱱᱟᱭ ᱾[᱒][᱓] ᱩᱱᱤ ᱫᱚ ᱟᱭᱢᱟ ᱫᱷᱟᱣ ᱯᱟᱴᱟᱱ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱠᱷᱚᱱᱮ ᱵᱟᱪᱷᱟᱣ ᱚᱪᱚ ᱞᱮᱱᱟ ᱾ ᱩᱱᱤ ᱫᱚ ᱯᱚᱞᱚᱢᱮᱱ ᱟᱨᱮ ᱜᱮᱞ ᱜᱮᱞᱟᱱᱟᱜ ᱥᱮᱨᱢᱟ ᱨᱮ ᱨᱮ ᱵᱤᱱ ᱠᱮᱪᱮᱫ ᱢᱚᱫᱷᱭᱚ ᱯᱨᱚᱫᱮᱥ ᱨᱮ ᱫᱤᱜᱽ ᱵᱤᱡᱚᱭ ᱥᱚᱨᱠᱟᱨ ᱟᱜ ᱢᱚᱱᱛᱨᱤ ᱠᱮᱵᱤᱱᱮᱴ ᱨᱮ ᱢᱚᱱᱛᱨᱤ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱟᱹᱦᱤᱞ ᱨᱤᱵᱷ ᱾ ᱱᱤᱣ, ᱫᱤᱥᱣᱟᱹ ᱱᱤᱯᱷᱩᱴ ᱦᱚᱲᱢᱚ ᱟᱨ ᱨᱤᱞᱤᱯᱷ ᱠᱟᱹᱢᱤ ᱞᱟᱜᱤᱫ ᱪᱷᱚᱛᱛᱤᱥᱜᱚᱲ ᱨᱤᱱᱤᱡ ᱢᱚᱱᱛᱨᱤ ᱞᱮᱠᱟᱛᱮ ᱠᱚ ᱵᱟᱦᱟᱞ ᱞᱮᱫᱮᱭᱟ ᱾
| ᱵᱷᱩᱯᱮᱥ ᱵᱷᱟᱜᱮᱞ | |
|---|---|
 | |
| ᱪᱷᱚᱛᱛᱤᱥᱜᱚᱲ ᱓ ᱟᱹᱱᱤᱡ ᱥᱤᱨᱟᱹ ᱢᱚᱱᱛᱨᱤ | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱑᱗ ᱰᱤᱥᱮᱢᱵᱚᱨ ᱒᱐᱑᱘ | |
| ᱯᱚᱱᱚᱛᱤᱭᱟᱹ | ᱟᱱᱟᱱᱫᱤ ᱵᱮᱱ ᱯᱟᱴᱮᱞ ᱟᱱᱩᱥᱩᱭᱟ ᱩᱭᱠᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱨᱟᱢᱟᱱ ᱥᱤᱝ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱒᱓ ᱚᱠᱴᱚᱵᱚᱨ ᱑᱙᱖᱑ ᱫᱩᱨᱜᱽ, ᱢᱚᱫᱷᱭᱚ ᱯᱨᱚᱫᱮᱥ, ᱥᱤᱧᱚᱛ |
| ᱨᱟᱡᱽᱟᱹᱨᱤ ᱫᱚᱞ | ᱤᱱᱰᱤᱭᱟᱱ ᱱᱮᱥᱚᱱᱟᱞ ᱠᱚᱝᱜᱽᱨᱮᱥ |
| ᱡᱤᱭᱚᱱ ᱥᱚᱦᱮᱫ | ᱢᱩᱛᱮᱥᱣᱚᱨᱤ ᱵᱷᱟᱜᱮᱞ |
| ᱦᱚᱯᱚᱱ | ᱔ |
ᱮᱛᱚᱦᱚᱵ ᱡᱤᱭᱚᱱ
ᱥᱟᱯᱲᱟᱣ᱒᱓ ᱟᱜᱚᱥᱴ ᱑᱙᱖᱑ ᱢᱟᱹᱦᱤᱛ ᱨᱮ ᱵᱷᱩᱯᱮᱥ ᱵᱟᱜᱷᱮᱞ ᱫᱚ ᱫᱩᱨᱜᱽ ᱦᱚᱱᱚᱛ ᱨᱮᱭᱮ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱨᱤᱱ ᱟᱯᱟᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱱᱟᱱᱫᱽ ᱠᱩᱢᱟᱨ ᱵᱟᱜᱷᱮᱞ ᱟᱨ ᱮᱝᱜᱟᱛᱮᱫ ᱟᱜ ᱧᱩᱛᱩᱢ ᱫᱚ ᱵᱤᱱᱫᱮᱥᱣᱚᱨᱤ ᱾ ᱩᱱᱠᱩ ᱫᱚ ᱢᱟᱱᱣᱟ ᱠᱩᱲᱢᱤ ᱥᱚᱢᱟᱡᱽ ᱨᱮᱱ ᱦᱚᱲ ᱠᱟᱱᱟ ᱠᱚ ᱾ ᱩᱱᱠᱩ ᱣᱟᱜ ᱜᱷᱟᱨᱚᱸᱡᱽ ᱨᱮ ᱯᱟᱹᱦᱤᱞ ᱟᱨᱡᱟᱣ ᱨᱮᱭᱟᱜ ᱦᱚᱨ ᱫᱚ ᱪᱟᱥ-ᱟᱵᱟᱫᱽ ᱜᱮ ᱠᱟᱱᱟ ᱾
ᱨᱟᱡᱟᱨᱤ
ᱥᱟᱯᱲᱟᱣᱵᱷᱩᱯᱮᱥ ᱵᱟᱜᱷᱮᱞ ᱫᱚ ᱟᱡᱟᱜ ᱨᱟᱡᱟᱹᱨᱤ ᱡᱤᱭᱚᱱ ᱡᱩᱣᱟᱹᱱ ᱠᱚᱝᱜᱽᱨᱮᱥ ᱠᱷᱚᱱᱮ ᱮᱛᱚᱦᱚᱵ ᱞᱮᱫᱟ ᱟᱨ ᱚᱞ ᱤᱱᱰᱤᱭᱟ ᱠᱚᱝᱜᱽᱨᱮᱥ ᱠᱚᱢᱤᱴᱤ ᱨᱮᱱ ᱨᱟᱹᱥᱟᱹᱭᱟᱹᱭ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱟᱨᱦᱚᱸ ᱯᱚᱱᱚᱛ ᱠᱚᱝᱜᱽᱨᱮᱥ ᱠᱚᱢᱤᱴᱤ ᱨᱮᱱ ᱡᱚᱜᱚ ᱥᱩᱛᱨᱮᱛ ᱟᱨ ᱯᱨᱚᱜᱽᱨᱟᱢ ᱠᱚ-ᱚᱰᱤᱱᱮᱴᱚᱨᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱙᱓ ᱥᱮᱨᱢᱟ ᱨᱮ ᱯᱟᱴᱟᱱ ᱴᱚᱴᱷᱟ ᱠᱷᱚᱱ ᱢᱚᱫᱷᱭᱚ ᱯᱨᱚᱫᱮᱥ ᱵᱤᱫᱷᱟᱱ ᱥᱚᱵᱦᱟ ᱛᱮᱭᱮ ᱵᱟᱪᱷᱟᱣ ᱚᱪᱚ ᱞᱮᱱᱟ, ᱤᱱᱟᱹ ᱛᱟᱭᱚᱢ ᱟᱭᱢᱟ ᱫᱷᱟᱣ ᱚᱱᱟ ᱴᱚᱴᱷᱟ ᱠᱷᱚᱱ ᱜᱮᱭᱮ ᱡᱤᱛᱠᱟᱹᱨ ᱞᱮᱱᱟ ᱾
ᱵᱦᱟᱜᱮᱞ ᱫᱚ ᱑᱙᱙᱘ ᱥᱮᱨᱢᱟ ᱠᱷᱚᱱ ᱑᱙᱙᱙ ᱥᱮᱨᱢᱟ ᱦᱟᱹᱵᱤᱡ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮ ᱫᱤᱜᱽ ᱵᱤᱡᱚᱭ ᱥᱤᱝ ᱟᱜ ᱥᱚᱨᱠᱟᱨᱮ ᱠᱮᱵᱤᱱᱮᱴ ᱢᱚᱱᱛᱨᱤ ᱞᱮᱠᱟ ᱛᱮ ᱠᱚ ᱵᱟᱦᱟᱞ ᱞᱮᱫᱮᱭᱟ ᱾
ᱩᱱᱤ ᱫᱚ ᱟᱨᱦᱚᱸ ᱒᱐᱑᱓ ᱥᱮᱨᱢᱟ ᱯᱟᱴᱟᱱ ᱵᱤᱫᱷᱟᱱ ᱥᱚᱵᱷᱟ ᱠᱷᱚᱱᱮ ᱡᱤᱛᱠᱟᱹᱨ ᱮᱱᱟ, ᱟᱨ ᱪᱷᱚᱛᱛᱤᱥᱜᱚᱲ ᱣᱟᱨᱠᱤᱝ ᱮᱥᱮᱢᱵᱽᱞᱤ ᱠᱚᱢᱤᱴᱤ ᱨᱮᱱ ᱨᱟᱹᱥᱟᱹᱭᱟᱹᱭ ᱵᱮᱱᱟᱣ ᱮᱱᱟ ᱾
ᱥᱤᱨᱟᱹ ᱢᱚᱱᱛᱨᱤ
ᱥᱟᱯᱲᱟᱣᱵᱟᱜᱷᱮᱞ ᱫᱚ ᱵᱟᱨᱭᱟ ᱢᱟᱨᱟᱝ ᱜᱚᱜ ᱠᱟᱛᱷᱟᱭ ᱫᱚ ᱦᱚ ᱞᱮᱫᱟ ᱢᱤᱫ ᱫᱚ ᱪᱟᱹᱥᱤ ᱞᱚᱱ ᱤᱠᱟᱹ ᱟᱨ ᱢᱤᱫ ᱫᱚ ᱪᱟᱥ ᱡᱤᱱᱤᱥ ᱨᱮᱭᱟᱜ ᱫᱟᱢ ᱕᱐% ᱵᱟᱲᱦᱟᱣ, ᱟᱡᱟᱜ ᱠᱤᱨᱤᱭᱟᱹ ᱢᱤᱫ ᱜᱷᱟᱹᱲᱤᱡ ᱛᱟᱭᱚᱢ ᱠᱷᱟᱱ ᱜᱮ ᱚᱱᱟᱭ ᱯᱩᱨᱟᱹᱣ ᱠᱮᱫᱟ ᱾
ᱮᱯᱨᱤᱞ ᱪᱟᱸᱫᱚ ᱒᱐᱑᱙ ᱥᱮᱨᱢᱟ ᱨᱮ, ᱱᱟᱠᱥᱟᱞ ᱮᱮᱴᱮᱠ ᱛᱮ ᱢᱚᱬᱮ ᱦᱚᱲ ᱠᱚ ᱜᱚᱡ ᱮᱱᱟ, ᱩᱱᱠᱩ ᱢᱩᱫᱽ ᱨᱮ ᱢᱤᱫᱴᱟᱹᱝ ᱫᱚ ᱵᱤᱨᱩᱫᱷᱤ ᱯᱟᱨᱴᱤ ᱨᱮᱱ ᱮᱢᱹᱮᱞᱹᱮᱹ ᱛᱟᱦᱮᱸ ᱠᱟᱱᱟᱭ ᱾