ᱵᱷᱳᱡᱽᱯᱩᱨ ᱦᱚᱱᱚᱛ

ᱵᱤᱦᱟᱨ ᱨᱮᱱᱟᱜ ᱦᱚᱱᱚᱛ, ᱥᱤᱧᱚᱛ

ᱵᱷᱳᱡᱽᱯᱩᱨ ᱦᱚᱱᱚᱛ ᱫᱚ ᱥᱤᱧᱚᱛ ᱨᱮ ᱵᱤᱦᱟᱨ ᱯᱚᱱᱚᱛ ᱨᱮᱭᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹᱥᱟᱲᱟ ᱫᱚ ᱟᱨᱟ ᱠᱟᱱᱟ ᱾ [᱑][᱒]

ᱵᱷᱳᱡᱽᱯᱩᱨ ᱦᱚᱱᱚᱛ
भोजपुर
ᱵᱤᱦᱟᱨ ᱨᱮᱭᱟᱜ ᱦᱚᱱᱚᱛ
ᱵᱤᱦᱟᱨ ᱨᱮᱭᱟᱜ ᱦᱚᱱᱚᱛ ᱵᱷᱳᱡᱽᱯᱩᱨ ᱨᱮᱭᱟᱜ ᱞᱳᱠᱮᱥᱚᱱ
ᱵᱤᱦᱟᱨ ᱨᱮᱭᱟᱜ ᱦᱚᱱᱚᱛ ᱵᱷᱳᱡᱽᱯᱩᱨ ᱨᱮᱭᱟᱜ ᱞᱳᱠᱮᱥᱚᱱ
Coordinates (Arrah): 25°46′N 84°52′E / 25.767°N 84.867°E / 25.767; 84.867
ᱫᱤᱥᱚᱢᱥᱤᱧᱚᱛ
ᱯᱚᱱᱚᱛᱵᱤᱦᱟᱨ
ᱠᱷᱚᱸᱰᱯᱟᱴᱱᱟ
ᱢᱩᱠᱷᱤᱭᱟᱹᱥᱟᱲᱟᱟᱨᱟ
ᱥᱚᱨᱠᱟᱨ
 • ᱰᱤᱥᱴᱨᱤᱠᱴ ᱠᱳᱞᱮᱠᱴᱚᱨᱥᱚᱧᱡᱤᱵᱽ ᱠᱩᱢᱟᱨ (IAS)
 • ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ᱑ ᱢᱟᱹᱪᱤ (ᱟᱨᱟ)
ᱮᱨᱤᱭᱟ
 • Total2395 ᱠᱤᱢᱤ (925 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(2011)
 • Total᱒,᱗᱒᱘,᱔᱐᱗
 • ᱰᱮᱱᱥᱤᱴᱤ1100/ᱠᱤᱢᱤ2 (3000/ᱜᱟᱺᱴ ᱢᱟᱹᱭᱤᱞ)
ᱦᱚᱲ ᱮᱞᱮᱞ
 • ᱥᱤᱠᱷᱱᱟᱹᱛ70.47%
 • Sex ratio907
IST (ᱭᱩᱴᱤᱥᱤ+05:30)
ᱜᱟᱹᱰᱤ ᱨᱤᱡᱤᱥᱴᱨᱤBR-03
ᱢᱩᱬᱩᱛ ᱦᱚᱨ ᱠᱚNH-84, NH-30
ᱣᱮᱵᱽᱥᱟᱭᱤᱴhttp://bhojpur.bih.nic.in

ᱴᱷᱟᱹᱣᱠᱟᱹᱱ ᱥᱟᱯᱲᱟᱣ

ᱵᱤᱦᱟᱨ ᱨᱮᱭᱟᱜ ᱨᱟᱡᱽᱜᱟᱲ ᱯᱟᱴᱱᱟ ᱠᱷᱚᱱ ᱫᱚ ᱜᱮᱯᱩᱱ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱵᱷᱳᱡᱽᱯᱩᱨ ᱫᱚ ᱱᱟᱜᱟᱢᱮᱛ ᱨᱮᱭᱟᱜ ᱢᱚᱦᱚᱛ ᱮ ᱫᱚᱦᱚᱭᱟ ᱾[᱓] ᱵᱷᱳᱡᱽᱯᱩᱨ ᱦᱚᱱᱚᱛ ᱨᱤᱱ ᱵᱚᱥᱠᱚᱫᱤᱭᱟᱹ ᱠᱚᱣᱟᱜ ᱢᱩᱠᱷᱤᱭᱟᱹ ᱵᱮᱵᱽᱥᱟᱭ ᱫᱚ ᱪᱟᱥᱵᱟᱥ ᱠᱟᱱᱟ ᱾ ᱵᱷᱳᱡᱽᱯᱩᱨ ᱨᱮᱭᱟᱜ ᱥᱤᱢᱟᱹ ᱫᱚ ᱯᱮ ᱯᱟᱦᱴᱟ ᱠᱷᱚᱱ ᱱᱟᱹᱭ ᱛᱮ ᱜᱷᱮᱨᱟᱣ ᱮᱥᱮᱫ ᱠᱟᱛᱮ ᱢᱮᱱᱟᱜ-ᱟ ᱾ ᱦᱚᱱᱚᱛ ᱨᱮᱭᱟᱜ ᱩᱛᱚᱨ ᱱᱟᱠᱷᱟ ᱨᱮᱫᱚ ᱜᱟᱝ ᱱᱟᱹᱭ, ᱯᱩᱨᱩᱵᱽ ᱱᱟᱠᱷᱟ ᱨᱮᱫᱚ ᱥᱳᱱ ᱥᱟᱹᱭ, ᱱᱚᱣᱟ ᱨᱮᱭᱟᱜ ᱥᱟᱹᱨᱤᱭᱟᱹᱛ ᱥᱤᱢᱟᱹᱭ ᱴᱷᱟᱹᱣᱠᱟᱹᱭᱟ ᱾[᱔]ᱵᱷᱳᱡᱽᱯᱩᱨ ᱨᱮᱭᱟᱜ ᱩᱛᱚᱨ ᱱᱟᱠᱷᱟ ᱨᱮᱫᱚ ᱥᱟᱨᱚᱬ ᱟᱨ ᱵᱚᱞᱤᱭᱟ ᱩᱛᱚᱨ ᱯᱨᱚᱫᱮᱥ, ᱫᱩᱠᱷᱤᱱ ᱱᱟᱠᱷᱟ ᱨᱮ ᱨᱳᱦᱛᱟᱥ, ᱯᱩᱨᱩᱵᱽ ᱨᱮ ᱯᱟᱴᱱᱟ ᱟᱨ ᱯᱩᱪᱷᱤᱢ ᱨᱮ ᱵᱚᱠᱥᱚᱨ, ᱡᱚᱦᱟᱱᱟᱵᱟᱫᱽ ᱟᱨ ᱚᱨᱵᱚᱞ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾

ᱵᱷᱳᱡᱽᱯᱩᱨ ᱦᱚᱱᱚᱛ ᱫᱚ ᱯᱩᱭᱞᱩ ᱥᱟᱦᱟᱵᱟᱫᱽ ᱨᱮᱭᱟᱜ ᱛᱟᱹᱨᱤ ᱨᱮ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱫᱚ ᱥᱟᱞ ᱑᱙᱗᱒ ᱨᱮ ᱦᱟᱹᱴᱤᱧ ᱠᱟᱛᱮ ᱵᱷᱳᱡᱽᱯᱩᱨ ᱟᱨ ᱨᱳᱦᱛᱟᱥ ᱧᱩᱛᱩᱢᱟᱱ ᱵᱟᱨᱭᱟ ᱦᱚᱱᱚᱛ ᱵᱮᱱᱟᱣ ᱮᱱᱟ ᱾[᱔] ᱑᱙᱙᱒ ᱥᱟᱞ ᱫᱷᱟᱹᱵᱤᱡ ᱛᱮ ᱵᱚᱠᱥᱚᱨ ᱦᱚᱸ ᱵᱷᱳᱡᱽᱯᱩᱨ ᱦᱚᱱᱚᱛ ᱨᱮᱭᱟᱜ ᱢᱤᱫ ᱥᱚᱵᱽᱰᱤᱵᱤᱡᱚᱱ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱑᱙᱙᱒ ᱥᱟᱞᱮᱨᱮ ᱵᱷᱮᱜᱟᱨ ᱛᱮ ᱢᱤᱫ ᱦᱚᱱᱚᱛ ᱵᱮᱱᱟᱣ ᱮᱱᱟ ᱾ ᱱᱤᱛᱚᱜ ᱚᱠᱛᱚ ᱨᱮ ᱵᱷᱳᱡᱽᱯᱩᱨ ᱦᱚᱱᱚᱛ ᱨᱮᱫᱚ ᱯᱮᱭᱟ ᱥᱚᱵᱽᱰᱤᱵᱤᱡᱚᱱ ᱢᱮᱱᱟᱜ-ᱟ , ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ, ᱟᱨᱟ ᱥᱚᱫᱚᱨ, ᱯᱤᱨᱚ ᱟᱨ ᱡᱚᱜᱽᱫᱤᱥᱯᱩᱨ ᱾ ᱦᱚᱱᱚᱛ ᱨᱚᱫᱚ ᱜᱮᱯᱮ ᱜᱚᱴᱟᱝ ᱵᱽᱞᱚᱠ ᱢᱮᱱᱟᱜ-ᱟ ᱾

ᱱᱟᱜᱟᱢ ᱥᱟᱯᱲᱟᱣ

ᱢᱩᱠᱷᱤᱭᱟᱥᱟᱲᱟ ᱟᱨᱟ ᱫᱚ ᱵᱷᱳᱡᱽᱯᱩᱨ ᱨᱮᱱᱟᱜ ᱢᱤᱫ ᱢᱟᱨᱮ ᱱᱟᱜᱟᱨ ᱠᱟᱱᱟ ᱾ ᱱᱚᱰᱮ ᱫᱚ ᱟᱹᱰᱤᱜᱟᱱ ᱢᱟᱝ ᱞᱟᱹᱜᱤᱫ ᱢᱩᱫᱽᱨᱤ ᱦᱚᱸ ᱢᱮᱱᱟᱜ-ᱟ ᱾ ᱟᱨᱚᱬᱭᱚ ᱫᱮᱵᱤ ᱱᱚᱣᱟ ᱵᱟᱡᱟᱨ ᱨᱤᱱᱤᱡ ᱫᱚ ᱫᱮᱵᱟ ᱥᱮᱵᱟ ᱟᱭ ᱫᱮᱵᱤ ᱠᱟᱱᱟᱭ ᱾ ᱟᱨᱚᱬᱭᱚ ᱫᱮᱵᱤ ᱪᱷᱟᱰᱟ ᱠᱟᱛᱮ ᱟᱨ ᱦᱚᱸ ᱮᱴᱟᱜ ᱫᱷᱚᱨᱚᱢ ᱛᱷᱟᱱ ᱢᱮᱱᱟᱜ-ᱟ ᱡᱟᱦᱟᱸ ᱨᱮᱫᱚ ᱢᱚᱦᱚᱛᱷᱤᱱ ᱢᱟᱭᱤ (ᱵᱤᱦᱤᱭᱟ), ᱵᱚᱠᱷᱳᱨᱟᱯᱩᱨ ᱠᱟᱹᱲᱤ ᱢᱩᱫᱽᱨᱤ ᱮᱢᱟᱱ ᱪᱚᱨᱪᱟ ᱟᱱᱟᱜ ᱛᱷᱟᱱ ᱠᱟᱱᱟ ᱾[᱕]ᱡᱮᱭᱱ ᱥᱚᱢᱟᱡᱽ ᱨᱮᱭᱟᱜ ᱦᱚᱸ ᱟᱹᱰᱤᱜᱟᱱ ᱧᱩᱛᱩᱢᱟᱱ ᱢᱩᱫᱽᱨᱤ ᱱᱚᱰᱮ ᱢᱮᱱᱟᱜ-ᱟ ᱾[᱖] ᱵᱷᱳᱡᱽᱯᱩᱨ ᱨᱮᱜᱮ ᱡᱚᱜᱽᱫᱤᱥᱯᱩᱨ ᱫᱚ ᱢᱮᱱᱟᱜ-ᱟ ᱾ ᱱᱚᱰᱮᱱᱤᱡ ᱵᱟᱹᱵᱩ ᱠᱩᱶᱟᱹᱨ ᱥᱤᱝ ᱫᱚ ᱯᱩᱭᱞᱩ ᱯᱷᱩᱨᱜᱟᱹᱞ ᱦᱩᱞ ᱑᱘᱕᱗ ᱨᱮᱭᱟᱜ ᱦᱩᱞᱥᱟᱹᱭ ᱨᱮ ᱤᱝᱨᱮᱡᱽ ᱠᱚ ᱵᱤᱨᱩᱫᱷ ᱨᱮ ᱞᱟᱹᱰᱷᱟᱹᱭ ᱫᱚ ᱟᱡᱟᱜ ᱛᱟᱹᱨᱤ ᱨᱮ ᱦᱩᱭ ᱞᱮᱱᱟ ᱾ ᱟᱨᱟ ᱫᱚ ᱫᱤᱥᱚᱢ ᱨᱮᱭᱟᱜ ᱮᱴᱟᱜ ᱦᱩᱫᱟᱹ ᱠᱷᱚᱱ ᱨᱮᱞᱦᱚᱨ ᱟᱨ ᱥᱚᱲᱚᱠ ᱦᱚᱨ ᱥᱟᱶ ᱦᱚᱸ ᱡᱩᱲᱟᱹᱭ ᱟᱠᱟᱱ ᱜᱮᱭᱟ ᱾ ᱵᱤᱨ ᱠᱩᱶᱟᱹᱨ ᱥᱤᱝ ᱟᱜ ᱧᱩᱛᱩᱱ ᱛᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱦᱚᱸ ᱢᱮᱱᱟᱜ-ᱟ ᱾ ᱟᱹᱰᱤᱜᱟᱱ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱟᱨ ᱟᱥᱲᱟ ᱠᱚᱦᱚᱸ ᱦᱚᱱᱚᱛ ᱨᱮᱭᱟᱜ ᱥᱮᱪᱮᱫ ᱩᱯᱨᱩᱢ ᱮ ᱮᱢᱟ ᱾ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮᱫᱚ ᱠᱷᱮᱛᱨᱤᱭᱚ ᱩᱱᱩᱥᱩᱞ ᱵᱤᱨᱫᱟᱹᱜᱟᱲ, ᱦᱚᱨ ᱯᱨᱚᱥᱟᱫᱽ ᱥᱮᱱ ᱩᱱᱩᱥᱩᱞ ᱵᱤᱨᱫᱟᱜᱟᱲ, ᱦᱚᱱᱚᱛ ᱵᱤᱨᱫᱟᱹᱜᱟᱲ ᱟᱨ ᱩᱱᱩᱥᱩᱞ ᱵᱟᱡᱟᱨ ᱵᱤᱨᱫᱟᱹᱜᱟᱲ ᱮᱢᱟᱱ ᱢᱮᱱᱟᱜ-ᱟ ᱾ ᱦᱟᱨ ᱯᱨᱚᱥᱟᱫᱽ ᱫᱟᱥ ᱡᱮᱭᱱ ᱢᱟᱨᱟᱝ ᱵᱤᱨᱫᱟᱹᱜᱟᱲ, ᱢᱚᱦᱟᱨᱟᱡᱟ ᱢᱟᱨᱟᱝ ᱵᱤᱨᱫᱟᱹᱜᱟᱲ, ᱥᱚᱦᱚᱡᱟᱱᱚᱸᱫᱽ ᱵᱽᱨᱚᱦᱢᱚᱨᱥᱤ ᱢᱟᱨᱟᱝ ᱵᱤᱨᱫᱟᱹᱜᱟᱲ, ᱡᱚᱜᱽᱡᱤᱵᱚᱱ ᱢᱟᱨᱟᱝ ᱵᱤᱨᱫᱟᱹᱜᱟᱲ, ᱢᱚᱦᱚᱸᱛ ᱢᱚᱦᱟᱫᱮᱵᱟᱱᱚᱸᱫᱽ ᱛᱤᱨᱞᱟᱹ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱮᱢᱟᱱ ᱯᱩᱭᱞᱩ ᱴᱷᱟᱶ ᱨᱮ ᱞᱟᱹᱭ ᱥᱚᱫᱚᱨ ᱜᱟᱱᱚᱜ-ᱟ ᱾

ᱥᱟᱠᱷᱭᱟᱹᱛ ᱥᱟᱯᱲᱟᱣ

  1. "Bihar Tourism: Retrospect and Prospect," Udai Prakash Sinha and Swargesh Kumar, Concept Publishing Company, 2012, ISBN 9788180697999
  2. "Revenue Administration in India: A Case Study of Bihar," G. P. Singh, Mittal Publications, 1993, ISBN 9788170993810
  3. "Archive copy". Archived from the original on 2014-12-21. Retrieved 2019-10-22.{{cite web}}: CS1 maint: archived copy as title (link)
  4. ᱔.᱐ ᱔.᱑ http://bhojpur.bih.nic.in/
  5. "Archive copy". Archived from the original on 2014-12-15. Retrieved 2019-10-22.{{cite web}}: CS1 maint: archived copy as title (link)
  6. http://www.jagran.com/bihar/bhojpur-10325970.html

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ