ᱯᱤᱴᱚᱨ ᱡᱚᱱ ᱠᱟᱨᱛᱷᱚᱠ
ᱯᱤᱴᱚᱨ ᱡᱚᱱ ᱠᱟᱨᱛᱷᱚᱠ (᱑᱒ ᱰᱤᱥᱮᱢᱵᱚᱨ ᱑᱙᱔᱓ ᱑᱖ ᱮᱯᱨᱤᱞ ᱒᱐᱒᱐) ᱫᱚ ᱢᱤᱫ ᱱᱮᱯᱟᱞᱤ ᱚᱱᱚᱞᱤᱭᱟᱹ, ᱟᱨ ᱡᱚᱨᱱᱚᱞᱤᱥᱴ ᱛᱟᱦᱮᱸ ᱠᱟᱱᱟ ᱾[᱑] ᱩᱱᱤ ᱫᱚ ᱵᱟᱨᱭᱟ ᱜᱟᱢᱟᱢ, ᱟᱹᱰᱤ ᱜᱟᱱ ᱯᱩᱛᱷᱤ ᱟᱨ ᱚᱱᱚᱬᱦᱮ ᱠᱚᱭ ᱚᱞ ᱞᱮᱫᱼᱟ ᱟᱨ ᱟᱡᱟᱜ ᱡᱤᱭᱚᱱ ᱨᱮ ᱟᱹᱰᱤ ᱜᱟᱱ ᱠᱷᱚᱵᱚᱨ ᱞᱟᱹᱜᱤᱫ ᱮᱰᱤᱴ ᱟᱨ ᱚᱞ ᱞᱮᱫᱼᱟ ᱾ ᱩᱱᱤ ᱫᱚ ᱟᱡᱟᱜ ᱚᱱᱚᱬᱦᱮᱸ ᱯᱨᱚᱛᱤᱠ ᱛᱷᱟᱣ: ᱯᱨᱚᱛᱤᱠ ᱢᱟᱱᱪᱮ ᱞᱟᱹᱜᱤᱫ ᱥᱟᱡᱷᱟ ᱯᱩᱨᱩᱥᱠᱟᱨ ᱮ ᱧᱟᱢ ᱟᱠᱟᱫᱟ ᱾
| ᱯᱤᱴᱚᱨ ᱡᱚᱱ ᱠᱟᱨᱛᱷᱚᱠ | |
|---|---|
| ᱨᱮᱫ:Peter J Karthak.jpg | |
| ᱢᱩᱬ ᱧᱩᱛᱩᱢ | पिटर जे. कार्थक |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱯᱤᱴᱚᱨ ᱡᱚᱱ ᱠᱟᱨᱛᱷᱚᱠ ᱑᱒ ᱰᱤᱥᱮᱢᱵᱚᱨ ᱑᱙᱔᱓ ᱟᱥᱟᱢ, ᱵᱨᱤᱴᱤᱥ ᱤᱱᱰᱤᱭᱟ (present-day ᱢᱮᱜᱷᱟᱞᱚᱭ, ᱥᱤᱧᱚᱛ) |
| ᱜᱩᱨ | ᱑᱖ ᱮᱯᱨᱤᱞ ᱒᱐᱒᱐ (᱗᱖ ᱵᱚᱭᱚᱥ) ᱞᱟᱹᱛᱤᱯᱩᱨ, ᱱᱮᱯᱟᱞ |
| ᱫᱤᱥᱚᱢᱤᱭᱟᱹ | ᱱᱮᱯᱟᱞᱩ |
| ᱥᱮᱪᱮᱫ | MA (English) |
| ᱥᱮᱪᱮᱫ ᱟᱠᱷᱲᱟ | ᱛᱨᱤᱵᱷᱩᱣᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱥᱮᱨᱮᱧ ᱵᱟᱡᱟᱨᱤᱡ, ᱠᱷᱚᱵᱚᱨᱤᱭᱟᱹ |
| ᱧᱩᱢᱦᱟᱞᱟᱝ ᱠᱟᱹᱢᱤ | ᱯᱨᱚᱛᱤᱠ ᱛᱷᱟᱣ: ᱯᱨᱚᱛᱤᱠ ᱢᱟᱱᱪᱮ |
| ᱡᱤᱭᱚᱱ ᱥᱚᱦᱮᱫ | ᱨᱟᱡᱟᱱᱟ ᱯᱨᱟᱡᱟᱯᱟᱛᱤ |
| ᱦᱚᱯᱚᱱ | ᱒ |
| ᱥᱤᱨᱯᱷᱟᱹ | ᱥᱟᱡᱷᱟ ᱯᱩᱨᱩᱥᱠᱟᱨ, ᱑᱙᱗᱘ |
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
ᱥᱟᱯᱲᱟᱣᱩᱱᱤ ᱫᱚ ᱑᱒ ᱱᱚᱵᱷᱮᱢᱵᱚᱨ ᱑᱙᱔᱓ ᱥᱟᱞᱮᱨᱮ ᱥᱤᱧᱚᱛ ᱨᱮᱱᱟᱜ ᱢᱮᱜᱷᱟᱞᱚᱭ ᱨᱮᱱᱟᱜ ᱥᱤᱞᱚᱝ (ᱱᱚᱣᱟ ᱚᱠᱛᱚ ᱟᱥᱟᱢ ᱯᱚᱱᱚᱛ) ᱨᱮ ᱢᱤᱫ ᱠᱨᱤᱥᱴᱟᱱ ᱞᱮᱯᱪᱟ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱛᱟᱞᱟ ᱨᱮ ᱩᱱᱤᱭᱟᱜ ᱜᱷᱟᱨᱚᱸᱡᱽ ᱫᱚ ᱫᱟᱨᱡᱤᱞᱤᱝ ᱞᱟᱹᱜᱤᱫ ᱮ ᱪᱟᱞᱟᱣ ᱮᱱᱟ ᱾ ᱠᱟᱨᱛᱷᱚᱠ ᱫᱚ ᱫᱟᱨᱡᱤᱞᱤᱝ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱯᱮᱪᱷᱳᱠ ᱴᱤ ᱮᱥᱴᱮᱴ ᱟᱨ ᱫᱟᱨᱡᱤᱞᱤᱝ ᱨᱮᱱ ᱱᱚᱨ ᱵᱩᱥᱴᱤ ᱨᱮᱭ ᱦᱮᱡ ᱞᱮᱱᱟ ᱟᱨ ᱯᱩᱭᱞᱩ ᱨᱮ ᱥᱮᱪᱮᱫ ᱮ ᱦᱟᱛᱟᱣ ᱞᱮᱫ-ᱟ ᱾ ᱛᱟᱭᱚᱢ ᱑᱙᱕᱖ ᱥᱮᱨᱢᱟ ᱠᱷᱚᱱ ᱴᱚᱨᱱᱵᱤᱞ ᱦᱟᱭ ᱥᱠᱩᱞ ᱨᱮ ᱯᱟᱲᱦᱟᱣ ᱮᱱᱟᱭ ᱟᱨ ᱱᱚᱨᱛᱷ ᱯᱚᱭᱤᱸᱴ ᱨᱮ ᱥᱮᱱᱴ ᱡᱳᱥᱮᱯᱷ ᱠᱚᱞᱮᱡᱽ ᱨᱮ ᱯᱟᱲᱦᱟᱣ ᱮᱱᱟᱭ ᱾ ᱩᱱᱤ ᱫᱚ ᱑᱙᱖᱕ ᱥᱟᱞᱮᱨᱮ ᱠᱟᱴᱷᱢᱟᱱᱰᱩ ᱨᱮᱭ ᱵᱟᱥᱟ ᱞᱮᱱᱟ ᱾ ᱩᱱᱤ ᱫᱚ ᱱᱮᱯᱟᱞ ᱨᱮᱭᱟᱜ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱥᱚᱨᱠᱟᱨᱤ ᱥᱤᱨᱯᱷᱟ. ᱮ ᱧᱟᱢ ᱞᱮᱫᱟ ।[᱒] ᱩᱱᱤ ᱫᱚ ᱛᱨᱤᱵᱷᱩᱵᱚᱱ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱠᱷᱚᱱ ᱤᱝᱞᱤᱥ ᱨᱮ ᱮᱢ.ᱮ. ᱟᱠᱟᱫᱟᱭ ᱾ ᱱᱩᱭ ᱫᱚ ᱱᱮᱯᱟᱞᱤ ᱡᱟᱹᱛᱤᱭᱟᱹᱨᱤ ᱥᱮᱨᱮᱧ ᱵᱮᱱᱟᱣᱤᱡ ᱮᱢᱵᱚᱨ ᱜᱩᱨᱩᱝ ᱴᱷᱮᱱ ᱠᱷᱚᱱ ᱥᱮᱨᱮᱧ ᱥᱮᱪᱮᱫ ᱮ ᱦᱟᱛᱟᱣ ᱞᱮᱫᱼᱟ ᱾
ᱥᱮᱨᱮᱧ ᱡᱤᱭᱚᱱ
ᱥᱟᱯᱲᱟᱣ
ᱩᱱᱤ ᱫᱚ ᱫᱟᱨᱡᱤᱞᱤᱝ ᱨᱮ ᱦᱤᱞᱤᱭᱟᱱᱥ ᱧᱩᱛᱩᱢᱟᱱ ᱢᱤᱫ ᱵᱮᱱᱰ ᱨᱮ ᱜᱤᱴᱟᱨᱤᱥᱴ ᱛᱟᱦᱮᱸ ᱠᱟᱱᱟᱭ ᱾ ᱑᱙᱖᱑ ᱥᱮᱨᱢᱟ ᱨᱮ ᱵᱮᱱᱟᱣ ᱟᱠᱟᱱ ᱱᱚᱣᱟ ᱫᱚ ᱯᱩᱭᱞᱩ ᱯᱟᱪᱷᱮ ᱴᱚᱴᱷᱟ ᱨᱮᱱ ᱥᱮᱨᱮᱧ ᱜᱟᱶᱛᱟ ᱠᱟᱱᱟ ᱠᱚ᱾ ᱜᱟᱶᱛᱟ ᱨᱮᱭᱟᱜ ᱧᱩᱛᱩᱢ ᱫᱚ ᱟᱡᱤᱡ ᱜᱟᱶᱛᱟ ᱪᱳᱰᱮᱱ ᱛᱥᱟᱨᱤᱝ ᱵᱷᱩᱴᱤᱭᱟᱭ ᱮᱢᱟᱫᱮ ᱛᱟᱦᱮᱸᱫ ᱾ ᱑᱙᱖᱕ ᱥᱟᱞᱮ ᱨᱮ ᱥᱤᱠᱠᱤᱢ ᱨᱤᱱᱤᱡ ᱢᱩᱪᱟᱹᱫ ᱪᱳᱜᱤᱭᱟᱞ (ᱨᱟᱡᱟ) ᱯᱟᱞᱰᱮᱱ ᱛᱷᱳᱱᱰᱩᱯ ᱱᱟᱢᱜᱤᱭᱟᱞ ᱟᱜ ᱨᱟᱡᱽᱜᱟᱲ ᱨᱮ ᱠᱚ ᱥᱮᱨᱮᱧ ᱞᱮᱫ ᱛᱟᱦᱮᱸᱫ ᱟᱨ "ᱥᱤᱠᱠᱤᱢ ᱨᱤᱱᱤᱡ ᱵᱤᱴᱞᱥ" ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾[᱓]ᱫᱟ ᱦᱤᱞᱤᱭᱟᱱᱥ ᱫᱚ ᱑᱙᱖᱖/᱑᱙᱖᱗ ᱥᱮᱨᱢᱟ ᱨᱮ ᱠᱚ ᱵᱚᱱᱫᱚ ᱠᱮᱫᱟ᱾
ᱩᱱᱤ ᱫᱚ ᱜᱳᱯᱟᱞ ᱭᱳᱱᱡᱚᱱ, ᱛᱟᱨᱟ ᱫᱮᱵᱤ ᱟᱨ ᱱᱟᱨᱟᱭᱚᱬ ᱜᱳᱯᱟᱞ ᱞᱮᱠᱟᱱ ᱧᱩᱛᱩᱢᱟᱱ ᱥᱮᱨᱮᱧᱤᱭᱟᱹ ᱠᱚ ᱞᱟᱹᱜᱤᱫ ᱦᱚᱸ ᱜᱤᱴᱟᱨ ᱮ ᱥᱮᱨᱮᱧ ᱟᱠᱟᱫ-ᱟ ᱾ ᱑᱙᱙᱐ ᱥᱟᱞᱮᱨᱮ ᱩᱱᱤ ᱫᱚ ᱥᱮᱨᱮᱧ ᱡᱤᱭᱚᱱ ᱠᱷᱚᱱ ᱵᱟᱦᱨᱮ ᱞᱮᱱᱟᱭ ᱾[᱔]
ᱥᱤᱨᱯᱷᱟᱹ
ᱥᱟᱯᱲᱟᱣ᱑᱙᱗᱘ ᱥᱟᱞ ᱨᱮ ᱟᱡᱟᱜ ᱯᱩᱭᱞᱩ ᱚᱱᱚᱬᱦᱮ ᱯᱨᱚᱛᱤᱠ ᱛᱷᱟᱣ: ᱯᱨᱚᱛᱤᱠ ᱢᱟᱱᱪᱮ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱢᱟᱱᱚᱛᱟᱱ ᱥᱟᱡᱷᱟ ᱯᱩᱨᱚᱥᱠᱟᱨ ᱮ ᱡᱤᱛᱠᱟᱹᱨ ᱞᱮᱫ-ᱟ ᱾[᱕]
ᱡᱤᱭᱚᱱ
ᱥᱟᱯᱲᱟᱣᱩᱱᱤ ᱫᱚ ᱑᱖ ᱮᱯᱨᱤᱞ ᱒᱐᱒᱐ ᱦᱤᱞᱚᱜ ᱕:᱓᱐ ᱴᱟᱲᱟᱝ ᱨᱮ ᱗᱗ ᱵᱚᱪᱷᱚᱨ ᱩᱢᱮᱨ ᱨᱮ ᱱᱮᱯᱟᱞ ᱠᱮᱱᱥᱚᱨ ᱦᱚᱥᱯᱤᱴᱟᱞ, ᱞᱚᱞᱤᱛᱯᱩᱨ ᱨᱮᱭ ᱜᱩᱨ ᱮᱱᱟ ᱾ ᱩᱱᱤᱭᱟᱜ ᱢᱩᱪᱟᱹᱫ ᱫᱷᱟᱣ ᱫᱚ ᱯᱚᱥᱩᱯᱚᱛᱤ ᱢᱚᱱᱫᱤᱨ ᱨᱮ ᱥᱮᱨᱮᱧ ᱞᱮᱫᱟᱭ ᱾[᱖] ᱱᱩᱭ ᱫᱚ ᱟᱡ ᱟᱭᱳ, ᱨᱚᱧᱡᱚᱱᱟ ᱯᱨᱚᱡᱟᱯᱚᱛᱤ ᱟᱨ ᱵᱟᱨᱭᱟ ᱜᱤᱫᱽᱨᱟ. ᱥᱟᱶ ᱮ ᱛᱟᱦᱮᱸ ᱠᱟᱱᱟ ᱾[᱗]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ Republica. "Peter J Karthak, author of Pratyek Thhaun: Pratyek Manchhe, passes away at 77". My Republica (in ᱟᱝᱜᱽᱨᱮᱡᱤ). Archived from the original on 10 August 2023. Retrieved 9 November 2024.
- ↑ "A Lepcha in your own land". Himal Southasian (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2011-03-21. Retrieved 7 November 2024.
- ↑ "Founder of first hill band dies". www.telegraphindia.com. Retrieved 9 November 2024.
- ↑ "कार्थक : कोलाहलमा एक्लो मान्छे". ekagaj. Retrieved 9 November 2024.
- ↑ "रहेनन् पिटर जे कार्थक". Naya Patrika (in ᱟᱝᱜᱽᱨᱮᱡᱤ). Retrieved 9 November 2024.
- ↑ "कार्थक : कोलाहलमा एक्लो मान्छे". ekagaj. Retrieved 2021-11-27.
- ↑ Pradhan, Sarad. "Peter Karthak : The Making of a Writer – Publiknama" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 2022-02-07. Retrieved 2022-02-07.