ᱛᱟᱡᱽ ᱢᱚᱦᱚᱞ ᱯᱮᱞᱮᱥ ᱦᱚᱴᱮᱞ

ᱛᱟᱡᱽ ᱢᱚᱦᱚᱞ ᱯᱮᱞᱮᱥ ᱫᱚ ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ ᱨᱮᱱᱟᱜ ᱠᱚᱞᱟᱵᱟ ᱴᱚᱴᱷᱟ ᱨᱮ ᱢᱤᱫ ᱦᱮᱨᱤᱴᱮᱡᱽ, ᱢᱚᱬᱮ ᱥᱴᱟᱨ, ᱞᱚᱠᱡᱚᱨᱤ ᱦᱚᱴᱮᱞ ᱠᱟᱱᱟ, ᱡᱟᱦᱟᱸ ᱫᱚ ᱜᱮᱴᱣᱮ ᱚᱯᱷ ᱤᱱᱰᱤᱭᱟ ᱨᱮᱱᱟᱜ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱤᱱᱫᱳ-ᱥᱟᱨᱥᱮᱱᱤᱠ ᱥᱴᱟᱭᱤᱞ ᱨᱮ ᱵᱮᱱᱟᱣ ᱟᱠᱟᱱ ᱱᱚᱣᱟ ᱫᱚ ᱑᱙᱐᱓ ᱨᱮ ᱛᱟᱡᱽ ᱢᱚᱦᱚᱞ ᱦᱚᱴᱮᱞ ᱞᱮᱠᱟᱛᱮ ᱵᱮᱱᱟᱣ ᱞᱮᱱᱟ ᱟᱨ ᱱᱟᱜᱟᱢᱤᱭᱟᱹ ᱞᱮᱠᱟᱛᱮ ᱱᱚᱣᱟ ᱫᱚ "ᱛᱟᱡᱽ" ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱦᱚᱴᱮᱞ ᱨᱮᱱᱟᱜ ᱧᱩᱛᱩᱢ ᱫᱚ ᱛᱟᱡᱽ ᱢᱚᱦᱚᱞ ᱧᱩᱛᱩᱢ ᱛᱮ ᱠᱚ ᱫᱚᱦᱚ ᱟᱠᱟᱫᱟ, ᱡᱟᱦᱟᱸ ᱫᱚ ᱢᱩᱢᱵᱟᱭ ᱠᱷᱚᱱ ᱑,᱐᱕᱐ ᱠᱤᱞᱚᱢᱤᱴᱚᱨ (᱖᱕᱐ ᱢᱤᱞ) ᱥᱟᱺᱜᱤᱧ ᱨᱮ ᱟᱜᱽᱨᱟ ᱥᱚᱦᱚᱨ ᱨᱮ ᱢᱮᱱᱟᱜᱼᱟ ᱾ ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱠᱷᱚᱱ ᱜᱮ ᱱᱚᱣᱟ ᱫᱚ ᱥᱟᱢᱟᱝ ᱨᱮᱱᱟᱜ ᱡᱚᱛᱚ ᱠᱷᱚᱱ ᱱᱟᱯᱟᱭ ᱦᱚᱴᱮᱞ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱢᱮᱱᱛᱮ ᱠᱚ ᱢᱟᱱᱟᱣᱟ ᱾ ᱱᱚᱣᱟ ᱦᱚᱴᱮᱞ ᱫᱚ ᱒᱐᱐᱘ ᱨᱮ ᱢᱩᱢᱵᱟᱭ ᱨᱮ ᱦᱩᱭ ᱟᱠᱟᱱ ᱦᱩᱞᱥᱟᱹᱭ ᱨᱮ ᱢᱤᱫᱴᱟᱹᱝ ᱢᱩᱬ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾

ᱛᱟᱡᱽᱢᱚᱦᱚᱞ ᱯᱮᱞᱮᱥ ᱦᱚᱴᱮᱞ

ᱛᱟᱡᱽ ᱦᱚᱴᱮᱞ ᱨᱤᱥᱳᱨᱴᱥ ᱟᱨ ᱯᱮᱞᱮᱥᱮᱥ ᱨᱮᱱᱟᱜ ᱢᱤᱫ ᱦᱟᱹᱴᱤᱧ, ᱦᱚᱴᱮᱞ ᱨᱮ ᱕᱖᱐ ᱜᱚᱴᱟᱝ ᱚᱲᱟᱜ ᱟᱨ ᱔᱔ ᱜᱚᱴᱟᱝ ᱥᱩᱭᱴᱥ ᱢᱮᱱᱟᱜᱼᱟ ᱟᱨ ᱱᱚᱣᱟ ᱫᱚ ᱜᱩᱴ ᱨᱮᱱᱟᱜ ᱢᱩᱬᱩᱛ ᱥᱟᱥᱚᱱ ᱞᱮᱠᱟᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮ ᱑,᱖᱐᱐ ᱜᱟᱱ ᱠᱟᱹᱢᱤᱭᱟᱹ ᱠᱚ ᱠᱟᱹᱢᱤᱭᱟ ᱾ ᱦᱚᱴᱮᱞ ᱫᱚ ᱵᱟᱨᱭᱟ ᱵᱷᱮᱜᱟᱨ ᱵᱷᱮᱜᱟᱨ ᱵᱮᱱᱟᱣ ᱟᱠᱟᱱᱟ: ᱛᱟᱡᱽ ᱢᱚᱦᱚᱞ ᱯᱮᱞᱮᱥ ᱟᱨ ᱴᱟᱣᱟᱨ, ᱡᱟᱦᱟᱸ ᱫᱚ ᱱᱟᱜᱟᱢᱤᱭᱟᱹ ᱟᱨ ᱟᱨᱠᱤᱴᱮᱠᱞᱚᱡᱤ ᱞᱮᱠᱟᱛᱮ ᱢᱤᱫᱴᱟᱹᱝ ᱠᱷᱚᱱ ᱵᱷᱮᱜᱟᱨ ᱜᱮᱭᱟ (ᱛᱟᱡᱽ ᱢᱚᱦᱚᱞ ᱯᱮᱞᱮᱥ ᱫᱚ ᱑᱙᱐᱓ ᱨᱮ ᱵᱮᱱᱟᱣ ᱞᱮᱱᱟ; ᱴᱟᱣᱟᱨ ᱫᱚ ᱑᱙᱗᱒ ᱨᱮ ᱵᱮᱱᱟᱣ ᱞᱮᱱᱟ) ᱾

ᱦᱚᱴᱮᱞ ᱨᱮ ᱫᱤᱥᱚᱢ ᱜᱚᱢᱠᱮ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱤᱱᱰᱚᱥᱴᱨᱤ ᱡᱮᱜᱮᱛ ᱨᱤᱱ ᱠᱟᱯᱴᱟᱱ ᱟᱨ ᱯᱷᱤᱞᱢ ᱥᱴᱟᱨ ᱠᱚ ᱦᱚᱛᱮᱛᱮ ᱟᱹᱰᱤ ᱜᱟᱱ ᱧᱩᱛᱩᱢᱟᱱ ᱦᱚᱲ ᱠᱚ ᱦᱮᱡ ᱟᱠᱟᱱᱟ ᱾

ᱱᱟᱜᱟᱢ

ᱮᱛᱚᱦᱚᱵ ᱥᱮᱨᱢᱟ

ᱯᱟᱪᱮ ᱥᱮᱦᱮᱫ ᱨᱮ ᱢᱩᱬ ᱵᱚᱞᱚᱱ ᱫᱩᱣᱟᱹᱨ; ᱱᱤᱛᱚᱜ ᱫᱚ ᱦᱚᱴᱮᱞ ᱯᱩᱞ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾

ᱯᱷᱩᱨᱜᱟᱹᱞ ᱢᱟᱲᱟᱝ

ᱡᱟᱢᱥᱮᱫᱽᱡᱤ ᱴᱟᱴᱟ ᱦᱚᱛᱮᱛᱮ ᱛᱟᱡᱽ ᱢᱚᱦᱚᱞ ᱦᱚᱴᱮᱞ ᱵᱮᱱᱟᱣ ᱞᱮᱱᱟ ᱟᱨ ᱑᱖ ᱰᱤᱥᱮᱢᱵᱚᱨ ᱑᱙᱐᱓ ᱥᱟᱞᱮ ᱨᱮ ᱱᱚᱣᱟ ᱫᱩᱣᱟᱹᱨ ᱫᱚ ᱯᱮᱲᱟ ᱠᱚ ᱞᱟᱹᱜᱤᱫ ᱡᱷᱤᱡ ᱞᱮᱱᱟ ᱛᱟᱦᱮᱸᱫ ᱾

ᱜᱟᱞᱮᱨᱤ

• 
  ᱦᱚᱴᱮᱞ ᱨᱮᱱᱟᱜ ᱢᱟᱨᱮ ᱯᱷᱟᱹᱠᱲᱟᱹᱜ ᱨᱮᱱᱟᱜ ᱵᱚᱦᱚᱜ
• 
  ᱦᱚᱴᱮᱞ ᱨᱮᱱᱟᱜ ᱧᱤᱫᱟᱹ ᱧᱮᱞ
• 
  ᱟᱨᱚᱵᱽ ᱫᱚᱨᱭᱟ ᱠᱷᱚᱱ ᱧᱮᱞᱚᱜ ᱥᱤᱧᱚᱛ ᱨᱮᱱᱟᱜ ᱵᱚᱞᱚᱱ ᱫᱩᱣᱟᱹᱨ ᱥᱟᱶ ᱦᱚᱴᱮᱞ ᱨᱮᱱᱟᱜ ᱢᱤᱫ ᱧᱮᱞ
• 
  ᱑᱙᱐᱘ ᱥᱟᱞ ᱨᱮ ᱢᱤᱫ ᱯᱳᱥᱴᱠᱟᱨᱰ ᱨᱮ ᱦᱚᱴᱮᱞ

ᱥᱟᱹᱠᱷᱭᱟᱹᱛ

• "Most expensive hotel in India" Archived ᱒᱐᱒᱓-᱑᱒-᱐᱑ at the Wayback Machine.

ᱵᱟᱦᱨᱮ ᱡᱚᱱᱚᱲ

Media related to ᱛᱟᱡᱽ ᱢᱚᱦᱚᱞ ᱯᱮᱞᱮᱥ ᱦᱚᱴᱮᱞ at Wikimedia Commons

• ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ