ᱛᱤᱱᱤᱥᱩᱠᱤᱭᱟ ᱦᱚᱱᱚᱛ

ᱟᱥᱟᱢ ᱨᱮᱱᱟᱜ ᱦᱚᱱᱚᱛ, ᱥᱤᱧᱚᱛ

ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱟᱥᱟᱢ ᱨᱮᱱᱟᱜ ᱓᱓ ᱜᱚᱴᱟᱝ ᱦᱚᱱᱚᱛ ᱨᱮ ᱢᱤᱫ ᱴᱟᱝ ᱠᱟᱱᱟ ᱾ ᱱᱚᱶᱟ ᱨᱮᱭᱟᱜ ᱫᱚᱵᱷᱟ.ᱴᱤᱭᱟ. ᱴᱷᱟ.ᱭ ᱫᱚ ᱠᱟᱱᱟ ᱛᱤᱱᱤᱥᱩᱠᱤᱭᱟ ᱾ ᱛᱤᱱᱤᱥᱩᱠᱭᱟ ᱦᱚᱱᱚᱛ ᱫᱚ ᱓᱗᱙᱐ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ (᱑᱔᱖᱐ ᱪᱟ.ᱣᱠᱟ. ᱢᱟᱭᱮᱞ) ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ[᱑] ᱾ ᱑᱙᱘᱙ ᱥᱮᱨᱢᱟ ᱨᱮ ᱟᱥᱟᱢ ᱨᱮᱭᱟᱜ ᱒᱓ ᱮᱞᱟᱱ ᱦᱚᱱᱚᱛ ᱢᱮᱱ ᱛᱮ ᱠᱚ ᱞᱟ.ᱭ ᱡᱟ.ᱦᱤᱨ ᱠᱮᱫᱟ ᱾ ᱥᱚᱫᱤᱭᱟ ᱟᱨ ᱢᱟᱨᱜᱷᱮᱨᱤᱴᱟ ᱫᱚ ᱦᱩᱭᱩᱜ ᱠᱟᱱᱟ ᱛᱤᱱᱤᱥᱩᱠᱤᱭᱟ ᱨᱮᱭᱟᱜ ᱟᱨ ᱵᱟᱨᱭᱟ ᱢᱚᱦᱩᱠᱢᱟ ।

ᱛᱤᱱᱤᱥᱩᱠᱤᱭᱟ ᱦᱚᱱᱚᱛ
ᱦᱚᱱᱚᱛ
ᱛᱤᱱᱤᱥᱩᱠᱭᱟ ᱦᱚᱱᱚᱛ ᱨᱮᱱᱟᱜ ᱧᱩᱛᱩᱢᱟᱱ ᱴᱤᱞᱤᱝᱟ ᱢᱩᱱᱫᱤᱨ
ᱛᱤᱱᱤᱥᱩᱠᱭᱟ ᱦᱚᱱᱚᱛ ᱨᱮᱱᱟᱜ ᱧᱩᱛᱩᱢᱟᱱ ᱴᱤᱞᱤᱝᱟ ᱢᱩᱱᱫᱤᱨ
ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱨᱮᱱᱟᱜ ᱴᱷᱟ.ᱭ
ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱨᱮᱱᱟᱜ ᱴᱷᱟ.ᱭ
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛᱟᱥᱟᱢ
ᱫᱚᱵᱷᱟ.ᱴᱤᱭᱟ.ᱛᱤᱱᱤᱥᱩᱠᱤᱭᱟ
ᱮᱨᱤᱭᱟ
 • ᱞᱮᱠᱷᱟᱜᱩᱴ3790 ᱠᱤᱢᱤ (1460 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(2011)
 • ᱞᱮᱠᱷᱟᱜᱩᱴ᱑,᱓᱑᱖,᱙᱔᱘
 • ᱰᱮᱱᱥᱤᱴᱤ347/ᱠᱤᱢᱤ2 (900/ᱜᱟᱺᱴ ᱢᱟᱹᱭᱤᱞ)
ᱥᱤᱧᱚᱛ ᱢᱟ.ᱱ ᱚᱠᱛᱮ (ᱭᱩᱴᱤᱥᱤ+5:30)
ᱣᱮᱵᱽᱥᱟᱭᱤᱴtinsukia.nic.in

ᱱᱟᱜᱟᱢ ᱥᱟᱯᱲᱟᱣ

ᱢᱟᱲᱟᱝ ᱫᱚ ᱱᱚᱶᱟ ᱦᱚᱱᱚᱛ ᱥᱩᱛᱤᱭᱟ ᱨᱟᱡᱚᱥᱴᱤ ᱨᱮ ᱛᱟᱦᱮ ᱠᱟᱱᱟ । ᱛᱤᱱᱤᱥᱩᱠᱤᱭᱟ ᱟᱨ ᱰᱤᱵᱽᱨᱩᱜᱚᱲ ᱦᱚᱱᱚᱛ ᱨᱮᱭᱟᱜ ᱢᱟᱨᱟᱝ ᱦᱤᱥ ᱥᱟᱢᱟᱝ ᱱᱟᱠᱷᱟ ᱫᱚ ᱢᱚᱴᱚᱠ ᱨᱟᱡᱚᱥᱴᱤ ᱨᱮᱭᱟᱜ ᱦᱤᱥ ᱛᱟᱦᱮ ᱠᱟᱱᱟ । ᱱᱚᱶᱟ ᱨᱮᱭᱟᱜ ᱨᱟᱡᱽᱜᱟᱲ ᱫᱚ ᱵᱮᱝᱢᱚᱨᱟ ᱥᱮ ᱥᱟᱝᱢᱟᱭ ᱯᱚᱭᱷᱟᱨ ᱨᱮ ᱛᱟᱦᱮ ᱠᱟᱱᱟ । ᱨᱟᱡᱚᱥᱴᱤ ᱫᱚ ᱢᱚᱣᱟᱢᱚᱨᱤᱭᱟ ᱡᱟ.ᱛᱤ ᱭᱟᱜ ᱵᱮᱝᱢᱚᱨᱟ ᱨᱟᱡᱚᱥᱴᱤ ᱦᱚᱸ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱱ ᱾ ᱢᱚᱴᱚᱠ ᱨᱟᱡᱟ ᱥᱚᱨᱵᱟᱱᱚᱱᱫᱚ ᱥᱤᱝᱦᱚ ᱯᱟ.ᱦᱤᱞ ᱫᱚ ᱟᱡᱟᱜ ᱨᱟᱡᱽᱜᱟᱲ ᱜᱩᱭᱡᱟᱱ ᱜᱟᱰᱟ ᱯᱟᱨᱚᱢ ᱨᱚᱝᱟᱜᱯᱲ ᱨᱮ ᱵᱟᱱᱫᱷᱟᱣ ᱞᱮᱫᱟ । ᱑᱗᱙᱑ ᱥᱮᱨᱢᱟ ᱨᱮ ᱩᱱᱤ ᱫᱚ ᱵᱮᱝᱢᱚᱨᱟ ᱛᱮ ᱯᱷᱮᱨᱟᱣ ᱠᱮᱫᱟ । ᱥᱚᱨᱵᱟᱱᱚᱱᱫᱚ ᱥᱤᱝᱦᱚ ᱫᱚ ᱟᱡ ᱨᱮᱱ ᱢᱚᱱᱛᱨᱤ ᱜᱚᱯᱤᱱᱟᱛᱷ ᱵᱚᱨᱵᱚᱨᱩᱣᱟ (ᱜᱚᱫᱷᱟ) ᱣᱟᱜ ᱜᱚᱲᱚ ᱛᱮ ᱵᱮᱝᱢᱯᱨᱟ ᱱᱟᱝᱜᱽᱨᱟᱦᱟᱭ ᱵᱟᱱᱫᱷᱟᱣ ᱞᱮᱫᱟ । ᱱᱚᱶᱟ ᱱᱟᱝᱜᱽᱨᱟᱦᱟ ᱜᱮ ᱱᱟᱦᱟᱜ ᱛᱤᱱᱤᱥᱩᱠᱤᱭᱟ ᱱᱟᱝᱜᱽᱨᱟᱦᱟ ᱛᱟᱞᱟ ᱨᱮ ᱛᱟᱦᱮ ᱠᱟᱱᱟ । ᱥᱚᱨᱵᱟᱱᱚᱱᱫᱚ ᱥᱤᱝᱦᱚ ᱟᱜ ᱦᱩᱠᱩᱢ ᱛᱮ ᱜᱚᱫᱷᱟ ᱵᱚᱨᱩᱣᱟ ᱫᱚ ᱵᱮᱝᱢᱚᱨᱟ ᱨᱮ ᱢᱤᱫ ᱴᱮᱱ ᱯᱮ- ᱠᱚᱱᱟ ᱜᱟ.ᱰᱭᱟ.ᱭ ᱞᱟ ᱚᱪᱚ ᱞᱮᱫᱟ "ᱚᱠᱟ ᱫᱚ ᱛᱤᱱᱤᱠᱚᱱᱤᱭᱟ ᱯᱩᱠᱷᱩᱨᱤ" ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱱᱟ । ᱑᱘᱘᱔ ᱥᱮᱨᱢᱟ ᱨᱮ ᱰᱤᱵᱽᱨᱩ - ᱥᱚᱭᱠᱷᱚᱣᱟ ᱨᱮᱞ ᱞᱟᱭᱤᱱ ᱵᱮᱱᱟᱣᱜ ᱚᱠᱛᱮ ᱨᱮ ᱱᱚᱣᱟ ᱜᱟ.ᱰᱤᱭᱟ. ᱥᱩᱨ ᱨᱮ ᱢᱤᱫ ᱴᱟᱝ ᱥᱴᱮᱥᱚᱱ ᱠᱚ ᱥᱟᱡᱟᱣ ᱞᱮᱫᱟ । ᱱᱤᱭᱟ ᱜᱮ "ᱛᱤᱱᱤᱥᱩᱠᱤᱭᱟ ᱠᱚ ᱧᱩᱛᱩᱢ ᱠᱮᱫᱟ , ᱚᱠᱟ ᱫᱚ ᱛᱟᱭᱚᱢ ᱛᱮ ᱱᱟᱝᱜᱽᱨᱟᱦᱟ ᱟᱨ ᱦᱚᱱᱚᱛ ᱨᱮᱭᱟᱜ ᱧᱩᱛᱩᱢ ᱦᱚᱸ ᱠᱚ ᱫᱚᱦᱚ ᱠᱮᱫᱼᱟ ।

ᱚᱛᱱᱚᱛ ᱩᱱᱩᱨᱩᱢ ᱥᱟᱯᱲᱟᱣ

ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱫᱚ ᱓᱗᱙᱐ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ। ᱱᱚᱣᱟ ᱨᱮᱭᱟᱜ ᱮᱛᱚᱢ- ᱥᱟᱢᱟᱝ ᱯᱟᱥᱴᱟ ᱨᱮ ᱢᱮᱱᱟᱜ-ᱟ ᱚᱨᱩᱱᱟᱪᱚᱞ ᱯᱨᱚᱫᱮᱥ, ᱮᱛᱚᱢ-ᱯᱟᱪᱷᱮ ᱨᱮ ᱢᱮᱱᱟᱜ-ᱟ ᱰᱤᱵᱽᱨᱩᱜᱚᱲ ᱦᱚᱱᱚᱛ ᱟᱨ ᱠᱚᱧᱮ ᱨᱮ ᱵᱨᱚᱦᱢᱚᱯᱩᱛᱨᱚᱭ ᱵᱮᱜᱟᱨ ᱟᱠᱟᱫ ᱫᱷᱮᱢᱟᱡᱤ ᱦᱚᱱᱚᱛ । ᱵᱨᱚᱦᱢᱚᱯᱩᱛᱨᱚ ᱵᱮᱜᱚᱨ ᱛᱤᱱᱤᱥᱩᱠᱤᱭᱟ ᱛᱟᱞᱟ ᱛᱮ ᱞᱚᱦᱤᱛ, ᱵᱚᱲᱤ ᱫᱤᱦᱤᱝ, ᱟᱨ ᱰᱤᱵᱽᱨᱩ ᱜᱟᱰᱟ ᱞᱤᱸᱜᱤ ᱯᱟᱨᱚᱢ ᱟᱠᱟᱱᱟ । ᱦᱚᱱᱚᱛ ᱨᱮᱭᱟᱜ ᱟᱥᱚᱞ ᱵᱤᱨ ᱦᱩᱭᱩᱜ ᱠᱟᱱᱟ ᱰᱤᱵᱽᱨᱩ- ᱥᱚᱭᱠᱷᱚᱣᱟ ᱡᱟᱛᱤᱭᱟ.ᱨᱤ ᱵᱟᱜᱽᱣᱟᱱ[᱒], ᱛᱚᱨᱟᱱᱤ ᱨᱟᱠᱷᱟ ᱫᱚᱦᱚ ᱵᱤᱨᱴᱚᱴᱷᱟ, ᱫᱩᱣᱟᱨ ᱢᱚᱨᱟ ᱨᱟᱠᱷᱟ ᱫᱚᱦᱚ ᱵᱤᱨᱴᱚᱴᱷᱟ, ᱞᱚᱠᱦᱤᱚᱛᱷᱟᱨ ᱨᱟᱠᱷᱟ ᱫᱚᱦᱚ ᱵᱤᱨᱴᱚᱴᱷᱟ, ᱠᱚᱠᱡᱟᱱ ᱨᱟᱠᱷᱟ ᱫᱚᱦᱚ ᱵᱤᱨᱴᱚᱴᱷᱟ, ᱯᱷᱤᱞᱵᱟᱨᱤ ᱨᱟᱠᱷᱟ ᱫᱚᱦᱚ ᱵᱤᱨᱴᱚᱴᱷᱟ ᱮᱢᱟᱱ।

ᱠᱟ.ᱣᱰᱤ ᱟ.ᱨᱤ ᱥᱟᱯᱲᱟᱣ

ᱛᱤᱱᱤᱥᱩᱠᱤᱭᱟ ᱫᱚ ᱟᱥᱟᱢ ᱨᱮᱱᱟᱜ ᱢᱤᱫ ᱴᱟᱝ ᱵᱤᱨᱤᱛᱤᱭᱟ. ᱦᱚᱱᱚᱛ ᱠᱟᱱᱟ। ᱰᱤᱵᱽᱜᱚᱭ ᱨᱮ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱥᱩᱱᱩᱢ ᱥᱩᱫᱷᱟᱱᱟᱜᱟᱨ ᱢᱮᱱᱟᱜ-ᱟ, ᱚᱱᱟ ᱥᱟᱶᱛᱮ ᱞᱤᱰᱩ ᱟᱨ ᱢᱟᱨᱜᱷᱮᱨᱤᱴᱟ ᱫᱚ ᱠᱚᱭᱞᱟ ᱠᱷᱟᱫᱟᱱ ᱧᱩᱛᱩᱢ ᱛᱮ ᱦᱚᱸ ᱥᱚᱨᱮᱥ ᱜᱮᱭᱟ । ᱦᱚᱱᱚᱛ ᱨᱮᱱ ᱯᱮᱭᱟ ᱢᱟᱨᱟᱝ ᱵᱤᱨᱤᱛᱤᱭᱟ. ᱟᱠᱷᱲᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱤᱱᱰᱤᱭᱟᱱ ᱚᱭᱞ ᱠᱚᱨᱚᱯᱟᱨᱮᱥᱚᱱ, ᱠᱳᱞ ᱤᱱᱰᱤᱭᱟ ᱞᱤᱢᱤᱴᱮᱰ, ᱭᱩᱱᱤᱞᱤᱵᱷᱟᱨ ᱮᱢᱟᱱ। ᱟᱥᱟᱢ ᱨᱮᱭᱟᱜ ᱢᱤᱫᱴᱟᱝ ᱵᱤᱨᱤᱛᱤᱭᱟ. ᱛᱟᱞᱢᱟ ᱠᱟᱱ ᱥᱟᱶᱛᱮ ᱱᱚᱸᱰᱮ ᱟ.ᱰᱤ ᱵᱟ.ᱲᱛᱤ ᱪᱟ, ᱦᱩᱲᱩ ᱟᱨ ᱞᱮᱢᱵᱩ ᱪᱟᱥ ᱟᱨᱡᱟᱣ ᱦᱩᱭᱩᱜ-ᱟ [᱓]

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ

  1. Srivastava, Dayawanti et al. (ed.) (2010). "States and Union Territories: Assam: Government". India 2010: A Reference Annual (54th ed.). New Delhi, India: Additional Director General, Publications Division, Ministry of Information and Broadcasting (India), Government of India. p. 1116. ISBN 978-81-230-1617-7. {{cite book}}: |last1= has generic name (help)
  2. Indian Ministry of Forests and Environment. "Protected areas: Assam". Archived from the original on August 23, 2011. Retrieved September 25, 2011. {{cite web}}: Unknown parameter |deadurl= ignored (help)
  3. "Economy of Tinsukia District". IndiaNetzone. March 5, 2010. Retrieved June 17, 2012.

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ