ᱰᱤᱵᱽᱨᱩᱜᱚᱲ ᱦᱚᱱᱚᱛ

ᱰᱤᱵᱽᱨᱩᱜᱚᱲ ᱦᱚᱱᱚᱛ ᱫᱚ ᱥᱤᱧᱚᱛ ᱠᱚᱧᱮᱼᱥᱟᱢᱟᱝ ᱯᱟᱥᱴᱟ ᱨᱮ ᱢᱮᱱᱟᱜ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱯᱚᱱ ᱠᱚᱱᱟ ᱫᱚ ᱦᱩᱭᱩᱜ ᱠᱟᱱᱟ - ᱠᱚᱭᱮ ᱱᱟᱠᱷᱟ ᱨᱮ ᱫᱷᱮᱢᱟᱡᱤ ᱦᱚᱱᱚᱛ, ᱮᱛᱚᱢ ᱱᱟᱠᱷᱟ ᱨᱮ ᱥᱚᱨᱟᱭᱫᱮᱣ ᱦᱚᱱᱚᱛ ᱟᱨ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱴᱤᱨᱟᱯ ᱦᱚᱱᱚᱛ, ᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱟᱨ ᱯᱟᱪᱷᱮ ᱱᱟᱞᱷᱟ ᱨᱮ ᱫᱚ ᱥᱤᱵᱽᱥᱟᱜᱚᱨ ᱦᱚᱱᱚᱛ ᱢᱮᱱᱟᱜᱼᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱨᱮᱭᱟᱜ ᱧᱩᱛᱩᱢ ᱦᱚᱸ ᱰᱤᱵᱽᱨᱩᱜᱚᱲ ᱠᱟᱱ ᱜᱮᱭᱟ ᱾ ᱱᱚᱣᱟ ᱦᱚᱱᱚᱛ ᱫᱚ ᱓,᱓᱘᱑ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱫᱮᱫ ᱟᱠᱟᱱᱟ ᱾^[᱑]

ᱧᱩᱛᱩᱢ ᱚᱢᱚᱱ

'ᱰᱤᱵᱽᱨᱩᱜᱚᱲ' ᱧᱩᱛᱩᱢ ᱨᱮᱭᱟᱷ ᱚᱢᱚᱱ ᱫᱚ 'ᱰᱤᱵᱚᱨᱩ ᱢᱩᱠᱷ' (ᱟᱦᱳᱢ - ᱪᱚᱛᱤᱭᱟ/ᱥᱩᱛᱤᱭᱟ ᱞᱟᱹᱲᱦᱟᱹᱭ ᱴᱷᱟᱹᱭ) - ᱠᱷᱚᱱ ᱦᱮᱡ ᱟᱠᱟᱱᱟ᱾ ᱰᱤᱵᱚᱨᱩ ᱧᱩᱛᱩᱢ ᱫᱚ ᱰᱤᱵᱽᱨᱩ ᱜᱟᱰᱟ ᱠᱷᱚᱱ ᱛᱩᱢᱟᱹᱞ ᱟᱠᱟᱱᱟ ᱾ ᱪᱩᱛᱤᱭᱟ/ᱥᱩᱛᱤᱭᱟ ᱯᱟᱹᱨᱥᱤ ᱛᱮ ᱰᱤᱵᱽᱨᱩ ᱟᱹᱲᱟᱹ ᱨᱮᱭᱟᱜ ᱢᱮᱱᱮᱫ ᱴᱷᱚᱭᱚᱫ ᱟᱨ ᱜᱚᱲ ᱨᱮᱭᱟᱜ ᱢᱮᱱᱮᱫ ᱫᱩᱨᱜᱚ ᱥᱮ ᱜᱟᱲ ᱾

ᱚᱛᱱᱚᱛ ᱩᱱᱩᱨᱩᱢ

ᱰᱤᱵᱽᱨᱩᱜᱚᱲ ᱦᱚᱱᱚᱛ ᱫᱚ ᱒᱗° ᱕' ᱓᱘" ᱠᱚᱭᱮ ᱱᱟᱠᱷᱟ ᱠᱷᱚᱱ ᱒᱗° ᱔᱒' ᱓᱐" ᱠᱚᱭᱮ ᱚᱠᱷᱟᱦᱤᱥ ᱟᱨ ᱙᱔° ᱓᱓' ᱔᱖" ᱥᱟᱢᱟᱝ ᱱᱟᱠᱷᱟ ᱠᱷᱚᱱ ᱙᱕° ᱒᱙' ᱘" ᱥᱟᱢᱟᱝ ᱫᱨᱟᱜᱷᱤᱢᱟ ᱦᱤᱥ ᱦᱟᱹᱵᱤᱡ ᱯᱟᱥᱱᱟᱣ ᱟᱠᱟᱱᱟ᱾ ᱱᱚᱣᱟ ᱨᱮᱭᱟᱜ ᱯᱚᱱ ᱥᱤᱢᱟ ᱫᱚ ᱦᱩᱭᱩᱜ ᱠᱟᱱᱟ ᱠᱚᱭᱮ ᱱᱟᱠᱷᱟ ᱨᱮ ᱫᱷᱮᱢᱟᱡᱤ ᱦᱚᱱᱚᱛ, ᱮᱛᱚᱢ ᱱᱟᱠᱷᱟ ᱪᱚᱨᱟᱭᱫᱮᱣ ᱦᱚᱱᱚᱛ ᱟᱨ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱴᱤᱨᱟᱯ ᱦᱚᱱᱚᱛ, ᱥᱟᱢᱟᱝ ᱱᱟᱠᱷᱟ ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱟᱨ ᱯᱟᱪᱷᱮ ᱱᱟᱠᱷᱟ ᱥᱤᱵᱥᱟᱜᱚᱨ ᱦᱚᱱᱚᱛ ᱟᱨ ᱪᱚᱨᱟᱭᱫᱮᱣ ᱦᱚᱱᱚᱛ ᱢᱮᱱᱟᱜᱼᱟ ᱾ᱵᱨᱚᱦᱢᱚᱯᱩᱛᱨᱚ ᱠᱚᱭᱮ ᱯᱟᱥᱴᱟ ᱨᱮ ᱦᱚᱱᱚᱛ ᱨᱮᱭᱟᱜ ᱠᱚᱭᱮ ᱥᱤᱢᱟ ᱙᱕ ᱠᱤᱞᱚ ᱢᱤᱴᱟᱨ ᱦᱟᱹᱵᱤᱡ ᱯᱟᱥᱱᱟᱣ ᱟᱠᱟᱱᱟ ᱾

ᱥᱟᱜ-ᱥᱚᱱ ᱦᱟᱯᱟᱴᱤᱧ

ᱰᱤᱵᱽᱨᱩᱜᱚᱲ ᱦᱚᱱᱚᱛ ᱨᱮᱭᱟᱜ ᱵᱟᱨᱭᱟ ᱢᱚᱦᱩᱠᱢᱟ ᱫᱚ ᱦᱩᱭᱩᱜ ᱠᱟᱱᱟ ᱰᱤᱵᱽᱨᱩᱜᱚᱲ ᱟᱨ ᱱᱟᱦᱚᱨ ᱠᱚᱴᱚᱠᱤᱭᱟ ᱾ ᱱᱟᱦᱚᱨ ᱠᱚᱴᱚᱠᱤᱭᱟ ᱫᱚ ᱱᱟᱣᱟ ᱦᱚᱱᱚᱛ ᱧᱩᱢ ᱡᱟᱹᱦᱤᱨ ᱥᱟᱶ ᱛᱮ ᱫᱚᱥᱚᱨ ᱢᱚᱦᱩᱠᱢᱟ ᱢᱮᱱ ᱛᱮ ᱧᱩᱢ ᱵᱮᱜᱟᱨ ᱞᱮᱱᱟ᱾ ᱦᱚᱱᱚᱛ ᱫᱚᱵᱷᱟᱹᱴᱤᱭᱟᱹ ᱫᱚ ᱰᱤᱵᱽᱨᱩᱜᱚᱲ ᱛᱮᱫ ᱠᱟᱱ ᱜᱮᱭᱟ ᱾ ᱟᱥᱟᱢ ᱵᱤᱫᱷᱟᱱ ᱥᱚᱵᱷᱟ ᱨᱮ ᱰᱤᱵᱽᱨᱩᱜᱚᱲ ᱦᱚᱱᱚᱛ ᱨᱮᱭᱟᱜ ᱮᱭᱟᱭ ᱜᱚᱴᱟᱝ ᱴᱚᱴᱷᱟ ᱢᱮᱱᱟᱜᱼᱟ᱾ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ : ᱢᱚᱨᱟᱱ (᱑᱑᱕), ᱰᱤᱵᱽᱨᱩᱜᱚᱲ (᱑᱑᱖), ᱞᱟᱦᱚᱣᱟᱞ (᱑᱑᱗), ᱫᱩᱞᱤᱭᱟᱡᱟᱱ (᱑᱑᱘), ᱴᱤᱝᱠᱷᱚᱝ (᱑᱑᱘), ᱱᱟᱦᱚᱨ ᱠᱚᱴᱚᱠᱤᱭᱟ (᱑᱒᱐), ᱪᱟᱵᱩᱣᱟ (᱑᱒᱑)᱾ ^[᱒] ᱪᱟᱵᱩᱣᱟ ᱴᱚᱴᱷᱟ ᱫᱚ ᱞᱚᱠᱷᱤᱢᱯᱩᱨ ᱞᱚᱠ ᱥᱚᱵᱷᱟ ᱟᱨ ᱥᱟᱨᱮᱡ ᱛᱩᱨᱩᱭ ᱜᱚᱴᱟᱝ ᱫᱚ ᱰᱤᱵᱽᱨᱩᱜᱚᱲ ᱞᱚᱠ ᱥᱚᱵᱷᱟ ᱥᱚᱢᱚᱥᱴᱤ ᱨᱮ ᱯᱟᱲᱟᱣ ᱟᱠᱟᱱᱟ᱾

ᱦᱚᱲ ᱞᱮᱠᱷᱟ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱰᱤᱵᱽᱨᱩᱜᱚᱲ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱛᱟᱦᱮ ᱠᱟᱱᱟ ᱑᱓,᱒᱖,᱓᱓᱕ ᱡᱚᱱᱟ ᱾ ᱱᱩᱠᱩ ᱢᱩᱫᱽ ᱨᱮ ᱖,᱔᱙,᱙᱐᱑ ᱡᱚᱱᱟ ᱦᱮᱨᱮᱞ ᱟᱨ ᱖,᱔᱙,᱙᱐᱑ ᱡᱚᱱᱟ ᱫᱚ ᱢᱟᱭᱡᱤᱣ ᱾ ᱒᱐᱐᱑ᱼ᱒᱐᱑᱑ ᱥᱮᱨᱢᱟ ᱛᱟᱞᱟ ᱨᱮ ᱞᱮᱠᱷᱟ ᱵᱟᱹᱰᱚᱜ ᱨᱮᱭᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱑᱑.᱙᱒% ᱦᱤᱥ ᱾ ᱑᱐᱐᱐ ᱡᱚᱱᱟ ᱦᱮᱛᱮᱞ ᱵᱚᱫᱚᱞ ᱛᱮ ᱙᱖᱑ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ ᱥᱮᱪᱮᱫ ᱠᱚᱣᱟᱜ ᱦᱟᱨ ᱗᱖.᱐᱕% ᱾

ᱥᱟᱹᱠᱷᱭᱟᱹᱛ

↑ Srivastava, Dayawanti et al. (ed.) (2010). "States and Union Territories: Assam: Government". India 2010: A Reference Annual (54th ed.). New Delhi, India: Additional Director General, Publications Division, Ministry of Information and Broadcasting (India), Government of India. p. 1116. ISBN 978-81-230-1617-7. {{cite book}}: |last1= has generic name (help)
↑ "List of Assembly Constituencies showing their Revenue & Election District wise break - up" (PDF). Chief Electoral Officer, Assam website. Archived from the original (PDF) on 22 March 2012. Retrieved 26 September 2011. {{cite web}}: Unknown parameter |deadurl= ignored (help)

[Reference_Annual-1] Srivastava, Dayawanti et al. (ed.) (2010). "States and Union Territories: Assam: Government". India 2010: A Reference Annual (54th ed.). New Delhi, India: Additional Director General, Publications Division, Ministry of Information and Broadcasting (India), Government of India. p. 1116. ISBN 978-81-230-1617-7. {{cite book}}: |last1= has generic name (help)

[ceo1-2] "List of Assembly Constituencies showing their Revenue & Election District wise break - up" (PDF). Chief Electoral Officer, Assam website. Archived from the original (PDF) on 22 March 2012. Retrieved 26 September 2011. {{cite web}}: Unknown parameter |deadurl= ignored (help)

[᱑]

[᱒]