ᱜᱟᱨᱴᱨᱚᱰ ᱮᱵᱟᱨᱠᱨᱚᱢᱵᱤ
| ᱜᱟᱨᱴᱨᱚᱰ ᱮᱵᱟᱨᱠᱨᱚᱢᱵᱤ | |
|---|---|
 ᱑᱙᱕᱑ ᱨᱮ ᱜᱟᱨᱴᱨᱚᱰ ᱮᱵᱟᱨᱠᱨᱚᱢᱵᱤ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱯᱷᱮᱵᱽᱨᱩᱣᱟᱨᱤ ᱑᱗, ᱑᱙᱐᱙ ᱚᱥᱴᱤᱱ, ᱴᱮᱠᱥᱮᱥ, ᱟᱢᱮᱨᱤᱠᱟ |
| ᱜᱩᱨ | ᱓ ᱡᱩᱞᱟᱭ ᱑᱙᱗᱗ (᱖᱘ ᱵᱚᱭᱚᱥ) ᱪᱤᱠᱟᱜᱳ, ᱤᱞᱞᱟᱭᱱᱚᱭᱥ, ᱟᱢᱮᱨᱤᱠᱟ |
| ᱫᱤᱥᱚᱢᱤᱭᱟᱹ | ᱟᱢᱮᱨᱤᱠᱟᱱ |
| ᱧᱩᱢᱱᱟᱢ | ᱯᱮᱱᱴᱤᱝ |
ᱜᱟᱨᱴᱨᱚᱰ ᱮᱵᱟᱨᱠᱨᱚᱢᱵᱤ (17 ᱯᱷᱮᱵᱨᱟᱣᱚᱨᱤ, 1909ᱼ3 ᱡᱩᱞᱟᱭ, 1977) ᱫᱚ ᱛᱟᱦᱮᱸ ᱠᱟᱱᱟ ᱥᱤᱠᱟᱜᱟᱨᱮ ᱢᱮᱱᱟᱜ ᱢᱤᱫ ᱢᱟᱨᱠᱤᱱ ᱪᱤᱛᱟᱹᱨ ᱠᱟᱹᱨᱤᱜᱚᱞ ᱠᱟᱱᱟᱭ ᱾ "ᱵᱳᱦᱤᱢᱤᱭᱟᱱ ᱠᱟᱹᱨᱤᱜᱚᱞ ᱠᱚᱣᱟᱜ ᱨᱟᱡᱤ" ᱧᱩᱛᱩᱢᱛᱮ ᱩᱯᱨᱩᱢᱟ, ᱮᱵᱟᱨᱠᱨᱚᱢᱵᱤ ᱫᱚ ᱥᱤᱠᱟᱜᱳ ᱡᱮᱡᱽ ᱪᱤᱛᱟᱹᱨ ᱨᱮ ᱥᱮᱞᱮᱫ ᱛᱟᱸᱦᱮ ᱠᱟᱱᱟ ᱟᱨ ᱰᱤᱡᱡᱤ ᱜᱤᱞᱮᱥᱯᱤ, ᱪᱟᱨᱞᱤ ᱯᱮᱠᱟᱨ ᱟᱨ ᱥᱟᱨᱟ ᱵᱷᱳᱱ ᱞᱮᱠᱟᱱ ᱥᱮᱨᱮᱧ ᱠᱟᱹᱨᱤᱜᱚᱞ ᱠᱚ ᱥᱟᱶ ᱜᱟᱛᱮᱭ ᱛᱟᱸᱦᱮ ᱠᱟᱱᱟ, ᱡᱟᱦᱟᱭ ᱠᱚᱣᱟᱜ ᱥᱮᱨᱮᱧ ᱩᱱᱤᱭᱟᱜ ᱟᱡᱟᱜ ᱵᱮᱱᱟᱣᱟᱱ ᱠᱟᱹᱢᱤ ᱠᱚ ᱩᱫᱜᱟᱹᱣ ᱞᱮᱫᱟ ᱾
ᱮᱛᱚᱦᱚᱵ ᱡᱤᱭᱚᱱ
ᱥᱟᱯᱲᱟᱣᱮᱵᱟᱨᱠᱨᱚᱢᱵᱤ 1909 ᱥᱟᱹᱦᱤᱛ ᱨᱮᱭᱟᱜ ᱯᱷᱮᱵᱽᱵᱨᱚᱨᱤ ᱨᱮ ᱴᱮᱠᱥᱟᱥ ᱨᱮᱭᱟᱜ ᱳᱥᱴᱤᱱ ᱨᱮ ᱡᱟᱱᱟᱢ ᱞᱮᱱᱟ ᱾ ᱩᱱᱤᱭᱟᱜ ᱟᱭᱳ ᱟᱨ ᱵᱟᱵᱟ ᱴᱟᱢ ᱟᱨ ᱞᱩᱞᱟ ᱡᱮᱱᱮᱥ ᱮᱵᱟᱨᱠᱨᱚᱢᱵᱤ ᱚᱯᱮᱨᱟ ᱥᱮᱨᱮᱧᱤᱭᱟᱹ ᱠᱚ ᱥᱟᱸᱜᱷᱟᱨ ᱨᱮᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱜᱟᱨᱴᱨᱚᱰ ᱡᱟᱱᱟᱢ ᱢᱟᱦᱟ ᱨᱮ ᱳᱥᱴᱤᱱ ᱨᱮ ᱛᱟᱦᱮᱸ ᱠᱟᱱᱟ ᱾ ᱟᱭᱳᱭᱟᱜ ᱠᱟᱹᱢᱤ ᱡᱤᱭᱚᱱ ᱞᱟᱦᱟ ᱛᱮ ᱪᱟᱞᱟᱜ ᱞᱟᱹᱜᱤᱫ 1913 ᱥᱟᱹᱦᱤᱛ ᱨᱮ ᱩᱱᱤ ᱨᱮᱱ ᱜᱷᱟᱨᱚᱸᱡᱽ ᱵᱟᱨᱞᱤᱱ ᱨᱮᱭ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱯᱳᱭᱞᱳ ᱡᱮᱜᱮᱫ ᱞᱟᱹᱲᱦᱟᱹᱭ ᱮᱛᱚᱦᱚᱵ ᱠᱷᱟᱹᱛᱤᱨ ᱛᱮ ᱩᱱᱤ ᱨᱮᱱ ᱜᱷᱟᱨᱚᱸᱡᱽ ᱫᱚ ᱢᱟᱨᱠᱤᱱ ᱡᱩᱠᱛᱚᱨᱟᱥᱴᱨᱚ ᱨᱮ ᱨᱩᱣᱟᱹᱲ ᱦᱮᱡ ᱞᱮᱱᱟ ᱾[᱑] 1916 ᱥᱟᱹᱦᱤᱛ ᱨᱮ ᱪᱤᱠᱚᱜᱳ ᱨᱮᱭᱟᱜ ᱦᱟᱭᱰ ᱯᱟᱨᱠ ᱨᱮ ᱛᱷᱟᱯᱚᱱ ᱢᱟᱲᱟᱝ ᱩᱱᱠᱩ ᱨᱩᱣᱟᱹᱲ ᱦᱮᱡ ᱛᱟᱭᱚᱢ ᱜᱷᱟᱨᱚᱸᱡᱽ ᱫᱚ ᱮᱞᱤᱱᱟᱭᱥ ᱨᱮᱭᱟᱜ ᱮᱞᱮᱰᱳ ᱨᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱚᱲᱟᱜ ᱨᱮ ᱢᱤᱫ ᱟᱹᱰᱤ ᱠᱷᱤᱥᱴᱟᱱ ᱥᱟᱭᱱᱴᱤᱥᱛᱛᱚ ᱯᱚᱨᱤᱢᱟᱱ ᱨᱮ ᱡᱟᱱᱟᱢ ᱞᱮᱱᱟ ᱾
ᱩᱱᱤ 1929 ᱥᱟᱹᱦᱤᱛ ᱨᱮ ᱚᱨᱵᱟᱱᱟᱼᱪᱮᱢᱯᱟᱭᱮᱱ ᱨᱮ ᱤᱞᱤᱭᱳᱱᱤᱥ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱨᱳᱢᱟᱱᱥ ᱯᱟᱹᱨᱥᱤ ᱢᱤᱫᱴᱟᱝ ᱥᱮᱪᱮᱫ ᱦᱟᱢᱮᱴ ᱞᱮᱫᱟᱭ ᱾[᱒] ᱪᱤᱠᱚᱜᱳ ᱟᱨᱴ ᱤᱱᱥᱴᱤᱴᱤᱭᱩᱴ ᱨᱮ ᱦᱩᱰᱤᱧ ᱚᱠᱛᱚ ᱞᱟᱹᱜᱤᱫ ᱯᱷᱤᱜᱟᱨ ᱰᱨᱟᱣᱝ ᱯᱟᱲᱦᱟᱣ ᱛᱟᱭᱚᱢ, ᱩᱱᱤ ᱫᱚ ᱪᱤᱠᱚᱜᱳ ᱨᱮᱭᱟᱜ ᱟᱢᱤᱨᱤᱠᱮᱱ ᱮᱠᱟᱰᱤᱢᱤ ᱚᱯᱷ ᱟᱨᱴ ᱨᱮ ᱵᱮᱯᱟᱨᱤᱭᱟᱹ ᱠᱟᱹᱨᱤ ᱢᱤᱫ ᱥᱮᱨᱢᱟ ᱨᱮᱭᱟᱜ ᱠᱳᱨᱥ ᱮ ᱦᱟᱛᱟᱣ ᱞᱮᱫᱟ, ᱡᱟᱦᱟᱸ ᱠᱷᱟᱹᱛᱤᱨ ᱛᱮ ᱩᱱᱤ ᱫᱚ ᱢᱮᱥᱤᱨᱳ ᱰᱤᱯᱟᱨᱢᱮᱱᱴ ᱥᱴᱳᱨ ᱨᱮᱭᱟᱜ ᱩᱪᱷᱟᱹᱱ ᱞᱟᱹᱜᱤᱫ ᱟᱭᱟᱜ ᱯᱳᱭᱞᱳ ᱠᱟᱹᱢᱤ ᱜᱞᱟᱵᱷᱥ ᱰᱨᱟᱣᱝ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱥᱤᱭᱟᱨᱥ ᱞᱟᱹᱜᱤᱫ ᱢᱤᱫ ᱠᱟᱹᱨᱤᱜᱚᱞ ᱞᱮᱠᱟᱛᱮ ᱠᱚᱢ ᱚᱠᱛᱚ ᱞᱟᱹᱜᱤᱫ ᱠᱟᱹᱢᱤ ᱞᱮᱫᱟᱭ ᱾[᱑]
ᱯᱷᱤᱭᱤᱱ ᱟᱨᱴ ᱠᱟᱹᱢᱤᱡᱤᱭᱚᱱ
ᱥᱟᱯᱲᱟᱣ᱑᱙᱓᱒ ᱥᱟᱹᱦᱤᱛ, ᱩᱱᱤ ᱟᱡᱟᱜ ᱠᱟᱹᱨᱤ ᱪᱮᱛᱟᱱ ᱨᱮ ᱟᱹᱰᱤ ᱜᱟᱱ ᱢᱚᱱᱮ ᱮᱢ ᱮᱦᱚᱵ ᱞᱮᱫᱟ ᱾[᱑] ᱛᱟᱭᱚᱢ ᱫᱟᱨᱟᱢ ᱠᱷᱚᱞᱚᱠ ᱫᱤᱱ ᱨᱮ ᱩᱱᱤ ᱫᱚ ᱥᱤᱠᱟᱜᱳ ᱨᱮᱭᱟᱜ ᱢᱤᱫᱴᱟᱝ ᱚᱰᱮᱰᱳᱨ ᱟᱨᱴ ᱢᱮᱲᱟᱨᱮ ᱟᱭᱟᱜ ᱯᱳᱭᱞᱳ ᱟᱹᱠᱷᱨᱤᱧᱮ ᱠᱚᱨᱟᱣ ᱞᱮᱫᱟ ᱟᱨ ᱟᱠᱷᱲᱟ ᱞᱟᱹᱜᱤᱫ ᱛᱮ ᱰᱚᱜᱚᱨ ᱥᱟᱠᱟᱢ ᱨᱮ ᱢᱤᱫᱴᱟᱝ ᱢᱟᱹᱱ ᱟᱱᱟᱜ ᱚᱞ ᱧᱟᱢ ᱞᱮᱫᱟ ᱾[᱓] 1930 ᱜᱮᱞᱟᱝ ᱛᱟᱞᱟ ᱨᱮ ᱩᱱᱤ ᱫᱚ ᱟᱡ ᱨᱮᱱ ᱜᱷᱟᱨᱚᱸᱡᱽ ᱚᱲᱟᱜ ᱠᱷᱚᱱ ᱮ ᱪᱟᱞᱟᱣ ᱮᱱᱟ ᱟᱨ ᱴᱚᱴᱷᱟ ᱨᱮᱭᱟᱜ ᱠᱟᱹᱨᱤ ᱴᱷᱟᱶ ᱨᱮ ᱠᱟᱹᱢᱤᱣᱟᱱ ᱮ ᱦᱩᱭ ᱞᱮᱱᱟ ᱾[᱑] 1934 ᱠᱷᱚᱱ 1940 ᱥᱟᱹᱦᱤᱛ ᱦᱟᱹᱵᱤᱡ ᱩᱱᱤ ᱳᱣ ᱯᱨᱚᱜᱨᱟᱥ ᱮᱰᱢᱨᱟᱥᱱ ᱨᱮᱱ ᱢᱤᱫ ᱦᱚᱲ ᱪᱤᱛᱟᱹᱨ ᱠᱟᱹᱨᱤᱜᱚᱞ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟᱭ ᱟᱨ 1934 ᱥᱟᱹᱦᱤᱛ ᱨᱮ ᱥᱤᱠᱟᱜ ᱥᱳᱥᱟᱭᱴᱤ ᱚᱯᱷ ᱟᱨᱴᱤᱥᱴᱥ ᱟᱭᱟᱜ ᱠᱟᱹᱢᱤ ᱨᱮᱭᱟᱜ ᱢᱤᱫᱴᱟᱝ ᱢᱤᱫ ᱦᱚᱲ ᱩᱫᱩᱜ ᱥᱚᱫᱚᱨ ᱞᱮᱫᱟᱭ ᱾[᱑] 1930 ᱟᱨ 1940 ᱜᱮᱞᱟᱝ ᱨᱮ ᱩᱱᱤ ᱫᱚ ᱠᱟᱴ ᱵᱮᱱᱟᱣ ᱮ ᱮᱛᱚᱦᱚᱵ ᱞᱮᱫᱟ ᱾
1940 ᱥᱟᱹᱦᱤᱛ ᱨᱮ ᱩᱱᱤ ᱫᱚ ᱟᱹᱱ ᱩᱭᱦᱟᱹᱨᱤᱭᱟᱹ ᱨᱚᱯᱟᱨᱴ ᱞᱤᱵᱷᱤᱝᱥᱴᱚᱱ ᱮ ᱵᱟᱯᱞᱟ ᱞᱮᱫᱮᱭᱟ ᱟᱨ 1942 ᱥᱟᱹᱦᱤᱛ ᱨᱮ ᱩᱱᱠᱩᱣᱟᱜ ᱦᱚᱯᱚᱱ ᱮᱨᱟ ᱫᱤᱱᱦᱟ ᱡᱟᱱᱟᱢ ᱞᱮᱫᱮᱭᱟ ᱾ 1948 ᱥᱟᱹᱦᱤᱛ ᱨᱮ ᱡᱩᱨᱤᱼᱯᱟᱹᱨᱤᱭᱟᱜ ᱵᱟᱯᱞᱟ ᱦᱳᱭ ᱞᱮᱱᱟ ᱾ ᱚᱱᱟ ᱥᱮᱨᱢᱟ ᱜᱮ ᱩᱱᱤ ᱥᱮᱨᱮᱧ ᱩᱭᱦᱟᱹᱨᱤᱭᱟᱹ ᱯᱷᱮᱨᱮᱱᱠ ᱥᱮᱱᱰᱤᱯᱷᱳᱨᱰ ᱮ ᱵᱟᱯᱞᱟ ᱞᱮᱫᱮᱭᱟ ᱟᱨ ᱵᱟᱯᱞᱟ ᱨᱮ ᱰᱤᱡᱡᱤ ᱜᱤᱞᱮᱥᱯᱤ ᱥᱮᱨᱮᱧ ᱮ ᱩᱫᱩᱜ ᱥᱚᱫᱚᱨ ᱞᱮᱫᱟ ᱾ ᱱᱚᱶᱟ ᱡᱩᱨᱤᱯᱟᱹᱨᱤ ᱫᱚ ᱥᱤᱠᱟᱜᱳ ᱨᱮᱭᱟᱜ ᱵᱳᱦᱤᱢᱤᱭᱟᱱ ᱡᱤᱭᱚᱱ ᱟᱨ ᱡᱮᱡᱽ ᱪᱤᱛᱟᱹᱨ ᱨᱮ ᱠᱟᱹᱢᱤᱣᱟᱱ ᱛᱟᱦᱮᱸ ᱠᱟᱱᱟ ᱚᱱᱟᱛᱮ ᱜᱤᱞᱮᱥᱯᱤ ᱥᱟᱶᱛᱮ ᱩᱱᱠᱩᱭᱟᱜ ᱡᱳᱜᱟᱡᱳᱜ ᱾ ᱩᱱᱠᱩ ᱫᱚ ᱥᱮᱱᱰᱤᱯᱷᱳᱨᱰ ᱛᱟᱞᱟᱛᱮ ᱟᱨ ᱢᱤᱫ ᱱᱟᱯᱟᱭ ᱯᱮᱭᱟᱱᱳᱥᱴ ᱞᱮᱠᱟᱛᱮ ᱮᱵᱟᱨᱠᱨᱚᱢᱵᱤᱭᱟᱜ ᱟᱡᱟᱜ ᱫᱟᱲᱮ ᱛᱟᱞᱟᱛᱮ ᱥᱮᱨᱮᱧ ᱠᱟᱹᱨᱤᱜᱚᱞ ᱠᱚ ᱥᱟᱶ ᱮ ᱥᱮᱞᱮᱫ ᱞᱮᱱᱟ ᱾ 1964 ᱥᱟᱹᱦᱤᱛ ᱨᱮ ᱱᱚᱶᱟ ᱡᱩᱨᱤᱯᱟᱹᱨᱤ ᱫᱚ ᱵᱟᱹᱛᱤᱞ ᱞᱮᱱᱟ ᱾ [᱑]
ᱮᱵᱟᱨᱠᱨᱚᱢᱵᱤ ᱮᱵᱷᱮᱱᱴᱼᱜᱟᱨᱰ ᱥᱟᱶᱛᱟ ᱨᱮ ᱩᱱᱤ ᱫᱚ ᱨᱤᱪᱤ ᱯᱟᱥ "ᱜᱟᱨᱴᱨᱚᱰ 'ᱥ ᱵᱟᱣᱩᱱᱥ" ᱥᱮᱨᱮᱧ ᱨᱮᱭᱟᱜ ᱮ ᱮᱥᱮᱨ ᱞᱮᱫᱟ, ᱡᱟᱦᱟᱸᱭ ᱫᱟᱵᱤ ᱞᱮᱫᱟᱭ ᱡᱮ ᱩᱱᱤ "ᱤᱱᱴᱨᱳᱰᱚᱠᱥᱚᱱ ᱨᱮ ᱛᱟᱞᱚᱢ ᱨᱮᱱᱟᱜ ᱥᱮᱨᱮᱧ ᱞᱮᱠᱟ" ᱪᱟᱞᱟᱣ ᱞᱮᱱᱟ,[᱑] ᱟᱨ ᱩᱱᱤ ᱫᱚ ᱡᱮᱢᱥ ᱯᱚᱨᱰᱤᱭᱟᱜ ᱜᱟᱨᱴᱨᱳᱰ ᱚᱯᱷ ᱥᱴᱚᱱᱤ ᱟᱭᱞᱮᱱᱰ ᱮᱵᱷᱤᱱᱩ ᱨᱮ ᱟᱡ ᱞᱮᱠᱟ ᱟᱨ ᱯᱚᱨᱰᱤᱭᱟᱜ ᱢᱟᱞᱠᱚᱢ, ᱤᱭᱩᱥᱴᱮᱥ ᱪᱤᱥᱳᱞᱚᱢ ᱨᱮ ᱢᱤᱫᱴᱟᱝ ᱩᱭᱦᱟᱹᱨᱟᱱ ᱪᱩᱨᱤᱛ ᱞᱮᱠᱟᱛᱮ ᱥᱚᱫᱚᱨ ᱞᱮᱱᱟᱭ ᱾[᱔]
ᱜᱩᱨ
ᱥᱟᱯᱲᱟᱣ1950 ᱜᱮᱞᱟᱝ ᱨᱮᱭᱟᱜ ᱢᱩᱪᱟᱹᱫ ᱥᱮᱫ, ᱠᱟᱹᱣᱰᱤ ᱟᱱᱟᱴ, ᱥᱩᱡᱚᱥ ᱟᱨ ᱜᱟᱹᱛᱨᱤ ᱠᱷᱟᱹᱛᱤᱨᱛᱮ ᱩᱱᱤᱭᱟᱜ ᱦᱚᱲᱢᱚ ᱫᱚ ᱠᱚᱢ ᱞᱮᱱᱟ ᱟᱨ ᱩᱱᱤ ᱫᱚ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱥᱟᱹᱦᱤᱛ ᱛᱟᱭᱚᱢ, ᱩᱱᱤᱭᱟᱜ ᱪᱤᱛᱟᱹᱨ ᱠᱚ ᱞᱮᱠᱷᱟ ᱥᱟᱶ ᱥᱟᱶᱛᱮ ᱯᱚᱨᱤᱢᱟᱱ ᱨᱮ ᱠᱚᱢ ᱞᱮᱱᱟ ᱾ [᱕]ᱩᱱᱤ ᱫᱚ ᱢᱤᱫᱴᱟᱝ ᱳᱭᱞᱤᱪᱮᱭᱟᱨ ᱨᱮᱭᱟᱜ ᱞᱟᱹᱠᱛᱤ ᱛᱟᱸᱦᱮ ᱠᱟᱱᱟ ᱟᱨ ᱢᱩᱪᱟᱹᱫ ᱫᱷᱟᱹᱵᱤᱡ ᱩᱱᱤ ᱫᱚ ᱵᱮᱰᱨᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱡᱤᱭᱚᱱ ᱢᱩᱪᱟᱹᱫ ᱥᱮᱨᱢᱟ ᱨᱮ, ᱦᱟᱭᱰ ᱯᱟᱨᱠ ᱟᱨᱴ ᱥᱮᱱᱴᱟᱨ ᱨᱮ ᱩᱱᱤᱭᱟᱜ ᱠᱟᱹᱢᱤ ᱨᱮᱭᱟᱜ ᱢᱤᱫᱴᱟᱝ ᱢᱟᱨᱟᱝ ᱛᱟᱭᱚᱢ ᱫᱟᱨᱟᱢ ᱦᱩᱭ ᱞᱮᱱᱟ [᱑]᱾ 1977 ᱥᱟᱹᱦᱤᱛ ᱨᱮᱭᱟᱜ 3 ᱡᱩᱞᱟᱭ ᱥᱤᱠᱟᱜᱳ ᱨᱮ ᱩᱱᱤ ᱫᱚ ᱜᱚᱡ ᱞᱮᱱᱟ ᱾ ᱩᱱᱤ ᱜᱟᱨᱴᱨᱚᱰ ᱮᱵᱟᱨᱠᱨᱚᱢᱵᱤ ᱴᱨᱟᱥᱴ ᱛᱷᱟᱯᱚᱱ ᱞᱮᱫᱟᱭ ᱡᱟᱦᱟᱸ ᱩᱱᱤᱭᱟᱜ ᱠᱟᱹᱢᱤ ᱟᱨ ᱩᱱᱤᱭᱟᱜ ᱟᱶᱛᱟ ᱨᱮ ᱢᱮᱱᱟᱜ ᱮᱴᱟᱜ ᱠᱟᱹᱨᱤᱜᱚᱞ ᱠᱚᱣᱟᱜ ᱠᱟᱹᱢᱤ ᱫᱚ ᱥᱟᱱᱟᱢ ᱢᱚᱫᱼᱯᱚᱪᱷᱤᱢ ᱨᱮ ᱞᱟᱠᱪᱟᱨᱟᱱ ᱛᱷᱟᱯᱚᱱᱟ ᱨᱮ ᱦᱟᱹᱴᱤᱧ ᱞᱮᱫᱟ ᱾[᱑]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱑.᱐ ᱑.᱑ ᱑.᱒ ᱑.᱓ ᱑.᱔ ᱑.᱕ ᱑.᱖ ᱑.᱗ ᱑.᱘ "Finding Aid". Gertrude Abercrombie Papers. Archives of American Art. 2011. Retrieved 15 Jun 2011. ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; name "AAA1" defined multiple times with different content - ↑ Weininger and Smith 1991, p. 12.
- ↑ "The surreal art of the Chicago saloniste Gertrude Abercrombie". The Magazine Antiques (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2018-03-27. Retrieved 2021-04-29.
- ↑ LP sleeve notes by Alun Morgan for Clifford Brown and Max Roach, I Remember Clifford (Mercury MMC 14041)
- ↑ Weininger and Smith 1991, pp. 33–34.