ᱜᱩᱣᱟ.
| ᱜᱩᱣᱟ. | |
|---|---|
| |
| Fruiting specimen | |
| ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ | |
| ᱡᱮᱜᱮᱛ: | Plantae |
| ᱵᱟᱝᱛᱷᱚᱠ ᱟᱠᱟᱱ: | Angiosperms |
| ᱵᱟᱝᱛᱷᱚᱠ ᱟᱠᱟᱱ: | Monocots |
| ᱵᱟᱝᱛᱷᱚᱠ ᱟᱠᱟᱱ: | Commelinids |
| ᱫᱷᱟᱹᱲ: | Arecales |
| ᱜᱷᱟᱨᱚᱡᱽ: | Arecaceae |
| ᱯᱨᱚᱡᱟᱹᱛᱤ: | Areca |
| ᱡᱟᱹᱛ: | A. catechu |
| ᱵᱟᱭᱱᱚᱢᱤᱭᱟᱞ ᱧᱩᱛᱩᱢ | |
| Areca catechu | |
ᱜᱩᱣᱟᱹ (ᱤᱝᱨᱟᱹᱡᱤ: Areca catechu) ᱯᱟᱹᱨᱤᱥ - Arecaceae। ᱜᱩᱣᱟᱹ ᱫᱚ ᱢᱤᱫᱴᱮᱱ ᱡᱚ ᱡᱤᱱᱤᱥ ᱠᱟᱱᱟ ᱨᱮᱦᱚᱸ, ᱱᱚᱣᱟ ᱫᱚ ᱡᱚ ᱡᱤᱱᱤᱥ ᱢᱮᱱ ᱛᱮ ᱵᱟᱠᱚ ᱵᱮᱣᱦᱟᱨᱟ ᱾ ᱜᱩᱣᱟᱹ ᱫᱚ ᱢᱤᱫ ᱞᱮᱠᱟᱱᱟᱜ Masticatory ᱛᱟᱸᱦᱟᱸ ᱛᱚᱜᱚᱡ ᱡᱚᱡᱚᱢ ᱡᱚ ᱠᱟᱱᱟ ᱾ ᱜᱩᱣᱟᱹ ᱫᱚ ᱟᱥᱚᱠᱟᱭ ᱛᱮ ᱮᱴᱟᱜᱜ ᱡᱚ ᱡᱤᱱᱤᱥ ᱞᱮᱠᱟ ᱡᱚᱛᱚ ᱦᱚᱲ ᱠᱚᱣᱟ ᱢᱚᱱᱮ ᱠᱩᱥᱤ ᱡᱚ ᱡᱤᱱᱤᱥ ᱫᱚ ᱱᱟᱝᱝ ᱠᱟᱱ ᱨᱮ ᱦᱚᱸ ᱟᱥᱟᱢ ᱯᱚᱱᱚᱛ ᱨᱮᱱ ᱦᱚᱲ ᱠᱚ ᱫᱚ ᱟᱭᱢᱟ ᱞᱮᱠᱟ ᱫᱷᱚᱨᱚᱢ ᱟᱠᱷᱲᱟ ᱠᱚ ᱨᱮ, ᱯᱚᱨᱚᱵᱽ - ᱯᱚᱨᱵᱟᱥ ᱠᱚ ᱨᱮ, ᱵᱟᱯᱞᱟ - ᱵᱵᱤᱦᱟᱹ ᱮᱢᱟᱱ ᱠᱚ ᱨᱮ ᱢᱤᱫ ᱴᱮᱱ ᱵᱟᱝ ᱵᱟᱜᱤ ᱫᱟᱲᱮᱭᱟᱜ ᱥᱮᱨᱣᱟ ᱠᱟᱱᱟ ᱾ ᱟᱭᱢᱟ ᱞᱮᱠᱟᱱ ᱵᱷᱟᱹᱜᱤ ᱠᱟᱹᱢᱤ ᱠᱠᱚ ᱨᱮ ᱜᱩᱣᱟᱹ ᱯᱟᱱ ᱵᱟᱝ ᱠᱷᱟᱱ ᱪᱮᱫ ᱜᱮ ᱵᱟᱝ ᱦᱚᱭᱚᱜ-ᱟ ᱾ ᱟᱥᱟᱢᱤᱭᱟ ᱥᱟᱢᱟᱡᱽ ᱨᱮ ᱩᱢᱮᱨᱟᱱ ᱦᱚᱲ ᱠᱚ ᱜᱩᱣᱟᱹ ᱯᱟᱱ ᱥᱟᱢᱟᱝ ᱠᱟᱛᱮ ᱥᱟᱹᱦᱟᱹᱭ ᱦᱟᱢᱮᱴ ᱨᱮᱭᱟᱜ ᱥᱮᱨᱣᱟ ᱦᱮᱡ ᱟᱹᱜᱩ ᱟᱠᱟᱱᱟ ᱾ ᱟᱥᱟᱢ ᱯᱚᱱᱚᱛ ᱨᱮᱱ ᱡᱚᱛᱚ ᱦᱚᱲ ᱟᱜ ᱚᱲᱟᱜ ᱫᱩᱣᱟᱹᱨ ᱵᱮᱲᱦᱟᱭ ᱛᱮ ᱜᱩᱣᱟᱹ ᱫᱟᱨᱮ ᱨᱚᱦᱚᱭ ᱠᱟᱛᱮ ᱥᱟᱡᱟᱣ ᱥᱚᱦᱟᱱᱟ ᱠᱚ ᱾
ᱛᱟᱯᱟᱦᱮᱱ ᱥᱟᱯᱲᱟᱣ
ᱥᱤᱧᱚᱛ, ᱢᱟᱞᱮᱥᱤᱭᱟ, ᱥᱨᱤᱞᱚᱝᱠᱟ, ᱢᱭᱟᱱᱢᱟᱨ, ᱢᱟᱫᱟᱜᱟᱥᱠᱟᱨ, ᱯᱷ᱾ᱞᱤᱯᱟᱭᱤᱱ ᱮᱢᱟᱱ ᱫᱤᱥᱚᱢ ᱠᱚ ᱨᱮ ᱜᱩᱣᱟᱹ ᱫᱟᱨᱮ ᱠᱚ ᱫᱚ ᱟᱹᱰᱤ ᱵᱟᱹᱲᱛᱤ ᱜᱮ ᱦᱚᱭᱚᱜᱼᱟ ᱥᱮ ᱧᱮᱞ ᱧᱟᱢᱚᱜᱼᱟ ᱾ ᱥᱤᱧᱚᱢ ᱫᱤᱥᱚᱢ ᱨᱮ ᱫᱚ ᱟᱥᱟᱢ ᱯᱚᱱᱚᱛ ᱟᱨ ᱯᱟᱪᱷᱮ ᱵᱮᱝᱜᱚᱞ ᱯᱚᱱᱚ ᱨᱮ ᱜᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱟᱭ ᱛᱮ ᱠᱚ ᱪᱟᱥᱟ ᱾
ᱩᱱᱩᱨᱚᱢ ᱥᱟᱯᱲᱟᱣ
ᱟᱥᱚᱠᱟᱭ ᱛᱮ ᱱᱟᱥᱮ ᱩᱨᱜᱩᱢ ᱞᱮᱠᱟᱱ ᱦᱚᱭ ᱦᱤᱥᱤᱫ ᱴᱚᱴᱷᱟ ᱠᱚ ᱨᱮ ᱜᱩᱣᱟᱹ ᱫᱟᱨᱮ ᱫᱚ ᱟᱹᱰᱤ ᱵᱟᱹᱲᱛᱤ ᱜᱮ ᱦᱟᱨᱟ ᱵᱩᱨᱩᱜᱼᱟ ᱾ ᱵᱟᱪᱷᱟᱣ ᱵᱮᱜᱟᱨ ᱞᱟᱹᱴᱩ ᱫᱟᱨᱮ ᱨᱮ ᱵᱤᱞᱤ ᱡᱚ ᱠᱷᱚᱱ ᱜᱩᱣᱟᱹ ᱯᱚᱦᱟ ᱨᱚᱦᱚᱭ ᱞᱟᱹᱜᱤᱫ ᱡᱚ ᱫᱚ ᱠᱚ ᱵᱵᱟᱪᱷᱟᱣ ᱵᱮᱜᱟᱨᱟ ᱟᱨ ᱚᱱᱟ ᱢᱚᱧᱡᱽ ᱵᱤᱞᱤ ᱡᱚ ᱠᱷᱚᱱ ᱜᱮ ᱢᱚᱧᱡᱽ ᱯᱚᱦᱟ ᱫᱟᱨᱮ ᱫᱚ ᱦᱚᱭᱚᱜᱼᱟ ᱾ ᱵᱟᱨ ᱥᱮᱨᱢᱟ ᱦᱟᱨᱟ ᱵᱩᱨᱩ ᱣᱟᱠᱟᱱ ᱜᱩᱣᱟᱹ ᱯᱚᱦᱟ ᱫᱟᱨᱮ ᱫᱚ ᱘ (ᱤᱨᱟᱹᱞ) ᱯᱷᱩᱴ ᱥᱟᱹᱯᱟᱹᱝᱜᱤᱧ ᱨᱮ ᱫᱟᱜ ᱵᱟᱝ ᱡᱟᱨᱣᱟᱜ ᱡᱟᱭᱜᱟ ᱨᱮ ᱠᱚ ᱨᱚᱦᱚᱭᱟ ᱾ ᱢᱤᱫ ᱴᱮᱱ ᱜᱩᱣᱟᱹ ᱫᱟᱨᱮ ᱫᱚ ᱕ᱼ᱖ ᱥᱮᱨᱢᱟ ᱠᱷᱚᱱ ᱜᱮ ᱜᱮᱞᱮ ᱮᱛᱚᱦᱚᱵᱚᱜᱼᱟ ᱾ ᱜᱮᱞᱮ ᱢᱟᱱᱮ ᱜᱩᱣᱟᱹ ᱫᱟᱨᱮ ᱨᱮᱭᱟᱜ ᱵᱟᱦᱟ ᱜᱮ ᱜᱮᱞᱮ ᱠᱚ ᱢᱮᱛᱟᱣᱟᱜᱼᱟ ᱾ ᱢᱤᱫ ᱴᱮᱱ ᱡᱚᱣᱟᱣ ᱜᱩᱣᱟᱹ ᱫᱟᱨᱮ ᱫᱚ ᱰᱤᱥᱮᱢᱵᱚᱨ ᱪᱟᱱᱫᱟ ᱜᱟᱱ ᱠᱷᱚᱱ ᱯᱮ ᱦᱟᱯᱛᱟ ᱛᱟᱭᱚᱢ ᱛᱟᱭᱚᱢ ᱥᱟᱠᱟᱢ ᱢᱟᱱᱮ ᱰᱷᱟᱯᱨᱟᱜ ᱧᱭᱨᱭᱜᱼᱟ ᱾ ᱱᱚᱝᱠᱟ ᱜᱮ ᱯᱮᱭᱟ ᱯᱚᱱᱭᱟ ᱥᱟᱠᱟᱢ ᱧᱩᱨᱦᱟᱹ ᱞᱮᱱ ᱠᱷᱟᱱ ᱚᱱᱟ ᱨᱮᱭᱟᱜ ᱩᱴᱤ ᱨᱮ ᱵᱟᱦᱟ ᱜᱮᱞᱮᱼᱟ (ᱚᱠᱟ ᱫᱚ ᱛᱟᱭᱱᱚᱢ ᱛᱮ ᱡᱚ ᱠᱚ ᱢᱮᱛᱟᱣᱟᱜ ᱠᱟᱱᱟ) ᱾ ᱢᱤᱫ ᱥᱮᱨᱢᱟ ᱨᱮ ᱢᱤᱫ ᱴᱮᱱ ᱫᱟᱨᱮ ᱨᱮ ᱢᱚᱬᱮ ᱠᱷᱚᱱ ᱛᱩᱨᱩᱭ ᱜᱚᱴᱟᱱ ᱛᱷᱚᱯᱟ ᱛᱟᱦᱮᱱᱟ ᱾ ᱡᱩᱫᱤ ᱦᱚᱸ ᱜᱚᱲ ᱞᱮᱠᱟ ᱛᱮ ᱢᱮᱱ ᱞᱮᱠᱷᱟᱱ ᱢᱤᱫ ᱴᱮᱱ ᱫᱟᱨᱮ ᱵᱟᱨᱭᱟ ᱥᱮ ᱯᱮᱭᱟ ᱠᱟᱛᱮ ᱜᱮ ᱛᱷᱚᱯᱟ ᱫᱚ ᱛᱟᱦᱮᱱᱟ ᱾ ᱜᱩᱣᱟᱹ ᱡᱚ ᱫᱚ ᱦᱟᱨᱟ ᱵᱩᱨᱩ ᱠᱟᱛᱮ ᱵᱤᱞᱤᱜ ᱞᱟᱹᱜᱤᱫ ᱖ ᱠᱷᱚᱱ ᱗ ᱪᱟᱱᱫᱚ ᱦᱟᱹᱵᱤᱡ ᱡᱟᱹᱨᱩᱲᱟ ᱾ ᱢᱤᱫᱴᱮᱱ ᱜᱩᱣᱟᱹ ᱫᱟᱨᱮ ᱨᱮ ᱠᱚᱢ ᱛᱮ ᱦᱚᱸ ᱒᱐᱐ ᱠᱷᱚᱱ ᱒᱕᱐ ᱜᱚᱴᱟᱱ ᱜᱩᱣᱟᱹ ᱡᱚ ᱛᱟᱦᱮᱸ ᱫᱟᱲᱮᱭᱟᱜᱼᱟ ᱾ ᱢᱤᱫᱴᱮᱱ ᱜᱩᱣᱟᱹ ᱫᱟᱨᱮ ᱫᱚ ᱔᱐ (ᱯᱚᱱ ᱜᱮᱞ) ᱠᱷᱚᱱ ᱖᱐ (ᱛᱩᱨᱩᱭ ᱜᱮᱞ) ᱯᱷᱩᱴ ᱩᱥᱩᱞ ᱦᱚᱭ ᱫᱟᱲᱮᱭᱟᱜᱼᱟ ᱾ ᱜᱩᱣᱟᱹ ᱫᱟᱨᱮ ᱨᱮᱭᱟᱥᱜ ᱡᱚᱛᱚ ᱪᱮᱛᱟᱱ ᱢᱟᱱᱮ ᱰᱚᱜᱽ ᱛᱮᱫ ᱫᱚ ᱢᱤᱫᱴᱮᱱ ᱡᱚᱲᱟᱣ ᱢᱩᱠᱛᱟ ᱞᱮᱠᱟ ᱧᱮᱞᱚᱜᱼᱟ ᱥᱮ ᱥᱟᱡᱟᱣ ᱠᱚᱜᱼᱟ ᱾ ᱜᱩᱣᱟᱹ ᱫᱟᱨᱮ ᱨᱮᱭᱟᱜ ᱥᱟᱠᱟᱢ ᱟᱨ ᱰᱷᱟᱯᱨᱟᱜ ᱛᱮ ᱔ (ᱯᱚᱱ) ᱠᱷᱚᱱ ᱖ (ᱛᱩᱨᱩᱭ) ᱯᱷᱩᱴ ᱡᱮᱞᱮᱧ ᱛᱟᱦᱮᱸᱱᱟ ᱾ ᱚᱱᱟ ᱥᱟᱠᱟᱱ ᱛᱮ ᱜᱮ ᱜᱩᱣᱟᱹ ᱡᱚ ᱫᱚ ᱟᱹᱰᱤ ᱢᱚᱧᱡᱽ ᱴᱚᱯᱟᱨ ᱮᱥᱫ ᱠᱚᱜᱼᱟ ᱾