ᱜᱩᱨᱫᱟᱥᱯᱩᱨ
ᱜᱩᱨᱫᱟᱥᱯᱩᱨ ᱥᱤᱧᱚᱛ ᱟᱨ ᱯᱟᱠᱤᱥᱛᱟᱱ ᱛᱟᱞᱟ ᱨᱮ ᱡᱮᱡᱟᱹᱛᱤᱭᱟᱹᱨᱤ ᱥᱤᱢᱟᱹ ᱠᱷᱚᱱ, ᱵᱤᱭᱟᱥ ᱜᱟᱰᱟ ᱟᱨ ᱨᱚᱵᱤ ᱜᱟᱰᱟ ᱛᱟᱞᱟ ᱨᱮ, ᱥᱤᱧᱚᱛ ᱨᱮᱱᱟᱜ ᱯᱚᱧᱡᱟᱵᱽ ᱯᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱜᱩᱨᱫᱟᱥᱯᱩᱨ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱟᱨ ᱦᱚᱱᱚᱛ ᱨᱮᱱᱟᱜ ᱚᱛᱱᱚᱜ ᱛᱟᱞᱢᱟ ᱨᱮ ᱢᱮᱱᱟᱜᱼᱟ ᱾
| ᱜᱩᱨᱫᱟᱥᱯᱩᱨ | |
|---|---|
| ᱥᱚᱦᱚᱨ | |
  ᱜᱩᱨᱫᱟᱥᱯᱩᱨ  ᱜᱩᱨᱫᱟᱥᱯᱩᱨ | |
| Coordinates: 32°02′00″N 75°24′00″E / 32.0333°N 75.40°ECoordinates: 32°02′00″N 75°24′00″E / 32.0333°N 75.40°E | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱯᱚᱧᱡᱟᱵᱽ |
| ᱦᱚᱱᱚᱛ | ᱜᱩᱨᱫᱟᱥᱯᱩᱨ |
| ᱵᱩᱱᱤᱭᱟᱹᱫᱤᱭᱟᱹ | Bhai Guriya Ji |
| ᱥᱚᱨᱠᱟᱨ | |
| • ᱞᱮᱠᱟᱱ | ᱱᱚᱜᱚᱨ ᱯᱟᱞᱤᱠᱟ |
| • ᱪᱟᱪᱞᱟᱣ | ᱜᱩᱨᱫᱟᱥᱯᱩᱨ ᱱᱚᱜᱚᱨ ᱯᱚᱨᱤᱥᱚᱫᱽ |
| • ᱰᱤᱯᱴᱤ ᱠᱚᱢᱤᱥᱱᱚᱨ | Mohammad Ishfaq, IAS[᱑] |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 45 ᱠᱤᱢᱤ২ (17 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 241 ᱢᱤᱴᱚᱨ (791 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱕) |
| • ᱞᱮᱠᱷᱟᱜᱩᱴ | ᱗᱗,᱙᱒᱘ |
| • ᱰᱮᱱᱥᱤᱴᱤ | 649/ᱠᱤᱢᱤ2 (1680/ᱜᱟᱺᱴ ᱢᱟᱹᱭᱤᱞ) |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | ᱑᱔᱓᱕᱒᱑ |
| ᱮᱨᱤᱭᱟ ᱠᱳᱰ(ᱠᱚ) | +᱙᱑-᱑᱘᱗᱔-XXX XXXX |
| ᱜᱟᱹᱰᱤ ᱨᱤᱡᱤᱥᱴᱨᱤ | PB-06 |
| ᱣᱮᱵᱽᱥᱟᱭᱤᱴ | gurdaspur |
ᱜᱩᱨᱫᱟᱥᱯᱩᱨ ᱥᱚᱦᱚᱨ ᱨᱮᱱᱟᱜ ᱧᱩᱛᱩᱢ ᱢᱚᱦᱚᱸᱛ ᱜᱩᱨᱤᱭᱟ ᱫᱟᱥ ᱧᱩᱛᱩᱢ ᱨᱮ ᱫᱚᱦᱚ ᱾[᱒] ᱥᱚᱢᱨᱟᱡᱽ ᱚᱠᱵᱟᱨ ᱫᱚ ᱠᱟᱞᱟᱱᱚᱨ ᱨᱮ ᱛᱟᱡᱽ ᱮ ᱦᱚᱨᱚᱜ ᱠᱮᱫᱼᱟ, ᱱᱤᱭᱟᱹ ᱥᱚᱦᱚᱨ ᱠᱷᱚᱱ ᱒᱖ ᱠᱤᱞᱚᱢᱤᱴᱚᱨ ᱥᱟᱸᱜᱤᱧᱟ ᱾ ᱵᱮᱦᱨᱟᱢᱯᱩᱨ ᱥᱚᱦᱚᱨ, ᱚᱠᱟᱨᱮ ᱵᱮᱭᱨᱟᱢ ᱠᱷᱟᱱ ᱟᱜ ᱚᱲᱟᱜ (ᱢᱟᱠᱵᱟᱨᱟ) ᱢᱮᱱᱟᱜᱼᱟ, ᱑᱐ ᱠᱤᱞᱚᱢᱤᱴᱚᱨ ᱥᱟᱸᱜᱤᱧᱟ ᱾ ᱫᱤᱱᱟᱱᱚᱜᱚᱨ ᱥᱚᱦᱚᱨ, ᱱᱚᱣᱟ ᱢᱚᱦᱟᱨᱟᱡᱟ ᱨᱚᱬᱡᱤᱛ ᱥᱤᱝ ᱟᱜ ᱯᱚᱱᱚᱛ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ, ᱑᱒ ᱠᱤᱞᱚᱢᱤᱴᱚᱨ ᱥᱟᱸᱜᱤᱧᱟ ᱾
ᱦᱚᱲ ᱞᱮᱠᱷᱟ ᱥᱟᱯᱲᱟᱣ
᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,[᱓] ᱜᱩᱨᱫᱟᱥᱯᱩᱨ ᱨᱤᱱ ᱦᱚᱲ ᱮᱞ ᱒᱒,᱙᱙,᱐᱒᱖ (᱑᱒,᱑᱒,᱙᱙᱕ ᱠᱚᱲᱟ ᱟᱨ ᱑᱐,᱘᱖,᱐᱓᱑ ᱛᱤᱨᱞᱟᱹ) ᱜᱟᱢ ᱠᱚ ᱛᱟᱦᱮᱸ ᱠᱟᱱᱟ ᱾ ᱒᱐᱐᱑ ᱨᱮᱱᱟᱜ ᱵᱟᱨᱟ ᱵᱟᱨᱤ ᱠᱷᱟᱱᱮᱢ ᱦᱚᱲ ᱮᱞ ᱙.᱓᱐% ᱜᱨᱚᱴ ᱞᱮᱱᱟ ᱛᱟᱦᱮᱸᱫ ᱾ ᱥᱤᱧᱚᱛ ᱨᱮᱱᱟᱜ ᱯᱤᱪᱷᱞᱟᱹ ᱒᱐᱐᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ, ᱜᱩᱨᱫᱟᱥᱯᱩᱨ ᱦᱚᱱᱚᱛ ᱫᱚ ᱑᱙᱙᱑ ᱨᱮᱱᱟᱜ ᱵᱟᱨᱟ ᱵᱟᱨᱤ ᱠᱷᱟᱱᱮᱢ ᱟᱡᱟᱜ ᱦᱚᱲ ᱮᱞ ᱑᱙.᱗᱔% ᱜᱨᱚᱴ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾
᱒᱐᱑᱑ ᱨᱮ ᱜᱩᱨᱫᱟᱥᱯᱩᱨ ᱨᱮᱱᱟᱜ ᱥᱮᱪᱮᱫ ᱫᱚᱨ ᱘᱑.᱑᱐% ᱛᱟᱦᱮᱸ ᱠᱟᱱᱟ, ᱟᱫᱚ ᱒᱐᱐᱑ ᱨᱮ ᱱᱚᱣᱟ ᱗᱓.᱘᱐% ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱟᱜ ᱥᱮᱪᱮᱫ ᱫᱚᱨ ᱘᱕.᱙᱐% ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱗᱕.᱗᱐% ᱛᱟᱦᱮᱸ ᱠᱟᱱᱟ ᱾ ᱒᱐᱐᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱟᱹᱜᱤᱫ, ᱗᱙.᱘᱐% ᱟᱨ ᱖᱗.᱑᱐% ᱛᱟᱦᱮᱸ ᱠᱟᱱᱟ ᱾ ᱜᱩᱴ ᱥᱮᱪᱮᱫ ᱦᱚᱲ ᱮᱞ ᱑᱖,᱖᱘,᱓᱓᱙ ᱜᱟᱱ ᱠᱚ ᱛᱟᱦᱮᱸ ᱠᱟᱱᱟ, ᱚᱠᱟᱨᱮ ᱙᱒᱘,᱒᱖᱔ ᱠᱚᱲᱟ ᱟᱨ ᱗᱔᱐,᱐᱗᱕ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱡᱟᱱᱟᱝ ᱡᱟᱹᱱᱤ ᱜᱚᱴᱟ ᱑᱐᱐᱐ ᱠᱤᱲᱟ ᱨᱮ ᱘᱙᱕ ᱛᱤᱨᱞᱟᱹ ᱟᱜ ᱢᱮᱱᱟᱜᱼᱟ ᱾ ᱦᱚᱲ ᱮᱞ ᱰᱮᱱᱥᱤᱴᱤ ᱖᱔᱙ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ ᱛᱟᱦᱮᱸ ᱠᱟᱱᱟ ᱾[᱓]
ᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ ᱥᱟᱯᱲᱟᱣ
ᱥᱚᱲᱚᱠ ᱥᱟᱯᱲᱟᱣ
ᱜᱩᱨᱫᱟᱥᱯᱩᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱕᱔ ᱨᱮ ᱢᱮᱱᱟᱜᱼᱟ ᱱᱚᱣᱟ ᱟᱢᱨᱤᱛᱥᱚᱨ, ᱯᱚᱴᱷᱟᱱᱠᱚᱴ, ᱡᱟᱹᱢᱢᱩ ᱮᱢᱟᱱ ᱠᱷᱚᱱ ᱥᱚᱡᱷᱮ ᱡᱚᱲᱟᱣ ᱟᱠᱟᱱᱟ ᱾ ᱜᱩᱨᱫᱟᱥᱯᱩᱨ ᱥᱚᱦᱚᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱕᱔ ᱨᱮᱱᱟᱜ ᱢᱩᱬ ᱛᱷᱟᱱ ᱦᱚᱸ ᱢᱮᱛᱟᱜᱼᱟ ᱱᱚᱣᱟ ᱠᱟᱞᱟᱱᱚᱨ, ᱰᱮᱨᱟ ᱵᱟᱵᱟ ᱱᱟᱱᱟᱠ, ᱟᱡᱽᱱᱟᱞᱟ, ᱟᱢᱨᱤᱛᱥᱚᱨ ᱞᱮᱠᱟᱛᱮ ᱥᱮᱱᱚᱜᱼᱟ ᱟᱨ ᱦᱚᱱᱚᱛ ᱥᱨᱤ ᱢᱩᱠᱛᱚᱥᱚᱨ ᱥᱟᱦᱤᱵᱽ ᱨᱮ ᱢᱟᱞᱳᱛ ᱞᱟᱹᱜᱤᱫ ᱛᱮ ᱪᱟᱵᱟᱜᱼᱟ ᱾ ᱒᱕,᱐᱐᱐ ᱠᱟᱨᱚᱲ ᱛᱮ ᱫᱤᱞᱞᱤᱼᱟᱢᱨᱤᱛᱥᱚᱨᱼᱠᱟᱴᱨᱟ ᱮᱠᱥᱯᱨᱮᱥ ᱧᱩᱛᱩᱢ ᱛᱮ ᱢᱤᱫᱴᱟᱝ ᱮᱠᱥᱯᱨᱮᱥᱵᱮ ᱵᱷᱟᱨᱚᱛᱢᱟᱞᱟ ᱯᱞᱟᱱ ᱞᱮᱠᱟᱛᱮ ᱢᱟᱱᱟᱣ ᱟᱠᱟᱱᱟ ᱱᱤᱭᱟᱹ ᱜᱩᱨᱫᱟᱥᱯᱩᱨ ᱞᱮᱠᱟᱛᱮ ᱥᱮᱱᱚᱜᱼᱟ ᱾ ᱱᱚᱣᱟ ᱠᱚᱱᱴᱨᱚᱞᱮᱰᱼᱥᱮᱴᱮᱨᱚᱜ ᱰᱟᱦᱟᱨ ᱜᱩᱨᱫᱟᱥᱯᱩᱨ ᱫᱚ ᱥᱚᱡᱷᱮ ᱞᱚᱲᱚᱱᱫᱷᱚᱨ ᱟᱨ ᱱᱟᱶᱟ ᱫᱤᱞᱞᱤ ᱠᱷᱚᱱ ᱥᱚᱲᱚᱠ ᱰᱟᱦᱟᱨ ᱛᱮ ᱡᱚᱲᱟᱜᱼᱟ ᱾ ᱛᱟᱞᱢᱟ ᱥᱚᱲᱚᱠ ᱯᱚᱨᱤᱣᱚᱦᱚᱱ ᱟᱨ ᱨᱟᱡᱽᱰᱟᱦᱟᱨ ᱢᱚᱱᱛᱨᱤ, ᱥᱨᱤ ᱱᱤᱛᱤᱱ ᱜᱟᱰᱠᱟᱨᱤ ᱮ ᱢᱮᱱ ᱠᱮᱫᱼᱟ ᱟᱢᱨᱤᱛᱥᱚᱨᱼᱜᱩᱨᱫᱟᱥᱯᱩᱨ ᱨᱟᱡᱽᱰᱟᱦᱟᱨ ᱦᱚᱸ signal free ᱨᱮ ᱵᱚᱫᱚᱞᱚᱜᱼᱟ ᱟᱨ ᱢᱤᱫᱴᱟᱝ ᱠᱷᱚᱸᱰ ᱠᱚᱨᱛᱟᱨᱯᱩᱨ ᱜᱟᱞᱤᱭᱟᱨᱮ ᱥᱩᱨ ᱰᱮᱨᱟ ᱵᱟᱵᱟ ᱱᱟᱱᱟᱠ ᱠᱷᱚᱱ ᱡᱚᱲᱟᱜᱼᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Punjab Police Amritsar". gurdaspur.nic.in. Retrieved 3 March 2020.
- ↑ "About District". Gurdaspur.nic.in. Archived from the original on August 2, 2005. Retrieved 4 March 2013.
- ↑ ᱓.᱐ ᱓.᱑ "Gurdaspur District Population Census 2011, Punjab literacy sex ratio and density". Census2011.co.in.