ᱞᱚᱵᱟᱱ
ᱞᱚᱵᱟᱱ
ᱥᱟᱯᱲᱟᱣᱞᱚᱵᱟᱱ(ᱮᱦᱚᱵ)
ᱞᱚᱵᱟᱱ ᱥᱮ ᱱᱚᱵᱟᱱᱱᱚ ᱫᱚ ᱵᱟᱝᱞᱟᱫᱤᱥᱟᱹᱢ ᱟᱨ ᱵᱷᱟᱨᱚᱛ ᱨᱮᱱᱟᱜ ᱯᱟᱹᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱦᱩᱲᱩ ᱥᱮ ᱯᱤᱴᱷᱟᱹ ᱨᱮᱱᱟᱜ ᱢᱟᱨᱮ ᱯᱚᱨᱚᱵᱽ ᱠᱟᱱᱟ᱾ ᱠᱤᱥᱟᱹᱱ ᱥᱚᱢᱟᱡᱽᱨᱮ ᱟᱵᱟᱫᱽ ᱥᱟᱶ ᱡᱚᱯᱲᱟᱣ ᱠᱟᱛᱮᱜ ᱛᱤᱱᱟᱹᱜ ᱯᱚᱨᱚᱵᱽ ᱢᱮᱱᱟᱜᱼᱟ ᱥᱮ ᱢᱟᱱᱟᱣ ᱦᱩᱭᱩᱜᱼᱟ, ᱞᱚᱵᱟᱱ ᱚᱱᱟᱠᱩ ᱢᱩᱫᱽᱨᱮ ᱢᱤᱫᱽᱴᱟᱝ ᱠᱟᱱᱟ᱾ ᱞᱚᱵᱟᱞ ᱨᱮᱱᱟᱜ ᱵᱟᱝᱞᱟ ᱫᱚ ᱦᱩᱭᱩᱜ ᱠᱟᱱᱟ ᱞᱚᱵᱟᱱᱱᱚ᱾ ᱱᱚᱵᱟᱱᱱᱚ ᱨᱮᱱᱟᱜ ᱢᱮᱱᱮᱫ ᱫᱚ "ᱱᱟᱣᱟ ᱫᱟᱠᱟ"᱾ ᱚᱵᱟᱱ ᱫᱚ ᱦᱩᱭᱩᱜ ᱠᱟᱱᱟ ᱟᱢᱚᱱ ᱦᱩᱭᱩ ᱜᱮᱫ ᱛᱟᱭᱚᱢ ᱚᱱᱟ ᱦᱩᱲᱩ ᱨᱮᱱᱟᱜ ᱪᱟᱣᱞᱮᱛᱮ ᱛᱮᱭᱟᱨ ᱯᱩᱭᱞᱩ ᱫᱟᱠᱟ ᱨᱮᱱᱟᱜ ᱢᱟᱱᱟᱣ ᱯᱚᱨᱚᱵᱽ᱾ ᱟᱜᱷᱟᱸᱲ ᱪᱟᱸᱫᱚᱨᱮ ᱢᱮᱱᱮᱫ ᱦᱮᱢᱟᱞ ᱨᱤᱛᱩᱨᱮ ᱟᱢᱚᱱ ᱦᱩᱲᱩ ᱵᱮᱞᱮᱜ ᱛᱟᱭᱚᱢ ᱱᱚᱣᱟ ᱯᱚᱨᱚᱵᱽ ᱦᱩᱭ ᱵᱟᱲᱟᱜᱼᱟ᱾ ᱚᱠᱟ ᱠᱚᱨᱮ ᱫᱚ ᱢᱟᱜᱷ ᱪᱟᱸᱫᱚ ᱨᱮᱦᱚᱸ ᱞᱚᱵᱟᱱᱠᱩ ᱢᱟᱱᱟᱣ ᱜᱮᱭᱟ᱾ ᱞᱚᱵᱟᱱ ᱯᱚᱨᱚᱵᱽ ᱫᱚ ᱥᱟᱱᱛᱟᱞ ᱥᱚᱢᱟᱡᱽᱨᱮ ᱟᱛᱩ ᱢᱚᱸᱲᱮ ᱦᱚᱲ ᱫᱩᱲᱩᱵᱽ ᱠᱟᱛᱮᱜ ᱫᱤᱱ ᱠᱩ ᱜᱚᱴᱟᱭᱟ᱾ ᱚᱱᱟ ᱫᱤᱱᱨᱮ ᱱᱟᱭᱠᱮ ᱵᱟᱵᱟ ᱢᱤᱫ ᱛᱚᱦᱚᱵ ᱦᱩᱲᱩ ᱜᱮᱫ ᱟᱹᱜᱩ ᱠᱟᱛᱮᱜ ᱢᱟᱹᱧᱡᱽᱦᱤ ᱛᱷᱟᱱᱨᱮ ᱵᱚᱝᱜᱟᱵᱩᱨᱩ ᱟᱨ ᱦᱟᱯᱲᱟᱢᱠᱩ ᱥᱚᱯᱨᱚᱫ ᱟᱠᱩᱣᱟ᱾ ᱚᱱᱟ ᱛᱟᱭᱚᱢ ᱛᱩᱸᱠᱛᱮ ᱛᱟᱵᱮᱱ ᱛᱮᱭᱟᱨ ᱠᱟᱛᱮᱜ ᱜᱩᱲ ᱟᱨ ᱛᱟᱵᱮᱱ ᱵᱷᱤᱛᱟᱹᱨ ᱚᱲᱟᱜᱼᱨᱮ ᱦᱟᱯᱲᱟᱢ ᱟᱨ ᱢᱟᱨᱟᱝᱵᱩᱨᱩ ᱧᱩᱛᱩᱢᱛᱮ ᱠᱩ ᱦᱟᱹᱨᱤᱡᱟ᱾ ᱟᱨ ᱵᱚᱝᱜᱟ ᱥᱟᱨᱮᱡ ᱫᱚ ᱚᱲᱟᱜ ᱨᱮᱱ ᱦᱚᱲ ᱟᱨ ᱵᱟᱹᱲᱛᱤᱠᱩ ᱫᱚ ᱯᱮᱲᱟᱠᱩ ᱠᱩ ᱢᱮᱢᱟ ᱠᱩᱣᱟ᱾ ᱚᱱᱟ ᱛᱟᱭᱚᱢ ᱱᱟᱣᱟ ᱪᱟᱞᱮᱛᱮ ᱠᱷᱤᱨ ᱫᱟᱠᱟ ᱟᱨ ᱯᱟᱭᱮᱥᱠᱩ ᱵᱮᱱᱟᱣᱟ᱾ ᱚᱱᱟ ᱦᱚᱸ ᱵᱚᱝᱜᱟᱵᱩᱨᱩ ᱠᱟᱛᱮᱜ ᱡᱚᱛᱚ ᱦᱚᱲᱠᱩ ᱡᱚᱢᱟ᱾ ᱚᱱᱟ ᱥᱟᱶ ᱡᱤᱞ ᱟᱲᱟᱜ ᱥᱟᱠᱟᱢ ᱫᱟᱠᱟ ᱩᱛᱩ ᱦᱚᱸ ᱛᱟᱦᱮᱱ ᱜᱮᱭᱟ᱾ ᱜᱤᱫᱽᱨᱟᱹᱠᱩ ᱫᱚ ᱟᱛᱩ ᱡᱚᱛᱚ ᱦᱚᱲᱟᱜ ᱚᱲᱟᱜᱼᱨᱮ ᱥᱮᱱ ᱠᱟᱛᱮᱜ ᱱᱟᱥᱮ ᱱᱟᱥᱮ ᱠᱷᱤᱨ ᱫᱟᱠᱟ ᱟᱨ ᱠᱷᱟᱹᱡᱟᱹᱲᱤᱠᱩ ᱡᱚᱢᱟ᱾ ᱥᱮᱫᱟᱭ ᱫᱚ ᱱᱚᱣᱟ ᱯᱚᱨᱚᱵ ᱦᱩᱲᱩ ᱪᱟᱥ ᱟᱵᱟᱫᱽ ᱥᱟᱶ ᱡᱚᱯᱲᱟᱣ ᱡᱚᱛᱚ ᱦᱚᱲᱜᱤ ᱠᱩ ᱢᱟᱱᱟᱣᱮᱫ ᱠᱟᱱ ᱛᱟᱦᱮᱱᱟ ᱱᱮᱛᱟᱨ ᱫᱚ ᱟᱹᱫᱤᱵᱟᱹᱥᱤ ᱟᱨ ᱦᱤᱱᱫᱩᱠᱩ ᱜᱤ ᱠᱩ ᱢᱟᱱᱟᱣ ᱵᱟᱲᱟ ᱮᱫᱟ᱾
ᱯᱷᱮᱰᱮᱛ
ᱥᱟᱯᱲᱟᱣhttps://bn.wikipedia.org/wiki/%E0%A6%A8%E0%A6%AC%E0%A6%BE%E0%A6%A8%E0%A7%8D%E0%A6%A8