ᱞᱟᱛᱟᱨ ᱥᱩᱵᱚᱱᱥᱤᱨᱤ ᱦᱚᱱᱚᱛ

ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ, ᱥᱤᱧᱚᱛ

ᱞᱟᱛᱟᱨ ᱥᱩᱵᱚᱱᱥᱤᱨᱤ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱡᱤᱨᱳ ᱠᱟᱱᱟ ᱾

ᱞᱟᱛᱟᱨ ᱥᱩᱵᱚᱱᱥᱤᱨᱤ ᱦᱚᱱᱚᱛ
ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱦᱚᱱᱚᱛ ᱞᱟᱛᱟᱨ ᱥᱩᱵᱚᱱᱥᱤᱨᱤ ᱨᱮᱭᱟᱜ ᱴᱷᱟᱶ
ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱦᱚᱱᱚᱛ ᱞᱟᱛᱟᱨ ᱥᱩᱵᱚᱱᱥᱤᱨᱤ ᱨᱮᱭᱟᱜ ᱴᱷᱟᱶ
ᱫᱤᱥᱚᱢᱥᱤᱧᱚᱛ
ᱯᱚᱱᱚᱛᱚᱨᱩᱬᱟᱪᱚᱞ ᱯᱨᱚᱫᱮᱥ
ᱦᱮᱰᱠᱩᱣᱟᱴᱚᱨᱡᱤᱨᱳ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(᱒᱐᱑᱑)
 • ᱜᱩᱴ᱘᱒,᱘᱓᱙[᱑]
ᱦᱚᱲ ᱮᱞᱮᱞ
 • ᱥᱮᱪᱮᱫ᱗᱖.᱓%[᱑]
 • ᱡᱟᱱᱟᱝ ᱡᱟᱹᱱᱤ᱙᱗᱕[᱑]
IST (ᱭᱩᱴᱤᱥᱤ+᱐᱕:᱓᱐)
ᱣᱮᱵᱽᱥᱟᱭᱤᱴlowersubansiri.nic.in

ᱞᱟᱛᱟᱨ ᱥᱩᱵᱚᱱᱥᱤᱨᱤ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱟᱹᱰᱤ ᱜᱮ ᱪᱚᱨᱚᱠ ᱦᱚᱱᱚᱛ ᱠᱟᱱᱟ ᱾ ᱟᱡᱟᱜ ᱥᱤᱨᱫᱚᱱᱮᱛ ᱪᱚᱨᱚᱠ ᱞᱟᱹᱜᱤᱫ ᱦᱚᱲ ᱟᱹᱰᱤ ᱠᱚ ᱜᱚᱨᱚᱡᱟᱜᱼᱟ ᱾ ᱱᱚᱰᱮ ᱫᱚ ᱟᱹᱰᱤ ᱜᱟᱱ ᱵᱤᱨ, ᱱᱟᱹᱭ ᱟᱨ ᱜᱷᱟᱹᱴᱤ ᱠᱚᱦᱚᱸ ᱢᱮᱱᱟᱜᱼᱟ ᱾ ᱚᱱᱟ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱨᱩᱯ ᱨᱚᱝ ᱧᱮᱞ ᱡᱚᱝ ᱥᱟᱸᱜᱷᱟᱨᱤᱭᱟᱹ ᱦᱚᱲ ᱠᱚ ᱟᱹᱰᱤ ᱠᱚ ᱠᱩᱥᱤᱜᱼᱟ ᱾ ᱱᱚᱰᱮᱱᱟᱜ ᱵᱤᱨ ᱫᱚ ᱟᱹᱰᱤ ᱜᱮ ᱪᱚᱨᱚᱠᱟ ᱟᱨ ᱱᱚᱣᱟ ᱵᱤᱨ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱵᱤᱨ ᱡᱟᱱᱣᱟ ᱠᱚ ᱟᱹᱰᱤ ᱵᱷᱟᱹᱜᱤ ᱥᱟᱺᱦᱤᱡ ᱠᱚ ᱧᱮᱞ ᱫᱟᱲᱮ ᱟᱠᱚᱣᱟ ᱾ ᱱᱚᱣᱟ ᱵᱤᱨ ᱨᱮᱫᱚ ᱧᱮᱧᱮᱞᱤᱭᱟᱹ ᱠᱚ ᱪᱮᱴᱨᱟ, ᱦᱟᱰᱜᱟᱨ, ᱯᱩᱥᱤ, ᱵᱟᱱᱟ, ᱵᱤᱨ ᱥᱩᱠᱨᱤ ᱟᱨ ᱡᱤᱞ ᱮᱢᱟᱱ ᱠᱚ ᱧᱮᱞ ᱫᱟᱲᱮ ᱟᱠᱚᱣᱟ ᱾ ᱵᱤᱨ ᱥᱟᱶ ᱥᱟᱶᱛᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱱᱚᱰᱮᱱᱟᱜ ᱟᱹᱰᱤ ᱜᱟᱱ ᱪᱚᱨᱚᱠ ᱱᱟᱹᱭ ᱜᱟᱰᱟ ᱦᱚᱸ ᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱱᱟᱹᱭ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱫᱟᱜ ᱨᱮ ᱠᱷᱤᱞᱚᱲ ᱨᱮᱭᱟᱜ ᱨᱟᱹᱥᱠᱟᱹ ᱦᱚᱸᱠᱚ ᱦᱟᱛᱟᱣ ᱫᱟᱲᱮᱭᱟᱜᱼᱟ ᱾ ᱱᱚᱰᱮ ᱫᱚ ᱥᱟᱸᱜᱷᱟᱨᱤᱭᱟᱹ ᱠᱚ ᱟᱹᱰᱤ ᱜᱟᱱ ᱵᱩᱨᱩ ᱞᱚᱫᱚᱢ ᱟᱨ ᱪᱟᱴᱟᱱᱤ ᱦᱚᱸᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱠᱚᱨᱮ ᱠᱷᱚᱱ ᱥᱚᱞᱤᱱ ᱫᱚ ᱡᱚᱛᱚ ᱠᱷᱚᱱ ᱥᱚᱨᱮᱥ ᱞᱚᱫᱚᱢ ᱠᱟᱱᱟ ᱾ ᱞᱟᱛᱟᱨ ᱥᱩᱵᱟᱱᱥᱤᱨᱤ ᱨᱮᱭᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱡᱤᱨᱳ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱦᱮᱰᱠᱩᱣᱟᱴᱚᱨ ᱦᱚᱸ ᱟᱹᱰᱤ ᱜᱮ ᱪᱚᱨᱚᱠ ᱪᱮᱦᱨᱟᱦᱟ ᱾ ᱱᱚᱰᱮ ᱫᱚ ᱢᱩᱬᱩᱛ ᱞᱮᱠᱟᱛᱮ ᱦᱳᱲᱳ ᱠᱚ ᱪᱟᱥᱟ ᱾ ᱦᱳᱲᱳ ᱪᱟᱥ ᱥᱟᱶᱛᱮ ᱱᱚᱰᱮ ᱫᱚ ᱟᱹᱰᱤ ᱵᱟᱹᱲᱛᱤ ᱦᱟᱹᱠᱩ ᱪᱟᱥ ᱦᱚᱸ ᱦᱩᱭᱩᱜᱼᱟ ᱾ ᱴᱚᱴᱷᱟᱣᱟᱨᱤ ᱵᱚᱥᱠᱚᱫᱤᱭᱟᱹ ᱠᱚᱫᱚ ᱚᱯᱟᱛᱟᱱᱤ ᱧᱩᱛᱩᱢ ᱛᱮ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ ᱛᱟᱠᱚᱣᱟ ᱾ ᱱᱩᱠᱩ ᱫᱚ ᱥᱤᱨᱡᱚᱱ ᱨᱤᱱ ᱵᱚᱸᱜᱟ ᱵᱳᱨᱳ ᱠᱚ ᱫᱮᱵᱟᱥᱮᱵᱟ ᱠᱚᱣᱟ ᱾ ᱱᱩᱠᱩ ᱦᱚᱲ ᱠᱚᱣᱟᱜ ᱢᱩᱠᱷᱤᱭᱟᱹ ᱠᱟᱹᱢᱤ-ᱫᱷᱚᱸᱫᱟ ᱫᱚ ᱪᱟᱥᱵᱟᱥ ᱟᱨ ᱛᱤ ᱛᱮ ᱵᱮᱱᱟᱣᱟᱜ ᱡᱟᱭ ᱨᱮ ᱾ ᱱᱩᱠᱩᱣᱟᱜ ᱞᱟᱠᱪᱟᱨ ᱦᱚᱸ ᱟᱹᱰᱤ ᱜᱮ ᱨᱚᱝ ᱨᱚᱸᱜᱟᱣᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱩᱠᱩᱣᱟᱜ ᱞᱟᱠᱪᱟᱨ ᱫᱚ ᱟᱹᱰᱤ ᱠᱚ ᱠᱩᱥᱤᱭᱟᱜᱼᱟ ᱾ ᱥᱮᱨᱢᱟ ᱨᱮ ᱱᱚᱰᱮ ᱫᱚ ᱟᱹᱰᱤ ᱜᱟᱱ ᱯᱟᱨᱟᱵᱽ ᱯᱩᱱᱟᱹᱭ ᱦᱚᱸᱠᱚ ᱢᱟᱱᱟᱣ ᱵᱟᱛᱟᱣᱟ ᱾ ᱚᱱᱟ ᱯᱟᱨᱟᱵᱽ ᱯᱩᱱᱟᱹᱭ ᱠᱚᱨᱮ ᱠᱷᱚᱱ ᱢᱭᱟᱠᱳ, ᱢᱩᱨᱩᱸᱜᱽ, ᱟᱨ ᱰᱨᱤ ᱮᱢᱟᱣ ᱢᱩᱬᱩᱛᱼᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱡᱩᱫᱤ ᱠᱚ ᱢᱚᱱᱮᱨᱮ ᱱᱚᱣᱟ ᱯᱟᱨᱟᱵᱽ ᱯᱩᱱᱟᱹᱭ ᱨᱮ ᱥᱮᱞᱮᱫ ᱦᱚᱸᱠᱚ ᱥᱮᱞᱮᱫ ᱫᱟᱲᱮᱭᱟᱜᱼᱟ ᱾

ᱢᱩᱠᱷᱤᱭᱟᱹ ᱢᱩᱦᱤᱛ ᱥᱟᱯᱲᱟᱣ

ᱠᱤᱞᱮ ᱯᱟᱠᱷᱚ ᱥᱟᱯᱲᱟᱣ

ᱠᱤᱞᱮ ᱯᱟᱠᱷᱚ ᱫᱚ ᱱᱚᱰᱮᱱᱟᱜ ᱦᱚᱲ ᱜᱚᱨᱚᱡᱟᱱᱟᱜ ᱢᱤᱫ ᱧᱮᱢᱮᱞ ᱴᱚᱴᱷᱟ ᱠᱟᱱᱟ ᱾ ᱱᱚᱰᱮᱱᱟᱜ ᱥᱮᱛᱟᱜ ᱫᱚ ᱟᱹᱰᱤ ᱜᱮ ᱢᱚᱱ ᱢᱩᱦᱤᱛᱟᱱᱟᱜ-ᱟ ᱟᱨ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱰᱮ ᱟᱹᱰᱤᱜᱟᱱ ᱪᱚᱨᱚᱠ ᱪᱚᱨᱚᱠ ᱪᱮᱬᱮ ᱪᱤᱯᱨᱩᱜ ᱠᱚ ᱟᱨ ᱪᱟᱸᱫᱚ ᱨᱟᱠᱟᱵ ᱨᱮᱭᱟᱜ ᱥᱚᱨᱮᱥ ᱪᱤᱛᱟᱹᱨ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱩᱠᱩ ᱪᱮᱬᱮ ᱪᱩᱯᱨᱩᱜ ᱠᱚ ᱪᱷᱟᱰᱟ ᱠᱟᱛᱮ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱰᱮ ᱦᱮᱢᱟᱞ ᱵᱩᱨᱩ ᱨᱮᱭᱟᱜ ᱵᱚᱨᱚᱯᱷ ᱛᱮ ᱫᱟᱯᱟᱞ ᱟᱠᱟᱱ ᱟᱹᱰᱤ ᱪᱚᱨᱚᱠ ᱪᱚᱴᱟᱛ ᱦᱚᱸᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱪᱚᱴᱟᱛ ᱠᱚᱫᱚ ᱱᱟᱭᱤᱢᱮ ᱯᱮᱢᱵᱩ ᱧᱩᱛᱩᱢ ᱛᱮ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ-ᱟ ᱾ ᱠᱤᱞᱮ ᱯᱟᱠᱷᱚ ᱫᱚ ᱡᱤᱨᱳ ᱠᱷᱚᱱ ᱗ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾

ᱯᱟᱭᱤᱱ ᱜᱽᱨᱩᱵᱽ ᱥᱟᱯᱲᱟᱣ

ᱱᱚᱣᱟ ᱫᱚ ᱡᱤᱨᱳ ᱠᱷᱚᱱ ᱯᱮ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱚᱰᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱟᱹᱰᱤ ᱪᱚᱨᱚᱠ ᱯᱟᱭᱤᱱ ᱫᱟᱨᱮ ᱨᱮᱭᱟᱜ ᱨᱩᱯ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱫᱚ ᱰᱤᱥᱮᱢᱵᱚᱨ ᱑᱙᱖᱑ ᱥᱟᱞᱮᱨᱮ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾

ᱢᱤᱰᱮ ᱥᱟᱯᱲᱟᱣ

ᱢᱤᱰᱮ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚ ᱢᱚᱥᱛᱚ ᱥᱚᱛᱱᱤ ᱯᱤᱥᱟ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱫᱚ ᱯᱟᱭᱤᱱ ᱫᱟᱨᱮ ᱠᱟᱱᱟ ᱟᱨ ᱱᱚᱣᱟ ᱫᱚ ᱟᱯᱟᱛᱟᱱᱤ ᱜᱷᱟᱹᱴᱤ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱨᱮᱭᱟᱜ ᱜᱩᱸᱰ ᱨᱮᱭᱟᱜ ᱰᱟᱭᱟᱢᱤᱴᱚᱨ ᱫᱚ ᱥᱩᱨ ᱥᱩᱯᱩᱨ ᱗ ᱢᱤᱴᱚᱨ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱡᱤᱨᱳ ᱠᱷᱚᱱ ᱒ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾

ᱡᱤᱨᱳ ᱯᱩᱴᱩ ᱥᱟᱯᱲᱟᱣ

ᱱᱚᱣᱟ ᱫᱚ ᱢᱤᱫ ᱵᱩᱨᱩ ᱠᱟᱱᱟ ᱟᱨ ᱱᱚᱣᱟ ᱫᱚ ᱡᱤᱨᱳ ᱯᱩᱴᱩ ᱪᱷᱟᱰᱟ ᱠᱟᱛᱮ ᱟᱨᱢᱤ ᱯᱩᱴᱩ ᱧᱩᱛᱩᱢ ᱛᱮᱦᱚᱸ ᱦᱚᱲ ᱠᱚ ᱵᱟᱰᱟᱭ ᱫᱟᱲᱮᱭᱟᱜ-ᱟ ᱾ ᱯᱷᱩᱨᱜᱟᱹᱞ ᱛᱟᱭᱚᱢ ᱱᱚᱰᱮ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱯᱩᱭᱞᱩ ᱯᱨᱚᱥᱟᱥᱚᱱᱤᱭᱟᱹ ᱛᱟᱞᱢᱟ ᱞᱮᱠᱟᱛᱮ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾ ᱤᱱᱟᱹ ᱛᱟᱭᱚᱢ ᱖ ᱜᱮᱞᱟᱝ ᱨᱮ ᱱᱚᱰᱮ ᱫᱚ ᱥᱮᱱᱟ ᱠᱚ ᱞᱟᱹᱜᱤᱫ ᱠᱮᱸᱯ ᱦᱚᱸ ᱵᱮᱱᱟᱣ ᱦᱩᱭ ᱮᱱᱟ ᱾ ᱱᱚᱰᱮ ᱠᱷᱚᱱ ᱯᱩᱨᱟᱹ ᱦᱚᱱᱚᱛ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱨᱩᱯ ᱨᱚᱝ ᱧᱮᱞ ᱜᱟᱱ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱵᱩᱨᱩ ᱞᱟᱛᱟᱨ ᱨᱮ ᱩᱰᱟᱹᱱ ᱟᱰᱟ ᱦᱚᱸ ᱵᱮᱱᱟᱣ ᱟᱠᱟᱱᱟ ᱾

ᱰᱳᱞᱳ ᱢᱟᱰᱳ ᱥᱟᱯᱲᱟᱣ

ᱦᱚᱯᱳᱞᱤ ᱠᱷᱚᱱ ᱒ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱰᱳᱞᱳ-ᱢᱟᱰᱳ ᱫᱚ ᱰᱳᱞᱳ ᱟᱨ ᱢᱟᱰᱳᱣᱟᱜ ᱫᱩᱯᱩᱞᱟᱹᱲ ᱥᱟᱹᱜᱟᱹᱭ ᱞᱟᱹᱜᱤᱫ ᱧᱩᱛᱩᱢ ᱮ ᱟᱢᱮᱴ ᱟᱠᱟᱫ-ᱟ ᱾ ᱱᱚᱣᱟ ᱫᱮ ᱧᱮᱞ ᱡᱚᱝ ᱨᱮ ᱟᱹᱰᱤ ᱜᱮ ᱪᱚᱨᱚᱠᱟ ᱾ ᱱᱚᱰᱮ ᱠᱷᱚᱱ ᱡᱤᱨᱳ ᱟᱨ ᱦᱚᱯᱳᱞᱤ ᱵᱟᱡᱟᱨ ᱨᱮᱭᱟᱜ ᱪᱮᱦᱨᱟᱱ ᱪᱤᱛᱟᱹᱨ ᱧᱮᱞ ᱜᱟᱱᱚᱜ-ᱟ ᱾

ᱰᱤ.ᱟᱭᱤ.ᱥᱤ. ᱥᱟᱯᱲᱟᱣ

ᱱᱚᱣᱟ ᱨᱮᱭᱟᱜ ᱯᱩᱨᱟᱹ ᱧᱩᱛᱩᱢ ᱫᱚ ᱰᱤᱥᱴᱨᱤᱠᱴ ᱤᱱᱰᱚᱥᱴᱨᱤᱡᱽ ᱥᱮᱱᱴᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱡᱤᱨᱳ ᱠᱷᱚᱱ ᱫᱚ ᱑ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱚᱰᱮ ᱫᱚ ᱥᱟᱸᱜᱷᱟᱨᱤᱭᱟᱹ ᱠᱚ ᱴᱚᱴᱷᱟᱣᱟᱨᱤ ᱵᱚᱥᱠᱚᱫᱤᱭᱟᱹ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱛᱤᱛᱮ ᱵᱮᱱᱟᱣ ᱡᱤᱱᱤᱥ ᱟᱨ ᱦᱚᱸ ᱮᱴᱟᱜ ᱟᱹᱡᱤ ᱞᱮᱠᱟᱱ ᱪᱮᱦᱨᱟᱱ ᱥᱟᱢᱟᱱ ᱠᱚ ᱧᱮᱞ ᱟᱨ ᱠᱚ ᱠᱤᱨᱤᱧ ᱫᱟᱲᱮᱭᱟᱜ-ᱟ ᱾

ᱛᱟᱨᱤᱱ ᱦᱟᱹᱠᱩ ᱯᱷᱟᱨᱢ ᱥᱟᱯᱲᱟᱣ

ᱱᱚᱣᱟ ᱦᱟᱹᱠᱩ ᱯᱷᱟᱨᱢ ᱫᱚ ᱦᱚᱯᱳᱞᱤ ᱠᱷᱚᱱ ᱓.᱕ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱟᱨ ᱟᱹᱰᱤ ᱜᱮ ᱪᱚᱨᱚᱠ ᱪᱮᱦᱨᱟᱦᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱣᱟ ᱯᱷᱟᱨᱢ ᱫᱚ ᱟᱹᱰᱤ ᱠᱚ ᱠᱩᱥᱤᱭᱟᱜ-ᱟ ᱾ ᱱᱚᱰᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱟᱹᱰᱤ ᱞᱮᱠᱟᱱ ᱡᱟᱹᱛ ᱨᱤᱱ ᱦᱟᱹᱠᱩ ᱠᱚ ᱧᱮᱞ ᱫᱟᱲᱮᱭᱟ ᱠᱚᱣᱟ ᱾

ᱴᱮᱞᱤ ᱵᱤᱨ ᱡᱟᱱᱣᱟ ᱡᱩ ᱥᱟᱯᱲᱟᱣ

ᱡᱤᱨᱳ ᱠᱷᱚᱱ ᱓᱒ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱴᱮᱞᱤ ᱵᱤᱨ ᱡᱟᱱᱣᱟ ᱡᱩ ᱫᱚ ᱟᱹᱰᱤ ᱜᱮ ᱪᱚᱨᱚᱠ-ᱟ ᱾ ᱱᱚᱣᱟ ᱡᱩ ᱨᱮᱫᱚ ᱥᱟᱸᱜᱷᱟᱨᱤᱭᱟᱹ ᱠᱚ ᱟᱹᱰᱤ ᱞᱮᱠᱟᱱ ᱫᱟᱨᱮ ᱱᱟᱹᱬᱤ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱠᱚ ᱥᱟᱶ ᱥᱟᱶᱛᱮ ᱱᱚᱰᱮ ᱫᱚ ᱢᱟᱫ ᱡᱷᱩᱲ ᱦᱚᱸ ᱧᱮᱞ ᱡᱚᱝ ᱨᱮ ᱧᱟᱢᱚᱜ-ᱟ ᱾

ᱦᱚᱲ ᱮᱞᱮᱞ ᱥᱟᱯᱲᱟᱣ

ᱦᱚᱲ ᱮᱞᱥᱚᱝ ᱱᱟᱜᱟᱢ
ᱥᱮᱨᱢᱟᱦᱚᱲ.±% ᱥᱮ.ᱯᱤ.
᱑᱙᱖᱑᱒᱓,᱙᱕᱐—    
᱑᱙᱗᱑᱓᱐,᱘᱒᱓+2.56%
᱑᱙᱘᱑᱓᱕,᱔᱐᱕+1.40%
᱑᱙᱙᱑᱔᱓,᱑᱔᱘+2.00%
᱒᱐᱐᱑᱕᱕,᱗᱒᱖+2.59%
᱒᱐᱑᱑᱘᱓,᱐᱓᱐+4.07%
source:[᱒]

ᱥᱤᱧᱚᱛ ᱨᱮ ᱒᱐᱑᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱞᱟᱛᱟᱨ ᱥᱩᱵᱚᱱᱥᱤᱨᱤ ᱦᱚᱱᱚᱛ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱘᱒,᱘᱓᱙ ᱦᱚᱲ ᱢᱮᱱᱟᱜ ᱠᱚᱣᱟ ᱾[᱓]ᱡᱟᱦᱟᱸ ᱫᱚ ᱥᱩᱨ ᱥᱩᱯᱩᱨ ᱟᱱᱰᱚᱨᱟ ᱫᱤᱥᱚᱢ ᱥᱟᱶ ᱥᱚᱢᱟᱱ ᱜᱮᱭᱟ ᱾ [᱔]ᱱᱚᱣᱟ ᱫᱚ ᱥᱤᱧᱚᱛ ᱨᱮ ᱖᱒᱓ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱟᱠᱟᱫ-ᱟ (ᱡᱚᱛᱚ ᱛᱮ ᱖᱔᱐ ᱠᱷᱚᱱ) ᱾ [᱓] ᱜᱮᱞ ᱥᱮᱨᱢᱟ ᱒᱐᱐᱑-᱒᱐᱑᱑ ᱵᱷᱤᱛᱨᱤ ᱨᱮ ᱱᱚᱰᱮᱱᱟᱜ ᱦᱚᱲ ᱮᱞᱮᱞ ᱵᱟᱰᱷᱟᱣ ᱫᱚᱨ ᱫᱚ ᱔᱘.᱖᱓% ᱾[᱓]ᱞᱟᱛᱟᱨ ᱥᱩᱵᱚᱱᱥᱤᱨᱤ ᱨᱮᱭᱟᱜ ᱡᱟᱱᱟᱝ ᱡᱟᱹᱱᱤ ᱫᱚ ᱑᱐᱐᱐ ᱠᱚᱲᱟ ᱦᱚᱯᱚᱱ ᱯᱤᱪᱷᱟᱹ ᱙᱗᱕ ᱠᱩᱲᱤ ᱦᱚᱯᱚᱱ ᱢᱮᱱᱟᱜ ᱠᱚᱣᱟ ᱾ [᱓]ᱟᱨ ᱚᱸᱰᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱗᱖.᱓᱓% ᱾[᱓]

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. ᱑.᱐ ᱑.᱑ ᱑.᱒ "District Census 2011". Census2011.co.in.
  2. Decadal Variation In Population Since 1901
  3. ᱓.᱐ ᱓.᱑ ᱓.᱒ ᱓.᱓ ᱓.᱔ "District Census 2011". Census2011.co.in. 2011. Retrieved 2011-09-30.
  4. US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01. 198 Andorra 84,825 July 2011 est.

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ

Coordinates: 27°48′N 93°36′E / 27.800°N 93.600°E / 27.800; 93.600