ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ
ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ (ᱡᱟᱱᱟᱢ: ᱒ ᱚᱠᱴᱚᱵᱚᱨ ᱑᱙᱐᱔ [᱑] ᱢᱩᱜᱚᱞᱥᱚᱨᱟᱭ (ᱵᱟᱨᱟᱬᱚᱥᱤ) ᱜᱩᱨ ᱺ ᱑᱑ ᱡᱟᱱᱩᱣᱟᱨᱤ ᱑᱙᱖᱖ ᱛᱟᱥᱠᱚᱸᱫᱽ ᱥᱚᱵᱤᱭᱚᱛ ᱥᱚᱸᱜᱷ ᱨᱩᱥ)), ᱫᱚ ᱥᱤᱧᱚᱛ ᱨᱤᱱᱤᱡ ᱫᱚᱥᱟᱨ ᱢᱟᱨᱟᱝ ᱢᱚᱱᱛᱨᱤᱭ ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱚ ᱙ ᱡᱩᱱ ᱑᱙᱖᱔ ᱠᱷᱚᱱ ᱑᱑ ᱡᱟᱱᱩᱣᱟᱨᱤ ᱑᱙᱖᱖ ᱨᱮ ᱟᱡᱟᱜ ᱜᱩᱨ ᱫᱷᱟᱹᱵᱤᱡ ᱥᱩᱨ ᱥᱩᱯᱩᱨ ᱜᱮᱨᱟᱹᱞ ᱵᱚᱸᱜᱟ ᱥᱤᱧᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤᱭ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱞᱟᱯᱷᱟᱝ ᱢᱟᱹᱪᱤ ᱨᱮ ᱟᱡᱟᱜ ᱠᱟᱹᱢᱤᱠᱛᱚ ᱫᱚ ᱟᱹᱰᱤ ᱟᱞᱟᱫᱟ ᱜᱮ ᱛᱟᱦᱮᱸ ᱠᱟᱱᱟ ᱾ ᱥᱟᱥᱛᱨᱤ ᱫᱚ ᱠᱟᱥᱤ ᱵᱤᱫᱽᱭᱟᱯᱤᱴᱷ ᱠᱷᱚᱱ ᱥᱟᱥᱛᱨᱤ ᱢᱟᱹᱱ ᱫᱚᱭ ᱟᱢᱮᱴ ᱞᱮᱫ-ᱟ ᱾
| ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ | |
|---|---|
.jpg) | |
| ᱫᱚᱥᱟᱨ ᱥᱤᱧᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱙ ᱡᱩᱱ ᱑᱙᱖᱔ – ᱑᱑ ᱡᱟᱱᱩᱣᱟᱨᱤ ᱑᱙᱖᱖ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱜᱩᱞᱡᱟᱨᱤᱞᱟᱞ ᱱᱚᱱᱫᱟ (acting) |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱜᱩᱞᱡᱟᱨᱤᱞᱟᱞ ᱱᱚᱱᱫᱟ (acting) |
| ᱵᱤᱫᱮᱥ ᱢᱚᱱᱛᱨᱟᱞᱚᱭ | |
| ᱟᱹᱢᱟᱹᱞᱤ ᱨᱮ ᱙ ᱡᱩᱱ ᱑᱙᱖᱔ – ᱑᱘ ᱡᱩᱞᱟᱭ ᱑᱙᱖᱔ | |
| ᱢᱟᱨᱟᱝ ᱢᱱᱛᱨᱤ | ᱟᱡᱛᱮᱫ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱜᱩᱞᱡᱟᱨᱤᱞᱟᱞ ᱱᱚᱱᱫᱟ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱤᱱᱫᱤᱨᱟ ᱜᱟᱱᱫᱷᱤ |
| ᱵᱟᱹᱠᱷᱳᱞ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱔ ᱮᱯᱨᱤᱞ ᱑᱙᱖᱑ – ᱒᱙ ᱚᱜᱚᱥᱴ ᱑᱙᱖᱓ | |
| ᱢᱟᱨᱟᱝ ᱢᱱᱛᱨᱤ | ᱡᱚᱵᱟᱦᱚᱨᱞᱟᱞ ᱱᱮᱦᱨᱩ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱜᱚᱵᱤᱸᱫᱽ ᱵᱚᱞᱞᱚᱵᱷ ᱯᱟᱸᱴ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱜᱩᱞᱡᱟᱨᱤᱞᱟᱞ ᱱᱚᱱᱫᱟ |
| ᱨᱮᱞ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱑᱙᱕᱑ – ᱑᱙᱕᱖ | |
| ᱢᱟᱨᱟᱝ ᱢᱱᱛᱨᱤ | ᱡᱚᱵᱟᱦᱚᱨᱞᱟᱞ ᱱᱮᱦᱨᱩ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱮᱱ. ᱜᱳᱯᱟᱞᱟᱥᱣᱟᱢᱤ ᱟᱭᱟᱝᱜᱚᱨ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱡᱚᱜᱽᱡᱤᱵᱚᱱ ᱨᱟᱢ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱞᱟᱞ ᱵᱟᱦᱟᱫᱩᱨ ᱥᱨᱤᱵᱟᱥᱛᱚᱵᱚ ᱒ ᱚᱠᱴᱚᱵᱚᱨ ᱑᱙᱐᱔ ᱨᱟᱢᱱᱚᱜᱚᱨ, United Provinces of Agra and Oudh, ᱵᱨᱤᱴᱤᱥ ᱤᱱᱰᱤᱭᱟ (ᱱᱤᱛᱚᱜ ᱫᱚ ᱩᱛᱛᱚᱨ ᱯᱨᱚᱫᱮᱥ, ᱥᱤᱧᱚᱛ) |
| ᱜᱩᱨ | ᱑᱑ ᱡᱟᱱᱩᱣᱟᱨᱤ ᱑᱙᱖᱖ (᱖᱑ ᱵᱚᱭᱚᱥ)
ᱛᱟᱥᱠᱮᱸᱛ, ᱩᱡᱽᱵᱮᱠ ᱮᱥ.ᱮᱥ.ᱟᱨ., ᱥᱚᱵᱷᱤᱭᱮᱛ ᱭᱩᱱᱤᱭᱚᱱ (ᱱᱤᱛᱚᱜ ᱫᱚ ᱩᱡᱽᱵᱮᱠᱤᱥᱛᱟᱱ) |
| ᱛᱚᱯᱟ ᱛᱷᱟᱱ | ᱵᱤᱡᱚᱭ ᱜᱷᱟᱴ |
| ᱨᱟᱡᱽᱟᱹᱨᱤ ᱫᱚᱞ | ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ |
| ᱡᱤᱭᱚᱱ ᱥᱚᱦᱮᱫ | |
| ᱦᱚᱯᱚᱱ | ᱖ |
| ᱜᱳ/ᱵᱟᱵᱟ | ᱥᱟᱨᱫᱟ ᱯᱨᱚᱥᱟᱫᱽ ᱥᱨᱤᱵᱟᱥᱛᱚᱵᱚ (ᱵᱟᱵᱟ) ᱨᱟᱢ ᱫᱩᱞᱟᱨᱤ ᱫᱮᱵᱤ (ᱟᱭᱳ) |
| ᱥᱮᱪᱮᱫ ᱟᱠᱷᱲᱟ | ᱜᱟᱱᱫᱷᱤ ᱠᱟᱥᱤ ᱵᱤᱫᱽᱭᱟᱯᱤᱴᱷ |
| ᱥᱤᱨᱯᱷᱟᱹ | ᱵᱷᱟᱨᱚᱛ ᱨᱚᱛᱱᱚ (᱑᱙᱖᱖) (Posthumous) |
ᱠᱷᱟᱴᱚ ᱡᱤᱭᱚᱱᱤ
ᱥᱟᱯᱲᱟᱣᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤᱭᱟᱜ ᱡᱟᱱᱟᱢ ᱫᱚ ᱑᱙᱐᱔ ᱨᱮ ᱢᱩᱜᱚᱞᱥᱚᱨᱟᱭ ᱩᱛᱚᱨ ᱯᱨᱚᱫᱮᱥ ᱨᱮ ᱢᱤᱫ ᱠᱟᱭᱚᱥᱛᱷ ᱜᱷᱟᱨᱚᱸᱡᱽ ᱨᱮ ᱢᱩᱸᱥᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱥᱨᱤᱵᱟᱥᱛᱚᱵᱽ ᱴᱷᱮᱱ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱫᱚ ᱯᱨᱟᱭᱢᱮᱨᱤ ᱟᱥᱲᱟ ᱨᱤᱱᱤᱡ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ, ᱚᱱᱟ ᱠᱷᱟᱛᱤᱨ ᱡᱚᱛᱚ ᱦᱚᱲ ᱩᱱᱤ ᱫᱚ ᱢᱩᱸᱥᱤᱡᱤ ᱢᱮᱱᱛᱮ ᱠᱚ ᱢᱮᱛᱟᱦᱟᱭ ᱠᱟᱱ ᱛᱟᱦᱮᱸᱫ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱯᱚᱱᱚᱛ ᱦᱩᱫᱟᱹ ᱨᱮ ᱠᱞᱚᱨᱠ ᱪᱟᱹᱠᱨᱤᱭ ᱪᱟᱹᱠᱨᱤ ᱞᱮᱫ ᱛᱟᱦᱮᱸᱫ ᱾ ᱞᱟᱞ ᱵᱟᱦᱟᱫᱩᱨ ᱟᱡ ᱟᱭᱳᱣᱟᱜ ᱧᱩᱛᱩᱢ ᱫᱚ ᱨᱟᱢ ᱫᱩᱞᱟᱨᱤ ᱢᱮᱱᱛᱮ ᱛᱟᱦᱮᱸ ᱠᱟᱱᱟ ᱾ ᱜᱷᱟᱨᱚᱸᱡᱽ ᱨᱮ ᱡᱚᱛᱚ ᱠᱷᱚᱱ ᱦᱩᱰᱤᱧ ᱮ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱠᱚᱲᱟ ᱜᱤᱫᱽᱨᱟᱹ ᱞᱟᱞ ᱵᱟᱦᱟᱫᱩᱨ ᱫᱚ ᱜᱷᱟᱨᱚᱸᱡᱤᱭᱟᱹ ᱠᱚ ᱫᱩᱞᱟᱹᱲ ᱛᱮ ᱦᱩᱰᱤᱧ (ᱱᱟᱱᱦᱮ) ᱢᱮᱱ ᱠᱟᱛᱮ ᱜᱮ ᱠᱚ ᱦᱟᱦᱟᱣᱟᱭ ᱠᱟᱱ ᱛᱟᱦᱮᱸᱫ ᱾ ᱛᱤᱱ ᱡᱚᱦᱚᱜ ᱱᱟᱱᱦᱮ ᱫᱚ ᱜᱮᱨᱟᱹᱞ ᱵᱚᱸᱜᱟ ᱨᱤᱱᱤᱡ ᱮ ᱦᱩᱭ ᱮᱱᱟ ᱦᱤᱱᱠᱚᱯᱟᱲ ᱛᱮ ᱟᱡ ᱵᱟᱵᱟ ᱫᱚᱭ ᱵᱚᱸᱜᱟ ᱫᱤᱥᱚᱢ ᱮᱱᱟ ᱾ ᱩᱱᱤ ᱟᱡ ᱟᱭᱳ ᱨᱟᱢᱫᱩᱞᱟᱨᱤ ᱫᱚ ᱟᱡ ᱵᱟᱵᱟ ᱦᱚᱡᱟᱨᱤᱞᱟᱞ ᱟᱜ ᱚᱲᱟᱜ ᱢᱤᱨᱡᱟᱯᱩᱨ ᱮ ᱥᱮᱱ ᱮᱱᱟ ᱾ ᱛᱤᱱᱟᱹᱝ ᱚᱠᱛᱚ ᱛᱟᱭᱚᱢ ᱫᱚ ᱟᱡ ᱢᱟᱢᱚ ᱦᱟᱲᱟᱢ ᱦᱚᱸ ᱵᱟᱭ ᱛᱟᱦᱮᱸ ᱞᱮᱱᱟ, ᱩᱱᱤ ᱦᱚᱸᱭ ᱵᱚᱸᱜᱟ ᱫᱤᱥᱚᱢ ᱮᱱᱟ ᱾ ᱵᱟᱵᱟ ᱵᱮᱜᱚᱨ ᱠᱚᱲᱟ ᱜᱤᱫᱽᱨᱟ ᱱᱚᱱᱦᱮᱭᱟᱜ ᱡᱚᱛᱚᱱ ᱡᱚᱜᱟᱣ ᱨᱮ ᱟᱡ ᱠᱟᱠᱟ ᱨᱚᱜᱷᱩᱱᱟᱛᱷ ᱯᱨᱚᱥᱟᱫᱽ ᱫᱚ ᱟᱡ ᱟᱭᱳ ᱟᱹᱰᱤ ᱜᱮᱭ ᱜᱚᱲᱚ ᱟᱫᱮᱭᱟ ᱾ ᱢᱟᱢᱚ ᱚᱲᱟᱜ ᱨᱮ ᱛᱟᱦᱮᱸᱱ ᱛᱩᱞᱩᱡ ᱜᱮ ᱩᱱᱤ ᱫᱚ ᱮᱛᱚᱦᱚᱵ ᱥᱮᱪᱮᱫ ᱫᱚᱭ ᱟᱢᱮᱴ ᱠᱮᱫ-ᱟ ᱾ ᱤᱱᱟᱹ ᱛᱟᱭᱚᱢᱟᱜ ᱥᱮᱪᱮᱫ ᱫᱚ ᱦᱚᱨᱤᱥᱪᱚᱸᱫᱽᱨᱚ ᱩᱱᱩᱥᱩᱞ ᱵᱤᱨᱫᱟᱹᱜᱟᱲ ᱟᱨ ᱠᱟᱥᱤ ᱵᱤᱫᱽᱭᱟᱯᱤᱴᱷ ᱨᱮ ᱦᱩᱭ ᱮᱱᱟ ᱾ ᱠᱟᱥᱤ ᱵᱤᱫᱽᱭᱟᱯᱤᱴᱷ ᱠᱷᱚᱱ ᱥᱟᱥᱛᱨᱤ ᱩᱯᱟᱫᱷᱤ ᱧᱟᱢ ᱠᱟᱛᱮ ᱩᱱᱤ ᱫᱚ ᱡᱟᱱᱟᱢ ᱠᱷᱚᱱ ᱦᱮᱡ ᱟᱹᱜᱩ ᱟᱠᱟᱱ ᱡᱟᱹᱛᱤᱫᱩᱜ ᱟᱹᱲᱟᱹ ᱥᱨᱤᱵᱟᱥᱛᱚᱵᱽ ᱫᱚ ᱡᱟᱭᱡᱩᱜᱽ ᱞᱟᱹᱜᱤᱫ ᱮ ᱥᱟᱦᱟ ᱜᱤᱰᱤ ᱠᱟᱫ-ᱟ ᱟᱨ ᱟᱡᱟᱜ ᱧᱩᱛᱩᱢ ᱥᱟᱶᱨᱮ 'ᱥᱟᱥᱛᱨᱤ' ᱡᱩᱲᱟᱹᱭ ᱠᱮᱫ ᱟᱭ ᱾ ᱤᱱᱟᱹ ᱛᱟᱭᱚᱢ ᱥᱟᱥᱛᱨᱤ ᱟᱹᱲᱟᱹ ᱫᱚ ᱞᱟᱞ ᱵᱟᱦᱟᱫᱩᱨ ᱧᱩᱛᱩᱢ ᱥᱟᱶ ᱟᱹᱰᱤ ᱵᱷᱟᱹᱜᱤ ᱜᱮ ᱜᱟᱱ ᱞᱮᱱᱟ ᱾
ᱨᱟᱡᱽᱟᱹᱨᱤ ᱡᱤᱭᱚᱱ
ᱥᱟᱯᱲᱟᱣᱥᱟᱸᱥᱠᱨᱤᱴ ᱯᱟᱹᱨᱥᱤ ᱛᱮ ᱥᱚᱱᱮᱨ ᱫᱷᱟᱹᱵᱤᱡᱟᱜ ᱥᱮᱪᱮᱫ ᱮ ᱟᱢᱮᱴ ᱠᱮᱫ ᱛᱟᱭᱚᱢ ᱟᱡ ᱫᱚ ᱵᱷᱟᱨᱚᱛ ᱥᱮᱵᱚᱠ ᱜᱟᱶᱛᱟ ᱥᱟᱶ ᱮ ᱡᱩᱲᱟᱹᱭ ᱮᱱᱟ ᱟᱨ ᱫᱤᱥᱚᱢ ᱥᱮᱵᱟ ᱨᱮᱱᱟᱜ ᱠᱤᱨᱭᱟᱹ ᱦᱟᱛᱟᱣ ᱥᱟᱶᱛᱮ ᱱᱚᱰᱮ ᱠᱷᱚᱱ ᱜᱮ ᱨᱟᱡᱽᱟᱹᱨᱤ ᱡᱤᱭᱚᱱ ᱫᱚᱭ ᱮᱛᱚᱦᱚᱵ ᱞᱮᱫ-ᱟ ᱾ ᱥᱟᱥᱛᱨᱤ ᱫᱚ ᱥᱟᱹᱨᱤᱭᱟᱹᱛ ᱜᱟᱱᱫᱷᱤᱵᱟᱫᱤᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱟᱡᱟᱜ ᱯᱩᱨᱟᱹ ᱡᱤᱭᱚᱱ ᱟᱹᱰᱤ ᱥᱟᱫᱟ ᱜᱮᱭ ᱠᱷᱮᱢᱟᱣ ᱟᱠᱟᱫ-ᱟ ᱟᱨ ᱚᱱᱟ ᱫᱚ ᱨᱮᱸᱜᱮᱡ ᱦᱚᱲ ᱠᱚ ᱥᱮᱵᱟ ᱨᱮᱭ ᱞᱟᱜᱟᱣ ᱟᱠᱟᱫ-ᱟ ᱾ ᱥᱤᱧᱚᱛᱤᱭᱟᱹ ᱯᱷᱩᱱᱩᱨᱜᱟᱹᱞ ᱞᱟᱹᱰᱷᱟᱹᱭ ᱨᱮ ᱡᱚᱛᱚ ᱫᱟᱢᱟᱱ ᱠᱟᱹᱢᱤᱦᱚᱨᱟ ᱟᱨ ᱦᱩᱞᱥᱟᱹᱭ ᱨᱮ ᱩᱱᱤ ᱫᱚ ᱟᱹᱰᱤ ᱜᱮ ᱪᱩᱦᱩᱞᱟᱹᱣ ᱫᱟᱣ ᱮ ᱦᱟᱛᱟᱣ ᱞᱮᱫ-ᱟ ᱟᱨ ᱚᱱᱟ ᱨᱮᱱᱟᱜ ᱚᱨᱡᱚ ᱞᱮᱠᱟᱛᱮ ᱩᱱᱤ ᱫᱚ ᱟᱹᱰᱤ ᱫᱷᱟᱣ ᱡᱤᱦᱚᱞ ᱨᱮᱦᱚᱸ ᱛᱟᱦᱮᱸ ᱦᱩᱭ ᱟᱠᱟᱣᱟᱫᱮᱭᱟ ᱾ ᱯᱷᱩᱱᱩᱨᱜᱟᱹᱞ ᱞᱟᱹᱰᱷᱟᱹᱭ ᱨᱮ ᱡᱟᱦᱟᱸ ᱦᱩᱞᱥᱟᱹᱭ ᱨᱮ ᱟᱡᱟᱜ ᱫᱟᱢᱟᱱ ᱴᱷᱟᱶ ᱛᱟᱦᱮᱸ ᱟᱠᱟᱱᱟ ᱚᱱᱟ ᱠᱷᱚᱱ ᱫᱚ ᱑᱙᱒᱑ ᱨᱮᱱᱟᱜ ᱵᱟᱝᱜᱚᱲᱚᱱ ᱦᱩᱞᱥᱟᱹᱭ, ᱑᱙᱓᱐ ᱨᱮᱱᱟᱜ ᱫᱟᱱᱰᱤ ᱢᱟᱨᱪ, ᱟᱨ ᱑᱙᱔᱒ ᱨᱮᱱᱟᱜ ᱵᱷᱟᱨᱚᱛ ᱵᱟᱹᱜᱤᱱ ᱦᱩᱞᱥᱟᱹᱭ ᱠᱚ ᱢᱩᱬᱩᱛ ᱞᱮᱠᱟᱛᱮ ᱫᱚ ᱴᱷᱟᱶ ᱮ ᱟᱢᱮᱴᱟ ᱾
ᱢᱟᱨᱟᱝ ᱢᱚᱱᱛᱨᱤ
ᱥᱟᱯᱲᱟᱣᱩᱱᱤᱭᱟᱜ ᱥᱟᱯᱷᱟ ᱥᱩᱛᱨᱟᱹ ᱨᱩᱯ ᱢᱚᱦᱚᱨ ᱠᱷᱟᱹᱛᱤᱨ ᱜᱮ ᱟᱡ ᱫᱚ ᱑᱙᱖᱔ ᱨᱮ ᱫᱤᱥᱚᱢ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱠᱚ ᱵᱮᱱᱟᱣ ᱠᱮᱫᱮᱭᱟ ᱾
ᱜᱚᱴᱟᱯᱟᱲᱟ ᱠᱷᱚᱱ ᱧᱮᱞ ᱞᱮᱠᱷᱟᱱ ᱥᱟᱥᱛᱨᱤᱭᱟᱜ ᱥᱟᱥᱚᱱ ᱱᱟᱝ ᱫᱚ ᱟᱹᱰᱤ ᱜᱮ ᱠᱩᱴᱷᱤᱱ ᱛᱟᱦᱮᱸ ᱠᱟᱱᱟ ᱾ ᱯᱩᱸᱡᱤᱯᱚᱛᱤ ᱠᱚ ᱫᱤᱥᱚᱢ ᱪᱮᱛᱟᱱ ᱨᱮ ᱫᱮᱡᱚᱜ ᱥᱟᱱᱟᱭᱮᱫ ᱠᱚ ᱛᱟᱦᱮᱸᱫ ᱟᱨ ᱵᱟᱹᱭᱨᱤ ᱫᱤᱥᱚᱢ ᱟᱵᱚ ᱪᱮᱛᱟᱱ ᱨᱮ ᱡᱷᱚᱯᱚᱴᱚᱜ ᱨᱮᱱᱟᱜ ᱥᱟᱯᱲᱟᱣ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ ᱑᱙᱖᱕ ᱨᱮ ᱟᱪᱠᱟ ᱜᱮ ᱯᱟᱠᱤᱥᱛᱟᱱ ᱫᱚ ᱥᱤᱧᱚᱛ ᱪᱮᱛᱟᱱ ᱨᱮ ᱟᱹᱭᱩᱵ ᱵᱮᱲᱟ ᱗.᱓᱐ ᱴᱟᱲᱟᱝ ᱨᱮ ᱩᱰᱟᱹᱱ ᱛᱮᱭ ᱦᱟᱢᱞᱟ ᱠᱮᱫ-ᱟ ᱾ ᱨᱟᱭᱨᱤᱛ ᱞᱮᱠᱟᱛᱮ ᱫᱤᱥᱚᱢ ᱜᱚᱢᱠᱮ ᱫᱚ ᱢᱩᱦᱤᱱ ᱫᱩᱯᱲᱩᱵ ᱮ ᱦᱚᱦᱚ ᱠᱮᱫ-ᱟ ᱡᱟᱦᱟᱸ ᱨᱮᱫᱚ ᱯᱮᱱᱮ ᱫᱩᱫᱩᱜ ᱫᱚᱞ ᱨᱤᱱ ᱢᱩᱠᱷᱤᱭᱟᱹ ᱟᱨ ᱢᱚᱱᱛᱨᱤ ᱢᱟᱰᱮᱨ ᱨᱤᱱ ᱥᱚᱦᱮᱛ ᱠᱚᱠᱚ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱤᱠᱷᱟᱹᱱ ᱢᱟᱨᱟᱝ ᱢᱚᱱᱛᱨᱤ ᱫᱚ ᱚᱱᱟ ᱫᱩᱲᱩᱵ ᱨᱮ ᱱᱟᱥᱮ ᱜᱷᱟᱹᱲᱤᱠ ᱠᱟᱛᱮᱭ ᱥᱮᱴᱮᱨ ᱮᱱᱟ ᱾ ᱩᱱᱤᱭ ᱥᱮᱴᱮᱨ ᱮᱱ ᱠᱷᱟᱱ ᱜᱮ ᱨᱚᱯᱚᱲ ᱜᱟᱞᱚᱪ ᱠᱚ ᱮᱛᱚᱦᱚᱵ ᱠᱮᱫ-ᱟ ᱾ ᱯᱮᱱᱮ ᱢᱩᱠᱷᱤᱭᱟᱹ ᱠᱚ ᱩᱱᱤ ᱡᱚᱛᱚ ᱞᱮᱠᱟᱱ ᱡᱟᱭᱛᱷᱤᱛᱤ ᱵᱩᱡᱷᱟᱹᱣ ᱟᱭ ᱛᱩᱞᱩᱡ ᱠᱚ ᱠᱩᱞᱤ ᱠᱮᱫᱮᱭᱟ ᱺ " ᱜᱚᱢᱠᱮ! ᱪᱮᱫ ᱦᱩᱠᱩᱢ ᱮᱢ ᱮᱢᱟ ᱞᱮ ᱠᱟᱱᱟ ?" ᱥᱟᱥᱛᱨᱤ ᱫᱚ ᱢᱤᱫ ᱟᱹᱭᱟᱹᱛ ᱨᱮ ᱟᱹᱰᱤ ᱩᱥᱟᱹᱨᱟ ᱜᱮ ᱛᱮᱞᱟᱭ ᱮᱢ ᱠᱮᱫ-ᱟ ᱺ " ᱟᱯᱮ ᱫᱤᱥᱚᱢ ᱫᱩᱜᱽ ᱯᱮ ᱟᱨ ᱤᱧ ᱞᱟᱹᱭᱟᱹᱧ ᱯᱮ ᱡᱮ ᱤᱧ ᱪᱮᱫ ᱤᱧ ᱪᱤᱠᱟᱹ ᱫᱟᱲᱮᱭᱟᱜ-ᱟ ?"
ᱴᱟᱴᱠᱟ ᱜᱩᱨ
ᱥᱟᱯᱲᱟᱣᱯᱟᱠᱤᱥᱛᱟᱱ ᱨᱮᱱᱟᱜ ᱡᱷᱚᱯᱚᱴᱢᱟᱨ ᱥᱟᱢᱟᱝ ᱮᱫ ᱛᱩᱞᱩᱡ ᱥᱤᱧᱚᱛᱤᱭᱟᱹ ᱯᱟᱹᱭᱠᱚ ᱠᱚᱫᱚ ᱞᱟᱦᱳᱨ ᱪᱮᱛᱟᱱ ᱨᱮ ᱟᱠᱚᱣᱟᱜ ᱪᱷᱟᱯᱟ ᱠᱚ ᱢᱟᱨᱟᱣ ᱠᱮᱫ-ᱟ ᱾ ᱱᱚᱝᱠᱟᱱ ᱡᱷᱚᱯᱚᱴᱢᱟᱨ ᱧᱮᱞ ᱠᱟᱛᱮ ᱟᱢᱮᱨᱤᱠᱟ ᱫᱚ ᱞᱟᱦᱳᱨ ᱨᱮᱠᱚ ᱛᱟᱦᱮᱸᱱ ᱠᱟᱱ ᱟᱢᱮᱨᱤᱠᱤᱭᱟᱹ ᱱᱟᱜᱟᱨᱤᱭᱟᱹ ᱠᱚ ᱚᱰᱚᱠ ᱠᱚ ᱞᱟᱹᱜᱤᱫ ᱱᱟᱥᱮ ᱚᱠᱛᱚ ᱞᱟᱹᱜᱤᱫ ᱫᱚ ᱞᱟᱹᱰᱷᱟᱹᱭ ᱦᱟᱹᱯᱤᱫ ᱞᱟᱹᱜᱤᱫ ᱮ ᱠᱷᱚᱡᱽ ᱮᱱᱟ ᱾ ᱨᱩᱥ ᱟᱨ ᱟᱢᱮᱨᱤᱠᱟ ᱨᱮᱱᱟᱜ ᱪᱩᱦᱩᱞ ᱯᱟᱹᱣᱲᱤ ᱛᱟᱭᱚᱢ ᱥᱤᱧᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱫᱚ ᱨᱩᱥ ᱛᱟᱥᱠᱚᱱᱫᱚ ᱵᱩᱯᱩᱡᱷᱟᱹᱣ ᱨᱮᱭ ᱦᱚᱦᱚ ᱟᱫᱮᱭᱟ ᱾ ᱥᱟᱥᱛᱨᱤ ᱫᱚ ᱛᱟᱥᱠᱚᱸᱫᱽ ᱵᱩᱯᱩᱡᱷᱟᱹᱣ ᱨᱮᱱᱟᱜ ᱡᱚᱛᱚ ᱥᱚᱨᱛ ᱠᱚᱭ ᱦᱮᱸ ᱥᱤᱠᱟᱹᱨ ᱟᱫ-ᱟ ᱤᱠᱷᱟᱹᱱ ᱯᱟᱠᱤᱥᱛᱟᱱ ᱨᱮᱱᱟᱜ ᱡᱤᱛᱠᱟᱹᱨ ᱟᱠᱟᱱ ᱮᱞᱟᱠᱟ ᱠᱚ ᱨᱩᱣᱟᱹᱲ ᱞᱟᱹᱜᱤᱫ ᱫᱚ ᱢᱚᱴᱷᱮ ᱜᱮ ᱵᱟᱭ ᱨᱮᱵᱮᱱ ᱞᱮᱱᱟ ᱾ ᱡᱮᱡᱟᱹᱛᱤᱭᱟᱹᱨᱤ ᱵᱚᱲᱦᱮᱱ ᱨᱮ ᱥᱟᱥᱛᱨᱤ ᱫᱚ ᱛᱟᱥᱠᱚᱸᱫᱽ ᱵᱩᱯᱩᱡᱷᱟᱹᱣ ᱨᱮ ᱥᱩᱦᱤ ᱦᱩᱭ ᱞᱮᱫ ᱜᱮ ᱛᱟᱦᱮᱸᱫ ᱤᱠᱷᱟᱹᱱ ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ ᱫᱚ ᱟᱡᱟᱜ ᱢᱟᱨᱟᱝ ᱢᱚᱱᱛᱨᱤ ᱠᱟᱹᱢᱤᱠᱛᱚ ᱨᱮ ᱱᱚᱶᱟ ᱦᱟᱥᱟ ᱫᱚ ᱨᱩᱣᱟᱹᱲ ᱞᱟᱹᱜᱤᱫ ᱮ ᱢᱟᱱᱟ ᱠᱮᱫ-ᱟ ᱾ ᱯᱟᱠᱤᱥᱛᱟᱱ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱚᱭᱩᱵᱽ ᱠᱷᱟᱱ ᱥᱟᱶ ᱞᱟᱹᱰᱷᱟᱹᱭ ᱦᱟᱹᱯᱤᱫ ᱞᱟᱹᱜᱤᱫ ᱥᱩᱦᱤ ᱠᱮᱫ ᱱᱟᱥᱮ ᱴᱟᱲᱟᱝ ᱛᱟᱭᱚᱢ ᱠᱷᱟᱱ ᱜᱮ ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤᱭᱟᱜ ᱫᱚ ᱴᱟᱴᱠᱟ ᱜᱮ ᱜᱩᱨ ᱦᱩᱭ ᱮᱱᱟ ᱾ ᱑᱑ ᱡᱟᱱᱩᱣᱟᱨᱤ ᱑᱙᱖᱖ ᱧᱤᱫᱟᱹ ᱫᱤᱥᱚᱢ ᱨᱤᱱᱤᱡ ᱤᱱᱟᱹ ᱚᱠᱛᱚ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤᱭᱟᱜ ᱡᱤᱣᱤᱵᱟᱹᱛᱤ ᱫᱚ ᱡᱟᱭᱡᱩᱜᱽ ᱞᱟᱹᱜᱤᱫ ᱤᱬᱤᱡ ᱥᱟᱹᱨᱤᱭᱮᱱᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Shri Lal Bahadur Shastri | Prime Minister of India". www.pmindia.gov.in. Retrieved 19 ᱢᱮ 2019.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Lal Bahadur Shastri ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
| ᱣᱤᱠᱤᱠᱩᱣᱚᱴ ᱨᱮ ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |