ᱞᱳᱫᱷᱟ ᱦᱚᱲ
ᱞᱳᱫᱷᱟ ᱦᱚᱲ ᱠᱚᱫᱚ ᱵᱷᱟᱨᱚᱛ ᱨᱮᱭᱟᱜ ᱢᱤᱫᱴᱟᱝ ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ ᱯᱤ.ᱵᱷᱤ.ᱴᱤ.ᱡᱤ ᱜᱟᱸᱛᱟᱠ ᱠᱟᱱᱟ ᱠᱚ, ᱢᱩᱲᱩᱫ ᱞᱮᱠᱟᱛᱮ ᱯᱚᱪᱷᱤᱢ ᱵᱟᱝᱞᱟ ᱟᱨ ᱳᱰᱤᱥᱟ ᱨᱮ ᱢᱮᱱᱟᱜ ᱠᱚᱣᱟ᱾ ᱯᱚᱪᱷᱤᱢ ᱵᱟᱝᱞᱟ ᱨᱮᱱ ᱞᱳᱫᱷᱟ ᱠᱚᱫᱚ ᱡᱟᱹᱥᱛᱤᱜᱮ ᱯᱚᱪᱷᱤᱢ ᱢᱮᱫᱽᱱᱤᱯᱩᱨ ᱡᱷᱟᱲᱜᱨᱟᱢ ᱦᱚᱱᱚᱛ ᱨᱮᱠᱚ ᱛᱟᱦᱮᱸᱱᱟ᱾ ᱞᱳᱫᱷᱟ ᱨᱮᱱ ᱢᱤᱫ ᱦᱤᱸᱥ ᱤᱥᱞᱟᱢ ᱫᱷᱚᱨᱚᱢ ᱠᱚ ᱦᱟᱛᱟᱣ ᱟᱠᱟᱫᱟ ᱟᱨ ᱞᱳᱫᱷᱟ ᱢᱩᱥᱞᱟᱹ ᱧᱩᱛᱩᱢ ᱛᱮ ᱢᱤᱫᱴᱟᱝ ᱵᱷᱮᱜᱟᱨ ᱜᱟᱸᱛᱟᱠ ᱠᱚ ᱵᱮᱱᱟᱣ ᱟᱠᱟᱫᱟ᱾
ᱞᱳᱫᱷᱟ | |
|---|---|
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
| ᱯᱚᱪᱷᱤᱢ ᱵᱟᱝᱞᱟ | ᱑,᱐᱘,᱗᱐᱗ |
| ᱳᱰᱤᱥᱟ | ᱙,᱗᱘᱕ |
| ᱯᱟᱹᱨᱥᱤ ᱠᱚ | |
| ᱡᱟᱱᱟᱢ ᱯᱟᱹᱨᱥᱤ: ᱞᱳᱫᱷᱤ ᱫᱚᱥᱟᱨ ᱯᱟᱹᱨᱥᱤ: ᱥᱟᱫᱽᱨᱤ, ᱵᱟᱝᱞᱟ, ᱳᱰᱤᱭᱟ | |
| ᱫᱷᱚᱨᱚᱢ | |
| ᱦᱤᱱᱫᱩ, ᱤᱥᱞᱟᱢ | |
| ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ | |
| ᱢᱩᱱᱰᱟ, ᱞᱳᱫᱷᱟ ᱢᱩᱥᱞᱟᱹ, ᱥᱚᱵᱚᱨ | |
ᱦᱚᱲ ᱞᱮᱠᱷᱟ ᱥᱟᱯᱲᱟᱣ
᱒᱐᱐᱑ ᱥᱟᱹᱦᱤᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱞᱳᱫᱷᱟ ᱠᱚᱣᱟᱜ ᱮᱞ ᱘᱔,᱙᱖᱖ ᱟᱨ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ ᱦᱚᱲ ᱞᱮᱠᱷᱟ ᱨᱮᱭᱟᱜ ᱑᱐᱙
9 ᱥᱟᱭᱤᱸᱥ ᱾ [᱑]ᱩᱱᱠᱩ ᱠᱚᱣᱟᱜ ᱥᱮᱪᱮᱫ ᱦᱟᱨ ᱓᱔ᱹ᱘ ᱥᱟᱭᱠᱟᱲᱟ᱾ ᱒᱐᱑᱑ ᱥᱟᱹᱦᱤᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱯᱚᱪᱷᱤᱢ ᱵᱟᱝᱞᱟ ᱟᱨ ᱳᱲᱤᱥᱟ ᱨᱮ ᱞᱳᱫᱷᱟᱥ ᱨᱮᱱ ᱦᱚᱲ ᱞᱮᱠᱷᱟ ᱦᱩᱭᱩᱜ ᱠᱟᱱᱟ ᱑,᱐᱘,᱗᱐᱗ ᱟᱨ ᱙,᱗᱘᱕᱾
| ᱦᱚᱲ ᱞᱮᱠᱷᱟ ᱥᱮᱨᱢᱟ | ᱯᱚᱪᱷᱤᱢ ᱵᱟᱝᱞᱟ | ᱳᱲᱤᱥᱥᱟ |
|---|---|---|
| ᱑᱙᱗᱑ | 45,906 | 1,508 |
| ᱑᱙᱘᱑ | 53,718 | 5,100 |
| ᱑᱙᱙᱑ | 68,095 | 7,458 |
| ᱒᱐᱐᱑ | 84,966 | 8,905 |
| ᱒᱐᱑᱑ | 1,08,707 | 9,785 |
ᱳᱲᱤᱥᱥᱟ ᱨᱮᱱ ᱞᱳᱫᱷᱟ ᱠᱚᱫᱚ ᱮᱛᱚᱦᱚᱵ ᱞᱮᱠᱟᱛᱮ ᱳᱲᱤᱥᱥᱚ ᱨᱮᱭᱟᱜ ᱢᱟᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮᱭᱟᱜ ᱵᱚᱨᱤᱯᱫᱟ ᱵᱚᱱᱚᱛ ᱨᱮᱭᱟᱜ ᱥᱩᱞᱤᱭᱟᱯᱫᱟ [᱒] ᱢᱳᱨᱟᱫᱟ ᱵᱚᱞᱚᱠ ᱨᱮ ᱧᱟᱢᱚᱜᱼᱟ᱾
ᱯᱷᱚᱠᱚᱥ ᱥᱟᱯᱲᱟᱣ
ᱞᱳᱫᱷᱟ ᱨᱮᱭᱟᱜ ᱢᱮᱱᱮᱫ ᱫᱚ ᱦᱩᱭᱩᱜ ᱠᱟᱱᱟ ᱩᱱᱠᱩᱣᱟᱜ ᱢᱟᱨᱮᱱ ᱦᱚᱲ ᱠᱚᱣᱟᱜ ᱧᱩᱛᱩᱢ ᱛᱟᱭᱚᱢ ᱛᱮ ᱧᱩᱛᱩᱢ ᱟᱠᱟᱱ ᱡᱤᱞ ᱨᱮᱭᱟᱜ ᱦᱤᱸᱥ᱾ ᱞᱳᱫᱷᱟ ᱠᱚᱫᱚ ᱢᱟᱹᱱᱢᱤ ᱥᱟᱬᱮᱥᱤᱭᱟᱹ ᱥᱟᱶᱛᱟ ᱠᱟᱹᱢᱤᱭᱟᱹ ᱠᱚᱣᱟᱜ ᱡᱚᱥ ᱨᱮ ᱢᱮᱱᱟᱜ ᱠᱚᱣᱟ᱾ ᱩᱱᱠᱩᱣᱟᱜ ᱥᱟᱥᱚᱱ ᱨᱮᱭᱟᱜ ᱮᱛᱚᱦᱚᱵ ᱚᱠᱛᱮ ᱨᱮ, ᱵᱷᱟᱨᱚᱛ ᱨᱮ ᱵᱨᱤᱴᱤᱥ ᱥᱚᱨᱠᱟᱨ ᱡᱟᱝᱜᱚᱞ ᱢᱚᱦᱟᱞ ᱨᱮᱱ ᱟᱹᱫᱤᱵᱟᱹᱥᱤ ᱦᱚᱲ ᱠᱚ ᱪᱮᱛᱟᱱ ᱨᱮ ᱠᱚ ᱴᱮᱠᱟᱣ ᱞᱮᱫ ᱠᱚᱣᱟ, ᱡᱟᱦᱟᱸᱭ ᱠᱚᱫᱚ ᱥᱮᱨᱣᱟ ᱞᱮᱠᱟᱛᱮ ᱡᱤᱭᱚᱱ ᱪᱟᱞ ᱞᱟᱹᱜᱤᱫ ᱵᱤᱨ ᱪᱮᱛᱟᱱ ᱴᱮᱦᱟᱴ ᱛᱟᱦᱮᱸ ᱠᱟᱱᱟ ᱠᱚ᱾ ᱩᱱᱠᱩ ᱞᱟᱹᱲᱦᱟᱹᱭ ᱠᱟᱛᱮ ᱨᱮᱦᱚᱸ ᱟᱹᱰᱤ ᱱᱤᱨᱢᱟᱭᱟ ᱥᱟᱶᱛᱮ ᱠᱚ ᱴᱮᱠᱟᱣ ᱞᱮᱫ ᱠᱚᱣᱟ᱾ ᱩᱱᱠᱩᱭᱟᱜ ᱡᱤᱭᱚᱱ ᱥᱟᱧᱪᱟᱣ ᱠᱷᱚᱱ ᱟᱨ ᱡᱟᱦᱟᱱ ᱮᱴᱟᱜ ᱩᱯᱟᱹᱭ ᱵᱟᱝ ᱧᱟᱢ ᱠᱷᱟᱹᱛᱤᱨ, ᱩᱱᱠᱩ ᱫᱚ ᱠᱨᱤᱢᱤᱱᱟᱞ ᱟᱱᱟᱜ ᱡᱤᱭᱚᱱ ᱦᱚᱨᱟ ᱠᱚ ᱦᱟᱛᱟᱣ ᱞᱮᱫᱟ ᱟᱨ ᱛᱟᱭᱚᱢ ᱫᱟᱨᱟᱢ ᱨᱮ ᱢᱤᱫᱴᱟᱝ ᱠᱨᱤᱢᱤᱱᱟᱞ ᱟᱹᱫᱤᱵᱟᱹᱥᱤ ᱞᱮᱠᱟᱛᱮ ᱪᱤᱱᱦᱟᱹ ᱦᱩᱭ ᱞᱮᱱᱟ᱾ ᱩᱱᱠᱩ ᱫᱚ ᱡᱩᱠᱛᱤ ᱞᱮᱠᱟᱛᱮ ᱠᱚ ᱢᱩᱪᱟᱹᱫ ᱞᱮᱫ ᱞᱟᱹᱲᱦᱟᱹᱭ ᱠᱚ ᱞᱮᱠᱟᱛᱮ ᱪᱤᱱᱦᱟᱹ ᱠᱚᱨᱟᱣ ᱞᱟᱹᱠᱛᱤ ᱠᱟᱱᱟ ᱾ [᱓] ᱞᱳᱫᱷᱟ ᱴᱚᱣᱟ ᱯᱟᱹᱨᱤᱥ ᱠᱚᱫᱚ ᱦᱩᱭᱩᱜ ᱠᱟᱱᱟ ᱱᱟᱭᱮᱠ, ᱢᱚᱞᱞᱤᱠ, ᱰᱤᱜᱟᱨ, ᱥᱟᱨᱫᱟᱨ, ᱵᱷᱳᱠᱛᱟ, ᱠᱳᱴᱚᱞ, ᱫᱟᱱᱫᱚᱯᱚᱛ, ᱵᱷᱩᱱᱭᱟ ᱮᱢᱟᱱ ᱾ ᱱᱚᱣᱟ ᱢᱟᱹᱱ ᱠᱚᱫᱚ ᱥᱟᱵᱚᱨ ᱠᱚᱦᱚᱸ ᱵᱮᱣᱦᱟᱨᱟ᱾ [᱔]ᱠᱳᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱱ ᱢᱤᱫ ᱦᱚᱲ ᱥᱮᱪᱮᱫᱤᱭᱟᱹ ᱯᱨᱚᱵᱳᱫᱷ ᱠᱩᱢᱟᱨ ᱵᱷᱳᱣᱢᱤᱠ ᱞᱳᱫᱷᱟ ᱠᱚ ᱪᱮᱛᱟᱱ ᱨᱮ ᱢᱤᱫᱴᱟᱝ ᱥᱚᱨᱮᱥᱟᱱ ᱠᱷᱚᱸᱫᱽᱨᱚᱱ ᱮ ᱠᱚᱨᱟᱣ ᱞᱮᱫᱟ᱾ ᱟᱭᱢᱟ ᱛᱟᱭᱚᱢ ᱛᱮ, ᱵᱤᱫᱫᱟᱥᱟᱜᱚᱨ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱱ ᱢᱟᱹᱱᱢᱤ ᱥᱟᱬᱮᱥ ᱵᱤᱵᱷᱟᱜᱽ ᱨᱮᱱ ᱠᱷᱚᱸᱫᱽᱨᱚᱫᱤᱭᱟᱹ ᱠᱚ ᱢᱮᱱᱫᱤᱱᱯᱩᱨ ᱦᱚᱱᱚᱛ ᱨᱮ ᱞᱳᱫᱷᱟ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱩᱛᱱᱟᱹᱣ ᱨᱮᱭᱟᱜ ᱧᱮᱞᱟᱱ ᱪᱮᱛᱟᱱ ᱨᱮ ᱵᱤᱰᱟᱹᱣ ᱟᱱᱟᱜ ᱯᱟᱲᱦᱟᱣ ᱟᱠᱟᱫᱟ [᱕] [᱖] ᱡᱟᱦᱟᱸᱭ ᱠᱚ ᱩᱱ ᱚᱠᱛᱚ ᱵᱷᱟᱨᱚᱛ ᱥᱚᱨᱠᱟᱨ ᱫᱟᱨᱟᱭ ᱛᱮ 'ᱟᱹᱫᱤᱢ ᱟᱹᱫᱤᱵᱟᱹᱥᱤ' (PTG) ᱞᱮᱠᱟᱛᱮ ᱩᱪᱷᱟᱹᱱ ᱞᱮᱱᱟ᱾
ᱟᱨᱦᱚᱸ ᱧᱮᱞ ᱢᱮ ᱥᱟᱯᱲᱟᱣ
ᱵᱟᱹᱲᱛᱤ ᱯᱟᱲᱦᱟᱣ ᱢᱮ ᱥᱟᱯᱲᱟᱣ
- Ota, A.B; Sahoo, A.C (2010). "ᱞᱳᱫᱷᱟ" (PDF). tribal.nic.in. Photo handbook. Scheduled castes and scheduled Tribes Research Training Institute, Bhubaneswar. Retrieved 10 February 2019.
ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "West Bengal: Data Highlights the Scheduled Tribes" (PDF). Census of India 2001. Census Commission of India. Retrieved 26 September 2009.
- ↑ "Mayurbhanj, Tribal languages, festivals and culture". Retrieved 26 September 2009.
- ↑ Ghosh, Binoy, Paschim Banger Sanskriti, (in Bengali), part I, 1976 edition, pp. 201-203, Prakash Bhaban
- ↑ Bhowmick, P. K. (1981). "Rehabilitation of a 'Denotified Community': The Ex-Criminal Lodhas of West Bengal". RAIN (44): 6–8. doi:10.2307/3032233. JSTOR 3032233.
- ↑ Guha, Abhijit (2014). "Lodhas of West Bengal : A Case Study". Tribal Tribune. 6 (2).
- ↑ Panda, Santanu; Guha, Abhijit (31 March 2013). "Ground realities of Development among the Lodhas in West Bengal". South Asian Anthropologist. 13: 75–84.