ᱱᱟᱜᱽᱯᱩᱨᱤ ᱯᱟᱹᱨᱥᱤ

ᱱᱟᱜᱽᱯᱩᱨᱤ ᱟᱨᱵᱟᱝ ᱥᱟᱫᱽᱨᱤ ᱫᱚ ᱡᱷᱟᱨᱠᱷᱚᱸᱰ, ᱵᱤᱦᱟᱨ, ᱪᱷᱚᱛᱛᱤᱥᱜᱚᱲ ᱟᱨ ᱳᱰᱤᱥᱟ ᱯᱚᱱᱚᱛ ᱨᱮᱠᱚ ᱨᱚᱲᱼᱮᱫ ᱢᱤᱫᱴᱟᱹᱝ ᱤᱱᱫᱳᱼᱟᱨᱡᱚ ᱯᱟᱹᱨᱥᱤ ᱠᱟᱱᱟ ᱾ ᱱᱤᱭᱟᱹ ᱫᱚ ᱦᱤᱱᱫᱤ ᱨᱮᱱᱟᱜ‌ ᱢᱤᱫ ᱩᱯᱚ ᱯᱟᱹᱨᱥᱤ ᱞᱮᱠᱟᱛᱮ ᱦᱚᱸᱠᱚ ᱢᱟᱱᱟᱣᱮᱫ ᱠᱟᱱᱟ ᱾ ᱱᱚᱣᱟ ᱫᱚ ᱱᱟᱜᱽᱯᱩᱨᱤ ᱦᱚᱲ ᱠᱚᱣᱟᱜ ᱟᱭᱳ ᱟᱲᱟᱝ ᱠᱟᱱᱟ ᱾

ᱱᱟᱜᱽᱯᱩᱨᱤ
ᱡᱟᱱᱟᱢ ᱴᱷᱟᱶ	ᱥᱤᱧᱚᱛ
ᱮᱞᱟᱠᱟ	ᱥᱤᱧᱚᱛ ᱨᱮᱱᱟᱜ ᱵᱤᱦᱟᱨ, ᱡᱷᱟᱨᱠᱷᱚᱸᱰ, ᱪᱷᱚᱛᱛᱤᱥᱜᱚᱲ ᱟᱨ ᱳᱰᱤᱥᱟ
ᱡᱟᱹᱛ	ᱱᱟᱜᱽᱯᱩᱨᱤ ᱦᱚᱲ
ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟ	᱕ ᱢᱤᱞᱤᱭᱚᱱ (᱕᱐ ᱞᱟᱠᱷ) (᱒᱐᱑᱑ ᱦᱚᱲᱞᱮᱠᱷᱟ)
ᱯᱟᱹᱨᱥᱤ ᱜᱷᱟᱨᱚᱸᱡᱽ	ᱤᱱᱫᱳᱼᱤᱣᱨᱳᱯᱤᱭᱟᱱ ᱤᱱᱫᱳᱼᱤᱨᱟᱱᱤᱭᱟᱱ ᱤᱱᱫᱳᱼᱟᱨᱡᱚ ᱥᱟᱢᱟᱝ ᱜᱩᱴ ᱵᱤᱦᱟᱨᱤ ᱱᱟᱜᱽᱯᱩᱨᱤ
ᱚᱞ ᱛᱚᱦᱚᱨ	ᱫᱮᱵᱽᱱᱟᱜᱽᱨᱤ, ᱠᱟᱭᱛᱷᱤ, ᱳᱰᱤᱭᱟ, ᱵᱟᱝᱞᱟᱼᱟᱥᱟᱢᱤᱥ, ᱞᱟᱛᱤᱱ
ᱯᱟᱹᱨᱥᱤ ᱠᱳᱰ
ISO 639-3	sck
ᱜᱞᱳᱴᱳᱞᱳᱜᱽ	sada1242
ᱥᱤᱧᱚᱛ ᱨᱮᱭᱟᱜ ᱥᱟᱫᱽᱨᱤ ᱨᱚᱲ ᱴᱚᱴᱷᱟ

ᱢᱤᱫ ᱥᱟᱫᱽᱨᱤ ᱨᱚᱲᱼᱦᱚᱲ ᱯᱮᱭᱟ ᱯᱟᱹᱨᱥᱤ ᱛᱮᱭ ᱨᱚᱲᱼᱮᱫᱟ, ᱪᱤᱱ ᱨᱮᱭᱟᱜ ᱨᱮᱠᱳᱨᱰ ᱟᱠᱟᱫᱟ ᱾

ᱟᱭᱳ ᱟᱲᱟᱝ ᱞᱮᱠᱟᱛᱮ ᱨᱚᱲᱼᱦᱚᱲ ᱠᱚ ᱥᱟᱶᱛᱮ ᱟᱭᱢᱟ ᱜᱟᱱ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱜᱩᱥᱴᱤ ᱡᱮᱞᱮᱠᱟ ᱠᱷᱟᱹᱲᱤᱭᱟ, ᱢᱩᱱᱰᱟᱹ ᱟᱨ ᱫᱷᱟᱸᱜᱚᱲ ᱦᱚᱲ ᱠᱚ ᱡᱚᱯᱲᱟᱣ ᱯᱟᱹᱨᱥᱤ ᱞᱮᱠᱟᱛᱮ ᱱᱚᱣᱟ ᱯᱟᱹᱨᱥᱤ ᱠᱚ ᱵᱮᱵᱷᱟᱨᱟ ᱾ ᱱᱚᱣᱟ ᱫᱚ ᱟᱥᱟᱢ, ᱯᱚᱪᱷᱤᱢ ᱵᱟᱝᱞᱟ ᱟᱨ ᱵᱟᱝᱞᱟᱫᱮᱥ ᱨᱮᱱ ᱪᱟ ᱵᱟᱲᱜᱮ ᱜᱟᱸᱛᱟᱠ ᱨᱮᱱ ᱦᱚᱲ ᱠᱚ ᱛᱟᱞᱟ ᱨᱮ ᱢᱤᱫ ᱡᱚᱯᱲᱟᱣ ᱯᱟᱹᱨᱥᱤ ᱞᱮᱠᱟᱛᱮ ᱵᱮᱵᱷᱟᱨᱚᱜᱼᱟ ᱾

ᱧᱩᱛᱩᱢ

ᱥᱟᱫᱟᱱᱤ/ᱥᱟᱫᱽᱨᱤ ᱟᱹᱲᱟᱹ ᱫᱚ ᱚᱠᱟ ᱠᱷᱚᱱ ᱦᱮᱡ ᱟᱠᱟᱱᱟ ᱚᱱᱟ ᱫᱚ ᱴᱷᱤᱠ ᱥᱟᱹᱦᱤᱡ ᱵᱟᱲᱟᱭ ᱵᱟᱹᱱᱩᱜᱼᱟ ᱾ ᱟᱹᱰᱤ ᱜᱟᱱ ᱱᱟᱜᱟᱢᱤᱭᱟᱹ ᱟᱜ ᱯᱟᱹᱛᱭᱟᱣ ᱢᱮᱱᱟᱜᱼᱟ ᱡᱮ ᱥᱟᱫᱟᱱᱤ ᱟᱹᱲᱟᱹ ᱨᱮᱱᱟᱜ ᱪᱷᱟᱹᱴᱭᱟᱹᱨ ᱱᱤᱥᱚᱫᱷ ᱟᱹᱲᱟᱹ ᱠᱷᱚᱱ ᱦᱩᱭ ᱟᱠᱟᱱᱟ ᱾ ᱱᱟᱜᱽᱯᱩᱨ ᱧᱩᱛᱩᱢ ᱫᱚ ᱵᱟᱥᱮᱫ ᱱᱟᱜᱽᱵᱚᱝᱥᱤ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸᱭ ᱫᱚ ᱢᱤᱫ ᱚᱠᱛᱚ ᱫᱤᱥᱚᱢ ᱨᱮᱭᱟᱜ ᱱᱚᱣᱟ ᱴᱚᱴᱷᱟ ᱨᱮᱭ ᱥᱟᱥᱚᱱᱮᱫ ᱠᱟᱱ ᱛᱟᱦᱮᱱᱟ ᱾

ᱦᱟᱹᱴᱤᱧ

ᱱᱟᱜᱽᱯᱩᱨᱤ ᱫᱚ ᱤᱱᱫᱳᱼᱟᱨᱡᱚ ᱯᱟᱹᱨᱥᱤᱠᱚ ᱨᱮᱭᱟᱜ ᱵᱤᱦᱟᱨᱤ ᱯᱟᱹᱨᱥᱤ ᱠᱟᱱᱟ ᱾ ᱱᱟᱜᱽᱯᱩᱨᱤ ᱯᱟᱹᱨᱥᱤ ᱨᱮᱭᱟᱜ ᱥᱤᱨᱡᱚᱱ ᱤᱫᱤ ᱠᱟᱛᱮ ᱮᱴᱟᱜ ᱮᱴᱟᱜ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱠᱚᱣᱟᱜ ᱮᱴᱟᱜ ᱮᱴᱟᱜ ᱯᱟᱹᱛᱭᱟᱣ ᱢᱮᱱᱟᱜᱼᱟ ᱾ ᱡᱚᱨᱡᱽ ᱟᱵᱽᱨᱟᱦᱟᱢ ᱜᱨᱤᱭᱮᱨᱥᱚᱱ ᱜᱚᱢᱠᱮ ᱟᱡᱟᱜ ᱥᱤᱧᱚᱛᱤᱭᱟᱹ ᱯᱟᱹᱨᱥᱤ ᱥᱟᱨᱵᱷᱮ ᱯᱚᱛᱚᱵ ᱨᱮ ᱱᱟᱜᱽᱯᱩᱨᱤ ᱫᱚ ᱵᱷᱳᱡᱽᱯᱩᱨᱤ ᱯᱟᱹᱨᱥᱤ ᱨᱮᱭᱟᱜ ᱢᱤᱫ ᱪᱟᱸᱜᱟ ᱯᱟᱹᱨᱥᱤ ᱞᱮᱠᱟᱛᱮᱭ ᱦᱟᱹᱴᱤᱧ ᱟᱠᱟᱫᱟ ᱾ ᱯᱨᱳᱯᱷᱮᱥᱟᱨ ᱠᱮᱥᱨᱤ ᱠᱩᱢᱟᱨ ᱥᱤᱝ ᱟᱡᱟᱜ "ᱱᱟᱜᱽᱯᱩᱨᱤ ᱵᱷᱟᱥᱟ ᱮᱵᱚᱝ ᱥᱟᱦᱤᱛᱭᱚ" ᱯᱚᱛᱚᱵ ᱨᱮ ᱱᱟᱜᱽᱯᱩᱨᱤ ᱫᱚ ᱢᱚᱜᱚᱫᱷᱤ ᱯᱨᱟᱠᱨᱤᱛ ᱠᱷᱚᱱ ᱦᱮᱡ ᱟᱠᱟᱱᱟ, ᱮ ᱞᱟᱹᱭ ᱟᱠᱟᱫᱟ ᱾ ᱰᱨ. ᱥᱨᱤᱵᱷᱟᱱ ᱠᱩᱢᱟᱨ ᱜᱳᱥᱣᱟᱢᱤ ᱟᱜ ᱠᱟᱛᱷᱟ ᱞᱮᱠᱟᱛᱮ ᱱᱟᱜᱽᱯᱩᱨᱤ ᱫᱚ ᱚᱨᱫᱷᱚᱢᱚᱜᱚᱫᱷᱤ ᱠᱷᱚᱱ ᱩᱛᱷᱱᱟᱹᱣ ᱟᱠᱟᱱᱟ ᱾

ᱱᱚᱣᱟ ᱫᱚ ᱟᱫᱚᱢ ᱡᱚᱠᱷᱮᱡ ᱦᱤᱱᱫᱤ ᱯᱟᱹᱨᱥᱤ ᱨᱮᱭᱟᱜ ᱪᱟᱸᱜᱟ ᱯᱟᱹᱨᱥᱤ ᱞᱮᱠᱟᱛᱮ ᱞᱮᱠᱷᱟᱜᱼᱟ ᱾ ᱟᱫᱚᱢ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱫᱚ ᱟᱨᱦᱚᱸ ᱪᱷᱚᱛᱤᱥᱜᱚᱲᱤ ᱟᱨ ᱥᱟᱫᱽᱨᱤ ᱫᱚ ᱳᱰᱤᱭᱟ ᱨᱮᱭᱟᱜ ᱪᱟᱸᱜᱟ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱞᱮᱠᱷᱟᱭᱟ ᱾

ᱚᱛᱱᱚᱜ

ᱱᱟᱜᱽᱯᱩᱨᱤ ᱫᱤ ᱥᱤᱧᱚᱛ ᱨᱮ ᱢᱩᱬ ᱞᱮᱠᱟᱛᱮ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱪᱟᱛᱨᱟ, ᱞᱟᱛᱮᱦᱟᱨ, ᱯᱟᱞᱟᱢᱩ, ᱞᱚᱦᱟᱨᱫᱟᱜᱟ, ᱜᱩᱢᱞᱟ, ᱨᱟᱺᱪᱤ, ᱠᱷᱩᱸᱴᱤ, ᱥᱤᱢᱰᱮᱜᱟ, ᱪᱷᱚᱛᱤᱥᱜᱚᱰ ᱨᱮᱱᱟᱜ ᱡᱚᱥᱯᱩᱨ, ᱥᱩᱨᱜᱩᱡᱟ, ᱵᱚᱞᱨᱟᱢᱯᱩᱨ, ᱵᱤᱦᱟᱨ ᱨᱮᱱᱟᱜ ᱚᱣᱨᱚᱝᱜᱟᱵᱟᱫᱽ ᱟᱨ ᱳᱰᱤᱥᱟ ᱨᱮᱱᱟᱜ ᱥᱩᱱᱫᱚᱨᱜᱚᱰ ᱡᱤᱞᱞᱟᱹ ᱨᱮᱠᱚ ᱨᱚᱲᱟ ᱾

ᱢᱟᱹᱱ

ᱱᱟᱜᱟᱢᱤᱭᱟᱹ ᱞᱮᱠᱟᱛᱮ ᱱᱟᱜᱽᱯᱩᱨᱤ ᱫᱚ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱞᱤᱝᱜᱩᱣᱟ ᱯᱷᱨᱟᱝᱠᱟ ᱛᱟᱦᱮᱸ ᱠᱟᱱᱟ ᱾ ᱱᱟᱜᱽᱵᱚᱝᱥᱤ ᱨᱟᱡᱜᱷᱟᱨᱚᱸᱡᱽ ᱨᱮᱭᱟᱜ ᱥᱟᱥᱚᱱ ᱟᱢᱚᱞ ᱨᱮ ᱱᱚᱣᱟ ᱫᱚ ᱫᱚᱨᱵᱟᱨᱤ ᱯᱟᱹᱨᱥᱤ ᱛᱟᱦᱮᱸ ᱠᱟᱱᱟ ᱾ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱡᱷᱟᱨᱠᱷᱚᱸᱰ ᱨᱮ ᱱᱟᱜᱽᱯᱩᱨᱤ ᱫᱚ ᱫᱚᱥᱟᱨ ᱯᱟᱹᱨᱥᱤ ᱨᱮᱭᱟᱜ ᱢᱟᱹᱱ ᱮᱢ ᱦᱩᱭ ᱠᱟᱱᱟ ᱾ ᱟᱨ ᱥᱤᱧᱚᱛ ᱨᱮᱭᱟᱜ ᱤᱨᱟᱹᱞᱟᱱ ᱥᱤᱰᱩᱠ ᱨᱮ ᱥᱮᱞᱮᱫ ᱞᱟᱹᱜᱤᱫ ᱛᱮ ᱠᱩᱨᱩᱢᱩᱴᱩ ᱪᱟᱞᱟᱜ ᱠᱟᱱᱟ ᱾

ᱥᱤᱱᱮᱢᱟ

ᱢᱩᱬ ᱚᱱᱚᱞ: ᱱᱟᱜᱽᱯᱩᱨᱤ ᱥᱤᱱᱮᱢᱟ

ᱢᱩᱬ ᱚᱱᱚᱞ: ᱱᱟᱜᱽᱯᱩᱨᱤ ᱥᱤᱱᱮᱢᱟ ᱨᱮᱭᱟᱜ ᱛᱟᱹᱞᱠᱟᱹ

ᱥᱟᱫᱷᱟᱨᱚᱱ ᱟᱹᱭᱟᱹᱛ

ᱥᱟᱱᱛᱟᱲᱤ	ᱱᱟᱜᱽᱯᱩᱨᱤ (ᱞᱟᱛᱤᱱ)	ᱱᱟᱜᱽᱯᱩᱨᱤ (ᱫᱮᱵᱽᱱᱟᱜᱽᱨᱤ)
ᱤᱧᱟᱜ ᱧᱩᱛᱩᱢ ᱫᱚ ᱢᱟᱦᱮᱥ ᱠᱟᱱᱟ ᱾	Mor naao Mahesh heke	मोर नाव महेश हेके।
ᱪᱮᱫ ᱞᱮᱠᱟ ᱢᱮᱱᱟᱢᱟ ?	Toen kaisan aahis?	तोयं कसैन आहीस्?
ᱤᱧ ᱫᱚ ᱱᱟᱯᱟᱭ ᱜᱮ ᱾	Moen thik aahon	मोएं ठीक आहों।
ᱪᱮᱫ?	Ka?	का?
ᱚᱠᱚᱭ?	Ke?	के?
ᱪᱮᱫᱟᱜ?	Kale?	काले?
ᱪᱮᱠᱟᱛᱮ?	Kaisan?	कसैन?
ᱚᱠᱟ?	Kon?	कोन?
ᱱᱚᱸᱰᱮ ᱦᱤᱡᱩᱢ ᱾	Hian aao	हीयां आओ
ᱤᱧ ᱚᱲᱟᱜ ᱤᱧ ᱪᱟᱞᱟᱜ ᱠᱟᱱᱟ ᱾	Moen ghar jat hon	मोएं घर जात हों।
ᱤᱧ ᱡᱚᱢ ᱠᱮᱫᱟ ᱾	Moen kha hon	मोएं खा हों।
ᱤᱧ ᱪᱟᱞᱟᱜᱼᱟ ᱾	Moen Jamu	मोएं जामु।
ᱟᱞᱮᱞᱮ ᱪᱟᱞᱟᱜᱼᱟ ᱾	Hame jaeil	हामे जाइल।
ᱟᱢ ᱪᱟᱞᱟᱢ ᱾	Toen jais	तोयं जाइस्।
ᱟᱢ ᱚᱞᱮᱫᱟ ᱾	Toen likhathis	तोयं लिखतहिस्।
ᱟᱢ ᱦᱤᱡᱩᱜᱼᱟ ᱾	Toen aabe	तोयं आबे।
ᱟᱞᱮᱞᱮ ᱚᱞᱮᱫᱟ ᱾	Hame likhathi	हामे लीखतही।
ᱟᱞᱮ ᱞᱮ ᱚᱞ ᱠᱮᱫᱟ ᱾	Hame likh hi	हामे लीख ही।
ᱩᱱᱤᱭ3 ᱦᱤᱡᱩᱜ ᱠᱟᱱᱟ ᱾	Oo aawela	उ आवेला।
ᱩᱱᱤᱭ ᱪᱟᱞᱟᱜ ᱠᱟᱱᱟ ᱾	Oo jat he	उ जात हे।
ᱩᱱᱤᱭ ᱦᱤᱡᱩᱜ ᱠᱟᱱ ᱛᱟᱦᱮᱸᱱᱟ ᱾	Oo aawat rahe	उ आवत रहे।
ᱩᱱᱤᱭ ᱛᱟᱜᱮ ᱟ ᱾	Oo kheli	उ खेली।
ᱩᱱᱠᱩ ᱯᱤᱴᱷᱟᱹ ᱠᱚ ᱡᱚᱢ ᱠᱮᱫᱟ ᱾	Ooman roti kha haen	उमन रोटी खा हयं।
ᱩᱱᱠᱩ ᱠᱚ ᱪᱟᱞᱟᱣᱱᱟ ᱾	Ooman gelaen	उमन गेलयं।
ᱩᱱᱠᱩ ᱚᱲᱟᱜ ᱠᱚ ᱪᱟᱞᱟᱜᱼᱟ ᱾	Ooman ghar jabaen	उमन घर जाबयं।