ᱟᱢᱟᱡᱚᱱ ᱜᱟᱰᱟ

ᱟᱢᱟᱡᱚᱱ ᱜᱟᱰᱟ (ᱥᱯᱮᱱᱤᱥ ᱟᱨ ᱯᱚᱨᱛᱩᱜᱤᱡᱽ ᱛᱮ ᱫᱚ ᱨᱤᱭᱚ ᱟᱢᱟᱡᱚᱱᱟᱥ) ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱫᱟᱜᱼᱮ ᱞᱤᱸᱻᱡᱤᱭᱮᱫ ᱠᱟᱱᱟᱜ ᱜᱟᱰᱟ ᱠᱟᱱᱟ ᱾ ᱱᱚᱶᱟ ᱫᱚ ᱠᱚᱧᱮ ᱟᱢᱮᱨᱤᱰᱟ ᱨᱮᱱᱟᱜ ᱴᱨᱚᱯᱤᱠᱟᱞ ᱵᱤᱨ ᱥᱮᱫ ᱛᱮ, ᱢᱩᱬ ᱠᱟᱛᱮ ᱵᱨᱟᱡᱤᱞ ᱥᱮᱫ ᱛᱮ ᱞᱤᱸᱻᱡᱤᱜ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱦᱮᱰᱼᱫᱟᱜ ᱫᱚ ᱠᱚᱧᱮ ᱟᱢᱮᱨᱤᱠᱟ ᱨᱮᱱᱟᱜ ᱯᱟᱪᱮ ᱫᱷᱟᱨᱮ ᱯᱮᱨᱩ ᱨᱮᱱᱟᱜ ᱟᱱᱰᱮᱥ ᱩᱥᱩᱞᱵᱩᱨᱩ ᱥᱮᱫᱛᱮ ᱟᱴᱞᱟᱱᱴᱤᱠ ᱢᱟᱦᱟᱫᱚᱨᱭᱟ ᱥᱩᱨ ᱤᱠᱩᱶᱮᱴᱚᱨ ᱥᱟᱢᱟᱝ ᱛᱮ ᱞᱤᱸᱻᱡᱤᱜ ᱠᱟᱱᱟ ᱾

ᱟᱢᱟᱡᱚᱱ ᱜᱟᱰᱟ ᱤᱱᱰᱤᱭᱟᱱ, ᱯᱮᱨᱩ ᱥᱩᱨ ᱨᱮ

ᱟᱢᱟᱡᱚᱱ ᱜᱟᱰᱟ ᱢᱩᱦᱟᱹᱬ ᱨᱮᱱᱟᱜ ᱥᱟᱴᱮᱞᱟᱭᱤᱴ ᱧᱮᱱᱮᱞ

ᱫᱷᱟᱹᱨᱛᱤ ᱨᱮᱱᱟᱜ ᱤᱨᱟᱹᱞ ᱜᱚᱴᱟᱝ ᱡᱚᱛᱚ ᱠᱷᱚᱱ ᱢᱟᱨᱟᱝ ᱜᱟᱰᱟ ᱢᱮᱥᱟ ᱠᱟᱛᱮ ᱡᱟᱷᱟᱸ ᱛᱤᱱᱟᱹᱜ ᱫᱟᱜ ᱠᱚ ᱞᱤᱸᱡᱤᱭᱮᱫᱼᱟ ᱚᱱᱟ ᱠᱷᱚᱱ ᱵᱟᱹᱲᱛᱤ ᱫᱟᱜ ᱟᱢᱟᱡᱚᱱ ᱜᱟᱰᱟ ᱛᱮ ᱞᱤᱸᱡᱤᱜ ᱠᱟᱱᱟ ᱟᱨ ᱱᱚᱶᱟ ᱜᱟᱰᱟ ᱨᱮ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱫᱟᱜ ᱞᱤᱸᱡᱤᱭᱟᱜ ᱠᱟᱱᱠᱷᱟ (basin) ᱢᱮᱱᱟᱜᱼᱟ ᱾ ᱡᱮᱜᱮᱛ ᱨᱮᱱᱟᱜ ᱢᱤᱫ ᱨᱮ ᱢᱚᱬᱮ ᱦᱟᱹᱴᱤᱧ (᱑/᱕) ᱜᱟᱰᱟ ᱫᱚ ᱱᱚᱶᱟ ᱪᱮᱛᱟᱱ ᱛᱮ ᱞᱤᱸᱡᱤᱜ ᱠᱟᱱᱟ ᱾ ᱡᱟᱹᱯᱩᱫ ᱨᱤᱛᱩ ᱨᱮ ᱫᱚ ᱛᱤᱢᱤᱱ ᱜᱟᱱ ᱴᱷᱟᱶ ᱠᱚᱨᱮ ᱟᱢᱟᱡᱚᱱ ᱫᱚ ᱑᱙᱐ ᱠᱤᱞᱚᱢᱤᱴᱚᱨ ᱚᱥᱟᱨ ᱜᱟᱱ ᱰᱷᱤᱯ ᱥᱮᱫ ᱪᱟᱯᱮ ᱚᱰᱚᱠᱚᱜᱼᱟ ᱾ ᱱᱟᱶᱟ ᱨᱮᱱᱟᱜ ᱚᱥᱟᱨᱼᱵᱤᱥᱟᱹᱨ ᱠᱷᱹᱛᱤᱨ ᱢᱤᱢᱤᱫ ᱫᱷᱟᱶ ᱱᱚᱶᱟ ᱫᱚ ᱥᱟᱹᱢᱩᱸᱫᱽ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾ ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱜᱟᱰᱟ ᱫᱚ ᱵᱟᱝ ᱠᱟᱱᱟ ᱾ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱜᱟᱰᱟ ᱫᱚ ᱱᱤᱞᱮ ᱜᱟᱰᱟ ᱠᱟᱱᱟ ᱟᱨ ᱟᱢᱟᱡᱚᱱ ᱫᱚ ᱫᱚᱥᱟᱨ ᱡᱤᱞᱤᱧ ᱜᱟᱰᱟ ᱠᱟᱱᱟ ᱾

ᱚᱥᱟᱨᱼᱵᱤᱥᱟᱹᱨ ᱟᱨ ᱰᱟᱦᱟᱨ

ᱟᱢᱟᱡᱚᱱ ᱜᱟᱰᱟ ᱟᱨ ᱟᱢᱮᱨᱤᱠᱟ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱜᱟᱰᱟ ᱠᱚᱶᱟᱜ ᱠᱟᱱᱠᱷᱟ ᱨᱮᱱᱟᱜ ᱱᱚᱠᱥᱟ

ᱡᱮᱜᱮᱛ ᱨᱮᱱᱟᱜ ᱡᱤᱞᱤᱧ ᱜᱟᱰᱟ ᱠᱚ ᱢᱩᱸᱫᱽ ᱠᱷᱚᱱ ᱱᱚᱶᱟ ᱦᱚᱸ ᱠᱟᱱᱟ ᱾ ᱟᱭᱢᱟ ᱯᱚᱨᱚᱠ ᱠᱟᱛᱮ ᱱᱚᱶ ᱟᱨᱮᱱᱟᱜ ᱚᱥᱚᱞ ᱚᱥᱟᱨᱼᱵᱤᱥᱟᱹᱨ ᱧᱟᱢ ᱞᱟᱹᱜᱤᱫ ᱠᱚ ᱨᱤᱠᱟᱹ ᱞᱮᱫᱼᱟ ᱾ ᱱᱚᱶᱟ ᱨᱮᱱᱟᱜ ᱯᱚᱨᱚᱠ ᱯᱟᱭᱛᱟᱨ ᱟᱹᱰᱤ ᱜᱚᱴᱟᱝ ᱧᱟᱢ ᱟᱠᱟᱱᱟ, ᱴᱷᱟᱹᱶᱠᱟᱹ ᱦᱟᱜ ᱢᱮᱱ ᱫᱚ ᱟᱹᱰᱤ ᱟᱸᱴ ᱜᱮᱭᱟ ᱾ ᱱᱶᱟ ᱨᱮᱱᱟ ᱡᱤᱞᱤᱧ ᱦᱚᱸ ᱫᱟᱜ ᱰᱤᱱ ᱨᱮ ᱟᱹᱨᱩᱜ ᱠᱟᱱ ᱾ ᱛᱤᱢᱤᱱ ᱜᱟᱱ ᱯᱚᱨᱚᱠ ᱵᱨᱟᱡᱤᱞ, ᱪᱤᱞᱮ ᱟᱨ ᱥᱯᱮᱱ ᱠᱷᱚᱱ ᱠᱚ ᱢᱮᱱᱟ, ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱜᱟᱰᱟ ᱠᱟᱱᱟ ᱟᱨ ᱱᱤᱞᱮ ᱜᱟᱰᱟ ᱠᱷᱚᱱ ᱦᱚᱸ ᱡᱤᱞᱤᱧᱟ ᱾ ᱱᱤᱞᱮ ᱜᱟᱰᱟ ᱨᱮᱱᱟᱜ ᱡᱤᱞᱤᱧ ᱫᱚ ᱦᱩᱭᱩᱜ ᱠᱟᱱᱟ ᱖,᱕᱗᱑ ᱠᱤᱞᱚᱢᱤᱴᱚᱨ ᱟᱨ ᱟᱢᱟᱡᱚᱱ ᱨᱮᱱᱟᱜ ᱡᱤᱞᱤᱧ ᱫᱚ ᱖,᱙᱓᱗ ᱠᱤᱞᱚᱢᱤᱴᱚᱨ ᱜᱟᱱ ᱦᱩᱭ ᱫᱟᱲᱮᱭᱟᱜᱼᱟ ᱾ web|url=http://news.nationalgeographic.com/news/2007/06/070619-amazon-river.html%7Ctitle=Amazon Longer Than Nile River, Scientists Say|publisher=National Geographic|year=2007</ref>

ᱵᱮᱵᱷᱟᱨ

ᱱᱚᱶᱟ ᱜᱟᱰᱟ ᱨᱮᱱᱟᱜ ᱫᱟᱜ ᱟᱹᱰᱤ ᱞᱮᱠᱟᱛᱮ ᱵᱚᱱ ᱵᱮᱵᱷᱟᱨᱮᱫᱼᱟ ᱟᱨ ᱟᱭᱢᱟ ᱥᱩᱵᱤᱫᱷᱟᱭ ᱮᱢᱟᱵᱚᱱ ᱠᱟᱱᱟ ᱡᱮᱢᱚᱱ ᱺ-

• ᱦᱟᱭᱰᱨᱚ-ᱤᱞᱮᱠᱴᱨᱤᱠ ᱯᱟᱶᱟᱨ ᱵᱚᱱ ᱧᱟᱢᱮᱫᱼᱟ ᱟᱨ ᱵᱤᱡᱽᱞᱤ ᱞᱮᱠᱟᱛᱮ ᱵᱚᱱ ᱵᱮᱵᱷᱟᱨᱮᱫᱼᱟ ᱾
• ᱰᱮᱢ ᱵᱚᱱ ᱵᱮᱱᱟᱶᱮᱫᱼᱟ ᱟᱨ ᱤᱞᱮᱠᱴᱨᱤᱥᱤᱴᱤ ᱵᱚᱱ ᱛᱮᱭᱟᱨᱮᱫᱼᱟ ᱾
• ᱥᱟᱬᱮᱥ ᱠᱷᱚᱡᱽ ᱞᱟᱹᱜᱤᱫ ᱵᱚᱱ ᱵᱮᱵᱷᱟᱨᱮᱫᱼᱟ, ᱟᱭᱢᱟ ᱜᱟᱱ ᱡᱤᱱᱤᱥ ᱟᱢᱟᱡᱚᱱ ᱠᱷᱚᱱ ᱧᱟᱢ ᱟᱠᱟᱱᱟ ᱾
• ᱦᱤᱡᱩᱜ ᱥᱮᱱᱚᱜ ᱞᱟᱹᱜᱤᱫ ᱰᱷᱚᱝᱜᱟ, ᱡᱟᱦᱟᱸ ᱛᱮ ᱠᱟᱹᱶᱰᱤ ᱟᱨᱡᱟᱶᱜ ᱠᱟᱱᱟ ᱾
• ᱱᱚᱶᱟ ᱫᱚ ᱥᱟᱯᱷᱟ ᱫᱟᱜ ᱠᱟᱱᱟ, ᱚᱱᱟᱛᱮ ᱡᱤᱵᱽᱼᱡᱤᱭᱟᱹᱞᱤ ᱦᱚᱸ ᱠᱚ ᱧᱩ ᱫᱟᱲᱮᱭᱟᱜᱼᱟ ᱾
• ᱟᱹᱫᱤᱵᱟᱹᱥᱤ ᱦᱚᱲ ᱠᱚ ᱵᱮᱯᱟᱨ ᱞᱟᱹᱜᱤᱫ ᱠᱚ ᱟᱬᱜᱚ ᱨᱟᱠᱟᱵ ᱠᱟᱱᱟ ᱾
• ᱱᱚᱶᱟ ᱫᱟᱜ ᱪᱟᱥᱵᱟᱥ ᱞᱟᱹᱜᱤᱫ ᱵᱮᱵᱷᱟᱨ ᱜᱟᱱᱚᱜ ᱠᱟᱱᱟ ᱾

ᱵᱟᱨᱦᱮ ᱡᱚᱱᱚᱲ

• Amazon River and Amazon Rainforest virtual tour Archived ᱒᱐᱐᱙-᱐᱔-᱑᱘ at the Wayback Machine.
• Information on the Amazon from Extreme Science Archived ᱒᱐᱑᱐-᱐᱒-᱐᱖ at the Wayback Machine.
• Map of South America Archived ᱒᱐᱐᱕-᱐᱒-᱐᱕ at the Wayback Machine.
• Pictures of the Amazon River
• Amazon River and rain forest photos and information
• An Amazon River web site
• Information and a map of the Amazon's watershed Archived ᱒᱐᱐᱔-᱑᱒-᱑᱔ at the Wayback Machine.
• river tours