ᱟᱥᱚᱯᱷ ᱚᱞᱤ
ᱟᱥᱚᱯᱷ ᱚᱞᱤ; Asaf Ali: (᱑᱑ ᱢᱮ ᱑᱘᱘᱘ - ᱑ ᱮᱯᱨᱤᱞ ᱑᱙᱕᱓) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱦᱩᱞᱜᱟᱹᱨᱤᱭᱟᱹ ᱟᱨ ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱩᱠᱤᱞ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱤᱧᱚᱛ ᱠᱷᱚᱱ ᱥᱮᱞᱮᱫ ᱯᱚᱱᱚᱛ ᱟᱢᱮᱨᱤᱠᱟ ᱨᱤᱱᱤᱡ ᱯᱩᱭᱞᱩ ᱨᱟᱡᱽᱫᱩᱛ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱳᱰᱤᱥᱟ ᱨᱤᱱᱤᱡ ᱨᱟᱡᱽᱡᱚᱯᱟᱲ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾ ᱟᱥᱚᱯᱷ ᱚᱞᱤᱭᱟᱜ ᱡᱟᱱᱟᱢ ᱫᱚ ᱑᱑ ᱢᱮ ᱑᱘᱘᱘ ᱦᱤᱞᱚᱜ ᱵᱽᱨᱤᱴᱤᱥ ᱵᱷᱟᱨᱚᱛ ᱨᱮᱱᱟᱜ ᱥᱤᱦᱟᱨᱟ ᱩᱛᱚᱨ ᱯᱨᱚᱫᱮᱥ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾
| ᱟᱥᱚᱯᱷ ᱚᱞᱤ | |
|---|---|
 Asaf Ali c. 1909 | |
| Ambassador of India to Switzerland | |
| ᱟᱹᱢᱟᱹᱞᱤ ᱨᱮ ᱑᱙᱕᱒ – ᱒ ᱮᱯᱨᱤᱞ ᱑᱙᱕᱓ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱫᱸᱤᱨᱚᱡᱽᱞᱟᱞ ᱵᱷᱩᱞᱚᱵᱷᱟᱭᱤ ᱫᱮᱥᱟᱭᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱣᱟᱭ. ᱰᱤ. ᱜᱩᱱᱫᱮᱵᱤᱭᱟ |
| ᱳᱰᱤᱥᱟ ᱨᱤᱱᱤᱡ ᱫᱚᱥᱟᱨ ᱨᱟᱡᱽᱡᱚᱯᱟᱲ | |
| ᱟᱹᱢᱟᱹᱞᱤ ᱨᱮ ᱑᱘ ᱡᱩᱞᱟᱭ ᱑᱙᱕᱑ – ᱖ ᱡᱩᱱ ᱑᱙᱕᱒ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱷᱤ ᱯᱤ ᱢᱮᱱᱚᱱ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱯᱷᱚᱡᱚᱞ ᱚᱞᱤ |
| ᱟᱹᱢᱟᱹᱞᱤ ᱨᱮ ᱒᱑ ᱡᱩᱱ ᱑᱙᱔᱘ – ᱕ ᱢᱮ ᱑᱙᱕᱑ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱠᱚᱭᱞᱟᱥ ᱱᱟᱛᱷ ᱠᱟᱛᱡᱩ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱷᱤ. ᱯᱤ. ᱢᱮᱱᱚᱱ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱑ ᱢᱮ ᱑᱘᱘᱘ ᱥᱮᱣᱦᱚᱨᱟ, North-Western Provinces, ᱵᱽᱨᱤᱴᱤᱥ ᱤᱱᱰᱤᱭᱟ |
| ᱜᱩᱨ | ᱒ ᱮᱯᱨᱤᱞ ᱑᱙᱕᱓ (᱖᱔ ᱵᱚᱭᱚᱥ) ᱵᱮᱨᱱ, ᱥᱣᱤᱡᱚᱨᱞᱮᱸᱰ |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱡᱤᱭᱚᱱ ᱥᱚᱦᱮᱫ | ᱚᱨᱩᱬᱟ ᱜᱟᱝᱜᱩᱞᱤ (m. 1928) |
| ᱥᱮᱪᱮᱫ ᱟᱠᱷᱲᱟ | ᱮᱥᱴᱤ. ᱥᱴᱤᱯᱷᱮᱱᱥ ᱵᱤᱨᱫᱟᱹᱜᱟᱲ, ᱫᱤᱞᱞᱤ |
| ᱠᱟᱹᱢᱤ | Lawyer, activist |
| ᱫᱷᱚᱨᱚᱢ | ᱤᱥᱞᱟᱢ |
ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱯᱷᱩᱨᱜᱟᱹᱞ
ᱥᱟᱯᱲᱟᱣ᱑᱙᱑᱔ ᱨᱮ, ᱥᱤᱧᱚᱛᱤᱭᱟᱹ ᱢᱩᱥᱞᱤᱢ ᱠᱚᱢᱩᱱᱤᱴᱤ ᱨᱮ ᱵᱽᱨᱤᱴᱤᱥ ᱥᱟᱢᱨᱟᱡᱽ ᱨᱮ ᱢᱤᱫ ᱟᱹᱰᱤ ᱢᱟᱨᱟᱝ ᱚᱨᱥᱚᱝ ᱯᱟᱲᱟᱣᱮᱱᱟ ᱾ ᱟᱥᱚᱯᱷ ᱚᱞᱤ ᱫᱚ ᱛᱩᱨᱠᱤ ᱯᱷᱤᱞᱟᱯᱷᱚᱛ ᱯᱟᱦᱴᱟᱭ ᱦᱮᱸᱢᱚᱱᱚᱛ ᱠᱮᱫ-ᱟ ᱟᱨ ᱯᱨᱟᱭᱵᱤ ᱠᱟᱶᱱᱥᱤᱞ ᱠᱷᱚᱱ ᱫᱚ ᱠᱟᱹᱢᱤ ᱠᱷᱚᱱ ᱮ ᱡᱤᱨᱟᱹᱣ ᱞᱮᱱᱟ ᱾ ᱩᱱᱤ ᱫᱚ ᱰᱤᱥᱮᱢᱵᱚᱨ ᱑᱙᱑᱔ ᱨᱮ ᱥᱤᱧᱚᱛ ᱮ ᱨᱩᱣᱟᱹᱲ ᱦᱮᱡ ᱮᱱᱟ ᱾ ᱥᱤᱧᱚᱛ ᱮ ᱨᱩᱣᱟᱹᱲ ᱮᱱ ᱛᱟᱭᱚᱢ, ᱟᱥᱚᱯᱷ ᱚᱞᱤ ᱫᱚ ᱱᱮᱥᱱᱟᱞᱤᱥᱴ ᱦᱩᱞᱥᱟᱹᱭ ᱨᱮ ᱢᱤᱫ ᱦᱩᱞᱥᱹᱭᱤᱭᱟᱹ ᱞᱮᱠᱟᱛᱮᱭ ᱥᱮᱞᱮᱫ ᱮᱱᱟ ᱾ ᱑᱙᱑᱙ ᱨᱮ ᱠᱷᱤᱞᱟᱯᱷᱚᱛ ᱦᱩᱞᱥᱟᱹᱭ ᱨᱮ ᱥᱮᱞᱮᱫ ᱠᱟᱛᱮ ᱵᱽᱨᱤᱴᱤᱥ ᱥᱚᱨᱠᱟᱨ ᱮ ᱵᱤᱨᱩᱫᱷ ᱠᱮᱫᱮᱭᱟ ᱾ ᱑᱙᱒᱐-᱒᱑ ᱨᱮ ᱜᱟᱱᱫᱷᱤᱡᱤ ᱦᱚᱛᱮᱛᱮ ᱪᱟᱹᱞᱩ ᱞᱮᱱ ᱵᱟᱝᱥᱚᱦᱚᱫ ᱦᱩᱞᱥᱟᱹᱭ ᱨᱮ ᱟᱹᱰᱤ ᱠᱩᱨᱩᱢᱩᱴᱩ ᱠᱟᱹᱢᱤᱭ ᱛᱚᱨᱟᱣ ᱠᱮᱫ-ᱟ ᱾ ᱘ ᱮᱯᱨᱤᱞ ᱑᱙᱒᱘ ᱦᱤᱞᱚᱜ ᱵᱷᱚᱜᱚᱛ ᱥᱤᱝ ᱟᱨ ᱵᱚᱴᱩᱠᱮᱥᱚᱨ ᱫᱚᱛᱛ ᱦᱚᱛᱮᱛᱮ ᱫᱤᱞᱞᱤ ᱛᱟᱞᱢᱟ ᱚᱥᱮᱢᱵᱽᱞᱤ ᱨᱮ ᱵᱚᱢ ᱪᱟᱯᱟᱫ ᱫᱩᱥᱤ ᱨᱮᱭ ᱦᱟᱹᱲᱤ ᱚᱪᱚ ᱮᱱ ᱠᱷᱟᱱ ᱟᱡᱟᱜ ᱫᱩᱜ ᱯᱟᱦᱴᱟ ᱨᱤᱱᱤᱡ ᱩᱠᱤᱞ ᱫᱚ ᱟᱥᱤᱯᱷ ᱚᱞᱤᱭ ᱵᱮᱱᱟᱣ ᱮᱱᱟ ᱟᱨ ᱩᱱᱤᱭᱟᱜ ᱢᱚᱠᱚᱨᱫᱚᱢᱟᱭ ᱪᱟᱞᱟᱣ ᱠᱮᱫ-ᱟ ᱾ ᱑᱙᱓᱕ ᱨᱮ ᱢᱩᱥᱞᱤᱢ ᱱᱮᱥᱱᱟᱞᱤᱥᱴ ᱯᱟᱴᱤ ᱨᱤᱱᱤᱡ ᱥᱚᱦᱮᱛ ᱞᱮᱠᱟᱛᱮ ᱟᱡ ᱫᱚ ᱛᱟᱞᱢᱟ ᱵᱤᱫᱷᱟᱱ ᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱢᱩᱥᱞᱤᱢ ᱞᱤᱜᱽ ᱨᱤᱱᱤᱡ ᱠᱮᱱᱰᱤᱰᱮᱴ ᱵᱤᱨᱩᱫᱷ ᱨᱮ ᱠᱚᱸᱜᱽᱨᱮᱥ ᱤᱡ ᱠᱮᱱᱰᱤᱰᱮᱴ ᱞᱮᱠᱟᱛᱮ ᱫᱚᱦᱲᱟ ᱛᱮᱭ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱫ ᱟᱨ ᱩᱱᱤ ᱫᱚ ᱡᱚᱜᱚ ᱯᱟᱨᱥᱮᱛ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱫ ᱾ ᱑᱙᱕᱒ ᱨᱮ ᱜᱟᱱᱫᱷᱤ ᱡᱤ ᱭᱟᱜ ᱫᱩ ᱫᱮᱞᱟ ᱞᱮᱠᱟᱛᱮ ᱥᱤᱧᱚᱛ ᱵᱟᱹᱜᱤᱱ ᱦᱩᱞᱥᱟᱹᱭ ᱨᱮᱭ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ [᱑]
ᱵᱟᱯᱞᱟ
ᱥᱟᱯᱲᱟᱣ᱑᱙᱒᱘ ᱨᱮ, ᱩᱱᱤ ᱫᱚ ᱒᱑ ᱵᱚᱨᱥᱚ ᱨᱤᱱᱤᱡ ᱚᱨᱩᱬᱟ ᱟᱥᱚᱯᱷ ᱚᱞᱤ ᱥᱟᱶ ᱮ ᱵᱟᱯᱞᱟ ᱮᱱᱟ, ᱟᱥᱚᱯᱷ ᱚᱞᱤ ᱫᱚ ᱢᱤᱫ ᱢᱩᱥᱚᱞᱢᱟᱱ ᱮ ᱛᱟᱦᱮᱸ ᱠᱟᱱᱟ, ᱤᱠᱷᱟᱹᱱ ᱚᱨᱩᱬᱟ ᱫᱚ ᱢᱤᱫ ᱦᱤᱱᱫᱩᱭ ᱛᱟᱦᱮᱸ ᱠᱟᱱᱟ ᱾ ᱥᱤᱧᱚᱛ ᱵᱟᱹᱜᱤᱱ ᱦᱩᱞᱥᱟᱹᱭ, ᱑᱙᱔᱒ ᱚᱠᱛᱚ ᱨᱮ ᱢᱩᱢᱵᱟᱭ ᱨᱮ ᱜᱳᱣᱟᱞᱤᱭᱟ ᱴᱮᱸᱠ ᱢᱟᱴ ᱨᱮ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ ᱟᱜ ᱪᱤᱨ ᱦᱤᱯᱤᱲ ᱞᱟᱹᱜᱤᱫ ᱩᱱᱤ ᱫᱚ ᱟᱹᱰᱤ ᱜᱟᱺᱦᱤᱨ ᱠᱷᱚᱱ ᱮ ᱩᱭᱦᱟᱹᱨᱚᱜ-ᱟ ᱾
ᱨᱟᱡᱽᱟᱹᱨᱤ ᱡᱤᱭᱚᱱ
ᱥᱟᱯᱲᱟᱣᱟᱥᱚᱯᱷ ᱚᱞᱤ ᱫᱚ ᱒ ᱥᱮᱯᱴᱮᱢᱵᱚᱨ ᱑᱙᱔᱖ ᱠᱷᱚᱱ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱟᱜ ᱛᱟᱹᱨᱤ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱟᱜ ᱢᱩᱪᱟᱹᱫ ᱥᱚᱨᱠᱟᱨ ᱨᱮ ᱨᱮᱞᱣᱮ ᱟᱨ ᱥᱟᱱᱟᱜᱟᱲ ᱨᱤᱱᱤᱡ ᱤᱱᱪᱟᱨᱡᱽ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱷᱮᱵᱽᱨᱩᱣᱟᱨᱤ ᱑᱙᱔᱗ ᱠᱷᱚᱱ ᱯᱷᱮᱵᱽᱨᱩᱣᱟᱨᱤ ᱑᱙᱔᱙ ᱫᱷᱟᱹᱨᱤᱡ ᱟᱢᱮᱨᱤᱠᱟ ᱨᱮ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱨᱟᱡᱽᱫᱩᱛ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫ-ᱟ ᱾
ᱜᱩᱨ
ᱥᱟᱯᱲᱟᱣ᱑ ᱮᱯᱨᱤᱞ ᱑᱙᱕᱓ ᱨᱮ ᱖᱔ ᱵᱚᱭᱚᱥ ᱩᱢᱮᱨ ᱨᱮ ᱥᱣᱤᱡᱚᱨᱞᱮᱸᱰ ᱨᱮ ᱥᱤᱧᱚᱛ ᱨᱤᱱᱤᱡ ᱨᱟᱡᱽᱫᱩᱛ ᱞᱮᱠᱟᱛᱮ ᱠᱟᱹᱢᱤ ᱨᱮᱭ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ ᱵᱚᱨᱱ ᱫᱩᱛᱟᱵᱟᱥ ᱟᱹᱢᱟᱹᱞᱤ ᱨᱮ ᱟᱡᱟᱜ ᱡᱤᱣᱤᱵᱟᱹᱛᱤ ᱫᱚ ᱤᱬᱤᱡ ᱞᱮᱱ ᱛᱟᱦᱮᱸᱫ ᱾ [᱒] ᱑᱙᱘᱙ ᱨᱮ, ᱵᱷᱟᱨᱚᱛ ᱰᱟᱠ ᱫᱚ ᱟᱡᱟᱜ ᱥᱚᱱᱢᱟᱱ ᱨᱮ ᱢᱤᱫ ᱰᱟᱠ ᱴᱤᱠᱮᱴ ᱮ ᱩᱫᱩᱜ ᱥᱚᱫᱚᱨ ᱠᱮᱫ-ᱟ । ᱟᱡᱤᱡ ᱮᱨᱟ ᱚᱨᱩᱬᱟ ᱟᱥᱚᱯᱷ ᱚᱞᱤ ᱫᱚ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱱᱟᱜᱟᱨᱤᱭᱟᱹ ᱥᱤᱨᱯᱷᱟᱹ ᱵᱷᱟᱨᱚᱛ ᱨᱚᱛᱱᱚ ᱛᱮᱠᱚ ᱢᱟᱹᱱ ᱦᱟᱞᱟᱝ ᱞᱮᱫᱮ ᱛᱟᱦᱮᱸᱫ ᱾ [᱓]
ᱥᱟᱠᱷᱭᱟᱹᱛ
ᱥᱟᱯᱲᱟᱣ- ↑ "ᱥᱚᱝᱜᱽᱨᱚᱦᱤᱛ ᱯᱨᱚᱛᱤ". Retrieved 1 ᱢᱟᱨᱪ 2018.
- ↑ "Asaf Ali Dead". The Indian Express. 3 April 1953. Retrieved 18 July 2018.
- ↑ Aruna Asaf Ali's 20th death anniversary: Some facts about the Grand Old Lady of Independence – Education Today News Archived ᱒᱐᱑᱗-᱑᱒-᱑᱑ at the Wayback Machine.. Indiatoday.intoday.in (29 July 2016). Retrieved on 2018-12-07.