ᱣᱤᱠᱤᱯᱤᱰᱤᱭᱟ

ᱠᱟᱡᱤ ᱱᱟᱡᱽᱨᱩᱞ ᱤᱥᱞᱟᱢ ᱩᱰᱟᱹᱱ ᱰᱟᱹᱦᱤ

ᱥᱤᱧᱚᱛ ᱨᱮ ᱩᱰᱟᱹᱱ ᱰᱟᱹᱦᱤ

ᱠᱟᱡᱤ ᱱᱟᱡᱽᱨᱩᱞ ᱤᱥᱞᱟᱢ ᱩᱰᱟᱹᱱ ᱰᱟᱹᱦᱤ (IATA: RDP, ICAO: VEDG), ᱡᱟᱦᱟᱸ ᱫᱚ ᱫᱩᱨᱜᱟᱯᱩᱨ ᱩᱰᱟᱹᱱ ᱰᱟᱹᱦᱤ ᱞᱮᱠᱟᱛᱮ ᱦᱚᱸ ᱵᱟᱰᱟᱭᱚᱜᱼᱟ,[᱕][᱖] ᱢᱤᱫ ᱰᱚᱢᱮᱥᱴᱤᱠ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱡᱟᱦᱟᱸ ᱫᱚ ᱫᱩᱨᱜᱟᱯᱩᱨ ᱟᱨ ᱟᱥᱟᱱᱥᱳᱞ ᱥᱚᱦᱚᱨ ᱠᱚ ᱞᱟᱹᱜᱤᱫ ᱠᱟᱹᱢᱤ ᱮᱫᱼᱟ ᱾ ᱱᱚᱶᱟ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱮᱝᱜᱚᱞ ᱨᱮᱱᱟᱜ ᱫᱩᱨᱜᱟᱯᱩᱨ ᱨᱮᱱᱟᱜ ᱟᱱᱰᱟᱞ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮᱱᱟᱜ ᱧᱩᱛᱩᱢ ᱫᱚ ᱧᱩᱛᱩᱢᱟᱱ ᱵᱟᱸᱜᱟᱞᱤ ᱠᱚᱵᱤ ᱠᱟᱡᱤ ᱱᱟᱡᱽᱨᱩᱞ ᱤᱥᱞᱟᱢ ᱟᱜ ᱧᱩᱛᱩᱢ ᱨᱮ ᱫᱚᱦᱚ ᱟᱠᱟᱱᱟ ᱾ ᱩᱰᱟᱹᱱ ᱰᱟᱹᱦᱤ ᱫᱚ ᱫᱩᱨᱜᱟᱯᱩᱨ ᱥᱚᱦᱚᱨ ᱛᱟᱞᱢᱟ ᱠᱷᱚᱱ ᱑᱕ ᱠᱤᱞᱚᱢᱤᱴᱚᱨ ᱟᱨ ᱟᱥᱟᱱᱥᱳᱞ ᱥᱚᱦᱚᱨ ᱵᱟᱥ ᱴᱟᱨᱢᱤᱱᱟᱞ ᱠᱷᱚᱱ ᱫᱚ ᱒᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾

ᱠᱟᱡᱤ ᱱᱟᱡᱽᱨᱩᱞ ᱤᱥᱞᱟᱢ ᱩᱰᱟᱹᱱ ᱰᱟᱹᱦᱤ
ᱡᱟᱭᱚᱝᱜᱚᱥ
ᱩᱰᱟᱹᱱ ᱰᱟᱹᱦᱤ ᱞᱮᱠᱟᱱᱫᱤᱥᱩᱣᱟᱹ
ᱢᱟᱹᱞᱤᱠᱵᱮᱝᱜᱚᱞ ᱮᱭᱨᱳᱴᱨᱳᱯᱚᱞᱤᱥ ᱯᱨᱚᱡᱮᱠᱴᱥ ᱞᱤᱢᱤᱴᱮᱰ (BAPL)
ᱯᱚᱪᱷᱤᱢ ᱵᱮᱝᱜᱚᱞ ᱥᱚᱨᱠᱟᱨ
ᱪᱟᱱᱜᱤ ᱩᱰᱟᱹᱱ ᱜᱩᱴ
ᱪᱟᱪᱞᱟᱣᱤᱭᱟᱹᱥᱤᱧᱚᱛᱤᱭᱟᱹ ᱩᱰᱟᱹᱱ ᱰᱟᱹᱦᱤ ᱯᱨᱟᱫᱷᱤᱠᱚᱨᱚᱱ
ᱥᱮᱵᱟᱜ ᱠᱟᱱᱟᱫᱩᱨᱜᱟᱯᱩᱨ
ᱟᱥᱟᱱᱥᱳᱞ
ᱞᱚᱠᱮᱥᱚᱱᱟᱱᱰᱟᱞ, ᱫᱩᱨᱜᱟᱯᱩᱨ, ᱯᱚᱪᱷᱤᱢ ᱵᱟᱝᱞᱟ,
 ᱥᱤᱧᱚᱛ
ᱡᱷᱤᱡ ᱞᱮᱱᱟ18 ᱢᱮ 2015; 9 years ago (2015-᱐᱕-18)
ᱩᱥᱩᱞ AMSL᱓᱐᱒ ft / 92 m
ᱠᱚ-ᱚᱨᱰᱤᱱᱟᱴᱥ23°37′17″N 87°14′36″E / 23.62139°N 87.24333°E / 23.62139; 87.24333Coordinates: 23°37′17″N 87°14′36″E / 23.62139°N 87.24333°E / 23.62139; 87.24333
ᱣᱮᱵᱽᱥᱟᱭᱤᱴ
Map
RDP is located in ᱯᱚᱪᱷᱤᱢ ᱵᱟᱝᱞᱟ
RDP
RDP
ᱯᱚᱪᱷᱤᱢ ᱵᱟᱝᱞᱟ ᱨᱮ ᱴᱷᱟᱶ
RDP is located in India
RDP
RDP
RDP (India)
ᱫᱟᱹᱲᱦᱚᱨ
Direction ᱡᱤᱞᱤᱧ ᱥᱚᱨᱯᱷᱮᱥ
m ft
᱑᱖/᱓᱔ ᱒,᱘᱐᱐ 9,186 ᱟᱥᱯᱷᱚᱞᱴ
Statistics (ᱮᱯᱨᱤᱞ ᱒᱐᱒᱓ – ᱢᱟᱨᱪ ᱒᱐᱒᱔)
ᱯᱟᱥᱮᱱᱡᱚᱨ ᱠᱚ᱕᱑᱔,᱗᱖᱐ (increase ᱔.᱖%)
ᱮᱭᱟᱨᱠᱨᱟᱯᱷᱴ ᱞᱟᱲᱟᱣᱱᱟ ᱠᱚ᱓,᱒᱓᱔ (Decrease ᱐.᱕%)
ᱠᱟᱨᱜᱳ ᱴᱚᱱᱮᱡᱽ᱔᱙᱑ (increase ᱑.᱘%)

ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱵᱷᱤᱛᱨᱤ ᱴᱚᱴᱷᱟ ᱨᱮ ᱯᱚᱪᱷᱤᱢ ᱵᱮᱝᱜᱚᱞ ᱨᱮ ᱫᱩᱨᱜᱟᱯᱩᱨ, ᱟᱥᱟᱱᱥᱳᱞ, ᱪᱤᱛᱨᱚᱝᱡᱚᱱ, ᱵᱚᱨᱫᱷᱚᱢᱟᱱ, ᱵᱟᱸᱠᱩᱲᱟ, ᱵᱤᱥᱱᱩᱯᱩᱨ, ᱯᱩᱨᱩᱞᱤᱭᱟᱹ, ᱨᱟᱹᱱᱤᱜᱚᱸᱡᱽ, ᱥᱟᱹᱭᱛᱟᱹ, ᱥᱩᱨᱤ, ᱵᱳᱞᱯᱩᱨ, ᱨᱟᱢᱯᱩᱨᱦᱟᱴ ᱟᱨ ᱡᱷᱟᱨᱠᱷᱚᱸᱰ ᱨᱮ ᱫᱷᱟᱱᱵᱟᱫᱽ ᱟᱨ ᱵᱚᱠᱟᱨᱚ ᱨᱮᱱᱟᱜ ᱥᱚᱦᱚᱨ ᱟᱨ ᱱᱚᱜᱚᱨ ᱠᱚ ᱥᱮᱞᱮᱫ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱫᱤᱥᱚᱢ ᱨᱮᱱᱟᱜ ᱯᱩᱭᱞᱩ ᱯᱨᱟᱭᱵᱷᱮᱴ ᱥᱮᱠᱴᱚᱨ ᱮᱭᱨᱳᱴᱨᱚᱯᱚᱞᱤᱥ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ, ᱡᱟᱦᱟᱸ ᱫᱚ ᱟᱱᱰᱟᱞ, ᱫᱩᱨᱜᱟᱯᱩᱨ ᱨᱮ ᱵᱮᱝᱜᱚᱞ ᱮᱭᱨᱳᱴᱨᱚᱯᱚᱞᱤᱥ ᱯᱨᱚᱡᱮᱠᱴᱥ ᱞᱤᱢᱤᱴᱮᱰ (ᱵᱤ.ᱮ.ᱯᱤ.ᱮᱞ.) ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱᱟ ᱾ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱥᱚᱨᱠᱟᱨᱤ ᱮᱦᱚᱵ ᱫᱚ ᱑᱙ ᱥᱮᱯᱴᱮᱢᱵᱚᱨ ᱒᱐᱑᱓ ᱨᱮ ᱯᱚᱪᱷᱤᱢ ᱵᱮᱝᱜᱚᱞ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱟᱱᱟᱨᱡᱤ ᱦᱚᱛᱮᱛᱮ ᱦᱩᱭ ᱞᱮᱱᱟ ᱾[᱗] ᱒᱐᱒᱓-᱒᱐᱒᱔ ᱨᱮᱱᱟᱜ ᱮᱞᱠᱷᱟ ᱞᱮᱠᱟᱛᱮ ᱱᱚᱣᱟ ᱩᱰᱟᱹᱱ ᱰᱟᱹᱦᱤ ᱫᱚ ᱯᱚᱪᱷᱤᱢ ᱵᱮᱝᱜᱚᱞ ᱨᱮᱱᱟᱜ ᱯᱮᱭᱟ ᱟᱹᱰᱤ ᱠᱟᱹᱢᱤ ᱟᱠᱟᱱ ᱩᱰᱟᱹᱱ ᱰᱟᱹᱦᱤ ᱟᱨ ᱥᱤᱧᱚᱛ ᱨᱮᱱᱟᱜ ᱕᱘ ᱟᱱᱟᱜ ᱟᱹᱰᱤ ᱠᱟᱹᱢᱤ ᱟᱠᱟᱱ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾[᱘]

ᱱᱟᱜᱟᱢ

ᱥᱟᱯᱲᱟᱣ

ᱵᱮᱱᱟᱣ ᱯᱞᱟᱱᱤᱝ

ᱥᱟᱯᱲᱟᱣ

ᱱᱚᱶᱟ ᱯᱨᱚᱡᱮᱠᱴ ᱫᱚ ᱒᱐᱐᱖-᱒᱐᱐᱗ ᱥᱮᱨᱢᱟ ᱨᱮ ᱞᱤᱯᱷᱴ ᱯᱷᱨᱚᱱᱴ ᱥᱚᱨᱠᱟᱨ ᱚᱠᱛᱚ ᱨᱮ ᱵᱮᱱᱟᱣ ᱞᱮᱱᱟ ᱾ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱵᱮᱱᱟᱣ ᱫᱚ ᱒᱐᱑᱓ ᱨᱮ ᱯᱩᱨᱟᱹᱣ ᱞᱮᱱᱟ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱟᱭᱢᱟ ᱞᱮᱠᱟᱱ ᱚᱡᱮ ᱛᱮ, ᱩᱰᱟᱹᱱ ᱰᱟᱹᱦᱤ ᱫᱚ ᱒᱔ ᱮᱯᱨᱤᱞ ᱒᱐᱑᱕ ᱫᱷᱟᱹᱨᱤᱡ ᱩᱰᱟᱹᱜ ᱜᱟᱹᱰᱤ ᱫᱚ ᱨᱮᱜᱩᱞᱮᱴᱟᱨ ᱰᱤ.ᱡᱤ.ᱥᱤ.ᱮ (DGCA) ᱯᱟᱦᱴᱟ ᱠᱷᱚᱱ ᱢᱩᱪᱟᱹᱫ ᱪᱟᱪᱞᱟᱣ ᱢᱟᱱᱟᱣ ᱵᱟᱭ ᱧᱟᱢ ᱞᱮᱫᱼᱟ ᱾ ᱒᱐᱑᱕ ᱥᱮᱨᱢᱟ ᱠᱷᱚᱱ ᱨᱮᱜᱩᱞᱮᱴᱟᱨ ᱠᱚᱢᱚᱨᱥᱤᱭᱟᱞ ᱩᱰᱟᱹᱱ ᱫᱚ ᱮᱦᱚᱵ ᱞᱮᱱᱟ ᱾[᱙]

ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱮᱛᱚᱦᱚᱵ

ᱥᱟᱯᱲᱟᱣ

᱑᱐ ᱢᱮ ᱒᱐᱑᱕ ᱨᱮ, ᱢᱟᱨᱟᱝ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱱᱟᱣᱟ ᱩᱰᱟᱹᱱ ᱰᱟᱹᱦᱤ ᱵᱮᱵᱷᱟᱨ ᱞᱟᱹᱜᱤᱫ ᱯᱩᱭᱞᱩ ᱯᱟᱥᱮᱱᱡᱚᱨ ᱮ ᱵᱮᱱᱟᱣ ᱮᱱᱟ, ᱡᱚᱠᱷᱚᱱ ᱩᱱᱤ ᱫᱚ ᱠᱚᱢᱚᱨᱥᱤᱭᱟᱞ ᱮᱭᱟᱨᱞᱟᱭᱤᱱᱥ ᱛᱮ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱟᱡᱟᱜ ᱨᱮᱜᱩᱞᱮᱴᱟᱨ ᱥᱮᱵᱟ ᱮᱛᱚᱦᱚᱵ ᱢᱟᱬᱟᱝ ᱤᱱᱰᱤᱭᱟᱱ ᱟᱭᱟᱨ ᱯᱷᱳᱨᱥ ᱨᱮᱱᱟᱜ ᱵᱚᱭᱤᱝ ᱗᱓᱗ ᱵᱷᱤᱟᱭᱤᱯᱤ ᱩᱰᱟᱹᱱ ᱰᱟᱹᱦᱤ ᱛᱮ ᱫᱤᱞᱞᱤ ᱮ ᱨᱩᱣᱟᱹᱲ ᱮᱱᱟ ᱾[᱑᱐] ᱥᱤᱰᱭᱩᱞ ᱠᱟᱹᱣᱰᱤᱟᱹᱨᱤ ᱠᱟᱹᱢᱤ ᱑᱘ ᱢᱮ ᱒᱐᱑᱕ ᱨᱮ ᱮᱛᱚᱦᱚᱵ ᱞᱮᱱᱟ ᱾[᱑᱑] ᱢᱤᱫᱴᱟᱹᱝ ᱮᱴᱟᱜ ᱮᱭᱟᱨᱞᱟᱭᱤᱱ, ᱡᱩᱢ ᱮᱭᱟᱨ ᱫᱚ ᱫᱤᱞᱞᱤ - ᱫᱩᱨᱜᱟᱯᱩᱨ - ᱠᱚᱞᱠᱟᱛᱟ ᱰᱟᱦᱟᱨ ᱨᱮ ᱩᱰᱟᱹᱜ ᱮ ᱮᱦᱚᱵ ᱠᱮᱫᱟ, ᱢᱮᱱᱠᱷᱟᱱ ᱯᱮ ᱪᱟᱸᱫᱚ ᱛᱟᱭᱚᱢ ᱥᱮᱵᱟ ᱠᱚ ᱵᱟᱱᱩᱜ ᱠᱚᱛᱮ ᱩᱰᱟᱹᱜ ᱫᱚ ᱵᱚᱸᱫᱽ ᱠᱮᱫᱟ ᱾ ᱮᱭᱟᱨ ᱤᱱᱰᱤᱭᱟ ᱦᱚᱛᱮᱛᱮ ᱫᱤᱞᱞᱤ ᱟᱨ ᱦᱟᱭᱫᱨᱟᱵᱟᱫᱽ ᱟᱨ ᱚᱠᱴᱚᱵᱚᱨ ᱒᱐᱑᱙ ᱨᱮ ᱥᱯᱟᱭᱤᱥ ᱡᱮᱴ ᱦᱚᱛᱮᱛᱮ ᱢᱩᱢᱵᱟᱭ ᱟᱨ ᱪᱮᱱᱱᱟᱭ ᱞᱟᱹᱜᱤᱫ ᱡᱚᱲᱟᱣ ᱥᱟᱶᱛᱮ ᱩᱰᱟᱹᱱ ᱰᱟᱹᱦᱤ ᱫᱚ ᱒᱐᱑᱘ ᱨᱮ ᱟᱹᱰᱤ ᱧᱩᱛᱩᱢ ᱮ ᱧᱟᱢ ᱞᱮᱫᱼᱟ ᱾

ᱯᱞᱟᱱ

ᱥᱟᱯᱲᱟᱣ

ᱩᱰᱟᱹᱱ ᱰᱟᱹᱦᱤ ᱖᱐᱐ ᱠᱳᱴᱤ (US$᱗᱒ ᱢᱤᱞᱤᱭᱚᱱ) ᱠᱷᱚᱨᱚᱪ ᱠᱟᱛᱮ ᱖᱕᱐ ᱮᱠᱚᱲ ᱨᱮ ᱵᱮᱱᱟᱣ ᱟᱠᱟᱱᱟ (ᱡᱟᱦᱟᱸ ᱫᱚ ᱫᱷᱟᱹᱨᱤᱡ ᱛᱮ ᱟᱨᱦᱚᱸ ᱵᱟᱹᱲᱛᱤ ᱛᱮᱭᱟᱨ ᱦᱩᱭ ᱫᱟᱲᱮᱭᱟᱜᱼᱟ) ᱾[᱑᱒] ᱩᱰᱟᱹᱱ ᱰᱟᱹᱦᱤ ᱡᱟᱭᱜᱟ ᱵᱷᱤᱛᱤᱨ ᱱᱟᱯᱟᱭ ᱦᱟᱹᱨᱭᱟᱹᱲ ᱦᱚᱭᱼᱦᱤᱥᱤᱫ ᱨᱮᱱᱟᱜ ᱵᱮᱵᱚᱥᱛᱟ ᱞᱟᱹᱜᱤᱫ ᱛᱮ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱗᱐% ᱠᱷᱩᱞᱟᱹ ᱦᱟᱹᱨᱭᱟᱹᱲ ᱴᱷᱟᱶ ᱢᱮᱱᱟᱜᱼᱟ ᱾

ᱢᱟᱲᱟᱝ ᱨᱮᱱᱟᱜ ᱩᱛᱱᱟᱹᱣ

ᱥᱟᱯᱲᱟᱣ

ᱥᱟᱡᱚᱱ ᱡᱤᱱᱫᱚᱞ ᱟᱜ ᱛᱩᱞᱩᱡ ᱡᱮᱹᱮᱥᱹᱰᱟᱵᱽᱞᱭᱩᱹ ᱜᱨᱩᱯ ᱫᱚ ᱫᱩᱨᱜᱟᱯᱩᱨ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱤᱱᱯᱷᱨᱚᱥᱴᱨᱠᱪᱚᱨ ᱩᱛᱷᱱᱟᱹᱣ ᱨᱮ ᱛᱚᱞᱟᱥ ᱞᱟᱹᱜᱤᱫ ᱛᱮ ᱯᱞᱟᱱ ᱛᱮᱭᱟᱨᱚᱜ ᱠᱟᱱᱟ ᱾[᱑᱓] ᱩᱛᱷᱱᱟᱹᱣ ᱥᱟᱶ ᱡᱚᱲᱟᱣ ᱟᱠᱟᱱ ᱢᱤᱫᱴᱟᱹᱝ ᱯᱷᱮᱰᱟᱛ ᱫᱚᱭ ᱢᱮᱱ ᱟᱠᱟᱫᱟ: “ᱡᱮᱹᱮᱥᱹᱰᱟᱵᱽᱞᱭᱩᱹ ᱤᱱᱯᱷᱨᱟ ᱫᱚ ᱫᱩᱨᱜᱟᱯᱩᱨ ᱩᱰᱟᱹᱱ ᱰᱟᱹᱦᱤ ᱨᱮ ᱠᱟᱹᱢᱤ ᱞᱟᱹᱜᱤᱫ ᱫᱟᱲᱮᱭᱟᱜᱼᱟ ᱾" ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱫᱚ ᱥᱚᱦᱚᱨ ᱨᱮᱱᱟᱜ ᱩᱛᱷᱱᱟᱹᱣ ᱥᱟᱶᱛᱮ ᱩᱰᱟᱹᱱ ᱰᱟᱹᱦᱤ ᱪᱟᱪᱞᱟᱣ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ ᱾ ᱢᱤᱫᱴᱟᱹᱝ ᱩᱰᱟᱹᱱ ᱰᱟᱹᱦᱤ ᱥᱚᱦᱚᱨ ᱨᱮ ᱟᱭᱢᱟ ᱜᱟᱱ ᱴᱷᱟᱶ ᱢᱮᱱᱟᱜᱼᱟ ᱡᱮᱞᱮᱠᱟ ᱟᱭᱤ.ᱴᱤ. ᱯᱟᱨᱠ ᱟᱨ ᱮᱴᱟᱜ ᱵᱮᱵᱚᱥᱛᱟ ᱠᱚ ᱩᱛᱷᱱᱟᱹᱣ ᱾”

ᱢᱟᱹᱞᱤᱠᱟᱜ

ᱥᱟᱯᱲᱟᱣ

ᱯᱚᱪᱷᱤᱢ ᱵᱟᱸᱜᱽᱞᱟ ᱤᱱᱰᱟᱥᱴᱨᱤᱭᱟᱞ ᱰᱮᱵᱞᱚᱯᱢᱮᱸᱴ ᱠᱚᱨᱯᱚᱨᱮᱥᱚᱱ ᱦᱚᱛᱮᱛᱮ ᱯᱚᱱᱚᱛ ᱥᱚᱨᱠᱟᱨᱟᱜ ᱦᱚᱸ ᱒᱖.᱐᱕% ᱦᱤᱥ ᱢᱮᱱᱟᱜᱼᱟ ᱾ ᱥᱤᱝᱜᱟᱯᱩᱨ ᱨᱮᱱᱟᱜ ᱪᱟᱱᱜᱤ ᱮᱭᱟᱨᱯᱚᱨᱴᱥ ᱤᱱᱴᱚᱨᱱᱮᱥᱱᱟᱞ (CAI) BAPL ᱨᱮ ᱓᱐.᱒᱑% ᱦᱤᱥ ᱢᱮᱱᱟᱜᱼᱟ ᱾ ᱮᱴᱟᱜ ᱥᱤᱧᱚᱛᱤᱭᱟᱹ ᱯᱨᱳᱢᱳᱴᱚᱨ ᱠᱚ ᱢᱩᱫᱽ ᱨᱮ IL&FS, ᱯᱨᱟᱜᱟᱛᱤ ᱥᱳᱥᱤᱭᱟᱞ ᱤᱱᱯᱷᱨᱟᱥᱴᱨᱟᱠᱪᱟᱨ ᱮᱸᱰ ᱰᱮᱵᱽᱞᱚᱯᱢᱮᱱᱴ, ᱯᱨᱟᱜᱟᱛᱤ ᱔᱗, ᱞᱮᱱᱰ ᱞᱤᱡᱽ ᱠᱚᱢᱯᱟᱱᱤ ᱤᱱᱰᱤᱭᱟ ᱟᱨ ᱥᱤᱴᱤᱥᱴᱟᱨ ᱤᱱᱯᱷᱨᱟᱥᱴᱨᱟᱠᱪᱟᱨ ᱥᱮᱞᱮᱫ ᱢᱮᱱᱟᱜᱼᱟ ᱾

ᱤᱱᱯᱷᱨᱟᱥᱴᱨᱚᱠᱪᱚᱨ

ᱥᱟᱯᱲᱟᱣ
 
ᱮᱭᱟᱨ ᱴᱨᱟᱯᱷᱤᱠ ᱠᱚᱱᱴᱨᱚᱞ ᱴᱟᱣᱟᱨ

ᱴᱟᱨᱢᱤᱱᱟᱞ

ᱥᱟᱯᱲᱟᱣ

᱕,᱗᱕᱐ ᱥᱠᱚᱭᱟᱨ ᱢᱤᱴᱚᱨ ᱯᱟᱥᱮᱱᱡᱚᱨ ᱴᱟᱨᱢᱤᱱᱟᱞ ᱵᱤᱞᱰᱤᱝ ᱨᱮᱱᱟᱜ ᱠᱮᱯᱮᱥᱤᱴᱤ ᱫᱚ ᱥᱮᱨᱢᱟ ᱨᱮ ᱑ ᱢᱤᱞᱤᱭᱚᱱ ᱯᱟᱥᱮᱱᱡᱚᱨ ᱠᱚ ᱦᱩᱭᱩᱜᱼᱟ ᱟᱨ ᱱᱚᱶᱟ ᱫᱚ ᱥᱮᱨᱢᱟ ᱨᱮ ᱒.᱕ ᱢᱤᱞᱤᱭᱚᱱ ᱯᱟᱥᱮᱱᱡᱚᱨ ᱫᱷᱟᱹᱨᱤᱡ ᱠᱚ ᱵᱟᱲᱦᱟᱣ ᱫᱟᱲᱮᱭᱟᱜᱼᱟ ᱾ ᱱᱚᱶᱟ ᱨᱮ ᱰᱮᱯᱟᱨᱴ ᱞᱟᱣᱩᱱᱡᱽ ᱨᱮ ᱡᱮᱱᱨᱟᱞ ᱵᱮᱵᱷᱟᱨ ᱴᱟᱨᱢᱤᱱᱟᱞ ᱴᱩᱞᱥ (CUTE) ᱥᱟᱶᱛᱮ ᱖ ᱜᱚᱴᱟᱝ ᱪᱮᱠ-ᱤᱱ ᱠᱚᱣᱩᱱᱴᱚᱨ ᱟᱨ ᱥᱮᱴᱮᱨᱚᱜ ᱦᱚᱞ ᱨᱮ ᱵᱟᱨᱭᱟ ᱵᱮᱜᱽᱡᱮᱡᱽ ᱠᱚᱱᱵᱷᱮᱭᱟᱨ ᱵᱮᱞᱴ ᱢᱮᱱᱟᱜᱼᱟ ᱾[᱑᱔] ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱫᱚ ᱛᱷᱚᱠ VI ᱯᱷᱭᱟᱨ ᱥᱤᱴᱤᱝ ᱟᱨ ᱨᱟᱠᱟᱵ ᱫᱟᱲᱮ ᱛᱮ ᱛᱮᱭᱟᱨ ᱟᱠᱟᱱᱟ ᱾[᱑᱔] ᱴᱟᱨᱢᱤᱱᱟᱞ ᱨᱮ ᱮᱴᱤᱮᱢ, ᱣᱟᱭ-ᱯᱷᱟᱭ ᱥᱮᱵᱟ, ᱢᱤᱫ ᱴᱤᱠᱮᱴ ᱵᱩᱠᱤᱝ ᱠᱚᱣᱩᱱᱴᱚᱨ, ᱮᱯᱷ ᱟᱨ ᱵᱤ ᱟᱣᱩᱴᱞᱮᱴ ᱟᱨ ᱠᱮᱵᱽ ᱵᱩᱠᱤᱝ ᱥᱮᱵᱟ ᱢᱮᱱᱟᱜᱼᱟ ᱾

ᱨᱟᱱᱣᱮ

ᱥᱟᱯᱲᱟᱣ

ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱒,᱘᱐᱐ ᱢᱤᱴᱚᱨ ᱨᱟᱱᱣᱮ (ᱡᱟᱦᱟᱸ ᱫᱚ ᱓,᱓᱑᱕ ᱢᱤᱴᱚᱨ ᱫᱷᱟᱹᱨᱤᱡ ᱛᱮᱭᱟᱨᱚᱜᱼᱟ) CAT I ᱤᱱᱥᱴᱨᱩᱢᱮᱱᱴ ᱞᱟᱱᱰᱤᱝ ᱥᱤᱥᱴᱮᱢ (ILS) ᱛᱮ ᱟᱯᱱᱟᱨ ᱟᱠᱟᱱᱟ ᱟᱨ ᱮᱭᱟᱨᱵᱟᱥ A᱓᱒᱐ ᱟᱨ ᱵᱚᱭᱤᱝ ᱗᱓᱗ ᱞᱮᱠᱟᱱ ᱱᱟᱱᱦᱟ ᱦᱚᱲᱢᱚ ᱣᱟᱜ ᱩᱰᱟᱹᱜ ᱜᱟᱹᱰᱤ ᱠᱚ ᱦᱟᱛᱟᱣ ᱫᱟᱲᱮᱭᱟᱜᱼᱟ ᱾ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱮᱯᱨᱚᱱ ᱨᱮ ᱯᱩᱱᱭᱟᱹ ᱯᱟᱨᱠᱤᱝ ᱵᱮ ᱟᱨ ᱢᱤᱫᱴᱟᱹᱝ ᱦᱮᱞᱤᱯᱮᱰ ᱢᱮᱱᱟᱜᱼᱟ ᱾

ᱮᱭᱟᱨᱞᱟᱭᱤᱱᱥ ᱟᱨ ᱰᱮᱥᱴᱤᱱᱮᱥᱚᱱ ᱠᱚ

ᱥᱟᱯᱲᱟᱣ

ᱩᱰᱷᱟᱹᱣ ᱥᱟᱹᱜᱩᱱ ᱛᱟᱭᱚᱢ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱨᱮ ᱮᱞᱤᱭᱟᱸᱥ ᱮᱭᱟᱨ, ᱥᱯᱟᱭᱤᱥ ᱡᱮᱴ ᱟᱨ ᱮᱭᱟᱨ ᱤᱱᱰᱤᱭᱟ ᱦᱚᱛᱮᱛᱮ ᱠᱚᱞᱠᱟᱛᱟ ᱞᱟᱹᱜᱤᱫ ᱩᱰᱟᱹᱜ ᱠᱟᱱ ᱛᱟᱦᱮᱸ ᱠᱟᱱᱟ ᱾ ᱢᱮᱱᱠᱷᱟᱱ, ᱛᱤᱱᱟᱹᱜ ᱪᱟᱸᱫᱚ ᱛᱟᱭᱚᱢ ᱩᱰᱟᱹᱜ ᱫᱚ ᱵᱚᱸᱫᱽ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱛᱤᱱᱟᱹᱜ ᱥᱮᱨᱢᱟ ᱨᱮ, ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱫᱚ ᱤᱱᱰᱤᱜᱳ ᱦᱚᱛᱮᱛᱮ ᱮᱴᱟᱜ ᱢᱩᱬ ᱢᱮᱴᱨᱚ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱮ ᱧᱟᱢ ᱠᱮᱫᱼᱟ ᱾

ᱥᱮᱯᱴᱮᱢᱵᱚᱨ ᱒᱐᱒᱔ ᱫᱷᱟᱹᱨᱤᱡ, ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱮᱭᱟᱨᱞᱟᱭᱤᱱᱥ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱥᱚᱡᱷᱮ ᱩᱰᱟᱹᱣ ᱪᱟᱪᱞᱟᱣ ᱮᱫᱟ:

AirlinesDestinationsRefs
ᱤᱱᱰᱤᱜᱳ ᱵᱮᱝᱜᱟᱞᱩᱨᱩ, ᱵᱷᱩᱵᱽᱱᱮᱥᱚᱨ, ᱪᱮᱱᱱᱟᱭ,[᱑᱕] ᱫᱤᱞᱞᱤ, ᱜᱩᱣᱟᱦᱟᱴᱤ,[᱑᱖] ᱦᱟᱭᱫᱽᱨᱟᱵᱟᱫᱽ, ᱢᱩᱢᱵᱟᱭ, ᱥᱤᱞᱤᱜᱩᱲᱤ[᱑᱖][᱑᱗][᱑᱘][᱑᱙][᱒᱐][᱒᱑]

ᱡᱚᱲᱟᱣ

ᱥᱟᱯᱲᱟᱣ

ᱥᱚᱲᱚᱠ

ᱥᱟᱯᱲᱟᱣ

ᱩᱰᱟᱹᱱ ᱰᱟᱹᱦᱤ ᱫᱚ ᱥᱚᱲᱚᱠ ᱰᱟᱦᱟᱨ ᱤᱫᱤ ᱛᱮ ᱫᱩᱨᱜᱟᱯᱩᱨ ᱠᱷᱚᱱ ᱟᱹᱰᱤ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱙ ᱦᱚᱛᱮᱛᱮ ᱨᱟᱹᱱᱤᱜᱚᱸᱡᱽ ᱟᱨ ᱟᱥᱟᱱᱥᱳᱞ ᱠᱷᱚᱱ ᱦᱚᱸ ᱡᱚᱲᱟᱣ ᱟᱠᱟᱱᱟ ᱾ ᱩᱰᱟᱹᱱ ᱰᱟᱹᱦᱤ ᱥᱮᱴᱮᱨᱚᱜ ᱞᱟᱹᱜᱤᱫ ᱟᱨ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱡᱟᱦᱟᱸᱭ ᱠᱚ ᱪᱟᱞᱟᱜ ᱠᱟᱱᱟ ᱩᱱᱠᱩ ᱞᱟᱹᱜᱤᱫ ᱰᱮᱰᱤᱠᱮᱴᱮᱰ ᱥᱮᱵᱟ ᱢᱮᱱᱟᱜᱼᱟ ᱾

ᱨᱮᱞᱣᱮ

ᱥᱟᱯᱲᱟᱣ

ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱥᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱟᱱᱰᱟᱞ ᱡᱚᱸᱠᱥᱚᱱ (UDL) ᱠᱟᱱᱟ, ᱡᱟᱦᱟᱸ ᱫᱚ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱑᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱟᱨ ᱮᱴᱟᱜ ᱥᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱣᱟᱨᱤᱭᱟ (OYR) ᱟᱨ ᱫᱩᱨᱜᱟᱯᱩᱨ (DGR) ᱠᱟᱱᱟ, ᱡᱟᱦᱟᱸ ᱫᱚ ᱥᱚᱲᱚᱠ ᱰᱟᱦᱟᱨ ᱠᱷᱚᱱ ᱑᱘ ᱠᱤᱞᱚᱢᱤᱴᱚᱨ ᱟᱨ ᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ

ᱥᱟᱯᱲᱟᱣ
  1. ↑ Mishra, Mihir. "Bengal's Kazi Nazrul Islam Airport receives final regulatory approval – The Economic Times". The Economic Times. Economictimes.indiatimes.com. Retrieved 30 April 2017.
  2. ↑ "Annexure III – Passenger Data" (PDF). aai.aero. Retrieved 22 April 2024.
  3. ↑ "Annexure II – Aircraft Movement Data" (PDF). aai.aero. Retrieved 22 April 2024.
  4. ↑ "Annexure IV – Freight Movement Data" (PDF). aai.aero. Retrieved 22 April 2024.
  5. ↑ "Durgapur Airport (RDP) or Kazi Nazrul Islam Airport". goindigo. Retrieved 2 September 2024.
  6. ↑ "Jindal-led JSW Group to invest in Durgapur airport". The Times Of India (in ᱟᱝᱜᱽᱨᱮᱡᱤ). 13 July 2024.
  7. ↑ "Profile on Kazi Nazrul Islam International Airport". CAPA. Retrieved 5 August 2014.
  8. ↑ "Traffic News for the month of March 2019: Annexure-III" (PDF). Airports Authority of India. pp. 4–5. Retrieved 1 May 2019.
  9. ↑ "Bengal Aerotropolis Projects gets DGCA nod for airport". Business Standard. 27 April 2015. Retrieved 27 April 2015.
  10. ↑ "Narendra Modi first passenger to use Durgapur airport". The Economic Times. 11 May 2015. Retrieved 11 May 2015.
  11. ↑ Mishra, Mihir (18 May 2015). "Air India operates inaugural flight between Durgapur & Kolkata". Economic Times. Retrieved 19 May 2015.
  12. ↑ "Rechristened Bengal aerotropolis unveiled". Business Standard. 20 September 2013. Retrieved 5 August 2014.
  13. ↑ "Jindal-led JSW Group to invest in Durgapur airport". The Times Of India (in ᱟᱝᱜᱽᱨᱮᱡᱤ). 13 July 2024.
  14. ↑ ᱑᱔.᱐ ᱑᱔.᱑ "Aerotropolis to bank on service, not size". The Times of India. 10 February 2012. Retrieved 5 August 2014.
  15. ↑ "IndiGo to launch direct flight connectivity from Chennai to Durgapur from May 16". The Telegraph (in ᱟᱝᱜᱽᱨᱮᱡᱤ). 19 April 2024. Retrieved 22 April 2024.
  16. ↑ ᱑᱖.᱐ ᱑᱖.᱑ Pall, Samreen (11 June 2024). "Durgapur: New Direct Flights To Bhubaneswar, Bagdogra, And Guwahati End". News18 (in ᱟᱝᱜᱽᱨᱮᱡᱤ). Retrieved 11 June 2024.
  17. ↑ "Flight Information". 7 May 2021. Retrieved 22 July 2021.
  18. ↑ "Indigo to operate 22 new domestic flights from 28 March". www.livemint.com. Retrieved 11 February 2021.
  19. ↑ "Unveiling our all-new domestic destination - Durgapur, a beautiful city in West Bengal". IndiGo. Retrieved 23 February 2021.
  20. ↑ "Durgapur airport is now connected to 8 cities in India with direct flights".
  21. ↑ "Flight Information". kniairport.com. 7 May 2021. Retrieved 19 August 2021.

ᱵᱟᱦᱨᱮ ᱡᱚᱱᱚᱲ

ᱥᱟᱯᱲᱟᱣ
"https://sat.wikipedia.org/w/index.php?title=ᱠᱟᱡᱤ_ᱱᱟᱡᱽᱨᱩᱞ_ᱤᱥᱞᱟᱢ_ᱩᱰᱟᱹᱱ_ᱰᱟᱹᱦᱤ&oldid=155383" ᱠᱷᱚᱱ ᱧᱟᱢ ᱟᱹᱜᱩᱭ