ᱣᱤᱠᱤᱯᱤᱰᱤᱭᱟ

ᱠᱨᱤᱠᱮᱴ ᱡᱮᱜᱮᱫ ᱠᱟᱯ

ᱠᱨᱤᱠᱮᱴ ᱡᱮᱜᱮᱫ ᱠᱟᱯ, ᱡᱟᱦᱟᱸ ᱫᱚ ᱥᱚᱨᱠᱟᱨᱤ ᱞᱮᱠᱟᱛᱮ ᱟᱭ.ᱥᱤ.ᱥᱤ ᱠᱚᱲᱟ ᱠᱚᱣᱟᱜ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱧᱩᱛᱩᱢ ᱛᱮ ᱩᱯᱨᱩᱢᱚᱜᱼᱟ , ᱢᱤᱫ ᱢᱟᱦᱟ ᱨᱮᱭᱟᱜ ᱡᱮᱜᱮᱫ ᱡᱟᱠᱟᱛ (ᱳ.ᱰᱤ.ᱟᱭ ᱠᱨᱤᱠᱮᱴ) ᱡᱮᱜᱮᱫ ᱡᱟᱠᱟᱛ ᱪᱮᱢᱯᱤᱭᱚᱱᱥᱤᱯ ᱠᱟᱱᱟ᱾[᱑] ᱠᱷᱮᱞᱚᱸᱰ ᱨᱮᱭᱟᱜ ᱪᱟᱪᱟᱞᱟᱣ ᱥᱮᱢᱞᱮᱫ 'ᱡᱮᱜᱮᱫ ᱡᱟᱠᱟᱛ ᱠᱨᱤᱠᱮᱴ ᱠᱟᱣᱩᱱᱥᱤᱱᱚᱞ' (ᱟᱭ.ᱥᱤ.ᱥᱤ) ᱫᱟᱨᱟᱭ ᱛᱮ ᱡᱚᱛᱚ ᱯᱩᱱ ᱥᱮᱨᱢᱟ ᱛᱟᱭᱚᱢ ᱟᱠᱷᱲᱟ ᱫᱚ ᱥᱟᱯᱲᱟᱣ ᱦᱳᱭᱳᱜᱼᱟ , ᱡᱟᱦᱟᱸ ᱨᱮ ᱮᱛᱚᱦᱚᱵ ᱞᱮᱠᱟᱛᱮ ᱢᱤᱫᱴᱟᱝ ᱯᱷᱤᱱᱮᱞ ᱴᱩᱨᱱᱟᱢᱮᱱᱴ ᱦᱟᱹᱵᱤᱡ ᱠᱚ ᱦᱟᱢᱮᱴᱼᱟ᱾ ᱴᱩᱨᱱᱟᱢᱮᱱᱴ ᱫᱚ ᱡᱮᱜᱮᱫ ᱨᱮᱭᱟᱜ ᱡᱚᱛᱚ ᱠᱷᱚᱱ ᱰᱷᱮᱨ ᱧᱮᱞ ᱟᱱ ᱠᱷᱮᱞᱚᱸᱰ ᱟᱠᱷᱲᱟ ᱠᱚ ᱢᱩᱫᱨᱮ ᱢᱤᱫᱴᱟᱝ ᱟᱨ ᱟᱭ.ᱥᱤ.ᱥᱤ ᱫᱟᱨᱟᱭ ᱛᱮ ᱡᱮᱜᱮᱫ ᱡᱟᱠᱟᱛ ᱠᱨᱤᱠᱮᱴ ᱠᱮᱞᱮᱱᱰᱟᱨ ᱨᱮᱭᱟᱜ ᱥᱚᱨᱮᱥ ᱟᱠᱷᱲᱟ ᱞᱮᱠᱟᱛᱮ ᱢᱟᱱᱟᱣ ᱦᱩᱭᱩᱜᱼᱟ᱾

᱑᱙᱗᱕ ᱥᱮᱨᱢᱟ ᱨᱮᱭᱟᱜ ᱡᱩᱱ ᱪᱟᱸᱫᱳ ᱨᱮ ᱤᱝᱞᱮᱱᱰ ᱨᱮ ᱯᱳᱭᱞᱳ ᱡᱮᱜᱮᱫ ᱠᱟᱯ ᱨᱮᱭᱟᱜ ᱥᱟᱯᱲᱟᱣ ᱦᱩᱭ ᱞᱮᱱᱟ, ᱡᱟᱸᱦᱟ ᱢᱩᱫᱨᱮ ᱥᱩᱢᱩᱝ ᱯᱩᱱ ᱥᱮᱨᱢᱟ ᱞᱟᱦᱟ ᱯᱳᱭᱞᱳ ᱢᱤᱫ ᱢᱟᱦᱟ ᱨᱮᱭᱟᱜ ᱠᱨᱤᱠᱮᱴ ᱢᱮᱪ ᱦᱳᱭ ᱞᱮᱱᱟ᱾ ᱢᱮᱱᱠᱷᱟᱱ, ᱯᱳᱭᱞᱳ ᱠᱚᱲᱟ ᱠᱚᱣᱟᱜ ᱦᱮᱯᱨᱟᱣ ᱨᱮᱭᱟᱜ ᱵᱟᱨ ᱥᱮᱨᱢᱟ ᱞᱟᱦᱟ ᱢᱤᱫᱴᱟᱝ ᱵᱷᱮᱜᱟᱨ ᱛᱤᱨᱞᱟᱹ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱦᱳᱭ ᱞᱮᱱᱟ ᱟᱨ ᱑᱙᱑᱒ ᱥᱮᱨᱢᱟ ᱨᱮᱭᱟᱜ ᱮᱛᱚᱦᱚᱵ ᱥᱮᱫ ᱟᱭᱢᱟ ᱡᱮᱜᱮᱫ ᱡᱟᱠᱟᱛ ᱫᱚᱞ ᱥᱮᱞᱮᱫ ᱢᱤᱫᱴᱟᱝ ᱦᱮᱯᱨᱟᱣ ᱦᱳᱭ ᱞᱮᱱᱟ, ᱡᱚᱠᱷᱚᱱ ᱚᱥᱴᱨᱮᱞᱤᱭᱟ - ᱤᱝᱞᱮᱱᱰ ᱟᱨ ᱮᱛᱚᱢ ᱟᱯᱷᱨᱤᱠᱟ ᱢᱩᱫᱨᱮ ᱴᱮᱥᱴ ᱢᱮᱪ ᱨᱮᱭᱟᱜ ᱢᱤᱫᱴᱟᱝ ᱯᱮᱼᱫᱤᱥᱚᱢ ᱦᱮᱯᱨᱟᱣ ᱠᱷᱮᱞ ᱞᱮᱱᱟ᱾ ᱯᱳᱭᱞᱳ ᱯᱮᱭᱟ ᱡᱮᱜᱮᱫ ᱠᱟᱯ ᱤᱝᱜᱞᱮᱱᱰᱨᱮ ᱦᱳᱭ ᱞᱮᱱᱟ ᱾ ᱑᱙᱘᱗ ᱥᱮᱨᱢᱟ ᱨᱮᱭᱟᱜ ᱦᱮᱯᱨᱟᱣ ᱛᱟᱭᱚᱢ ᱠᱷᱚᱱ, ᱢᱤᱫᱴᱟᱝ ᱵᱮᱼᱥᱚᱨᱠᱟᱨᱤ ᱟᱹᱪᱩᱨ ᱵᱚᱱᱫᱮᱡ ᱨᱮᱭᱟᱜ ᱟᱶᱛᱟ ᱨᱮ ᱫᱤᱥᱚᱢ ᱠᱚ ᱢᱩᱫᱨᱮ ᱥᱟᱯᱲᱟᱣ ᱦᱟᱹᱴᱤᱧ ᱦᱩᱭ ᱟᱠᱟᱱᱟ, ᱡᱟᱦᱟᱸ ᱨᱮ ᱜᱮᱞ ᱯᱩᱱ ᱜᱚᱴᱟᱜ ᱟᱭ.ᱥᱤ.ᱥᱤ ᱨᱟᱹᱥᱤᱭᱟᱹ ᱦᱮᱯᱨᱟᱣ ᱨᱮ ᱠᱚᱢ ᱨᱮ ᱢᱤᱫᱴᱟᱝ ᱢᱮᱪ ᱥᱟᱯᱲᱟᱣ ᱟᱠᱟᱫᱟ᱾

ᱱᱟᱦᱟᱜ ᱯᱷᱚᱨᱢᱮᱴ ᱨᱮ ᱢᱤᱫᱴᱟᱝ ᱵᱟᱪᱷᱱᱟᱣ ᱨᱮᱭᱟᱜ ᱦᱚᱨᱟ ᱥᱮᱞᱮᱫ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱟᱲᱟᱝ ᱯᱮ ᱥᱮᱨᱢᱟ ᱨᱮ ᱦᱳᱭᱳᱜᱼᱟ, ᱡᱟᱦᱟᱸ ᱛᱮ ᱜᱚᱴᱟ ᱫᱟᱲᱮᱭᱟᱜᱼᱟ ᱡᱮ ᱚᱠᱟ ᱜᱟᱫᱮᱞ ᱦᱮᱯᱨᱟᱣ ᱨᱮᱭᱟᱜ ᱦᱚᱨᱟ ᱞᱟᱹᱜᱤᱫ ᱠᱚ ᱵᱟᱪᱷᱟᱣ ᱞᱮᱱᱟ᱾ ᱦᱮᱯᱨᱟᱣ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱑᱐ ᱜᱚᱴᱟᱝ ᱫᱚᱞ, ᱡᱟᱦᱟᱸ ᱢᱩᱫᱨᱮ ᱥᱟᱯᱲᱟᱣᱤᱡ ᱫᱤᱥᱚᱢ ᱫᱚ ᱟᱡᱛᱮ ᱠᱚ ᱵᱟᱪᱷᱟᱣ ᱮᱭᱟ, ᱛᱷᱟᱭᱤ ᱫᱤᱥᱚᱢ ᱢᱩᱫᱨᱮ ᱴᱷᱟᱶ ᱨᱮ ᱢᱤᱫ ᱪᱟᱸᱫᱚ ᱦᱟᱹᱵᱤᱡ ᱠᱷᱮᱹᱞᱳᱰ ᱞᱟᱹᱜᱤᱫ ᱦᱮᱯᱨᱟᱣᱚᱜᱼᱟ᱾ ᱒᱐᱒᱗ ᱥᱮᱨᱢᱟ ᱨᱮᱭᱟᱜ ᱨᱟᱫᱟ ᱨᱮ ᱑᱔ ᱜᱚᱴᱟᱝ ᱜᱟᱫᱮᱞ ᱨᱮᱭᱟᱜ ᱢᱩᱪᱟᱹᱫ ᱦᱮᱯᱨᱟᱣ ᱯᱟᱥᱱᱟᱣ ᱞᱟᱹᱜᱤᱫ ᱯᱷᱚᱨᱢᱮᱴ ᱫᱚ ᱵᱚᱱᱚᱫᱚᱞ ᱦᱳᱭᱳᱜᱼᱟ᱾[᱒]

ᱴᱩᱨᱱᱟᱢᱮᱱᱴ ᱨᱮᱭᱟᱜ ᱜᱮᱼᱵᱟᱨ ᱜᱚᱴᱟᱝ ᱨᱟᱫᱟ ᱨᱮ ᱜᱩᱴ ᱵᱟᱨᱜᱮ ᱜᱚᱴᱟᱝ ᱫᱚᱞ ᱠᱚ ᱦᱮᱯᱨᱟᱣ ᱟᱠᱟᱫᱟ, ᱡᱟᱦᱟᱸ ᱢᱩᱫᱨᱮ ᱜᱮᱞ ᱜᱚᱴᱟᱝ ᱫᱚᱞ ᱱᱟᱦᱟᱜ ᱒᱐᱑᱙ ᱦᱮᱯᱨᱟᱣ ᱨᱮ ᱦᱮᱯᱨᱟᱣ ᱟᱠᱟᱫᱟ ᱠᱚ᱾ ᱚᱥᱴᱨᱮᱞᱤᱭᱟ ᱢᱚᱬᱮ ᱫᱷᱟᱣ ᱦᱮᱯᱨᱟᱣ ᱨᱮ ᱡᱤᱛᱠᱟᱹᱨ ᱟᱠᱟᱱᱟ᱾ ᱵᱷᱟᱨᱚᱛ ᱟᱨ ᱳᱭᱮᱥᱴ ᱤᱱᱰᱤᱡᱽ ᱵᱟᱨ ᱫᱷᱟᱣᱜᱮ ᱡᱤᱛᱠᱟᱹᱨ ᱟᱠᱟᱱᱟ, ᱮᱴᱟᱜ ᱥᱮᱫ ᱯᱟᱠᱤᱥᱛᱟᱱ, ᱥᱨᱤᱞᱚᱝᱠᱟ ᱟᱨ ᱤᱝᱜᱞᱮᱱᱰ ᱢᱤᱫ ᱫᱷᱟᱣᱛᱮ ᱡᱤᱛᱠᱟᱹᱨ ᱟᱠᱟᱱᱟ᱾ ᱒᱐᱐᱓ ᱥᱮᱨᱢᱟ ᱨᱮᱭᱟᱜ ᱦᱮᱯᱨᱟᱣ ᱨᱮ ᱥᱮᱢᱤᱼᱯᱷᱟᱭᱱᱟᱞ ᱨᱮ ᱠᱮᱱᱭᱟ ᱥᱮᱴᱮᱨ ᱠᱟᱛᱮ ᱢᱤᱫᱴᱟᱝ ᱵᱟᱝᱼᱯᱷᱩᱞᱼᱢᱮᱢᱵᱚᱨᱟᱱ ᱫᱚᱞ ᱥᱚᱨᱮᱥ ᱮ ᱩᱫᱩᱜ ᱥᱚᱫᱚᱨ ᱞᱮᱫᱟ᱾

᱒᱐᱑᱙ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱨᱟᱫᱟ ᱡᱤᱛᱠᱟᱹᱨ ᱛᱟᱭᱚᱢ ᱤᱝᱞᱮᱱᱰ ᱦᱩᱭᱩᱜ ᱠᱟᱱᱟ ᱱᱟᱦᱟᱜ ᱪᱟᱢᱯᱤᱭᱚᱱ᱾ ᱵᱷᱟᱨᱚᱛ ᱨᱮ ᱒᱐᱒᱓ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱮᱦᱚᱵ ᱟᱠᱟᱱᱟ ᱟᱨ ᱛᱟᱭᱚᱢ ᱫᱟᱨᱟᱢ ᱒᱐᱒᱗ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱮᱛᱚᱢ ᱟᱯᱷᱨᱤᱠᱟ, ᱡᱤᱢᱵᱟᱵᱩᱭᱮ ᱟᱨ ᱱᱟᱢᱵᱤᱭᱟ ᱨᱮ ᱡᱳᱴ ᱞᱮᱠᱟᱛᱮ ᱥᱟᱯᱲᱟᱣ ᱦᱩᱭᱩᱜᱼᱟ᱾

ᱱᱟᱜᱟᱢ

ᱥᱟᱯᱲᱟᱣ
ᱡᱤᱛᱠᱟᱹᱨ ᱠᱨᱮᱠᱮᱴ ᱡᱮᱜᱮᱫ ᱠᱟᱯ
ᱥᱮᱨᱢᱟ ᱪᱟᱢᱯᱤᱭᱚᱱ
᱑᱙᱗᱕   ᱣᱮᱥᱴ ᱤᱱᱰᱤᱡᱽ
᱑᱙᱗᱙   ᱣᱮᱥᱴ ᱤᱱᱰᱤᱡᱽ (2)
᱑᱙᱘᱓   ᱥᱤᱧᱚᱛ
᱑᱙᱘᱗   ᱚᱥᱴᱨᱮᱞᱤᱭᱟ
᱑᱙᱙᱒   ᱯᱟᱠᱤᱥᱛᱟᱱ
᱑᱙᱙᱖   ᱥᱨᱤᱞᱚᱝᱠᱟ
᱑᱙᱙᱙   ᱚᱥᱴᱨᱮᱞᱤᱭᱟ (2)
᱒᱐᱐᱓   ᱚᱥᱴᱨᱮᱞᱤᱭᱟ (3)
᱒᱐᱐᱗   ᱚᱥᱴᱨᱮᱞᱤᱭᱟ (4)
᱒᱐᱑᱑   ᱥᱤᱧᱚᱛ (2)
᱒᱐᱑᱕   ᱚᱥᱴᱨᱮᱞᱤᱭᱟ (5)
᱒᱐᱑᱙   ᱤᱝᱞᱮᱱᱰ
᱒᱐᱒᱓ ᱵᱟᱰᱟᱭᱚᱜᱼᱟ ᱦᱟᱜ
᱒᱐᱒᱗ ᱵᱟᱰᱟᱭᱚᱜᱼᱟ ᱦᱟᱜ
᱒᱐᱓᱑ ᱵᱟᱰᱟᱭᱚᱜᱼᱟ ᱦᱟᱜ
ᱢᱩᱬ ᱚᱱᱚᱞ: ᱠᱨᱤᱠᱮᱴ ᱡᱮᱜᱮᱛ ᱠᱟᱯ ᱨᱮᱭᱟᱜ ᱱᱟᱜᱟᱢ

᱑᱘᱔᱔ ᱨᱮᱭᱟᱜ ᱒᱔ ᱟᱨ ᱒᱕ ᱥᱮᱯᱴᱮᱢᱵᱚᱨ ᱠᱟᱱᱟᱰᱟ ᱟᱨ ᱢᱟᱨᱠᱤᱱ ᱡᱩᱠᱛᱚᱨᱟᱥᱴᱨᱚ ᱢᱩᱫᱨᱮ ᱯᱳᱭᱞᱳ ᱡᱮᱜᱮᱫ ᱡᱟᱠᱟᱛ ᱠᱨᱤᱠᱮᱴ ᱢᱮᱪ ᱦᱳᱭ ᱞᱮᱱᱟ᱾[᱓] ᱢᱮᱱᱠᱷᱟᱱ ᱑᱘᱗᱗ ᱥᱮᱨᱢᱟ ᱨᱮ ᱯᱳᱭᱞᱳ ᱴᱮᱥᱴ ᱢᱮᱪ ᱫᱚ ᱚᱥᱴᱨᱮᱞᱤᱭᱟ ᱟᱨ ᱤᱝᱞᱮᱱᱰ ᱢᱩᱫᱨᱮ ᱦᱳᱭ ᱞᱮᱱᱟ ᱟᱨ ᱛᱟᱭᱚᱢ ᱫᱟᱨᱟᱢ ᱥᱮᱨᱢᱟ ᱨᱮ ᱵᱟᱱᱟᱨ ᱫᱚᱞ ᱞᱮᱛᱟᱲ ᱠᱷᱮᱞᱚᱸᱰ ᱞᱟᱹᱜᱤᱫ ᱜᱚᱴᱟᱼᱵᱩᱴᱟᱹ ᱠᱷᱮᱞᱳᱰ ᱠᱚ ᱠᱚᱨᱟᱣ ᱮᱫᱟ᱾ ᱑᱘᱙᱘ ᱥᱮᱨᱢᱟ ᱨᱮ ᱮᱛᱚᱢ ᱟᱯᱷᱨᱤᱠᱟ ᱴᱮᱥᱴ ᱨᱮᱭᱟᱜ ᱢᱟᱹᱱᱮ ᱦᱟᱢᱮᱴ ᱞᱮᱫᱟ᱾[᱔] ᱢᱤᱫ ᱵᱟᱨ ᱜᱟᱫᱮᱞ ᱥᱟᱸᱜᱷᱟᱨ ᱞᱟᱹᱜᱤᱫ ᱟᱹᱭᱩᱨᱤᱭᱟᱹ ᱠᱨᱮᱠᱮᱴ ᱫᱚᱞ ᱠᱚ ᱵᱟᱪᱷᱱᱟᱣ ᱦᱳᱭ ᱞᱮᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱵᱟᱨ ᱫᱤᱥᱚᱢ ᱨᱮ ᱦᱮᱯᱨᱟᱣ ᱦᱳᱭ ᱞᱮᱱᱟ᱾ ᱑᱙᱐᱐ ᱥᱮᱨᱢᱟ ᱨᱮᱭᱟᱜ ᱯᱮᱨᱤᱥ ᱜᱮᱢᱥ ᱨᱮ ᱠᱨᱤᱠᱮᱴ ᱫᱚ ᱢᱤᱫᱴᱟᱝ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱞᱮᱠᱟᱛᱮ ᱥᱮᱞᱮᱫ ᱦᱩᱭ ᱞᱮᱱᱟ, ᱡᱟᱦᱟᱸᱨᱮ ᱜᱨᱮᱴ ᱵᱨᱤᱴᱮᱱ ᱫᱚ ᱯᱷᱮᱨᱟᱱᱥ ᱦᱟᱨᱟᱣ ᱠᱟᱛᱮ ᱥᱳᱱᱟ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟ᱾[᱕] ᱱᱚᱣᱟ ᱫᱚ ᱥᱤᱛᱩᱝ ᱚᱞᱮᱢᱯᱤᱠ ᱨᱮᱭᱟᱜ ᱢᱤᱫᱴᱟᱝ ᱥᱩᱢᱩᱝ ᱥᱮᱞᱮᱫ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱠᱨᱤᱠᱮᱴ ᱫᱚ ᱚᱞᱮᱢᱯᱤᱠ ᱨᱮ ᱠᱷᱮᱞ ᱦᱩᱭ ᱞᱮᱱᱟ᱾[᱖]

ᱡᱮᱜᱮᱫ ᱡᱟᱠᱟᱛ ᱛᱷᱟᱨ ᱨᱮ ᱯᱳᱭᱞᱳ ᱥᱟᱸᱜᱮ ᱦᱮᱯᱨᱟᱣ ᱫᱚ ᱛᱟᱦᱮᱸ ᱠᱟᱱᱟ ᱑᱙᱑᱒ ᱥᱮᱨᱢᱟ ᱨᱮᱭᱟᱜ ᱯᱮᱼᱫᱤᱥᱚᱢᱤᱭᱟᱹ ᱴᱩᱨᱱᱟᱢᱮᱱᱴ, ᱡᱟᱦᱟ ᱫᱚ ᱚᱱᱟ ᱚᱠᱛᱚ ᱯᱮᱭᱟ ᱴᱮᱥᱴ ᱠᱷᱮᱞᱳᱰᱤᱭᱟᱹ ᱫᱤᱥᱚᱢ: ᱤᱝᱞᱮᱱᱰ, ᱚᱥᱴᱨᱮᱞᱤᱭᱟ ᱟᱨ ᱮᱛᱚᱢ ᱟᱯᱷᱨᱤᱠᱟ ᱢᱩᱫ ᱨᱮ ᱠᱷᱮᱞ ᱟᱠᱟᱱ ᱢᱤᱫᱴᱟᱝ ᱴᱮᱥᱴ ᱠᱨᱤᱠᱮᱴ ᱴᱩᱨᱱᱟᱢᱮᱱᱴ ᱠᱟᱱᱟ᱾ ᱟᱠᱷᱲᱟ ᱫᱚ ᱵᱟᱝ ᱥᱤᱜᱤᱞ ᱞᱮᱱᱟ᱾ ᱠᱷᱮᱹᱞ ᱫᱤᱱ ᱫᱚ ᱟᱹᱰᱤ ᱫᱟᱜ ᱟᱱ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱛᱮ ᱫᱟᱜ ᱟᱱ ᱵᱟᱝ ᱵᱷᱟᱜᱮ ᱯᱤᱪ ᱨᱮ ᱠᱷᱮᱞ ᱫᱚ ᱟᱹᱰᱤ ᱟᱱᱟᱴ ᱞᱮᱱᱟ ᱟᱨ ᱵᱟᱹᱲᱤᱡ ᱠᱤᱠᱟᱨᱴ ᱠᱷᱟᱹᱛᱤᱨ ᱛᱮ ᱧᱮᱞ ᱦᱚᱲ ᱠᱚᱣᱟᱜ ᱥᱮᱞᱮᱫ ᱫᱚ ᱟᱹᱰᱤ ᱠᱚᱢ ᱛᱟᱦᱮᱸ ᱠᱟᱱᱟ᱾[᱗] ᱚᱱᱟ ᱛᱟᱭᱚᱢ ᱠᱷᱚᱱ ᱡᱮᱜᱮᱫ ᱡᱟᱠᱟᱛ ᱴᱮᱥᱴ ᱠᱨᱤᱠᱮᱴ ᱫᱚ ᱢᱮᱱᱮᱞᱟ ᱞᱮᱠᱟᱛᱮ ᱵᱟᱨᱼᱫᱤᱥᱚᱢ ᱥᱤᱨᱤᱡ ᱞᱮᱠᱟᱛᱮ ᱥᱟᱯᱲᱟᱣ ᱦᱩᱭ ᱟᱠᱟᱱᱟ᱾ ᱑᱙᱙᱙ ᱥᱮᱨᱢᱟ ᱨᱮ ᱯᱮᱼᱫᱤᱥᱚᱢ ᱮᱥᱤᱭᱟᱹ ᱴᱮᱥᱴ ᱪᱟᱢᱯᱤᱭᱚᱱᱥᱤᱯ ᱫᱷᱟᱹᱵᱤᱡ ᱟᱨᱦᱚᱸ ᱥᱟᱸᱜᱮ ᱫᱤᱥᱚᱢ ᱴᱮᱥᱴ ᱴᱩᱨᱱᱟᱢᱮᱱᱴ ᱥᱟᱯᱲᱟᱣ ᱵᱟᱝ ᱦᱩᱭ ᱟᱠᱟᱱᱟ᱾[᱘]

᱑᱙᱒᱘ ᱥᱮᱨᱢᱟ ᱨᱮ ᱳᱭᱮᱥᱴ ᱤᱱᱰᱤᱡ, ᱑᱙᱓᱐ ᱥᱮᱨᱢᱟ ᱨᱮ ᱱᱤᱭᱩᱡᱤᱞᱮᱱᱰ , ᱑᱙᱓᱒ ᱥᱮᱨᱢᱟ ᱨᱮ ᱵᱷᱟᱨᱚᱛ ᱟᱨ ᱑᱙᱕᱒ ᱥᱮᱨᱢᱟ ᱨᱮ ᱯᱟᱠᱤᱥᱛᱟᱱ ᱥᱮᱞᱮᱫ ᱥᱟᱶ ᱥᱟᱶᱛᱮ ᱴᱮᱥᱴ ᱠᱨᱤᱠᱮᱴ ᱠᱷᱮᱞᱳᱰᱤᱭᱟᱹ ᱫᱤᱥᱚᱢ ᱠᱚ ᱨᱮᱭᱟᱜ ᱮᱞ, ᱚᱠᱛᱚ ᱥᱟᱶ ᱥᱟᱶᱛᱮ ᱟᱹᱰᱤ ᱵᱟᱹᱲᱛᱤ ᱞᱮᱱᱟ᱾[᱙][᱑᱐][᱑᱑][᱑᱒] ᱮᱱᱛᱮ ᱨᱮᱦᱚᱸ, ᱡᱮᱜᱮᱫ ᱡᱟᱠᱟᱛ ᱠᱨᱤᱠᱮᱴ ᱯᱮ, ᱯᱩᱱ ᱟᱨ ᱢᱚᱬᱮ ᱢᱟᱦᱟ ᱵᱟᱨᱼᱫᱤᱥᱚᱢ ᱴᱮᱥᱴ ᱢᱮᱪ ᱞᱮᱠᱟᱛᱮ ᱠᱷᱮᱞ ᱦᱩᱭᱩᱜᱼᱟ᱾

᱑᱙᱖᱐ ᱜᱮᱞᱟᱝ ᱨᱮᱭᱟᱜ ᱮᱛᱚᱦᱚᱵ ᱥᱮᱫ ᱤᱝᱜᱞᱤᱥ ᱠᱟᱣᱩᱱᱴᱤ ᱠᱨᱤᱠᱮᱴ ᱫᱚᱞ ᱠᱚᱫᱚ ᱠᱨᱤᱠᱮᱴ ᱨᱮᱱᱟᱜ ᱢᱤᱫᱴᱟᱝ ᱦᱩᱰᱤᱧ ᱨᱩᱯ ᱠᱷᱮᱞ ᱮᱦᱚᱵ ᱞᱮᱫᱟ ᱡᱟᱦᱟᱸ ᱥᱩᱢᱩᱝ ᱢᱤᱫ ᱫᱤᱱ ᱞᱟᱹᱜᱤᱫ ᱛᱮ ᱦᱩᱭᱩᱜ ᱠᱟᱱ ᱛᱟᱦᱮᱱᱟ᱾ ᱑᱙᱖᱒ ᱥᱮᱨᱢᱟ ᱨᱮ ᱢᱮᱰᱞᱮᱱᱰᱥ ᱱᱟᱠᱼᱟᱣᱩᱴ ᱠᱟᱯ ᱧᱩᱛᱩᱢ ᱛᱮ ᱩᱯᱨᱩᱢ ᱢᱤᱫᱴᱟᱝ ᱯᱳᱱ ᱜᱟᱫᱮᱞ ᱱᱟᱠᱟᱣᱩᱴ ᱦᱮᱯᱨᱟᱣ ᱛᱟᱞᱟᱛᱮ ᱮᱦᱚᱵ ᱞᱮᱱᱟ ᱟᱨ ᱑᱙᱖᱓ ᱥᱮᱨᱢᱟ ᱨᱮ ᱮᱛᱚᱦᱚᱵ ᱡᱮᱞᱤᱴ ᱠᱟᱯ ᱛᱟᱞᱟᱛᱮ ᱪᱟᱞᱟᱣᱟᱱ ᱢᱤᱫ ᱢᱟᱦᱟ ᱨᱮᱱᱟᱜ ᱠᱨᱤᱠᱮᱴ ᱤᱝᱞᱮᱱᱰ ᱨᱮ ᱦᱚᱲ ᱠᱩᱥᱤ ᱵᱟᱹᱲᱛᱤ ᱞᱮᱫᱟ᱾[᱑᱓] ᱑᱙᱖᱙ ᱥᱮᱨᱢᱟ ᱨᱮ ᱢᱤᱫᱴᱟᱝ ᱡᱟᱹᱛᱤᱭᱟᱹᱨᱤ ᱥᱟᱱᱰᱮ ᱞᱤᱜᱽ ᱵᱮᱱᱟᱣ ᱞᱮᱱᱟ᱾ ᱑᱙᱗᱑ ᱥᱮᱨᱢᱟ ᱨᱮ ᱢᱮᱞᱵᱳᱨᱱ ᱨᱮ ᱤᱝᱞᱮᱱᱰ ᱟᱨ ᱚᱥᱴᱮᱨᱮᱞᱤᱭᱟ ᱢᱩᱫᱨᱮ ᱫᱟᱜᱛᱮ ᱵᱟᱹᱛᱤᱞ ᱴᱮᱥᱴ ᱢᱮᱪ ᱨᱮᱭᱟᱜ ᱢᱚᱬᱮ ᱟᱱᱟᱜ ᱫᱤᱱ ᱨᱮ ᱯᱳᱭᱞᱳ ᱢᱤᱫ ᱢᱟᱦᱟ ᱨᱮᱭᱟᱜ ᱡᱮᱜᱮᱫ ᱡᱟᱠᱟᱛ ᱢᱮᱪ ᱫᱚ ᱠᱷᱮᱞ ᱞᱮᱱᱟ, ᱡᱟᱦᱟᱸ ᱫᱚ ᱚᱠᱛᱚ ᱧᱟᱢ ᱞᱟᱹᱜᱤᱫ ᱟᱨ ᱟᱹᱲᱤᱥ ᱟᱠᱟᱱ ᱦᱚᱲ ᱠᱚ ᱞᱟᱹᱜᱤᱫ ᱠᱷᱚᱨᱚᱪ ᱞᱮᱠᱟᱛᱮ᱾ ᱱᱚᱶᱟ ᱫᱚ ᱛᱟᱦᱮᱸ ᱠᱟᱱᱟ ᱢᱤᱫ ᱯᱩᱱᱜᱮᱞ ᱳᱵᱷᱟᱨ ᱨᱮᱭᱟᱜ ᱢᱤᱫ ᱳᱵᱷᱟᱨ ᱨᱮ ᱤᱨᱟᱹᱞ ᱜᱚᱴᱟᱝ ᱠᱟᱛᱮ ᱵᱚᱞ ᱨᱮᱭᱟᱜ ᱠᱷᱮᱞᱚᱸᱰ᱾[᱑᱔] ᱤᱝᱞᱮᱱᱰ ᱟᱨ ᱡᱮᱜᱮᱫ ᱨᱮᱭᱟᱜ ᱮᱴᱟᱜ ᱦᱤᱸᱥ ᱨᱮ ᱫᱤᱥᱚᱢ ᱨᱮᱭᱟᱜ ᱢᱤᱫ ᱢᱟᱦᱟ ᱦᱮᱯᱨᱟᱣ ᱨᱮᱭᱟᱜ ᱥᱤᱜᱤᱞ ᱟᱨ ᱦᱚᱲ ᱠᱩᱥᱤ ᱰᱷᱮᱨ ᱥᱟᱶ ᱥᱟᱶᱛᱮ ᱯᱳᱭᱞᱳ ᱢᱤᱫ ᱢᱟᱦᱟ ᱡᱮᱜᱮᱫ ᱡᱟᱠᱟᱛ ᱠᱷᱮᱞ ᱟᱭ.ᱥᱤ.ᱥᱤ ᱫᱚ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱥᱟᱯᱲᱟᱣ ᱨᱮᱭᱟᱜ ᱠᱟᱛᱷᱟ ᱩᱭᱦᱟᱹᱨ ᱞᱟᱹᱜᱤᱫ ᱮ ᱩᱭᱦᱟᱹᱨ ᱞᱮᱫᱟ᱾[᱑᱕]

ᱯᱨᱤᱰᱮᱱᱥᱤᱭᱟᱞ ᱡᱮᱜᱮᱫ ᱠᱟᱯ (᱑᱙᱗᱕-᱑᱙᱘᱓)

ᱥᱟᱯᱲᱟᱣ
 
ᱯᱨᱤᱰᱮᱱᱥᱤᱭᱟᱞ ᱠᱟᱯ ᱴᱨᱚᱯᱷᱤ

᱑᱙᱗᱕ ᱥᱮᱨᱢᱟ ᱨᱮ ᱮᱛᱚᱦᱚᱵ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱨᱮᱭᱟᱜ ᱥᱟᱯᱲᱟᱣ ᱞᱮᱫᱟᱭ ᱤᱝᱞᱮᱱᱰ, ᱡᱟᱸᱦᱟ ᱫᱚ ᱚᱱᱟ ᱚᱠᱛᱚ ᱨᱮ ᱱᱚᱶᱟ ᱞᱮᱠᱟᱱ ᱢᱟᱨᱟᱝ ᱟᱠᱷᱲᱟ ᱠᱚᱨᱟᱣ ᱞᱟᱹᱜᱤᱫ ᱫᱟᱲᱮ ᱛᱟᱦᱮᱸ ᱠᱟᱱ ᱢᱤᱫ ᱦᱚᱲ ᱫᱤᱥᱚᱢ ᱛᱟᱦᱮᱸ ᱠᱟᱱᱟ᱾ ᱑᱙᱗᱕ ᱥᱮᱨᱢᱟ ᱨᱮᱭᱟᱜ ᱴᱩᱨᱱᱟᱢᱮᱱᱴ ᱗ ᱡᱩᱱ ᱠᱷᱚᱱ ᱮᱦᱚᱵ ᱞᱮᱱᱟ᱾[᱑᱖] ᱯᱳᱭᱞᱳ ᱯᱮᱭᱟ ᱟᱠᱷᱲᱟ ᱤᱝᱞᱮᱱᱰ ᱨᱮ ᱥᱟᱯᱲᱟᱣ ᱞᱮᱱᱟ ᱟᱨ ᱱᱚᱶᱟ ᱫᱚ ᱯᱨᱤᱰᱮᱱᱥᱤᱭᱟᱞ ᱯᱤ.ᱮᱞ.ᱥᱤ ᱟᱜ ᱧᱩᱛᱩᱢ ᱛᱮ ᱯᱨᱤᱰᱮᱱᱥᱤᱭᱟᱞ ᱠᱟᱯ ᱧᱩᱛᱩᱢ ᱛᱮ ᱩᱯᱨᱩᱢ ᱞᱮᱱᱟ᱾ ᱢᱮᱪ ᱠᱚ ᱢᱩᱫᱽᱨᱮ ᱛᱟᱦᱮᱸ ᱠᱟᱱᱟ ᱖᱐ ᱜᱚᱴᱟᱝ ᱛᱩᱨᱩᱭᱼᱵᱚᱞ ᱳᱵᱷᱟᱨ ᱡᱚᱛᱚ ᱫᱚᱞ ᱠᱚ ᱢᱩᱫᱽ ᱨᱮ, ᱡᱟᱦᱟᱸ ᱫᱚ ᱫᱤᱱ ᱨᱮᱭᱟᱜ ᱚᱠᱛᱮ ᱨᱮ ᱥᱮᱨᱣᱟ ᱟᱱᱟᱜ ᱨᱩᱯ ᱛᱮ ᱠᱷᱮᱞᱳᱰᱤᱭᱟᱹ ᱠᱚ ᱠᱤᱠᱟᱨᱴ ᱨᱮᱭᱟᱜ ᱫᱚᱛᱚ ᱠᱚ ᱦᱚᱨᱚᱜ ᱞᱮᱫᱟ ᱟᱨ ᱟᱨᱟᱜ ᱠᱨᱤᱠᱮᱴ ᱵᱚᱞ ᱠᱚ ᱵᱮᱣᱦᱟᱨ ᱞᱮᱫᱟ᱾[᱑᱗]

ᱯᱳᱭᱞᱳ ᱴᱩᱨᱱᱟᱢᱮᱱᱴ ᱨᱮ ᱤᱨᱟᱹᱞ ᱜᱚᱴᱟᱝ ᱫᱚᱞ ᱠᱚ ᱥᱮᱞᱮᱫ ᱞᱮᱱᱟ᱾ ᱚᱥᱴᱨᱮᱞᱤᱭᱟ, ᱤᱝᱞᱮᱱᱰ, ᱵᱷᱟᱨᱚᱛ, ᱱᱩᱭᱡᱤᱞᱮᱱᱰ, ᱯᱚᱤᱥᱛᱷᱟᱱ ᱟᱨ ᱳᱭᱮᱥᱴ ᱤᱱᱰᱤᱡ (ᱚᱱᱟ ᱚᱠᱛᱚ ᱛᱩᱨᱩᱭ ᱜᱚᱴᱟᱝ ᱴᱮᱥᱴ ᱫᱤᱥᱚᱢ), ᱢᱤᱫ ᱥᱟᱶᱛᱮ ᱥᱨᱤᱞᱟᱝᱠᱟ ᱟᱨ ᱯᱩᱨᱵᱚ ᱚᱯᱷᱨᱤᱠᱟ ᱠᱷᱚᱱ ᱢᱤᱫ ᱦᱟᱹᱴᱤᱧ ᱫᱚᱞ᱾[᱑᱘] ᱢᱤᱫᱴᱟᱝ ᱧᱩᱛᱩᱢᱟᱱ ᱵᱟᱛᱟᱣᱟᱜ ᱫᱚ ᱛᱟᱦᱮᱸ ᱠᱟᱱᱟ ᱮᱛᱚᱢ ᱚᱯᱷᱨᱤᱠᱟ , ᱡᱟᱦᱟᱸᱭ ᱠᱚᱫᱚ ᱨᱚᱝ ᱵᱷᱮᱯᱮᱜᱮᱫ ᱚᱡᱮᱛᱮ ᱡᱮᱜᱮᱫ ᱡᱟᱠᱟᱛ ᱠᱨᱤᱠᱮᱴ ᱠᱷᱚᱱ ᱵᱤᱴᱟᱹᱞ ᱦᱩᱭ ᱞᱮᱱᱟ᱾ ᱴᱩᱨᱱᱟᱢᱮᱱᱴ ᱨᱮ ᱳᱭᱮᱥᱴ ᱤᱱᱰᱤᱡ ᱠᱚ ᱡᱤᱛᱠᱟᱹᱨ ᱞᱮᱱᱟ, ᱡᱟᱦᱟᱸᱭ ᱠᱚᱫᱚ ᱞᱳᱨᱰᱥ ᱨᱮ ᱢᱩᱪᱟᱹᱫ ᱢᱮᱪᱨᱮ ᱚᱥᱴᱨᱮᱞᱤᱭᱟ ᱫᱚ ᱑᱗ ᱨᱟᱱ ᱛᱮ ᱦᱤᱨᱟᱹᱣ ᱞᱮᱫᱮᱭᱟ᱾[᱑᱘] ᱑᱙᱗᱕ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱨᱮᱭᱟᱜ ᱯᱷᱟᱭᱱᱮᱞ ᱚᱠᱛᱮ ᱳᱭᱮᱹᱥᱴ ᱤᱱᱰᱤᱡ ᱨᱮᱱ ᱨᱚᱭ ᱯᱷᱨᱮᱰᱨᱤᱠ ᱯᱳᱭᱞᱳ ᱵᱮᱴᱥᱢᱮᱱ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱳ.

..

ᱰᱤᱟᱭ ᱴᱮᱣᱤᱛᱼᱵᱷᱠᱞᱮᱱᱟᱭᱞᱮᱫᱟ ᱾[᱑᱙]


᱑᱙᱗᱙ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱨᱮ ᱡᱮᱜᱮᱫ ᱠᱟᱯ ᱞᱟᱹᱜᱤᱫ ᱵᱟᱝ ᱴᱮᱥᱴ ᱠᱷᱮᱞᱳᱰᱤᱭᱟᱹ ᱜᱟᱫᱮᱞ ᱵᱟᱪᱷᱱᱟᱣ ᱞᱟᱹᱜᱤᱫ ᱟᱭ.ᱥᱤ.ᱥᱤ ᱴᱨᱚᱯᱷᱤ ᱦᱮᱯᱨᱟᱣ ᱮᱛᱚᱦᱚᱵ ᱦᱩᱭ ᱞᱮᱱᱟ, ᱡᱟᱦᱟ ᱢᱩᱫᱨᱮ ᱥᱨᱤᱞᱚᱝᱠᱟ ᱟᱨ ᱠᱟᱱᱟᱰᱟ ᱟᱜ ᱠᱷᱮᱹᱞᱳᱰ ᱞᱟᱹᱜᱤᱫ ᱵᱟᱪᱷᱱᱟᱣ ᱦᱩᱭ ᱞᱮᱱᱟ᱾[᱒᱐][᱒᱑] ᱳᱭᱮᱹᱥᱴ ᱤᱱᱰᱤᱡ ᱫᱚ ᱫᱚᱥᱟᱨ ᱫᱷᱟᱣ ᱡᱮᱜᱮᱫ ᱠᱟᱯ ᱴᱩᱨᱱᱟᱢᱮᱱᱴ ᱨᱮ ᱡᱤᱛᱠᱟᱹᱨ ᱞᱮᱱᱟ, ᱢᱩᱪᱟᱹᱫ ᱨᱮ ᱟᱠᱷᱟᱲᱟ ᱥᱟᱯᱲᱟᱣ ᱟᱱ ᱤᱝᱞᱮᱱᱰ ᱫᱚ ᱙᱒ ᱨᱟᱱ ᱛᱮ ᱦᱤᱨᱟᱹᱣ ᱞᱮᱫᱮᱭᱟ᱾ ᱡᱮᱜᱮᱫ ᱠᱟᱯ ᱛᱟᱭᱚᱢ ᱢᱤᱫ ᱜᱟᱯᱟᱞᱢᱟᱨᱟᱣ ᱨᱮ ᱡᱮᱜᱮᱫ ᱡᱟᱠᱟᱛ ᱠᱨᱤᱠᱮᱴ ᱠᱚᱱᱯᱷᱟᱨᱮᱱᱥ ᱫᱚ ᱱᱚᱶᱟ ᱦᱮᱯᱨᱟᱣ ᱫᱚ ᱢᱤᱫ ᱯᱩᱱ ᱥᱮᱨᱢᱟᱠᱤᱭᱟᱹ ᱠᱚᱨᱟᱣ ᱞᱟᱹᱜᱤᱫ ᱮ ᱥᱤᱜᱤᱞ ᱞᱮᱫᱟ᱾[᱒᱑]

᱑᱙᱘᱓ ᱥᱮᱨᱢᱟ ᱨᱮᱭᱟᱜ ᱦᱮᱯᱨᱟᱣ ᱫᱚ ᱛᱮᱥᱟᱨ ᱫᱷᱟᱣ ᱞᱟᱹᱜᱤᱫ ᱤᱝᱞᱮᱱᱰ ᱫᱟᱨᱟᱭ ᱛᱮ ᱥᱟᱯᱲᱟᱣ ᱦᱩᱭ ᱞᱮᱱᱟ᱾ ᱱᱚᱶᱟ ᱚᱠᱛᱚ ᱢᱩᱫᱽᱨᱮ ᱥᱨᱤᱞᱚᱝᱠᱟ ᱴᱮᱥᱴ ᱠᱷᱮᱞᱳᱰᱤᱭᱟᱹ ᱫᱤᱥᱚᱢ ᱮ ᱵᱮᱱᱟᱣ ᱞᱮᱱᱟ ᱟᱨ ᱡᱤᱢᱵᱟᱵᱩᱭᱮ ᱟᱭ.ᱥᱤ.ᱥᱤ ᱴᱨᱚᱯᱷᱤ ᱛᱟᱞᱟᱛᱮ ᱵᱟᱪᱷᱱᱟᱣ ᱮ ᱦᱟᱢᱮᱴ ᱞᱮᱫᱟ᱾ ᱥᱴᱟᱢᱯ ᱠᱷᱚᱱ ᱓᱐ ᱤᱭᱟᱨᱰ (᱒᱗ ᱢᱤᱴᱟᱨ) ᱥᱟᱺᱜᱤᱧ ᱨᱮ ᱢᱤᱫᱴᱟᱝ ᱯᱷᱤᱞᱰᱤᱝ ᱥᱟᱨᱠᱮᱞ ᱮᱛᱚᱦᱚᱵ ᱞᱮᱱᱟ᱾ ᱥᱟᱱᱟᱢ ᱚᱠᱛᱮ ᱱᱚᱶᱟ ᱥᱟᱨᱠᱮᱞ ᱢᱩᱫᱨᱮ ᱯᱳᱱ ᱦᱚᱲ ᱯᱷᱤᱞᱰᱢᱮᱱ ᱛᱟᱦᱮᱸᱱ ᱞᱟᱹᱠᱛᱤ ᱠᱟᱱᱟ᱾[᱒᱒] ᱜᱟᱫᱮᱞ ᱠᱚ ᱱᱚᱠᱟᱣᱩᱴ ᱨᱮ ᱥᱮᱴᱮᱨᱚᱜ ᱞᱟᱦᱟ ᱵᱟᱨ ᱫᱷᱟᱣ ᱢᱤᱫ ᱵᱟᱨ ᱦᱚᱲ ᱥᱟᱶ ᱠᱚ ᱥᱟᱢᱟᱝ ᱫᱟᱯᱨᱟᱢ ᱞᱮᱱᱟ᱾ ᱢᱩᱪᱟᱹᱫ ᱨᱮ ᱳᱭᱮᱥᱴ ᱤᱱᱰᱤᱡ ᱫᱚ ᱔᱓ ᱨᱟᱱ ᱛᱮ ᱦᱤᱨᱟᱹᱣ ᱠᱟᱛᱮ ᱵᱷᱟᱨᱚᱛ ᱫᱚ ᱪᱟᱢᱯᱤᱭᱚᱱ ᱠᱚ ᱦᱩᱭ ᱞᱮᱱᱟ᱾[᱑᱕][᱒᱓]

ᱟᱭᱢᱟ ᱞᱮᱠᱟᱱ ᱪᱟᱢᱯᱤᱭᱚᱱ (᱑᱙᱘᱗-᱑᱙᱙᱖)

ᱥᱟᱯᱲᱟᱣ

ᱵᱷᱟᱨᱚᱛ ᱟᱨ ᱯᱟᱠᱤᱥᱛᱟᱱ ᱫᱚ ᱑᱙᱘᱗ ᱥᱮᱨᱢᱟ ᱨᱮ ᱡᱳᱴ ᱞᱮᱠᱟᱛᱮ ᱴᱩᱨᱱᱟᱢᱮᱱᱴ ᱠᱚ ᱥᱟᱯᱲᱟᱣ ᱞᱮᱫᱟ, ᱡᱟᱸᱦᱟ ᱫᱚ ᱯᱳᱭᱞᱳ ᱚᱠᱛᱮ ᱨᱮ ᱤᱝᱞᱮᱱᱰ ᱨᱮᱱᱟᱜ ᱵᱟᱦᱨᱮ ᱨᱮ ᱦᱮᱯᱨᱟᱣ ᱠᱚ ᱥᱟᱯᱲᱟᱣ ᱞᱮᱱᱟ᱾ ᱤᱝᱞᱮᱱᱰ ᱨᱮᱭᱟᱜ ᱠᱷᱮᱹᱞ ᱫᱤᱱ ᱠᱷᱚᱱ ᱫᱚᱵᱷᱟᱨᱚᱛ ᱩᱯᱚᱢᱟᱦᱟᱫᱤᱥᱚᱢ ᱨᱮ ᱫᱤᱱ ᱨᱮᱭᱟᱜ ᱚᱠᱛᱚ ᱠᱚᱢ ᱛᱟᱦᱮᱸᱱ ᱚᱡᱮᱛᱮ ᱱᱟᱦᱟᱜ ᱢᱟᱱᱚᱠ ᱞᱮᱠᱟᱛᱮ ᱠᱷᱮᱞᱚᱸᱰ ᱠᱚᱫᱚ ᱡᱚᱛᱚ ᱢᱮᱪ ᱨᱮ ᱖᱐ ᱠᱷᱚᱱ ᱕᱐ ᱳᱵᱷᱟᱨ ᱠᱚᱢ ᱦᱩᱭ ᱞᱮᱱᱟ᱾[᱒᱔]

᱑᱙᱙᱒ ᱥᱮᱨᱢᱟ ᱨᱮ ᱚᱥᱴᱮᱨᱮᱞᱤᱭᱟ ᱟᱨ ᱱᱤᱭᱩᱡᱤᱞᱮᱱᱰ ᱨᱮ ᱦᱳᱭ ᱟᱠᱟᱱ ᱡᱮᱜᱮᱫ ᱠᱟᱯ ᱫᱚ ᱠᱷᱮᱞ ᱨᱮ ᱟᱭᱢᱟ ᱵᱚᱱᱚᱫᱚᱞ ᱮᱛᱚᱦᱚᱵ ᱞᱮᱱᱟ, ᱡᱮᱞᱮᱠᱟ ᱨᱚᱝ ᱟᱱ ᱫᱚᱛᱚ, ᱯᱩᱸᱰ ᱵᱚᱞ, ᱥᱤᱧ/ᱧᱤᱫᱟᱹ ᱢᱮᱪ ᱟᱨ ᱯᱷᱤᱞᱰᱤᱝ ᱵᱚᱱᱫᱮᱡ ᱟᱹᱨᱤ ᱨᱮ ᱵᱚᱱᱚᱫᱚᱞ᱾

ᱯᱷᱚᱨᱢᱮᱴ

ᱥᱟᱯᱲᱟᱣ

ᱠᱚᱣᱟᱞᱤᱯᱷᱤᱠᱮᱥᱟᱱ

ᱥᱟᱯᱲᱟᱣ
ᱢᱩᱬ ᱚᱱᱚᱞ: ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱠᱚᱣᱟᱞᱤᱯᱷᱤᱠᱮᱥᱟᱱ

᱑᱙᱗᱕ ᱥᱮᱨᱢᱟ ᱨᱮᱭᱟᱜ ᱯᱳᱭᱞᱳ ᱡᱮᱜᱮᱫ ᱠᱟᱯ ᱠᱷᱚᱱ ᱒᱐᱑᱙ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱦᱟᱹᱵᱤᱡ, ᱥᱮᱞᱮᱫ ᱟᱠᱟᱱ ᱟᱭᱢᱟ ᱫᱚᱞᱜᱮ ᱟᱡᱛᱮ ᱜᱮ ᱵᱟᱪᱷᱱᱟᱣ ᱠᱚ ᱦᱟᱢᱮᱴ ᱞᱮᱫᱟ᱾ ᱒᱐᱑᱕ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱦᱟᱹᱵᱤᱡ ᱱᱚᱶᱟ ᱫᱚ ᱟᱭ.ᱥᱤ.ᱥᱤ ᱨᱮᱭᱟᱜ ᱯᱩᱨᱟᱹ ᱨᱟᱹᱥᱤᱭᱟᱹ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱟᱨ ᱒᱐᱑᱙ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱞᱟᱹᱜᱤᱫ ᱱᱚᱶᱟ ᱫᱚ ᱟᱭ.ᱥᱤ.ᱥᱤ ᱳ.ᱰᱤ.ᱟᱭ ᱪᱟᱢᱯᱤᱭᱚᱱᱥᱤᱯ ᱨᱮᱝᱠ ᱨᱮᱭᱟᱜ ᱴᱷᱟᱶ ᱛᱟᱞᱟᱛᱮ ᱛᱟᱦᱮᱸ ᱠᱟᱱᱟ᱾[᱒᱕]

᱑᱙᱗᱙ ᱥᱮᱨᱢᱟ ᱨᱮᱭᱟᱜ ᱫᱚᱥᱟᱨ ᱡᱮᱜᱮᱫ ᱠᱟᱯ ᱠᱷᱚᱱ ᱒᱐᱑᱙ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱦᱟᱹᱵᱤᱡ, ᱡᱟᱦᱟᱸ ᱜᱟᱫᱮᱞ ᱠᱚ ᱟᱡᱛᱮ ᱵᱟᱪᱷᱱᱟᱣ ᱠᱚ ᱧᱟᱢ ᱞᱮᱫᱟ ᱩᱱᱠᱩ ᱥᱟᱶ ᱟᱨ ᱦᱚᱸ ᱠᱚᱢ ᱜᱟᱱ ᱜᱟᱫᱮᱞ ᱥᱮᱞᱮᱫ ᱞᱮᱱᱟ, ᱡᱟᱦᱟᱸᱭ ᱠᱚ ᱵᱟᱪᱷᱱᱟᱣ ᱦᱚᱨᱟ ᱛᱟᱞᱟᱛᱮ ᱡᱮᱜᱮᱫ ᱠᱟᱯ ᱞᱟᱹᱜᱤᱫ ᱵᱟᱪᱷᱱᱟᱣ ᱠᱚ ᱧᱟᱢ ᱟᱠᱟᱫᱟ᱾ ᱯᱳᱭᱞᱳ ᱪᱚᱭᱤᱯᱷᱟᱭᱤᱝ ᱴᱩᱨᱱᱟᱢᱮᱱᱴ ᱫᱚ ᱦᱩᱭᱩᱜ ᱠᱟᱱᱟ ᱟᱭ.ᱥᱤ.ᱥᱤ ᱴᱨᱚᱯᱷᱤ, ᱛᱟᱭᱚᱢ ᱛᱮ ᱱᱚᱶᱟ ᱦᱚᱨᱟ ᱫᱚ ᱢᱟᱲᱟᱝ ᱪᱚᱭᱤᱯᱷᱤᱭᱤᱝ ᱴᱩᱨᱱᱟᱢᱮᱱᱴ ᱥᱟᱞᱟᱜ ᱯᱟᱥᱱᱟᱣ ᱞᱮᱱᱟ᱾[᱒᱖] ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱞᱟᱹᱜᱤᱫ ᱟᱭ.ᱥᱤ.ᱥᱤ ᱡᱮᱜᱮᱫ ᱠᱨᱤᱠᱮᱴ ᱞᱤᱜᱽ ᱢᱟᱲᱟᱝ ᱠᱳᱣᱟᱞᱤᱯᱷᱤᱝ ᱦᱚᱨᱟ ᱠᱚ ᱵᱚᱫᱚᱞ ᱞᱮᱫᱟ ᱟᱨ ᱧᱩᱛᱩᱢ "ᱟᱭ.ᱥᱤ.ᱥᱤ ᱴᱨᱚᱯᱷᱤ" ᱫᱚ " ᱟᱭ.ᱥᱤ.ᱥᱤ ᱠᱚᱲᱟ ᱠᱚᱣᱟᱜ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱠᱳᱣᱟᱞᱤᱯᱷᱤᱭᱟᱨ" ᱨᱮ ᱵᱚᱱᱚᱫᱚᱞ ᱦᱩᱭ ᱞᱮᱱᱟ᱾[᱒᱗] ᱡᱮᱜᱮᱫ ᱠᱨᱤᱠᱮᱴ ᱞᱤᱜᱽ ᱫᱚ ᱛᱟᱦᱮᱸ ᱠᱟᱱᱟ ᱟᱭ.ᱥᱤ.ᱥᱤ ᱨᱮᱱ ᱮᱥᱳᱥᱤᱭᱮᱴ ᱟᱨ ᱮᱯᱷᱮᱞᱤᱭᱮᱴ ᱨᱟᱹᱥᱤᱭᱟᱹ ᱠᱚ ᱟᱨ ᱦᱚᱸ ᱟᱭᱢᱟ ᱫᱟᱣ ᱧᱟᱢ ᱞᱟᱹᱜᱤᱫ ᱮᱢ ᱟᱠᱟᱱ ᱵᱟᱪᱷᱱᱟᱣ ᱦᱚᱨᱟ᱾ ᱥᱟᱱᱟᱢ ᱥᱮᱨᱢᱟ ᱨᱮ ᱵᱟᱪᱷᱱᱟᱣ ᱨᱮ ᱥᱮᱴᱮᱨ ᱟᱠᱟᱱ ᱫᱚᱞ ᱠᱚ ᱨᱮᱭᱟᱜ ᱮᱞ ᱟᱭᱢᱟ ᱞᱮᱠᱟᱱ ᱛᱟᱦᱮᱸ ᱠᱟᱱᱟ ᱾[᱒᱘]

᱒᱐᱒᱓ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱠᱷᱚᱱ ᱥᱩᱢᱩᱝ ᱟᱠᱷᱟᱲᱟ ᱥᱟᱯᱲᱟᱣ ᱫᱤᱥᱚᱢ ᱫᱚ ᱟᱡᱛᱮ ᱠᱷᱮᱹᱞ ᱨᱮᱭᱟᱜ ᱵᱟᱪᱷᱱᱟᱣᱮ ᱧᱟᱢᱼᱟ᱾ ᱥᱟᱱᱟᱢ ᱫᱤᱥᱚᱢ ᱜᱮ ᱢᱤᱫ ᱡᱮᱜᱮᱫ ᱠᱟᱯ ᱨᱮᱭᱟᱜ ᱢᱤᱫ ᱥᱟᱭᱠᱮᱞ ᱠᱷᱚᱱ ᱫᱚᱥᱟᱨ ᱥᱟᱭᱠᱮᱞ ᱨᱮ ᱵᱤᱵᱷᱟᱜᱽ ᱠᱚ ᱢᱩᱫᱨᱮ ᱟᱡᱛᱮ ᱯᱟᱥᱱᱟᱣ ᱟᱨ ᱪᱷᱟᱹᱲ ᱥᱟᱶᱛᱮ ᱵᱟᱪᱷᱱᱟᱣ ᱜᱚᱴᱟ ᱞᱟᱹᱜᱤᱫ ᱢᱤᱫ ᱵᱟᱨ ᱞᱤᱜᱽ ᱨᱮᱠᱚ ᱥᱮᱞᱮᱫᱚᱜᱼᱟ᱾[᱒᱙]

ᱴᱩᱨᱱᱟᱢᱮᱱᱴ

ᱥᱟᱯᱲᱟᱣ
 
᱒᱐᱐᱗ ᱨᱮ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱨᱮᱱ ᱠᱟᱯᱮᱴᱮᱱ ᱠᱚ

ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱨᱮᱭᱟᱜ ᱱᱟᱜᱟᱢ ᱚᱠᱛᱮ ᱨᱮ ᱯᱷᱚᱨᱢᱮᱴ ᱟᱹᱰᱤ ᱵᱚᱫᱚᱞ ᱟᱠᱟᱱᱟ ᱾ ᱯᱳᱭᱞᱳ ᱯᱳᱱ ᱴᱩᱨᱱᱟᱢᱮᱱᱴ ᱨᱮᱭᱟᱜ ᱡᱚᱛᱚ ᱨᱮ ᱤᱨᱟᱹᱞ ᱜᱚᱴᱟᱝ ᱫᱚᱞ ᱠᱚ ᱠᱷᱮᱞ ᱞᱮᱫᱟ, ᱡᱟᱦᱟᱸ ᱫᱚ ᱯᱳᱱ ᱜᱚᱴᱟᱝ ᱫᱚᱞ ᱠᱟᱛᱮ ᱵᱟᱨᱭᱟ ᱜᱟᱫᱮᱞ ᱨᱮ ᱦᱟᱹᱴᱤᱧ ᱞᱮᱱᱟ᱾[᱓᱐] ᱦᱮᱯᱨᱟᱣ ᱫᱚ ᱵᱟᱨᱭᱟ ᱛᱷᱟᱨ ᱛᱮ ᱵᱮᱱᱟᱣ ᱞᱮᱱᱟ, ᱢᱤᱫᱴᱟᱝ ᱜᱨᱩᱯ ᱛᱷᱟᱨ ᱟᱨ ᱢᱤᱫᱴᱟᱝ ᱱᱚᱠᱚᱼᱟᱣᱩᱴ ᱛᱷᱟᱨ᱾ ᱡᱚᱛᱚ ᱜᱨᱚᱯ ᱨᱮᱭᱟᱜ ᱯᱳᱱ ᱜᱟᱫᱮᱞ ᱨᱟᱭᱩᱱᱰ-ᱨᱚᱵᱤᱱ ᱜᱨᱩᱯ ᱨᱮ ᱢᱤᱫ ᱮᱴᱟᱜ ᱥᱟᱞᱟᱜ ᱠᱚ ᱠᱷᱮᱞᱟ ᱟᱨ ᱥᱟᱱᱟᱢ ᱜᱨᱩᱯ ᱨᱮᱱ ᱥᱚᱨᱮᱥ ᱵᱟᱨᱭᱟ ᱜᱟᱫᱮᱞ ᱥᱮᱢᱤᱼᱯᱷᱟᱭᱱᱟᱞ ᱨᱮ ᱠᱤᱱ ᱥᱮᱴᱮᱨᱚᱜ᱾ ᱥᱮᱢᱤᱼᱯᱷᱟᱭᱱᱟᱞ ᱨᱮ ᱡᱤᱛᱠᱟᱹᱨᱤᱭᱟᱹ ᱠᱚ ᱯᱷᱟᱭᱱᱟᱞ ᱨᱮ ᱢᱤᱫ ᱵᱟᱨ ᱠᱚ ᱵᱤᱨᱩᱫᱷ ᱨᱮᱠᱤᱱ ᱠᱷᱮᱞᱟ᱾

ᱴᱨᱚᱯᱷᱤ

ᱥᱟᱯᱲᱟᱣ
ᱢᱩᱬ ᱚᱱᱚᱞ: ᱠᱨᱤᱠᱮᱴ‌ ᱡᱮᱜᱮᱫ ᱠᱟᱯ ᱴᱨᱚᱯᱷᱤ

ᱡᱮᱜᱮᱫ ᱠᱟᱯ ᱡᱤᱛᱠᱟᱹᱨᱤᱭᱟᱹ ᱠᱚ ᱟᱭ.ᱥᱤ.ᱥᱤ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱴᱨᱚᱯᱷᱤ ᱠᱚ ᱮᱢᱟ ᱠᱚᱣᱟ᱾ ᱱᱟᱦᱟᱜ ᱴᱨᱚᱯᱷᱤ ᱫᱚ ᱑᱙᱙᱙ ᱥᱮᱨᱢᱟ ᱨᱮᱭᱟᱜ ᱪᱟᱢᱯᱤᱭᱚᱱᱥᱤᱯ ᱞᱟᱹᱜᱤᱫ ᱵᱮᱱᱟᱣ ᱦᱩᱭ ᱞᱮᱱᱟ ᱟᱨ ᱴᱩᱨᱱᱟᱢᱮᱱᱴ ᱱᱟᱜᱟᱢ ᱨᱮ ᱯᱳᱭᱞᱳ ᱜᱚᱴᱟᱼᱵᱩᱴᱟᱹ ᱥᱤᱨᱯᱟᱹ ᱛᱟᱦᱮᱸᱠᱟᱱᱟ᱾ ᱱᱚᱶᱟ ᱞᱟᱦᱟ ᱨᱮ ᱥᱟᱱᱟᱢ ᱡᱮᱜᱮᱫ ᱠᱟᱯ ᱞᱟᱹᱜᱤᱫ ᱟᱭᱢᱟ ᱞᱮᱠᱟᱱ ᱴᱨᱚᱯᱷᱤ ᱵᱮᱱᱟᱣ ᱦᱳᱭ ᱞᱮᱱᱟ ᱾[᱓᱑]ᱴᱨᱟᱯᱷᱤ ᱫᱚ ᱵᱟᱨ ᱪᱟᱸᱫᱚ ᱚᱠᱛᱚ ᱨᱮ ᱜᱟᱨᱟᱨᱰ ᱮᱱᱰ ᱠᱳ ᱨᱮᱱ ᱠᱟᱹᱨᱤᱜᱚᱞ ᱠᱚᱣᱟᱜ ᱢᱤᱫᱴᱟᱝ ᱜᱟᱫᱮᱞ ᱫᱟᱨᱟᱭ ᱛᱮ ᱞᱚᱱᱰᱚᱱ ᱨᱮ ᱰᱤᱡᱟᱭᱤᱱ ᱟᱨ ᱵᱮᱱᱟᱣ ᱦᱩᱭ ᱞᱮᱱᱟ᱾][᱓᱒][᱓᱓]

ᱱᱟᱦᱟᱜ ᱴᱨᱚᱯᱷᱤ ᱨᱮ ᱨᱩᱯᱟᱹ ᱟᱨ ᱥᱚᱱᱟ ᱯᱚᱛᱟᱣ ᱟᱛᱮ ᱵᱮᱱᱟᱣ ᱟᱨ ᱯᱮᱭᱟ ᱨᱩᱯᱟᱹ ᱠᱚᱞᱟᱢ ᱫᱟᱨᱟᱭ ᱛᱮ ᱢᱤᱫᱴᱟᱝ ᱥᱳᱱᱟ ᱜᱳᱞᱵ ᱢᱮᱱᱟᱜᱼᱟ᱾ ᱥᱴᱟᱢᱯ ᱟᱨ ᱵᱮᱭᱞᱥ ᱞᱮᱠᱟ ᱵᱮᱱᱟᱣ ᱠᱚᱞᱟᱢ ᱠᱚ ᱠᱨᱤᱠᱮᱴ ᱨᱮᱭᱟᱜ ᱯᱮᱭᱟ ᱢᱩᱲᱩᱫ ᱦᱤᱸᱥ ᱠᱚ ᱩᱫᱩᱜ ᱥᱚᱫᱚᱨᱼᱟ , ᱵᱮᱴᱤᱝᱼᱵᱳᱞᱤᱝ ᱟᱨ ᱯᱷᱤᱞᱰᱤᱝ , ᱮᱴᱟᱜ ᱥᱮᱪ ᱜᱳᱞᱵᱷ ᱫᱚ ᱠᱨᱤᱠᱮᱴ ᱵᱚᱞ ᱨᱮᱭᱟᱜ ᱪᱤᱱᱦᱟᱹ ᱾ ᱥᱴᱟᱢᱯ ᱵᱮᱹᱞ ᱵᱮᱴᱤᱝ ᱵᱚᱞᱤᱝ ᱯᱷᱤᱞᱰᱤᱝ ᱠᱨᱤᱠᱮᱴ ᱵᱚᱞ ᱾[᱓᱔] ᱱᱚᱶᱟ ᱥᱤᱢ ᱫᱚ ᱚᱛ ᱨᱮᱭᱟᱜ ᱮᱠᱤᱥᱮᱞ ᱴᱤᱞᱴ ᱪᱤᱱᱦᱟᱹ ᱞᱟᱹᱜᱤᱫ ᱛᱮ ᱴᱟᱭᱴᱮᱞ ᱢᱮᱱᱟᱜᱼᱟ᱾ ᱱᱚᱶᱟ ᱫᱚ ᱖᱐ ᱥᱮᱱᱴᱤᱢᱤᱴᱟᱨ (᱒᱔ ᱤᱱᱪᱤ ᱩᱥᱩᱞ ᱟᱨ ᱟᱭᱩᱢᱟᱹᱱ ᱑᱑ ᱠᱤᱞᱳᱢᱤᱴᱟᱨ (᱒᱔ ᱮᱞᱵᱤ) ᱨᱮᱭᱟᱜ ᱠᱟᱱᱟ᱾ ᱢᱟᱲᱟᱝ ᱨᱮ ᱡᱤᱛᱠᱟᱹᱨ ᱠᱚ ᱧᱩᱛᱩᱢ ᱴᱨᱟᱯᱷᱤ ᱨᱮᱭᱟᱜ ᱞᱟᱛᱟᱨ ᱨᱮ ᱚᱞ ᱢᱮᱱᱟᱜᱼᱟ ᱟᱨ ᱜᱩᱴ ᱵᱟᱨ ᱥᱟᱭ ᱜᱚᱴᱟᱝ ᱥᱤᱞᱟᱞᱤᱯᱤ ᱞᱟᱹᱜᱤᱫ ᱴᱷᱟᱶ ᱢᱮᱱᱟᱜᱼᱟ᱾ ᱟᱭ.ᱥᱤ.ᱥᱤ ᱟᱥᱚᱞᱲᱩᱫ ᱴᱨᱚᱯᱷᱤ ᱫᱚ ᱫᱚᱦᱚ ᱠᱟᱜᱼᱟ᱾

ᱥᱩᱢᱩᱝ ᱥᱤᱞᱟᱞᱤᱯᱤ ᱨᱮ ᱵᱷᱮᱜᱟᱨ ᱢᱤᱫᱴᱟᱝ ᱨᱩᱯ ᱡᱤᱛᱠᱟᱹᱨ ᱫᱚᱞ ᱫᱚ ᱜᱚᱴᱟᱵᱩᱴᱟᱹ ᱞᱮᱠᱟᱛᱮ ᱮᱢ ᱦᱩᱭᱩᱜᱼᱟ᱾[᱓᱕]

ᱢᱤᱰᱤᱭᱟ ᱠᱚᱵᱷᱟᱨᱮᱡ

ᱥᱟᱯᱲᱟᱣ

ᱴᱩᱨᱱᱟᱢᱮᱱᱴ ᱫᱚ ᱡᱮᱜᱮᱫ ᱨᱮᱭᱟᱜ ᱡᱚᱛᱚ ᱠᱷᱚᱱ ᱰᱷᱮᱨ ᱧᱮᱞ ᱟᱱ ᱠᱷᱮᱞᱚᱸᱰ ᱟᱠᱷᱲᱟ ᱠᱚ ᱢᱩᱫᱨᱮ ᱢᱤᱫᱴᱟᱝ ᱟᱨ ᱢᱤᱫ ᱢᱟᱦᱟ ᱨᱮᱭᱟᱜ ᱡᱮᱜᱮᱫ ᱡᱟᱠᱟᱛ ᱠᱨᱤᱠᱮᱴ ᱟᱨᱦᱚᱸ ᱛᱷᱟᱯᱚᱱᱚᱜ ᱥᱟᱶ ᱥᱟᱶ ᱛᱮ ᱛᱟᱭᱚᱢ ᱫᱟᱨᱟᱢ ᱴᱩᱨᱱᱟᱢᱮᱱᱴ ᱠᱚᱫᱚ ᱱᱚᱡᱚᱨ ᱠᱚ ᱟᱜᱩᱭ ᱨᱮᱭᱟᱜ ᱮ ᱡᱟᱱᱟᱢ ᱟᱠᱟᱫᱟ᱾[᱓᱖][᱓᱗][᱓᱘]᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱒᱐᱐ ᱜᱚᱴᱟᱝ ᱠᱷᱚᱱ ᱦᱚᱸ ᱡᱟᱹᱥᱛᱤ ᱫᱤᱥᱚᱢ ᱨᱮ ᱒᱒᱐ ᱠᱳᱴᱤ ᱠᱷᱚᱱ ᱦᱚᱸ ᱡᱟᱹᱥᱛᱤ ᱧᱮᱞᱟᱱ ᱠᱚ ᱴᱷᱮᱱ ᱴᱤᱵᱷᱤ ᱛᱮ ᱩᱫᱩᱜ ᱦᱩᱭ ᱞᱮᱱᱟ᱾[᱓᱒][᱓᱙][ᱵᱩᱜᱤᱭᱟᱜ  ᱯᱷᱮᱰᱟᱛ ᱞᱟᱹᱠᱛᱤᱭᱟ]ᱢᱩᱲᱩᱫ ᱞᱮᱠᱟᱛᱮ ᱒᱐᱑᱑ ᱟᱨ ᱒᱐᱑᱕ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱞᱟᱹᱜᱤᱫ ᱩᱫᱩᱜ ᱟᱹᱭᱫᱟᱹᱨ ᱫᱚ ᱑᱑᱐ ᱠᱳᱴᱤ ᱠᱷᱚᱱ ᱦᱚᱸ ᱡᱟᱹᱥᱛᱤ ᱢᱟᱨᱠᱤᱱ ᱰᱚᱞᱟᱨ ᱨᱮ ᱟᱹᱠᱷᱨᱤᱧ ᱞᱮᱱᱟ ᱟᱨ ᱥᱯᱚᱱᱥᱟᱨ ᱟᱹᱭᱫᱟᱹᱨᱤ ᱟᱨᱦᱚᱸ ᱕᱐᱐ ᱠᱳᱴᱤ ᱢᱟᱨᱠᱤᱱ ᱰᱚᱞᱟᱨ ᱨᱮ ᱟᱹᱠᱷᱨᱤᱧ ᱦᱩᱭ ᱞᱮᱱᱟ᱾[᱔᱐][᱔᱑] ᱟᱭ.ᱥᱤ.ᱥᱤ ᱒᱐᱑᱙ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱞᱟᱹᱜᱤᱫ ᱜᱩᱴ ᱑᱖᱐ ᱠᱳᱴᱤ ᱧᱮᱞᱟᱱ ᱠᱚ ᱥᱟᱶ ᱥᱟᱶᱛᱮ ᱴᱩᱨᱱᱟᱢᱮᱱᱴ ᱨᱮᱭᱟᱜ ᱰᱤᱡᱤᱴᱮᱞ ᱵᱷᱤᱰᱤᱭᱳ ᱨᱮᱭᱟᱜ ᱔᱖᱐ ᱠᱳᱴᱤ ᱦᱚᱲ ᱧᱮᱞ ᱨᱮᱭᱟᱜ ᱫᱟᱹᱵᱤ ᱞᱮᱫᱟᱭ᱾᱾[᱔᱒] ᱴᱩᱨᱱᱟᱢᱮᱱᱴ ᱨᱮᱭᱟᱜ ᱡᱚᱛᱚᱠᱷᱚᱱ ᱰᱷᱮᱨ ᱧᱮᱞ ᱟᱠᱟᱱ ᱢᱮᱪ ᱫᱚ ᱛᱟᱦᱮᱸ ᱠᱟᱱᱟ ᱵᱷᱟᱨᱚᱛ ᱟᱨ ᱯᱟᱠᱤᱥᱛᱟᱱ ᱢᱩᱫᱨᱮ ᱜᱨᱩᱯ ᱢᱮᱪ ᱡᱟᱦᱟᱸ ᱫᱚ ᱓᱐ ᱠᱳᱴᱤ ᱠᱷᱚᱱ ᱦᱚᱸ ᱡᱟᱹᱥᱛᱤ ᱦᱚᱲ ᱞᱟᱭᱤᱵᱷ ᱠᱚ ᱧᱮᱞ ᱞᱮᱫᱟ᱾[᱔᱓]

ᱜᱩᱜᱚᱞ ᱰᱩᱰᱚᱞᱥ

ᱥᱟᱯᱲᱟᱣ

᱒᱐᱑᱕ ᱥᱮᱨᱢᱟ ᱨᱮᱭᱟᱜ ᱑᱓ ᱯᱷᱮᱵᱽᱵᱨᱚᱨᱤ ᱨᱮ ᱒᱐᱑᱕ ᱥᱮᱨᱢᱟ ᱨᱮᱭᱟᱜ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱨᱮᱭᱟᱜ ᱮᱛᱚᱦᱚᱵ ᱫᱚ ᱢᱤᱫᱴᱟᱝ ᱜᱩᱜᱚᱞ ᱰᱩᱰᱚᱞ ᱛᱟᱞᱟᱛᱮ ᱢᱟᱱᱟᱣ ᱦᱩᱭ ᱞᱮᱱᱟ᱾[᱔᱔]

᱕ ᱚᱠᱴᱳᱵᱚᱨ ᱒᱐᱒᱓ ᱨᱮ ᱒᱐᱒᱓ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱨᱮᱭᱟᱜ ᱮᱛᱚᱦᱚᱵ ᱫᱚ ᱢᱤᱫᱴᱟᱝ ᱜᱩᱜᱚᱞ ᱰᱩᱰᱚᱞ ᱛᱟᱞᱟᱛᱮ ᱢᱟᱱᱟᱣ ᱦᱩᱭ ᱞᱮᱱᱟ᱾[᱔᱕]

ᱢᱮᱥᱠᱳᱴ

ᱥᱟᱯᱲᱟᱣ

᱑᱙᱙᱒ ᱥᱮᱨᱢᱟ ᱨᱮ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱨᱮ ᱢᱮᱥᱠᱳᱴ ᱠᱚ ᱮᱛᱚᱦᱚᱵ ᱞᱮᱫᱟ, ᱡᱟᱦᱟᱸ ᱴᱩᱨᱱᱟᱢᱮᱱᱴ ᱨᱮ ᱢᱤᱫᱴᱟᱝ ᱱᱟᱶᱟ ᱩᱭᱦᱟᱹᱨ ᱮ ᱟᱹᱜᱩ ᱞᱮᱫᱟ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱡᱚᱛᱚ ᱡᱮᱜᱮᱫ ᱠᱟᱯ ᱞᱟᱹᱜᱤᱫ ᱵᱷᱮᱜᱟᱨ ᱢᱮᱥᱠᱳᱴ ᱢᱮᱱᱟᱜᱼᱟ ᱾

᱒᱐᱑᱑ ᱥᱮᱨᱢᱟ ᱨᱮ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱛᱟᱭᱚᱢ, ᱢᱮᱥᱠᱳᱴ ᱠᱚ ᱢᱤᱫ ᱚᱠᱛᱮ ᱞᱟᱹᱜᱤᱫ ᱵᱚᱱᱚᱫᱚᱞ ᱦᱩᱭ ᱞᱮᱱᱟ ᱟᱨ ᱒᱐᱑᱕ ᱟᱨ ᱒᱐᱑᱙ ᱥᱮᱨᱢᱟ ᱨᱮ ᱡᱟᱦᱟᱱ ᱢᱮᱥᱠᱳᱴ ᱵᱟᱝ ᱞᱟᱹᱭ ᱥᱚᱫᱚᱨ ᱦᱩᱭ ᱞᱮᱱᱟ᱾ ᱢᱮᱱᱠᱷᱟᱱ ᱒᱐᱒᱓ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱞᱟᱦᱟ ᱨᱮ ᱢᱮᱥᱠᱳᱴ ᱠᱚ ᱫᱚᱲᱦᱟᱛᱮ ᱠᱚ ᱮᱛᱚᱦᱚᱵ ᱞᱮᱫᱟ᱾

 
᱒᱐᱐᱗ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱨᱮᱱᱟᱜ ᱢᱮᱥᱠᱳᱴ ᱢᱮᱞᱳ᱾
ᱨᱟᱫᱟ ᱢᱮᱥᱠᱳᱴ
᱑᱙᱙᱒ ᱴᱩᱭᱤᱡᱟ
᱑᱙᱙᱖ ᱩᱭᱤᱞᱥ
᱑᱙᱙᱙ ᱩᱭᱞᱳᱣ
᱒᱐᱐᱓ ᱰᱮᱡᱞᱟᱨ
᱒᱐᱐᱗ ᱢᱮᱞᱳ
᱒᱐᱑᱑ ᱥᱴᱟᱢᱯᱤ
᱒᱐᱑᱕ ᱢᱮᱥᱠᱳᱴ ᱵᱟᱝ
᱒᱐᱑᱙ ᱢᱮᱥᱠᱳᱴ ᱵᱟᱝ
᱒᱐᱒᱓ ᱵᱞᱮᱡᱽ ᱟᱨ ᱴᱳᱱᱠ

ᱥᱮᱞᱮᱫ

ᱥᱟᱯᱲᱟᱣ
 
᱒᱐᱐᱓ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱫ ᱠᱟᱯ ᱮᱛᱚᱢ ᱟᱯᱷᱨᱤᱠᱟ ᱨᱮᱭᱟᱜ ᱥᱤᱵᱷᱤᱠ ᱥᱮᱱᱴᱟᱨ ᱠᱚ ᱢᱟᱹᱱ ᱞᱮᱫᱟ᱾

᱒᱐᱐᱓ ᱥᱮᱨᱢᱟ ᱨᱮᱭᱟᱜ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱢᱮᱪ ᱨᱮ ᱖,᱒᱖,᱘᱔᱕ ᱦᱚᱲ ᱠᱚ ᱥᱮᱞᱮᱫ ᱞᱮᱱᱟ ᱟᱨ ᱒᱐᱐᱗ ᱥᱮᱨᱢᱟ ᱨᱮᱭᱟᱜ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱖,᱗᱒,᱐᱐᱐ ᱠᱷᱚᱱ ᱦᱚᱸ ᱡᱟᱹᱥᱛᱤ ᱴᱤᱠᱤᱴ ᱟᱹᱠᱷᱨᱤᱧ ᱞᱮᱱᱟ᱾[᱔᱖][᱔᱗][᱔᱘] ᱒᱐᱑᱑ ᱥᱮᱮᱢᱟ ᱨᱮᱭᱟᱜ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱨᱮ ᱜᱩᱴ ᱑᱒,᱒᱙,᱘᱒᱖ ᱧᱮᱞᱟᱱ ᱦᱚᱲ ᱠᱚ ᱥᱮᱴᱮᱨ ᱞᱮᱱᱟ᱾ ᱒᱐᱑᱕ ᱥᱮᱨᱢᱟ ᱨᱮ ᱠᱨᱤᱠᱮᱴ ᱡᱮᱜᱮᱫ ᱠᱟᱯᱨᱮ ᱜᱩᱴ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱑᱐,᱑᱖,᱔᱒᱐ ᱦᱚᱲ᱾ ᱒᱐᱑᱙ ᱥᱮᱮᱢᱟ ᱨᱮᱭᱟᱜ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱴᱩᱨᱱᱟᱢᱮᱱᱴ ᱨᱮ ᱜᱩᱴ ᱗,᱕᱒,᱐᱐᱐ ᱧᱮᱞᱟᱱ ᱦᱚᱲ ᱠᱚ ᱥᱮᱞᱮᱫ ᱞᱮᱱᱟ ᱢᱮᱱᱛᱮ ᱵᱟᱰᱟᱭ ᱟᱠᱟᱱᱟ᱾[᱔᱙]

ᱟᱠᱷᱟᱲᱟ ᱥᱟᱯᱟᱣᱤᱡ ᱠᱚ ᱵᱟᱪᱷᱱᱟᱣ

ᱥᱟᱯᱲᱟᱣ
ᱢᱩᱬ ᱚᱱᱚᱞ: ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱥᱟᱯᱲᱟᱣᱤᱡ

ᱡᱮᱜᱮᱫ ᱡᱟᱠᱟᱛ ᱠᱨᱤᱠᱮᱴ ᱠᱟᱣᱥᱤᱞᱤ ᱨᱮᱭᱟᱜ ᱠᱟᱹᱢᱤᱼᱵᱩᱫᱟᱹ ᱜᱟᱫᱮᱞ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱥᱟᱯᱲᱟᱣ ᱞᱟᱹᱜᱤᱫ ᱫᱟᱣ ᱦᱟᱛᱟᱣ ᱥᱟᱱᱟ ᱫᱤᱥᱚᱢ ᱠᱚ ᱫᱟᱨᱟᱭ ᱛᱮ ᱮᱢ ᱞᱮᱱ ᱵᱤᱰ ᱠᱚ ᱵᱤᱰᱟᱹᱣ ᱛᱟᱭᱚᱢ ᱴᱩᱨᱱᱟᱢᱮᱱᱴ ᱨᱮᱭᱟᱜ ᱥᱟᱯᱲᱟᱣᱤᱡ ᱠᱚ ᱞᱟᱹᱜᱤᱫ ᱵᱷᱳᱴ ᱠᱚ ᱮᱢᱟ᱾[᱕᱐]

ᱤᱝᱞᱮᱱᱰ ᱯᱳᱭᱞᱳ ᱯᱮᱭᱟ ᱦᱮᱯᱨᱟᱣ ᱠᱚ ᱥᱟᱯᱲᱟᱣ ᱞᱮᱫᱟ ᱾ ᱟᱭᱹᱥᱤᱹᱥᱤ ᱜᱚᱴᱟ ᱞᱮᱫᱟᱭ ᱡᱮ ᱤᱝᱜᱞᱮᱱᱰ ᱫᱚ ᱯᱳᱭᱞᱳ ᱴᱩᱨᱱᱟᱢᱮᱱᱴ ᱠᱚ ᱥᱟᱯᱲᱟᱣ ᱚᱪᱚᱣᱟᱭᱟ ᱪᱮᱫᱟᱜ ᱥᱮ ᱤᱝᱞᱮᱱᱰ ᱫᱚ ᱮᱦᱚᱵ ᱟᱠᱷᱲᱟ ᱥᱟᱯᱲᱟᱣ ᱞᱟᱹᱜᱤᱫ ᱞᱟᱹᱠᱛᱤ ᱟᱱ ᱩᱯᱟᱹᱭ ᱮᱢ ᱞᱟᱹᱜᱤᱫᱼᱮ ᱥᱟᱯᱲᱟᱣ ᱞᱮᱱᱟ᱾[᱑᱖] ᱵᱷᱟᱨᱚᱛ ᱛᱮᱥᱟᱨ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱨᱮᱭᱟᱜ ᱟᱠᱷᱟᱲᱟ ᱞᱟᱹᱜᱤᱫ ᱮ ᱥᱳᱯᱨᱳᱫ ᱞᱮᱫᱟᱭ ᱢᱮᱱᱠᱷᱟᱱ ᱟᱭ.ᱥᱤ.ᱥᱤ ᱨᱮᱱ ᱡᱟᱹᱥᱛᱤ ᱨᱟᱹᱥᱤᱭᱟᱹ ᱫᱤᱥᱚᱢ ᱫᱚ ᱤᱝᱞᱮᱱᱰ ᱠᱚ ᱠᱩᱥᱤ ᱞᱮᱫᱟ ᱚᱡᱮ ᱫᱚ ᱡᱩᱱ ᱨᱮ ᱤᱝᱜᱞᱮᱱᱰ ᱨᱮ ᱫᱤᱱ ᱨᱮᱭᱟᱜ ᱢᱟᱨᱥᱟᱞ ᱰᱷᱮᱨ ᱚᱠᱛᱚ ᱧᱟᱢᱚᱜᱼᱟ᱾[᱕᱑] ᱑᱙᱘᱗ ᱥᱮᱨᱢᱟ ᱨᱮ ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱵᱷᱟᱨᱚᱛ ᱟᱨ ᱯᱟᱠᱤᱥᱛᱟᱱ ᱨᱮ ᱥᱟᱯᱲᱟᱣ ᱞᱮᱱᱟ, ᱡᱟᱸᱦᱟ ᱫᱚ ᱤᱝᱞᱮᱱᱰ ᱨᱮᱱᱟᱜ ᱵᱟᱦᱨᱮ ᱨᱮ ᱯᱳᱭᱞᱳ ᱥᱟᱯᱲᱟᱣ ᱦᱩᱭ ᱞᱮᱱᱟ᱾[᱕᱒]

ᱢᱤᱫᱜᱮ ᱚᱛᱱᱚᱜ ᱟᱱ ᱴᱚᱴᱷᱟ ᱨᱮ ᱟᱭᱢᱟ ᱫᱤᱥᱚᱢ ᱨᱮ ᱟᱹᱰᱤᱜᱟᱱ ᱦᱮᱯᱨᱟᱣ ᱫᱚ ᱡᱳᱴ ᱞᱮᱠᱟᱛᱮ ᱥᱟᱯᱲᱟᱣ ᱦᱩᱭ ᱟᱠᱟᱱᱟ, ᱡᱮᱞᱮᱠᱟ ᱑᱙᱘᱗, ᱑᱙᱙᱖ ᱟᱨ ᱒᱐᱑᱑ ᱨᱮ ᱮᱛᱚᱢ ᱮᱥᱤᱭᱟ, ᱑᱙᱙᱒ ᱨᱮ ᱚᱥᱴᱨᱚᱞᱮᱥᱤᱭᱟ (ᱚᱥᱴᱨᱮᱞᱤᱭᱟ ᱟᱨ ᱱᱤᱭᱩᱡᱤᱞᱮᱱᱰ ᱨᱮ), ᱒᱐᱐᱓ ᱨᱮ ᱮᱛᱚᱢ ᱟᱯᱷᱨᱤᱠᱟ ᱟᱨ ᱒᱐᱐᱗ ᱳᱭᱮᱥᱴ ᱤᱱᱰᱤᱡ᱾

᱒᱐᱒᱑ ᱥᱮᱨᱢᱟ ᱨᱮᱭᱟᱜ ᱱᱚᱵᱷᱮᱢᱵᱚᱨ ᱨᱮ ᱟᱭ.ᱥᱤ.ᱥᱤ ᱒᱐᱒᱔ ᱠᱷᱚᱱ ᱒᱐᱓᱑ ᱥᱮᱨᱢᱟ ᱟᱹᱪᱩᱨ ᱢᱩᱫᱨᱮ ᱠᱷᱮᱞᱳᱰ ᱞᱟᱹᱜᱤᱫ ᱟᱭ.ᱥᱤ.ᱥᱤ ᱦᱮᱯᱨᱟᱣ ᱠᱚ ᱞᱟᱹᱜᱤᱫ ᱟᱠᱷᱟᱲᱟ ᱥᱟᱯᱲᱟᱣᱤᱡ ᱠᱚᱣᱟᱜ ᱧᱩᱛᱩᱢᱮ ᱩᱪᱷᱟᱹᱱ ᱞᱮᱫᱟ᱾ ᱴᱤᱼ20 ᱡᱮᱜᱮᱫ ᱠᱟᱯ ᱟᱨ ᱪᱟᱢᱯᱤᱭᱚᱱᱥ ᱴᱨᱚᱯᱷᱤ ᱥᱟᱶᱛᱮ ᱕᱐ ᱳᱵᱷᱟᱨ ᱨᱮᱭᱟᱜ ᱡᱮᱜᱮᱫ ᱠᱟᱯ ᱞᱟᱹᱜᱤᱫ ᱟᱠᱷᱟᱲᱟ ᱥᱟᱯᱲᱟᱣᱤᱡ ᱠᱚ ᱢᱤᱫᱴᱟᱝ ᱦᱮᱯᱨᱟᱣ ᱟᱱᱟᱜ ᱵᱤᱰᱤᱝ ᱦᱚᱨᱟ ᱛᱟᱞᱟᱛᱮ ᱵᱟᱪᱷᱱᱟᱣ ᱦᱩᱭᱩᱜᱼᱟ᱾[᱕᱓][᱕᱔]

ᱚᱨᱡᱚ ᱠᱚ

ᱥᱟᱯᱲᱟᱣ
ᱢᱩᱬ ᱚᱱᱚᱞ: ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱯᱷᱟᱭᱱᱮᱞ ᱨᱮᱭᱟᱜ ᱛᱟᱹᱞᱠᱟᱹ
ᱨᱟᱫᱟ ᱥᱮᱨᱢᱟ ᱥᱟᱯᱲᱟᱣᱤᱡ (ᱠᱚ) ᱯᱷᱟᱭᱱᱮᱞ ᱫᱚᱞᱠᱚ
ᱴᱷᱟᱶ ᱡᱤᱛᱠᱟᱹᱨᱤᱭᱟᱹᱠᱚ ᱨᱟᱱᱟᱨᱥᱼᱟᱯ ᱢᱟᱨᱡᱤᱱ
᱑ ᱑᱙᱗᱕   England ᱞᱳᱨᱰᱥ, ᱞᱚᱱᱰᱚᱱ   ᱣᱮᱥᱴ ᱤᱱᱰᱤᱡᱽ
291/8 (60 overs) 		  ᱚᱥᱴᱨᱮᱞᱤᱭᱟ
274 all out (58.4 overs)
᱑᱗ ᱨᱟᱱ 		᱘
᱒ ᱑᱙᱗᱙   England ᱞᱳᱨᱰᱥ, ᱞᱚᱱᱰᱚᱱ   ᱣᱮᱥᱴ ᱤᱱᱰᱤᱡᱽ
286/9 (60 overs) 		  ᱤᱝᱞᱮᱱᱰ
194 all out (51 overs)
᱙᱒ ᱨᱟᱱ
᱓ ᱑᱙᱘᱓   England
  Wales 		ᱞᱳᱨᱰᱥ, ᱞᱚᱱᱰᱚᱱ   ᱥᱤᱧᱚᱛ
183 all out (54.4 overs) 		  ᱣᱮᱥᱴ ᱤᱱᱰᱤᱡᱽ
140 all out (52 overs)
᱔᱓ ᱨᱟᱱ
᱔ ᱑᱙᱘᱗   India
  Pakistan 		ᱤᱰᱮᱱ ᱜᱟᱨᱰᱮᱱᱥ, ᱠᱚᱞᱠᱟᱛᱟ   ᱚᱥᱴᱨᱮᱞᱤᱭᱟ
253/5 (50 overs) 		  ᱤᱝᱞᱮᱱᱰ
246/8 (50 overs)
᱗ ᱨᱟᱱ
᱕ ᱑᱙᱙᱒   Australia
  New Zealand 		ᱢᱮᱞᱵᱟᱨᱱ ᱠᱨᱤᱠᱮᱴ ᱜᱨᱟᱣᱩᱱᱰ, ᱢᱮᱞᱵᱳᱨᱱ   ᱯᱟᱠᱤᱥᱛᱟᱱ
249/6 (50 overs) 		  ᱤᱝᱞᱮᱱᱰ
227 all out (49.2 overs)
᱒᱒ ᱨᱟᱱ 		᱙
᱖ ᱑᱙᱙᱖   Pakistan
  India
  Sri Lanka 		ᱜᱚᱫᱫᱟᱯᱷᱤ ᱥᱴᱮᱰᱤᱭᱟᱢ, ᱞᱟᱦᱳᱨ   ᱥᱨᱤᱞᱚᱝᱠᱟ
245/3 (46.2 overs) 		  ᱚᱥᱴᱨᱮᱞᱤᱭᱟ
241/7 (50 overs)
᱗ ᱩᱭᱠᱮᱴ 		᱑᱒
᱗ ᱑᱙᱙᱙

  England   Wales   Scotland   Ireland   Netherlands [lower-alpha ᱑]

ᱞᱳᱨᱰᱥ, ᱞᱚᱱᱰᱚᱱ   ᱚᱥᱴᱨᱮᱞᱤᱭᱟ
133/2 (20.1 overs) 		  ᱯᱟᱠᱤᱥᱛᱟᱱ
132 all out (39 overs)
᱘ ᱩᱭᱠᱮᱴ 		᱑᱒
᱘ ᱒᱐᱐᱓   South Africa
  Zimbabwe
ᱪᱷᱟᱸᱪ:Country data Kenya

[lower-alpha ᱒]

ᱳᱣᱟᱱᱰᱟᱨᱟᱨᱥ ᱥᱴᱮᱰᱤᱭᱟᱢ, ᱡᱚᱦᱟᱱᱥᱵᱟᱨᱜᱽ   ᱚᱥᱴᱨᱮᱞᱤᱭᱟ
359/2 (50 overs) 		  ᱥᱤᱧᱚᱛ
234 all out (39.2 overs)
᱑᱒᱕ ᱨᱟᱱ 		᱑᱔
᱙ ᱒᱐᱐᱗   West Indies[lower-alpha ᱓] ᱠᱮᱱᱥᱤᱝᱴᱚᱱ ᱳᱵᱷᱟᱞ ᱵᱨᱤᱡᱴᱟᱣᱩᱱ   ᱚᱥᱴᱨᱮᱞᱤᱭᱟ
281/4 (38 overs) 		  ᱥᱨᱤᱞᱚᱝᱠᱟ
215/8 (36 overs)
᱕᱓ ᱨᱟᱱ (D / L) 		᱑᱖
᱑᱐ ᱒᱐᱑᱑   India
  Sri Lanka
  Bangladesh 		ᱳᱣᱟᱝᱠᱷᱮᱲᱮ ᱥᱴᱮᱰᱤᱭᱟᱢ, ᱢᱩᱢᱵᱟᱭ   ᱥᱤᱧᱚᱛ
277/4 (48.2 overs) 		  ᱥᱨᱤᱞᱚᱝᱠᱟ
274/6 (50 overs)
᱖ ᱩᱭᱠᱮᱴ 		᱑᱔
᱑᱑ ᱒᱐᱑᱕   Australia
  New Zealand 		ᱢᱮᱞᱵᱟᱨᱱ ᱠᱨᱤᱠᱮᱴ ᱜᱨᱟᱣᱩᱱᱰ, ᱢᱮᱞᱵᱳᱨᱱ   ᱚᱥᱴᱨᱮᱞᱤᱭᱟ
186/3 (33.1 overs) 		  ᱱᱤᱣᱡᱤᱞᱮᱱᱰ
183 all out (45 overs)
᱗ ᱩᱭᱠᱮᱴ
᱑᱒ ᱒᱐᱑᱙   England
  Wales 		ᱞᱳᱨᱰ, ᱞᱚᱱᱰᱚᱱ   ᱤᱝᱞᱮᱱᱰ
241 all out (50 overs)
15/0 (super over)
24 fours, 2 sixes 		  ᱱᱤᱣᱡᱤᱞᱮᱱᱰ
241/8 (50 overs)
15/1 (super over)
14 fours, 3 sixes
ᱢᱮᱪ ᱴᱟᱭᱰ (9 ᱵᱳᱱᱰᱟᱨᱤ)
ᱥᱩᱯᱟᱨ ᱳᱣᱟᱨ ᱛᱟᱭᱚᱢ ᱵᱟᱣᱩᱱᱰᱟᱨᱤ ᱠᱟᱣᱩᱱᱴᱵᱮᱠ ᱾
 		᱑᱐
᱑᱓ ᱒᱐᱒᱓   India ᱱᱚᱨᱮᱫᱽᱨᱚ ᱢᱳᱫᱤ ᱥᱴᱮᱰᱤᱭᱟᱢ, ᱟᱦᱚᱢᱮᱫᱟᱵᱟᱫ ᱵᱟᱰᱟᱭᱚᱜᱼᱟ ᱦᱟᱜ
᱑᱔ ᱒᱐᱒᱗   South Africa
  Zimbabwe
ᱪᱷᱟᱸᱪ:Country data Namibia 		ᱵᱟᱰᱟᱭᱚᱜᱼᱟ ᱦᱟᱜ ᱑᱔
᱑᱕ ᱒᱐᱓᱑   India
  Bangladesh 		ᱵᱟᱰᱟᱭᱚᱜᱼᱟ ᱦᱟᱜ
ᱱᱳᱴᱠᱚ

ᱥᱟᱹᱠᱷᱭᱟᱹᱛ

ᱥᱟᱯᱲᱟᱣ
  1. ↑ "ICC Men's Cricket World Cup 2019 shatters audience records". ICC. Retrieved 12 April 2021.
  2. ↑ "The road to World Cup 2023: how teams can secure qualification, from rank No. 1 to 32". ESPN Cricinfo. Retrieved 14 August 2019.
  3. ↑ Martin Williamson. "The oldest international contest of them all". ESPN. Archived from the original on 5 June 2013. Retrieved 5 July 2012.
  4. ↑ "1st Test Scorecard". ESPNcricinfo. 15 March 1877. Archived from the original on 12 February 2009. Retrieved 28 January 2007.
  5. ↑ "Olympic Games, 1900, Final". ESPNcricinfo. 19 August 1900. Archived from the original on 26 December 2014. Retrieved 9 September 2006.
  6. ↑ Purohit, Abhishek (10 August 2021). "Will Cricket Bat Again at the Olympics? Know Process for Inclusion at LA28". International Olympic Committee. Retrieved 5 December 2021.
  7. ↑ "The original damp squib". ESPNcricinfo. 23 April 2005. Archived from the original on 16 October 2007. Retrieved 29 August 2006.
  8. ↑ "The run-out that sparked a riot". ESPNcricinfo. 30 October 2010. Archived from the original on 22 October 2014. Retrieved 18 February 2015.
  9. ↑ "England vs West Indies Scorecard 1928 | Cricket Scorecard". ESPNcricinfo (in ᱟᱝᱜᱽᱨᱮᱡᱤ). Retrieved 2023-07-05.
  10. ↑ "New Zealand vs England Scorecard 1929/30 | Cricket Scorecard". ESPNcricinfo (in ᱟᱝᱜᱽᱨᱮᱡᱤ). Retrieved 2023-07-05.
  11. ↑ "England vs India Scorecard 1932 | Cricket Scorecard". ESPNcricinfo (in ᱟᱝᱜᱽᱨᱮᱡᱤ). Retrieved 2023-07-05.
  12. ↑ "Pakistan vs India Scorecard 1952/53 | Cricket Scorecard". ESPNcricinfo (in ᱟᱝᱜᱽᱨᱮᱡᱤ). Retrieved 2023-07-05.
  13. ↑ "The low-key birth of one-day cricket". ESPNcricinfo. 9 April 2011. Archived from the original on 19 September 2013. Retrieved 15 July 2014.
  14. ↑ "What is One-Day International cricket?". newicc.cricket.org. Archived from the original on 19 November 2006. Retrieved 10 September 2006.
  15. ↑ ᱑᱕.᱐ ᱑᱕.᱑ "The World Cup – A brief history". ESPNcricinfo. Archived from the original on 28 March 2008. Retrieved 7 December 2006.
  16. ↑ ᱑᱖.᱐ ᱑᱖.᱑ "The History of World Cup's". cricworld.com. Archived from the original on 13 March 2007. Retrieved 19 September 2006.
  17. ↑ Browning (1999), pp. 5–9
  18. ↑ ᱑᱘.᱐ ᱑᱘.᱑ Browning (1999), pp. 26–31
  19. ↑ "50 fascinating facts about World Cups – Part 1". Cricbuzz (in ᱟᱝᱜᱽᱨᱮᱡᱤ). 22 January 2015. Archived from the original on 21 February 2019. Retrieved 21 February 2019.
  20. ↑ "ICC Trophy – A brief history". ESPNcricinfo. Archived from the original on 26 November 2006. Retrieved 29 August 2006.
  21. ↑ ᱒᱑.᱐ ᱒᱑.᱑ Browning (1999), pp. 32–35
  22. ↑ Browning (1999), pp. 61–62
  23. ↑ Browning (1999), pp. 105–110
  24. ↑ Browning (1999), pp. 111–116
  25. ↑ "Cricket World Cup 2019 to stay at only 10 teams". BBC Sport. Retrieved 22 August 2022.
  26. ↑ "Cricinfo - 2005 ICC Trophy in Ireland". static.espncricinfo.com. Retrieved 6 April 2023.
  27. ↑ "World Cricket League". ICC. Archived from the original on 19 January 2007. Retrieved 28 January 2007.
  28. ↑ "International Cricket Council February 2019" (PDF). static1.squarespace.com."International Cricket Council February 2019" (PDF).
  29. ↑ "The road to World Cup 2023: how teams can secure qualification, from rank No. 1 to 32". ESPN Cricinfo. Retrieved 22 August 2022.
  30. ↑ "1st tournament". icc.cricket.org. Archived from the original on 17 December 2007. Retrieved 19 February 2007.
  31. ↑ "Trophy is first permanent prize in Cricket World Cup". cricket-worldcup2015.net. Archived from the original on 7 September 2015. Retrieved 9 November 2007..
  32. ↑ ᱓᱒.᱐ ᱓᱒.᱑ "More money, more viewers and fewer runs in prospect for intriguing World Cup". The Guardian. 12 February 2015. Archived from the original on 4 March 2015. Retrieved 17 March 2015.
  33. ↑ "Trophies | Famous Trophies". Garrard (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Retrieved 2022-08-01.
  34. ↑ "Cricket World Cup- Past Glimpses". webindia123.com. Archived from the original on 23 March 2008. Retrieved 31 October 2007.
  35. ↑ "About the Tournament". International Cricket Council. Archived from the original on 25 June 2014. Retrieved 4 December 2014.
  36. ↑ "Cricket World Cup 2015 3rd Most Watched Sports Event In The World". Total Sportek. 11 January 2015. Archived from the original on 25 March 2015. Retrieved 17 March 2015.
  37. ↑ Baker, Alison (2022-07-25). "The Most Watched Sporting Events in The World". Roadtrips (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2023-07-05.
  38. ↑ Baker, Alison (25 July 2022). "The Most Watched Sporting Events in The World". www.roadtrips.com. Retrieved 15 October 2022.
  39. ↑ "World Cup Overview". cricketworldcup.com. Archived from the original on 24 January 2007. Retrieved 29 January 2007.
  40. ↑ Cricinfo staff (9 December 2006). "ICC rights for to ESPN-star". Cricinfo. Archived from the original on 1 February 2009. Retrieved 30 January 2007.
  41. ↑ Cricinfo staff (18 January 2006). "ICC set to cash in on sponsorship rights". Cricinfo. Archived from the original on 1 February 2009. Retrieved 30 January 2007.
  42. ↑ "ICC Men's Cricket World Cup gives GDP 350 million boost to UK economy". www.icc-cricket.com (in ᱟᱝᱜᱽᱨᱮᱡᱤ). Retrieved 2021-04-08.
  43. ↑ "2019 Men's Cricket World Cup most watched ever". www.icc-cricket.com. 16 September 2019. Retrieved 15 October 2022.
  44. ↑ "Google release Doodle to mark the start of the 2015 Cricket World Cup". The Independent. 13 February 2015. Archived from the original on 30 March 2019. Retrieved 17 May 2019.
  45. ↑ "Google kicks off ICC Men's Cricket World Cup 2023 with a doodle". The Times of India. 2023-10-05. ISSN 0971-8257. Retrieved 2023-10-08.
  46. ↑ "Cricket World Cup 2003" (PDF). ICC. p. 12. Archived from the original (PDF) on 21 March 2006. Retrieved 29 January 2007.
  47. ↑ "World Cup profits boost debt-ridden Windies board". Content-usa.cricinfo.com. Archived from the original on 24 March 2008. Retrieved 24 June 2012.
  48. ↑ "ICC CWC 2007 Match Attendance Soars Past 400,000". cricketworld.com. Archived from the original on 28 September 2007. Retrieved 25 April 2007.
  49. ↑ Carp, Sam (4 March 2020). "2019 Cricket World Cup delivers UK£350m boost for UK economy". SportsPro Daily. Retrieved 18 May 2023.
  50. ↑ "Asia to host 2011 World Cup". Cricinfo. 30 April 2006. Archived from the original on 28 September 2012. Retrieved 9 February 2007.
  51. ↑ "The 1979 World Cup in England – West Indies retain their title". Cricinfo. Archived from the original on 23 May 2006. Retrieved 19 September 2006.
  52. ↑ "The 1987 World Cup in India and Pakistan – Australia win tight tournament". Cricinfo. Archived from the original on 16 July 2014. Retrieved 15 July 2014.
  53. ↑ "India to host three ICC events in 2024-31 cycle". Cricbuzz (in ᱟᱝᱜᱽᱨᱮᱡᱤ). Retrieved 16 November 2021.
  54. ↑ "USA to stage T20 World Cup: 2024-2031 ICC Men's tournament hosts confirmed". www.icc-cricket.com (in ᱟᱝᱜᱽᱨᱮᱡᱤ). Retrieved 16 November 2021.

ᱵᱟᱨᱦᱮ ᱡᱚᱱᱚᱲ

ᱥᱟᱯᱲᱟᱣ


ᱛᱩᱢᱟᱹᱞ ᱦᱩᱲᱟᱹᱜ:<ref> tags exist for a group named "lower-alpha", but no corresponding <references group="lower-alpha"/> tag was found

"https://sat.wikipedia.org/w/index.php?title=ᱠᱨᱤᱠᱮᱴ_ᱡᱮᱜᱮᱫ_ᱠᱟᱯ&oldid=133817" ᱠᱷᱚᱱ ᱧᱟᱢ ᱟᱹᱜᱩᱭ