ᱠᱨᱤᱥᱱᱚ ᱪᱚᱸᱫᱽᱨᱚ ᱴᱩᱰᱩ
ᱱᱚᱣᱟ ᱥᱟᱛᱟᱢ ᱣᱤᱠᱤ ᱞᱚᱵᱽᱥ ᱞᱤᱴᱮᱨᱮᱪᱚᱨ ᱒᱐᱒᱒ ᱞᱟᱹᱜᱤᱫ ᱵᱮᱨᱮᱫ ᱟᱠᱟᱱᱟ । |  |
ᱥᱟᱱᱛᱟᱲᱤ ᱠᱷᱚᱱᱫᱽᱨᱚᱸᱫᱤᱭᱟᱹ ᱟᱨ ᱢᱟᱪᱮᱫ ᱰᱨ. ᱠᱨᱤᱥᱱᱚ ᱪᱚᱸᱫᱽᱨᱚ ᱴᱩᱰᱩ ᱫᱚ ᱑᱙᱕᱒ ᱥᱮᱨᱢᱟ ᱨᱮᱭᱟᱜ ᱙ ᱮᱯᱨᱤᱞ ᱢᱟᱹᱦᱤᱛ ᱨᱮ, ᱩᱱᱚᱠᱛᱚ ᱵᱤᱦᱟᱨ ᱯᱚᱱᱚᱛ ᱨᱮᱭᱟᱜ ᱥᱤᱝᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱡᱟᱫᱩᱜᱳᱲᱟ ᱥᱩᱨ ᱨᱟᱡᱽᱫᱳᱦᱟ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱦᱚᱨᱤᱨᱟᱢ ᱴᱩᱰᱩ ᱟᱨ ᱮᱸᱜᱟᱛ ᱫᱚ ᱨᱩᱠᱢᱚᱱᱤ ᱴᱩᱰᱩ᱾ ᱚᱞᱚᱜ ᱯᱟᱲᱦᱟᱜ ᱥᱟᱱᱛᱟᱲ ᱠᱚ ᱴᱷᱮᱱ ᱩᱱᱤ ᱫᱚ ᱠᱮ.ᱥᱤ. ᱴᱩᱰᱩ ᱧᱩᱛᱩᱢ ᱛᱮᱭ ᱵᱟᱲᱟᱭᱚᱜᱼᱟ᱾
| ᱠᱨᱤᱥᱱᱚ ᱪᱚᱸᱫᱽᱨᱚ ᱴᱩᱰᱩ | |
|---|---|
 ᱠᱨᱤᱥᱱᱚ ᱪᱚᱸᱫᱽᱨᱚ ᱴᱩᱰᱩ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱮᱯᱨᱤᱞ ᱙, ᱑᱙᱕᱒ ᱨᱟᱡᱽᱫᱳᱦᱟ, ᱡᱟᱫᱩᱜᱳᱲᱟ, ᱥᱟᱢᱟᱝ ᱥᱤᱝᱵᱷᱩᱢ, ᱡᱷᱟᱨᱠᱷᱚᱸᱰ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱢᱟᱪᱮᱫ |
| ᱧᱩᱢᱱᱟᱢ | ᱥᱟᱱᱛᱟᱲᱤ ᱠᱷᱚᱱᱫᱽᱨᱚᱸᱫᱤᱭᱟᱹ |
| ᱡᱤᱭᱚᱱ ᱥᱚᱦᱮᱫ | ᱪᱟᱢᱯᱟᱵᱚᱛᱤ ᱴᱩᱰᱩ |
| ᱦᱚᱯᱚᱱ | ᱭᱟᱥᱳᱫᱟ ᱴᱩᱰᱩ (ᱢᱩᱨᱢᱩ), ᱦᱚᱨᱤᱨᱟᱢ ᱴᱩᱰᱩ, ᱚᱱᱤᱛᱟ ᱴᱩᱰᱩ, ᱯᱨᱤᱛᱷᱤᱨᱟᱢ ᱴᱩᱰᱩ |
| ᱟᱯᱟᱛ ᱮᱸᱜᱟᱛ |
|
ᱩᱱᱤ ᱫᱚ ᱟᱭᱢᱟ ᱥᱟᱶᱛᱟᱼᱥᱟᱶᱦᱮᱫ ᱜᱚᱱᱚᱴᱷᱚᱱ ᱠᱚ ᱥᱟᱶ ᱡᱚᱯᱲᱟᱣ ᱢᱮᱱᱟᱭᱟ᱾
ᱥᱮᱪᱮᱫ
ᱥᱟᱯᱲᱟᱣᱠᱨᱤᱥᱱᱚ ᱪᱚᱸᱫᱽᱨᱚ ᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱠᱷᱮᱨᱣᱟᱲ ᱯᱨᱭᱢᱟᱨᱤ ᱥᱠᱩᱞ ᱠᱷᱚᱱ ᱮᱦᱚᱵ ᱟᱠᱟᱱᱟ᱾ ᱚᱱᱟ ᱛᱟᱭᱚᱢ ᱑᱙᱖᱙ ᱥᱮᱨᱢᱟ ᱨᱮ ᱵᱤᱦᱟᱨ ᱵᱳᱨᱰ ᱠᱷᱚᱱ ᱪᱮᱛᱟᱱ ᱛᱟᱞᱢᱟ ᱮ ᱯᱟᱥ ᱟᱠᱟᱫᱟ᱾ ᱑᱙᱗᱙ ᱥᱮᱨᱢᱟ ᱨᱮ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱨᱟᱡᱽᱟᱹᱨᱤ ᱥᱟᱬᱮᱥ ᱥᱟᱛᱟᱢ ᱪᱮᱛᱟᱱ ᱮᱢ.ᱮ. ᱟᱨ ᱑᱙᱘᱐ ᱥᱮᱨᱢᱟ ᱨᱮ ᱪᱷᱳᱴᱳᱱᱟᱜᱽᱯᱩᱨ ᱞᱚ (ᱟᱹᱱᱟᱹᱨᱤ) ᱞᱚᱠᱮᱡᱽ ᱠᱷᱚᱱ ᱮᱞ.ᱮᱞ.ᱵᱤ ᱮ ᱯᱟᱥ ᱞᱮᱫᱟ᱾
ᱠᱟᱹᱢᱤ
ᱥᱟᱯᱲᱟᱣᱩᱱᱤ ᱫᱚ ᱟᱥᱟᱱᱵᱟᱱᱤ ᱠᱚᱞᱮᱡᱽ ᱨᱮ ᱢᱟᱪᱮᱫ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮ ᱮᱦᱚᱵ ᱞᱮᱫᱟ᱾ ᱛᱷᱚᱨᱟ ᱫᱤᱱ ᱠᱟᱹᱢᱤ ᱛᱟᱭᱚᱢ ᱑᱙᱘᱒ ᱥᱮᱨᱢᱟ ᱨᱮ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ "ᱟᱹᱫᱤᱵᱟᱹᱥᱤ ᱟᱨ ᱴᱚᱴᱷᱟᱠᱤᱭᱟᱹ ᱯᱟᱹᱨᱥᱤ ᱥᱟᱬᱮᱥ" ᱵᱤᱵᱷᱟᱜᱽ ᱨᱮᱭᱟᱜ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱱ ᱢᱟᱪᱮᱫ ᱞᱮᱠᱟᱛᱮ ᱠᱟᱹᱢᱤ ᱮ ᱮᱦᱚᱵ ᱞᱮᱫᱟ᱾ ᱚᱸᱰᱮ ᱢᱟᱪᱮᱫ ᱠᱟᱹᱢᱤ ᱚᱠᱛᱮ, "Santali Languistic Analysis" (ᱥᱟᱱᱛᱟᱲᱤ ᱯᱟᱹᱱᱟᱹᱨᱥᱤ ᱛᱩᱞᱟᱹᱡᱚᱠᱷᱟ) ᱥᱟᱛᱟᱢ ᱪᱮᱛᱟᱱ ᱨᱮ ᱑᱙᱙᱘ ᱥᱮᱨᱢᱟ ᱨᱮ ᱯᱤ.ᱮᱪ.ᱰᱤ ᱰᱤᱜᱽᱨᱤ ᱮ ᱧᱟᱢ ᱞᱮᱫᱟ᱾
ᱥᱟᱶᱦᱮᱫ ᱪᱟᱨᱪᱟ
ᱥᱟᱯᱲᱟᱣᱥᱤᱨᱡᱚᱱ ᱥᱟᱶᱦᱮᱫ ᱨᱮ ᱠᱨᱤᱥᱱᱚ ᱪᱚᱸᱫᱽᱨᱚ ᱴᱩᱰᱩ ᱫᱚ ᱚᱱᱚᱬᱦᱮᱸ ᱚᱞ ᱛᱟᱞᱟ ᱜᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭ ᱟᱬᱜᱚ ᱞᱮᱱᱟ᱾ ᱟᱡᱟᱜ ᱚᱱᱚᱬᱦᱮᱸ ᱨᱮ ᱫᱩᱞᱟᱹᱲ ᱨᱮᱭᱟᱜ ᱠᱟᱛᱷᱟ ᱜᱮ ᱡᱟᱹᱥᱛᱤ ᱧᱮᱞ ᱧᱟᱢᱚᱜᱼᱟ᱾ ᱛᱟᱭᱚᱢ ᱛᱮ ᱜᱟᱭᱟᱱ ᱚᱞ ᱥᱮᱫ ᱦᱚᱸᱭ ᱢᱚᱦᱰᱟ ᱞᱮᱱᱟ᱾ ᱩᱱᱤ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱵᱟᱵᱚᱛ ᱟᱭᱢᱟ ᱫᱟᱢᱟᱱ ᱚᱱᱚᱞ ᱮ ᱚᱞ ᱟᱠᱟᱫᱟ, ᱡᱟᱦᱟᱸ ᱫᱚ ᱟᱹᱰᱤᱜᱟᱱ ᱥᱟᱱᱛᱟᱲᱤ ᱯᱟᱛᱷᱟᱢ ᱠᱚᱨᱮ ᱪᱷᱟᱯᱟ ᱟᱠᱟᱱᱟ᱾ ᱩᱱᱤ ᱫᱚ ᱥᱟᱱᱛᱟᱞᱤ ᱥᱣᱚᱨᱚᱱᱤᱠᱟ ᱧᱩᱛᱩᱢᱟᱱ ᱢᱤᱫ ᱯᱟᱛᱷᱟᱢ ᱦᱚᱸᱭ ᱥᱟᱯᱲᱟᱣ ᱟᱠᱟᱫᱟ᱾
ᱚᱞ ᱯᱚᱛᱚᱵ ᱠᱚ
ᱥᱟᱯᱲᱟᱣ- "ᱡᱤᱣᱤ ᱡᱷᱟᱨᱱᱟ" - ᱑᱙᱖᱘ (ᱚᱱᱚᱬᱦᱮᱸ)
- "ᱚᱱᱚᱬᱦᱮᱸ ᱥᱮᱨᱮᱧ ᱵᱤᱸᱰᱟᱹ" - ᱑᱙᱖᱘ (ᱚᱱᱚᱬᱦᱮᱸ)
- "ᱡᱩᱨᱤ ᱠᱷᱟᱹᱛᱤᱨ" - ᱑᱙᱗᱑ (ᱜᱟᱭᱟᱱ)
- "ᱟᱧᱪᱟᱨ ᱫᱟᱱᱟᱝ ᱨᱮ ᱥᱤᱸᱫᱩᱨ" - ᱑᱙᱗᱒ (ᱜᱟᱭᱟᱱ)
- "ᱥᱟᱱᱛᱟᱞᱤ ᱜᱚᱫᱽᱭᱚᱼᱯᱚᱫᱽᱭᱚ ᱥᱚᱝᱜᱽᱨᱚᱦᱚ" - ᱑᱙᱘᱕ (ᱥᱟᱯᱲᱟᱣ ᱯᱩᱛᱷᱤ)
- "ᱥᱟᱱᱛᱟᱞᱤ ᱯᱚᱫᱽᱭᱚ ᱥᱚᱝᱜᱽᱨᱚᱦᱚ" - ᱑᱙᱘᱕ (ᱥᱟᱯᱲᱟᱣ ᱯᱩᱛᱷᱤ)
- "ᱥᱟᱱᱛᱟᱞᱤ ᱞᱳᱠ ᱜᱤᱛᱳᱠᱟ ᱥᱚᱝᱜᱽᱨᱚᱦᱚ" - ᱑᱙᱙᱒ (ᱥᱟᱯᱲᱟᱣ ᱯᱩᱛᱷᱤ)
- "ᱥᱤᱨᱡᱚᱱ" - ᱒᱐᱐᱕ (ᱜᱟᱭᱟᱱ)
ᱢᱟᱹᱱ
ᱥᱟᱯᱲᱟᱣ- ᱫᱮᱣᱜᱷᱚᱨ ᱦᱤᱱᱫᱤ ᱵᱤᱫᱽᱭᱟᱯᱤᱴᱷ ᱠᱷᱚᱱ ᱩᱱᱤ ᱢᱟᱹᱱ ᱠᱚ ᱪᱟᱞ ᱟᱠᱟᱫᱮᱭᱟ᱾