ᱠᱟᱞᱤᱯᱚᱫᱚ ᱥᱚᱨᱮᱱ
ᱠᱟᱞᱤᱯᱚᱫᱚ ᱥᱚᱨᱮᱱ ᱫᱚ ᱤᱨᱟᱹᱞ ᱜᱮᱞ ᱫᱚᱥᱚᱠ ᱨᱮᱱ ᱢᱤᱫ ᱧᱩᱛᱩᱢᱟᱱ ᱜᱟᱭᱟᱱ ᱚᱱᱚᱞᱤᱭᱟᱹ ᱟᱨ ᱥᱟᱥᱟᱯᱲᱟᱣᱤᱡ ᱠᱟᱱᱟᱭ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱩᱱᱤ ᱫᱚ ᱠᱷᱮᱨᱣᱟᱞ ᱥᱚᱨᱮᱱ ᱵᱟᱦᱟᱱᱟ ᱧᱩᱛᱩᱢ ᱛᱮᱭ ᱚᱞᱟ᱾
| ᱠᱷᱮᱨᱣᱟᱞ ᱥᱚᱨᱮᱱ Kherwal Soren | |
|---|---|
 ᱠᱷᱮᱨᱣᱟᱞ ᱥᱚᱨᱮᱱ | |
| ᱢᱩᱬ ᱧᱩᱛᱩᱢ | ᱠᱟᱞᱤᱯᱚᱫᱚ ᱥᱚᱨᱮᱱ |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱰᱤᱥᱮᱢᱵᱚᱨ ᱙, ᱑᱙᱕᱗ ᱨᱟᱜᱷᱩᱱᱟᱛᱷᱯᱩᱨ, ᱞᱟᱞᱜᱚᱲ, ᱡᱷᱟᱲᱜᱨᱟᱢ ᱦᱚᱱᱚᱛ, ᱯᱚᱪᱷᱤᱢ ᱵᱟᱝᱞᱟ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ | ᱵᱤ.ᱮ ᱟᱨ ᱨᱟᱡᱽᱟᱹᱨᱤ ᱥᱟᱬᱮᱥ ᱨᱮ ᱮᱢ.ᱮ |
| ᱥᱮᱪᱮᱫ ᱟᱠᱷᱲᱟ | ᱠᱟᱯᱜᱟᱲᱤ ᱠᱚᱞᱮᱡᱽ ᱟᱨ ᱨᱚᱵᱤᱱᱫᱽᱨᱚ ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱥᱟᱥᱟᱯᱲᱟᱣᱤᱡ |
| ᱮᱢᱤᱡ | ᱵᱷᱟᱨᱚᱛᱤᱭᱚ ᱥᱴᱮᱴ ᱵᱮᱝᱠ |
| ᱟᱯᱟᱛ ᱮᱸᱜᱟᱛ |
|
| ᱥᱤᱨᱯᱷᱟᱹ | ᱯᱚᱫᱽᱢᱚᱥᱨᱤ |
ᱮᱛᱚᱦᱚᱵ ᱡᱤᱭᱚᱱ
ᱥᱟᱯᱲᱟᱣᱠᱟᱞᱤᱯᱚᱫᱚ ᱥᱚᱨᱮᱱ ᱫᱚ ᱑᱙᱕᱗ ᱥᱮᱨᱢᱟ ᱨᱮᱱ ᱙ ᱰᱤᱥᱮᱢᱵᱚᱨ ᱦᱤᱞᱳᱜ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ, ᱡᱷᱟᱲᱜᱨᱟᱢ ᱦᱚᱱᱚᱛ (ᱞᱟᱦᱟ ᱛᱮ ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ) ᱨᱮᱱᱟᱜ ᱵᱤᱱᱯᱩᱨ ᱛᱷᱟᱱᱟ (ᱞᱟᱦᱟ ᱛᱮ ᱫᱚ ᱞᱟᱞᱜᱚᱲ) ᱨᱮᱭᱟᱜ ᱵᱮᱞᱟᱴᱤᱠᱚᱨᱤ ᱰᱟᱠ ᱚᱲᱟᱜ ᱛᱟᱹᱨᱤ ᱨᱮ ᱢᱮᱱᱟᱜ ᱨᱚᱜᱷᱩᱱᱟᱛᱷᱯᱩᱨ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱛᱟᱨᱟᱪᱟᱸᱫᱽ ᱥᱚᱨᱮᱱ ᱟᱨ ᱟᱭᱳ ᱫᱚ ᱠᱟᱹᱯᱩ ᱥᱚᱨᱮᱱ᱾
ᱚᱞᱚᱜ ᱯᱟᱲᱦᱟᱜ
ᱥᱟᱯᱲᱟᱣᱠᱷᱮᱨᱣᱟᱞ ᱥᱚᱨᱮᱱᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱜᱳᱯᱟᱞᱯᱩᱨ ᱯᱨᱟᱭᱢᱟᱨᱤ ᱟᱥᱲᱟ ᱠᱷᱚᱱ ᱮᱦᱚᱵ ᱞᱮᱱ ᱛᱟᱭᱟ᱾ ᱛᱟᱭᱚᱢ ᱛᱮ ᱑᱙᱗᱗ ᱥᱮᱨᱢᱟ ᱨᱮ ᱪᱚᱸᱫᱽᱨᱚ ᱦᱟᱭᱟᱨ ᱥᱮᱠᱮᱱᱰᱟᱨᱤ ᱤᱥᱠᱩᱞ ᱠᱷᱚᱱ ᱥᱮᱠᱮᱱᱰᱟᱨᱤ ᱮ ᱯᱟᱥ ᱞᱮᱱᱟ᱾ ᱑᱙᱘᱐ ᱥᱮᱨᱢᱟ ᱨᱮ ᱠᱟᱯᱜᱟᱲᱤ ᱥᱮᱵᱟᱵᱷᱟᱨᱚᱛᱤ ᱢᱚᱦᱟᱵᱤᱫᱫᱟᱞᱚᱭ ᱠᱷᱚᱱ ᱵᱤ.ᱮ ᱟᱨ ᱑᱙᱘᱔ ᱥᱮᱨᱢᱟ ᱨᱮ ᱨᱚᱵᱤᱱᱫᱽᱨᱚ ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ[᱑] ᱠᱷᱚᱱ ᱨᱟᱡᱽᱟᱹᱨᱤ ᱥᱟᱬᱮᱥ ᱨᱮ ᱮᱢ.ᱮᱭ ᱯᱟᱥ ᱞᱮᱫᱟ᱾
ᱠᱟᱹᱢᱤ
ᱥᱟᱯᱲᱟᱣ᱑᱙᱘᱔ ᱥᱮᱨᱢᱟ ᱨᱮ ᱵᱷᱟᱨᱚᱛᱤᱭᱚ ᱥᱴᱮᱴ ᱵᱮᱝᱠ ᱨᱮ ᱠᱟᱹᱢᱤᱭ ᱮᱦᱚᱵ ᱞᱮᱫᱟ᱾ ᱠᱚᱞᱠᱟᱛᱟ ᱨᱮ ᱛᱟᱦᱮ ᱛᱟᱭᱚᱢ ᱩᱪᱟᱹᱲ ᱠᱟᱛᱮ ᱡᱷᱟᱲᱜᱨᱟᱢ ᱨᱮᱭ ᱦᱮᱡ ᱞᱮᱱᱟ᱾
ᱥᱟᱶᱦᱮᱫ ᱪᱟᱨᱪᱟ
ᱥᱟᱯᱲᱟᱣᱥᱟᱱᱛᱟᱲ ᱥᱟᱶᱛᱟ ᱟᱨ ᱞᱟᱠᱪᱟᱨ ᱥᱟᱶ ᱡᱚᱯᱲᱟᱣ ᱮ ᱛᱟᱦᱮᱸ ᱠᱟᱱ ᱛᱮ ᱥᱟᱱᱛᱟᱲ ᱪᱮᱛᱟᱱ ᱫᱩᱞᱟᱹᱲ ᱧᱮᱞᱚᱜ ᱛᱟᱭᱟ, ᱡᱟᱦᱟᱸ ᱫᱚ ᱟᱡᱟᱜ ᱚᱞ ᱵᱮᱞ ᱛᱟᱞᱟ ᱛᱮᱭ ᱥᱚᱫᱚᱨ ᱟᱠᱟᱫᱟ᱾ ᱠᱟᱯᱜᱟᱲᱤ ᱠᱚᱞᱮᱡᱽ ᱨᱮ ᱯᱟᱲᱦᱟᱜ ᱚᱠᱛᱮ ᱠᱷᱚᱱ ᱜᱮ ᱠᱷᱮᱨᱣᱟᱞ ᱥᱚᱨᱮᱱᱟᱜ ᱥᱟᱶᱦᱮᱫ ᱪᱟᱨᱪᱟ ᱫᱚ ᱮᱦᱚᱵ ᱞᱮᱱᱟ᱾ ᱟᱡᱟᱜ ᱯᱳᱭᱞᱳ ᱚᱞ ᱫᱚ ᱦᱩᱭᱩᱜ ᱠᱟᱱᱟ "ᱜᱩᱛᱤ" ᱡᱟᱦᱟᱸ ᱫᱚ ᱑᱙᱗᱘ ᱥᱮᱨᱢᱟ ᱨᱮ ᱯᱚᱪᱷᱤᱢ ᱵᱟᱝᱞᱟ ᱯᱟᱛᱷᱟᱢ ᱨᱮ ᱩᱪᱷᱟᱹᱱ ᱞᱮᱱᱟ᱾ ᱵᱮᱼᱥᱤᱠᱷᱱᱟᱹᱛ ᱟᱨ ᱧᱩᱛᱟᱹᱛ ᱨᱮ ᱢᱮᱱᱟᱜ ᱠᱚ ᱥᱟᱱᱛᱟᱲ ᱡᱟᱹᱛᱤ ᱮᱵᱷᱮᱱ ᱠᱚ ᱞᱟᱹᱜᱤᱫ ᱜᱟᱭᱟᱱ ᱚᱞ ᱨᱮ ᱢᱚᱱᱮᱭ ᱞᱟᱜᱟᱣ ᱞᱮᱫ ᱛᱟᱭᱟ᱾
ᱚᱞ ᱠᱚ
ᱥᱟᱯᱲᱟᱣ- ᱚᱞ ᱯᱩᱛᱷᱤ ᱠᱚ
- ᱠᱷᱮᱨᱣᱟᱞ ᱟᱲᱟᱝ (ᱚᱱᱚᱬᱦᱮᱸ ᱛᱩᱢᱟᱹᱞ) - ᱑᱙᱘᱙
- ᱠᱷᱮᱨᱣᱟᱞ ᱠᱚ ᱫᱤᱥᱟᱹ ᱠᱟᱛᱮ (ᱠᱟᱹᱦᱱᱤ ᱛᱩᱢᱟᱹᱞ) - ᱑᱙᱙᱒ ᱟᱨ ᱫᱚᱥᱟᱨ ᱨᱟᱫᱟ ᱒᱐᱐᱔ ᱥᱮᱨᱢᱟ ᱨᱮ
- ᱥᱮᱨᱮᱧ ᱟᱠᱷᱲᱟ ᱨᱮ ᱠᱷᱮᱨᱣᱟᱞ (ᱥᱮᱨᱮᱧ ᱯᱩᱛᱷᱤ) - ᱑᱙᱙᱔
- ᱛᱷᱟᱹᱨᱤ ᱫᱟᱠᱟ ᱨᱮ ᱢᱮᱫ ᱫᱟᱜ (ᱜᱟᱭᱟᱱ ᱯᱩᱛᱷᱤ) - ᱑᱙᱙᱓
- ᱪᱮᱫ ᱨᱮ ᱪᱤᱠᱟᱹᱭᱮᱱᱟ (ᱜᱟᱭᱟᱱ) - ᱒᱐᱐᱓[᱒][᱓][᱔]
- ᱨᱮᱰᱤᱭᱳ ᱜᱟᱭᱟᱱ
- ᱵᱟᱦᱟ ᱢᱟᱹᱭ
- ᱨᱟᱡᱩ ᱫᱟᱫᱟ
- ᱡᱤᱛᱠᱟᱹᱨ ᱚᱱᱚᱞᱤᱭᱟᱹ
- ᱡᱟᱛᱨᱟ
- ᱥᱟᱹᱜᱩᱱ ᱢᱟᱨᱥᱟᱞ - ᱑᱙᱘᱒
- ᱡᱟᱣᱜᱮ ᱫᱩᱞᱟᱹᱲ ᱡᱤᱭᱟᱹᱲ ᱛᱟᱦᱮᱱ ᱢᱟ - ᱑᱙᱘᱓
- ᱵᱟᱹᱧ ᱵᱟᱰᱟᱭᱟ ᱛᱤᱱᱟᱹᱜ ᱥᱟᱹᱨᱤᱭᱟ
- ᱥᱟᱶᱛᱟ ᱩᱜᱟᱹᱲ ᱨᱮ ᱦᱮᱸᱫᱮ ᱵᱤᱧ - ᱑᱙᱙᱐
- ᱫᱩᱞᱟᱹᱲ ᱰᱟᱹᱦᱤ ᱨᱮ ᱜᱤᱫᱤ ᱠᱚ ᱢᱟᱰᱨᱟᱜ ᱠᱟᱱ - ᱑᱙᱙᱑
- ᱡᱤᱣᱤ ᱞᱚᱜ ᱠᱟᱱ ᱢᱮᱫ ᱫᱟᱜ ᱡᱚᱨᱚᱜ ᱠᱟᱱ - ᱑᱙᱙᱓
- ᱠᱩᱱᱟᱹᱢᱤ ᱪᱟᱸᱫᱚ ᱢᱟᱨᱥᱟᱞ
- ᱡᱤᱣᱤ ᱥᱮᱸᱜᱮᱞ
- ᱡᱚᱭ ᱡᱤᱛᱠᱟᱹᱨ ᱫᱮᱵᱚᱱ ᱢᱮᱱᱟ
ᱮᱴᱟᱜ ᱠᱟᱹᱢᱤ ᱠᱚ
ᱥᱟᱯᱲᱟᱣᱜᱟᱭᱟᱱ ᱩᱫᱩᱜ ᱞᱟᱹᱜᱤᱫ ᱑᱙᱙᱐ ᱥᱮᱨᱢᱟ ᱨᱮ ᱠᱳᱞᱠᱟᱛᱟ ᱠᱷᱮᱨᱣᱟᱞ ᱰᱨᱟᱢᱟᱴᱤᱠ ᱠᱞᱟᱵᱽ ᱮ ᱵᱮᱨᱮᱫ ᱞᱮᱫᱟ᱾ ᱱᱚᱣᱟ ᱫᱚ ᱢᱟᱨᱥᱟᱞ ᱜᱟᱶᱛᱟ ᱨᱮᱭᱟᱜ ᱞᱟᱠᱪᱟᱨ ᱦᱟᱹᱴᱤᱧ ᱠᱟᱱᱟ᱾ ᱢᱟᱨᱥᱟᱞ ᱜᱟᱶᱛᱟ ᱵᱮᱱᱟᱣ ᱨᱮᱦᱚᱸ ᱠᱷᱮᱨᱣᱟᱞ ᱥᱚᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜᱼᱟ᱾ ᱱᱚᱣᱟ ᱜᱟᱶᱛᱟ ᱟᱜ ᱠᱩᱨᱩᱢᱩᱴᱩ ᱛᱮᱜᱮ ᱨᱤᱢᱤᱞ (ᱛᱟᱭᱚᱢ ᱛᱮ ᱮᱵᱷᱮᱱ ᱥᱟᱠᱚᱣᱟ ᱧᱩᱢ ᱟᱹᱨᱩ ᱞᱮᱱᱟ) ᱯᱟᱛᱷᱟᱢ ᱩᱪᱷᱟᱹᱱ ᱮᱦᱚᱵ ᱞᱮᱱᱟ᱾ ᱠᱟᱞᱤᱯᱚᱫᱚ ᱥᱚᱨᱮᱱ ᱟᱜ ᱥᱟᱥᱟᱯᱲᱟᱣ ᱛᱮ ᱱᱚᱣᱟ ᱯᱟᱛᱷᱟᱢ ᱫᱚ ᱤᱨᱟᱹᱞ ᱜᱮᱞ ᱫᱚᱥᱚᱠ ᱨᱮᱱ ᱯᱟᱯᱟᱲᱦᱟᱣᱤᱭᱟᱹ ᱠᱚ ᱴᱷᱮᱱ ᱟᱸᱫᱳᱲ ᱮ ᱥᱤᱨᱡᱟᱹᱣ ᱞᱮᱫᱟ᱾
᱒᱐᱐᱖ ᱥᱮᱨᱢᱟ ᱠᱷᱚᱱ ᱞᱮᱛᱟᱲ ᱜᱮ ᱠᱷᱮᱨᱣᱟᱞ ᱡᱟᱦᱮᱨ ᱯᱟᱛᱷᱟᱢ ᱮ ᱥᱟᱯᱲᱟᱣ ᱮᱫᱟ᱾[᱕]
ᱢᱟᱹᱱ ᱟᱨ ᱥᱤᱨᱯᱷᱟᱹ
ᱥᱟᱯᱲᱟᱣᱥᱟᱶᱦᱮᱫ ᱨᱮ ᱮᱱᱮᱢ ᱞᱟᱹᱜᱤᱫ ᱟᱹᱰᱤ ᱜᱟᱱ ᱢᱟᱹᱱ ᱟᱨ ᱥᱤᱨᱯᱷᱟᱹ ᱮ ᱟᱢᱟ ᱟᱠᱟᱫᱟ᱾
- ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱠᱷᱚᱱ ᱥᱚᱨᱮᱥ ᱚᱱᱚᱞᱤᱭᱟᱹ ᱢᱟᱹᱱ - ᱑᱙᱙᱒
- ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱠᱷᱚᱱ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱩᱱᱩᱭᱦᱟᱹᱨ ᱢᱟᱹᱱ - ᱒᱐᱐᱔
- ᱥᱟᱦᱤᱛᱭᱚ ᱮᱠᱟᱰᱮᱢᱤ, ᱱᱟᱣᱟ ᱫᱤᱞᱞᱤ ᱠᱷᱚᱱ ᱥᱚᱨᱮᱥ ᱚᱱᱚᱞᱤᱭᱟᱹ ᱢᱟᱹᱱ - ᱒᱐᱐᱗[᱖][᱗][᱘]
- ᱯᱚᱪᱷᱤᱢ ᱵᱟᱝᱞᱟ ᱥᱟᱱᱛᱟᱲᱤ ᱮᱠᱟᱰᱮᱢᱤ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱠᱷᱚᱱ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱩᱱᱩᱭᱦᱟᱹᱨ ᱥᱤᱨᱯᱷᱟᱹ - ᱒᱐᱑᱓
- ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱠᱷᱚᱱ ᱜᱩᱱᱤᱡᱚᱱ ᱥᱟᱨᱦᱟᱣ ᱢᱟᱹᱱ - ᱒᱐᱑᱕
- ᱥᱟᱦᱤᱛᱭᱚ ᱮᱠᱟᱰᱮᱢᱤ, ᱱᱟᱣᱟ ᱫᱤᱞᱞᱤ ᱠᱷᱚᱱ ᱥᱟᱱᱛᱟᱲᱤ ᱛᱚᱨᱡᱚᱢᱟ ᱥᱟᱶᱦᱮᱫ ᱥᱤᱨᱯᱷᱟᱹ ('ᱟᱹᱱᱟᱹᱭᱠᱟᱹᱣ') - ᱒᱐᱑᱙
- ᱵᱷᱟᱨᱚᱛ ᱫᱤᱥᱚᱢ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱨᱟᱢ ᱱᱟᱛᱷ ᱠᱚᱵᱤᱱᱫᱽ ᱴᱷᱮᱱ ᱠᱷᱚᱱ ᱯᱚᱫᱽᱢᱚᱥᱨᱤ ᱢᱟᱹᱱ ᱮ ᱧᱟᱢ ᱟᱠᱟᱫᱟ - ᱒᱐᱒᱒[᱙][᱑᱐]
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ BirSar (2022-01-26). "পদ্মশ্রী পুরস্কার পাচ্ছেন প্রখ্যাত সাঁওতালি নাট্যকার কালিপদ সরেন ওরফে খেরওয়াল সরেন". Sar Sagun Patrika (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 2022-01-26. Retrieved 2022-01-26.
- ↑ "General Council of Paschim Banga Santali Academy" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2022-01-26.
- ↑ "..:: SAHITYA : Akademi Awards ::." sahitya-akademi.gov.in. Retrieved 2022-01-26.
- ↑ "Santali Sahitya Akademi Award list 2005-2019 List". Santali History Blogger. Retrieved 2022-01-26.
- ↑ "সাঁওতালি সাহিত্যে অবদানের স্বীকৃতি, পদ্মশ্রী পেলেন ঝাড়গ্রামের কালীপদ সোরেন". Sangbad Pratidin (in Bengali). Retrieved 2022-01-26.
- ↑ "General Council of Paschim Banga Santali Academy" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2022-01-26.
- ↑ "..:: SAHITYA : Akademi Awards ::." sahitya-akademi.gov.in. Retrieved 2022-01-26.
- ↑ "Santali Sahitya Akademi Award list 2005-2019 List". Santali History Blogger. Retrieved 2022-01-26.
- ↑ "Former West Bengal Chief Minister Buddhadeb Bhattacharjee refuses to accept Padma Bhushan by politics over Padma Awards - New Times Of India" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2022-01-25. Retrieved 2022-01-26.[permanent dead link]
- ↑ "Contribution in the social field, Padma Bhushan honored Buddhadeb Bhattacharya – Uttarbanga Sambad | North Bengal News Media" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 2022-01-26. Retrieved 2022-01-26.