ᱡᱚᱭᱯᱟᱞ ᱥᱤᱝ ᱢᱩᱱᱰᱟ

ᱡᱚᱭᱯᱟᱞ ᱥᱤᱝ ᱢᱩᱱᱰᱟ
ᱠᱷᱮᱞᱚᱸᱰᱤᱭᱟᱹ ᱩᱯᱩᱨᱩᱢ
ᱡᱟᱱᱟᱢ	᱓ ᱡᱟᱱᱩᱣᱟᱨᱤ ᱑᱙᱐᱓; ᱴᱟᱠᱨᱟ ᱯᱟᱦᱟᱱᱴᱚᱞᱤ, ᱨᱟᱺᱪᱤ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ; (ᱱᱤᱛᱚᱜ ᱡᱷᱟᱨᱠᱷᱚᱸᱰ ᱨᱮ), ᱵᱨᱤᱴᱤᱥ ᱥᱤᱧᱚᱛ
ᱜᱩᱨ	᱒᱐ ᱢᱟᱨᱪ ᱑᱙᱗᱐ (᱖᱗ ᱵᱚᱭᱚᱥ); ᱱᱟᱶᱟ ᱫᱤᱞᱞᱤ, ᱥᱤᱧᱚᱛ
ᱠᱷᱮᱞᱚᱸᱰ ᱴᱷᱟᱶ	ᱰᱤᱯᱷᱮᱱᱰᱟᱨ
Senior career
Years	Team
–	Wimbledon Hockey Club
National team
Years	Team
	ᱥᱤᱧᱚᱛ
ᱥᱤᱨᱯᱷᱟᱹ ᱨᱮᱭᱟᱜ ᱠᱟᱛᱷᱟ
Men's Field Hockey
ᱦᱮᱯᱨᱟᱣᱤᱭᱟᱹ ᱥᱤᱧᱚᱛ ᱞᱟᱹᱜᱤᱫ
Olympic Games

ᱡᱚᱭᱯᱟᱞ ᱥᱤᱝ ᱢᱩᱱᱰᱟ ᱫᱚ ᱵᱤᱦᱟᱨ ᱯᱚᱱᱚᱛ ᱴᱟᱠᱨᱟ ᱟᱹᱛᱩ ᱨᱮ ᱓. ᱓. ᱑᱙᱐᱓ ᱥᱟᱞᱮ ᱨᱮ ᱡᱟᱱᱟᱢ ᱞᱮᱱᱟ ᱾^[᱒] ᱟᱡᱤᱡ ᱡᱟᱱᱟᱢ ᱵᱟᱵᱟ ᱫᱚ ᱚᱱᱟ ᱫᱤᱜᱽᱵᱷᱟᱜᱽ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱦᱚᱲ ᱜᱮᱭ ᱛᱟᱦᱮᱸ ᱠᱟᱱᱟ ᱾

ᱚᱞᱚᱜ ᱠᱟᱛᱷᱟ

᱑᱙᱑᱐ ᱥᱟᱞᱮᱨᱮ ᱚᱞᱚᱜ ᱟᱥᱲᱟ ᱥᱮᱱᱚᱜ ᱫᱚᱭ ᱮᱛᱚᱦᱚᱵ ᱠᱮᱜᱼᱟ ᱾ ᱚᱞᱚᱜ ᱞᱟᱹᱜᱤᱫ ᱫᱚ ᱨᱟᱺᱪᱤ ᱦᱚᱱᱚᱛ ᱥᱮᱸᱴᱯᱟᱞ ᱟᱥᱲᱟᱭ ᱥᱮᱱ ᱮᱱᱟ ᱾ ᱚᱱᱟ ᱟᱥᱲᱟ ᱨᱮ ᱟᱹᱰᱤ ᱱᱟᱯᱟᱭ ᱛᱮᱜᱮ ᱯᱟᱲᱦᱟᱣ ᱠᱟᱛᱮ ᱑᱙᱑᱙ ᱥᱟᱞᱮ ᱨᱮ ᱚᱸᱰᱮ ᱚᱞᱚᱜ ᱫᱚᱭ ᱥᱟᱹᱛ ᱠᱮᱜᱼᱟ ᱾ ᱚᱞᱚᱜ ᱨᱮ ᱟᱹᱰᱤ ᱱᱟᱯᱟᱭ ᱜᱮ ᱚᱨᱡᱚᱭ ᱧᱟᱢ ᱠᱮᱫ ᱠᱷᱟᱹᱛᱤᱨ ᱥᱮᱸᱴᱯᱟᱞ ᱟᱥᱲᱟ ᱨᱤᱱᱤᱡ ᱯᱨᱤᱸᱥᱯᱟᱞ ᱢᱟᱹᱱ ᱠᱟᱱᱟᱱ ᱠᱨᱟᱱ ᱜᱨᱟᱵᱽ ᱑᱙᱑᱙ ᱥᱟᱞᱮᱨᱮ ᱪᱮᱛᱟᱱ ᱚᱞᱚᱜ ᱞᱟᱹᱜᱤᱫ ᱛᱮ ᱤᱸᱜᱽᱞᱮᱸᱰ ᱮ ᱠᱩᱞ ᱠᱮᱫᱮ

ᱤᱸᱜᱽᱞᱮᱸᱰ ᱨᱮ ᱚᱞᱚᱜ

ᱡᱚᱭᱯᱟᱞ ᱥᱤᱝ ᱫᱚ ᱨᱟᱧᱪᱤ ᱦᱚᱱᱚᱛ ᱥᱮᱸᱴᱯᱟᱞ ᱟᱥᱲᱟ ᱨᱮ ᱚᱞᱚᱜ ᱥᱟᱹᱛ ᱠᱟᱛᱮ ᱪᱮᱛᱟᱱ ᱚᱞᱚᱜ ᱞᱟᱹᱜᱤᱫ ᱤᱸᱜᱽᱞᱮᱸᱰ ᱚᱞᱚᱜ ᱮ ᱥᱮᱱ ᱮᱱᱟ ᱾ ᱚᱸᱰᱮ ᱦᱚᱸ ᱟᱹᱰᱤ ᱱᱟᱯᱟᱭ ᱜᱮᱭ ᱚᱞ ᱯᱟᱲᱦᱟᱣᱜ ᱠᱟᱱ ᱛᱟᱦᱮᱸᱫ ᱾ ᱟᱡᱟᱜ ᱱᱟᱯᱟᱭ ᱚᱞ ᱯᱟᱲᱦᱟᱣ ᱠᱷᱟᱹᱛᱤᱨ ᱨᱩᱥᱛᱟᱱ ᱥᱠᱚᱞᱟᱨᱥᱤᱯ ᱦᱚᱸᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾

ᱠᱷᱮᱞᱚᱸᱰ

ᱚᱞᱚᱜ ᱯᱟᱲᱦᱟᱣ ᱨᱮ ᱡᱮᱢᱚᱱ ᱯᱟᱹᱨᱩᱠᱷᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱪᱤᱸᱰᱩ ᱮᱱᱮᱡ, ᱠᱤᱨᱠᱮᱴ ᱮᱱᱮᱡ ᱥᱟᱶᱛᱮ ᱦᱚᱠᱤ ᱮᱱᱮᱡ ᱨᱮᱦᱚᱸ ᱛᱮᱢᱚᱱ ᱜᱮ ᱨᱩᱥᱤᱠᱟᱭ ᱛᱟᱦᱮᱸ ᱠᱟᱱᱟ ᱾ ᱵᱤᱨᱫᱟᱹᱜᱟᱲ ᱨᱮ ᱯᱟᱲᱦᱟᱣᱜ ᱚᱠᱛᱚ ᱦᱚᱠᱤ ᱮᱱᱮᱡ ᱨᱮ ᱫᱟᱣ ᱦᱚᱸᱭ ᱧᱟᱢ ᱞᱮᱜᱼᱟ ᱾ ᱚᱱᱟ ᱥᱟᱶᱛᱮ ᱦᱚᱠᱤ ᱮᱱᱮᱡ ᱨᱤᱱᱤᱡ ᱢᱩᱲᱩᱛᱟᱱ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱦᱚᱠᱤ ᱠᱷᱮᱞᱚᱸᱰ ᱨᱮᱫᱚ ᱟᱹᱰᱤ ᱱᱟᱯᱟᱭ ᱧᱩᱛᱩᱢ ᱮ ᱟᱨᱡᱟᱣ ᱞᱮᱜᱼᱟ ᱾

ᱵᱤᱞᱟᱹᱛ ᱠᱷᱚᱱ ᱡᱚᱭᱯᱟᱞ ᱥᱤᱝ ᱮᱢ. ᱮ. ᱥᱟᱹᱛ ᱠᱟᱛᱮ ᱵᱤᱦᱟᱨ ᱯᱚᱱᱚᱛ ᱛᱮᱭ ᱨᱩᱣᱟᱹᱲ ᱦᱮᱡ ᱮᱱᱟ ᱾ ᱑᱙᱒᱘ ᱥᱟᱞᱧᱮ ᱡᱚᱭᱯᱟᱞ ᱥᱤᱝ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱦᱚᱠᱤ ᱠᱷᱮᱞᱚᱸᱰ ᱨᱮ ᱢᱩᱲᱩᱛᱟᱱ ᱞᱮᱠᱟ ᱛᱮᱠᱚ ᱠᱷᱚᱸᱡᱟ ᱠᱟᱫᱮᱭᱟ ᱾ ᱢᱩᱲᱩᱛᱟᱱ ᱛᱟᱦᱮᱸ ᱠᱟᱱ ᱚᱠᱛᱚ ᱚᱢᱚᱥᱛᱚᱨ ᱰᱟᱞᱢ ᱚᱞᱤᱢᱯᱤᱠ ᱮᱱᱮᱡ ᱨᱮ ᱵᱷᱟᱨᱚᱛᱤᱭᱟᱹ ᱦᱚᱠᱤ ᱴᱤᱢ ᱡᱚᱛᱚ ᱠᱷᱚᱱ ᱥᱚᱨᱮᱥ ᱞᱮᱱ ᱛᱟᱦᱮᱸᱱ ᱾ ᱩᱱᱠᱷᱚᱱ ᱜᱮ ᱡᱚᱭᱯᱟᱞ ᱥᱤᱝ ᱫᱚ ᱫᱷᱟᱹᱨᱛᱤ ᱨᱮ ᱢᱤᱫ ᱢᱟᱨᱟᱝ ᱠᱷᱮᱞᱚᱸᱰᱤᱭᱟᱹ ᱞᱮᱠᱟᱛᱮᱭ ᱧᱩᱛᱩᱢ ᱞᱮᱱ ᱛᱟᱦᱮᱸᱱ ᱾

ᱠᱟᱹᱢᱤᱦᱚᱨᱟ

᱑᱙᱓᱖ ᱥᱟᱞᱮᱨᱮ ᱟᱹᱫᱤᱵᱟᱹᱥᱤ ᱢᱚᱦᱟᱥᱚᱵᱷᱟᱨᱮ ᱥᱮᱞᱮᱫ ᱠᱟᱛᱮ ᱛᱤᱱᱟᱹᱜ ᱫᱤᱱ ᱜᱟᱱ ᱫᱚ ᱚᱱᱟ ᱥᱚᱵᱷᱟ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱢᱚᱦᱟᱥᱚᱵᱷᱟ ᱨᱮᱱᱟᱜ ᱠᱟᱹᱢᱤ ᱠᱚᱦᱚᱸ ᱟᱹᱰᱤ ᱱᱟᱯᱟᱭ ᱛᱮᱭ ᱛᱚᱨᱟᱣ ᱞᱮᱜᱼᱟ ᱾ ᱛᱤᱱᱟᱹᱝ ᱫᱤᱱ ᱛᱟᱭᱚᱢ ᱑᱙᱕᱐ ᱥᱟᱞᱮᱨᱮ ᱟᱹᱫᱤᱵᱟᱹᱥᱤ ᱢᱚᱦᱟᱥᱚᱵᱷᱟ ᱠᱷᱚᱱ ᱡᱷᱟᱨᱠᱷᱚᱸᱰ ᱯᱟᱨᱴᱤ ᱢᱮᱱᱛᱮ ᱠᱤᱱ ᱧᱩᱛᱩᱢ ᱠᱮᱜᱼᱟ ᱾ ᱚᱱᱟ ᱨᱮᱦᱚᱸ ᱟᱡ ᱜᱮ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱕᱒ ᱥᱟᱞᱮᱨᱮ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱮᱛᱚᱦᱚᱵ ᱥᱟᱱᱟᱞᱟ ᱨᱮ ᱡᱷᱟᱨᱠᱷᱚᱸᱰ ᱯᱟᱹᱨᱥᱤ ᱯᱟᱦᱴᱟ ᱠᱷᱚᱱ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱛᱮ ᱓᱒ ᱦᱚᱲ ᱮᱢ. ᱮᱞ. ᱮ ᱞᱮᱠᱟᱛᱮ ᱡᱤᱛᱠᱟ.ᱨ ᱠᱟᱛᱮᱭ ᱠᱩᱞ ᱠᱮᱫ ᱠᱚᱣᱟ ᱾ ᱡᱟᱭᱯᱟᱞ ᱥᱤᱝ ᱦᱚᱸ ᱫᱤᱞᱞᱤ ᱥᱚᱢᱵᱤᱫᱷᱟᱱ ᱨᱮ ᱮᱢ. ᱯᱤ. ᱞᱮᱠᱟᱛᱮ ᱴᱷᱟᱶ ᱮ ᱧᱟᱢ ᱠᱮᱜᱼᱟ ᱾

ᱛᱤᱱᱟᱹᱜ ᱜᱟᱱ ᱫᱚ ᱵᱚᱨᱢᱟᱭᱤᱞ ᱥᱩᱱᱩᱢ ᱠᱚᱢᱯᱟᱹᱱᱤ ᱨᱮ ᱦᱚᱸᱭ ᱪᱟᱹᱠᱨᱤ ᱞᱮᱜᱼᱟ ᱾ ᱵᱤᱠᱟᱱᱤ ᱨᱮ ᱯᱨᱤᱸᱥᱯᱟᱞ ᱪᱟᱹᱠᱨᱤ ᱦᱚᱸᱭ ᱪᱟᱹᱠᱨᱤ ᱞᱮᱜᱼᱟ ᱾ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱥᱚᱢᱵᱤᱫᱷᱟᱱ ᱯᱚᱨᱤᱥᱚᱫᱽ ᱨᱮᱦᱚᱸ ᱥᱚᱦᱮᱛ ᱞᱮᱠᱟ ᱛᱮᱭ ᱛᱟᱦᱮᱸ ᱠᱟᱱᱟ ᱾ ᱑᱙᱖᱓ ᱥᱟᱞᱮ ᱨᱮ ᱡᱷᱟᱨᱠᱷᱚᱸᱰ ᱯᱟᱨᱴᱤ ᱫᱚ ᱡᱚᱭᱯᱟᱞ ᱥᱤᱝ ᱠᱚᱸᱜᱽᱨᱮᱥ ᱯᱟᱨᱴᱤ ᱥᱟᱶ ᱮ ᱢᱮᱥᱟ ᱠᱟᱫᱼᱟ ᱾ ᱤᱠᱷᱟᱹᱱ ᱢᱚᱱᱮ ᱡᱤᱣᱤ ᱛᱟᱭ ᱫᱚ ᱵᱟᱝ ᱢᱮᱥᱟ ᱞᱮᱱᱟ ᱾ ᱪᱮᱫᱟᱜ ᱥᱮ ᱠᱚᱸᱜᱽᱨᱮᱥ ᱯᱟᱴᱤ ᱨᱮᱫᱚ ᱮᱠᱷᱮᱱ ᱫᱤᱠᱩ ᱠᱚ ᱛᱟᱦᱮᱸ ᱠᱟᱱᱟ ᱾ ᱛᱚᱵᱮ ᱱᱚᱶᱟ ᱢᱮᱥᱟ ᱠᱟᱜ ᱨᱮᱭᱟᱜ ᱢᱩᱬᱩᱛ ᱮᱛᱮᱫ ᱦᱚᱸ ᱢᱮᱱᱟᱜ ᱜᱮᱭᱟ ᱾

ᱡᱚᱭᱯᱟᱞ ᱥᱤᱝ ᱫᱚ ᱚᱞ ᱜᱩᱨᱩ ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱠᱷᱚᱱ ᱫᱚ ᱵᱟᱨ ᱥᱮᱨᱢᱟᱭ ᱢᱟᱨᱟᱝ ᱜᱮᱭᱟ ᱾ ᱚᱞ ᱪᱤᱠᱤ ᱪᱮᱛᱟᱱ ᱨᱮᱦᱚᱸ ᱡᱚᱭᱯᱟᱞ ᱥᱤᱝ ᱟᱜ ᱫᱚ ᱟᱹᱰᱤ ᱜᱮ ᱫᱩᱞᱟᱹᱲ ᱛᱟᱦᱮᱸ ᱠᱟᱱᱟ ᱾ ᱪᱮᱫᱟᱜ ᱥᱮ ᱡᱚᱭᱯᱟᱞ ᱥᱤᱝ ᱫᱚ ᱯᱮ ᱴᱟᱲᱟᱝ ᱨᱮᱜᱮ ᱚᱞ ᱪᱤᱠᱤ ᱫᱚᱭ ᱪᱮᱫ ᱥᱟᱹᱛ ᱞᱮᱜᱼᱟ ᱾ ᱡᱚᱭᱯᱟᱞ ᱥᱤᱝ ᱜᱮ ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱫᱚ ᱚᱞ ᱜᱩᱨᱩ ᱢᱮᱱᱛᱮᱭ ᱧᱩᱢ ᱦᱟᱞᱟᱝ ᱞᱮᱫᱮᱭᱟ ᱾ ᱱᱩᱭ ᱡᱟᱦᱟᱸ ᱨᱮᱜᱮ ᱟᱨᱵᱟᱝ ᱢᱤᱫᱩᱱ ᱟᱠᱷᱲᱟ ᱠᱚᱨᱮᱭ ᱢᱮᱱ ᱟᱹᱜᱩ ᱟᱠᱟᱜᱼᱟ, ᱟᱵᱚ ᱡᱮᱛᱮ ᱥᱟᱱᱛᱟᱲ, ᱞᱟᱲᱠᱟ, ᱢᱩᱸᱰᱟᱹ, ᱟᱨᱵᱟᱝ ᱵᱤᱨᱦᱚᱲ ᱡᱚᱛᱚ ᱟᱹᱫᱤᱵᱟᱹᱥᱤ ᱠᱚ ᱡᱩᱢᱤᱫᱽ ᱛᱟᱦᱮᱸ ᱦᱩᱭ ᱟᱵᱚᱱᱟ ᱾ ᱟᱨ ᱚᱞ ᱪᱤᱠᱤ ᱦᱚᱸ ᱢᱟᱱᱟᱣ ᱟᱨ ᱵᱟᱛᱟᱣ ᱦᱩᱭ ᱟᱵᱚᱱᱟ ᱾ ᱥᱚᱨᱠᱟᱨ ᱮ ᱦᱟᱛᱟᱣ ᱟᱨ ᱵᱟᱭ ᱦᱟᱛᱟᱣ ᱤᱠᱷᱟᱹᱱ ᱚᱱᱟ ᱢᱟᱬᱟᱝ ᱨᱮ ᱟᱵᱚ ᱢᱟᱬᱟᱝ ᱵᱟᱛᱟᱣ ᱦᱟᱛᱟᱣ ᱦᱩᱭ ᱟᱵᱚᱱᱟ ᱾ ᱚᱱᱟ ᱥᱟᱶᱛᱮ ᱱᱚᱶᱟ ᱦᱚᱸᱭ ᱢᱮᱱ ᱦᱚᱴᱚ ᱞᱮᱜᱼᱟ, " ᱠᱷᱟᱹᱞᱤ ᱱᱤᱱᱟᱹᱜ ᱥᱩᱢᱩᱝ ᱛᱮᱫᱚ ᱵᱟᱝ ᱜᱟᱱᱚᱜᱼᱟ, ᱡᱟᱦᱟᱸ ᱛᱤᱱ ᱵᱷᱩᱨ ᱟᱵᱚ ᱚᱞ ᱪᱤᱠᱤ ᱛᱮ ᱵᱟᱵᱚ ᱚᱞᱼᱛᱚᱞ ᱟᱠᱟᱱᱟ ᱩᱱ ᱵᱷᱩᱨ ᱫᱚ ᱱᱚᱶᱟ ᱫᱤᱥᱚᱢ ᱨᱮ ᱦᱚᱲ ᱢᱮᱱᱛᱮ ᱦᱚᱲ ᱵᱟᱵᱚ ᱞᱮᱠᱷᱟᱜᱼᱟ ᱥᱮ ᱵᱟᱠᱚ ᱢᱟᱱᱟᱣ ᱵᱟᱛᱟᱣ ᱵᱚᱱᱟ ᱾ ᱪᱮᱫᱟᱜ ᱥᱮ ᱚᱞᱼᱛᱚᱞ ᱟᱨ ᱚᱞ ᱨᱚᱲ ᱵᱟᱝ ᱠᱷᱟᱱ ᱚᱠᱟ ᱡᱟᱹᱛᱤ ᱦᱚᱸ ᱛᱤᱥ ᱨᱮᱦᱚᱸ ᱵᱟᱝ ᱛᱤᱸᱜᱩ ᱠᱮᱴᱮᱡ ᱠᱚᱜᱼᱟ ᱾ " ᱥᱟᱶᱛᱟ ᱞᱟᱹᱜᱤᱫ ᱱᱩᱱᱟᱹᱜ ᱫᱩᱞᱟᱹᱲ ᱛᱟᱦᱮᱸ ᱠᱟᱱ ᱛᱟᱹᱠᱤᱱᱟ ᱾ ᱥᱟᱶᱛᱟ ᱩᱛᱱᱟᱹᱣ, ᱡᱟ.ᱛᱤ ᱫᱷᱚᱨᱚᱢ ᱩᱛᱱᱟᱹᱣ, ᱟᱨ ᱵᱟᱝ ᱫᱤᱥᱚᱢ ᱩᱛᱱᱟᱹᱣ ᱠᱟᱹᱢᱤ ᱨᱮᱜᱮ ᱠᱤᱱ ᱦᱟᱲᱟᱢ ᱪᱟᱵᱟ ᱞᱮᱱᱟ ᱾

ᱵᱚᱸᱜᱟ ᱫᱤᱥᱚᱢ

ᱥᱤᱧᱚᱛ ᱫᱤᱥᱚᱢ ᱟᱹᱯᱱᱟᱹᱛ ᱠᱟᱛᱮ ᱒᱒ ᱥᱮᱨᱢᱟ ᱛᱟᱭᱚᱢ ᱠᱷᱟᱱ ᱜᱮ ᱢᱟᱹᱱ ᱡᱚᱭᱯᱟᱞ ᱥᱤᱝ ᱛᱤᱠᱤᱱ ᱫᱚ ᱢᱟ. ᱒᱐. ᱓. ᱑᱙᱗᱐ ᱥᱟᱞᱮ ᱨᱮ ᱟᱵᱚ ᱥᱟᱢᱟᱝ ᱠᱷᱚᱱ ᱫᱚᱠᱤᱱ ᱥᱮᱨᱢᱟ ᱫᱤᱥᱚᱢ ᱟᱨᱵᱟᱝ ᱵᱚᱸᱜᱟ ᱫᱤᱥᱚᱢ ᱮᱱᱟ ᱾ ᱟᱡ ᱜᱮᱥᱮᱭ ᱵᱚᱸᱜᱟ ᱫᱤᱥᱚᱢ ᱮᱱᱟ, ᱤᱠᱷᱟᱹᱱ ᱟᱡᱟᱜ ᱠᱩᱨᱩᱢᱩᱴᱩ ᱟᱹᱰᱤ ᱜᱟᱱ ᱠᱟᱹᱢᱤᱭ ᱛᱤᱸᱜᱩ ᱠᱮᱴᱮᱡ ᱦᱚᱴᱚ ᱠᱟᱫᱼᱟ ᱾ ᱡᱚᱭᱯᱟᱞ ᱥᱤᱝ ᱟᱵᱚ ᱠᱚ ᱥᱟᱢᱟᱝ ᱨᱮ ᱵᱟᱹᱱᱩᱜ ᱮ ᱨᱮᱦᱚᱸ ᱟᱵᱚ ᱠᱚ ᱥᱟᱢᱟᱝ ᱨᱮ ᱡᱷᱟᱞᱠᱟᱣᱜ ᱠᱟᱱ ᱡᱟᱹᱛᱤ ᱥᱟᱶᱛᱟ ᱨᱮᱜᱮ ᱟᱡ ᱦᱚᱸᱭ ᱡᱷᱟᱞᱠᱟᱣᱜ ᱠᱟᱱᱟ ᱾ ᱚᱱᱟᱛᱮ ᱱᱚᱶᱟ ᱫᱷᱟᱹᱨᱛᱤ ᱛᱟᱦᱮᱸᱱ ᱵᱷᱩᱨ ᱟᱡ ᱦᱚᱸ ᱱᱚᱶᱟ ᱡᱟᱹᱛᱤ ᱥᱟᱶᱛᱟ ᱫᱚ ᱵᱟᱭ ᱦᱤᱲᱤᱧ ᱫᱟᱲᱮ ᱟᱭᱟ ᱾

ᱥᱟᱹᱠᱷᱭᱟᱹᱛ

↑ "Jaipal Singh - Making Britain". www.open.ac.uk.
↑ ᱡᱚᱭᱯᱟᱞ ᱥᱤᱝ (ᱯᱩᱭᱞᱩ ed.). ᱵᱟᱨᱤᱯᱚᱫᱟ: ᱦᱟᱸᱥ ᱦᱟᱹᱥᱞᱤ ᱯᱟᱨᱥᱟᱞᱮᱛ. ᱓᱐ ᱡᱩᱱ ᱒᱐᱑᱙. p. ᱓᱕. ISBN 978-81-940541-3-9. {{cite book}}: |first1= missing |last1= (help); Check date values in: |date= (help)

ᱵᱟᱦᱨᱮ ᱡᱚᱱᱚᱲ

profile

[1] "Jaipal Singh - Making Britain". www.open.ac.uk.

[ᱡᱚᱭᱯᱟᱞ_ᱥᱤᱝ-2] ᱡᱚᱭᱯᱟᱞ ᱥᱤᱝ (ᱯᱩᱭᱞᱩ ed.). ᱵᱟᱨᱤᱯᱚᱫᱟ: ᱦᱟᱸᱥ ᱦᱟᱹᱥᱞᱤ ᱯᱟᱨᱥᱟᱞᱮᱛ. ᱓᱐ ᱡᱩᱱ ᱒᱐᱑᱙. p. ᱓᱕. ISBN 978-81-940541-3-9. {{cite book}}: |first1= missing |last1= (help); Check date values in: |date= (help)

[᱒]

[᱑]