ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ
ᱡᱚᱱᱚᱲᱟ / ᱡᱚᱢᱰᱨᱟ

ᱡᱚᱱᱚᱲᱟ / ᱡᱚᱸᱰᱨᱟ ᱫᱚ ᱢᱤᱫ ᱡᱚᱢᱟᱜ ᱡᱚ ᱠᱟᱱᱟ ᱾ ᱪᱟᱥ ᱠᱟᱛᱮ ᱦᱚᱸ ᱪᱟᱹᱥᱤ ᱞᱟᱵᱽ ᱮ ᱧᱟᱢ ᱫᱟᱲᱮᱭᱟᱜ-ᱟ ᱾ ᱱᱚᱶᱟ ᱫᱚ ᱡᱚᱛᱚ ᱨᱤᱛᱩ ᱨᱮᱜᱮ ᱪᱟᱥ ᱜᱟᱱᱚᱜ-ᱟ ᱾ ᱱᱚᱶᱟ ᱪᱟᱥ ᱞᱟᱹᱜᱤᱫ ᱩᱥᱩᱞ, ᱜᱩᱰᱨᱟᱹᱣ, ᱱᱤᱜᱽᱰᱟᱹ ᱫᱷᱟᱨᱟ ᱚᱛ/ᱡᱩᱢᱤ ᱨᱮᱱᱟᱜ ᱞᱟᱹᱠᱛᱤ ᱢᱮᱱᱟᱜ-ᱟ ᱾ ᱱᱚᱝᱠᱟᱛᱮ ᱵᱩᱨᱩ ᱡᱩᱢᱤ ᱨᱮᱦᱚᱸ ᱪᱟᱥ ᱜᱟᱱᱚᱜ-ᱟ ᱾ ᱡᱚᱸᱰᱨᱟ ᱪᱟᱥ ᱞᱟᱹᱜᱤᱫ ᱰᱮᱦᱮᱨ ᱞᱚᱞᱚ ᱟᱨ ᱠᱚᱢ ᱚᱫᱟ ᱛᱟᱦᱮᱸᱱ ᱠᱷᱟᱱ ᱪᱟᱥ ᱫᱚ ᱟᱹᱰᱤ ᱵᱷᱟᱹᱜᱤ ᱦᱯᱭᱩᱜ-ᱟ ᱟᱨ ᱪᱟᱹᱥᱤ ᱦᱚᱸ ᱟᱹᱰᱤ ᱜᱟᱱ ᱟᱨᱡᱟᱣ ᱦᱤᱡᱩᱜ ᱛᱟᱭᱟ ᱾ ᱥᱟᱫᱷᱟᱨᱚᱱ ᱡᱚᱸᱰᱨᱟ ᱨᱚ ᱫᱚ ᱥᱤᱢ ᱡᱤᱢ, ᱰᱟᱺᱜᱽᱨᱤ ᱡᱚᱢ ᱟᱨ ᱢᱟᱹᱱᱢᱤ ᱠᱚᱣᱟᱜ ᱡᱚᱢ ᱞᱟᱹᱜᱤᱫ ᱟᱹᱰᱤ ᱵᱷᱟᱹᱜᱩᱭᱟ ᱾ ᱜᱤᱫᱽᱨᱟᱹ ᱡᱚᱸᱰᱨᱟ (Baby Corn) ᱨᱮᱱᱟᱜ ᱧᱮᱞᱚᱜ ᱫᱚ ᱥᱟᱹᱭᱠᱟᱹᱛ ᱠᱟᱹᱴᱩᱵ ᱞᱮᱠᱟ, ᱱᱚᱶᱟ ᱠᱚ ᱫᱚ ᱪᱟᱶᱟᱨ ᱚᱰᱚᱠ ᱨᱮᱱᱟᱜ ᱵᱟᱹᱨᱥᱤᱧ ᱛᱟᱭᱚᱢ ᱠᱷᱟᱱ ᱜᱮ ᱠᱚ ᱯᱚᱴᱚᱡ ᱫᱚᱦᱚᱭᱟ ᱾ ᱱᱚᱶᱟ ᱠᱚ ᱫᱚ ᱟᱵᱚ ᱨᱟᱯᱟᱜ ᱠᱟᱛᱮ, ᱛᱤᱠᱤ ᱠᱟᱛᱮ ᱟᱨ ᱩᱛᱩ ᱠᱟᱛᱮ ᱦᱚᱸ ᱵᱚᱱ ᱡᱚᱢ ᱫᱟᱲᱮᱭᱟᱜ-ᱟ, ᱟᱹᱰᱤ ᱥᱤᱵᱤᱞᱟ ᱾ ᱡᱚᱱᱚᱲᱟ ᱜᱮᱞᱮ ᱫᱚ ᱯᱚᱴᱚᱡ ᱨᱮᱱᱟᱜ ᱔᱘ ᱴᱟᱬᱟᱝ ᱵᱷᱤᱛᱤᱨ ᱨᱮ ᱡᱚᱢ ᱞᱮᱠᱷᱟᱱ ᱟᱹᱰᱤ ᱥᱤᱵᱤᱞ ᱵᱩᱡᱷᱟᱹᱣ-ᱟ ᱾ ᱟᱹᱰᱤ ᱜᱷᱟᱹᱲᱤᱠ ᱛᱟᱦᱮᱸ ᱞᱮᱱ ᱠᱷᱟᱱ ᱱᱚᱶᱟ ᱨᱮᱱᱟᱜ ᱥᱤᱵᱤᱞ ᱜᱩᱱ ᱛᱮᱫ ᱫᱚ ᱠᱚᱢᱚᱜ-ᱟ ᱾ ᱢᱟᱫᱷᱩᱨᱤ, ᱯᱨᱤᱭᱟ, ᱦᱟᱭᱵᱨᱤᱰ ᱥᱟᱜᱚᱨ - ᱓᱕ ᱮᱢᱟᱱ ᱧᱩᱛᱩᱢᱟᱱ ᱡᱚᱱᱚᱲᱟ ᱠᱚ ᱫᱚ ᱗᱐ ᱠᱷᱚᱱ ᱗᱕ ᱫᱤᱱ ᱵᱷᱤᱛᱤᱨ ᱛᱮ ᱜᱮᱞᱮ ᱥᱟᱹᱛᱚᱜ-ᱟ ᱾

ᱪᱟᱥ ᱦᱚᱨᱟᱥᱟᱯᱲᱟᱣ

ᱚᱛ/ᱡᱩᱢᱤ/ᱵᱟᱹᱫᱽ ᱨᱮᱱᱟᱜ ᱦᱟᱥᱟ ᱫᱚ ᱥᱤ ᱜᱩᱸᱰᱟ ᱦᱩᱭᱩᱜ-ᱟ ᱾ ᱚᱱᱟ ᱛᱟᱭᱚᱢ ᱑ ᱮᱠᱚᱨ ᱨᱮ ᱑᱐ ᱠᱤᱞᱚᱜᱨᱟᱢ ᱠᱞᱚᱨᱚᱯᱟᱭᱨᱤᱯᱷᱚᱥ ᱜᱩᱸᱰᱟ ᱮᱨ ᱦᱩᱭᱩᱜ-ᱟ ᱟᱨ ᱚᱱᱟ ᱛᱭᱚᱢ ᱟᱲᱮ ᱠᱟᱛᱮ ᱨᱚᱦᱚᱭ ᱦᱩᱭᱩᱜ-ᱟ ᱾ ᱟᱲᱮ ᱨᱮᱱᱟᱜ ᱫᱷᱟᱹᱲ ᱠᱚ ᱛᱟᱞᱟᱨᱮ ᱖᱐ ᱥᱮᱢᱤ ᱯᱷᱟᱨᱟᱠ ᱟᱨ ᱫᱟᱨᱮ ᱫᱟᱨᱮ ᱛᱟᱞᱟᱞᱟ ᱨᱮ ᱓᱐ ᱥᱮᱢᱤ ᱯᱷᱟᱨᱟᱠ ᱨᱮ ᱡᱟᱝ/ᱤᱛᱟᱹ ᱛᱚᱯᱟ ᱞᱟᱹᱠᱛᱤ ᱾ ᱮᱭᱟᱭ ᱫᱤᱱᱟᱜ ᱪᱟᱥ ᱨᱮᱫᱚ ᱒᱕ ᱥᱮᱢᱤ ᱯᱷᱟᱫᱟ ᱛᱟᱦᱮᱸᱱ ᱞᱟᱹᱠᱛᱤ ᱫᱟᱨᱮ ᱠᱚ ᱛᱟᱞᱟ ᱨᱮ ᱾ ᱪᱟᱥ ᱚᱠᱛᱚ ᱨᱮ ᱮᱠᱚᱨ ᱯᱤᱪᱷᱟᱹ ᱓᱐-᱔᱐ ᱠᱩᱸᱭᱴᱟᱹᱞ ᱥᱮᱭᱟ ᱜᱩᱨᱤᱡ ᱠᱷᱚᱛ ᱮᱢ ᱞᱮᱠᱷᱟᱱ ᱫᱟᱨᱮ ᱠᱚ ᱢᱚᱴᱟ ᱢᱚᱴᱟ ᱢᱚᱬᱟ ᱧᱚᱜᱚᱜ-ᱟ ᱾ ᱫᱟᱨᱮ ᱨᱟᱠᱟᱵ ᱨᱮᱱᱟᱜ ᱯᱮ ᱦᱟᱯᱛᱟ ᱛᱟᱭᱚᱢ ᱮᱠᱚᱨ ᱯᱤᱪᱷᱟᱹ ᱑᱖ ᱠᱤᱞᱚᱜᱨᱟᱢ ᱱᱟᱭᱴᱨᱚᱡᱮᱱ ᱟᱨ ᱪᱟᱶᱟᱨ ᱚᱢᱚᱱ ᱢᱟᱬᱟᱝ ᱨᱮ ᱘ ᱠᱤᱞᱚᱜᱨᱟᱢ ᱱᱟᱭᱴᱨᱚᱡᱮᱱ ᱟᱨ ᱑᱐ ᱠᱤᱞᱚᱜᱨᱟᱢ ᱡᱤᱸᱠ ᱠᱷᱚᱛ ᱮᱢ ᱞᱮᱠᱷᱟᱱ ᱡᱚ/ᱜᱮᱞᱮ ᱟᱨᱦᱚᱸ ᱪᱮᱨᱦᱟ-ᱟ ᱾

ᱛᱤᱡᱩᱥᱟᱯᱲᱟᱣ

ᱡᱚᱱᱚᱲᱟ ᱨᱮ ᱛᱤᱡᱩ ᱠᱚ ᱦᱚᱸ ᱡᱚᱢ ᱵᱟᱲᱟᱭ ᱜᱮᱭᱟ ᱾ ᱛᱤᱡᱩ ᱠᱚ ᱡᱚᱢ ᱠᱷᱟᱱ ᱔᱐᱐ ᱢᱤᱞᱤ ᱴᱨᱟᱭᱱᱚᱯᱷᱚᱥ ᱟᱨ ᱒᱐᱐ ᱞᱤᱴᱚᱨ ᱫᱟᱜ ᱨᱮ ᱢᱮᱥᱟ ᱠᱟᱛᱮ ᱟᱨᱮᱡ/ᱥᱤᱧᱪᱟᱹᱣ ᱞᱮᱠᱷᱟᱱ ᱛᱤᱡᱩ ᱠᱚ ᱪᱟᱵᱟᱜ-ᱟ ᱾ ᱜᱮᱞᱮ ᱦᱩᱭ ᱞᱮᱱ ᱠᱷᱟᱱ ᱪᱮᱬᱮ ᱠᱚ ᱟᱹᱰᱤ ᱠᱚ ᱡᱚᱢᱟ ᱾ ᱱᱚᱶᱟ ᱞᱟᱹᱜᱤᱫ ᱪᱟᱹᱥᱤ ᱟᱹᱰᱤ ᱢᱟᱨᱟᱝ ᱦᱟᱹᱱ ᱥᱟᱢᱱᱟ ᱦᱩᱭᱟᱭᱟ ᱾ ᱱᱚᱶᱟ ᱞᱟᱹᱜᱤᱫ ᱵᱩᱥᱩᱵ ᱵᱷᱩᱛ ᱟᱨ ᱵᱟᱝᱠᱷᱟᱱ ᱪᱚᱴᱠᱟ ᱠᱚ ᱞᱟᱜᱟᱣ ᱦᱩᱭᱩᱜ-ᱟ, ᱚᱱᱟ ᱧᱮᱞᱛᱮ ᱵᱚᱛᱚᱨ ᱠᱟᱛᱮ ᱵᱟᱠᱚ ᱟᱬᱜᱚᱱᱟ ᱾ ᱪᱟᱶᱟᱨ ᱦᱮᱡ ᱠᱟᱛᱮ ᱵᱟᱨ ᱯᱮ ᱦᱟᱯᱛᱟ ᱛᱟᱭᱚᱢ ᱯᱚᱴᱚᱡ/ᱜᱚᱫ ᱞᱟᱹᱠᱛᱤᱭᱟ ᱾ ᱱᱚᱶᱟ ᱚᱠᱛᱚ ᱨᱮ ᱫᱚ ᱡᱟᱝ ᱟᱹᱰᱤ ᱵᱟᱭ ᱠᱮᱴᱮᱡ ᱠᱚᱜ-ᱟ ᱾ ᱡᱚᱱᱚᱬᱟ ᱠᱚ ᱯᱚᱴᱚᱡ ᱪᱟᱵᱟ ᱛᱟᱭᱚᱢ ᱡᱚᱱᱚᱲᱟ ᱫᱟᱨᱮ ᱠᱚ ᱫᱚ ᱰᱟᱺᱜᱽᱨᱤ ᱡᱚᱢ ᱟᱨᱵᱟᱝ ᱩᱫ ᱪᱟᱥ ᱨᱮ ᱵᱮᱵᱷᱟᱨ ᱜᱟᱱᱚᱜ-ᱟ ᱾ ᱥᱟᱦᱟᱱ ᱞᱮᱠᱟ ᱛᱮ ᱦᱚᱸ ᱵᱮᱵᱷᱟᱨ ᱜᱟᱱᱚᱜ-ᱟ ᱾

ᱵᱟᱨᱦᱮ ᱡᱚᱲᱟᱣᱠᱚᱥᱟᱯᱲᱟᱣ