ᱡᱟᱢᱛᱟᱲᱟ ᱠᱚᱞᱮᱡᱽ

ᱡᱟᱢᱛᱟᱲᱟ ᱠᱚᱞᱮᱡᱽ
ᱡᱟᱢᱛᱟᱲᱟ ᱠᱚᱞᱮᱡᱽ
ᱛᱷᱟᱯᱚᱱ	᱑᱙᱖᱑
ᱞᱮᱠᱟᱱ	ᱟᱱᱰᱟᱨᱜᱽᱨᱮᱡᱩᱭᱮᱴ ᱠᱚᱞᱮᱡᱽ
ᱴᱷᱟᱶ	ᱡᱟᱢᱛᱟᱲᱟ, ᱡᱷᱟᱨᱠᱷᱚᱸᱰ, ᱥᱤᱧᱚᱛ
ᱠᱮᱢᱯᱚᱥ	ᱵᱟᱡᱟᱨ ᱨᱮ
ᱢᱟᱱᱚᱛᱮᱢ	ᱥᱤᱫᱚ ᱠᱟᱹᱱᱦᱩ ᱢᱩᱨᱢᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱩᱢᱠᱟᱹ
ᱣᱮᱵᱽᱥᱟᱭᱤᱴ	www.jamtaracollege.com

ᱡᱟᱢᱛᱟᱲᱟ ᱠᱚᱞᱮᱡᱽ ᱫᱚ ᱡᱟᱢᱛᱟᱲᱟ ᱨᱮᱭᱟᱜ ᱢᱤᱫ ᱰᱤᱜᱽᱨᱤ ᱠᱚᱞᱮᱡᱽ ᱠᱟᱱᱟ ᱾ ᱥᱤᱫᱚ ᱠᱟᱹᱱᱦᱩ ᱢᱩᱨᱢᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱯᱲᱟᱣ ᱱᱚᱣᱟ ᱠᱚᱞᱮᱡᱽ ᱨᱮ ᱥᱟᱬᱮᱥ ᱟᱨ ᱟᱨᱴᱥ ᱥᱟᱛᱟᱢ ᱪᱮᱛᱟᱱ ᱨᱮ ᱟᱱᱰᱟᱨᱜᱽᱨᱮᱡᱩᱭᱮᱴ ᱠᱳᱨᱥ ᱪᱟᱞ ᱦᱩᱭᱩᱜ ᱠᱟᱱᱟ ᱾^[᱒]

ᱱᱟᱜᱟᱢ

ᱞᱟᱦᱟ ᱛᱮ, ᱱᱚᱣᱟ ᱠᱚᱞᱮᱡᱽ ᱫᱚ ᱵᱟᱝ ᱦᱟᱹᱴᱤᱧ ᱵᱤᱦᱟᱨ ᱯᱚᱱᱚᱛ ᱨᱮ ᱖ ᱡᱟᱱᱩᱣᱟᱨᱤ ᱑᱙᱖᱗ ᱠᱷᱚᱱ ᱵᱷᱟᱜᱚᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ (ᱱᱤᱛ ᱛᱤᱞᱠᱟᱹ ᱢᱟᱺᱡᱷᱤ ᱵᱷᱟᱜᱚᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ) ᱥᱟᱶ ᱡᱚᱯᱲᱟᱣ ᱛᱟᱦᱮ‌ ᱠᱟᱱᱟ ᱟᱨ ᱑᱐ ᱰᱤᱥᱮᱢᱵᱚᱨ ᱑᱙᱘᱐ ᱨᱮ ᱯᱚᱱᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱵᱟᱪᱷᱱᱟᱣ ᱦᱤᱸᱥ ᱞᱮᱠᱟᱛᱮ ᱢᱟᱱᱚᱛ ᱮ ᱧᱟᱢ ᱞᱮᱫᱟ᱿ ᱥᱤᱫᱚ ᱠᱟᱹᱱᱦᱩ ᱢᱩᱨᱢᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱑᱙᱙᱒ ᱥᱮᱨᱢᱟ ᱨᱮ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱨᱮᱭᱟᱜ ᱢᱤᱫ ᱟᱹᱨᱤ ᱞᱮᱠᱟᱛᱮ ᱵᱮᱨᱮᱫ ᱞᱮᱱᱟ᱾ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱑᱐ ᱡᱟᱱᱩᱣᱟᱨᱤ ᱑᱙᱙᱒ ᱥᱮᱨᱢᱟ ᱨᱮ ᱵᱤᱦᱟᱨ ᱯᱚᱱᱚᱛ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱹᱨᱤ ᱑᱙᱗᱖ (ᱵᱤᱦᱟᱨ ᱒᱓/᱑᱙᱗᱖) ᱨᱮᱭᱟᱜ ᱟᱹᱨᱤ ᱞᱮᱠᱟᱛᱮ ᱵᱮᱱᱟᱣ ᱞᱮᱱᱟ᱾ ᱑᱕ ᱱᱚᱵᱷᱮᱢᱵᱚᱨ ᱒᱐᱐᱐ ᱥᱮᱨᱢᱟ ᱨᱮ ᱡᱷᱟᱨᱠᱷᱚᱸᱰ ᱵᱮᱱᱟᱣ ᱮᱱ ᱛᱟᱭᱚᱢ ᱡᱟᱢᱛᱟᱲᱟ ᱨᱮᱭᱟᱜ ᱟᱯᱟᱛ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱥᱟᱥᱚᱱ ᱛᱟᱹᱨᱤ ᱨᱮ ᱦᱮᱡ ᱮᱱᱟ᱾

ᱱᱚᱣᱟ ᱠᱚᱞᱮᱡᱽ ᱫᱚ ᱑᱙᱖᱑ ᱥᱟᱞᱮ ᱨᱮ ᱡᱟᱢᱛᱟᱲᱟ ᱪᱟᱸᱜᱟ ᱠᱷᱚᱸᱰ (ᱱᱤᱛᱚᱜ ᱫᱚ ᱢᱤᱫ ᱯᱩᱨᱟᱹ ᱦᱚᱱᱚᱛ) ᱨᱮ ᱢᱤᱫᱴᱮᱱ ᱦᱩᱰᱤᱧ ᱚᱲᱟᱝ ᱨᱮ ᱵᱮᱱᱟᱣ ᱞᱮᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱫᱩᱢᱠᱟᱹ ᱨᱮ ᱢᱮᱱᱟᱜᱼᱟ᱾ ᱤᱱᱟᱹ ᱛᱟᱭᱚᱢ ᱵᱤᱨᱫᱟᱹᱜᱟᱲ ᱫᱚ ᱡᱟᱢᱛᱟᱲᱟ ᱨᱮ ᱡᱮ.ᱵᱤ.ᱥᱤ.+᱒ ᱟᱥᱲᱟ ᱨᱮ ᱢᱤᱫ ᱥᱮᱨᱢᱟ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ᱾ ᱑ ᱡᱩᱱ ᱑᱙᱖᱗ ᱥᱟᱞᱮ ᱨᱮ ᱵᱤᱨᱫᱟᱹᱜᱟᱲ ᱫᱚ ᱱᱤᱡᱮᱨᱟᱜ ᱵᱤᱞᱰᱤᱝ ᱨᱮ ᱩᱪᱟᱹᱲ ᱞᱮᱱᱟ᱾ ᱱᱚᱣᱟ ᱵᱤᱨᱫᱟᱹᱜᱟᱲ ᱫᱚ ᱯᱚᱪᱷᱤᱢ ᱵᱟᱸᱜᱽᱞᱟ ᱯᱚᱱᱚᱛ ᱨᱮᱱᱟᱜ ᱵᱚᱨᱫᱷᱚᱢᱟᱱ ᱨᱮᱱᱟᱜ ᱦᱮᱛᱚᱢᱯᱩᱨ ᱨᱟᱡᱽ ᱨᱮᱱ ᱟᱹᱱᱟᱹᱨᱤᱭᱟᱹ ᱠᱚᱣᱟᱜ ᱫᱟᱱ ᱛᱮ ᱵᱮᱱᱟᱣ ᱵᱤᱞᱰᱤᱝ ᱨᱮ ᱩᱪᱟᱹᱲ ᱟᱠᱟᱱᱟ᱾ ᱱᱚᱣᱟ ᱵᱤᱨᱫᱟᱹᱜᱟᱲ ᱫᱚ UGC ᱟᱫᱷᱤᱱᱤᱭᱚᱢ ᱨᱮᱭᱟᱜ 2f ᱟᱨ 12B ᱫᱷᱟᱨᱟ ᱦᱚᱛᱮᱛᱮ ᱦᱚᱸ ᱢᱟᱹᱱ ᱮ ᱧᱟᱢ ᱟᱠᱟᱫᱟ᱾

ᱚᱠᱛᱚ ᱯᱚᱞᱚᱢ ᱥᱮᱱᱚᱜ ᱛᱟᱭᱚᱢ, ᱥᱟᱬᱮᱥ ᱵᱤᱨᱫᱟᱹᱜᱟᱲ ᱟᱨ ᱱᱟᱯᱟᱭ ᱞᱟᱵᱚᱨᱴᱚᱨᱤ ᱟᱨ ᱞᱮᱠᱪᱚᱨ ᱛᱷᱤᱭᱮᱴᱚᱨ ᱛᱮᱭᱟᱨ ᱞᱟᱹᱜᱤᱫ ᱛᱮ ᱵᱟᱨᱭᱟ ᱟᱨᱦᱚᱸ ᱵᱤᱞᱰᱤᱝ ᱥᱮᱞᱮᱫ ᱞᱮᱱᱟ: ᱥᱟᱬᱮᱥ ᱵᱽᱞᱚᱠ ᱯᱷᱮᱡᱽ-᱑ ᱟᱨ ᱯᱷᱮᱡᱽ-᱒᱾ ᱱᱚᱶᱟ ᱫᱚ ᱟᱹᱰᱤ ᱩᱥᱟᱹᱨᱟ ᱪᱟᱹᱞᱩ ᱨᱮᱭᱟᱜ ᱟᱸᱥ ᱢᱮᱱᱟᱜᱼᱟ᱾

ᱢᱟᱱᱚᱛ

ᱡᱟᱢᱛᱟᱲᱟ ᱵᱤᱨᱫᱟᱹᱜᱟᱲ ᱫᱚ ᱱᱮᱥᱟᱱᱟᱞ ᱮᱥᱮᱥᱢᱮᱱᱴ ᱟᱨ ᱮᱠᱨᱮᱰᱮᱥᱟᱱ ᱠᱟᱭᱩᱱᱥᱤᱞ ᱯᱟᱦᱴᱟ ᱠᱷᱚᱱ ᱢᱟᱱᱚᱛ ᱧᱟᱢ ᱨᱮᱭᱟᱜ ᱦᱚᱨ ᱨᱮ ᱢᱮᱱᱟᱜᱼᱟ᱾

ᱵᱤᱵᱷᱟᱜᱽ ᱠᱚ

ᱥᱟᱹᱠᱷᱭᱟᱹᱛ

↑ skmu.org.in/http://skmu.ac.in/
↑ http://skmu.ac.in/Affiliated^{[permanent dead link]} College of Sido Kanhu Murmu University | url=http://skmu.org.in/academic/constituent-colleges%7C}} Archived ᱒᱐᱒᱓-᱐᱓-᱐᱖ at the Wayback Machine.

ᱵᱟᱨᱦᱮ ᱡᱚᱱᱚᱲ

ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ

[1] skmu.org.in/http://skmu.ac.in/

[2] ttp://skmu.ac.in/Affiliated^{[permanent dead link]} College of Sido Kanhu Murmu University | url=http://skmu.org.in/academic/constituent-colleges%7C}} Archived ᱒᱐᱒᱓-᱐᱓-᱐᱖ at the Wayback Machine.

[᱒]

[᱑]