ᱡᱟᱹᱱᱩᱢ (ᱡᱚ)
ᱡᱟᱹᱱᱩᱢ ᱨᱮᱱᱟᱜ ᱥᱟᱬᱮᱥ ᱧᱩᱛᱩᱢ ᱫᱚ Ziziphus zizyphus ᱾ ᱮᱛᱚᱢ ᱮᱥᱤᱭᱟ ᱨᱮ ᱱᱚᱣᱟ ᱡᱚ ᱫᱚ ᱟᱹᱰᱤ ᱧᱩᱛᱩᱢᱟᱱ ᱡᱚ ᱠᱟᱱᱟ ᱟᱨ ᱱᱚᱣᱟ ᱫᱟᱨᱮ ᱛᱮ ᱡᱟᱹᱱᱩᱢ ᱛᱮ ᱦᱚᱸ ᱯᱮᱨᱮᱡ ᱜᱮᱭᱟ᱾ ᱤᱝᱨᱮᱡᱤ ᱛᱮ ᱱᱚᱣᱟ ᱡᱚ ᱫᱚ Jujube ᱥᱮ Chinese date ᱦᱚᱸ ᱠᱚ ᱢᱮᱛᱟᱜ ᱜᱮᱭᱟ᱾ ᱡᱟᱹᱱᱩᱢ ᱫᱟᱨᱮ ᱫᱚ ᱢᱟᱡᱷᱟᱨᱤ ᱟᱨ ᱡᱷᱳᱯ ᱞᱮᱠᱟ ᱦᱩᱭᱩᱜᱼᱟ᱾ ᱱᱚᱣᱟ ᱫᱟᱨᱮ ᱨᱮᱱᱟᱜ ᱥᱟᱵᱷᱟᱵᱤᱠ ᱩᱥᱩᱞ ᱫᱚ ᱑᱒-᱑᱓ ᱫᱢᱴᱟᱨ᱾ ᱱᱚᱣᱟ ᱫᱟᱨᱮ ᱨᱮᱱᱟᱜ ᱥᱟᱠᱟᱢ ᱫᱚ ᱨᱟᱵᱟᱝ ᱫᱤᱱ ᱨᱮ ᱧᱩᱨᱩᱜᱼᱟ ᱟᱨ ᱵᱚᱥᱚᱱᱛᱚ ᱠᱟᱞ ᱨᱮ ᱱᱟᱣᱟ ᱛᱮ ᱥᱟᱜᱮᱱᱚᱜᱼᱟ᱾ ᱱᱚᱣᱟ ᱨᱮᱱᱟᱜ ᱰᱟᱹᱨ ᱠᱚ ᱫᱚ ᱪᱮᱛᱟᱱ ᱥᱮᱡ ᱜᱮ ᱛᱟᱸᱦᱮᱸᱱᱟ᱾ ᱥᱮᱯᱴᱮᱢᱵᱚᱨ-ᱚᱠᱴᱚᱵᱚᱨ ᱥᱮᱡ ᱫᱟᱨᱮ ᱨᱮ ᱵᱟᱦᱟ ᱦᱤᱡᱩᱜᱼᱟ ᱟᱨ ᱨᱮᱭᱟᱲ ᱫᱤᱱ ᱨᱮ ᱡᱚ ᱦᱤᱡᱩᱜᱼᱟ᱾ ᱡᱟᱹᱱᱩᱢ ᱡᱚ ᱫᱚ ᱡᱟᱹᱥᱛᱤ ᱵᱷᱟᱜᱽ ᱜᱮ ᱜᱳᱞ ᱜᱮᱭᱟ ᱛᱚᱵᱮ ᱡᱤᱞᱤᱧ ᱢᱟᱪᱷᱟ ᱡᱚ ᱦᱚᱸ ᱢᱮᱱᱟᱜ ᱜᱮᱭᱟ᱾ ᱡᱟᱹᱱᱩᱢ ᱡᱚ ᱫᱚ ᱵᱤᱞᱤ ᱞᱮᱱ ᱠᱷᱟᱱ ᱥᱟᱥᱟᱝ ᱥᱮ ᱟᱨᱟᱜ ᱜᱮ ᱧᱮᱞᱚᱜᱼᱟ᱾ ᱵᱮᱨᱮᱞ ᱟᱨ ᱵᱤᱞᱤ ᱛᱮ ᱦᱚᱸ ᱡᱟᱹᱱᱩᱢ ᱫᱚ ᱡᱚᱢᱚᱜ ᱜᱮᱭᱟ᱾ ᱱᱚᱣᱟ ᱡᱚ ᱫᱚ ᱦᱮᱲᱮᱢ ᱥᱮ ᱡᱚᱡᱚ ᱥᱮ ᱵᱟᱱᱟᱨ ᱞᱮᱠᱟ ᱜᱮ ᱦᱩᱭ ᱫᱟᱲᱮᱭᱟᱜᱼᱟ᱾ ᱡᱟᱹᱱᱩᱢ ᱫᱚ ᱥᱤᱛᱩᱝ ᱨᱮᱦᱚᱸ ᱠᱩ ᱨᱚᱦᱚᱲᱟ ᱟᱨ ᱠᱩ ᱫᱚᱦᱚ ᱠᱟᱜᱼᱟ ᱥᱮ ᱟᱪᱟᱨ ᱠᱚ ᱵᱮᱱᱟᱣᱟ᱾
| ᱡᱟᱹᱱᱩᱢ | |
|---|---|
.jpg)
| |
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ 
| |
| Kingdom: | ᱯᱞᱟᱴᱮᱭ |
| Clade: | Angiosperms |
| Clade: | Eudicots |
| Clade: | Rosids |
| Order: | Rosales |
| Family: | Rhamnaceae |
| Genus: | Ziziphus |
| ᱡᱟᱹᱛ: | Z. mauritiana |
| ᱵᱟᱭᱱᱚᱢᱤᱭᱟᱞ ᱧᱩᱛᱩᱢ | |
| Ziziphus mauritiana | |
ᱱᱚᱣᱟ ᱡᱟᱹᱱᱩᱢ ᱡᱚ ᱥᱟᱶᱛᱮ ᱦᱤᱱᱫᱩ ᱫᱷᱚᱨᱚᱢ ᱢᱟᱹᱱᱢᱤ ᱠᱳᱣᱟᱜ ᱥᱚᱨᱚᱥᱚᱛᱤ ᱯᱩᱡᱟᱹ ᱨᱮᱱᱟᱜ ᱥᱟᱹᱜᱟᱹᱭ ᱢᱮᱱᱟᱜᱼᱟ᱾ ᱦᱤᱱᱫᱩ ᱠᱚ ᱫᱚ ᱱᱚᱣᱟ ᱥᱚᱨᱚᱥᱚᱛᱤ ᱯᱩᱡᱟᱹ ᱞᱟᱦᱟᱨᱮ ᱡᱟᱹᱱᱩᱢ ᱵᱟᱹᱠᱩ ᱡᱚᱢᱟ᱾ ᱯᱩᱡᱟᱹ ᱨᱮ ᱡᱟᱹᱱᱩᱢ ᱵᱷᱳᱜᱽ ᱮᱢ ᱛᱟᱭᱚᱢ ᱫᱟᱨᱟᱢ ᱠᱚ ᱡᱚᱢᱟ᱾
ᱡᱟᱹᱱᱩᱢ ᱨᱮᱱᱟᱜ ᱢᱟᱨᱮ ᱡᱟᱱᱟᱢ ᱡᱟᱜᱟ ᱟᱯᱷᱨᱤᱠᱟ ᱠᱟᱱᱟ ᱟᱫᱚ ᱱᱮᱛᱟᱨ ᱫᱚ ᱵᱟᱝᱞᱟᱫᱮᱥ, ᱥᱤᱧᱚᱛ, ᱟᱯᱷᱜᱟᱱᱤᱥᱛᱟᱱ, ᱪᱤᱱ, ᱢᱟᱞᱚᱭᱥᱤᱭᱟ, ᱚᱥᱴᱨᱮᱞᱤᱭᱟ ᱟᱨ ᱯᱨᱚᱥᱟᱱᱛᱚ ᱢᱚᱦᱟᱥᱟᱜᱚᱨᱤᱭᱚ ᱮᱞᱟᱠᱟ ᱠᱚᱨᱮ ᱧᱟᱢᱚᱜᱼᱟ᱾
ᱠᱚᱧᱮ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱡᱟᱹᱱᱩᱢ ᱫᱟᱨᱮ ᱨᱮ ᱢᱤᱫ ᱥᱮᱨᱢᱟ ᱨᱮ ᱘- ᱠᱷᱚᱱ ᱒᱐᱐ ᱠᱮᱡᱤ ᱫᱷᱟᱹᱵᱤᱡ ᱡᱟᱹᱱᱩᱢ ᱦᱩᱭᱩᱜᱼᱟ᱾ ᱑᱐ ᱠᱷᱚᱱ ᱒᱐ ᱥᱮᱨᱢᱟ ᱵᱚᱭᱚᱥ ᱨᱮᱱᱟᱜ ᱫᱟᱨᱮ ᱜᱮᱨᱮ ᱡᱟᱹᱱᱩᱢ ᱫᱚ ᱡᱟᱹᱥᱛᱤ ᱡᱚᱜᱼᱟ᱾ ᱡᱟᱹᱱᱩᱢ ᱨᱮᱫᱚ ᱟᱭᱢᱟ ᱞᱮᱠᱟᱱ ᱠᱷᱚᱱᱤᱡᱽ ᱫᱨᱚᱵᱵᱚ ᱟᱨ ᱵᱷᱤᱴᱟᱢᱤᱱ ᱮᱹ ᱥᱤ ᱢᱮᱱᱟᱜᱼᱟ᱾
ᱪᱤᱛᱟᱹᱨ ᱠᱚ ᱥᱟᱯᱲᱟᱣ
-
ᱡᱟᱹᱱᱩᱢ ᱫᱟᱨᱮ -
ᱡᱟᱹᱱᱩᱢ ᱫᱟᱨᱮ ᱨᱮᱱᱟᱜ ᱦᱟᱨᱛᱟ -
ᱵᱮᱨᱮᱞ ᱡᱟᱹᱱᱩᱢ -
ᱨᱚᱦᱚᱲ ᱡᱟᱹᱱᱩᱢ -
ᱡᱟᱹᱱᱩᱢ ᱥᱟᱠᱟᱢ
