ᱣᱤᱠᱤᱯᱤᱰᱤᱭᱟ

ᱢᱚᱦᱟᱨᱟᱡᱟ ᱵᱤᱨ ᱵᱤᱠᱨᱚᱢ ᱩᱰᱟᱹᱱ ᱰᱟᱹᱦᱤ

ᱛᱨᱤᱯᱩᱨᱟ ᱨᱮ ᱩᱰᱟᱹᱱ ᱰᱟᱹᱦᱤ

ᱢᱚᱦᱟᱨᱟᱡᱟ ᱵᱤᱨ ᱵᱤᱠᱨᱚᱢ ᱩᱰᱟᱹᱱ ᱰᱟᱹᱦᱤ (IATA: IXA, ICAO: VEAT), ᱡᱟᱦᱟᱸ ᱫᱚ ᱚᱜᱚᱨᱛᱟᱞᱟ ᱩᱰᱟᱹᱱ ᱰᱟᱹᱦᱤ ᱦᱚᱸ ᱠᱚ ᱢᱮᱛᱟᱜᱼᱟ,[᱔][᱕][᱖][᱗] ᱢᱤᱫ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ[᱘] ᱡᱟᱦᱟᱸ ᱫᱚ ᱛᱨᱤᱯᱩᱨᱟ ᱨᱮᱱᱟᱜ ᱨᱟᱡᱽᱜᱟᱲ ᱚᱜᱚᱨᱛᱟᱞᱟ ᱠᱷᱚᱱ ᱑᱒ ᱠᱤᱞᱚᱢᱤᱴᱚᱨ (᱗ ᱢᱤᱞ) ᱠᱚᱧᱮ ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱥᱤᱧᱚᱛᱤᱭᱟᱹ ᱩᱰᱟᱹᱱ ᱰᱟᱹᱦᱤ ᱯᱨᱟᱫᱷᱤᱠᱚᱨᱚᱱ (AAI) ᱦᱚᱛᱮᱛᱮ ᱪᱟᱪᱞᱟᱣ ᱦᱩᱭᱩᱜ ᱠᱟᱱᱟ ᱾[᱙] ᱜᱩᱣᱟᱦᱟᱴᱤ ᱨᱮ ᱢᱮᱱᱟᱜ ᱞᱳᱠᱯᱨᱤᱭᱟ ᱜᱚᱯᱤᱱᱟᱛᱷ ᱵᱳᱨᱰᱳᱞᱳᱭ ᱩᱰᱟᱹᱱ ᱰᱟᱹᱦᱤ ᱛᱟᱭᱚᱢ ᱱᱚᱣᱟ ᱠᱚᱧᱮ-ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱫᱚᱥᱟᱨ ᱟᱹᱰᱤ ᱵᱟᱹᱲᱛᱤ ᱠᱟᱹᱢᱤ ᱠᱟᱱ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱟᱨ ᱥᱤᱧᱚᱛ ᱨᱮᱱᱟᱜ ᱒᱙ ᱟᱱᱟᱜ ᱟᱹᱰᱤ ᱵᱟᱹᱲᱛᱤ ᱠᱟᱹᱢᱤ ᱠᱟᱱ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾ ᱞᱳᱠᱯᱨᱤᱭᱟ ᱜᱚᱯᱤᱱᱟᱛᱷ ᱵᱳᱨᱰᱳᱞᱳᱭ ᱩᱰᱟᱹᱱ ᱰᱟᱹᱦᱤ ᱟᱨ ᱤᱢᱯᱷᱟᱞ ᱩᱰᱟᱹᱱ ᱰᱟᱹᱦᱤ ᱛᱟᱭᱚᱢ ᱱᱚᱣᱟ ᱫᱚ ᱠᱚᱧᱮ-ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱛᱮᱥᱟᱨ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾

ᱢᱚᱦᱟᱨᱟᱡᱟ ᱵᱤᱨ ᱵᱤᱠᱨᱚᱢ ᱩᱰᱟᱹᱱ ᱰᱟᱹᱦᱤ
ᱡᱟᱭᱚᱝᱜᱚᱥ
ᱩᱰᱟᱹᱱ ᱰᱟᱹᱦᱤ ᱞᱮᱠᱟᱱᱫᱤᱥᱩᱣᱟᱹ
Owner/Operatorᱥᱤᱧᱚᱛᱤᱭᱟᱹ ᱩᱰᱟᱹᱱ ᱰᱟᱹᱦᱤ ᱯᱨᱟᱫᱷᱤᱠᱚᱨᱚᱱ
ᱥᱮᱵᱟᱜ ᱠᱟᱱᱟᱚᱜᱚᱨᱛᱟᱞᱟ
ᱞᱚᱠᱮᱥᱚᱱᱥᱤᱝᱜᱚᱨᱵᱷᱤᱞ, ᱚᱜᱚᱨᱛᱟᱞᱟ, ᱛᱨᱤᱯᱩᱨᱟ, ᱥᱤᱧᱚᱛ
ᱡᱷᱤᱡ ᱞᱮᱱᱟ᱑᱙᱔᱒
ᱩᱥᱩᱞ AMSL᱑᱔ m / ᱔᱗ ft
ᱠᱚ-ᱚᱨᱰᱤᱱᱟᱴᱥ23°53′24″N 091°14′32″E / 23.89000°N 91.24222°E / 23.89000; 91.24222Coordinates: 23°53′24″N 091°14′32″E / 23.89000°N 91.24222°E / 23.89000; 91.24222
ᱣᱮᱵᱽᱥᱟᱭᱤᱴAgartala Airport
Map
IXA is located in India
IXA
IXA
ᱛᱨᱤᱯᱩᱨᱟ ᱨᱮ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱴᱷᱟᱶ
ᱫᱟᱹᱲᱦᱚᱨ
Direction ᱡᱤᱞᱤᱧ ᱥᱚᱨᱯᱷᱮᱥ
m ft
᱑᱘/᱓᱖ ᱒,᱒᱘᱖ ᱗,᱕᱐᱐ ᱟᱥᱯᱷᱚᱞᱴ
Statistics (ᱮᱯᱨᱤᱞ ᱒᱐᱒᱓ - ᱢᱟᱨᱪ ᱒᱐᱒᱔)
ᱯᱟᱥᱮᱱᱡᱚᱨ ᱠᱚ᱑,᱔᱗᱐,᱖᱗᱐ (increase ᱖.᱑%)
ᱮᱭᱟᱨᱠᱨᱟᱯᱷᱴ ᱞᱟᱲᱟᱣᱱᱟ ᱠᱚ᱑᱐,᱙᱐᱖ (Decrease ᱑᱐.᱖%)
ᱠᱟᱨᱜᱳ ᱴᱚᱱᱮᱡᱽ᱓,᱐᱒᱔ (Decrease ᱒᱖.᱖%)

ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱱᱤᱛᱚᱜᱟᱜ ᱥᱮᱞᱮᱫ ᱴᱟᱨᱢᱤᱱᱟᱞ ᱨᱮ ᱒᱐ ᱪᱮᱠ-ᱤᱱ ᱠᱚᱣᱩᱱᱴᱚᱨ, ᱛᱩᱨᱩᱭ ᱜᱚᱴᱟᱝ ᱯᱟᱨᱠᱤᱝ ᱵᱮᱭ, ᱯᱩᱱᱭᱟᱹ ᱮᱭᱨᱚᱵᱨᱤᱡᱽ, ᱠᱚᱱᱵᱷᱮᱭᱟᱨ ᱵᱮᱞᱴ ᱟᱨ ᱯᱟᱥᱮᱱᱡᱚᱨ-ᱜᱟᱛᱮ ᱢᱚᱰᱚᱨᱱ ᱥᱩᱵᱤᱫᱷᱟ ᱟᱨ ᱤᱱ-ᱞᱟᱭᱤᱱ ᱵᱮᱜᱮᱡᱽ ᱥᱤᱥᱴᱮᱢ (ᱟᱭᱤ.ᱮᱞ.ᱵᱤ.ᱮᱥ), ᱮᱥᱠᱮᱞᱮᱴᱚᱨ, ᱞᱤᱯᱴ ᱮᱢᱟᱱ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾ ᱱᱟᱣᱟ ᱴᱟᱨᱢᱤᱱᱟᱞ ᱵᱤᱞᱰᱤᱝ, ᱨᱟᱱᱣᱮ ᱞᱟᱹᱜᱤᱫ ᱢᱤᱫ ᱱᱟᱣᱟ ᱥᱚᱢᱟᱱᱛᱟᱞ ᱴᱮᱠᱥᱤᱣᱮ ᱟᱨ ᱵᱟᱨᱭᱟ ᱱᱟᱣᱟ ᱦᱮᱝᱜᱟᱨ ᱵᱮᱱᱟᱣ ᱟᱠᱟᱱᱟ ᱾ ᱨᱟᱱᱣᱮ ᱥᱟᱶ ᱟᱨ ᱢᱤᱫᱴᱟᱹᱝ ᱴᱟᱨᱢᱤᱱᱟᱞ ᱵᱮᱱᱟᱣ ᱦᱩᱭᱩᱜᱼᱟ, ᱡᱟᱦᱟᱸ ᱫᱚ ᱵᱟᱸᱜᱽᱞᱟᱫᱮᱥ ᱨᱮᱱᱟᱜ ᱥᱤᱢᱟᱹ ᱨᱮ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱵᱟᱲᱦᱟᱣ ᱦᱩᱭᱩᱜᱼᱟ ᱾ ᱱᱚᱣᱟ ᱱᱟᱣᱟ ᱴᱟᱨᱢᱤᱱᱟᱞ ᱫᱚ ᱵᱟᱝᱞᱟᱫᱮᱥ ᱨᱤᱱ ᱦᱚᱲ ᱠᱚ ᱥᱤᱧᱚᱛᱤᱭᱟᱹ ᱴᱚᱴᱷᱟ ᱨᱮ ᱵᱟᱝ ᱥᱮᱴᱮᱨ ᱠᱟᱛᱮᱛ ᱩᱰᱟᱹᱱ ᱰᱟᱹᱦᱤ ᱥᱮᱴᱮᱨᱚᱜ ᱨᱮᱱᱟᱜ ᱥᱩᱵᱤᱫᱷᱟ ᱮᱢᱚᱜᱼᱟ ᱾ ᱱᱚᱣᱟ ᱯᱞᱟᱱ ᱫᱚ ᱢᱮᱠᱥᱤᱠᱳ ᱨᱮ ᱛᱤᱡᱩᱣᱟᱱᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱠᱨᱚᱥ ᱵᱚᱨᱰᱟᱨ ᱮᱠᱥᱯᱨᱮᱥ ᱴᱟᱨᱢᱤᱱᱟᱞ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱟᱢᱮᱨᱤᱠᱟ-ᱢᱮᱠᱥᱤᱠᱳ ᱥᱤᱢᱟᱹ ᱨᱮ ᱢᱮᱱᱟᱜᱼᱟ ᱾[᱑᱐]

ᱱᱟᱜᱟᱢ

ᱥᱟᱯᱲᱟᱣ

᱑᱙᱔᱒ ᱥᱮᱨᱢᱟ ᱨᱮ ᱛᱨᱤᱯᱩᱨᱟ ᱨᱤᱱᱤᱡ ᱢᱚᱦᱟᱨᱟᱡᱟ ᱵᱤᱨ ᱵᱤᱠᱨᱚᱢ ᱠᱤᱥᱳᱨ ᱢᱟᱱᱤᱠᱭᱚ ᱵᱟᱦᱟᱫᱩᱨ ᱫᱮᱵᱽᱵᱚᱨᱢᱚᱱ ᱦᱚᱛᱮᱛᱮ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱰᱤᱡᱟᱭᱤᱱ ᱟᱨ ᱵᱮᱱᱟᱣ ᱦᱩᱭ ᱞᱮᱱᱟ ᱾ ᱱᱚᱶᱟ ᱨᱮᱱᱟᱜ ᱢᱤᱫᱴᱟᱹᱝ ᱯᱨᱟᱭᱢᱟᱨᱤ ᱨᱟᱱᱣᱮ, ᱐᱖/᱒᱓ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱱᱤᱛ ᱨᱟᱱᱣᱮ ᱑᱘/᱓᱖ ᱞᱟᱹᱜᱤᱫ ᱴᱮᱠᱥᱤᱣᱮ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ ᱾

ᱫᱚᱥᱟᱨ ᱡᱮᱜᱮᱛ ᱞᱟᱹᱰᱷᱟᱹᱭ ᱚᱠᱛᱚ ᱨᱮ, ᱯᱷᱮᱵᱨᱩᱣᱟᱨᱤ/ᱢᱟᱨᱪ ᱑᱙᱔᱓ ᱨᱮ RAF ᱓᱑ ᱟᱨ ᱑᱙᱔ ᱥᱠᱣᱟᱰᱨᱚᱱ ᱦᱚᱛᱮᱛᱮ ᱵᱚᱨᱢᱟ ᱨᱮ ᱵᱟᱹᱭᱨᱤ ᱞᱟᱹᱜᱤᱫ ᱩᱰᱟᱹᱱ ᱰᱟᱹᱦᱤ ᱵᱮᱵᱷᱟᱨ ᱞᱮᱱᱟ ᱛᱟᱦᱮᱸᱫ ᱾[᱑᱑] ᱱᱚᱶᱟ ᱥᱠᱣᱟᱰᱨᱚᱱ ᱫᱚᱥᱟᱨ ᱪᱤᱸᱫᱤᱛ ᱚᱯᱨᱮᱥᱤᱭᱚᱱ ᱨᱮ ᱜᱚᱲᱚ ᱮᱢ ᱞᱟᱹᱜᱤᱫ ᱯᱷᱮᱵᱨᱩᱣᱟᱨᱤ ᱑᱙᱔᱔ ᱨᱮ ᱨᱩᱣᱟᱹᱲ ᱦᱮᱡ ᱮᱱᱟ ᱾ ᱛᱟᱭᱚᱢ ᱛᱮ ᱭᱩᱱᱟᱭᱴᱮᱰ ᱥᱴᱮᱴᱥ ᱟᱨᱢᱤ ᱮᱭᱟᱨ ᱯᱷᱳᱨᱥ ᱜᱮᱞ ᱮᱭᱟᱨ ᱯᱷᱳᱨᱥ ᱟᱜ ᱯᱩᱱᱭᱟᱹ ᱠᱚᱢᱵᱟᱴ ᱠᱟᱨᱜᱳ ᱜᱨᱩᱯ (ᱪᱚᱣᱛᱷᱤ ᱥᱤ.ᱥᱤ.ᱡᱤ.) ᱫᱚ ᱵᱚᱨᱢᱟ ᱨᱮᱱᱟᱜ ᱪᱮᱛᱟᱱ ᱨᱮ ᱠᱟᱨᱴᱤᱥ ᱥᱤ.᱔᱖ ᱠᱚᱢᱟᱱᱰᱳ ᱴᱨᱟᱱᱥᱯᱳᱨᱴ ᱩᱰᱟᱹᱜ ᱜᱟᱹᱰᱤ ᱩᱰᱟᱹᱣ ᱠᱮᱫᱼᱟ ᱾[᱑᱒] ᱯᱩᱱ ᱟᱱᱟᱜ CCG ᱫᱚ ᱰᱤᱥᱮᱢᱵᱚᱨ ᱑᱙᱔᱔ ᱟᱨ ᱡᱟᱱᱩᱣᱟᱨᱤ ᱑᱙᱔᱕ ᱚᱠᱛᱚ ᱨᱮ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱪᱟᱪᱞᱟᱣ ᱞᱮᱫ ᱛᱟᱦᱮᱸᱫ, ᱚᱱᱟ ᱛᱟᱭᱚᱢ ᱱᱚᱣᱟ ᱪᱚᱴᱜᱟᱶ ᱨᱮ ᱪᱟᱞᱟᱣ ᱞᱮᱱᱟ ᱾

ᱡᱚᱠᱷᱚᱱ ᱤᱱᱰᱤᱭᱟᱱ ᱮᱭᱟᱨᱞᱟᱭᱤᱱᱥ ᱫᱚ ᱚᱜᱚᱨᱛᱟᱞᱟ ᱠᱷᱚᱱ ᱰᱷᱟᱠᱟ-ᱛᱮᱡᱽᱜᱟᱶ ᱩᱰᱟᱹᱱ ᱰᱟᱹᱦᱤ ᱟᱨ ᱥᱟᱢᱟᱝ ᱯᱟᱠᱤᱥᱛᱟᱱ/ᱵᱟᱝᱞᱟᱫᱮᱥ ᱨᱮᱱᱟᱜ ᱡᱮᱥᱳᱨ ᱞᱟᱹᱜᱤᱫ ᱩᱰᱟᱹᱜ ᱮ ᱮᱦᱚᱵ ᱠᱮᱫᱼᱟ, ᱩᱰᱟᱹᱱ ᱰᱟᱹᱦᱤ ᱨᱮ ᱡᱮᱡᱟᱹᱛᱤᱭᱟᱹᱨᱤ ᱪᱟᱪᱞᱟᱣ ᱨᱮᱱᱟᱜ ᱯᱨᱚᱵᱷᱟᱣ ᱦᱩᱭ ᱞᱮᱱᱟ ᱾

ᱩᱛᱷᱱᱟᱹᱣ ᱟᱨ ᱵᱟᱲᱦᱟᱣ

ᱥᱟᱯᱲᱟᱣ

ᱮᱭᱟᱨᱯᱳᱨᱴ ᱚᱛᱷᱚᱨᱤᱴᱤ ᱚᱯᱷ ᱤᱱᱰᱤᱭᱟ (AAI) ᱫᱚ ᱱᱚᱣᱟ ᱩᱰᱟᱹᱱ ᱰᱟᱹᱦᱤ ᱡᱮᱡᱟᱹᱛᱤᱭᱟᱹᱨᱤ ᱢᱟᱹᱱ ᱞᱮᱠᱟᱛᱮ ᱩᱛᱷᱱᱟᱹᱣ ᱞᱟᱹᱜᱤᱫ ᱮ ᱜᱚᱴᱟ ᱠᱮᱫᱼᱟ, ᱡᱟᱦᱟᱸ ᱫᱚ ᱤᱢᱯᱷᱟᱞ ᱛᱟᱭᱚᱢ ᱠᱚᱧᱮ-ᱥᱟᱢᱟᱝ ᱴᱚᱴᱷᱟ ᱨᱮ ᱯᱮᱭᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱦᱩᱭᱩᱜᱼᱟ ᱾ AAI ᱫᱚ ᱡᱮᱜᱮᱛ-ᱛᱷᱟᱨ ᱥᱩᱵᱤᱫᱷᱟ ᱠᱚ ᱮᱢ ᱞᱟᱹᱜᱤᱫ ᱩᱰᱟᱹᱱ ᱰᱟᱹᱦᱤ ᱩᱛᱷᱱᱟᱹᱣ ᱞᱟᱹᱜᱤᱫ ᱔᱓᱘ ᱠᱳᱴᱤ (US$᱖᱑ ᱢᱤᱞᱤᱭᱚᱱ) ᱨᱮᱱᱟᱜ ᱯᱨᱚᱡᱮᱠᱴ ᱮᱦᱚᱵ ᱟᱠᱟᱫᱟ ᱾ ᱯᱚᱱᱚᱛ ᱥᱚᱨᱠᱟᱨ ᱫᱚ ᱱᱟᱣᱟ ᱴᱟᱨᱢᱤᱱᱟᱞ ᱵᱤᱞᱰᱤᱝ, ᱨᱟᱱᱣᱮ ᱟᱨ ᱮᱴᱟᱜ ᱞᱟᱹᱠᱛᱤᱭᱟᱱ ᱤᱱᱯᱨᱟᱥᱴᱨᱚᱠᱪᱟᱨ ᱵᱮᱱᱟᱣ ᱞᱟᱹᱜᱤᱫ ᱮ.ᱮ.ᱟᱭᱤ. ᱱᱚᱶᱟ ᱩᱛᱷᱱᱟᱹᱣ ᱫᱚ ᱒᱐᱒᱕ ᱥᱮᱨᱢᱟ ᱫᱷᱟᱹᱨᱤᱡ ᱛᱮ ᱯᱩᱨᱟᱹᱣ ᱦᱩᱭᱩᱜᱼᱟ, ᱡᱟᱦᱟᱸ ᱠᱷᱚᱱ ᱱᱟᱣᱟ ᱴᱟᱨᱢᱤᱱᱟᱞ ᱯᱩᱨᱟᱹᱣ ᱦᱩᱭ ᱟᱠᱟᱱᱟ ᱟᱨ ᱱᱚᱶᱟ ᱩᱰᱷᱟᱹᱣ ᱥᱟᱹᱜᱩᱱ ᱫᱚ ᱔ ᱡᱟᱱᱩᱣᱟᱨᱤ ᱒᱐᱒᱒ ᱦᱤᱞᱚᱜ ᱢᱟᱨᱟᱝ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱦᱚᱛᱮᱛᱮ ᱦᱩᱭ ᱞᱮᱱᱟ ᱾ ᱠᱟᱹᱢᱤ ᱮᱛᱚᱦᱚᱵ ᱛᱟᱭᱚᱢ, ᱚᱜᱚᱨᱛᱟᱞᱟ ᱠᱷᱚᱱ ᱪᱟᱴᱜᱟᱶ[᱑᱓] ᱟᱨ ᱥᱤᱝᱜᱟᱯᱩᱨ ᱫᱷᱟᱹᱨᱤᱡ ᱩᱰᱟᱹᱱ ᱪᱟᱪᱞᱟᱣ ᱦᱩᱭᱩᱜᱼᱟ ᱾[᱑᱔]

ᱮᱭᱟᱨᱞᱟᱭᱤᱱᱥ ᱟᱨ ᱰᱮᱥᱴᱤᱱᱮᱥᱚᱱ ᱠᱚ

ᱥᱟᱯᱲᱟᱣ
AirlinesDestinations
ᱮᱭᱟᱨ ᱤᱱᱰᱤᱭᱟ ᱠᱚᱞᱠᱟᱛᱟ[᱑᱕]
ᱮᱭᱟᱨ ᱤᱱᱰᱤᱭᱟ ᱮᱠᱥᱯᱨᱮᱥ[᱑᱖] ᱜᱩᱣᱟᱦᱟᱴᱤ, ᱠᱚᱞᱠᱟᱛᱟ
ᱟᱠᱟᱥᱟ ᱮᱭᱟᱨ[᱑᱗] ᱵᱮᱝᱜᱟᱞᱩᱨᱩ, ᱜᱩᱣᱟᱦᱟᱴᱤ
ᱤᱱᱰᱤᱜᱳ ᱵᱮᱝᱜᱟᱞᱩᱨᱩ, ᱪᱮᱱᱱᱟᱭ, ᱫᱤᱞᱞᱤ, ᱜᱩᱣᱟᱦᱟᱴᱤ, ᱦᱟᱭᱫᱽᱨᱟᱵᱟᱫᱽ (ᱮᱛᱚᱦᱚᱵᱚᱜ ᱠᱟᱱᱟ ᱒᱓ ᱥᱮᱯᱴᱮᱢᱵᱚᱨ ᱒᱐᱒᱔ ᱨᱮ),[᱑᱘] ᱤᱢᱯᱷᱟᱞ, ᱠᱚᱞᱠᱟᱛᱟ

ᱥᱟᱹᱠᱷᱭᱟᱹᱛ

ᱥᱟᱯᱲᱟᱣ
  1. ↑ "Annexure III – Passenger Data" (PDF). aai.aero. Retrieved 21 April 2024.
  2. ↑ "Annexure II – Aircraft Movement Data" (PDF). aai.aero. Retrieved 21 April 2024.
  3. ↑ "Annexure IV – Freight Movement Data" (PDF). aai.aero. Retrieved 21 April 2024.
  4. ↑ "Change of name of Agartala Airport" (PDF). EGazette. Government of India. Retrieved 9 August 2018.
  5. ↑ "Agartala Airport to be named after Maharaja Bir Bikram Manikya Kishore". The Hindu. 4 July 2018. Retrieved 18 February 2020.
  6. ↑ Deb, Debraj (30 October 2017). "Agartala airport to be named after king". Telegraphindia.com. Retrieved 18 February 2020.
  7. ↑ "Agartala airport renamed Bir Bikram Kishore Manikya, after Tripura's last king". cnbctv18.com. 4 July 2018. Retrieved 18 February 2020.
  8. ↑ "Agartala airport set to launch international flight services after Centre's immigration clearance". CNBC (in ᱟᱝᱜᱽᱨᱮᱡᱤ). PTI. 31 May 2023. Retrieved 14 September 2023.
  9. ↑ "Civil Airport Agartala". airportsindia.org.in. Archived from the original on 5 November 2007. Retrieved 2 August 2009.
  10. ↑ "India asks Bangladesh for land to expand Agartala airport runway". India TV (in ᱟᱝᱜᱽᱨᱮᱡᱤ). 7 August 2019. Retrieved 24 April 2023.
  11. ↑ "Squadron Operational Record Books". Nartional Archives reference AIR 27/1159/3. 28 February 1943. Retrieved 18 December 2023.
  12. ↑ Maurer, Maurer. Air Force Combat Units of World War II. Maxwell Air Force Base, Alabama: Office of Air Force History, 1983. ISBN 0-89201-092-4
  13. ↑ Ali, Syed Sajjad (4 January 2022). "PM Modi opens new terminal building at Agartala airport". The Hindu (in Indian English). ISSN 0971-751X. Retrieved 4 January 2022.
  14. ↑ "Tripura likely to get international flights to Singapore, Chittagong, Dhaka". newkerala.com. ANI. Retrieved 27 December 2021.
  15. ↑ "Air India Timetable". Air India. Retrieved 12 January 2020.
  16. ↑ "Our Network". Air India Express. Retrieved 1 September 2024.
  17. ↑ "Akasa Air Flight Network". Akasa Air. Retrieved 24 April 2024.
  18. ↑ "IndiGo Aug – Oct 2024 Domestic Network Additions". Aeroroutes. Retrieved 15 August 2024.

ᱵᱟᱦᱨᱮ ᱡᱚᱱᱚᱲ

ᱥᱟᱯᱲᱟᱣ
"https://sat.wikipedia.org/w/index.php?title=ᱢᱚᱦᱟᱨᱟᱡᱟ_ᱵᱤᱨ_ᱵᱤᱠᱨᱚᱢ_ᱩᱰᱟᱹᱱ_ᱰᱟᱹᱦᱤ&oldid=160124" ᱠᱷᱚᱱ ᱧᱟᱢ ᱟᱹᱜᱩᱭ