ᱢᱟᱛᱠᱚᱢ

ᱢᱟᱛᱠᱚᱢ ᱫᱚ ᱦᱩᱭᱩᱜ ᱠᱟᱱᱟ ᱥᱤᱧᱚᱛᱤᱭᱟᱹ ᱴᱨᱚᱯᱤᱠᱟᱞ (tropical) ᱫᱟᱨᱮ ᱾ ᱳᱰᱤᱥᱟ, ᱡᱷᱟᱨᱠᱷᱚᱸᱰ, ᱠᱚᱧᱮ ᱯᱚᱱᱚᱛ, ᱵᱤᱦᱟᱨ, ᱠᱮᱨᱚᱲ ᱟᱨ ᱜᱩᱡᱽᱨᱟᱴ ᱯᱚᱱᱚᱛ ᱨᱮᱭᱟᱜ ᱵᱩᱨᱩ ᱠᱚᱨᱮ ᱢᱟᱛᱠᱚᱢ ᱫᱟᱨᱮ ᱫᱚ ᱟᱭᱢᱟ ᱧᱮᱞᱚᱜᱼᱟ ᱾ ᱯᱮ ᱥᱮᱨᱢᱟ ᱦᱩᱭ ᱞᱮᱱ ᱠᱷᱟᱱ ᱢᱟᱛᱠᱚᱢ ᱵᱟᱦᱟᱜ ᱮᱦᱚᱵᱚᱜᱼᱟ ᱟᱨ ᱜᱮᱞ ᱵᱚᱪᱷᱚᱨ ᱦᱩᱭ ᱞᱮᱱ ᱠᱷᱟᱱ ᱡᱚᱜᱼᱟ ᱾ ᱢᱟᱛᱠᱚᱢ ᱫᱟᱨᱮ ᱫᱚ ᱑᱐᱐ ᱠᱷᱚᱱ ᱑᱕᱐ ᱥᱮᱨᱢᱟ ᱦᱟᱹᱵᱤᱡ ᱵᱟᱧᱪᱟᱜᱼᱟ ᱾ ᱢᱤᱫᱴᱤᱡ ᱢᱟᱨᱟᱝ ᱫᱟᱨᱮ ᱠᱷᱚᱱᱟᱜ ᱗᱐ ᱠᱷᱚᱱ ᱗᱕ ᱠᱤᱞᱚ ᱦᱟᱹᱵᱤᱡ ᱢᱟᱛᱠᱚᱢ ᱧᱟᱢᱚᱜᱼᱟ ᱾ ᱵᱟᱦᱟᱜ ᱢᱟᱬᱟᱝ ᱨᱮ ᱵᱚᱪᱷᱚᱨ ᱯᱷᱮᱵᱽᱨᱩᱣᱟᱨᱤ ᱠᱷᱚᱱ ᱮᱯᱨᱤᱞ ᱵᱷᱤᱛᱤᱨ ᱨᱮ ᱢᱟᱨᱮ ᱥᱟᱠᱟᱢ ᱧᱩᱨᱩᱜᱼᱟ ᱟᱨ ᱮᱯᱨᱤᱞ ᱠᱷᱚᱱ ᱢᱮ ᱵᱷᱤᱛᱨᱤ ᱨᱮ ᱱᱟᱶᱟ ᱥᱟᱠᱟᱢ ᱥᱟᱜᱮᱱᱚᱜᱼᱟ ᱾ ᱢᱟᱛᱠᱚᱢ ᱵᱟᱦᱟ ᱫᱚ ᱢᱤᱫ ᱟᱨ ᱟᱫᱷᱟ ᱤᱧᱪ ᱦᱟᱹᱵᱤᱡ ᱦᱟᱨᱟᱜᱼᱟ ᱾ ᱡᱩᱱ ᱠᱷᱚᱱ ᱚᱜᱚᱥᱴ ᱵᱷᱤᱛᱨᱤ ᱨᱮ ᱱᱚᱶᱟ ᱨᱮᱭᱟᱜ ᱡᱚ ᱵᱤᱞᱤᱜᱼᱟ ᱾ ᱱᱚᱶᱟ ᱨᱮᱭᱟᱜ ᱡᱟᱝ ᱫᱚ ᱒/᱓ ᱥᱮᱱᱴᱤᱢᱤᱴᱚᱨ ᱦᱟᱹᱵᱤᱡ ᱦᱩᱭᱩᱜᱼᱟ ᱟᱨ ᱥᱤᱢ ᱵᱤᱞᱤ ᱞᱮᱠᱟ ᱜᱩᱞᱟᱹᱭ ᱟᱨ ᱡᱤᱞᱤᱧᱟ ᱾

ᱢᱟᱛᱠᱚᱢ
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ
Kingdom:	ᱯᱞᱟᱴᱮᱭ
Clade:	Angiosperms
Clade:	Eudicots
Clade:	Asterids
Order:	Ericales
Family:	Sapotaceae
Genus:	Madhuca
ᱡᱟᱹᱛ:	M. longifolia
ᱵᱟᱭᱱᱚᱢᱤᱭᱟᱞ ᱧᱩᱛᱩᱢ
Madhuca longifolia (J.Konig) J.F.Macbr.

ᱢᱟᱛᱠᱚᱢ ᱫᱟᱨᱮ

ᱢᱟᱛᱠᱚᱢ ᱵᱟᱦᱟ

ᱢᱟᱛᱠᱚᱢ ᱵᱟᱦᱟ

ᱡᱟᱦᱟᱸ ᱢᱟᱛᱠᱚᱢ ᱵᱚ ᱢᱮᱛᱟᱜ ᱠᱟᱱᱟ ᱚᱱᱟ ᱜᱮ ᱢᱟᱛᱠᱚᱢ ᱵᱟᱦᱟ ᱫᱚ ᱾ ᱱᱚᱶᱟ ᱫᱚ ᱦᱟᱞᱟᱝ ᱟᱹᱜᱩ ᱠᱟᱛᱮ ᱠᱚ ᱛᱟᱥᱮ ᱨᱚᱦᱚᱲᱟ ᱾ ᱚᱱᱟ ᱛᱟᱭᱚᱢ ᱢᱟᱛᱠᱚᱢ ᱟᱛᱟ, ᱢᱟᱛᱠᱚᱢ ᱞᱟᱴᱷᱮ ᱵᱮᱱᱟᱶ ᱠᱟᱛᱮ ᱠᱚ ᱡᱚᱢᱟ ᱾ ᱱᱚᱶᱟ ᱛᱮ ᱯᱟᱹᱣᱨᱟᱹ ᱦᱚᱸᱠᱚ ᱵᱮᱱᱟᱶᱟ ᱾

ᱠᱩᱸᱭᱰᱤ

ᱢᱟᱛᱠᱚᱢ ᱨᱮᱭᱟᱜ ᱡᱚ ᱫᱚ ᱠᱩᱸᱭᱰᱤ ᱠᱚ ᱢᱮᱛᱟᱜᱼᱟ ᱾ ᱠᱩᱸᱭᱰᱤ ᱪᱮᱛᱟᱱ ᱨᱮ ᱡᱟᱦᱟᱸ ᱦᱟᱨᱛᱟ ᱛᱟᱦᱮᱸᱱᱟ ᱚᱱᱟ ᱫᱚ ᱵᱟᱠᱲᱮ ᱠᱚ ᱢᱮᱛᱟᱜᱼᱟ ᱾ ᱠᱩᱸᱭᱰᱤ ᱫᱚ ᱟᱥᱟᱲ ᱵᱚᱸᱜᱟ ᱮᱦᱚᱵ ᱠᱚᱛᱮ ᱵᱤᱞᱤᱜᱼᱟ ᱾ ᱚᱱᱟ ᱠᱩᱸᱭᱰᱤ ᱫᱚ ᱦᱟᱞᱟᱝ ᱟᱹᱜᱩ ᱠᱟᱛᱮ ᱠᱚᱴᱮᱡᱟ ᱠᱚ ᱾ ᱚᱱᱟ ᱛᱟᱭᱚᱢ ᱛᱟᱥᱮ ᱨᱚᱦᱚᱲᱟ ᱠᱚ ᱟᱨ ᱠᱩᱸᱭᱰᱤ ᱥᱩᱱᱩᱢ ᱠᱚ ᱵᱮᱱᱟᱶᱟ ᱾

ᱵᱟᱠᱲᱮ

ᱠᱩᱸᱭᱰᱤ ᱨᱮᱭᱟᱜ ᱪᱚᱠᱟᱜ/ᱦᱟᱨᱛᱟ ᱫᱚ ᱵᱟᱠᱲᱮ ᱠᱚ ᱢᱮᱛᱟᱜᱼᱟ ᱾ ᱱᱚᱶᱟ ᱫᱚ ᱦᱮᱲᱮᱢ ᱜᱮ ᱠᱷᱟᱹᱛᱤᱨ ᱢᱟᱹᱱᱢᱤ, ᱰᱟᱝᱜᱽᱨᱤ ᱟᱨ ᱢᱤᱴᱩ ᱦᱚᱸᱠᱚ ᱡᱚᱢᱟ ᱾ ᱵᱤᱥᱛᱤ ᱵᱤᱞᱤ ᱞᱮᱱᱠᱷᱟᱱ ᱱᱚᱶᱟ ᱫᱚᱠᱚ ᱛᱤᱡᱩᱭᱟ, ᱚᱱᱟᱛᱮ ᱠᱩᱸᱭᱰᱤ ᱦᱟᱞᱟᱝ ᱡᱷᱚᱜ ᱱᱚᱶᱟ ᱫᱚ ᱫᱟᱨᱮ ᱵᱩᱴᱟᱹ ᱨᱮᱜᱮ ᱠᱚ ᱯᱚᱪᱚᱨ ᱜᱤᱰᱤ ᱚᱴᱚ ᱠᱟᱜᱼᱟ ᱾ ᱵᱮᱨᱮᱞ ᱵᱟᱠᱲᱮ ᱫᱚ ᱦᱚᱭᱚ ᱠᱟᱛᱮ ᱠᱚ ᱩᱛᱩᱭ ᱜᱮᱭᱟ ᱾ ᱱᱚᱶᱟ ᱦᱚᱸ ᱦᱮᱲᱮᱢ ᱜᱮ ᱥᱤᱵᱤᱞᱟ ᱾

ᱮᱴᱟᱜ ᱯᱟᱹᱨᱥᱤ ᱛᱮ ᱧᱩᱛᱩᱢ

• ᱦᱤᱱᱫᱤ ᱛᱮ- ᱢᱚᱦᱣᱟ, ᱢᱚᱦᱩᱞ ᱟᱨ ᱢᱚᱣᱩᱞ
• ᱵᱟᱝᱞᱟ ᱛᱮ- ᱢᱚᱦᱣᱟ
• ᱢᱚᱨᱟᱴᱷᱤ ᱛᱮ- ᱢᱚᱦᱩᱫᱟ
• ᱜᱩᱡᱽᱨᱟᱴᱤ ᱛᱮ- ᱤᱯᱯᱟ
• ᱠᱚᱱᱱᱚᱰ ᱛᱚ- ᱤᱯᱯᱮ, ᱦᱤᱯᱯᱮ
• ᱛᱟᱢᱤᱞ ᱛᱮ- ᱤᱞᱩᱯᱮᱭᱤ
• ᱢᱚᱞᱚᱭᱟᱞᱚᱢ ᱛᱚ- ᱯᱩᱱᱚᱢ, ᱤᱞᱩᱯᱟ
• ᱩᱰᱤᱭᱟᱹ ᱛᱮ - ᱢᱚᱦᱩᱞ

ᱵᱮᱵᱷᱟᱨ

• ᱥᱮᱫᱟᱭ ᱫᱚ ᱥᱟᱱᱛᱟᱲ ᱦᱚᱲ ᱢᱟᱛᱠᱚᱢ ᱟᱛᱟ ᱠᱟᱛᱮ, ᱞᱟᱴᱷᱮ ᱵᱮᱱᱟᱣ ᱠᱟᱛᱮ ᱠᱚ ᱡᱚᱢ ᱛᱟᱦᱮᱸᱫ ᱾
• ᱢᱟᱛᱠᱚᱢ ᱠᱷᱚᱱᱟᱜ ᱯᱟᱹᱣᱨᱟᱹ ᱦᱚᱸ ᱵᱮᱱᱟᱜ ᱠᱟᱱᱟ ᱾
• ᱢᱟᱛᱠᱚᱢ ᱫᱟᱨᱮ ᱥᱟᱞᱟᱜ ᱢᱟᱹᱱᱢᱤ ᱡᱤᱭᱤ ᱨᱮᱱᱟᱝ ᱟᱹᱰᱤ ᱢᱟᱨᱟᱝ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾ ᱢᱟᱛᱠᱚᱢ ᱫᱟᱨᱮ ᱫᱚ ᱡᱟᱱᱟᱢ ᱟᱭᱳ ᱛᱳᱣᱟ ᱫᱟᱨᱮ ᱛᱩᱞᱩᱡᱟᱜ ᱠᱟᱱᱟ ᱾ ᱚᱱᱟ ᱛᱮᱜᱮ ᱦᱩᱰᱤᱝ ᱜᱤᱫᱽᱨᱟᱹ ᱠᱚ ᱨᱩᱣᱟᱹᱲ ᱞᱮᱱᱠᱷᱟᱱ ᱢᱟᱛᱠᱚᱢ ᱵᱩᱴᱟᱹᱨᱮᱵᱚᱱ ᱵᱟᱭ ᱠᱚᱣᱟ ᱾
• ᱢᱟᱛᱠᱚᱢ ᱡᱚ ᱫᱚ ᱠᱩᱸᱭᱰᱤ ᱵᱚᱱ ᱢᱮᱛᱟᱜ ᱠᱟᱱᱟ ᱾ ᱚᱱᱟ ᱠᱷᱚᱱ ᱥᱩᱱᱩᱢ ᱵᱚ ᱧᱟᱢ ᱮᱫᱼᱟ ᱾

ᱵᱟᱦᱨᱮ ᱡᱚᱱᱚᱲ

• ᱪᱷᱟᱸᱪ:ITIS
• Alternative edible oil from mahua seeds, The Hindu
• Mowrah Butter, OilsByNature.com
• Famine Foods
• Use of Mahua Oil (Madhuca indica) as a Diesel Fuel Extender
• WWF India Mahua
• "What foods did your ancestors love?" Video of presentation by Aparna Pallavi at TEDxCapeTownWomen, with mahua being the central example of a common indigenous food source overlooked by the dominant society.

ᱡᱚᱲᱟᱣᱟᱱ ᱠᱟᱛᱷᱟ

ᱱᱚᱣᱟ ᱥᱟᱝ ᱥᱟᱶᱛᱟ ᱨᱮ ᱠᱩᱫᱩᱢ ᱠᱟᱹᱦᱱᱤ ᱠᱟᱛᱷᱟ ᱠᱚ ᱦᱚᱸ ᱧᱮᱞ ᱧᱟᱢᱚᱜ ᱜᱮᱭᱟ, ᱡᱮᱢᱚᱱ ᱢᱤᱫ ᱠᱩᱫᱩᱢ :-

ᱠᱩᱫᱩᱢ ᱨᱮ ᱠᱩᱲᱤᱫ ᱠᱩᱲᱤᱫ, ᱢᱤᱫ ᱟᱯᱟᱛ ᱯᱮᱭᱟ ᱜᱤᱫᱽᱨᱟᱹ

ᱱᱚᱣᱟ ᱨᱮᱱᱟᱜ ᱫᱚ ᱱᱚᱣᱟ ᱜᱮ ᱪᱤ ᱢᱟᱛᱠᱚᱢ ᱫᱟᱨᱮ ᱫᱚ ᱢᱤᱫᱴᱟᱹᱝ ᱜᱮ ᱢᱮᱱᱠᱷᱟᱱ ᱱᱚᱣᱟ ᱨᱮᱱᱟᱜ ᱡᱚ ᱵᱟᱦᱟ ᱫᱚ ᱮᱴᱟᱜ ᱮᱴᱟᱜ ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ ᱾ ᱡᱮᱢᱚᱱ ᱵᱟᱦᱟ ᱫᱚ "ᱢᱟᱛᱠᱚᱢ" ᱡᱚ ᱫᱚ ᱵᱤᱞᱤ ᱞᱮᱱᱠᱷᱟᱱ "ᱵᱟᱠᱲᱮ" ᱟᱨ ᱡᱟᱝ ᱫᱚ "ᱠᱩᱸᱭᱰᱤ"

ᱟᱨ ᱢᱤᱫ ᱠᱩᱫᱩᱢ

ᱠᱩᱫᱩᱢ ᱨᱮ ᱠᱩᱲᱤᱫ ᱠᱩᱲᱤᱫ ᱚᱛ ᱨᱮ ᱵᱤᱞᱤ ᱪᱚᱴ ᱨᱮ ᱛᱩᱠᱟᱹ

ᱱᱚᱶᱟ ᱨᱮᱭᱟᱜ ᱢᱮᱱᱮᱛ ᱫᱚ ᱵᱤᱞᱤ ᱚᱛ ᱨᱮ ᱧᱩᱨ ᱟᱠᱟᱱᱟ, ᱛᱩᱠᱟᱹ ᱫᱚ ᱪᱚᱴ ᱨᱮ ᱢᱮᱱᱟᱜᱼᱟ ᱾

• 
  Fruit in Narsapur, Medak district, India
• 
  Fruit with leaves in Narsapur, Medak district, India
• 
  Trunk in Narsapur, Medak district, India
• 
  Tree in Narsapur, Medak district, India
• 
• 
  Leaves in Umaria district, Madhya Pradesh
• 
  Mahua Tree in Thrissur, Kerala, India

ᱥᱟᱹᱠᱷᱭᱟᱹᱛ

ᱯᱷᱮᱰᱟᱛ

• https://or.wikipedia.org/wiki/%E0%AC%AE%E0%AC%B9%E0%AD%81%E0%AC%B2

ᱟᱨᱦᱚᱸ ᱧᱮᱞ ᱢᱮ

ᱵᱟᱨᱦᱮ ᱡᱚᱱᱚᱲ

• Alternative edible oil from mahua seeds, The Hindu
• Mowrah Butter, OilsByNature.com
• Famine Foods Archived ᱒᱐᱐᱗-᱑᱑-᱐᱙ at the Wayback Machine.
• Use of Mahua Oil (Madhuca indica) as a Diesel Fuel Extender
• WWF India Mahua

ᱥᱟ.ᱠᱷᱭᱟ.ᱛ