ᱢᱟᱨᱢᱟ ᱦᱚᱲ

ᱢᱟᱨᱢᱟ
မာရမာ
	ᱢᱟᱨᱢᱟ ᱮᱱᱮᱡ
ᱜᱩᱴ ᱦᱚᱲ ᱮᱞ
	᱓,᱐᱐,᱐᱐᱐+
ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ
	ᱪᱚᱴᱴᱜᱨᱟᱢ ᱵᱩᱨᱩ ᱴᱚᱴᱷᱟ, ᱛᱨᱤᱯᱩᱨᱟ ᱥᱤᱧᱚᱛ, ᱢᱤᱭᱟᱱᱢᱟᱨ
ᱵᱟᱝᱞᱟᱫᱮᱥ (ᱵᱟᱱᱫᱟᱨᱵᱟᱱ, ᱠᱷᱟᱜᱽᱨᱟᱪᱟᱨᱤ, ᱨᱟᱝᱜᱟᱢᱟᱴᱤ, ᱯᱚᱴᱩᱣᱟᱠᱷᱟᱞᱤ ᱟᱨ ᱵᱟᱨᱜᱩᱱᱟ ᱦᱚᱱᱚᱛᱚ)	᱒,᱒᱔,᱒᱖᱑
Myanmar (ᱨᱟᱠᱷᱟᱭᱤᱱ ᱯᱚᱱᱚᱛ)	ᱵᱟᱝ ᱵᱟᱰᱟᱭ
ᱥᱤᱧᱚᱛ (ᱛᱨᱤᱯᱩᱨᱟ)	᱓᱕,᱗᱒᱒
ᱯᱟᱹᱨᱥᱤ ᱠᱚ
	ᱢᱟᱨᱢᱟ, ᱪᱚᱴᱜᱟᱱᱤᱭᱟ, ᱵᱟᱨᱢᱤᱥ
ᱫᱷᱚᱨᱚᱢ
	ᱛᱷᱮᱨᱟᱵᱟᱫᱟ ᱵᱩᱫᱽᱫᱷᱚ
ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ
	ᱨᱟᱠᱷᱟᱭᱤᱱ ᱦᱚᱲ, ᱵᱚᱨᱢᱟ ᱦᱚᱲ
	ᱢᱤᱭᱟᱱᱢᱟᱨ ᱨᱮ ᱑᱓᱕ ᱜᱚᱴᱟᱝ ᱪᱤᱱᱦᱟᱹ ᱟᱠᱟᱱ ᱡᱟᱹᱛᱤ ᱜᱟᱫᱮᱞ (ᱞᱟᱦᱟ ᱜᱮ ᱵᱟᱨᱢᱟ)

ᱢᱟᱨᱢᱟ (မာရမာ တိုင်းရင်းသား), ᱡᱟᱦᱟᱸ ᱫᱚ ᱢᱳᱜᱽ, ᱢᱚᱜᱽ ᱟᱨᱵᱟᱝ ᱢᱟᱜᱽ ᱦᱚᱸ ᱠᱚ ᱢᱮᱛᱟᱜᱼᱟ, ᱫᱚ ᱵᱟᱝᱞᱟᱫᱮᱥ ᱨᱮᱭᱟᱜ ᱵᱟᱱᱫᱟᱨᱵᱟᱱ, ᱠᱷᱟᱜᱽᱨᱟᱪᱟᱨᱤ ᱟᱨ ᱨᱚᱝᱜᱟᱢᱟᱴᱤ ᱵᱩᱨᱩ ᱦᱚᱱᱚᱛ ᱨᱮ ᱠᱚ ᱛᱟᱦᱮᱸᱱ ᱠᱟᱱᱟ᱾ ᱱᱩᱠᱩ ᱫᱚ ᱨᱟᱠᱷᱟᱭᱤᱱ ᱦᱚᱲ ᱠᱚᱣᱟᱜ ᱥᱟᱶᱛᱟ ᱨᱮᱱ ᱠᱟᱱᱟᱠᱩ᱾ ᱟᱹᱰᱤᱜᱟᱱ ᱢᱟᱨᱢᱟ ᱫᱚ ᱵᱟᱝᱞᱟᱫᱮᱥ ᱨᱮᱭᱟᱜ ᱠᱳᱠᱥ ᱵᱟᱡᱟᱨ ᱟᱨ ᱞᱟᱴᱩᱣᱟᱠᱷᱟᱞᱤ ᱨᱮᱭᱟᱜ ᱫᱚᱨᱭᱟ ᱥᱤᱢᱟᱹ ᱨᱮᱠᱚ ᱛᱟᱦᱮᱱ ᱠᱟᱱᱟ, ᱟᱨ ᱠᱚᱢ ᱜᱮ ᱛᱨᱤᱯᱩᱨᱟ, ᱥᱤᱧᱚᱛ ᱟᱨ ᱢᱤᱭᱟᱱᱢᱟᱨ ᱨᱮᱠᱚ ᱛᱟᱦᱮᱱ ᱠᱟᱱᱟ᱾ ᱵᱟᱝᱞᱟᱫᱮᱥ ᱨᱮ ᱒᱒᱔,᱒᱖᱑ ᱜᱚᱴᱟᱝ ᱢᱟᱨᱢᱟ ᱢᱮᱱᱟᱜ ᱠᱚᱣᱟ ᱟᱨ ᱚᱱᱟ ᱢᱟᱹᱫᱽ ᱠᱷᱚᱱ ᱓᱕,᱗᱒᱒ ᱜᱚᱴᱟᱝ ᱫᱚ ᱥᱤᱧᱚᱛ ᱨᱮ ᱢᱮᱱᱟᱜ ᱠᱚᱣᱟ᱾ ᱑᱖ ᱥᱟᱭᱟᱱᱟᱜ ᱥᱮᱨᱢᱟ ᱠᱷᱚᱱ ᱢᱟᱨᱢᱟ ᱫᱚ ᱵᱮᱝᱜᱚᱞ ᱨᱮᱱᱟᱜ ᱪᱚᱴᱴᱜᱨᱟᱢ ᱵᱩᱨᱩ ᱴᱚᱴᱷᱟ ᱫᱚ ᱟᱠᱚᱣᱟᱜ ᱫᱤᱥᱚᱢ ᱢᱮᱱᱛᱮᱭ ᱢᱟᱱᱟᱣ ᱵᱟᱛᱟᱣ ᱟᱠᱟᱫᱟ, ᱡᱟᱦᱟᱸ ᱨᱮ ᱩᱱᱠᱩ ᱫᱚ ᱵᱳᱦᱢᱚᱝ ᱟᱨ ᱢᱚᱝ ᱥᱤᱨᱠᱤᱞ (chiefdoms) ᱠᱚ ᱵᱮᱱᱟᱣ ᱟᱠᱟᱫᱟ᱾

ᱡᱟᱹᱛᱤᱭᱟᱜ ᱧᱩᱛᱩᱢ ᱥᱟᱯᱲᱟᱣ

ᱱᱟᱜᱟᱢ ᱥᱟᱯᱲᱟᱣ

ᱛᱟᱞᱟ ᱨᱮ ᱵᱳᱢᱢᱟᱝ ᱥᱟᱶᱛᱮ ᱵᱚᱱᱫᱟᱨᱵᱟᱱ ᱨᱮ ᱢᱟᱨᱢᱟ ᱠᱚᱣᱟᱜ ᱜᱟᱫᱮᱞ, ᱑᱙᱐᱖ ᱥᱮᱨᱢᱟ ᱨᱮ

ᱢᱟᱨᱢᱟ ᱨᱮᱱ ᱢᱟᱨᱮᱱ ᱠᱚ, ᱨᱟᱠᱷᱟᱭᱤᱱ, ᱪᱚᱴᱴᱜᱨᱟᱢ ᱟᱨ ᱟᱨᱟᱠᱟᱱ ᱵᱩᱨᱩ ᱛᱟᱞᱟ ᱨᱮ ᱢᱤᱫᱴᱟᱝ ᱵᱮᱰᱟ ᱴᱚᱴᱷᱟ ᱨᱮ ᱛᱟᱦᱮᱸᱱᱟ, ᱡᱟᱦᱟᱸ ᱱᱟᱦᱟᱜ ᱢᱤᱭᱟᱱᱢᱟᱨ ᱨᱮᱭᱟᱜ ᱨᱟᱠᱷᱟᱭᱤᱱ ᱯᱚᱱᱚᱛ ᱠᱟᱱᱟ᱾ ^[᱓] ᱑᱕ ᱠᱷᱚᱱ ᱑᱖ ᱥᱚᱛᱟᱵᱫᱤ ᱢᱩᱫᱨᱮ, ᱵᱮᱝᱜᱚᱞ ᱫᱚᱨᱮᱭᱟ ᱨᱮ ᱛᱷᱟᱭᱤ ᱫᱚᱨᱮᱭᱟ ᱰᱟᱹᱠᱩ ᱚᱡᱮᱛᱮ, ᱨᱟᱠᱷᱤᱱᱟᱭᱮᱱ ᱠᱚ ᱯᱳᱨᱛᱩᱜᱤᱡ ᱠᱚ ᱥᱟᱶ ᱡᱚᱯᱲᱟᱣ ᱠᱟᱛᱮ ᱫᱚᱨᱮᱭᱟ ᱰᱟᱹᱠᱩ ᱞᱟᱹᱜᱤᱫ ᱧᱩᱛᱩᱢᱟᱱ ᱧᱟᱢ ᱞᱮᱫᱟ᱾ ^[᱔] ᱑᱖ ᱠᱷᱚᱱ ᱑᱘ ᱥᱚᱛᱟᱵᱫᱤ ᱢᱩᱫᱨᱮ ᱢᱟᱨᱢᱟ ᱠᱚᱫᱚ ᱩᱱᱠᱩᱣᱟᱜ ᱫᱤᱥᱚᱢ ᱠᱷᱚᱱ ᱪᱚᱴᱴᱜᱨᱟᱢ ᱵᱩᱨᱩ ᱴᱚᱴᱷᱟ ᱨᱮ ᱪᱟᱞᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱢᱮᱴᱳᱠ ᱤᱭᱩ ᱟᱜ ᱪᱚᱴᱴᱜᱨᱟᱢ ᱯᱚᱱᱚᱛ ᱡᱤᱛᱠᱟᱹᱨ ᱥᱟᱶ ᱥᱟᱶᱛᱮ ᱦᱩᱭ ᱞᱮᱱᱟ᱾

ᱢᱟᱨᱢᱟ ᱠᱩᱲᱤ, ᱑᱙᱐᱖ ᱥᱮᱨᱢᱟ ᱨᱮ ᱾

^[᱕] ᱑᱙᱗᱑ ᱥᱮᱨᱢᱟ ᱨᱮ, ᱵᱟᱝᱞᱟᱫᱮᱥ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱛᱟᱭᱚᱢ, ᱫᱤᱥᱚᱢ ᱨᱮᱱ ᱡᱟᱹᱥᱛᱤ ᱵᱟᱝᱞᱟ ᱢᱩᱥᱞᱟᱹ ᱪᱮᱴᱜᱟᱝᱜᱳ ᱵᱩᱨᱩ ᱴᱚᱴᱷᱟ ᱨᱮ ᱛᱷᱟᱯᱚᱱ ᱮᱦᱚᱵ ᱞᱮᱱᱟ, ᱡᱟᱦᱟᱸ ᱫᱚ ᱚᱱᱟ ᱴᱚᱴᱷᱟ ᱨᱮᱱ ᱢᱩᱬ ᱜᱤᱨᱟᱹᱵᱟᱥᱤ ᱠᱚ ᱞᱟᱜᱟ ᱞᱮᱫ ᱠᱚᱣᱟ᱾

ᱡᱮᱱᱮᱴᱤᱠ ᱵᱤᱰᱟᱹᱣ ᱥᱟᱯᱲᱟᱣ

ᱞᱟᱠᱪᱟᱨ ᱥᱟᱯᱲᱟᱣ

ᱢᱟᱨᱢᱟ ᱠᱚᱣᱟᱜ ᱞᱟᱠᱪᱟᱨ ᱨᱟᱠᱷᱟᱭᱤᱱ ᱦᱚᱲ ᱠᱚᱣᱟᱜ ᱥᱟᱶ ᱢᱤᱫ ᱞᱮᱠᱟ ᱜᱮᱭᱟ, ᱡᱟᱦᱟ ᱢᱩᱫᱨᱮ ᱢᱮᱱᱟᱜᱼᱟ ᱩᱱᱠᱩᱣᱟᱜ ᱯᱟᱹᱨᱥᱤ, ᱡᱚᱢᱟᱜ, ᱦᱚᱨᱚᱜᱼᱵᱩᱴᱟᱹ, ᱫᱷᱚᱨᱚᱢ, ᱮᱱᱮᱡ ᱟᱨ ᱢᱩᱪᱟᱹᱫ (ᱜᱚᱡᱼᱜᱩᱨ) ᱨᱮᱭᱟᱜ ᱟᱠᱷᱲᱟ᱾ ᱢᱟᱨᱢᱟ ᱨᱮᱱ ᱠᱚᱲᱟ ᱠᱚ ᱞᱩᱝᱜᱤ ᱧᱩᱛᱩᱢ ᱛᱮ ᱢᱤᱫᱴᱟᱝ ᱜᱮᱸᱫᱟᱜ ᱠᱚ ᱦᱚᱨᱚᱜᱼᱟ ᱟᱨ ᱢᱟᱨᱢᱟ ᱨᱮᱱ ᱛᱤᱨᱞᱟᱹ ᱠᱚ ᱛᱷᱟᱵᱮᱭᱤᱱ ᱧᱩᱛᱩᱢ ᱛᱮ ᱢᱤᱫᱴᱟᱝ ᱥᱚᱨᱚᱝ ᱠᱚ ᱦᱚᱨᱚᱜᱟ᱾

ᱢᱟᱨᱢᱟ ᱠᱚᱫᱚ ᱡᱟᱹᱥᱛᱤᱜᱮ ᱪᱟᱥ ᱪᱮᱛᱟᱱ ᱴᱮᱦᱟᱴ, ᱥᱮᱨᱣᱟ ᱞᱮᱠᱟᱛᱮ ᱵᱩᱨᱩ ᱨᱮ ᱥᱞᱮᱥᱼᱟᱱᱼᱵᱟᱨᱱ ᱪᱟᱥ ᱠᱚ ᱯᱟᱞᱟᱣᱼᱟ᱾ ᱛᱷᱮᱨᱟᱵᱟᱫᱟ ᱵᱳᱫᱽᱫᱷᱚ ᱫᱷᱚᱨᱚᱢ ᱨᱮ ᱩᱱᱠᱩᱣᱟᱜ ᱫᱷᱚᱨᱚᱢ ᱨᱟᱠᱷᱟᱭᱤᱱ ᱥᱟᱶᱛᱟ ᱞᱮᱠᱟ ᱜᱟᱹᱦᱤᱨ, ᱡᱟᱦᱟᱸ ᱫᱚ ᱵᱚᱸᱜᱟ ᱫᱷᱚᱨᱚᱢ ᱨᱮ ᱫᱷᱚᱨᱚᱢ ᱟᱹᱨᱤ ᱪᱮᱛᱟᱱ ᱡᱳᱨ ᱠᱚ ᱮᱢᱟ᱾ ᱟᱫᱚᱢ ᱢᱟᱨᱢᱟ ᱵᱤᱨᱤᱭᱟᱹ, ᱠᱷᱤᱥᱴᱟᱱ ᱟᱨ ᱤᱥᱞᱟᱢ ᱦᱚᱸ ᱠᱚ ᱢᱟᱱᱟᱣᱼᱟ᱾

ᱯᱚᱨᱚᱵᱽ ᱥᱟᱯᱲᱟᱣ

ᱮᱴᱟᱜ ᱮᱴᱟᱜ ᱪᱟᱸᱜᱟᱼᱡᱟᱹᱛᱤ ᱞᱮᱠᱟ ᱢᱟᱨᱢᱟ ᱠᱚᱫᱚ ᱡᱟᱱᱟᱢ, ᱜᱚᱡ, ᱵᱟᱯᱞᱟ ᱟᱨ ᱱᱟᱶᱟ ᱥᱮᱨᱢᱟ ᱞᱮᱠᱟ ᱟᱭᱢᱟ ᱥᱮᱨᱣᱟ ᱟᱱᱟᱜ ᱯᱚᱨᱚᱵᱽ ᱠᱚ ᱢᱟᱱᱟᱣᱼᱟ᱾ ᱢᱟᱨᱢᱟ ᱠᱚᱣᱟᱜ ᱢᱩᱲᱩᱫ ᱯᱚᱨᱚᱵᱽ ᱠᱚᱫᱚ ᱦᱩᱭᱩᱜ ᱠᱟᱱᱟᱼᱵᱩᱫᱫᱷᱚ ᱯᱩᱨᱱᱤᱢᱟ, ᱠᱟᱛᱷᱤᱱᱟ, ᱳᱭᱟᱜᱽᱜᱟᱭ ᱵᱟᱝᱠᱷᱟᱱ ᱯᱨᱵᱟᱨᱟᱱᱟ ᱯᱩᱨᱱᱤᱢᱟ ᱥᱟᱝᱨᱟᱭ ᱮᱢᱟᱱ᱾ ᱢᱟᱨᱢᱟ ᱱᱟᱶᱟ ᱥᱮᱨᱢᱟ ᱨᱮᱭᱟᱜ ᱯᱚᱨᱚᱵᱽ ᱫᱚ ᱥᱟᱝᱨᱟᱭ ᱠᱚ ᱢᱮᱛᱟᱜᱼᱟ᱾ ᱱᱚᱶᱟ ᱯᱚᱨᱚᱵᱽ ᱠᱚ ᱵᱮᱜᱚᱨ, ᱮᱴᱟᱜ ᱮᱴᱟᱜ ᱥᱟᱪᱟᱨᱦᱮᱫ ᱯᱚᱨᱚᱵᱽ ᱦᱚᱸ ᱢᱟᱱᱟᱣ ᱦᱩᱭᱩᱜᱼᱟ, ᱡᱟᱦᱟᱸ ᱫᱚ ᱡᱟᱣᱜᱮ ᱵᱟᱝᱞᱟᱫᱮᱥ ᱨᱮᱭᱟᱜ ᱮᱴᱟᱜ ᱮᱴᱟᱜ ᱟᱹᱫᱤᱵᱟᱹᱥᱤ ᱜᱟᱫᱮᱞ ᱠᱚ ᱞᱮᱠᱟ ᱜᱮᱭᱟ᱾

ᱵᱳᱫᱽᱫᱷᱚ ᱯᱩᱱᱤᱢᱚᱨ ᱥᱟᱯᱲᱟᱣ

ᱱᱚᱣᱟ ᱯᱩᱨᱱᱤ ᱢᱟᱦᱟ ᱨᱮ ᱢᱚᱦᱟᱢᱟᱛᱤ ᱜᱳᱣᱛᱚᱢ ᱵᱳᱫᱽᱫᱷᱚ ᱡᱟᱱᱟᱢ ᱞᱮᱱᱟᱭ, ᱩᱭᱦᱟᱹᱨ ᱮ ᱧᱟᱢ ᱞᱮᱫᱟ ᱟᱨ ᱢᱚᱦᱟᱯᱨᱤᱱᱤᱵᱚᱨᱵᱚᱱ ᱮ ᱦᱟᱢᱮᱴ ᱞᱮᱫᱟ᱾ ᱱᱚᱶᱟ ᱫᱚ ᱢᱤᱫᱴᱟᱝ ᱫᱷᱚᱨᱚᱢ ᱟᱱᱟᱜ ᱯᱚᱨᱚᱵᱽ ᱠᱟᱱᱟ᱾ ᱡᱟᱣ ᱥᱮᱨᱢᱟ ᱜᱮ ᱱᱚᱶᱟ ᱯᱚᱨᱚᱵᱽ ᱫᱚ ᱟᱹᱰᱤ ᱡᱳᱨ ᱟᱨ ᱨᱟᱹᱥᱠᱟᱹ ᱥᱟᱞᱟᱜ ᱠᱚ ᱢᱟᱱᱟᱣᱼᱟ᱾

ᱠᱟᱛᱷᱤᱱᱟ ᱥᱟᱯᱲᱟᱣ

ᱢᱤᱫ ᱧᱤᱫᱟᱹ ᱵᱳᱫᱽᱫᱷᱚ ᱵᱳᱭᱜᱤ ᱠᱚᱣᱟᱜ ᱥᱩᱛᱤ ᱨᱮᱭᱟᱜ ᱨᱟᱹᱲ ᱥᱤᱵᱟᱨᱟ ᱠᱚ ᱦᱚᱨᱚᱜᱼᱟ, ᱥᱟᱱᱟᱢ ᱥᱚᱨᱚ ᱥᱤᱵᱟᱨᱟᱭ ᱞᱟᱹᱭᱼᱟ ᱾

ᱳᱣᱟᱜᱚᱭ ᱥᱮ ᱯᱚᱨᱵᱚᱨᱟᱱᱟ ᱥᱟᱯᱲᱟᱣ

ᱳᱣᱟᱜᱚᱭ ᱯᱚᱨᱵᱚᱨᱚᱱ ᱯᱩᱨᱱᱤᱢᱟ ᱢᱟᱨᱢᱟ ᱠᱚᱣᱟᱜ ᱢᱤᱫᱴᱟᱝ ᱢᱩᱲᱩᱫ ᱫᱷᱚᱨᱚᱢᱟᱱ ᱯᱚᱨᱚᱵᱽ ᱠᱟᱱᱟ᱾ ᱱᱚᱣᱟ ᱢᱟᱦᱟ ᱨᱮ ᱢᱟᱨᱢᱟ ᱟᱨ ᱵᱤᱦᱟᱨ ᱨᱮᱭᱟᱜ ᱥᱟᱱᱟᱢ ᱥᱟᱶᱛᱟ ᱨᱮ ᱟᱹᱰᱤ ᱱᱟᱯᱟᱭ ᱟᱨ ᱨᱟᱹᱥᱠᱟᱹ ᱥᱟᱞᱟᱜ ᱱᱚᱣᱟ ᱯᱚᱨᱚᱵᱽ ᱯᱟᱞᱟᱣ ᱦᱩᱭᱩᱜᱼᱟ᱾ ᱱᱚᱣᱟ ᱫᱤᱱ ᱨᱮ ᱚᱲᱟᱜ ᱨᱮ ᱥᱤᱵᱤᱞᱟ ᱠᱮᱠ ᱠᱚ ᱵᱮᱱᱟᱣᱟ᱾ ᱱᱚᱣᱟ ᱫᱤᱱ ᱨᱮ, ᱜᱳᱣᱛᱚᱢ ᱵᱳᱫᱽᱫᱷᱚ ᱟᱜ ᱢᱟᱨᱟᱝ ᱩᱵ ᱠᱚ ᱯᱩᱡᱟᱹ ᱟᱨ ᱠᱚ ᱥᱳᱯᱨᱳᱫ ᱞᱟᱹᱜᱤᱫ ᱞᱟᱹᱞᱤᱥ ᱦᱚᱭᱩᱜᱼᱟ᱾

ᱥᱟᱝᱨᱟᱭ ᱥᱟᱯᱲᱟᱣ

ᱢᱟᱨᱢᱟ ᱱᱟᱶᱟ ᱥᱮᱨᱢᱟ ᱯᱚᱨᱚᱵᱽ ᱨᱮᱭᱟᱜ ᱧᱩᱛᱩᱢ 'ᱥᱟᱝᱨᱟᱭ'᱾ ᱱᱚᱣᱟ ᱫᱚ ᱩᱱᱠᱩᱣᱟᱜ ᱢᱩᱲᱩᱫ ᱥᱮᱨᱣᱟ ᱟᱱᱟᱜ ᱟᱠᱷᱲᱟ ᱠᱚ ᱢᱩᱫᱽᱨᱮ ᱢᱤᱫᱴᱟᱝ ᱠᱟᱱᱟ᱾ ᱩᱱᱠᱩ ᱫᱚ ᱵᱟᱝᱞᱟ ᱱᱟᱶᱟ ᱥᱮᱨᱢᱟ ᱨᱮᱭᱟᱜ ᱵᱳᱭᱥᱚᱠᱷ ᱪᱟᱸᱫᱳ ᱨᱮ ᱱᱚᱶᱟ ᱯᱚᱨᱚᱵᱽ ᱠᱚ ᱥᱟᱯᱲᱟᱣᱟ᱾ ᱱᱟᱶᱟ ᱥᱮᱨᱢᱟ ᱨᱮ ᱩᱱᱠᱩ ᱥᱟᱝᱨᱟᱭ ᱨᱮ ᱟᱭᱢᱟ ᱞᱮᱠᱟᱱ ᱠᱷᱮᱹᱞᱳᱰ ᱟᱠᱷᱲᱟ ᱠᱚ ᱥᱟᱯᱲᱟᱣᱟ᱾ ᱱᱚᱶᱟ ᱟᱠᱷᱲᱟ ᱠᱚ ᱢᱩᱫᱽᱨᱮ ᱫᱟᱜ ᱯᱚᱨᱚᱵᱽ ᱢᱤᱫᱴᱟᱝ᱾ ᱚᱱᱟ ᱢᱟᱦᱟ ᱢᱟᱨᱢᱟ ᱨᱮᱱ ᱩᱢᱮᱨᱟᱱ ᱠᱚ ᱢᱤᱫᱵᱟᱨ ᱨᱮ ᱫᱟᱜ ᱟᱨᱮᱡ ᱠᱟᱛᱮ ᱠᱚ ᱨᱟᱹᱥᱠᱟᱹ ᱞᱮᱫᱟ᱾ ᱫᱟᱜ ᱟᱨᱮᱡ ᱠᱟᱛᱮ ᱩᱱᱠᱩ ᱪᱟᱞᱟᱣᱮᱱ ᱥᱮᱨᱢᱟ ᱨᱮᱭᱟᱜ ᱢᱟᱹᱭᱞᱟᱹ ᱟᱨ ᱨᱚᱝ ᱠᱚ ᱯᱷᱟᱨᱪᱟᱭᱟ᱾ ᱱᱚᱶᱟ ᱵᱮᱜᱚᱨ, ᱩᱱᱠᱩ ᱫᱟᱜ ᱠᱷᱮᱞᱳᱰ ᱛᱟᱞᱟᱛᱮ ᱩᱱᱠᱩᱣᱟᱜ ᱠᱩᱥᱤ ᱦᱚᱲ ᱠᱚ ᱯᱟᱸᱡᱟ ᱧᱟᱢ ᱠᱚᱣᱟ᱾ ᱫᱟᱜ ᱠᱷᱮᱞᱳᱰ ᱵᱮᱜᱚᱨ ᱦᱚᱸ ᱩᱱᱠᱩ ᱮᱴᱟᱜ ᱮᱴᱟᱜ ᱟᱠᱷᱲᱟ ᱠᱚ ᱯᱟᱞᱟᱣ ᱠᱟᱛᱮ ᱥᱟᱝᱨᱟᱭ ᱯᱚᱨᱚᱵᱽ ᱠᱚ ᱢᱟᱱᱟᱣᱼᱟ ᱡᱮᱞᱮᱠᱟ ᱯᱮᱝᱪᱳᱣᱟᱭ᱾ ᱩᱱᱠᱩ ᱫᱚ ᱟᱠᱚ ᱟᱠᱚᱣᱟᱜ ᱡᱟᱱᱟᱢ ᱯᱟᱹᱨᱥᱤ ᱛᱮ ᱩᱱᱠᱚ ᱯᱚᱨᱚᱵᱽ ᱠᱚ ᱢᱟᱱᱟᱣᱼᱟ᱾

ᱧᱩᱛᱩᱢᱟᱱ ᱦᱚᱲ ᱥᱟᱯᱲᱟᱣ

ᱵᱟᱝᱞᱟᱫᱮᱥ ᱨᱮᱱ ᱥᱟᱯᱲᱟᱣ

ᱰᱚᱠᱛᱟᱨ ᱢᱳᱝ ᱳᱥᱟ ᱛᱳᱣᱟᱭ, ᱰᱤᱠᱟᱨ ᱚᱯᱷ ᱢᱮᱰᱤᱥᱤᱱ 'ᱥᱳᱵᱷᱤᱭᱮᱴ ᱤᱭᱩᱱᱤᱭᱚᱱ' ᱯᱷᱤᱥᱤᱥᱤᱭᱟᱱ, ᱚᱱᱚᱞᱤᱭᱟᱹ᱾
ᱤᱭᱩᱠ ᱪᱤᱱ ᱢᱟᱨᱢᱟ, ᱵᱟᱝᱞᱟ ᱫᱤᱥᱚᱢ ᱨᱮᱱ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱡ ᱾
ᱳᱥᱵᱷᱮ ᱥᱤᱝ, ᱵᱟᱝᱞᱟ ᱨᱮᱱ ᱨᱟᱡᱟᱹᱨᱤ ᱱᱮᱛᱟ᱾
ᱥᱮᱪᱤᱱ ᱯᱨᱩ ᱡᱮᱨᱤ, ᱵᱟᱝᱞᱟ ᱨᱮᱱ ᱨᱟᱡᱟᱹᱨᱤ ᱱᱮᱛᱟ ᱾
ᱳᱝ ᱥᱳᱭᱮ ᱯᱨᱩᱭ ᱪᱩᱫᱩᱫᱤ, ᱵᱟᱝᱞᱟ ᱨᱮᱱ ᱨᱟᱡᱟᱹᱨᱤ ᱱᱮᱛᱟ᱾
ᱢᱟ ᱢᱮᱭᱟ ᱪᱤᱱᱜ, ᱵᱟᱝᱞᱟ ᱨᱮᱱ ᱨᱟᱡᱟᱹᱨᱤ ᱱᱮᱛᱟ ᱾
ᱟᱱᱟᱭ ᱢᱳᱜᱤᱱᱤ, ᱵᱟᱝᱞᱟ ᱨᱮᱱ ᱯᱷᱩᱴᱵᱚᱞ ᱠᱷᱮᱞᱳᱰᱤᱭᱟᱹ ᱾
ᱢᱚᱛᱩᱞ ᱢᱟᱨᱢᱟ, ᱵᱟᱝᱞᱟ ᱨᱮᱱ ᱯᱷᱩᱴᱵᱚᱞ ᱠᱷᱮᱞᱳᱰᱤᱭᱟᱹ ᱾
ᱳᱝᱢᱨᱟᱪᱤᱱ ᱢᱟᱨᱢᱟ, ᱵᱟᱝᱞᱟ ᱡᱟᱹᱛᱤᱭᱟᱹᱨᱤ ᱫᱚᱞ ᱨᱮᱱ ᱯᱷᱩᱴᱵᱚᱞ ᱠᱷᱮᱞᱳᱰᱤᱭᱟᱹ ᱟᱨ ᱢᱟᱨᱮᱱ ᱠᱮᱯᱴᱮᱱ ᱾

ᱵᱷᱟᱨᱚᱛᱤᱭᱚ ᱥᱟᱯᱲᱟᱣ

ᱢᱮᱞᱟᱯᱷᱨᱩ ᱢᱳᱜᱽ, ᱵᱷᱟᱨᱚᱛᱤᱭᱚ ᱨᱟᱡᱟᱹᱨᱤ ᱱᱮᱛᱟ ᱟᱨ ᱛᱨᱤᱯᱩᱨᱟ ᱵᱤᱫᱷᱟᱱ ᱥᱚᱵᱷᱟ ᱨᱮᱱ ᱨᱟᱹᱥᱤᱭᱟᱹ ^[᱖]

ᱱᱚᱶᱟ ᱦᱚᱸ ᱧᱮᱞ ᱢᱮ ᱥᱟᱯᱲᱟᱣ

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

↑ "Table 1.4 Ethnic Population by Group and Sex" (PDF) (in Bengali). Bangladesh Bureau of Statistics. 2021. p. 33. Archived (PDF) from the original on 15 March 2023. Retrieved 24 August 2022.
↑ "Table C-16 Population by Mother Tongue: Tripura". Census of India 2011. Registrar General and Census Commissioner of India. Archived from the original on 11 March 2022.
↑ Hasan, Md. Mahmudul (2022-11-02). "Panchayat and colonialism in Humayun Kabir's Men and Rivers". Journal of Postcolonial Writing. 58 (6): 744–757. doi:10.1080/17449855.2022.2087318. ISSN 1744-9855.
↑ Pain, Frederic (9 August 2017). "Towards a Panchronic Perspective on a Diachronic Issue: The Rhyme <-uiw> in Old Burmese" (PDF). Australian Journal of Linguistics (in ᱟᱝᱜᱽᱨᱮᱡᱤ). 37 (4): 424–464. doi:10.1080/07268602.2017.1350129. ISSN 0726-8602. Archived (PDF) from the original on 5 May 2019. Retrieved 4 July 2019.
↑ "Ethnic violence in Bangladesh: assault on minority peoples continues - Asian Studies Association of Australia". Asian Studies Association of Australia (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2 August 2017. Archived from the original on 19 September 2018. Retrieved 18 September 2018.
↑ "Member of Legislative Assembly". tripura.gov.in. Archived from the original on 3 December 2023. Retrieved 3 December 2023.

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ

ᱪᱷᱟᱸᱪ:Ethnic groups in Bangladesh ᱪᱷᱟᱸᱪ:Ethnic groups in Burma

[1] "Table 1.4 Ethnic Population by Group and Sex" (PDF) (in Bengali). Bangladesh Bureau of Statistics. 2021. p. 33. Archived (PDF) from the original on 15 March 2023. Retrieved 24 August 2022.

[2] "Table C-16 Population by Mother Tongue: Tripura". Census of India 2011. Registrar General and Census Commissioner of India. Archived from the original on 11 March 2022.

[3] Hasan, Md. Mahmudul (2022-11-02). "Panchayat and colonialism in Humayun Kabir's Men and Rivers". Journal of Postcolonial Writing. 58 (6): 744–757. doi:10.1080/17449855.2022.2087318. ISSN 1744-9855.

[:1-4] Pain, Frederic (9 August 2017). "Towards a Panchronic Perspective on a Diachronic Issue: The Rhyme <-uiw> in Old Burmese" (PDF). Australian Journal of Linguistics (in ᱟᱝᱜᱽᱨᱮᱡᱤ). 37 (4): 424–464. doi:10.1080/07268602.2017.1350129. ISSN 0726-8602. Archived (PDF) from the original on 5 May 2019. Retrieved 4 July 2019.

[5] "Ethnic violence in Bangladesh: assault on minority peoples continues - Asian Studies Association of Australia". Asian Studies Association of Australia (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2 August 2017. Archived from the original on 19 September 2018. Retrieved 18 September 2018.

[6] "Member of Legislative Assembly". tripura.gov.in. Archived from the original on 3 December 2023. Retrieved 3 December 2023.

[᱑]

[᱒]

[᱓]

[᱔]

[᱕]

[᱖]