ᱢᱤᱨᱟ ᱥᱟᱱᱭᱟᱞ
ᱢᱤᱨᱟ ᱥᱟᱱᱭᱟᱞ (ᱱᱤ ᱦᱤᱨᱟᱱᱚᱱᱫᱟᱱᱤ; ᱑᱕ ᱚᱠᱴᱚᱵᱚᱨ ᱑᱙᱖᱑ ᱼ ᱑᱑ ᱡᱟᱱᱩᱣᱟᱨᱤ ᱒᱐᱑᱙) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱵᱮᱸᱠᱟᱨ ᱟᱨ ᱨᱟᱡᱽᱟᱹᱨᱤ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤᱫᱚ ᱥᱤᱧᱚᱛ ᱨᱮ ᱨᱚᱭᱟᱞ ᱵᱮᱸᱠ ᱚᱯᱷ ᱤᱥᱠᱚᱴᱞᱮᱱᱰ ᱨᱤᱱᱤᱡ ᱥᱤᱤᱳ ᱟᱨ ᱯᱟᱨᱥᱮᱛ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ ᱾ ᱢᱤᱫᱴᱟᱹᱝ ᱩᱥᱩᱞ ᱨᱮᱸᱠᱤᱝ ᱫᱟᱜ ᱯᱷᱟᱹᱫᱽ ᱟᱹᱢᱟᱹᱞᱤ, ᱵᱷᱟᱭᱤᱥ ᱮᱰᱢᱤᱨᱚᱞ ᱜᱩᱞᱟᱵᱽ ᱢᱚᱦᱚᱱᱞᱟᱞ ᱦᱤᱨᱟᱱᱚᱱᱫᱟᱱᱤ ᱭᱤᱡ ᱵᱤᱴᱤ, ᱱᱩᱭ ᱒᱐᱑᱔ ᱥᱟᱞ ᱨᱮᱱᱟᱜ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱮᱛᱚᱢ ᱢᱩᱢᱵᱟᱭ ᱨᱮ ᱟᱢ ᱟᱫᱽᱢᱤ ᱯᱟᱨᱴᱤ ᱨᱤᱱᱤᱡ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱛᱤᱸᱜᱩ ᱞᱟᱹᱜᱤᱫ ᱛᱮ ᱟᱨᱵᱤ ᱮᱥ ᱠᱷᱚᱱ ᱚᱪᱚᱜ ᱢᱟᱲᱟᱝ ᱓᱐ ᱠᱷᱚᱱ ᱰᱮᱦᱮᱨ ᱵᱚᱪᱷᱚᱨ ᱫᱷᱟᱹᱵᱤᱡ ᱵᱮᱸᱠᱤᱝ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ, ᱱᱩᱭ ᱚᱸᱰᱮ ᱦᱟᱨᱟᱣ ᱮᱱᱟ ᱾ ᱩᱱᱤᱫᱚ ᱚᱱᱟ ᱢᱟᱲᱟᱝ ᱒᱐᱐᱙ ᱥᱟᱞ ᱨᱮᱱᱟᱜ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱢᱩᱢᱵᱟᱭ ᱮᱛᱚᱢ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱢᱤᱫ ᱯᱷᱩᱨᱜᱟᱹᱞ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱵᱟᱪᱷᱱᱟᱣ ᱞᱟᱹᱲᱦᱟᱹᱭ ᱞᱮᱱ ᱛᱟᱦᱮᱸᱫ ᱾
| ᱢᱤᱨᱟ ᱥᱟᱱᱭᱟᱞ | |
|---|---|
 | |
| ᱨᱚᱭᱟᱞ ᱵᱮᱸᱠ ᱚᱯᱷ ᱤᱥᱠᱚᱴᱞᱮᱱᱰ (ᱥᱤᱧᱚᱛ) ᱨᱤᱱᱤᱡ ᱥᱤᱤᱳ ᱟᱨ ᱯᱟᱨᱥᱮᱛ | |
| ᱟᱹᱢᱟᱹᱞᱤ ᱨᱮ ᱑᱙᱘᱓ – ᱒᱐᱑᱓ | |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱢᱤᱨᱟ ᱦᱤᱨᱟᱱᱚᱱᱫᱟᱱᱤ ᱑᱕ ᱚᱠᱴᱚᱵᱚᱨ ᱑᱙᱖᱑ ᱠᱚᱪᱤ, ᱠᱮᱨᱟᱞᱟ, ᱥᱤᱧᱚᱛ |
| ᱜᱩᱨ | ᱑᱑ ᱡᱟᱱᱩᱣᱟᱨᱤ ᱒᱐᱑᱙ (᱕᱗ ᱵᱚᱭᱚᱥ) ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱨᱟᱡᱽᱟᱹᱨᱤ ᱫᱚᱞ | ᱟᱢ ᱟᱫᱽᱢᱤ ᱯᱟᱨᱴᱤ |
| ᱡᱤᱭᱚᱱ ᱥᱚᱦᱮᱫ | ᱟᱥᱤᱥ ᱡᱮ ᱥᱟᱱᱭᱟᱞ |
| ᱜᱳ/ᱵᱟᱵᱟ | ᱜᱩᱞᱟᱵᱽ ᱢᱚᱦᱚᱱᱞᱟᱞ ᱦᱤᱨᱟᱱᱚᱱᱫᱟᱱᱤ ᱵᱟᱱᱩ ᱦᱤᱨᱟᱱᱚᱱᱫᱟᱱᱤ |
| ᱚᱲᱟᱜ | ᱢᱩᱢᱵᱟᱭ, ᱥᱤᱧᱚᱛ |
| ᱥᱮᱪᱮᱫ ᱟᱠᱷᱲᱟ | ᱠᱮᱛᱷᱮᱰᱨᱚᱞ ᱟᱨ ᱡᱚᱱ ᱠᱚᱱᱚᱱ ᱤᱥᱠᱩᱞ ᱢᱩᱢᱵᱟᱭ ᱡᱮᱜᱮᱫ ᱵᱤᱨᱫᱟᱹᱜᱟᱲ INSEAD |
| ᱣᱮᱵᱽᱥᱟᱭᱤᱴ | meerasanyal |
ᱯᱩᱭᱞᱩ ᱡᱤᱭᱚᱱ
ᱥᱟᱯᱲᱟᱣᱥᱟᱱᱭᱟᱞ ᱟᱜ ᱡᱟᱱᱟᱢ ᱫᱚ ᱑᱙᱖᱑ ᱥᱟᱞ ᱨᱮ ᱥᱤᱧᱚᱛᱤᱭᱟᱹ ᱫᱟᱜ ᱯᱷᱟᱹᱫᱽ ᱟᱹᱢᱟᱹᱞᱤ ᱜᱩᱞᱟᱵᱽ ᱢᱚᱦᱚᱱᱞᱟᱞ ᱦᱤᱨᱟᱱᱚᱱᱫᱟᱱᱤ ᱟᱨ ᱩᱱᱤᱭᱤᱡ ᱵᱟᱦᱩ ᱵᱟᱱᱩ ᱦᱤᱨᱟᱱᱚᱱᱫᱟᱱᱤ ᱭᱟᱜ ᱚᱲᱟᱜ ᱦᱩᱭᱩᱜ ᱠᱟᱱ ᱛᱟᱦᱮᱸᱫ; ᱢᱤᱫ ᱥᱤᱱᱫᱷᱤ ᱜᱷᱟᱨᱚᱸᱡᱽ ᱱᱚᱣᱟ ᱥᱤᱧᱚᱛ ᱦᱟᱴᱤᱧ ᱚᱠᱛᱚ ᱥᱤᱱᱫᱷ ᱠᱷᱚᱱ ᱥᱤᱧᱚᱛ ᱮ ᱦᱮᱡ ᱞᱮᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱚᱯᱨᱮᱥᱚᱱ ᱴᱨᱟᱭᱰᱮᱱᱴ ᱨᱤᱱᱤᱡ ᱢᱟᱥᱴᱚᱨᱢᱟᱭᱤᱸᱰ ᱮ ᱛᱟᱦᱮᱸ ᱠᱟᱱᱟᱭ, ᱑᱙᱗᱑ ᱥᱟᱞ ᱨᱮᱱᱟᱜ ᱥᱤᱧᱚᱛᱼᱯᱟᱠᱤᱥᱛᱟᱱ ᱞᱟᱹᱲᱦᱟᱹᱭ ᱚᱠᱛᱚ ᱠᱚᱨᱟᱪᱤ, ᱯᱟᱠᱤᱥᱛᱟᱱ ᱨᱮ ᱚᱞᱚᱜ ᱫᱟᱜ ᱯᱷᱟᱹᱫᱽ ᱦᱟᱢᱞᱟ ᱾[᱑]
ᱥᱟᱱᱭᱟᱞ ᱫᱚ ᱑᱙᱘᱒ ᱥᱟᱞ ᱨᱮ ᱥᱤᱰᱮᱱᱦᱚᱢ ᱠᱚᱞᱮᱡᱽ ᱵᱚᱢᱵᱮ ᱠᱷᱚᱱ ᱠᱚᱢᱢᱟᱨᱥ (ᱵᱤ.ᱠᱚᱢ.) ᱨᱮ ᱵᱮᱪᱞᱚᱨ ᱰᱤᱜᱽᱨᱤ ᱧᱟᱢ ᱠᱮᱫᱟ ᱟᱨ ᱑᱙᱘᱓ ᱥᱟᱞ ᱨᱮ ᱤᱱᱥᱤᱰ, ᱯᱷᱚᱱᱴᱮᱱᱵᱞᱤᱭᱩ, ᱯᱷᱨᱟᱱᱥ[᱒] ᱠᱷᱚᱱ ᱮᱢᱵᱤᱮ ᱠᱮᱫᱟ ᱾ ᱩᱱᱤᱫᱚ ᱒᱐᱐᱖ ᱥᱟᱞ ᱨᱮ ᱦᱟᱨᱣᱚᱨᱰ ᱵᱤᱡᱽᱱᱮᱥ ᱤᱥᱠᱩᱞ ᱨᱮ ᱛᱩᱨᱩᱭ ᱦᱟᱯᱛᱟ ᱨᱮᱱᱟᱜ ᱮᱰᱵᱟᱱᱥᱴ ᱢᱮᱱᱮᱡᱢᱮᱱᱴ ᱠᱟᱹᱢᱤᱦᱚᱨᱟ ᱨᱮ ᱥᱮᱱ ᱮᱱᱟ ᱾ ᱱᱩᱭ ᱪᱟᱴᱟᱰ ᱤᱱᱥᱴᱤᱴᱭᱩᱴ ᱚᱯᱷ ᱵᱮᱸᱠᱚᱨᱥ (ᱭᱩᱠᱮ) ᱨᱤᱱᱤᱡ ᱯᱷᱮᱞᱳ ᱛᱟᱦᱮᱸ ᱠᱟᱱᱟᱭ ᱾[᱓]
ᱨᱟᱡᱽᱟᱹᱨᱤ ᱡᱤᱭᱚᱱ
ᱥᱟᱯᱲᱟᱣᱥᱟᱱᱭᱟᱞ ᱫᱚ ᱒᱐᱐᱙ ᱥᱟᱞ ᱨᱮ ᱒᱐᱐᱘ ᱥᱟᱞ ᱨᱮᱱᱟᱜ ᱢᱩᱢᱵᱟᱭ ᱦᱟᱢᱞᱟ ᱛᱟᱭᱚᱢ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱞᱟᱹᱜᱤᱫ ᱛᱮ ᱢᱤᱫ ᱯᱷᱩᱨᱜᱟᱹᱞ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱛᱤᱸᱜᱩ ᱮᱱᱟ ᱢᱮᱱᱠᱷᱟᱱ ᱵᱟᱪᱷᱱᱟᱣ ᱮ ᱦᱟᱨᱟᱣ ᱮᱱᱟ ᱾ ᱟᱡ ᱡᱟᱶᱟᱭ ᱥᱟᱞᱟᱜ, ᱩᱱᱤᱫᱚ ᱒᱐᱑᱓ ᱥᱟᱞ ᱨᱮᱱᱟᱜ ᱫᱤᱞᱞᱤ ᱵᱟᱪᱷᱱᱟᱣ ᱨᱮ ᱟᱢ ᱟᱫᱽᱢᱤ ᱯᱟᱨᱴᱤ ᱞᱟᱹᱜᱤᱫ ᱯᱟᱥᱱᱟᱣ ᱠᱮᱜᱼᱟ ᱟᱨ ᱫᱷᱚᱱ ᱮ ᱡᱩᱴᱟᱹᱣ ᱠᱮᱫᱟ ᱾[᱔] ᱱᱩᱭ ᱫᱚ ᱟᱢ ᱟᱫᱽᱢᱤ ᱯᱟᱨᱴᱤ ᱨᱤᱱᱤᱡ ᱠᱟᱹᱣᱰᱤ ᱟᱹᱨᱤ ᱨᱮ ᱡᱟᱹᱛᱤᱭᱟᱹᱨᱤ ᱠᱩᱢᱩᱴ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟᱭ ᱾[᱕]
ᱢᱮᱭ ᱒᱐᱑᱔ ᱥᱟᱞ ᱨᱮ, ᱥᱟᱱᱭᱟᱞ ᱫᱚ ᱟᱢ ᱟᱫᱽᱢᱤ ᱯᱟᱨᱴᱤ ᱨᱤᱱᱤᱡ ᱠᱟᱱᱰᱤᱰᱮᱴ ᱞᱮᱠᱟᱛᱮ, ᱢᱩᱢᱵᱟᱭ ᱮᱛᱚᱢ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱒᱐᱑᱔ ᱥᱟᱞ ᱨᱮᱱᱟᱜ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱞᱟᱹᱲᱦᱟᱹᱭ ᱮᱱᱟ ᱾ ᱱᱩᱭ ᱦᱟᱨᱟᱣ ᱮᱱᱟ, ᱮᱛᱚᱢ ᱢᱩᱢᱵᱟᱭ ᱵᱟᱪᱷᱱᱟᱣ ᱴᱚᱴᱷᱟ ᱨᱮ ᱕.᱒%[᱖] ᱵᱷᱚᱴ ᱮ ᱧᱟᱢ ᱠᱮᱫᱟ, ᱚᱨᱵᱤᱸᱫᱽ ᱥᱟᱶᱚᱛ (ᱥᱤᱵᱽᱥᱮᱱᱟ ᱠᱟᱱᱰᱤᱰᱮᱴ, ᱵᱤᱡᱮᱛᱟ), ᱢᱤᱞᱤᱸᱫᱽ ᱫᱮᱣᱲᱟ (ᱠᱚᱝᱜᱽᱨᱮᱥ ᱠᱟᱱᱰᱤᱰᱮᱴ) ᱟᱨ ᱵᱟᱞᱟ ᱱᱚᱸᱫᱽᱜᱟᱶᱠᱚᱨ (ᱮᱢ.ᱮᱱ.ᱮᱥ ᱠᱟᱱᱰᱤᱰᱮᱴ) ᱠᱷᱚᱱ ᱯᱩᱱᱟᱹᱭ ᱛᱷᱟᱱ ᱨᱮ ᱢᱮᱱᱟᱭᱟ ᱾[᱗]
ᱜᱩᱨ
ᱥᱟᱯᱲᱟᱣ᱑᱑ ᱡᱟᱱᱩᱣᱟᱨᱤ ᱒᱐᱑᱙ ᱥᱟᱞ ᱨᱮ, ᱵᱟᱨ ᱥᱮᱨᱢᱟ ᱤᱞᱟᱡᱽ ᱛᱟᱭᱚᱢ ᱠᱮᱱᱥᱟᱨ ᱤᱫᱤ ᱛᱮ ᱥᱟᱱᱭᱟᱞ ᱫᱚ ᱵᱚᱸᱜᱟ ᱛᱟᱞᱟ ᱭᱮᱱᱟ ᱾[᱘]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Vice-Admiral Hiranandani cremated with full Naval honours". The Hindu. 3 September 2009. Retrieved 13 January 2012.
- ↑ Subramanyam, Chitra; Ahmed, Bushra; Malhotra, Purvi; Khatri, Deepika (4 June 2008). "Iron maidens". India Today (in ᱟᱝᱜᱽᱨᱮᱡᱤ). Retrieved 13 January 2019.
- ↑ "Meera Sanyal | Prominent Indian Women Executives | India Business Women". Amritt, Inc. (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2019-01-13.
- ↑ Anita Bhoir, Meera Sanyal to quit Royal Bank of Scotland for a full-time career in politics Archived ᱒᱐᱑᱖-᱐᱓-᱐᱕ at the Wayback Machine. The Economic Times, 10 April 2013
- ↑ "AAP's National Economic Committee". The Financial Express. 19 January 2014. Archived from the original on 22 March 2014. Retrieved 20 March 2014.
- ↑ "Meera Sanyal on AAP candidate list". Archived from the original on 20 March 2014.
- ↑ Maharashtra – Mumbai South, Results Declared Archived ᱒᱙ ᱢᱮ ᱒᱐᱑᱔ at the Wayback Machine. Election Commission of India, 2014
- ↑ Nair, Arun (12 January 2019). "Meera Sanyal, Top Banker-Turned-AAP Leader, Dies After Battling Cancer". NDTV. Retrieved 12 January 2019.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱢᱤᱨᱟ ᱥᱟᱱᱭᱟᱞ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |