ᱢᱩᱱᱤᱰᱤᱦ
ᱢᱩᱱᱤᱰᱤᱦ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱡᱷᱟᱨᱠᱷᱚᱸᱰ ᱨᱮ ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱫᱷᱟᱱᱵᱟᱫᱽ ᱥᱚᱫᱚᱨ ᱥᱟᱵᱽᱰᱤᱵᱤᱡᱚᱱ ᱨᱮ ᱫᱷᱟᱱᱵᱟᱫᱽ ᱥᱤᱰᱤ ᱵᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾
| ᱢᱩᱱᱤᱰᱤᱦ | |
|---|---|
| ᱯᱩᱲᱥᱤ | |
  ᱢᱩᱱᱤᱰᱤᱦ  ᱢᱩᱱᱤᱰᱤᱦ | |
| Coordinates: 23°44′20″N 86°20′51″E / 23.7390°N 86.3475°ECoordinates: 23°44′20″N 86°20′51″E / 23.7390°N 86.3475°E | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱡᱷᱟᱨᱠᱷᱚᱸᱰ |
| ᱦᱚᱱᱚᱛ | ᱫᱷᱟᱱᱵᱟᱫᱽ |
| ᱡᱚᱜᱚ ᱦᱚᱱᱚᱛ | ᱫᱷᱟᱱᱵᱟᱫᱽ |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱑᱓᱘,᱔᱙᱔ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱘᱒᱘᱑᱒᱙[᱑] |
| ᱣᱮᱵᱽᱥᱟᱭᱤᱴ | dhanbad |
ᱚᱛᱱᱚᱜ
ᱥᱟᱯᱲᱟᱣᱴᱷᱟᱶ
ᱥᱟᱯᱲᱟᱣᱢᱩᱱᱤᱰᱤᱦ ᱫᱚ 23°44′20″N 86°20′51″E / 23.7390°N 86.3475°E ᱨᱮ ᱢᱮᱱᱟᱜᱼᱟ ᱾
᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ ᱢᱩᱱᱤᱰᱤᱦ ᱫᱚ ᱢᱤᱫᱴᱟᱹᱝ ᱵᱷᱮᱜᱟᱨ ᱡᱟᱭᱜᱟ ᱞᱮᱠᱟᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾ ᱦᱚᱱᱚᱛ ᱦᱚᱲᱞᱮᱠᱷᱟ ᱯᱚᱛᱚᱵ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲᱞᱮᱠᱷᱟ ᱨᱮᱱᱟᱜ ᱑᱒᱗ ᱥᱟᱦᱴᱟ ᱨᱮ ᱫᱷᱟᱱᱵᱟᱫᱽ ᱥᱟᱶ ᱠᱮᱸᱫᱩᱣᱟᱰᱤᱦ ᱥᱟᱶ ᱡᱚᱜᱽᱛᱟ ᱥᱤᱰᱤ ᱵᱚᱱᱚᱛ ᱨᱮᱱᱟᱜ ᱢᱟᱱᱪᱤᱛᱟᱹᱨ ᱨᱮ, ᱥᱤᱰᱤ ᱵᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱦᱮᱫ ᱨᱮ ᱟᱹᱰᱤ ᱜᱟᱱ ᱦᱚᱲ ᱞᱮᱠᱷᱟ ᱥᱚᱦᱚᱨ ᱟᱨ ᱢᱚᱣᱡᱟ ᱧᱮᱞᱚᱜ ᱠᱟᱱᱟ ᱾ ᱢᱩᱱᱤᱰᱤᱦ ᱫᱚ ᱢᱤᱫ ᱢᱚᱣᱡᱟ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱢᱮᱱᱠᱷᱟᱱ ᱱᱚᱣᱟ ᱵᱟᱰᱟᱭ ᱧᱟᱢ ᱫᱚ ᱵᱟᱝ ᱜᱟᱱᱚᱜᱼᱟ ᱾ ᱱᱚᱣᱟ ᱥᱟᱦᱴᱟ ᱨᱮ ᱚᱞ ᱟᱠᱟᱱ ᱢᱟᱱᱪᱤᱛᱟᱹᱨ ᱨᱮ (ᱡᱮᱜᱮᱛ ᱵᱷᱤᱛᱨᱤ ᱠᱳᱨᱳᱰᱤᱴᱮᱴ ᱞᱮᱠᱟᱛᱮ) ᱢᱩᱱᱤᱫᱷ, ᱫᱷᱟᱱᱵᱟᱫᱽ ᱥᱤ.ᱰᱤ. ᱵᱚᱱᱚᱛ ᱨᱮ ᱟᱭᱢᱟ ᱦᱚᱲᱞᱮᱠᱷᱟ ᱥᱚᱦᱚᱨ ᱠᱚ ᱢᱮᱱᱟᱜᱼᱟ ᱾[᱒] ᱱᱚᱣᱟ ᱥᱟᱦᱴᱟ ᱨᱮᱱᱟᱜ ᱢᱟᱱᱪᱤᱛᱟᱹᱨ ᱨᱮ ᱠᱮᱱᱫᱨᱩᱣᱟᱰᱤᱦ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱢᱮᱱᱟᱜᱼᱟ ᱾ ᱫᱷᱟᱱᱵᱟᱫᱽ ᱱᱚᱜᱚᱨ ᱱᱤᱜᱟᱢ ᱨᱮᱱᱟᱜ ᱑᱒ ᱣᱟᱨᱰ ᱫᱚ ᱢᱩᱱᱤᱰᱤᱦ ᱥᱩᱨ ᱧᱮᱞᱚᱜ ᱠᱟᱱᱟ ᱾ ᱢᱮᱱᱠᱷᱟᱱ ᱰᱤ.ᱮᱢ.ᱥᱤ. ᱨᱮ ᱣᱟᱨᱰ ᱠᱚᱨᱮ ᱫᱚ ᱱᱚᱣᱟ ᱣᱟᱨᱰ ᱫᱚ ᱵᱟᱹᱱᱩᱜᱼᱟ ᱾[᱓]
ᱢᱤᱫ ᱧᱮᱱᱮᱞ
ᱥᱟᱯᱲᱟᱣᱢᱮᱯ ᱨᱮ ᱚᱞ ᱟᱠᱟᱱ ᱴᱚᱴᱷᱟ ᱫᱚ ᱠᱚᱭᱞᱟ ᱠᱷᱟᱫᱟᱱ ᱛᱮ ᱯᱮᱨᱮᱡ ᱟᱠᱟᱱ ᱩᱥᱩᱞ ᱴᱚᱴᱷᱟ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱫᱟᱢᱚᱫᱚᱨ ᱜᱟᱰᱟ, ᱪᱷᱳᱴᱟᱱᱟᱜᱽᱯᱩᱨ ᱯᱞᱟᱴᱚ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱩᱬ ᱜᱟᱰᱟ ᱠᱟᱱᱟ, ᱱᱚᱣᱟ ᱮᱛᱚᱢ ᱥᱤᱢᱟᱹ ᱨᱮ ᱞᱤᱸᱜᱤᱱ ᱠᱟᱱᱟ ᱾ ᱢᱮᱯ ᱨᱮ ᱚᱞ ᱟᱠᱟᱱ ᱴᱚᱴᱷᱟ ᱨᱮᱱᱟᱜ ᱢᱤᱫ ᱢᱟᱨᱟᱝ ᱦᱟᱹᱴᱤᱧ ᱫᱚ ᱥᱚᱦᱚᱨᱤ ᱴᱚᱴᱷᱟ ᱠᱟᱱᱟ, ᱱᱚᱣᱟ ᱫᱚ ᱫᱷᱟᱱᱵᱟᱫᱽ ᱢᱩᱱᱥᱤᱯᱟᱞ ᱠᱚᱢᱯᱳᱨᱮᱥᱚᱱ ᱨᱮᱱᱟᱜ ᱦᱟᱹᱴᱤᱧ ᱠᱟᱱᱟ ᱾ ᱰᱤ.ᱮᱢ.ᱥᱤ. ᱴᱚᱴᱷᱟ ᱨᱮ ᱢᱮᱱᱟᱜ ᱴᱚᱴᱷᱟ ᱠᱚ ᱫᱚ ᱯᱩᱲᱥᱤ ᱞᱮᱠᱟᱛᱮ ᱠᱚ ᱪᱤᱱᱦᱟᱹᱣ ᱟᱠᱟᱫᱟ ᱾ ᱢᱮᱯ ᱨᱮ ᱚᱞ ᱟᱠᱟᱱ ᱴᱚᱴᱷᱟ ᱨᱮᱱᱟᱜ ᱯᱟᱪᱮ ᱴᱚᱴᱷᱟ ᱫᱚ ᱫᱷᱟᱱᱵᱟᱫᱽ (ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ) ᱦᱚᱛᱮᱛᱮ ᱫᱟᱯᱟᱞ ᱟᱠᱟᱱᱟ ᱾ ᱫᱷᱟᱱᱵᱟᱫᱽ ᱥᱤ.ᱰᱤ. ᱵᱚᱱᱚᱛ ᱨᱤᱱ ᱕᱗% ᱦᱚᱲ ᱫᱚ ᱟᱹᱛᱩ ᱨᱮ ᱟᱨ ᱔᱓% ᱦᱚᱲ ᱫᱚ ᱥᱚᱦᱚᱨ ᱨᱮ ᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱥᱟᱢᱟᱝ ᱛᱟᱞᱢᱟ ᱴᱚᱴᱷᱟ ᱫᱚ ᱵᱟᱞᱤᱭᱟᱯᱩᱨ (ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ) ᱦᱚᱛᱮᱛᱮ ᱫᱟᱯᱟᱞ ᱟᱠᱟᱱᱟ ᱾ ᱥᱤ.ᱰᱤ. ᱵᱚᱱᱚᱛ ᱴᱚᱴᱷᱟ ᱨᱮᱱᱟᱜ ᱴᱷᱟᱶ ᱠᱚᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱦᱚᱲᱞᱮᱠᱷᱟ ᱥᱚᱦᱚᱨ ᱞᱮᱠᱟᱛᱮ ᱪᱤᱱᱦᱟᱹ ᱟᱠᱟᱱᱟ ᱾ ᱵᱤᱹᱥᱤᱹᱥᱤᱹᱮᱞᱹ ᱨᱮᱱᱟᱜ ᱯᱮᱭᱟ ᱠᱟᱹᱢᱤ ᱦᱚᱨᱟ ᱫᱚ ᱯᱩᱨᱟᱹᱣ ᱠᱟᱛᱮᱜ ᱱᱚᱣᱟ ᱴᱚᱴᱷᱟ ᱨᱮ ᱜᱮ ᱠᱟᱹᱢᱤ ᱦᱚᱨᱟ ᱠᱚ ᱪᱟᱞᱟᱜ ᱠᱟᱱᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ - ᱯᱩᱴᱠᱤ ᱵᱚᱞᱤᱦᱟᱨᱤ ᱴᱚᱴᱷᱟ, ᱞᱳᱫᱽᱱᱟ ᱴᱚᱴᱷᱟ ᱟᱨ ᱥᱟᱢᱟᱝ ᱡᱷᱟᱨᱤᱭᱟ ᱴᱚᱴᱷᱟ ᱾ ᱯᱟᱪᱮ ᱡᱷᱟᱨᱤᱭᱟ ᱴᱚᱴᱷᱟ ᱨᱮᱱᱟᱜ ᱢᱩᱱᱤᱰᱤᱦ ᱴᱚᱴᱷᱟ ᱦᱚᱸ ᱱᱚᱣᱟ ᱴᱚᱴᱷᱟ ᱨᱮ ᱜᱮ ᱪᱟᱪᱞᱟᱣ ᱦᱩᱭᱩᱜ ᱠᱟᱱᱟ ᱾[᱔][᱕][᱖][᱗]
ᱠᱟᱹᱣᱰᱤ ᱟᱹᱨᱤ
ᱥᱟᱯᱲᱟᱣᱠᱚᱭᱞᱟ ᱠᱷᱟᱫᱟᱱ ᱠᱚ
ᱥᱟᱯᱲᱟᱣᱵᱤ.ᱥᱤ.ᱥᱤ.ᱮᱞ. ᱨᱮᱱᱟᱜ ᱯᱟᱪᱮ ᱡᱷᱟᱨᱤᱭᱟ ᱴᱚᱴᱷᱟ ᱨᱮ ᱵᱟᱨᱭᱟ ᱵᱷᱮᱜᱟᱨ ᱵᱷᱮᱜᱟᱨ ᱠᱳᱭᱞᱟ ᱵᱞᱚᱠ ᱢᱮᱱᱟᱜᱼᱟ - ᱢᱩᱱᱤᱰᱤᱦ ᱠᱳᱭᱞᱟ ᱵᱞᱚᱠ ᱟᱨ ᱢᱚᱦᱩᱫᱟ ᱠᱳᱭᱞᱟ ᱵᱞᱚᱠ ᱾ ᱢᱩᱱᱤᱰᱤᱦ ᱠᱳᱭᱞᱟ ᱵᱞᱚᱠ ᱫᱚ ᱯᱟᱪᱮ ᱛᱟᱞᱢᱟ ᱡᱷᱟᱨᱤᱭᱟ ᱠᱳᱭᱞᱟ ᱴᱚᱴᱷᱟ ᱨᱮ ᱢᱮᱱᱟᱜᱼᱟ, ᱢᱚᱦᱩᱫᱟ ᱠᱳᱭᱞᱟ ᱵᱮᱥᱤᱱ ᱫᱚ ᱡᱷᱟᱨᱤᱭᱟ ᱠᱳᱭᱞᱟ ᱴᱚᱴᱷᱟ ᱨᱮᱱᱟᱜ ᱯᱟᱪᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾ ᱴᱷᱟᱶ ᱞᱮᱠᱟᱛᱮ ᱵᱟᱱᱟᱨ ᱵᱞᱚᱠ ᱫᱚ ᱠᱤᱪᱷᱩ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱵᱷᱮᱜᱟᱨ ᱜᱮᱭᱟ ᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱘ (ᱢᱟᱨᱮ ᱮᱞ ᱮᱱ.ᱮᱪ. ᱓᱒) (ᱡᱟᱦᱟᱸ ᱫᱚ ᱫᱷᱟᱱᱵᱟᱫᱽ-ᱵᱚᱠᱟᱨᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱞᱮᱠᱟᱛᱮ ᱟᱹᱰᱤ ᱧᱩᱛᱩᱢᱟᱱ ᱟᱜ ᱠᱟᱱᱟ) ᱦᱚᱛᱮᱛᱮ ᱠᱚ ᱥᱮᱴᱮᱨ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱴᱚᱴᱷᱟ ᱨᱮ ᱢᱮᱱᱟᱜ ᱠᱷᱟᱫᱟᱱ ᱠᱚᱫᱚ ᱦᱩᱭᱩᱜ ᱠᱟᱱᱟ: ᱢᱩᱱᱤᱰᱤᱦ ᱯᱨᱚᱡᱮᱠᱴ, ᱢᱩᱨᱞᱤᱰᱤᱦ ᱒᱑/᱒᱒ ᱯᱤᱴ ᱠᱷᱟᱫᱟᱱ, ᱞᱳᱦᱟᱯᱟᱴᱤ ᱠᱷᱟᱫᱟᱱ ᱟᱨ ᱵᱷᱟᱴᱰᱤᱦ ᱠᱷᱟᱫᱟᱱ ᱾ ᱴᱚᱴᱷᱟᱠᱤᱭᱟᱹ ᱚᱯᱷᱤᱥ ᱫᱚ ᱢᱚᱦᱩᱫᱟ ᱨᱮ ᱢᱮᱱᱟᱜᱼᱟ ᱾
ᱯᱳᱞᱤᱥ ᱜᱚᱲᱚ ᱛᱮ ᱑᱙᱖᱔ ᱥᱟᱞᱮ ᱨᱮ ᱮᱦᱚᱵ ᱟᱠᱟᱱ ᱢᱩᱱᱤᱰᱤᱦ ᱯᱨᱚᱡᱮᱠᱴ ᱫᱚ ᱫᱤᱥᱚᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱜᱟᱹᱦᱤᱨ ᱚᱛᱱᱚᱜ ᱠᱚᱭᱞᱟ ᱠᱷᱟᱫᱟᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ, ᱱᱚᱣᱟ ᱨᱮᱱᱟᱜ ᱥᱟᱯᱷᱴ ᱫᱚ ᱕᱔᱕ ᱢᱤᱴᱚᱨ (᱑,᱗᱘᱘ ᱯᱷᱤᱴ) ᱟᱨ ᱕᱖᱐ ᱢᱤᱴᱚᱨ (᱑,᱘᱔᱐ ᱯᱷᱤᱴ) ᱜᱟᱹᱦᱤᱨ ᱫᱷᱟᱹᱨᱤᱡ ᱥᱮᱱᱚᱜᱼᱟ ᱾ ᱮᱛᱚᱦᱚᱵ ᱠᱷᱚᱱ ᱜᱮ ᱢᱩᱱᱤᱰᱤᱦ ᱫᱚ ᱞᱚᱝᱜᱽᱣᱟᱞ ᱢᱤᱥᱤᱱ ᱵᱮᱵᱷᱟᱨ ᱠᱟᱛᱮ ᱪᱮᱛᱟᱱ ᱥᱮᱫ ᱯᱨᱚᱰᱚᱠᱥᱚᱱ ᱞᱟᱹᱜᱤᱫ ᱛᱮ ᱛᱮᱭᱟᱨ ᱟᱠᱟᱱᱟ, ᱡᱟᱦᱟᱸ ᱫᱚ ᱛᱟᱭᱚᱢ ᱥᱮᱨᱢᱟ ᱨᱮ ᱴᱮᱠᱱᱚᱞᱚᱡᱤ ᱨᱮᱱᱟᱜ ᱪᱮᱛᱟᱱ ᱥᱮᱫ ᱪᱟᱞᱟᱣ ᱮᱱᱟ ᱾
ᱠᱳᱞ ᱵᱮᱰ ᱢᱮᱛᱷᱮᱱ ᱯᱨᱚᱡᱮᱠᱴ ᱫᱚ ᱢᱩᱱᱤᱰᱤᱦ ᱵᱞᱚᱠ ᱨᱮᱱᱟᱜ ᱮᱛᱚᱢ ᱥᱮᱦᱮᱫ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱠᱳᱞ ᱨᱮᱱᱟᱜ ᱯᱟᱴ ᱫᱚ ᱑᱐᱐᱐ ᱢᱤᱴᱚᱨ (᱓,᱓᱐᱐ ᱯᱷᱤᱴ) ᱫᱷᱟᱹᱨᱤᱡ ᱢᱮᱱᱟᱜᱼᱟ ᱟᱨ ᱱᱤᱛ ᱦᱚᱸ ᱰᱟᱹᱝᱜᱩᱣᱟᱹ ᱜᱮ ᱢᱮᱱᱟᱜᱼᱟ ᱾ ᱢᱩᱱᱰᱤᱦ ᱨᱮ ᱵᱤᱡᱽᱞᱤ ᱥᱤᱨᱡᱚᱱ ᱞᱟᱹᱜᱤᱫ ᱛᱮ ᱢᱮᱛᱷᱮᱱ ᱜᱮᱥ ᱵᱮᱵᱷᱟᱨ ᱦᱩᱭᱩᱜ ᱠᱟᱱᱟ ᱾[᱘][᱙]
ᱣᱟᱥᱨᱤ
ᱥᱟᱯᱲᱟᱣᱵᱤ.ᱥᱤ.ᱥᱤ.ᱮᱞ. ᱨᱮᱱᱟᱜ ᱢᱩᱱᱤᱰᱤᱦ ᱠᱳᱠᱤᱝ ᱠᱚᱞ ᱣᱟᱥᱨᱤ ᱫᱚ ᱑᱙᱘᱓ ᱥᱟᱞ ᱨᱮ ᱠᱟᱹᱢᱤ ᱮᱦᱚᱵ ᱞᱮᱱᱟ ᱟᱨ ᱱᱚᱣᱟ ᱨᱮᱱᱟᱜ ᱠᱟᱹᱢᱤ ᱫᱟᱲᱮ ᱫᱚ ᱥᱮᱨᱢᱟ ᱨᱮ ᱑.᱖᱐ ᱢᱤᱞᱤᱭᱚᱱ ᱴᱚᱱ ᱢᱮᱱᱟᱜᱼᱟ ᱾[᱑᱐]
ᱥᱟᱜᱟᱲᱚᱢ
ᱥᱟᱯᱲᱟᱣᱴᱨᱮᱠᱚᱨᱥ ᱟᱨ ᱢᱤᱱᱤ ᱵᱟᱥ ᱟᱨ ᱥᱚᱨᱠᱟᱨᱤ ᱵᱟᱥ ᱠᱚ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱩᱱᱤᱰᱤᱦ ᱠᱷᱚᱱ ᱡᱷᱟᱨᱤᱭᱟ, ᱫᱷᱟᱱᱵᱟᱫᱽ ᱟᱨ ᱮᱴᱟᱜ ᱴᱚᱴᱷᱟ ᱠᱚ ᱥᱟᱶ ᱡᱚᱲᱟᱣ ᱟᱠᱟᱱᱟ ᱾ ᱫᱤᱥᱩᱣᱟᱹ ᱥᱟᱜᱟᱲᱚᱢ ᱵᱟᱥ ᱠᱚᱢ ᱢᱮᱱᱟᱜᱼᱟ ᱾
ᱢᱩᱱᱤᱰᱤᱦ ᱨᱮᱱᱟᱜ ᱥᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱢᱚᱦᱩᱫᱟ ᱨᱮ ᱘ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱢᱩᱱᱤᱰᱤᱦ ᱠᱳᱭᱞᱟ ᱠᱷᱟᱫᱟᱱ ᱟᱨ ᱠᱳᱭᱞᱟ ᱣᱟᱥᱨᱤ ᱫᱚ ᱢᱚᱦᱩᱫᱟ ᱨᱮᱞᱣᱮ ᱡᱚᱸᱠᱥᱚᱱ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱢᱩᱱᱤᱰᱤᱦ ᱫᱚ ᱡᱷᱟᱨᱤᱭᱟ ᱠᱷᱚᱱ ᱘ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ, ᱫᱷᱟᱱᱵᱟᱫᱽ ᱠᱷᱚᱱ ᱫᱚ ᱑᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱴᱚᱴᱷᱟ ᱨᱮᱱᱟᱜ ᱮᱴᱟᱜ ᱟᱹᱛᱩ ᱟᱨ ᱠᱷᱟᱫᱟᱱ ᱫᱚ ᱞᱳᱫᱽᱱᱟ (᱖.᱔ ᱠᱤᱞᱚᱢᱤᱴᱚᱨ), ᱯᱩᱴᱠᱤ (᱒.᱕ ᱠᱤᱞᱚᱢᱤᱴᱚᱨ), ᱡᱟᱢᱟᱰᱳᱵᱟ (᱖.᱒ ᱠᱤᱞᱚᱢᱤᱴᱚᱨ) ᱨᱮ ᱢᱮᱱᱟᱜᱼᱟ ᱾ ᱢᱩᱱᱤᱰᱤᱦ ᱟᱹᱛᱩ ᱥᱩᱨ ᱨᱮ ᱫᱟᱢᱚᱫᱚᱨ ᱜᱟᱰᱟ ᱢᱮᱱᱟᱜᱼᱟ ᱾
ᱥᱮᱪᱮᱫ
ᱥᱟᱯᱲᱟᱣᱰᱤ.ᱮ.ᱵᱷᱤ. ᱯᱚᱵᱽᱞᱤᱠ ᱥᱠᱩᱞ (ᱢᱩᱱᱤᱰᱤᱦ ᱯᱨᱚᱡᱮᱠᱴ), ᱤᱱᱰᱤᱭᱟᱱ ᱥᱠᱩᱞ ᱚᱯᱷ ᱞᱟᱨᱱᱤᱝ, ᱵᱟᱞᱩᱰᱤᱦ ᱯᱚᱵᱽᱞᱤᱠ ᱥᱠᱩᱞ, ᱡᱚᱛᱩᱰᱤᱦ, ᱱᱚᱝᱠᱟᱱ ᱟᱥᱲᱟ ᱠᱟᱱᱟ ᱡᱟᱦᱟᱸ ᱫᱚ ᱟᱹᱛᱩ ᱨᱤᱱ ᱜᱤᱫᱽᱨᱟᱹ ᱠᱚᱣᱟᱜ ᱟᱨ ᱠᱳᱭᱞᱟ ᱠᱷᱟᱫᱟᱱ ᱟᱨ ᱣᱟᱥᱨᱤ ᱨᱮ ᱠᱟᱹᱢᱤᱭᱟᱱ ᱠᱚᱣᱟᱜ ᱞᱟᱹᱠᱛᱤ ᱠᱚ ᱯᱩᱨᱟᱹᱣ ᱮᱫᱟ ᱾
ᱰᱤ.ᱮ.ᱵᱷᱤ. ᱯᱚᱵᱽᱞᱤᱠ ᱥᱠᱩᱞ (ᱢᱩᱱᱤᱰᱤᱦ ᱯᱨᱚᱡᱮᱠᱴ)[᱑᱑] ᱢᱩᱱᱤᱰᱤᱦ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱥᱲᱟ ᱠᱟᱱᱟ, ᱡᱟᱦᱟᱸ ᱨᱮ ᱯᱟᱲᱦᱟᱣ ᱠᱟᱱ ᱥᱮᱪᱮᱫᱤᱭᱟᱹ ᱠᱚᱣᱟᱜ ᱞᱮᱠᱷᱟ ᱟᱨ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "[᱑]". PINcode.net.in. Retrieved 2012-11-22.
- ↑ "District Census Handbook Dhanbad, Series 21, Part XII A, 2011 census" (PDF). Page 127. Directorate of Census Operations, Jharkhand. Retrieved 11 July 2019.
- ↑ "Dhanbad Municipal Corporation". प्रादेशिक निर्वाचन क्षेत्रों की सूची (in Hindi). Jharkhand Government. Archived from the original on 28 October 2017. Retrieved 11 July 2019.
- ↑ "District Census Handbook Dhanbad" (PDF). Series 21, Part XIIA, pages 4-5, 5-6, 8. Directorate of Census Operations, Jharkhand. Retrieved 4 June 2019.
- ↑ "2011 Census C.D. Block Wise Primary Census Abstract Data(PCA)". Jharkhand – District-wise CD Blocks. Registrar General and Census Commissioner, India. Retrieved 8 October 2017.
- ↑ "Area". Bharat Coking Coal Limited. Archived from the original on 26 July 2019. Retrieved 2 July 2019.
- ↑ "Dhanbad Municipal Corporation". प्रादेशिक निर्वाचन क्षेत्रों की सूची (in Hindi). Jharkhand Government. Archived from the original on 28 October 2017. Retrieved 19 October 2017.
- ↑ "Methane lights up Moonidih". The Telegraph, 20 February 2009. Retrieved 11 July 2019.
- ↑ "Coal Bed Methane". CMPDI. Archived from the original on 11 July 2019. Retrieved 11 July 2019.
- ↑ "Bharat Coking Coal Limited". Washery. BCCL. Archived from the original on 23 June 2019. Retrieved 12 June 2019.
- ↑ "DAV Public School, Moonidih Project Moonidih, Dhanbad Jharkhand - 828 129". davmoonidih.in. Retrieved 2019-12-12.