ᱤᱱᱰᱤᱭᱟᱱ ᱚᱯᱤᱱᱤᱭᱚᱱ
ᱤᱱᱰᱤᱭᱟᱱ ᱚᱯᱤᱱᱤᱭᱚᱱ ᱫᱚ ᱢᱤᱫ ᱵᱮᱣᱨᱟ ᱥᱟᱠᱟᱢ ᱠᱟᱱᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱤᱱᱤᱡ ᱟᱹᱜᱩᱣᱟᱱ (leader) ᱢᱚᱦᱟᱛᱢᱟ ᱜᱟᱱᱫᱷᱤ ᱦᱚᱛᱮᱛᱮ ᱥᱟᱯᱲᱟᱣ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱪᱷᱟᱯᱟ ᱯᱟᱨᱥᱟᱞ ᱫᱚ ᱜᱟᱱᱫᱷᱤ ᱭᱟᱜ ᱢᱟᱨᱟᱝ ᱨᱟᱡᱽᱟᱹᱨᱤ ᱦᱟᱹᱛᱭᱟᱹᱨ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱡᱟᱹᱛ ᱯᱟᱹᱛ ᱵᱷᱮᱫᱽ ᱵᱷᱟᱵᱽ ᱵᱤᱨᱩᱫᱽ ᱨᱮ ᱞᱟᱹᱲᱦᱟᱹᱭ ᱨᱮᱱᱟᱜ ᱫᱟᱲᱮ ᱥᱤᱨᱡᱟᱹᱣ ᱞᱮᱫᱼᱟ ᱥᱟᱶᱛᱮ ᱮᱛᱚᱢ ᱟᱯᱷᱨᱤᱠᱟ (South Africa ) ᱨᱮ ᱠᱚ ᱛᱟᱦᱮᱸᱱ ᱠᱟᱱ ᱥᱤᱧᱚᱛᱤᱭᱟᱹ ᱜᱤᱨᱟᱹ ᱵᱟᱹᱥᱤ ᱠᱚ ᱟᱹᱭᱫᱟᱨ ᱡᱤᱛᱠᱟᱹᱨ ᱨᱮᱱᱟᱜ ᱦᱟᱹᱛᱭᱟᱹᱨ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱫᱚ ᱑᱙᱐᱔ ᱠᱷᱚᱱ ᱑᱙᱑᱕ ᱢᱟᱹᱫᱽ ᱨᱮ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱸᱫ ᱾
ᱱᱟᱜᱟᱢ
ᱥᱟᱯᱲᱟᱣ᱑᱙ ᱥᱟᱭ ᱥᱟᱹᱦᱤᱛ ᱚᱠᱛᱚ ᱨᱮ ᱮᱛᱚᱢ ᱟᱯᱷᱨᱤᱠᱟ ᱟᱨ ᱤᱧᱚᱛ ᱠᱚ ᱥᱟᱥᱚᱱᱮᱫ ᱵᱽᱨᱤᱴᱤᱥ ᱥᱚᱨᱠᱟᱨ ᱥᱤᱧᱚᱛ ᱨᱤᱱ ᱦᱚᱲ ᱠᱚ ᱠᱟᱹᱢᱤ ᱞᱟᱹᱜᱤᱫ ᱥᱟᱣᱛᱷ ᱟᱯᱷᱨᱤᱠᱟ ᱛᱮᱭ ᱤᱫᱤ ᱞᱮᱫ ᱠᱚᱣᱟ ᱾ ᱱᱚᱸᱰᱮ ᱱᱩᱠᱩ ᱠᱟᱹᱢᱤᱭᱟᱹ ᱠᱚ ᱟᱹᱰᱤ ᱛᱮᱫ ᱠᱚ ᱱᱟᱦᱟᱪᱟᱞ ᱟᱨ ᱨᱚᱰᱚᱡ ᱠᱚᱪᱞᱚᱱ ᱚᱪᱚᱭᱮᱱᱟ ᱾ ᱠᱟᱹᱣᱰᱤ ᱟᱹᱨᱤ, ᱨᱟᱡᱽ ᱟᱹᱨᱤ ᱟᱨ ᱥᱟᱶᱛᱟ ᱟᱹᱨᱤ ᱵᱷᱮᱫᱽ ᱵᱷᱟᱵᱽ ᱨᱮᱱᱟᱝ ᱥᱟᱢᱟᱝ ᱦᱩᱭᱟᱫ ᱠᱚᱣᱟ ᱾ ᱥᱟᱱᱟᱢ ᱥᱤᱧᱚᱛᱤᱭᱟᱹ ᱠᱚ ᱡᱚᱛᱚ ᱵᱮᱲᱟ ᱜᱮ ᱩᱯᱨᱩᱢ ᱥᱟᱠᱟᱢ ᱟᱨ ᱨᱮᱡᱤᱥᱴᱨᱮᱥᱚᱱ ᱠᱟᱨᱰ ᱥᱟᱵ ᱠᱟᱛᱮ ᱞᱮᱛᱟᱲ ᱜᱮ ᱫᱟᱬᱟ ᱦᱩᱭ ᱟᱠᱚ ᱠᱟᱱ ᱛᱟᱦᱮᱸᱫ ᱾ ᱱᱟᱴᱟᱞ ᱯᱨᱚᱫᱮᱥ ᱨᱮ ᱩᱠᱤᱞ ᱞᱮᱠᱟᱛᱮ ᱢᱚᱦᱟᱛᱢᱟ ᱜᱟᱹᱱᱫᱷᱤ ᱫᱚ ᱠᱟᱹᱢᱤ ᱠᱟᱱ ᱚᱠᱛᱚᱨᱮ ᱢᱤᱫ ᱯᱟᱨᱥᱟᱞ ᱮ ᱩᱪᱷᱟᱹᱱ ᱞᱮᱫ ᱛᱟᱦᱮᱸᱫ ᱤᱣᱨᱳᱯᱤᱭᱟᱱ ᱡᱟᱹᱛ ᱠᱚ ᱥᱤᱧᱚᱛᱤᱭᱟᱹ ᱠᱚᱣᱟᱜ ᱞᱟᱹᱠᱛᱤ ᱟᱨ ᱤᱥᱩ (issues) ᱵᱟᱵᱚᱫᱽ ᱛᱮ ᱪᱤᱨᱜᱟᱹᱞ ᱞᱟᱹᱜᱤᱫ ᱾
ᱱᱟᱴᱟᱞ ᱤᱱᱰᱤᱭᱟᱱ ᱠᱚᱝᱜᱽᱨᱮᱥ ᱥᱟᱶᱛᱮ ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱦᱚᱲ ᱠᱚ ᱢᱮᱥᱟ ᱠᱟᱛᱮ ᱢᱤᱫ ᱦᱩᱰᱤᱧ ᱪᱷᱟᱯᱟ ᱯᱟᱨᱥᱟᱞ ᱫᱚᱞ ᱮ ᱵᱮᱨᱮᱫ ᱠᱮᱫᱼᱟ ᱾ ᱢᱚᱫᱚᱱᱡᱤᱛ ᱵᱷᱤᱭᱟᱵᱚᱦᱟᱨᱤᱠ (Madanjit Viyavaharik), ᱡᱮᱡᱟᱹᱛᱤᱭᱟᱹᱨᱤ ᱯᱨᱤᱱᱴᱤᱝ ᱯᱨᱮᱥ ᱨᱤᱱᱤᱡ ᱢᱟᱹᱞᱤᱠ ᱟᱨ ᱯᱩᱭᱞᱩ ᱩᱪᱷᱟᱹᱱ ᱫᱚ ᱡᱩᱱ ᱪᱟᱸᱫᱚ ᱔ ᱟᱨ ᱕ ᱨᱮ ᱥᱟᱯᱲᱟᱣ ᱞᱮᱱ ᱛᱮ ᱖ ᱡᱩᱱ ᱑᱙᱐᱓ ᱨᱮ ᱠᱚ ᱯᱟᱨᱥᱟᱞ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱵᱮᱣᱨᱟ ᱥᱟᱠᱟᱢ ᱫᱚ ᱜᱩᱡᱽᱨᱟᱴᱤ, ᱦᱤᱱᱫᱤ, ᱛᱟᱢᱤᱞ ᱟᱨ ᱤᱝᱞᱤᱥ ᱯᱟᱹᱨᱥᱤ ᱛᱮ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ ᱾ ᱢᱟᱱᱥᱩᱠᱷᱞᱟᱞ ᱱᱟᱡᱟᱨ, ᱱᱟᱴᱟᱞ ᱠᱚᱝᱽᱨᱮᱥ ᱨᱤᱱᱤᱡ ᱥᱩᱛᱨᱮᱛ ᱜᱚᱢᱠᱮ ᱫᱚ ᱱᱚᱶᱟ ᱨᱤᱱᱤᱡ ᱥᱟᱯᱲᱮᱛ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾ ᱑᱙᱐᱔ ᱥᱟᱹᱦᱤᱛ ᱨᱮ ᱜᱟᱱᱫᱤ ᱫᱚ ᱪᱷᱟᱯᱟ ᱯᱟᱨᱥᱟᱞ ᱚᱯᱷᱤᱥ ᱩᱪᱟᱹᱲ ᱞᱮᱫᱼᱟᱭ ᱟᱡᱟᱜ ᱰᱮᱨᱟ ᱯᱷᱚᱭᱮᱱᱤᱠᱥ (Phoenix) ᱛᱮ ᱾
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ- Archives of Indian Opinion 1903-1914 Archived ᱒᱐᱑᱑-᱐᱙-᱒᱘ at the Wayback Machine.
- Archives of Indian Opinion 1950-1961
- Archives of Indian Opinion 1903
- Gandhipoetics.com A site containing an anthology and an analysis of the Satyagraha poetry found in the Indian Opinion between 1909 and 1911.