ᱥᱚᱨᱳᱡᱤᱱᱤ ᱱᱟᱭᱰᱩ
ᱥᱚᱨᱳᱡᱤᱱᱤ ᱱᱟᱭᱰᱩ (᱑᱓ ᱯᱷᱮᱵᱨᱩᱣᱟᱨᱤ ᱑᱘᱗᱙ - ᱒ ᱢᱟᱨᱪ ᱑᱙᱔᱙) ᱣᱟᱜ ᱡᱟᱱᱟᱢ ᱫᱚ ᱥᱤᱧᱚᱛ ᱨᱮᱭᱟᱜ ᱦᱟᱭᱫᱨᱟᱵᱟᱫᱽ ᱱᱟᱜᱟᱨ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱩᱭ ᱟᱡ ᱵᱟᱵᱟ ᱫᱚ ᱚᱜᱷᱳᱨᱱᱟᱛᱷ ᱪᱚᱴᱯᱟᱜᱷᱭᱟᱭ ᱢᱤᱫ ᱧᱩᱛᱩᱢᱟ.ᱱᱤᱡ ᱥᱟᱶᱛᱮ ᱟᱭᱳ ᱫᱚ ᱚᱱᱚᱬᱦᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱟᱨ ᱵᱟᱸᱜᱽᱞᱟ ᱯᱟᱹᱨᱥᱤ ᱛᱮᱭ ᱚᱞ ᱛᱟᱦᱮᱸᱫ ᱾ ᱜᱤᱫᱽᱨᱟᱹ ᱠᱷᱚᱱ ᱜᱮ ᱟᱹᱰᱤ ᱞᱟᱥᱮᱨ ᱦᱟᱛᱟᱝ ᱦᱚᱲ ᱮ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱟᱡ ᱫᱚ ᱑᱒ ᱵᱚᱪᱷᱚᱨ ᱦᱩᱰᱤᱧ ᱵᱚᱭᱚᱥ ᱨᱮᱜᱮ ᱑᱒ ᱪᱟᱱᱚᱪ ᱨᱮᱭᱟᱜ ᱵᱤᱱᱤᱰ ᱫᱚ ᱱᱟᱯᱟᱭ ᱚᱨᱡᱚ ᱛᱮᱭ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾ ᱟᱨ ᱑᱓ ᱵᱚᱨᱥᱚ ᱵᱚᱭᱚᱥ ᱨᱮᱜᱮ 'ᱞᱮᱰᱤ ᱳᱯᱷ ᱫᱤ ᱞᱮᱠ' ᱧᱩᱛᱩᱢ ᱟᱱᱟᱜ ᱢᱤᱫ ᱚᱱᱚᱬᱦᱮᱭ ᱜᱟᱵᱟᱱ ᱠᱮᱜᱼᱟ ᱾ ᱚᱯᱨᱮᱥᱚᱱ ᱨᱮ ᱠᱞᱚᱨᱚᱯᱷᱟᱨᱢ ᱨᱮᱭᱟᱜ ᱚᱨᱥᱚᱝ ᱯᱨᱚᱢᱟᱬ ᱞᱟᱹᱜᱤᱫ ᱦᱟᱭᱫᱨᱟᱵᱟᱫᱽ ᱨᱮᱭᱟᱜ ᱱᱤᱡᱟᱢ ᱦᱚᱛᱮᱛᱮ ᱪᱟᱞ ᱟᱠᱟᱱ ᱫᱟᱱ ᱠᱷᱚᱱ "ᱥᱚᱨᱳᱡᱤᱱᱤ ᱱᱟᱭᱰᱩ" ᱫᱚ ᱤᱸᱜᱽᱞᱚᱸᱰ ᱠᱚ ᱵᱷᱮᱡᱟ ᱞᱮᱫᱮ ᱛᱟᱦᱮᱸᱫ ᱾ ᱥᱚᱨᱳᱡᱤᱱᱤ ᱱᱟᱭᱰᱩ ᱫᱚ ᱯᱩᱭᱞᱩ ᱞᱚᱱᱰᱚᱱ ᱨᱮᱭᱟᱜ ᱠᱤᱝ ᱵᱤᱨᱫᱟᱹᱜᱟᱲ ᱟᱨ ᱛᱟᱭᱚᱢ ᱛᱮ ᱠᱮᱸᱵᱨᱤᱡᱽ ᱨᱮᱭᱟᱜ ᱜᱤᱨᱴᱚᱱ ᱵᱤᱨᱫᱟᱹᱜᱟᱲ ᱨᱮ ᱯᱟᱲᱦᱟᱣᱜ ᱨᱮᱭᱟᱜ ᱛᱟᱠ ᱮ ᱧᱟᱢ ᱞᱮᱜ-ᱟ ᱾[᱑]
| ᱥᱚᱨᱳᱡᱤᱱᱤ ᱱᱟᱭᱰᱩ | |||||||
|---|---|---|---|---|---|---|---|
| 1st Governor of United Provinces | |||||||
| ᱟᱹᱢᱟᱹᱞᱤ ᱨᱮ ᱑᱕ ᱚᱜᱚᱥᱴ ᱑᱙᱔᱘ – ᱒ ᱢᱟᱨᱪ ᱑᱙᱔᱙ | |||||||
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | Position established | ||||||
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱦᱚᱨᱢᱟᱥᱡᱤ ᱯᱮᱨᱚᱥᱚᱣ ᱢᱳᱫᱤ | ||||||
| ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱤᱱᱤᱡ ᱯᱟᱨᱥᱮᱛ | |||||||
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱱᱚᱦᱟᱛᱢᱟ ᱜᱟ.ᱱᱫᱷᱤ | ||||||
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱮᱥᱹ ᱥᱨᱤᱱᱤᱵᱟᱥᱟ ᱟᱭᱮᱝᱜᱟᱨ | ||||||
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |||||||
| ᱡᱟᱱᱟᱢ | ᱥᱚᱨᱳᱡᱤᱱᱤ ᱪᱟᱴᱚᱯᱟᱫᱷᱭᱟᱭ ᱑᱓ ᱯᱷᱮᱵᱽᱨᱩᱣᱟᱨᱤ ᱑᱘᱗᱙ ᱦᱟᱭᱫᱨᱟᱵᱟᱫᱽ, ᱦᱟᱭᱫᱨᱟᱵᱟᱫᱽ ᱯᱚᱱᱚᱛ, ᱵᱨᱤᱴᱤᱥ ᱤᱱᱰᱤᱭᱟᱹ (ᱱᱤᱛᱚᱜ ᱫᱚ ᱛᱮᱞᱮᱝᱜᱟᱱᱟ, ᱥᱤᱧᱚᱛ) | ||||||
| ᱜᱩᱨ | ᱒ ᱢᱟᱨᱪ ᱑᱙᱔᱙ (᱗᱐ ᱵᱚᱭᱚᱥ) ᱞᱚᱠᱷᱱᱚᱣ, United Provinces, ᱥᱤᱧᱚᱛ | ||||||
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ | ||||||
| ᱨᱟᱡᱽᱟᱹᱨᱤ ᱫᱚᱞ | ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ | ||||||
| ᱡᱤᱭᱚᱱ ᱥᱚᱦᱮᱫ | ᱜᱚᱵᱤᱱᱫᱚᱨᱟᱡᱩᱞᱩ ᱱᱟᱭᱰᱩ (᱑᱘᱙᱘–᱑᱙᱔᱙) | ||||||
| ᱦᱚᱯᱚᱱ | ᱕; ᱥᱮᱞᱮᱫ ᱠᱟᱛᱮ ᱯᱚᱫᱽᱢᱟᱡᱟ | ||||||
| ᱥᱮᱪᱮᱫ ᱟᱠᱷᱲᱟ | ᱢᱟᱰᱨᱟᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱤᱝᱥ ᱵᱤᱨᱫᱟᱹᱜᱟᱲ ᱞᱚᱱᱰᱚᱣ ᱜᱤᱨᱛᱚᱱ ᱵᱤᱨᱫᱟᱹᱜᱟᱲ, ᱠᱮᱢᱵᱨᱤᱡᱽ | ||||||
| ᱠᱟᱹᱢᱤ | ᱨᱟᱡᱽ-ᱟᱹᱨᱤ ᱠᱟᱹᱢᱤᱭᱟᱹ, ᱚᱱᱚᱬᱦᱤᱭᱟᱹ-ᱚᱱᱚᱞᱤᱭᱟᱹ | ||||||
| |||||||
ᱟᱡ ᱫᱚ ᱑᱘᱙᱕ ᱨᱮ ᱞᱟᱯᱷᱟᱝ ᱥᱮᱪᱮᱫ ᱟᱢᱮᱴ ᱞᱟᱹᱜᱤᱫ ᱤᱸᱜᱽᱞᱮᱸᱰ ᱮ ᱪᱟᱞᱟᱣ ᱮᱱᱟ ᱟᱨ ᱯᱟᱲᱦᱟᱣ ᱥᱟᱶ-ᱥᱟᱶ ᱛᱮ ᱚᱱᱚᱬᱦᱮ ᱦᱚᱸ ᱚᱞ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱜᱳᱞᱰᱮᱱ ᱛᱷᱨᱟᱥᱚᱞᱰ ᱟᱡᱟᱜ ᱫᱚ ᱯᱩᱭᱞᱩ ᱚᱱᱚᱬᱦᱮ ᱡᱟᱣᱨᱟᱱ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱫᱚᱥᱟᱨ ᱥᱟᱶᱛᱮ ᱛᱮᱥᱟᱨ ᱚᱱᱚᱬᱦᱮ ᱡᱟᱣᱠᱟᱱ ᱫᱚ ᱵᱟᱨᱰ ᱚᱯᱷ ᱴᱟᱭᱤᱢ ᱟᱨ ᱵᱨᱚᱠᱮᱱ ᱣᱤᱝ ᱫᱚ ᱩᱱᱤ ᱱᱟᱯᱟᱭ ᱩᱯᱨᱩᱢ ᱮ ᱥᱚᱫᱚᱨ ᱠᱮᱫ ᱛᱟᱭᱟ ᱾
ᱜᱟᱱᱫᱷᱤᱡᱤ ᱥᱟᱶ ᱩᱯᱨᱩᱢ
ᱥᱟᱯᱲᱟᱣ᱑᱘᱙᱘ ᱥᱟᱞᱮ ᱨᱮ ᱥᱚᱨᱳᱡᱤᱱᱤ ᱱᱟᱭᱰᱩ ᱫᱚ ᱰᱨ. ᱜᱳᱵᱤᱸᱫᱽᱨᱟᱡᱩᱞᱩ ᱱᱟᱭᱰᱩ ᱭᱤᱡ ᱫᱷᱚᱨᱚᱢ ᱮᱨᱟᱭ ᱵᱮᱱᱟᱣ ᱮᱱᱟ ᱾ ᱑᱙᱑᱔ ᱥᱟᱞᱮᱨᱮ ᱤᱸᱜᱽᱞᱮᱸᱰ ᱨᱮ ᱱᱩᱭ ᱫᱚ ᱯᱩᱭᱞᱩ ᱫᱷᱟᱣ ᱜᱟᱱᱫᱷᱤ ᱡᱤ ᱥᱟᱶ ᱮ ᱧᱟᱯᱟᱢ ᱞᱮᱱᱟ ᱟᱨ ᱩᱱᱤᱭᱟᱜ ᱠᱟᱛᱷᱟ ᱨᱮ ᱢᱩᱦᱤᱛ ᱠᱟᱛᱮ ᱫᱤᱥᱚᱢ ᱞᱟᱹᱜᱤᱫ ᱮ ᱟᱞᱟᱭ ᱮᱱᱟ ᱾ ᱢᱤᱫ ᱫᱟᱲᱮᱭᱟᱱ ᱢᱟᱬᱛᱮ ᱞᱮᱠᱟ ᱡᱚᱜᱚ ᱴᱷᱟᱶ ᱨᱮᱜᱮ ᱟᱡᱟᱜ ᱜᱩᱱ ᱵᱤᱨᱫᱟᱹᱭ ᱩᱫᱩᱜ ᱥᱚᱫᱚᱨ ᱟᱠᱟᱜᱼᱟ (ᱥᱚᱛᱭᱟᱜᱨᱚᱦᱚ ᱦᱩᱭ ᱠᱚᱜ ᱟᱨᱵᱟᱝ ᱜᱟᱶᱛᱟ ᱨᱮᱭᱟᱜ ᱠᱟᱛᱷᱟ ) ᱾ ᱟᱡᱟᱜ ᱛᱟᱹᱨᱤ ᱨᱮ ᱟᱹᱰᱤᱜᱟᱱ ᱡᱟᱹᱛᱤᱭᱟᱹᱨᱤ ᱦᱩᱞᱥᱟᱹᱭ ᱦᱩᱭ ᱟᱠᱟᱱᱟ ᱟᱨ ᱚᱱᱟ ᱠᱷᱟᱹᱛᱤᱨ ᱟᱹᱰᱤ ᱵᱮᱲᱟᱨᱮ ᱡᱤᱦᱚᱞ ᱦᱚᱸᱭ ᱥᱮᱱ ᱟᱠᱟᱱᱟ ᱾ ᱟᱱᱟᱴ ᱵᱮᱲᱟᱨᱮ ᱵᱟᱝ ᱵᱚᱛᱚᱨ ᱠᱟᱛᱮ ᱟᱡ ᱫᱚ ᱢᱤᱫ ᱱᱮᱢᱚᱥ ᱵᱤᱨᱵᱷᱟᱱᱴᱟ ᱞᱮᱠᱟ ᱟᱹᱛᱩ ᱟᱹᱛᱩ ᱫᱟᱬᱟ ᱠᱟᱛᱮ ᱫᱤᱥᱚᱢ ᱫᱩᱞᱟᱹᱲ ᱨᱮᱭᱟᱜ ᱩᱭᱦᱟᱹᱨ ᱥᱟᱨᱥᱟᱣ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱟᱨ ᱫᱤᱥᱚᱢ ᱦᱚᱲ ᱠᱚ ᱴᱷᱮᱱ ᱫᱤᱥᱚᱢ ᱞᱟ.ᱜᱤᱫ ᱟᱠᱚᱣᱟᱜ ᱟᱺᱜᱤᱵᱷᱟᱨ ᱩᱭᱦᱟᱹᱨ ᱟᱠᱚ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱟᱡᱟᱜ ᱜᱟᱞᱚᱪ ᱛᱮ ᱦᱚᱲᱟᱜ ᱨᱤᱫᱟᱹᱭ ᱮ ᱵᱚᱲᱦᱮ ᱮᱫ ᱛᱟᱦᱮᱸᱫ ᱟᱨ ᱫᱤᱥᱚᱢ ᱞᱟᱹᱜᱤᱫ ᱯᱩᱨᱟᱹ ᱯᱩᱨᱤ ᱟᱞᱟᱭᱚᱜ ᱞᱟ.ᱜᱤᱫ ᱮ ᱩᱫᱽᱜᱟᱹᱣ ᱮᱫ ᱠᱚ ᱛᱟᱦᱮᱸᱫ ᱾ ᱟᱡ ᱟᱹᱰᱤᱜᱟᱱ ᱯᱟ. ᱨᱥᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱟᱨ ᱴᱚᱴᱷᱟ ᱞᱮᱠᱟᱛᱮ ᱟᱡᱟᱜ ᱜᱟᱞᱚᱪ ᱫᱚ ᱦᱤᱱᱫᱤ, ᱤᱸᱜᱽᱞᱤᱥ, ᱵᱟᱸᱜᱽᱞᱟ, ᱜᱩᱡᱽᱨᱟᱛᱤ ᱮᱢᱟᱱ ᱛᱮᱭ ᱮᱢ ᱮᱫ ᱛᱟᱦᱮᱸᱫ ᱾ ᱞᱚᱱᱰᱚᱱ ᱨᱮᱭᱟᱜ ᱥᱚᱵᱷᱟ ᱟᱠᱷᱲᱟ ᱨᱮ ᱤᱸᱜᱽᱞᱤᱥ ᱛᱮ ᱜᱟᱞᱚᱪ ᱠᱟᱛᱮ ᱚᱸᱰᱮ ᱠᱚ ᱥᱮᱴᱮᱨ ᱞᱮᱱ ᱡᱚᱛᱚ ᱟᱸᱡᱚᱢᱤᱭᱟᱹ ᱠᱚᱭ ᱢᱟᱱᱛᱟᱨ ᱢᱩᱦᱤᱛ ᱞᱮᱫ ᱠᱚᱣᱟ
ᱟᱡᱟᱜ ᱦᱚᱲ ᱫᱩᱞᱟᱹᱲ ᱟᱨ ᱱᱟᱯᱟᱭ ᱜᱩᱱ ᱵᱤᱨᱫᱟ. ᱠᱷᱟ.ᱛᱤᱨ ᱑᱙᱒᱕ ᱥᱟᱞᱮᱨᱮ ᱠᱟᱱᱯᱩᱨ ᱨᱮ ᱦᱩᱭ ᱮᱱ ᱠᱚᱸᱜᱽᱨᱮᱥ ᱠᱚᱱᱵᱷᱮᱱᱥᱳᱱ ᱨᱤᱱᱤᱡ ᱟᱡ ᱫᱚ ᱯᱟᱨᱥᱮᱛ ᱮ ᱵᱮᱱᱟᱣ ᱮᱱᱟ ᱟᱨ ᱑᱙᱓᱒ ᱥᱟᱞᱮ ᱨᱮ ᱥᱤᱧᱚᱛ ᱨᱤᱱᱤᱡ ᱨᱤᱯᱨᱮᱸᱡᱮᱱᱴᱮᱴᱤᱵᱽ ᱵᱮᱱᱟᱣ ᱠᱟᱛᱮ ᱠᱚᱧᱮ ᱟᱯᱨᱤᱠᱟ ᱦᱚᱸᱭ ᱪᱟᱞᱟᱣᱟ ᱾ ᱥᱤᱧᱚᱛ ᱨᱮᱭᱟᱜ ᱯᱷᱩᱨᱜᱟᱹᱞ ᱟᱢᱮᱴ ᱮᱱ ᱛᱟᱭᱚᱢ ᱩᱛᱚᱨ ᱯᱨᱚᱫᱮᱥ ᱨᱤᱱᱤᱡ ᱯᱩᱭᱞᱩ ᱨᱟᱡᱽᱯᱟᱞ ᱮ ᱵᱮᱱᱟᱣ ᱮᱱᱟ ᱾ ᱢᱟᱹᱱᱤᱡ ᱮᱱᱤ ᱵᱮᱥᱚᱸᱛ ᱤᱡ ᱫᱩᱞᱟᱹᱲ ᱡᱚᱴᱟᱣ ᱟᱨ ᱜᱟᱱᱫᱷᱤ ᱡᱤ ᱭᱤᱡ ᱱᱩᱭ ᱫᱩᱞᱟᱹᱲ ᱟᱪᱮᱛᱤᱭᱟᱹ ᱫᱚ ᱟᱡᱟᱜ ᱯᱩᱨᱟᱹ ᱡᱤᱭᱚᱱ ᱫᱤᱥᱚᱢ ᱞᱟᱹᱜᱤᱫ ᱮ ᱟᱞᱟᱭ ᱜᱚᱫ ᱠᱟᱫᱼᱟ ᱾ ᱒ ᱢᱟᱨᱪ ᱑᱙᱔᱙ ᱥᱟᱞᱮᱨᱮ ᱟᱡᱟᱜ ᱜᱩᱨ ᱫᱚ ᱦᱩᱭ ᱮᱱᱟ ᱾ ᱑᱓ ᱯᱷᱮᱵᱽᱨᱩᱣᱟᱨᱤ ᱑᱙᱖᱔ ᱨᱮ ᱥᱤᱧᱚᱛ ᱥᱚᱨᱠᱟᱨ ᱫᱚ ᱟᱡᱟᱜ ᱥᱮᱨᱢᱟᱠᱤᱭᱟᱹ ᱡᱟᱱᱟᱢ ᱢᱟᱦᱟᱸᱨᱮ ᱩᱱᱤᱭᱟᱜ ᱢᱟᱹᱱ ᱦᱟᱞᱟᱝ ᱞᱟᱹᱜᱤᱫ ᱑᱕ ᱱᱟᱣᱟ ᱠᱟᱹᱣᱰᱤ ᱨᱮᱭᱟᱜ ᱢᱤᱫ ᱰᱟᱠ ᱴᱤᱠᱮᱴ ᱮ ᱩᱫᱩᱜ ᱥᱚᱫᱚᱨ ᱞᱮᱜᱼᱟ ᱾
ᱨᱟᱡᱽᱯᱟᱞ
ᱥᱟᱯᱲᱟᱣᱯᱷᱩᱨᱜᱟᱹᱞ ᱟᱢᱮᱴ ᱮᱱ ᱛᱟᱭᱚᱢ ᱫᱤᱥᱚᱢ ᱫᱚ ᱚᱱᱟ ᱡᱚᱥ ᱫᱷᱟᱹᱵᱤᱡ ᱥᱮᱴᱮᱨ ᱟᱠᱟᱫ ᱱᱮᱛᱟ ᱠᱚ ᱥᱟᱢᱟᱝ ᱨᱮ ᱱᱤᱛᱚᱜ ᱫᱚ ᱮᱴᱟᱜ ᱠᱟᱹᱢᱤ ᱛᱟᱦᱮᱸ ᱠᱟᱱᱟ ᱾ ᱛᱮᱦᱮᱧ ᱫᱷᱟ.ᱵᱤᱡ ᱩᱱᱤ ᱫᱚ ᱞᱟᱹᱲᱦᱟᱹᱭ ᱟᱠᱟᱭ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟᱹᱱ ᱱᱤᱛᱚᱜ ᱫᱚ ᱫᱤᱥᱚᱢ ᱵᱮᱱᱟᱣ ᱨᱮᱭᱟᱜ ᱟᱺᱜᱤᱵᱷᱟᱨ ᱟᱡᱟᱜ ᱛᱟᱨᱮᱱ ᱪᱮᱛᱟᱱ ᱨᱮ ᱯᱟᱲᱟᱣ ᱦᱮᱡ ᱟᱠᱟᱱ ᱛᱟᱦᱮᱸᱫ ᱾ ᱛᱤᱱᱟᱹᱝ ᱜᱟᱱ ᱱᱮᱛᱟ ᱠᱚᱫᱚ ᱥᱚᱨᱠᱟᱨᱤᱭᱟᱹ ᱡᱚᱱᱛᱨᱚ ᱟᱨ ᱯᱨᱚᱥᱟᱥᱚᱱ ᱨᱮ ᱪᱟᱹᱠᱨᱤ ᱠᱚ ᱮᱢᱟᱫ ᱠᱚ ᱛᱟᱦᱮᱸᱫ ᱾ ᱚᱱᱟᱨᱮ ᱥᱚᱨᱳᱡᱤᱱᱤ ᱱᱟᱭᱰᱩ ᱦᱚᱸ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱩᱛᱚᱨ ᱯᱨᱚᱫᱮᱥ ᱨᱤᱱᱤᱡ ᱨᱟᱡᱽᱯᱟᱞ ᱞᱮᱠᱟᱛᱮ ᱵᱷᱤᱥᱮᱞᱮᱫ ᱦᱩᱭ ᱞᱮᱱᱟ ᱾ ᱚᱱᱟ ᱫᱚ ᱯᱟᱥᱱᱟᱣ ᱟᱨ ᱦᱚᱲ ᱮᱞᱮᱞ ᱞᱮᱠᱟᱛᱮ ᱫᱤᱥᱚᱢ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱴᱚᱴᱷᱟ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱢᱟ.ᱪᱤᱭ ᱟᱯᱱᱟᱨ ᱮᱫ ᱛᱩᱞᱩᱡ ᱩᱱᱤᱭ ᱢᱮᱱ ᱠᱮᱫᱼᱟ, "ᱤᱧ ᱫᱚ ᱱᱤᱛᱚᱜ ᱦᱟᱹᱲᱤ ᱟᱠᱟᱱ ᱵᱤᱨ ᱨᱤᱱᱤᱡ ᱪᱮᱬᱮ" ᱞᱮᱠᱟᱹᱧ ᱵᱩᱡᱷᱟᱹᱣᱮᱜᱼᱟ ᱾ ᱤᱠᱷᱟᱹᱱ ᱟᱡ ᱫᱚ ᱢᱟᱨᱟᱝ ᱢᱚᱱᱛᱨᱤ ᱡᱚᱵᱟᱦᱚᱨᱞᱟᱞ ᱱᱮᱦᱨᱩᱣᱟᱜ ᱟᱸᱥ ᱵᱟᱭ ᱮᱨᱮᱲ ᱫᱟᱲᱮᱭᱟᱫᱼᱟ ᱡᱟᱦᱟᱸᱭ ᱞᱟᱹᱜᱤᱫ ᱟᱡᱟᱜ ᱢᱚᱱᱮᱨᱮ ᱜᱟᱺᱦᱤᱨ ᱜᱚᱨᱚᱡᱽ ᱟᱨ ᱫᱩᱞᱟᱹᱲ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱠᱷᱟᱹᱛᱤᱨ ᱟᱡ ᱫᱚ ᱞᱚᱠᱷᱱᱚᱣ ᱪᱟᱞᱟᱣ ᱠᱟᱛᱮ ᱚᱸᱰᱮᱭ ᱵᱚᱥᱠᱚᱫ ᱮᱱᱟ ᱟᱨ ᱚᱸᱰᱮ ᱱᱟᱯᱟᱨ ᱟᱨ ᱜᱚᱨᱚᱵᱽ ᱯᱮᱨᱮᱡ ᱵᱮᱵᱷᱟᱭ ᱦᱚᱛᱮᱛᱮ ᱟᱡᱟᱜ ᱨᱟᱡᱽᱟᱹᱨᱤᱭᱟᱜ ᱟᱺᱜᱤᱵᱷᱟᱨ ᱱᱟᱯᱟᱭ ᱛᱮᱭ ᱛᱚᱨᱟᱣ ᱠᱮᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱠᱩᱣᱚᱴ ᱨᱮ ᱥᱚᱨᱳᱡᱤᱱᱤ ᱱᱟᱭᱰᱩ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱥᱚᱨᱳᱡᱤᱱᱤ ᱱᱟᱭᱰᱩ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- The poetry of Sarojini Naidu: A fusion of English language and Indian culture
- Biography and Poems of Sarojini Naidu
- Letter written by Sarojini Naidu
- Sarojini Naidu: An introduction to her life, work, and poetry By Vishwanath S. Naravane
- Sarojini Naidu materials at the South Asian American Digital Archive (SAADA)