ᱥᱟᱛᱱᱟ
ᱥᱟᱛᱱᱟ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱥᱟᱛᱱᱟ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱦᱚᱸ ᱢᱮᱱᱟᱜᱼᱟ ᱾
| ᱥᱟᱛᱱᱟ | |
|---|---|
| ᱥᱚᱦᱚᱨ | |
 ᱥᱟᱛᱱᱟ ᱨᱮ ᱵᱤᱨᱞᱟ ᱟᱥᱯᱟᱛᱟᱞ | |
  ᱥᱟᱛᱱᱟ | |
| Coordinates: 24°36′02″N 80°49′56″E / 24.6005°N 80.8322°ECoordinates: 24°36′02″N 80°49′56″E / 24.6005°N 80.8322°E | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱢᱚᱫᱷᱭᱚ ᱯᱨᱚᱫᱮᱥ |
| ᱦᱚᱱᱚᱛ | ᱥᱟᱛᱱᱟ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱢᱟᱭᱚᱨ ᱯᱚᱨᱤᱥᱚᱫᱽ |
| • ᱪᱟᱪᱞᱟᱣ | ᱥᱟᱛᱱᱟ ᱱᱚᱜᱚᱨ ᱱᱤᱜᱟᱢ |
| • ᱢᱟᱭᱚᱨ | ᱢᱚᱢᱛᱟ ᱯᱟᱱᱰᱮ (BJP) |
| • MP | ᱜᱚᱱᱮᱥ ᱥᱤᱝ (BJP) |
| • MLA | ᱥᱤᱫᱫᱷᱟᱨᱛᱷ ᱠᱩᱥᱣᱟᱦᱟ (INC) |
| ᱩᱥᱩᱞ | 315 ᱢᱤᱴᱚᱨ (1033 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑)[᱑] |
| • ᱞᱮᱠᱷᱟᱜᱩᱴ | ᱒᱘᱐,᱒᱒᱒ |
| • ᱫᱷᱟᱹᱲ ᱮᱞ | ᱘ ᱟᱱᱟᱜ (ᱯᱚᱱᱚᱛ ᱨᱮ) |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | ᱔᱘᱕᱐᱐᱑ |
| ᱴᱮᱞᱤᱯᱷᱚᱱ ᱠᱳᱰ | (+᱙᱑)᱐᱗᱖᱗᱒ |
| ᱜᱟᱹᱰᱤ ᱨᱤᱡᱤᱥᱴᱨᱤ | MP-19 |
| ᱥᱚᱨᱠᱟᱨᱤ ᱯᱟᱹᱨᱥᱤ | ᱦᱤᱱᱫᱤ[᱒] |
| ᱣᱮᱵᱽᱥᱟᱭᱤᱴ | satna |
ᱚᱛᱱᱚᱜ ᱥᱟᱯᱲᱟᱣ
ᱥᱟᱛᱱᱟ 24°20′N 80°29′E / 24.34°N 80.49°E ᱨᱮ ᱓᱑᱕ ᱢᱤᱴᱚᱨ (᱑,᱓᱕᱒ ᱯᱷᱤᱴ) ᱩᱥᱩᱞ ᱥᱟᱶ ᱢᱮᱱᱟᱜᱼᱟ ᱾[᱓] ᱴᱷᱟᱶ ᱰᱚᱞᱚᱢᱟᱭᱤᱴ ᱠᱷᱟᱫᱟᱱ ᱟᱨ ᱪᱩᱱᱟ ᱫᱷᱤᱨᱤ ᱞᱟᱹᱜᱤᱫ ᱛᱮ ᱯᱷᱮᱢᱚᱥ ᱟᱠᱟᱱᱟ ᱾
ᱦᱚᱲ ᱞᱮᱠᱷᱟ ᱥᱟᱯᱲᱟᱣ
᱒᱐᱑᱑ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱥᱟᱛᱱᱟ ᱨᱤᱱ ᱜᱩᱴ ᱦᱚᱲ ᱮᱞ ᱒᱘᱐,᱒᱒᱒ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱠᱟᱨᱮ ᱑᱔᱗,᱘᱗᱔ ᱠᱚᱲᱟ ᱟᱨ ᱑᱓᱒,᱓᱔᱘ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱐ ᱠᱷᱚᱱ ᱖ ᱵᱚᱪᱷᱚᱨ ᱩᱢᱚᱨ ᱵᱷᱤᱛᱤᱨ ᱨᱤᱱ ᱦᱚᱲ ᱮᱞ ᱓᱒,᱗᱗᱔ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱠᱟᱨᱮ ᱗᱔.᱙% ᱦᱚᱲ ᱮᱞ ᱗᱙.᱕% ᱠᱚᱲᱟ ᱟᱜ ᱥᱮᱪᱮᱫ ᱟᱨ ᱖᱙.᱗% ᱛᱤᱨᱞᱟᱹ ᱥᱮᱪᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾ ᱥᱟᱛᱱᱟ ᱨᱮᱱᱟᱜ ᱗+ ᱦᱚᱲ ᱮᱞ ᱨᱮᱱᱟᱜ ᱥᱮᱪᱮᱫ ᱫᱚᱨ ᱘᱔.᱘% ᱛᱟᱦᱮᱸ ᱠᱟᱱᱟ, ᱚᱠᱟᱨᱮ ᱠᱚᱲᱟ ᱟᱜ ᱥᱮᱪᱮᱫ ᱙᱐.᱑% ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱫᱚᱨ ᱗᱘.᱙% ᱛᱟᱦᱮᱸ ᱠᱟᱱᱟ ᱾ ᱜᱮᱨ ᱟᱹᱫᱤᱵᱟᱹᱥᱤ ᱟᱜ ᱦᱚᱲ ᱮᱞ ᱓᱘,᱙᱗᱘ ᱟᱨ ᱟᱹᱫᱤᱵᱟᱹᱥᱤ ᱟᱜ ᱦᱚᱲ ᱮᱞ ᱙,᱓᱘᱑ ᱦᱚᱲ ᱛᱟᱦᱮᱸ ᱠᱟᱱᱟ ᱾ ᱒᱐᱑᱑ ᱨᱮ ᱥᱟᱛᱱᱟ ᱨᱮ ᱕᱔᱖᱙᱙ ᱚᱲᱟᱜ ᱛᱟᱦᱮᱸ ᱠᱟᱱᱟ ᱾ [᱑]
᱒᱐᱐᱑ ᱥᱟᱹᱦᱤᱛ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱥᱟᱛᱱᱟ ᱨᱤᱱ ᱦᱚᱲ ᱮᱞ ᱒᱒᱕,᱔᱖᱘ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱠᱟᱨᱮ ᱑᱒᱐,᱒᱐᱓ ᱠᱚᱲᱟ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱑᱐᱕,᱒᱖᱕ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱥᱟᱛᱱᱟ ᱨᱮᱱᱟᱜ ᱥᱮᱪᱮᱫ ᱫᱚᱨ ᱖᱙.᱖% ᱢᱮᱱᱟᱜᱼᱟ, ᱚᱠᱟᱨᱮ ᱠᱚᱲᱟ ᱟᱜ ᱥᱮᱪᱮᱫ ᱗᱖.᱒% ᱢᱮᱱᱟᱜᱼᱟ, ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱖᱒.᱑% ᱢᱮᱱᱟᱜᱼᱟ ᱾ ᱥᱟᱛᱱᱟ ᱨᱮ, ᱐ ᱠᱷᱚᱱ ᱖ ᱵᱚᱪᱷᱚᱨ ᱩᱢᱚᱨ ᱨᱮ ᱦᱚᱲ ᱮᱞ ᱓᱓,᱒᱐᱕ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱔]
ᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ ᱥᱟᱯᱲᱟᱣ
ᱥᱚᱲᱚᱠ ᱰᱟᱦᱟᱨ ᱥᱟᱯᱲᱟᱣ
ᱵᱟᱥ ᱥᱮᱵᱟ ᱨᱮ ᱥᱟᱛᱱᱟ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱵᱷᱤᱱᱮ ᱵᱷᱤᱱᱮ ᱥᱚᱦᱚᱨ ᱟᱨ ᱩᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱛᱟᱨᱟ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱥᱚᱦᱚᱨ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱟᱨ ᱢᱤᱫ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱤᱫᱤ ᱛᱮ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱥᱟᱛᱱᱟ ᱟᱹᱰᱤ ᱡᱤᱞᱤᱧ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱛᱮ ᱡᱚᱲᱟᱣ ᱟᱠᱟᱱᱟ : NH-7 ᱾ ᱯᱚᱱᱚᱛ ᱨᱟᱡᱽᱰᱟᱦᱟᱨ NH-75 ᱥᱟᱛᱱᱟ ᱛᱟᱞᱟ ᱞᱮᱠᱟᱛᱮ ᱥᱮᱱ ᱟᱠᱟᱱᱟ ᱟᱨ ᱱᱚᱣᱟ ᱯᱟᱱᱱᱟ ᱟᱨ ᱨᱤᱣᱟ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ, ᱱᱚᱣᱟ ᱠᱚᱧᱮ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱮᱢᱟᱱ ᱞᱟᱹᱠᱛᱤᱭᱟᱱ ᱥᱚᱦᱚᱨ ᱢᱮᱱᱟᱜᱼᱟ ᱾
ᱨᱮᱞ ᱰᱟᱦᱟᱨ ᱥᱟᱯᱲᱟᱣ
ᱥᱟᱛᱱᱟ ᱡᱚᱸᱠᱥᱚᱱ[᱕] ᱨᱮᱞᱣᱮ ᱥᱴᱮᱥᱚᱱ (IRCTC ᱠᱳᱝ STA) ᱡᱟᱵᱟᱞᱯᱩᱨ ᱡᱚᱸᱠᱥᱚᱱ ᱟᱨ ᱤᱞᱞᱟᱦᱟᱵᱟᱫᱽ ᱨᱮᱱᱟᱜ ᱛᱟᱞᱟ ᱰᱟᱦᱟᱨ ᱨᱮ ᱯᱟᱪᱮᱼᱛᱟᱢᱞᱟ ᱨᱮᱞᱣᱮ ᱠᱷᱚᱸᱰ ᱨᱮ ᱢᱤᱫ ᱥᱴᱮᱥᱚᱱ ᱢᱮᱱᱟᱜᱼᱟ ᱾ ᱱᱚᱣᱟ ᱢᱤᱫ ᱡᱚᱸᱠᱥᱚᱱ ᱢᱮᱱᱟᱜᱼᱟ ᱟᱨ ᱵᱨᱟᱝᱪ ᱨᱤᱣᱟ ᱫᱷᱟᱵᱤᱡ ᱥᱮᱱᱚᱜᱼᱟ ᱾ ᱱᱚᱣᱟ ᱦᱟᱵᱽᱲᱟᱼᱚᱦᱢᱚᱫᱟᱵᱟᱫᱽᱼᱢᱩᱢᱵᱟᱭ ᱞᱟᱭᱤᱱ, ᱢᱩᱢᱵᱟᱭ ᱟᱨ ᱦᱟᱵᱽᱲᱟ ᱡᱚᱲᱟᱣ ᱟᱜ ᱢᱤᱫ ᱨᱮᱞ ᱰᱟᱦᱟᱨ ᱨᱮ ᱢᱮᱱᱟᱜᱼᱟ ᱾ ᱯᱟᱪᱮ ᱛᱟᱞᱢᱟ ᱨᱮᱞᱣᱮ ᱞᱟᱹᱜᱤᱫ ᱛᱮ ᱢᱤᱫ ᱰᱤᱡᱮᱞ ᱞᱚᱠᱚᱥᱮᱰ ᱥᱚᱦᱚᱨ ᱨᱮ ᱢᱮᱱᱟᱜᱼᱟ ᱾ ᱥᱟᱛᱱᱟ ᱠᱷᱚᱱ ᱡᱟᱵᱟᱞᱯᱩᱨ ᱡᱚᱸᱠᱥᱚᱱ ᱥᱟᱸᱜᱤᱧᱟ ᱒᱐᱐ ᱠᱤᱞᱚᱢᱤᱴᱚᱨ ᱟᱨ ᱤᱞᱞᱟᱦᱟᱵᱟᱫᱽ ᱑᱘᱖ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾
ᱩᱰᱟᱹᱱ ᱰᱟᱦᱟᱨ ᱥᱟᱯᱲᱟᱣ
ᱥᱟᱛᱱᱟ ᱨᱮ ᱢᱤᱫ ᱩᱰᱟᱹᱱ ᱯᱟᱴᱴᱤ ᱢᱮᱱᱟᱜᱼᱟ ᱚᱠᱟ ᱥᱟᱛᱱᱟ ᱩᱰᱟᱹᱱ ᱯᱟᱴᱴᱤ ᱠᱚ ᱢᱮᱛᱟᱜᱼᱟ, ᱚᱠᱟ ᱑᱙᱗᱐ ᱨᱮ ᱵᱮᱱᱟᱜ ᱞᱮᱱᱟ ᱛᱟᱦᱮᱸᱫ ᱾[᱖] ᱥᱩᱨ ᱨᱮᱱᱟᱜ ᱢᱩᱬ ᱩᱰᱟᱹᱱ ᱰᱟᱹᱦᱤ ᱩᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱤᱞᱞᱟᱦᱟᱵᱟᱫᱽ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱥᱟᱛᱱᱟ ᱠᱷᱚᱱ ᱑᱙᱒ ᱠᱤᱞᱚᱢᱤᱴᱚᱨ ᱥᱟᱸᱜᱤᱧᱟ ᱾ ᱯᱚᱱᱚᱛ ᱨᱮ ᱥᱟᱛᱱᱟ ᱞᱟᱹᱜᱤᱫ ᱛᱮ ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱡᱟᱵᱟᱞᱯᱩᱨ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ ᱱᱚᱣᱟ ᱥᱚᱦᱚᱨ ᱠᱷᱚᱱ ᱒᱐᱐ ᱠᱤᱞᱚᱢᱤᱴᱚᱨ ᱥᱟᱸᱜᱤᱧᱟ ᱾[᱗] ᱢᱤᱫᱴᱟᱝ ᱩᱰᱟᱹᱱ ᱰᱟᱹᱦᱤ ᱠᱷᱚᱡᱩᱨᱟᱦᱚ ᱩᱰᱟᱹᱱ ᱰᱟᱹᱦᱤ (HJR) ᱢᱮᱱᱟᱜᱼᱟ ᱱᱚᱣᱟ ᱥᱚᱦᱚᱨ ᱠᱷᱚᱱ ᱑᱑᱒ ᱠᱤᱞᱚᱢᱤᱴᱚᱨ ᱥᱟᱸᱜᱤᱧᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ ᱑.᱐ ᱑.᱑ "Census of India: Satna". www.censusindia.gov.in. Retrieved 9 October 2019.
- ↑ "52nd REPORT OF THE COMMISSIONER FOR LINGUISTIC MINORITIES IN INDIA" (PDF). nclm.nic.in. Ministry of Minority Affairs. Archived from the original (PDF) on 25 May 2017. Retrieved 14 April 2019.
- ↑ "Falling Rain Genomics, Inc -Satna". Fallingrain.com. Retrieved 31 August 2011.
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 16 June 2004. Retrieved 1 November 2008.
- ↑ http://www.wcr.indianrailways.gov.in/uploads/files/1389008100508-Microsoft%20Word%20-%20STA.pdf
- ↑ "Airports Authority of India:Satna". aai.aero. Airports Authority of India. Archived from the original on 25 February 2008. Retrieved 30 November 2016.
- ↑ "Airports Authority of India:Jabalpur". aai.aero. Airports Authority of India. Retrieved 30 November 2016.